ВЪ НЕДѢ́ЛЮ ПѦТЬДЕСѦ́ТНУЮ

Въ сꙋбо́тꙋ ве́черъ , на ма́лѣй вече́рни , бл҃гᲂслᲂви́вшꙋ і҆єре́ю , и҆ гл҃емъ , цр҃ю нбⷭ҇ныи , и҆ про́чее . =На гдⷭ҇и вᲂзва́хъ , стихѣ́ры , на д҃ . гла́съ , а҃ . поⷣ . нбⷭ҇нымъ чино́мъ . Ны́нѣ ѡ҆бнᲂвлѧ́ютсѧ ꙗ҆зы́цы ,꙳ вели́чїѧ бж҃їѧ и҆нᲂвѣща́нными слᲂвесы̀ ,꙳ и҆ ѻ҆́гненымъ видѣ́нїемъ ,꙳ вᲂ ᲂу҆вѣ́ренїе всѣ́мъ живꙋ́щимъ на землѝ ,꙳ пᲂвѣ́дати ꙗ҆́снѡ нн҃ѣ в̾ зна́менїе ꙗ҆зы́кᲂмъ ,꙳ и҆́стиннᲂе спасе́нїе прїи́де . =двⷤа . Ю҆́же пᲂсла́ти ѡ҆бѣща́сѧ ꙳ ᲂу҆ченико́мъ свᲂи́мъ хрⷭ҇тѐ свы́ше си́лꙋ ,꙳ сверши́въ пᲂсыла́еши ст҃ы́и сво́й дх҃ъ , пᲂказа́въ на́мъ , ꙗ҆́кѡ ты̀ є҆сѝ и҆́стина ,꙳ и҆ на тѧ̀ ᲂу҆пᲂва́ющїи бл҃же ,꙳ вᲂи́стинꙋ непᲂсрамѧ́тсѧ . Ѡ҆бѣща́нїе и҆спо́лнивъ ,꙳ свᲂегѡ̀ ᲂу҆тѣ́шителѧ ,꙳ ꙗ҆́кѡ вᲂ ѻ҆́гненыхъ ꙗ҆зы́цѣхъ пᲂсла́лъ є҆сѝ ми́рꙋ ,꙳ всѣ́хъ грѣхѝ бжⷭ҇твенымъ ѻ҆гне́мъ пᲂпали́ти ,꙳ и҆ да́ти на́мъ є҆́же к̾ немꙋ̀ ѡ҆бще́нїе чи́стᲂ ,꙳ и҆́же вѣ́рнѡ бг҃ᲂсло́вѧщимъ є҆гѡ̀ .

сла́ва , и҆ ны́нѣ , гла́съ , з҃ . Оу҆тѣ́шителѧ и҆мꙋ́ще кᲂ ѻ҆ц҃ꙋ хрⷭ҇та̀ бг҃а . ᲂу҆тѣ́шителю и҆но́мꙋ прише́дшꙋ на́ землю к̾ на́мъ дне́сь , дх҃ꙋ ст҃о́мꙋ вѣ́рᲂю пᲂклᲂни́мсѧ .

На стихо́внѣ , стихѣ́ры . гла́съ , в҃ . поⷣ . до́ме є҆вфра́фᲂвъ .= З=аре́ю бг҃ᲂнача́льнᲂю ,꙳ ᲂу҆́мъ прᲂсвѣти́вше ,꙳ ᲂу҆ченицы̀ твᲂѝ сло́ве .꙳ сꙋ́щественѣ ,꙳ дх҃ъ ст҃ы́и прїѧ́ша .

сти́хъ : срⷣце чи́стᲂ сᲂзи́жди вᲂ мнѣ̀ бж҃е , и҆ дх҃ъ пра́въ ѡ҆бнᲂвѝ вᲂ ᲂу҆тро́бѣ мо́ей . Ꙗ҆зы́цы ,꙳ ѻ҆гне́мъ свы́ше ꙳ ꙗ҆ви́шасѧ на а҆пⷭ҇лѣхъ ꙳ прᲂсвѣща́юще ,꙳ а҆ не ѡ҆палѧ́юще .

сти́хъ : не ѿве́рзи менѐ ѿ лица̀ твᲂегѡ̀ , и҆ дх҃а твᲂегѡ̀ ст҃а́гѡ не ѿи҆мѝ ѿ менѐ . Да стра́шнᲂе чꙋ́дᲂ ,꙳ ᲂу҆жаси́тъ невѣ́рныхъ ро́дъ ,꙳ и҆нѣ́ми стра́нными ꙳ ꙗ҆зы́ки ,꙳ бжⷭ҇твенаѧ вѣща́хꙋ .

сла́ва , и҆ ны́нѣ , гла́съ , и҆ поⷣ , то́йже . Свы́ше к̾ на́мъ ,꙳ ᲂу҆тѣ́шителю прише́дъ ,꙳ ꙗ҆́кᲂже пе́рвїе кᲂ а҆пⷭ҇лѡмъ ,꙳ ѡ҆ст҃ѝ и҆ спасѝ ,꙳ и҆́же тебѐ бг҃а прᲂпᲂвѣ́дающихъ .

та́же , нн҃ѣ ѿпꙋща́еши . трⷭ҇то́е , и҆ пᲂ ѻ҆́ч҃е на́шъ .

трᲂпа́рь . гла́съ , и҃ . Блгⷭ҇ве́нъ є҆сѝ хрⷭ҇тѐ бж҃е на́шъ , и҆́же премꙋ́дры лᲂвцы̀ ꙗ҆вле́и , пᲂсла́въ и҆́мъ дх҃ъ ст҃ы́и , и҆ тѣ́ми ᲂу҆лᲂвле́и вселе́ннꙋю , чл҃кᲂлю́бче сла́ва тебѣ̀ . та́же , є҆ктенїѧ̀ ма́лаѧ .= и҆ =ѿпꙋ́стъ .

На вели́цѣй вече́рни , каѳи́сма , бл҃же́нъ мꙋ́жь , всѧ̀ . вᲂскрⷭ҇нᲂ , непᲂе́мъ ничто́же . =На гдⷭ҇и вᲂзва́хъ , пᲂста́вимъ , стихѡ́въ , і҃ . и҆ пᲂе́мъ , стихѣ́ры . гла́съ , а҃ . Пѧтьдесѧ́тницꙋ пра́зднꙋемъ , и҆ дх҃а прише́ствїе , и҆ пред̾лᲂже́нїе ѡ҆бѣща́нїѧ , и҆ наде́жи сᲂверше́нїе , и҆ та́иньствᲂ є҆ли́кѡ , ꙗ҆́кѡ вели́кᲂ же и҆ че́стнᲂ . тѣ́мже вᲂпїе́мъ ти , сᲂдѣ́телю всѣ́хъ гдⷭ҇и сла́ва тебѣ̀ . =двⷤа . Ꙗ҆зы́ки и҆нᲂро́дными , ѡ҆бнᲂви́лъ є҆сѝ хрⷭ҇тѐ свᲂѧ̀ ᲂу҆ченикѝ . да тѣ́ми тѧ прᲂпᲂвѣ́дѧтъ сло́ва и҆ бг҃а , пᲂдаю́щагѡ дш҃а́мъ на́шимъ ве́лїю млⷭ҇ть . Всѧ̀ пᲂдае́тъ дх҃ъ ст҃ы́и , то́читъ прᲂро́чествїѧ , сщ҃е́нники сᲂверша́етъ , не кни́жники мꙋ́дрᲂсти наꙋчѝ , ры́бари бг҃ᲂсло́вцы пᲂказа̀ . ве́сь сᲂбира́етъ сᲂбо́ръ цр҃ко́вныи . є҆динᲂсꙋ́щне и҆ є҆динᲂ прⷭ҇то́льне , ѻ҆ц҃ꙋ и҆ сн҃ꙋ , ᲂу҆тѣ́шителю сла́ва тебѣ̀ .

и҆́ны , стихѣ́ры . гла́съ , в҃ . Вᲂ прᲂро́цѣхъ вᲂз̾вѣсти́лъ є҆сѝ на́мъ пꙋ́ть спасе́нїѧ , и҆ вᲂ а҆пⷭ҇лѣхъ вᲂсїѧ̀ , сп҃се на́шъ бл҃гᲂда́ть дх҃а твᲂегѡ̀ . ты̀ є҆сѝ бг҃ъ пе́рвыи , ты́же и҆ пᲂ си́хъ , и҆ во́ вѣки ты̀ є҆сѝ бг҃ъ на́шъ . двⷤа . Ви́дѣхᲂмъ свѣ́тъ и҆́стинныи , и҆ прїѧ́хᲂмъ дх҃ъ нбⷭ҇ныи , ѡ҆брѣто́хᲂмъ вѣ́рꙋ и҆́стиннꙋ нераздѣ́льнꙋ , трⷪ҇цѣ пᲂклᲂнѧ́емсѧ , та́ бᲂ на́съ спасла̀ є҆́сть . Вᲂ дво́рѣхъ твᲂи́хъ , пᲂю́ тѧ сп҃са ми́рꙋ . и҆ прекло́нь кᲂлѣ́на , пᲂклᲂнѧ́юсѧ твᲂе́й непᲂбѣди́мѣй си́лѣ . ве́черъ и҆ ᲂу҆́трᲂ и҆ пᲂлꙋ́дне , и҆ на всѧ́кᲂ вре́мѧ бл҃гᲂслᲂвлю́ тѧ гдⷭ҇и . Вᲂ дво́рѣхъ твᲂи́хъ гдⷭ҇и , вѣ́рнїи кᲂлѣ́на дш҃ъ и҆ тѣле́съ прекло́нше . вᲂспѣва́емъ тѧ без̾нача́льнагᲂ ѻ҆ц҃а , и҆ сᲂбезнача́льнагᲂ сн҃а , и҆ сᲂприснᲂсꙋ́щна прест҃а́гѡ дх҃а , прᲂсвѣща́ющагᲂ и҆ ѡ҆сщ҃а́ющагᲂ дш҃а на́ша . Трⷪ҇цꙋ є҆динᲂсꙋ́щнꙋю пѣснᲂсло́вимъ , ѻ҆ц҃а и҆ сн҃а , сᲂ ст҃ы́мъ дх҃ᲂмъ . сїю́ бᲂ прᲂпᲂвѣ́даша всѝ прⷪ҇ро́цы , и҆ а҆пⷭ҇ли с̾ мч҃нки .

сла́ва , и҆ ны́нѣ . гла́съ , и҃ . Прїиди́те лю́дїе , трисᲂста́внᲂмꙋ бжⷭ҇твꙋ̀ пᲂклᲂни́мсѧ , сн҃ꙋ вᲂ ѻ҆ц҃ѣ , сᲂ ст҃ы́мъ дх҃ᲂмъ . ѻ҆ц҃ъ бᲂ без̾лѣ́тнѡ рᲂдѝ сн҃а сᲂпрⷭ҇нᲂсꙋ́щна , и҆ сᲂпресто́льна , и҆ дх҃ъ ст҃ы́и бѣ̀ вᲂ ѻ҆ц҃ѣ , с̾ сы́нѡмъ прᲂславлѧ́емъ . є҆ди́на си́ла , и҆ є҆ди́нᲂ сꙋщество̀ , и҆ є҆ди́нᲂ бжⷭ҇тво̀ . є҆мꙋ́же пᲂкланѧ́ющесѧ всѝ глаго́лемъ , ст҃ы́и бж҃е , и҆́же всѧ̀ сᲂдѣва́ѧ с̾ сы́нѡмъ , и҆ спᲂспѣше́нїемъ прест҃а́гѡ дх҃а . ст҃ы́и крѣ́пкїи , и҆́мже ѻ҆ц҃а пᲂзна́хᲂмъ , и҆ дх҃ъ ст҃ы́и прїи́де в̾ ми́ръ , ст҃ы́и без̾сме́ртне , ᲂу҆тѣ́шительныи дш҃е , и҆́же ѿ ѻ҆ц҃а и҆схᲂдѧ́и , и҆ на́ сн҃ѣ пᲂчива́ѧи . трⷪ҇це ст҃а́ѧ сла́ва тебѣ̀ . вы́хᲂдъ , прᲂки́менъ дню̀ .

Ѿ= чи́слъ , чте́нїе .=

Речѐ гдⷭ҇ь к̾ мѡѷсе́ю , сᲂбери́ ми се́дмьдесѧтъ мꙋ́жъ , ѿ ста́рецъ і҆и҃левыхъ , и҆́хже са́мъ ты̀ вѣ́си , ꙗ҆́же сꙋ́ть ста́рцы люд̾сті́и , и҆ кни́жники и҆́хъ . и҆ приведе́ши и҆́хъ в̾ сѣ́нь свидѣ́нїѧ , и҆ ста́нꙋтъ тꙋ̀ с̾ тᲂбо́ю . и҆ сни́дꙋ и҆ глаго́лю с̾ тᲂбо́ю тꙋ̀ , и҆ ѿи҆мꙋ̀ ѿ́ дх҃а сꙋ́щагѡ в̾ тебѣ̀ , и҆ пᲂлᲂжꙋ̀ на ни́хъ , и҆ застꙋ́пѧтъ с̾ тᲂбо́ю стремле́нїе лю́демъ , и҆ нево́диши и҆́хъ ты̀ є҆ди́нъ . и҆ сᲂбра̀ мѡѷсе́й , се́дмьдесѧтъ мꙋ́жъ , ѿ ста́рецъ люде́й , и҆ пᲂста́ви и҆́хъ ѻ҆́крⷭ҇тъ сѣ́ни . и҆ сни́де гдⷭ҇ь вᲂ ѻ҆́блацѣ , и҆ гл҃а мѡѷсе́ю , и҆ взѧ́тъ ѿ́ дх҃а ст҃а́гѡ и҆́же в̾ не́мъ , и҆ вᲂзлᲂжѝ на се́дмьдесѧтъ мꙋ́жъ ста́рческихъ . и҆ ꙗ҆́кᲂже препᲂчѝ дх҃ъ на ни́хъ и҆ прᲂро́чествᲂваша в̾ станꙋ̀ , и҆ пᲂсе́мъ непреста́ша . и҆ ѡ҆ста́ста два̀ мꙋ́жа в̾ пᲂлцѣ̀ и҆́мѧ є҆ди́нᲂмꙋ є҆лда́дъ , и҆ и҆́мѧ втᲂро́мꙋ мᲂда́дъ , и҆ пᲂчѝ и҆ на ни́хъ дх҃ъ . и҆ сїѝ бѣ́ста ѿ напи́саныхъ и҆ непрїидо́ша в̾ сѣ́нь , и҆ прᲂро́чествᲂваша в̾ станꙋ̀ . и҆ прите́къ ю҆́нᲂша и҆ вᲂз̾вѣстѝ мѡѷсе́ю и҆ речѐ є҆мꙋ̀ гл҃ѧ , є҆лда́дъ и҆ мᲂда́дъ прᲂро́чествꙋютъ в̾ станꙋ̀ . и҆ ѿвѣща̀ и҆сꙋ́съ на́ввинъ , пред̾стᲂѧ́й мѡѷсе́ю и҆збра́нныи є҆гѡ̀ , и҆ речѐ , гдⷭ҇и мо́й мѡѷсе́е , запретѝ и҆́мъ . рече́ же є҆мꙋ̀ мѡѷсе́й , є҆да̀ зави́диши ты̀ мнѣ̀ , и҆ кто̀ да́стъ всѣ́мъ лю́демъ гдⷭ҇нимъ бы́ти прᲂро́ки , є҆гда̀ да́стъ гдⷭ҇ь дх҃ъ сво́й на ни́хъ .

Ѿ прᲂро́чества і҆ѡ́илева , чте́нїе .

Та́кѡ гл҃етъ гдⷭ҇ь , ча́да сїѡ́нᲂва ра́дꙋйтесѧ , и҆ весели́тесѧ ѡ҆́ гдⷭ҇ѣ бз҃ѣ ва́шемъ , ꙗ҆́кѡ да́стъ ва́мъ бра́шна в̾ пра́вдꙋ , и҆ ѡ҆дᲂжди́тъ ва́мъ до́ждь ра́нъ и҆ по́зденъ , ꙗ҆́кᲂже и҆ пре́жде . и҆ напо́лнѧтсѧ гꙋ́мна ва́ша пшени́цы , и҆ и҆злїю́тсѧ тᲂчи́лїѧ вина̀ и҆ ма́сла , и҆ да́мъ ва́мъ вмѣ́стѡ лѣ́тъ и҆́хже пᲂѧдо́ша прꙋ́зи и҆ гꙋ́сеницы , и҆ ржа̀ и҆ хрꙋ́стᲂве , си́ла мᲂѧ̀ вели́каѧ ꙗ҆́же пᲂсла́хъ на вы̀ , и҆ снѣ́сте ꙗ҆дꙋ́ще и҆ насытите́сѧ , и҆ пᲂхва́лите и҆́мѧ гдⷭ҇а бг҃а ва́шегѡ , и҆́же сᲂтвᲂрѝ с̾ ва́ми чꙋдеса̀ , и҆ непᲂстыдѧ́тсѧ лю́дїе мᲂѝ во́ вѣки . и҆ ᲂу҆разꙋмѣ́ете ꙗ҆́кѡ пᲂсредѣ̀ і҆и҃лѧ а҆́зъ є҆́смь , и҆ а҆́зъ гдⷭ҇ь бг҃ъ ва́шъ , и҆ нѣ́сть и҆но́гѡ ра́звѣ менѐ , и҆ непᲂстыдѧ́тсѧ лю́дїе мᲂѝ во́ вѣки . и҆ бꙋ́детъ пᲂ си́хъ , и҆злїю̀ ѿ́ дх҃а мᲂегѡ̀ на всѧ́кꙋ пло́ть , и҆ прᲂрекꙋ́тъ сн҃ᲂве ва́ши и҆ дще́ри ва́ши , и҆ ста́рцы ва́ши со́нїѧ ви́дѧтъ , и҆ ю҆́нᲂши ва́ши видѣ́нїѧ ᲂу҆́зрѧтъ . и҆́бᲂ на рабы̀ мᲂѧ̀ и҆ на рабы́ни мᲂѧ̀ , во́ дни ѻ҆́ны и҆злїю̀ ѿ́ дх҃а мᲂегѡ̀ , и҆ прᲂрекꙋ́тъ , и҆ да́мъ чꙋдеса̀ на́ нб҃си гᲂрѣ̀ , и҆ зна́менїѧ на землѝ ни́зꙋ , кро́вь и҆ ѻ҆́гнь и҆ кꙋре́нїѧ ды́ма . сл҃нце прелᲂжи́тсѧ вᲂ тмꙋ̀ , и҆ лꙋна̀ в̾ кро́вь , пре́жде прише́ствїѧ днѐ гдⷭ҇нѧ , вели́кагѡ и҆ стра́шнагѡ . и҆ бꙋ́детъ всѧ́къ и҆́же а҆́ще призᲂве́тъ и҆́мѧ гдⷭ҇не , спасе́тсѧ .

Ѿ прᲂро́чества і҆єзекі́илева , чте́нїе .

Та́кѡ гл҃етъ гдⷭ҇ь , прїимꙋ̀ ва́съ ѿ ꙗ҆зы́къ , и҆ сᲂберꙋ́ вы ѿ всѣ́хъ ꙗ҆зы́къ стра́нныхъ , и҆ введꙋ̀ вы в̾ зе́млю ва́шꙋ . и҆ вᲂскрᲂплю̀ на вы̀ во́дꙋ чи́стꙋ , и҆ ѡ҆чи́ститесѧ ѿ всѣ́хъ нечисто́тъ ва́шихъ , и҆ ѿ всѣ́хъ и҆́дᲂлъ ва́шихъ , ѡ҆чи́щꙋ ва́съ . и҆ да́мъ ва́мъ срⷣце но́вᲂ , и҆ дх҃ъ но́въ да́мъ ва́мъ . и҆ ѿи҆мꙋ̀ сᲂдѣ́ѧннᲂе срⷣце ва́ше , и҆ да́мъ ва́мъ срⷣце пло́тѧнᲂ , и҆ дх҃ъ мо́й в̾ ва́съ . и҆ сᲂтвᲂрю̀ да вᲂ ѡ҆правда́нїихъ мᲂи́хъ хо́дите , и҆ сꙋдьбы̀ мᲂѧ̀ сᲂхранитѐ и҆ сᲂтвᲂритѐ , и҆ вселите́сѧ в̾ землѝ , ю҆́же да́хъ ѻ҆ц҃е́мъ ва́шимъ . и҆ бꙋ́дете ми в̾ лю́ди , и҆ а҆́зъ бꙋ́дꙋ ва́мъ в̾ бг҃ъ .

На литі́и , стⷯры . гла́съ , д҃ . Пресла́внаѧ дне́сь , ви́дѣша всѝ ꙗ҆зы́цы во́ градѣ дв҃дᲂвѣ , є҆гда̀ дх҃ъ сни́де ст҃ы́и вᲂ ѻ҆́гненныхъ ꙗ҆зы́цѣхъ , ꙗ҆́кᲂже лꙋка̀ бг҃ᲂгла́сныи написа̀ , рече́ бᲂ , со́бранымъ ᲂу҆ченико́мъ хрⷭ҇то́вымъ , бы́сть шꙋ́мъ . ꙗ҆́кѡ нᲂси́мꙋ дх҃ꙋ бꙋ́рнꙋ , и҆ и҆спо́лни до́мъ , и҆дѣ́же бѣ́ѧхꙋ сѣдѧ́ще . и҆ всѝ нача́ша гл҃ати стра́нными гл҃ы , стра́нными ᲂу҆че́нїи , стра́нными пᲂвелѣ́нїи ст҃ы́ѧ трⷪ҇цы . Дх҃ъ ст҃ы́и , бѣ́же ᲂу҆́бѡ прⷭ҇нѡ и҆ є҆́сть и҆ бꙋ́детъ , ни начина́емъ , нижѐ преста́ѧ , нᲂ при́снѡ сᲂ ѻ҆ц҃е́мъ и҆ съ сн҃ᲂмъ , съ чине́нъ и҆ съ числѧ́емь . живо́тъ и҆ живᲂтвᲂрѧ́и , свѣ́тъ и҆ свѣ́та пᲂда́тель . са́мъ бл҃гі́и , и҆сто́чникъ бл҃гᲂсты́ни . и҆́мже ѻ҆ц҃ъ сказа́етсѧ , и҆ сн҃ъ с̾ прᲂславлѧ́етсѧ , и҆ ѿ всѣ́хъ зна́етсѧ , є҆ди́на си́ла , и҆ є҆ди́нᲂ сᲂчета́нїе , є҆ди́нᲂ пᲂкланѧ́нїе ст҃ы́ѧ трⷪ҇цы . Дх҃ъ ст҃ы́и , свѣ́тъ и҆ живо́тъ , и҆ живы́и и҆сто́чникъ ᲂу҆́мныи . дх҃ъ премꙋ́дрᲂсти , дх҃ъ ра́зꙋма , бл҃гі́и пра́выи мы́сленыи , ѡ҆блада́ѧ и҆ ѡ҆чища́ѧ прегрѣше́нїѧ . бг҃ъ и҆ бг҃ᲂтвᲂрѧ́и , ѻ҆́гнь ѿ ѻ҆ц҃а и҆схᲂдѧ́и . глаго́лѧ дѣ́ѧ , раздѣлѧ́ѧ да́ры . и҆́мже прᲂро́цы всѝ , и҆ бжⷭ҇твенїи а҆пⷭ҇ли , с̾ мч҃нки вѣнча́шасѧ . стра́ннѡ слы́шанїе , стра́ннѡ видѣ́нїе . ѻ҆́гнь раздѣлѧ́ѧ в̾ пᲂда́нїи даро́въ .

сла́ва , и҆ нн҃ѣ . гла́съ , и҃ . Є҆гда̀ дх҃ъ тво́й пᲂсла́лъ є҆сѝ гдⷭ҇и , сѣдѧ́щимъ а҆пⷭ҇лѡмъ , тᲂгда̀ и҆ є҆вре́йскїѧ дѣ́ти зрѧ́ще си́хъ , ᲂу҆жаса́хꙋсѧ стра́хᲂмъ , слы́шахꙋ ᲂу҆́бѡ и҆́хъ глаго́люща и҆нѣ́ми ꙗ҆зы́ки , ꙗ҆́кᲂже дх҃ъ пᲂдаѧ́ше и҆́мъ . некни́жни бᲂ сꙋ́ще ᲂу҆мꙋдри́шасѧ , и҆ ꙗ҆зы́ки в̾ вѣ́рꙋ ᲂу҆лᲂви́вше , бжⷭ҇твеннаѧ глаго́лахꙋ . тѣ́мъ и҆ мы̀ вᲂпїе́мъ ти , и҆́же на землѝ ꙗ҆вле́исѧ , и҆ ѿ ле́сти спасы́и на́съ , гдⷭ҇и сла́ва тебѣ̀ .

На стихо́внѣ , стⷯры . гла́съ , ѕ҃ . Неразꙋмѣ́юще ꙗ҆зы́цы гдⷭ҇и прест҃а́гѡ дх҃а , вᲂ а҆пⷭ҇лы ти бы́вшїѧ си́лы , и҆змѣне́нїемъ ꙗ҆зы́къ пїѧ́ныхъ мнѧ́хꙋ . мы́ же ᲂу҆тверди́вшесѧ и҆́ми , без̾преста́ни си́це гл҃емъ , дх҃а твᲂегѡ̀ ст҃а́гѡ не ѿи҆мѝ ѿ на́съ , мо́лимтисѧ чл҃кᲂлю́бче .

сти́хъ : срⷣце чи́стᲂ сᲂзи́жди вᲂ мнѣ̀ бж҃е ,꙳ и҆ дх҃ъ пра́въ ѡ҆бнᲂвѝ вᲂ ᲂу҆тро́бѣ мо́ей . Гдⷭ҇и прест҃а́гѡ дх҃а наше́ствїемъ , а҆пⷭ҇лы свᲂѧ̀ и҆спо́лнилъ є҆сѝ , и҆ и҆нѣ́ми ꙗ҆зы́ки гл҃ати ᲂу҆стро́ивъ . тѣ́мже и҆ пресла́внᲂе , невѣ́рнымъ ᲂу҆́бѡ пїѧ́нствᲂ мнѧ́шесѧ , вѣ́рнымъ же хᲂда́тайственѡ спасе́нїѧ . є҆го́же сїѧ́нїѧ на́съ спᲂдо́би , мо́лимтисѧ чл҃кᲂлю́бче .

сти́хъ : не ѿве́рзи менѐ ѿ лица̀ твᲂегѡ̀ ,꙳ и҆ дх҃а твᲂегѡ̀ ст҃а́гѡ не ѿи҆мѝ ѿ менѐ . Цр҃ю нбⷭ҇ныи , ᲂу҆тѣ́шителю д́ш҃е и҆́стинныи , и҆́же вездѣ̀ сы́и , и҆ всѧ̀ и҆спᲂлнѧ́ѧ , сᲂкро́вище бл҃ги́хъ и҆ жи́зни пᲂда́телю , прїидѝ и҆ всели́сѧ в̾ ны̀ , и҆ ѡ҆чи́сти ны ѿ всѧ́кїѧ скве́рны , и҆ спасѝ бл҃же дш҃а на́ша .

сла́ва , и҆ ны́нѣ . гла́съ , и҃ . Ꙗ҆зы́цы и҆нᲂгда̀ размѣси́шасѧ , де́рзᲂсти ра́ди стᲂлпᲂтвᲂре́нїѧ , ꙗ҆зы́цы же ны́нѣ ᲂу҆мꙋдри́шасѧ , сла́вы ра́ди бг҃ᲂразꙋ́мїѧ . та́мᲂ бᲂ ѡ҆сꙋдѝ нечести́выѧ сᲂгрѣше́нїемъ , здѣ́же прᲂсвѣти́лъ є҆́сть хрⷭ҇то́съ лᲂвцы̀ дх҃ᲂмъ . тᲂгда̀ ᲂу҆праздни́сѧ ра́зньствᲂ натᲂмле́нїе , ны́нѣ ѡ҆бнᲂвлѧ́етсѧ сᲂгла́сїе кᲂ спасе́нїю дш҃а́мъ на́шимъ .

та́же , нн҃ѣ ѿпꙋща́еши . трⷭ҇то́е , и҆ пᲂ ѻ҆́ч҃е на́шъ .

трᲂпа́рь . гла́съ , и҃ . Бл҃гᲂслᲂве́нъ є҆сѝ хрⷭ҇тѐ бж҃е на́шъ , и҆́же премꙋ́дры лᲂвцы̀ ꙗ҆вле́и , пᲂсла́въ и҆́мъ дх҃ъ ст҃ы́и , и҆ тѣ́ми ᲂу҆лᲂвле́и вселе́ннꙋю , чл҃кᲂлю́бче сла́ва тебѣ̀ . три́жды .

Въ нлⷣю , н҃ ю , на ᲂу҆́трени , на бг҃ъ гдⷭ҇ь , трᲂпа́рь пра́здникꙋ , гⷤ . =Пᲂ а҃ , стихᲂло́гїи , сѣда́ленъ . гла́съ , д҃ . Дх҃о́вныи и҆сто́чникъ прише́дъ на́ землю , вᲂ ѻ҆́гненыѧ рѣ́ки раздѣлѧ́ѧсѧ мы́сленѡ , а҆пⷭ҇лы ѡ҆рᲂша́ше прᲂсвѣща́ѧ , и҆ бы́сть и҆́мъ ѻ҆́блакъ ѡ҆рᲂша́ѧй ѻ҆́гнь , прᲂсвѣща́ѧ тѣ́хъ , и҆ ѡ҆дᲂждѧ́ѧ пла́мень , и҆́миже мы̀ прїѧ́хᲂмъ бл҃гᲂда́ть ѻ҆гне́мъ же и҆ вᲂдо́ю . свѣ́тъ прїи́де ᲂу҆тѣ́шительныи , и҆ ми́ръ прᲂсвѣтѝ . =слава , и҆ ны́нѣ , то́йже .

Пᲂ в҃ , стихᲂло́гїи , сѣда́ленъ . гла́съ , є҃ . Дх҃о́внаѧ бл҃гᲂда́ть прише́дши , ѿ ни́щихъ лᲂве́цъ а҆пⷭ҇лъ твᲂи́хъ , прᲂсвѣтѝ хрⷭ҇тѐ премꙋ́дрыѧ и҆ кнѧ́зи , и҆́хже ᲂу҆че́нїемъ и҆ мы̀ пѧтьдесѧ́тницы пра́здникъ свѣ́тлыи при́снѡ сᲂверша́емъ . сᲂ ѻ҆ц҃е́мъ тебѐ пᲂю́ще и҆ бжⷭ҇твенымъ дх҃ᲂмъ . сла́ва , и҆ ны́нѣ , то́йже .

Пᲂ пᲂлїєлеѡ́сѣ , сѣда́ленъ . гла́съ , и҃ . Сп҃сᲂвы рачи́телїе , ра́дᲂсти и҆спо́лнишасѧ , и҆ дерзнᲂве́нїе прїѧ́ша , пре́жде бᲂѧ́щїисѧ , ꙗ҆́кѡ дх҃ъ ст҃ы́и дне́сь свы́ше сни́де на́ дᲂмъ ᲂу҆чени́къ , и҆ и҆́нъ и҆на́ѧ глаго́лаше к̾ лю́демъ . ꙗ҆зы́цы бᲂ раз̾сѣ́ѧшасѧ ви́дими ꙗ҆́кѡ ѻ҆́гнь , и҆ си́хъ не ѡ҆палѝ , нᲂ па́че ѡ҆рᲂсѝ . сла́ва , и҆ ны́нѣ , то́йже .

степе́нна , д҃ гᲂ гла́са . а҆нтиѳо́нъ , а҃ . прᲂки́мен̾ , ѱл҃о́мъ дв҃дᲂвъ . Дх҃ъ тво́й бл҃гі́и наста́витъ мѧ на́ землю пра́вꙋ . сти́хъ . гдⷭ҇и ᲂу҆слы́ши мᲂли́твꙋ мᲂю̀ , внꙋшѝ мᲂле́нїе мᲂѐ . всѧ́кᲂ дыха́нїе . =є҆ѵⷢ҇а́лїе , ѿ =і҆ѡа́нна . зача́лᲂ , ѯ҃є .

Вᲂскрⷭ҇нїе хрⷭ҇то́вᲂ , негл҃емъ . цѣлᲂва́нїе є҆ѵⷢ҇а́лїю пᲂ ѡ҆бы́чаю . та́же , ѱало́мъ , н҃ .

сла́ва . мᲂли́твъ ра́ди а҆пⷭ҇лъ , млⷭ҇тиве ѡ҆чи́сти мно́жествᲂ сᲂгрѣше́нїи на́шихъ .

и҆ ны́нѣ . мл҃твъ ра́ди бцⷣы , млⷭ҇тиве ѡ҆чи́сти мно́жествᲂ сᲂгрѣше́нїи на́шихъ .

Пᲂми́лꙋй мѧ бж҃е пᲂ вели́цѣй млⷭ҇ти твᲂе́й пᲂ мно́гимъ щедро́тамъ твᲂи́мъ , ѡ҆чи́сти без̾зако́нїѧ мᲂѧ̀ , бж҃е сп҃се мо́й .

стихѣ́ра . гла́съ , ѕ҃ . Цр҃ю нбⷭ҇ныи , ᲂу҆тѣ́шителю д́ш҃е и҆́стинныи , и҆́же вездѣ̀ сы́и , и҆ всѧ̀ и҆спᲂлнѧ́ѧ , сᲂкро́вище бл҃ги́хъ и҆ жи́зни пᲂда́телю , прїидѝ и҆ всели́сѧ в̾ ны̀ , и҆ ѡ҆чи́сти ны ѿ всѧ́кїѧ скве́рны , и҆ спасѝ бл҃же дш҃а на́ша .

Кано́ны , пра́здникꙋ , два̀ . і҆рмᲂсы̀ , ѻ҆бᲂю̀ кано́нᲂвъ пᲂ два́жды . а҆ трᲂпарѝ , на в҃і . Пᲂслѣди́ же є҆ди́нъ ли́къ , а҃ , і҆рмо́съ . и҆ дрꙋгі́и ли́къ , дрꙋгі́и і҆рмо́съ .

Кано́нъ , твᲂре́нїе ки́ръ кᲂзмы̀ мᲂна́ха , нᲂсѧ́и краегране́сїе . пѧтьдесѧ́тницꙋ пра́зднꙋемъ . гла́съ , з҃ . пѣ́снь , а҃ . і҆рмо́съ . Въ по́нтѣ пᲂкры̀ фараѡ́на сᲂ ѻ҆рꙋ́жїемъ , сᲂкрꙋша́ѧ и҆ бра́ни мы́шцею высо́кᲂю , пᲂе́мъ є҆мꙋ̀ ꙗ҆́кѡ прᲂсла́висѧ .

запѣ́въ : Прест҃а́ѧ трⷪ҇це бж҃е на́шъ , сла́ва тебѣ̀ . Дѣ́лᲂмъ ꙗ҆́кᲂже дре́вле ᲂу҆ченикѡ́мъ ѡ҆бѣща́лъ є҆сѝ , ᲂу҆тѣ́шителѧ дх҃а пᲂсла́лъ є҆сѝ хрⷭ҇тѐ . вᲂсїѧ́лъ є҆сѝ свѣ́тъ ми́рꙋ чл҃кᲂлю́бче . Зако́нᲂмъ дре́вле прᲂпᲂвѣ́данᲂе , и҆ прᲂро́ки , и҆спо́лнисѧ , дне́сь бᲂ бжⷭ҇твенагѡ дх҃а , всѣ́мъ вѣ́рнымъ бл҃гᲂда́ть и҆злїѧ́сѧ .

И҆́нъ кано́нъ . твᲂре́нїе , ки́ръ і҆ѡа́нна . гла́съ , д҃ . пѣ́снь , а҃ . і҆рмо́съ . Бжⷭ҇твенымъ пᲂкрᲂве́нъ бы́въ медленнᲂѧзы́чныи мра́кᲂмъ , и҆звѣ́ствᲂва бг҃ᲂпи́санныи зако́нъ . ти́нꙋ бᲂ ѿрѧсѐ , ѻ҆чесѐ разꙋ́мнагѡ . ви́дитъ сꙋ́щагѡ , и҆ гада́етъ дх҃ᲂмъ . ра́зꙋмъ хвалѧ̀ бжⷭ҇твенными пѣ́сньми .

запѣ́въ : Прест҃а́ѧ трⷪ҇це бж҃е на́шъ , сла́ва тебѣ̀ . Реко́ша чⷭ҇таѧ и҆ чⷭ҇тна́ѧ ᲂу҆ста̀ , разлꙋче́нїѧ ва́мъ небꙋ́детъ , ѽ дрꙋ́зи . а҆́зъ бᲂ на ѻ҆́ч҃емъ вы́шнѣмъ престо́лѣ с̾ ни́мъ сѣдѧ̀ , и҆злїю̀ ѿ́ дх҃а , вᲂсїѧ́ти лю́бѧщимъ , бл҃гᲂда́ть неѡ҆скꙋ́днꙋю . Предѣ́лы преше́дъ и҆́стиннѣйшее сло́вᲂ , тихᲂѡ҆бра́знѡ сᲂверша́етъ срⷣца̀ . дѣ́лᲂ бᲂ скᲂнча́въ , вᲂз̾веселѝ дрꙋ́ги , дыха́нїемъ бꙋ́рнымъ и҆ ѻ҆́гнеными ꙗ҆зы́ки , пᲂда́въ дх҃ъ хрⷭ҇то́съ ꙗ҆́кᲂже ѡ҆бѣща́сѧ .

пѣ́снь , г҃ . і҆рмо́съ . Свы́ше си́лᲂю ᲂу҆ченико́мъ хрⷭ҇тѐ , до́ндеже ѡ҆блече́тесѧ ре́къ , сѧ́дите вᲂ і҆єрⷭ҇ли́мѣ , а҆́зъ же ꙗ҆́кѡ себѐ , паракли́та и҆но́гѡ дх҃а мᲂегѡ̀ и҆ ѻ҆́ч҃а пᲂслю̀ , ѡ҆ не́мъ же ᲂу҆тверди́тесѧ . Бжⷭ҇твенагѡ дх҃а наше́дшаѧ си́ла . раздѣ́льшїисѧ дре́вле гла́съ , ѕлѣ̀ сᲂгласи́вшихсѧ , вᲂ є҆динᲂмы́слїи бжⷭ҇тва̀ сᲂвᲂкꙋпѝ ра́зꙋмъ , наставлѧ́ющи вѣ́рныхъ к̾ трⷪ҇цѣ , ѡ҆ не́й же ᲂу҆тверди́хᲂмсѧ .

и҆́нъ , і҆рмо́съ . Разве́рзе ᲂу҆тро́бꙋ неча́дѧщꙋю дѣте́й , хꙋлꙋ́ же ѕлꙋ̀ прїе́млемꙋ , бл҃гᲂча́дѧщїѧ є҆ди́на мл҃тва прᲂро́чицы дре́вле а҆́нны , нᲂсѧ́щи дх҃ъ сᲂкрꙋше́нъ , къ си́льнᲂмꙋ бг҃ꙋ ра́зꙋмᲂмъ . Непᲂсти́жима є҆́сть бг҃ᲂнача́льнѣйшаѧ , виті́и бᲂ пᲂказа̀ без̾кни́жныѧ ры́бари премꙋ́дры , запреща́ющїѧ сло́вᲂмъ , и҆ ѿ глꙋбо́кїѧ но́щи и҆зима́ющїѧ лю́ди бесчи́слены сїѧ́нїемъ дх҃а . Бѧ́ше и҆схо́денъ ѿ нерᲂжде́нна свѣ́та , всеси́льныи сїѧ́ющїи свѣ́тъ , и҆́же съ сн҃ᲂмъ ѻ҆́ч҃ескᲂю во́лею ны́нѣ ꙗ҆влѧ́ютъ , сра́сленᲂе ѡ҆заре́нїе , ѻ҆́гненыи гла́съ в̾ сїѡ́нѣ ꙗ҆зы́кѡмъ .

сѣда́ленъ . гла́съ , д҃ . Пра́здника препᲂлᲂве́нїе , и҆ кᲂне́чныи пра́здникъ пра́зднꙋемъ вѣ́рнїи свѣ́тлѡ , и҆́же є҆́сть пѧтьдесѧ́тница , ѡ҆бѣща́нїѧ и҆спᲂлне́нїе и҆́стины . въ се́й ᲂу҆́бѡ ѻ҆́гнь ᲂу҆тѣ́шителевъ сни́де на́ землю , ꙗ҆́кѡ в̾ видѣ́нїи ꙗ҆зы́къ , и҆ ᲂу҆ченикѝ прᲂсвѣтѝ , и҆ си́хъ нбⷭ҇ныѧ таи́нники и҆̀ свидѣ́тели пᲂказа̀ . свѣ́тъ бᲂ прїи́де ᲂу҆тѣ́шителѧ , и҆ ми́ръ прᲂсвѣтѝ . сла́ва , и҆ ны́нѣ , то́йже .

пѣ́снь , д҃ . і҆рмо́съ . Смᲂтрѧ́и прᲂро́къ , пᲂслѣ́днѧгᲂ тѝ хрⷭ҇тѐ прише́ствїѧ вᲂпїѧ́ше , твᲂю̀ ᲂу҆слы́шахъ гдⷭ҇и си́лꙋ , ꙗ҆́кѡ всѣ́хъ спастѝ бл҃ги́хъ свᲂи́хъ прише́лъ є҆сѝ . Вᲂ прᲂро́цѣхъ гл҃авыи , и҆ зако́нᲂмъ прᲂпᲂвѣ́данныи , пе́рвѣе несᲂверше́нымъ , бг҃ъ и҆́стиныи ᲂу҆тѣ́шитель , сло́ва слꙋжи́телемъ и҆ свидѣ́телемъ , пᲂзнава́етсѧ дне́сь . Зна́менїе бжⷭ҇тва̀ нᲂсѧ́и , а҆пⷭ҇лѡмъ ѻ҆́гненымъ дх҃ᲂмъ раз̾дѣли́сѧ , и҆ стра́нными ꙗ҆зы́ки ꙗ҆влѧ́шесѧ , ꙗ҆́кѡ ѻ҆те́ческаѧ бжⷭ҇твенаѧ си́ла грѧды́и , прїи́де свᲂи́мъ зва́нїемъ .

и҆́нъ , і҆рмо́съ . Цр҃ь цр҃е́мъ , а҆́ки и҆ ста̀ кᲂго́ же є҆ди́нъ сло́вᲂ прᲂи҆зше́дъ , и҆з̾ ѻ҆ц҃а вино́внагѡ . равнᲂси́льнагѡ твᲂегѡ̀ дх҃а , а҆пⷭ҇лѡмъ и҆́стиннѡ вᲂз̾сїѧ̀ , ꙗ҆́кѡ бл҃гᲂда́тель пᲂю́щимъ , сла́ва держа́вѣ твᲂе́й гдⷭ҇и . Ба́ню бжⷭ҇твенꙋю па́ки бытїѧ̀ сло́ве сраствᲂре́ныи слᲂже́нᲂма є҆стество́ма , дᲂжде́внꙋю ми тꙋ́чꙋ , ѿ нетлѣ́нна прᲂбᲂде́ннагѡ тѝ ребра̀ , ѽ бж҃їи сло́ве , запечатлѣ́й теплᲂто́ю дх҃а . Прекланѧ́ютъ ᲂу҆тѣ́шителеви всѧ̀ кᲂлѣ́на , и҆ сн҃ꙋ ѻ҆́ч҃ꙋ ѻ҆ц҃ꙋ сра́сленᲂмꙋ . в̾ ли́цѣхъ бᲂ вѣ́дꙋще тро́е , сꙋщество́ же вᲂи́стинꙋ неприкᲂснᲂве́ннᲂ , без̾лѣ́тнᲂ є҆ди́нᲂ . вᲂсїѧ́ бᲂ свѣ́тъ бл҃гᲂда́ть дх҃а . Да и҆спо́лнѧтсѧ всѝ бг҃ᲂнача́льнымъ си́мъ , є҆ли́цы слꙋжи́телїе трисїѧ́ннᲂмꙋ сꙋществꙋ̀ . па́че є҆стества́ бᲂ сᲂверша́етъ , ꙗ҆́кѡ бл҃гᲂдѣ́ленъ . бл҃гᲂѡбразꙋ́етъ хрⷭ҇то́съ вᲂ спасе́нїе , всю̀ ꙗ҆влѧ́ѧ бл҃гᲂда́ть дх҃а .

пѣ́снь , є҃ . і҆рмо́с̾ . Стра́ха ра́ди твᲂегѡ̀ зача́тыи гдⷭ҇и во́ чревѣ прᲂро́къ , и҆ рᲂжде́нныи на землѝ дх҃ъ спасе́нїѧ , а҆пⷭ҇льскаѧ срⷣца̀ зи́ждетъ чи́ста , и҆ вѣ́рныхъ пра́выи ѡ҆бнᲂвлѧ́етсѧ свѣ́тъ бᲂ и҆ ми́ръ занѐ твᲂѧ̀ пᲂвелѣ́нїѧ . Наше́дшаѧ си́ла дне́сь сїѧ̀ , дх҃ъ бл҃гі́и , дх҃ъ премꙋ́дрᲂсти бж҃їѧ , дх҃ъ ѿ ѻ҆ц҃а и҆схᲂдѧ́и и҆ сн҃ᲂмъ вѣ́рнымъ на́мъ ꙗ҆ви́сѧ пᲂдава́теленъ , в̾ ни́хже вселѧ́етсѧ є҆стество́мъ ст҃ы́ни , в̾ не́й же зри́тсѧ бл҃гᲂстїю .

и҆́нъ , і҆рмо́съ . И҆збавле́нїе и҆ ѡ҆чище́нїе грѣхо́въ , ѻ҆гнедх҃нᲂве́ннꙋю прїими́те дх҃о́внꙋю ро́сꙋ , ѽ ча́да свѣтᲂѡбра́знаѧ цр҃ко́внаѧ , нн҃ѣ ѿ сїѡ́на бᲂ и҆зы́де зако́нъ . ꙗ҆зы́къ свѣтᲂѡбра́знаѧ , дх҃а бл҃гᲂда́ть . Ꙗ҆́кᲂже бл҃гᲂизво́ли самᲂвла́стнѡ , влⷣчнѣ и҆схо́дитъ дх҃ъ ѿ ѻ҆ц҃а , ᲂу҆мꙋдрѧ́ѧ вᲂ ꙗ҆зы́цѣхъ а҆пⷭ҇лы , печатлѣ́ѧ живᲂно́снᲂе сло́вᲂ ѿ ѻ҆ц҃а сᲂѡ҆бра́знꙋ си́лꙋ , є҆́же сп҃съ речѐ . Да и҆сцѣли́тъ ᲂу҆́бѡ смы́слы ѿ грѣхо́въ , ѡ҆ се́мъ ᲂу҆страѧ́ше а҆пⷭ҇лы бг҃ъ сло́вᲂ всенача́льныи , пречи́стъ до́мъ . в̾ не́мже є҆динᲂмо́щнагѡ и҆ сꙋ́щественнагѡ , ны́нѣ вселѧ́етъ дх҃а сїѧ́нїе .

пѣ́снь , ѕ҃ . і҆рмо́съ . Пла́вающагѡ в̾ мᲂлвѣ̀ жите́йскихъ сꙋ́етїи , и҆ с̾ кᲂрабле́мъ пᲂтᲂплѧ́ема грѣхѝ , и҆ дш҃етлѣ́ннꙋ ѕвѣ́рю примѣта́ема , ꙗ҆́кѡ і҆ѡ́на хрⷭ҇тѐ вᲂпїю́ ти , ѿ сме́ртныѧ глꙋбины̀ вᲂз̾веди́ мѧ . Ѿ ́дх҃а твᲂегѡ̀ на пло́ть всѧ́кꙋю , ꙗ҆́кᲂже ре́клъ є҆сѝ , бᲂга́тнѡ и҆злїѧ́лъ є҆сѝ , и҆ и҆спо́лнишасѧ всѧ́ческаѧ твᲂегѡ̀ ра́зꙋма гдⷭ҇и , ꙗ҆́кѡ и҆з̾ ѻ҆ц҃а сн҃ъ нетлѣ́ннᲂ рᲂди́лсѧ є҆сѝ , и҆ дх҃ъ нераздѣ́льныи и҆зы́де .

и҆́нъ , і҆рмо́съ . Ѡ҆чище́нїе на́мъ хрⷭ҇тѐ и҆ спасе́нїе , влⷣкᲂ вᲂз̾сїѧ̀ ѿ дв҃ы . да ꙗ҆́кѡ пррⷪ҇ка ѿ ѕвѣ́рѧ мᲂрска́гѡ , ѿ пе́рсей і҆ѡ́нꙋ , ѿ тлѝ и҆схи́ти , всегѡ̀ а҆да́ма всеро́дна па́дшагѡ . И҆́стиненъ на́мъ пра́выи , вᲂ ᲂу҆тро́бахъ вѣ́чнѡ прїе́млющимъ , дх҃ъ ѡ҆бнᲂвлѧ́ющїи ѿ ѻ҆ц҃а и҆схо́дныи , и҆ всесᲂвᲂкꙋпле́нъ , ти́нъ ме́рзскихъ пали́тельный скве́рнъ , ка́ла же смы́слᲂмъ чисти́тельныи вседержи́телю . Жела́тельнᲂе дᲂстᲂѧ́нїе а҆пⷭ҇лѡмъ сїѡ́нѧнᲂмъ ча́ющимъ твᲂѐ прише́ствїе рᲂжде́нне сло́ве , пᲂзна́нїемъ дх҃а ѿ ѻ҆ц҃а , рѣ́чь жесто́кꙋю , ю҆́же ꙗ҆зы́кѡмъ ᲂу҆крᲂще́нїе ско́рѡ пᲂказа́въ , ѻ҆гнедᲂхнᲂве́ннѡ ᲂу҆твержа́еши .

кᲂнда́къ . гла́съ , и҃ . Є҆гда̀ сше́дъ ꙗ҆зы́ки размѣсѝ , раздѣлѧ́ше племена̀ вы́шнїи . є҆гда́ же ѻ҆́гненыѧ ꙗ҆зы́ки раздаѧ̀ , в̾ сᲂвᲂкꙋпле́нїе всѧ̀ призва̀ , є҆динᲂгла́снᲂ сла́вити всест҃ы́и дх҃ъ . и҆́кᲂсъ . Ско́рᲂ и҆ тве́рдᲂ да́рꙋй ᲂу҆тѣше́нїе рабо́мъ твᲂи́мъ і҆с҃е , внегда̀ ᲂу҆ныва́ти дх҃ᲂмъ на́шимъ , не ѿлꙋча́йсѧ ѿ́ дш҃ъ на́шихъ в̾ ско́рбѣхъ и҆ не ᲂу҆далѧ́йсѧ ѿ смы́слъ на́шихъ в̾ напа́стехъ , нᲂ прⷭ҇нѡ на́съ пред̾варѝ и҆ прибли́жисѧ к̾ на́мъ . приближи́сѧ и҆́же вездѣ̀ сы́и , ꙗ҆́кᲂже и҆ а҆пⷭ҇лѡмъ твᲂи́мъ с̾ пребыва́лъ є҆сѝ всегда̀ , та́кѡ и҆ лю́бѧщимъ тебѐ , сᲂє҆динѝ себѐ ще́дре , да сᲂвᲂкꙋ́плени тебѐ пᲂе́мъ и҆ сла́вимъ всест҃а́гѡ дх҃а .

пѣ́снь , з҃ . і҆рмо́съ . И҆́же в̾ пе́щь ѻ҆́гненнꙋю вве́ржени , препᲂдо́бнїи ѻ҆́трᲂцы , и҆ ѻ҆́гнь на хла́дъ прелᲂжи́ша , вᲂспѣва́нїемъ си́це пᲂѧ́хꙋ , бл҃гᲂслᲂве́нъ є҆сѝ гдⷭ҇и бж҃е ѻ҆ц҃ъ на́шихъ . Виті́йствꙋющимъ бжⷭ҇твенаѧ вели́чїѧ а҆пⷭ҇лѡмъ , дх҃а дѣ́йствᲂмъ , непщева́шесѧ пїѧ́нствᲂ невѣ́рствꙋющимъ , и҆́миже трⷪ҇ца пᲂзнава́етсѧ , є҆ди́нъ бг҃ъ ѻ҆ц҃ъ на́шихъ . Нераздѣ́льнᲂе є҆стество̀ , правᲂсла́внѡ бг҃ᲂсло́вѧщимъ , бг҃а ѻ҆ц҃а без̾нача́льнагᲂ , тᲂѧ́ же вла́сти сло́ва , и҆ дх҃а , бл҃гᲂслᲂве́нъ є҆сѝ зᲂвꙋ́ще , бж҃е ѻ҆ц҃ъ на́шихъ .

и҆́нъ , і҆рмо́съ . Сᲂгла́снѡ ᲂу҆страшѝ пища́льскаѧ пѣ́снь , по́чести златᲂсᲂтвᲂре́нныи без̾дꙋ́шныи ѻ҆́бразъ . ᲂу҆тѣ́шителева же свѣтᲂно́снаѧ бл҃гᲂда́ть , пᲂчествᲂва́ти є҆́же вᲂпи́ти , трⷪ҇це є҆ди́наѧ равнᲂси́льнаѧ , без̾нача́льнаѧ бл҃гᲂслᲂве́на є҆сѝ . Гла́съ прᲂрᲂкᲂвѣща́тельныи неразꙋмѣ́вше , ꙗ҆́кѡ стра́нны рѣ́чи слы́шаша ѿ а҆пⷭ҇лъ , и҆ гл҃ахꙋ безꙋ́мнїи , вино́мъ сᲂтвᲂре́нᲂ пїѧ́нствᲂ . бл҃гᲂчести́вїи же тебѣ̀ вᲂпїе́мъ бжⷭ҇твенᲂ , ѡ҆бнᲂви́телю всѣ́хъ блгⷭ҇ве́нъ є҆сѝ . Бжⷭ҇твенᲂ ᲂу҆че́нїе прᲂрица́ѧ вᲂз̾гремѣ̀ ви́дѧи видѣ́нїѧ бжⷭ҇твеныи і҆ѡ́иль бг҃ᲂнача́льнагѡ . и҆́мже и҆з̾лїю̀ ꙗ҆́кᲂже сло́вꙋ ре́кшꙋ ѿ́ дх҃а мᲂегѡ̀ , и҆ сᲂвᲂзᲂпїю́тъ дрꙋ́зи , є҆стество́мъ тресвѣ́тлᲂ свѣ́тлыи , бл҃гᲂслᲂве́нъ є҆сѝ . Тро́ичнꙋю ᲂу҆́бѡ раздѣлѝ зрѧ̀ бл҃гᲂда́ть , ꙗ҆́кѡ да ꙗ҆ви́тъ трѝ сᲂста́вы пᲂчита́ти , в̾ прᲂстᲂтѣ̀ вла́сти . нᲂ вᲂ є҆ди́нᲂмъ нн҃ѣ днѝ гдⷭ҇ьскᲂмъ , ѻ҆ц҃ъ сн҃ъ и҆ дх҃ъ блгⷭ҇ве́нъ є҆сѝ .

пѣ́снь , и҃ . і҆рмо́съ . Не ѡ҆па́льна ѻ҆гне́мъ в̾ сина́и прича́щшисѧ , кꙋпина̀ бг҃а пᲂказа̀ , медленнᲂѧзы́чнꙋ и҆ гꙋгни́вꙋ мѡѷсе́ѡви . дѣ́ти рве́нїемъ бж҃їимъ вмѣта́емыѧ вᲂ ѻ҆́гнь пѣвцы̀ пᲂказа̀ , всѧ̀ дѣ́ла гдⷭ҇нѧ гдⷭ҇а по́йте , и҆ превᲂзнᲂси́те є҆гѡ̀ во́ вѣки . Живᲂтво́рнꙋ свы́ше бꙋ́рнꙋ нᲂси́мꙋ , гласо́внѣ дх҃а всест҃а́гѡ дыха́нїю ры́баремъ ѻ҆́гненымъ ᲂу҆́же ви́дᲂмъ ꙗ҆зы́къ вели́чїѧ бж҃їѧ виті́йствᲂвахꙋ , вᲂпїю́ще всѧ̀ дѣ́ла гдⷭ҇нѧ гдⷭ҇а по́йте , и҆ превᲂзнᲂси́те є҆гѡ̀ во́ вѣки . Ꙗ҆́кѡ к̾ некаса́емѣй гᲂрѣ̀ прихᲂдѧ́ще , небᲂѧ́щесѧ ѻ҆гнѧ̀ страша́ща , прїиди́те и҆ ста́немъ в̾ дᲂмꙋ̀ бж҃їи , во́ градѣ жива́гѡ бг҃а , съ дх҃ᲂнасыще́нными ᲂу҆ченикѝ ны́нѣ ликꙋ́юще , всѧ̀ дѣ́ла гдⷭ҇нѧ гдⷭ҇а по́йте , и҆ превᲂзнᲂси́те є҆гѡ̀ во́ вѣки .

и҆́нъ , і҆рмо́съ . Разрѣша́етъ ᲂу҆́зы , и҆ прᲂхлажда́етъ пла́мень , трисвѣ́тлыи бг҃ᲂнача́льствїѧ ѻ҆́бразъ . пᲂю́тъ дѣ́ти , блгⷭ҇ви́тъ же є҆ди́нагѡ сп҃са и҆ сᲂдѣ́телѧ , ꙗ҆́кѡ бл҃гᲂда́телѧ , сᲂтвᲂре́наѧ всѧ́ческаѧ тва́рь . Па́мѧть хрⷭ҇то́съ чл҃кᲂспаси́тельныхъ слᲂве́съ , ꙗ҆́же ѿ ѻ҆ц҃а слы́шавъ а҆пⷭ҇лѡмъ речѐ , дх҃ъ ᲂу҆страѧ́етъ ꙗ҆зыкᲂѻ҆́гненымъ видѣ́нїемъ сѣдѧ́и . бл҃гᲂслᲂве́нїемъ ᲂу҆свᲂѧ́ѧ ᲂу҆чꙋже́нныѧ , є҆го́же пᲂе́тъ всѧ̀ тва́рь . Спаси́тельнѣ самᲂвлады́чныи є҆ди́нъ , свѣ́тъ самᲂсїѧ́тельныи и҆ пᲂда́тельныи свѣ́та сы́и , прише́лъ є҆сѝ и҆спᲂлнѧ́ѧ а҆пⷭ҇лы . че́сть ꙗ҆́кѡ дх҃ъ твᲂи́мъ рабѡ́мъ , ᲂу҆тѣ́шительныи тво́й дх҃ъ пᲂдава́еши . Пᲂѧ́хꙋ прᲂро́къ дх҃ᲂнасыще́наѧ ᲂу҆ста̀ , твᲂѐ тѣле́снᲂе ѽ цр҃ю прише́ствїе . и҆ дх҃ъ ѿ нѣ́дръ ѻ҆́ч҃ихъ прᲂи҆з̾ше́дшїи несо́зданъ , нᲂ сᲂзда́тель , сᲂпрⷭ҇то́ленъ тебѣ̀ . и҆ тѧ̀ є҆ди́нагᲂ в̾ сᲂста́вѣ вᲂчл҃ченїѧ вѣ́рнымъ вᲂз̾вѣща́ѧ честѝ .

Честнѣ́йшꙋю непᲂе́мъ .

пѣ́снь , ѳ҃ . і҆рмо́съ . Нетлѣ́нїѧ и҆скꙋше́нїемъ ро́ждьшаѧ , и҆ всехитрецꙋ̀ сло́вꙋ пло́ть взаимда́вшаѧ , мт҃и без̾мꙋ́жнаѧ дв҃ᲂ бцⷣе , прїѧ́телище непᲂстᲂѧ́ннагѡ селѡ̀ невмѣсти́магѡ , зижди́телѧ свᲂегѡ̀ тѧ̀ велича́емъ . На палѧ́щѣй дре́вле ѻ҆́гненѣй кᲂлесни́цѣ , ревни́тель ѻ҆гнедᲂхнᲂве́нныи ра́дꙋѧсѧ нᲂси́мь , прᲂпᲂвѣ́да є҆́же ны́нѣ вᲂсїѧ́вшее дᲂхнᲂве́нїе свы́ше а҆пⷭ҇лѡмъ . ѿ него́же ѡ҆свѧ́щшесѧ , трⷪ҇цꙋ всѣ́мъ сказа́ша . Зако́на и҆ є҆стества̀ крᲂмѣ̀ , стра́ннᲂе слы́шашесѧ ᲂу҆чени́къ , є҆ди́нᲂмꙋ бᲂ гла́сꙋ гласѧ́щꙋ дх҃а бл҃гᲂда́тїю , раз̾ли́чнѣ ѡ҆глаша́хꙋсѧ лю́демъ племена́мъ и҆ ꙗ҆зы́кѡмъ , бжⷭ҇твенаѧ вели́чїѧ , и҆́миже трⷪ҇цы ра́зꙋмꙋ наꙋча́ющесѧ .

и҆́нъ , і҆рмо́съ . Ра́дꙋйсѧ цр҃це , мт҃ремъ и҆ дв҃амъ сла́ва , всѧ́ка бᲂ дᲂбрᲂгла́сна бл҃гᲂглаго́лива ᲂу҆ста̀ , мꙋдрѧ́щаѧсѧ немо́гꙋтъ тебѐ вᲂспѣ́ти дᲂсто́йнѡ . ни дᲂꙋмѣ́етъ же ра́зꙋмъ всѧ́къ , твᲂегѡ̀ ржⷭ҇тва̀ разꙋмѣ́ти . тѣ́мже тѧ̀ сᲂгла́снѡ сла́вимъ . Пѣ́ти пᲂдᲂба́ше живᲂє҆сте́ственꙋю дв҃ꙋ , є҆ди́на бᲂ во́ чревѣ и҆ въ та́йнѣ сло́вᲂ прїѧ́тъ , и҆́же недꙋ́гᲂмъ па́дшее чл҃ческᲂе є҆стество̀ , ѡ҆деснꙋ́ю стра́ннымъ сѣда́нїемъ ны́нѣ ᲂу҆твердѝ , и҆ ѿ ѻ҆ц҃а пᲂсла̀ бл҃гᲂда́ть дх҃о́внꙋю . Є҆ли́цѣмъ дхнꙋ̀ бг҃ᲂто́чнаѧ бл҃гᲂда́ть , и҆ свѣтѧ́щесѧ , блиста́юще , и҆змѣнѧ́еми стра́ннымъ и҆змѣне́нїемъ бл҃гᲂлѣ́пнѣйшимъ , равнᲂси́льствꙋющꙋю несѣко́мꙋю ᲂу҆вѣ́дѣвше премꙋ́дрᲂсть , тресвѣ́тлᲂе сꙋщество̀ сла́вимъ .

катава́сїѧ : Нетлѣ́нїѧ и҆скꙋше́нїемъ ро́ждьшаѧ , и҆ всехитрецꙋ̀ сло́вꙋ пло́ть взаимда́вшаѧ , мт҃и без̾мꙋ́жнаѧ дв҃ᲂ бцⷣе , прїѧ́телище непᲂстᲂѧ́ннагѡ селѡ̀ невмѣсти́магѡ , зижди́телѧ свᲂегѡ̀ тѧ̀ велича́емъ . Ра́дꙋйсѧ цр҃це , мт҃ремъ и҆ дв҃амъ сла́ва , всѧ́ка бᲂ дᲂбрᲂгла́сна бл҃гᲂглаго́лива ᲂу҆ста̀ , мꙋдрѧ́щаѧсѧ немо́гꙋтъ тебѐ вᲂспѣ́ти дᲂсто́йнѡ . ни дᲂꙋмѣ́етъ же ра́зꙋмъ всѧ́къ , твᲂегѡ̀ ржⷭ҇тва̀ разꙋмѣ́ти . тѣ́мже тѧ̀ сᲂгла́снѡ сла́вимъ . пᲂкло́н̾ дᲂ землѝ .

свѣти́ленъ . Всест҃ы́и д́ш҃е , и҆схᲂдѧ́и и҆з̾ ѻ҆ц҃а , и҆ сн҃а ра́ди прише́дшїи къ без̾кни́жнымъ ᲂу҆ченико́мъ , и҆́же тебѐ бг҃а пᲂзна́вшимъ , спасѝ и҆ пᲂми́лꙋй всѣ́хъ . двⷤа . сла́ва , и҆ ны́нѣ . Свѣ́тъ ѻ҆ц҃ъ , свѣ́тъ сло́вᲂ , свѣ́тъ и҆ ст҃ы́и дх҃ъ , и҆́же вᲂ ꙗ҆зы́цѣхъ ѻ҆́гненныхъ а҆пⷭ҇лѡмъ пред̾ста̀ . и҆ сегѡ̀ ра́ди всю̀ тва́рь наꙋчи́ша , къ ра́зꙋмꙋ свѣ́та бжⷭ҇твеннагѡ .

На хвали́тѣхъ , стихѣ́ры , на́ ѕ҃ . гла́съ , д҃ . Пресла́внаѧ дне́сь , ви́дѣша всѝ ꙗ҆зы́цы во́ градѣ дв҃дᲂвѣ , є҆гда̀ дх҃ъ сни́де ст҃ы́и вᲂ ѻ҆́гненныхъ ꙗ҆зы́цѣхъ , ꙗ҆́кᲂже лꙋка̀ бг҃ᲂгла́сныи написа̀ , рече́ бᲂ , со́бранымъ ᲂу҆ченико́мъ хрⷭ҇то́вымъ , бы́сть шꙋ́мъ . ꙗ҆́кѡ нᲂси́мꙋ дх҃ꙋ бꙋ́рнꙋ , и҆ и҆спо́лни до́мъ , и҆дѣ́же бѣ́ѧхꙋ сѣдѧ́ще . и҆ всѝ нача́ша гл҃ати стра́нными гл҃ы , стра́нными ᲂу҆че́нїи , стра́нными пᲂвелѣ́нїи ст҃ы́ѧ трⷪ҇цы . двⷤа . Дх҃ъ ст҃ы́и , бѣ́же ᲂу҆́бѡ прⷭ҇нѡ и҆ є҆́сть и҆ бꙋ́детъ , ни начина́емъ , нижѐ преста́ѧ , нᲂ при́снѡ сᲂ ѻ҆ц҃е́мъ и҆ съ сн҃ᲂмъ , съ чине́нъ и҆ съ числѧ́емь . живо́тъ и҆ живᲂтвᲂрѧ́и , свѣ́тъ и҆ свѣ́та пᲂда́тель . са́мъ бл҃гі́и , и҆сто́чникъ бл҃гᲂсты́ни . и҆́мже ѻ҆ц҃ъ сказа́етсѧ , и҆ сн҃ъ с̾ прᲂславлѧ́етсѧ , и҆ ѿ всѣ́хъ зна́етсѧ , є҆ди́на си́ла , и҆ є҆ди́нᲂ сᲂчета́нїе , є҆ди́нᲂ пᲂкланѧ́нїе ст҃ы́ѧ трⷪ҇цы . двⷤа . Дх҃ъ ст҃ы́и , свѣ́тъ и҆ живо́тъ , и҆ живы́и и҆сто́чникъ ᲂу҆́мныи . дх҃ъ премꙋ́дрᲂсти , дх҃ъ ра́зꙋма , бл҃гі́и пра́выи мы́сленыи , ѡ҆блада́ѧ и҆ ѡ҆чища́ѧ прегрѣше́нїѧ . бг҃ъ и҆ бг҃ᲂтвᲂрѧ́и , ѻ҆́гнь ѿ ѻ҆ц҃а и҆схᲂдѧ́и . глаго́лѧ дѣ́ѧ , раздѣлѧ́ѧ да́ры . и҆́мже прᲂро́цы всѝ , и҆ бжⷭ҇твенїи а҆пⷭ҇ли , с̾ мч҃нки вѣнча́шасѧ . стра́ннѡ слы́шанїе , стра́ннѡ видѣ́нїе . ѻ҆́гнь раздѣлѧ́ѧ в̾ пᲂда́нїи даро́въ . двⷤа .

сла́ва , и҆ ны́нѣ . гла́съ , ѕ҃ . Цр҃ю нбⷭ҇ныи , ᲂу҆тѣ́шителю д́ш҃е и҆́стинныи , и҆́же вездѣ̀ сы́и , и҆ всѧ̀ и҆спᲂлнѧ́ѧ , сᲂкро́вище благи́хъ и҆ жи́зни пᲂда́телю , прїидѝ и҆ всели́сѧ в̾ ны̀ , и҆ ѡ҆чи́сти ны ѿ всѧ́кїѧ скве́рны , и҆ спасѝ бл҃же дш҃а на́ша .

Славᲂсло́вїе вели́кᲂе , и҆ ѿпꙋ́стъ . чте́цъ , гл҃етъ : а҆ми́нь , сла́ва , и҆ ны́нѣ . гла́съ , є҃ . Ꙗ҆́кѡ въ пᲂслѣ́днѧѧ времена̀ , та́кᲂже и҆ въ ве́черъ сꙋбо́тныи , пред̾ста́лъ є҆сѝ дрꙋго́мъ сѝ хрⷭ҇тѐ , затвᲂре́нᲂмъ бᲂ вхо́дᲂмъ две́рнымъ , и҆ чꙋдесе́мъ чꙋ́дᲂ и҆звѣстꙋ́еши , є҆́же и҆з̾ ме́ртвыхъ твᲂѐ вᲂскрⷭ҇нїе . нᲂ и҆спо́лнилъ є҆сѝ ра́дᲂсти ᲂу҆ченикѝ , и҆ дꙋ́ха ст҃а́гѡ по́далъ є҆сѝ и҆́мъ , и҆ ѻ҆́бласть вда́лъ ѡ҆ставле́нїю грѣхѡ́мъ , и҆ ѳѡмы̀ не ѡ҆ста́вилъ є҆сѝ пᲂгрꙋжа́тисѧ въ невѣ́рствїи бꙋ́ри . тѣ́мъ пᲂда́ждь и҆ на́мъ ра́зꙋмъ и҆́стинныи , и҆ ѡ҆ставле́нїе прегрѣше́нїемъ бл҃гᲂсе́рде гдⷭ҇и . та́же , ча́съ , а҃ . ѱалмы̀ , ѻ҆бы́чны . и҆ кᲂне́чныи ѿпꙋ́стъ .

На литꙋргі́и , а҆нтиѳо́нъ , а҃ . ѱало́мъ , и҃і . Нб҃са̀ пᲂвѣ́даютъ сла́вꙋ бж҃їю . мл҃твами бцⷣы сп҃се спасѝ на́съ . сти́хъ . Нб҃са̀ пᲂвѣ́даютъ сла́вꙋ бж҃їю , твᲂре́нїе же рꙋ́кꙋ є҆гѡ̀ вᲂзвѣща́етъ тве́рдь . мл҃твами бцⷣы сп҃се спасѝ на́съ . сти́хъ . Де́нь днѝ ѿрыга́етъ глаго́лъ , и҆ но́щь но́щи вᲂзвѣща́етъ ра́зꙋмъ . мл҃твами бцⷣы сп҃се спасѝ на́съ . сти́хъ . Вᲂ всю̀ зе́млю и҆зы́де вѣща́нїе и҆́хъ , и҆ в̾ кᲂнцы̀ вселе́нныѧ гл҃ы и҆́хъ . мл҃твами бцⷣы сп҃се спасѝ на́съ . сла́ва , мл҃твами бцⷣы сп҃се спасѝ на́съ . и҆ ны́нѣ , мл҃твами бцⷣы сп҃се спасѝ на́съ .

а҆нтиѳо́нъ , в҃ . ѱало́мъ , ѳ҃і . Оу҆слы́шитъ тѧ гдⷭ҇ь въ де́нь печа́ли . спасѝ на́съ ᲂу҆тѣ́шителю бл҃гі́и пᲂю́щихъ ти , а҆ллилꙋ́їѧ , а҆ллилꙋ́їѧ , а҆ллилꙋ́їѧ . сти́хъ . Оу҆слы́шитъ тѧ гдⷭ҇ь въ де́нь печа́ли , защи́титъ тѧ и҆́мѧ бг҃а і҆а́кѡвлѧ . спасѝ на́съ ᲂу҆тѣ́шителю . сти́хъ . По́слетъ ти по́мᲂщь ѿ ст҃а́гѡ , и҆ ѿ сїѡ́на застꙋ́питъ тѧ . спасѝ на́съ ᲂу҆тѣ́шителю . сти́хъ . Да́стъ ти гдⷭ҇ь по́ сердцꙋ твᲂемꙋ̀ , и҆ ве́сь сᲂвѣ́тъ тво́й и҆спо́лнитъ . спасѝ на́съ . сла́ва , и҆ ны́нѣ . Є҆динᲂро́дныи сн҃е .

а҆нтиѳо́нъ , г҃ . ѱало́мъ , к҃ . Гдⷭ҇и си́лᲂю твᲂе́ю вᲂзвесели́тсѧ цр҃ь . трᲂпа́рь . гла́съ , и҃ . Блгⷭ҇ве́нъ є҆сѝ хрⷭ҇тѐ бж҃е на́шъ , и҆́же премꙋ́дры лᲂвцы̀ ꙗ҆вле́и , пᲂсла́въ и҆́мъ дх҃ъ ст҃ы́и , и҆ тѣ́ми ᲂу҆лᲂвле́и вселе́ннꙋю , чл҃кᲂлю́бче сла́ва тебѣ̀ . сти́хъ . Гдⷭ҇и си́лᲂю твᲂе́ю вᲂзвесели́тсѧ цр҃ь , и҆ ѡ҆ спасе́нїи твᲂе́мъ вᲂзра́дꙋетсѧ ѕѣлѡ̀ . трᲂпа́рь . Блгⷭ҇ве́нъ є҆сѝ хрⷭ҇тѐ бж҃е на́шъ . сти́хъ . Жела́нїе се́рдца є҆гѡ̀ да́лъ є҆сѝ є҆мꙋ̀ , и҆ хᲂтѣ́нїѧ ᲂу҆стнꙋ̀ є҆гѡ̀ нѣ́си лиши́лъ є҆гѡ̀ . трᲂпа́рь . Блгⷭ҇ве́нъ є҆сѝ хрⷭ҇тѐ бж҃е на́шъ . сти́хъ . Ꙗ҆́кѡ пред̾вари́лъ є҆сѝ є҆гѡ̀ бл҃гᲂслᲂве́нїемъ бл҃гᲂсты́ннымъ , пᲂлᲂжи́лъ є҆сѝ на главѣ̀ є҆гѡ̀ вѣне́цъ ѿ ка́мене честна̀ . трᲂпа́рь . Блгⷭ҇ве́нъ є҆сѝ хрⷭ҇тѐ бж҃е на́шъ .= та́же , вхо́дъ : В=ᲂзнесы́исѧ гдⷭ҇и си́лᲂю твᲂе́ю , вᲂспᲂе́мъ и҆ пᲂе́мъ си́лы твᲂѧ̀ .

і҆єре́й : Прїиди́те пᲂклᲂни́мсѧ и҆ припаде́мъ хрⷭ҇тꙋ̀ .= мы́же : С=пасѝ на́съ ᲂу҆тѣ́шителю благі́и пᲂю́щихъ ти , а҆ллилꙋ́їѧ , а҆ллилꙋ́їѧ , а҆ллилꙋ́їѧ .

трᲂпа́рь . Блгⷭ҇ве́нъ є҆сѝ хрⷭ҇тѐ бж҃е на́шъ . сла́ва , и҆ ны́нѣ . кᲂнда́къ . Є҆гда̀ сше́дъ ꙗ҆зы́ки размѣсѝ , раздѣлѧ́ше племена̀ вы́шнїи . є҆гда́ же ѻ҆́гненыѧ ꙗ҆зы́ки раздаѧ̀ , в̾ сᲂвᲂкꙋпле́нїе всѧ̀ призва̀ , є҆динᲂгла́снѡ сла́вити всест҃ы́и дх҃ъ .

вмѣ́стᲂ же трⷭ҇та́гѡ : Є҆ли́цы вᲂ хрⷭ҇та̀ крⷭ҇ти́стесѧ , вᲂ хрⷭ҇та̀ ѡ҆блеко́стесѧ , а҆ллилꙋ́їѧ .

прᲂки́менъ , ѱл҃о́мъ дв҃дᲂвъ . Вᲂ всю̀ зе́млю и҆зыдо́ша вѣща́нїе и҆́хъ , и҆ в̾ кᲂнцы̀ вселе́нныѧ гл҃ы и҆́хъ . сти́хъ . нб҃са̀ пᲂвѣ́даютъ сла́вꙋ бж҃їю , твᲂре́нїе же рꙋ́кꙋ є҆гѡ̀ вᲂз̾вѣща́етъ тве́рдь . а҆пⷭ҇лъ , въ дѣѧ́нїихъ . заⷱ҇ , г҃ . а҆ллилꙋ́їѧ . Слᲂвесе́мъ гдⷭ҇нимъ нб҃са̀ ᲂу҆тверди́шасѧ , и҆ дх҃ᲂмъ ᲂу҆́стъ є҆го̀ всѧ̀ си́ла и҆́хъ . сти́хъ . съ небесѐ призрѣ̀ гдⷭ҇ь , ви́дѣ всѧ̀ сы́ны челᲂвѣ́ческїѧ . є҆ѵⷢ҇а́лїе , ѿ і҆ѡа́нна . заⷱ҇ , к҃з . прича́стенъ , дх҃ъ тво́й бл҃гі́и наста́витъ мѧ на́ землю пра́вꙋ . дрꙋгі́и , дх҃а твᲂегѡ̀ ст҃а́гѡ не ѿи҆мѝ ѿ на́съ , мо́лимтисѧ чл҃кᲂлю́бче .

задᲂсто́йнѡ , пᲂе́мъ дᲂ ѿда́нїѧ пра́здника , і҆рмо́съ : ра́дꙋйсѧ цр҃це .