Тексты для упражнений

1) Ше́дъ же прїе́мый пѧ́ть тала̑нтъ, дѣ́ла въ ни́хъ, и҆ сотворѝ дрꙋгі́ѧ пѧ́ть тала̑нтъ. Та́кожде и҆ и҆́же два̀, прїѡбрѣ́те и҆ то́й дрꙋга̑ѧ два̀.

2) Тогда̀ ᲂу҆подо́бисѧ црⷭ҇твїе нб҃сное десѧти́мъ дѣ́вамъ ... Пѧ́ть же бѣ̀ ѿ ни́хъ мꙋдры̀, и҆ пѧ́ть ю҆ро́дивы.

3) Двѣ̀ ме́люще въ жернова́хъ: є҆ди́на пое́млетсѧ, и҆ є҆ди́на ѡ҆ставлѧ́етсѧ.

4) Не ᲂу҆̀ ли разꙋмѣ́ете, нижѐ по́мните пѧ́ть хлѣ́бы пѧти́мъ ты́сѧщамъ, и҆ коли́кѡ кѡ́шъ взѧ́сте; Ни ли се́дмь хлѣ́бы четы́ремъ ты́сѧщамъ, и҆ коли́кѡ ко́шницъ взѧ́сте;

5) И҆ прїе́мъ пѧ́ть хлѣ̑бъ и҆ двѣ̀ ры́бѣ, воззрѣ́въ на нб҃о бл҃гословѝ.

6) По двоюна́десѧти мѣ́сѧцѣхъ въ домꙋ̀ ца́рства своегѡ̀, въ вавѷлѡ́нѣ бѣ̀ ходѧ̀, ѿвѣща̀ ца́рь, и҆ речѐ: нѣ́сть ли се́й вавѷлѡ́нъ вели́кїй ...

7) А҆ми́нь глаго́лю ва́мъ, ꙗ҆́кѡ вы̀ ше́дшїи по мнѣ̀, въ пакибытїѐ, є҆гда̀ сѧ́детъ сн҃ъ чл҃вѣ́ческїй на престо́лѣ сла́вы своеѧ̀, сѧ́дете и҆ вы̀ на двоюна́десѧте престѡ́лꙋ, сꙋдѧ́ще ѻ҆бѣмана́десѧте колѣ́нома і҆и҃левома.

8) И҆ ꙗ҆̀же къ мо́рю четы́ре ты́сѧщи и҆ пѧ́ть сѡ́тъ мѣ́рою: врата̀ тро́ѧ, врата̀ є҆ди̑на га́дова: и҆ врата̀ а҆си́рова: и҆ врата̀ нефѳали́мова є҆ди̑на. Ѡ҆крꙋ́глость же ѻ҆смина́десѧти ты́сѧщъ: и҆́мѧ же гра́дꙋ, ѿ него́же днѐ бꙋ́детъ, гдⷭ҇ь та́мѡ, бꙋ́детъ и҆́мѧ є҆мꙋ̀.

9) И҆ число̀ во́инѡвъ ко́нныхъ двѣ̀ тьмѣ̀ тє́мъ: и҆ слы́шахъ число̀ и҆́хъ.

10) И҆ напо́лнисѧ хра́мъ ды́ма ѿ сла́вы бж҃їѧ и҆ ѿ си́лы є҆гѡ̀: и҆ никто́же можа́ше вни́ти во хра́мъ, до́ндеже сконча́ютсѧ се́дмь ꙗ҆́звъ седми́хъ а҆́гг҃лъ.

11) И҆ слы́шахъ гла́съ ве́лїй ѿ хра́ма глаго́лющъ седми́мъ а҆́гг҃лѡмъ.

12) И҆ бы́сть въ четыредесѧ́тное и҆ въ четвертосо́тное лѣ́то и҆схо́да сынѡ́въ і҆сра́илевыхъ и҆з̾ є҆гѵ́пта, въ лѣ́то четве́ртое, въ мѣ́сѧцъ вторы́й, ца́рствꙋющꙋ царю̀ соломѡ́нꙋ над̾ і҆сра́илемъ, и҆ созда̀ хра́мъ гдⷭ҇еви.

13) Въ лѣ́то седмоена́десѧть факе́а сы́на ромелі́ина, воцари́сѧ а҆ха́зъ сы́нъ і҆ѡаѳа́ма царѧ̀ і҆ꙋ́дина.

14) И҆ да бꙋ́детъ разстоѧ́нїе гра́дꙋ къ сѣ́верꙋ двꙋ́стꙋ и҆ пѧти́десѧти, и҆ къ ю҆́гꙋ двꙋ́стꙋ и҆ пѧти́десѧти ...

15) И҆ въ лѣ́то сто̀ шестьдесѧ́тое взы́де а҆леѯа́ндръ сы́нъ а҆нтїо́ховъ є҆пїфа́нъ, и҆ ѡ҆держа̀ птолемаі́дꙋ, и҆ прїѧ́ша є҆го̀, и҆ ца́рствова та́мѡ.

1) Матф. 25, 16-17. 2) Матф. 25, 1-2. 3) Матф. 24, 41. 4) Матф. 16, 9-10. 5) Мр. 6, 41. 6) Дан. 4, 26-27. 7) Матф. 19, 28. 8) Иез. 48, 34-35. 9) Апок. 9, 16. 10) Апок. 15, 8. 11) Апок. 16, 1. 12) 3 Цар. 6, 1. 13) 4 Цар. 16, 1. 14) Иез. 48, 17. 15) 1 Мак. 10, 1.