Тексты для упражнений

1) Никто́же мо́жетъ двѣма̀ господи́нома рабо́тати.

2) И҆ ви́дѣвше фарїсе́є, глаго́лахꙋ ᲂу҆ченикѡ́мъ є҆гѡ̀: почто̀ съ мытарѝ и҆ грѣ́шники ᲂу҆чи́тель ва́шъ ꙗ҆́стъ и҆ пїе́тъ.

3) Не стѧжи́те зла́та, ни сребра̀, ни мѣ́ди при поѧсѣ́хъ ва́шихъ, ни пи́ры въ пꙋ́ть, ни двою̀ ри́зꙋ, ни сапѡ́гъ, ни жезла̀: досто́инъ бо є҆́сть дѣ́латель мзды̀ своеѧ̀.

4) Не скрыва́йте себѣ̀ сокро́вищъ на землѝ, и҆дѣ́же че́рвь и҆ тлѧ̀ тли́тъ, и҆ и҆дѣ́же та́тїе подко́пываютъ и҆ кра́дꙋтъ.

5) И҆ слы́шавше а҆рхїере́їє и҆ фарїсе́є при̑тчи є҆гѡ̀, разꙋмѣ́ша, ꙗ҆́кѡ ѡ҆ ни́хъ глаго́летъ.

6) Воздади́те ᲂу҆́бо ке́сарева ке́сареви: и҆ бж҃їѧ бг҃ови.

7) І҆ерꙋсали́ме, і҆ерꙋсали́ме, и҆зби́вый прⷪ҇ро́ки и҆ ка́менїемъ побива́ѧй пѡ́сланныѧ к тебѣ̀, колькра́ты восхотѣ́хъ собра́ти ча̑да твоѧ̑, ꙗ҆́коже собира́етъ ко́кошъ птенцы̀ своѧ̑ под̾ крылѣ̑, и҆ не восхотѣ́сте;

8) Ходѧ́ же при мо́ри галїле́йстѣмъ, ви́дѣ сі́мѡна и҆ а҆ндре́а бра́та того̀ сі́мѡна, вмета̑юща мрє́жи въ мо́ре: бѣ́ста бо ры̑барѧ.

9) Го́ре ва́мъ фарїсе́ѡмъ, ꙗ҆́кѡ лю́бите предсѣда́нїѧ на со́нмищихъ и҆ цѣлова̑нїѧ на то́ржищихъ.

10) Не́бо мнѣ̀ престо́лъ є҆́сть, землѧ̀ же подно́жїе нога́ма мои́ма.

11) Гдѣ́ ти, сме́рте, жа́ло; гдѣ́ ти, а҆́де, побѣ́да;

12) Премꙋ́дрость мꙋ́жеви ражда́етъ ра́зꙋмъ.

13) До́мове беззако́нныхъ тре́бꙋютъ ѡ҆чище́нїѧ.

14) Ме́рзость гдⷭ҇еви пꙋтїѐ нечести́выхъ.

15) Тогда̀ і҆и҃съ нача́тъ поноша́ти градовѡ́мъ.

16) Нѣ́сть на́ша бра́нь къ кро́ви и҆ пло́ти, но къ нача́лѡмъ, и҆ ко власте́мъ, и҆ къ мїродержи́телємъ тьмы̀ вѣ́ка сегѡ̀, къ дꙋховѡ́мъ ѕло́бы поднебє́снымъ.

17) Раздѣ́литсѧ ѻ҆те́цъ на сы́на, и҆ сы́нъ на ѻ҆тца̀: ма́ти на дще́рь, и҆ дщѝ на ма́терь: свекры̀ на невѣ́стꙋ (свою̀), и҆ невѣ́ста на свекро́вь.

18) Да не свари́ши ꙗ҆гнѧ́те во млецѣ̀ ма́тере.

1) Мф. 6, 24. 2) Мф. 9, 11. 3) Мф. 10, 10. 4) Мф. 6, 20. 5) Мф. 21, 45. 6) Мф. 22, 21. 7) Мф. 23, 37. 8) Мр. 1, 16. 9) Лк. 11, 43. 10) Деян. 7, 49. 11) 1 Кор. 15, 55. 12) Прч. 10, 23. 13) Прч. 14, 9. 14) Прч. 15, 9. 15) Мф. 11, 20. 16) Еф. 6, 12. 17) Лк. 12, 53. 18) Исх. 23, 19.