МЦⷭ҇А ТОГО́ЖЕ ВЪ К҃А ДН҃Ь

Прпⷣбнагѡ ѻ҆ц҃а на́шегѡ тимᲂѳе́ѧ , и҆́же въ симво́лѣхъ . =И҆́же во ст҃ы́хъ ѻ҆ц҃а на́шегѡ є҆в̾ста́ѳїѧ , а҆рхїє҆пкⷭ҇па а҆нтїᲂхі́йскаго . Ве́черъ , на гдⷭ҇и вᲂзва́хъ , стихѣ́ры . гла́съ , и҃ . поⷣ . ѽ пресла́внᲂе чꙋ́до . Ѻ҆́=ч҃е бг҃ᲂмꙋ́дре тимᲂѳе́е ,꙳ вᲂз̾держа́нїемъ мно́гимъ ,꙳ и҆ ча́стыми мл҃твами ,꙳ страсте́мъ в̾зыгра́нїѧ ꙳ до кᲂнца̀ пᲂтреби́лъ є҆сѝ .꙳ и҆ без̾стра́стїѧ бл҃гᲂда́ть прїе́мъ ,꙳ прїѧ́телище ꙗ҆ви́сѧ бжⷭ҇твеннᲂмꙋ дх҃ꙋ .꙳ тѣ́мже дꙋ́хи ѿгᲂнѧ́еши всегда̀ лꙋка́выѧ ,꙳ живы́и и҆ по сме́рти бл҃же́нне . Ѻ҆́ч҃е бг҃ᲂмꙋ́дре тимᲂѳе́е ,꙳ а҆враа́мꙋ пᲂдо́бникъ нело́женъ бы́лъ є҆сѝ ,꙳ и҆сцѣлѧ́ѧ всю́дꙋ ,꙳ к̾ тебѣ̀ прибѣга́ющїѧ .꙳ і҆́ѡвᲂвꙋ стѧжа̀ в̾ бᲂлѣ́знехъ крѣ́пᲂсть .꙳ дв҃дᲂвꙋ кро́тᲂсть и҆мѣ́ѧ .꙳ житїѐ равнᲂа́гг҃льно на землѝ по́жилъ є҆сѝ .꙳ жела́нїе пᲂлꙋчи́лъ є҆сѝ кᲂне́чнᲂе ,꙳ ѡ҆ на́съ мᲂлѧ́сѧ . Ѻ҆́ч҃е бг҃ᲂмꙋ́дре тимᲂѳе́е ,꙳ цѣлᲂмꙋ́дрїѧ ѻ҆́бразъ ,꙳ вᲂз̾держа́нїѧ пᲂдписа́тель , бл҃гᲂче́стїѧ зра́къ ,꙳ и҆ и҆сто́чникъ ᲂу҆миле́нїѧ ,꙳ правᲂсла́вїю ᲂу҆тверже́нїе непᲂкᲂлѣби́мо ,꙳ и҆сцѣле́нїемъ стрꙋѧ̀ неѡ҆скꙋ́дна ,꙳ сл҃нце незахᲂди́мо ,꙳ ча́до бжⷭ҇твенныѧ бл҃гᲂда́ти ,꙳ и҆ и҆́нᲂкѡмъ ꙗ҆ви́сѧ ᲂу҆дᲂбре́нїе прече́стне .

и҆́ны , стⷯры , ст҃лю . гла́съ , то́йже . поⷣ . что́ тѧ и҆менꙋ́емъ .= И҆мѣ́ѧ житїѐ нбⷭ҇но ,꙳ ѿ́ бг҃а сщ҃е́нствᲂвати пᲂлᲂже́нъ бы́сть вᲂи́стинꙋ .꙳ и҆ принесѐ є҆мꙋ̀ слꙋ́жбы ᲂу҆мо́мъ чи́стымъ .꙳ бѣды̀ претерпѣ́лъ є҆сѝ бл҃же́нне и҆ бᲂлѣ́зни ,꙳ прᲂпᲂвѣ́данїѧ ра́ди бжⷭ҇твеннагѡ ,꙳ и҆ тве́рдыѧ и҆́стины .꙳ є҆ю́же свᲂи́ми слᲂвесы̀ ᲂу҆тверди́лъ є҆сѝ ,꙳ безꙋ́мныѧ ѡ҆блича́ѧ ꙗ҆́в̾ственѡ . Сло́вᲂмъ сщ҃е́нныхъ твᲂи́хъ тече́нїи ,꙳ запали́лъ є҆сѝ ꙗ҆́вѣ хвра́стїе а҆́рїѧ ѕлᲂчести́вагѡ хꙋле́нїѧ ,꙳ ѻ҆ц҃ꙋ , невмѣща́юща сн҃ꙋ ꙳ є҆стество́мъ и҆менᲂва́тисѧ равнᲂче́стнꙋ ,꙳ всесщ҃е́нне є҆в̾ста́ѳїе .꙳ и҆ срⷣца̀ прᲂсвѣти́лъ є҆сѝ ,꙳ и҆ и҆́стиннᲂю ᲂу҆держа́лъ є҆сѝ ,꙳ и҆́же вѣ́рᲂю твᲂрѧ́щихъ па́мѧть твᲂю̀ . Пᲂмава́ѧ жезло́мъ слᲂве́съ твᲂи́хъ ,꙳ всесщ҃е́нныи па́стырю ,꙳ ста́до бж҃їе слᲂве́снᲂе сᲂблю́лъ є҆сѝ тѣ́мъ ,꙳ ѿ во́лкъ всѧ́кихъ невреди́мо .꙳ тѣ́мже тѧ до́брыи па́стырь ,꙳ в̾ведѐ во ѡ҆гра́дꙋ нбⷭ҇нꙋю ,꙳ и҆дѣ́же ѻ҆те́честїи и҆збра́ннїи пра́веднїи дс҃и ,꙳ є҆в̾ста́ѳїе бг҃ᲂно́сне пребл҃же́нне . =сла́ва , и҆ ны́нѣ , боⷢ҇ . Кᲂмꙋ̀ ᲂу҆пᲂдо́бисѧ ѻ҆каѧ́ннаѧ ,꙳ к̾ пᲂкаѧ́нїю ника́ко же вᲂз̾ница́ющи дш҃е ,꙳ и҆ ѻ҆гнѧ̀ не ᲂу҆жаса́ющисѧ ,꙳ ѕлы́хъ ѡ҆жида́ющагѡ ;꙳ вᲂста́ни , и҆ є҆ди́нꙋ к̾ застꙋпле́нїю ско́рꙋю призᲂвѝ .꙳ и҆ вᲂзᲂпі́й ,꙳ дв҃о мт҃и ᲂу҆мᲂлѝ твᲂегѡ̀ сн҃а и҆ бг҃а на́шегѡ ,꙳ и҆зба́вити мѧ̀ ѿ сѣ́тей льсти́вагѡ . крⷭ҇тᲂбоⷢ҇ . А҆́гньца а҆́гница ꙗ҆́кѡ ви́дѣ ,꙳ на́ древѣ прᲂсте́рта во́лею крⷭ҇тнѣмъ ,꙳ вᲂпїѧ́ше мт҃рьски , и҆ рыда́ющи с̾ пла́чемъ ,꙳ сн҃е мо́й что̀ стра́ннᲂе сѐ видѣ́нїе ,꙳ и҆́же всѣ́мъ жи́знь даѧ́и , ꙗ҆́кѡ бг҃ъ .꙳ ка́кѡ ᲂу҆мира́еши дᲂлгᲂтерпѣли́ве ,꙳ чл҃кѡмъ даѧ̀ вᲂскрⷭ҇нїе ;꙳ сла́влю твᲂѐ мно́гᲂе бж҃е мо́й смᲂтре́нїе .

та́же , нн҃ѣ ѿпꙋща́еши . трⷭ҇то́е , и҆ по ѻ҆́ч҃е на́шъ . трᲂпа́рь . гла́съ , д҃ . Бж҃е ѻ҆ц҃ъ на́шихъ , твᲂрѧ́и прⷭ҇нѡ с̾ на́ми по твᲂемꙋ̀ смᲂтре́нїю , не ѿста́ви млⷭ҇ти твᲂеѧ̀ ѿ на́съ , но тѣ́хъ мᲂли́твами , в̾ ми́рѣ ᲂу҆стро́й живо́тъ на́шъ .= сла́ва , и҆ ны́нѣ , боⷢ҇ . и҆лѝ , крⷭ҇тᲂбоⷢ҇ .=

Кано́нъ , прпⷣбнᲂмꙋ . гла́съ , и҃ . пѣ́снь , а҃ . і҆рмо́съ . Пᲂе́мъ гдⷭ҇ви прᲂве́дшемꙋ лю́ди свᲂѧ̀ , сквᲂзѣ̀ чермно́е мо́ре , ꙗ҆́кѡ є҆ди́нъ , сла́вно бо прᲂсла́висѧ .

запѣ́в̾ : Прпⷣбне ѻ҆́ч҃е тимᲂѳе́е , мᲂлѝ бг҃а ѡ҆ на́съ . Тѧ̀ мы́сленꙋю ѕвѣздꙋ̀ , и҆́же на высᲂтѣ̀ ѻ҆́ч҃е вᲂз̾держа́нїѧ , прᲂсїѧ́вшꙋю свѣ́тлѡ , и҆ вѣ́рныхъ срⷣца̀ ѡ҆зарѧ́ющꙋ , бл҃же́нне тимᲂѳе́е вᲂсхвалѧ́емъ прⷭ҇нѡ . И҆мѣ́ѧ к̾ бг҃ꙋ прилѣ́жнѡ ᲂу҆ма̀ свᲂегѡ̀ ѻ҆́ко , ᲂу҆ны́нїѧ со́нъ ѿ дш҃и ѿтрѧ́слъ є҆сѝ ѻ҆́ч҃е , и҆ хра́мъ бы́лъ є҆сѝ и҆ мѣ́сто сщ҃е́нїѧ тимᲂѳе́е . Лꙋка́вагѡ ко́зни , смире́нїемъ ѡ҆гражде́нъ ѻ҆́ч҃е преше́лъ є҆сѝ невре́днѡ , и҆ к̾ бг҃ꙋ вᲂз̾вы́сисѧ . и҆ тᲂгѡ̀ сла́вᲂю вы́нꙋ наслажда́ешисѧ бл҃же́нне тимᲂѳе́е . боⷢ҇ . И҆́же несказа́ннѡ бг҃а твᲂрца̀ всѧ́ческихъ , во ᲂу҆тро́бѣ заче́ншꙋю , и҆ пло́тїю ꙗ҆́кѡ вᲂи́стинꙋ ро́ждьшꙋю бцⷣꙋ дв҃ꙋ , и҆ дв҃ствꙋющꙋю пѣ́сньми пᲂчита́емъ .

и҆́нъ , кано́нъ , ст҃лю . гла́съ , з҃ . пѣ́снь , а҃ . і҆рмо́съ . Пᲂспѣ́шствᲂвавша бг҃а во є҆ги́птѣ мѡѷсе́ѡви , и҆з̾вестѝ і҆и҃лѧ , тᲂгѡ̀ є҆ди́нагѡ вᲂспᲂе́мъ , ꙗ҆́кѡ прᲂсла́висѧ .

запѣ́въ : Ст҃лю хрⷭ҇то́въ є҆в̾ста́ѳїе , мᲂлѝ бг҃а ѡ҆ на́съ . И҆́же ѻ҆ц҃е́мъ ве́рхъ , ꙗ҆́кѡ сло́ва бл҃гᲂда́тїю ѡ҆дѣ́ѧнна , вели́кᲂго є҆в̾ста́ѳїѧ , пѣ́сньми вᲂсхвалѧ́емъ . Пᲂбо́рникъ вѣ́рѣ ꙗ҆́вльсѧ , хрⷭ҇то́вꙋ цр҃кᲂвь неплѣне́нꙋ , бᲂре́нїемъ є҆́реси , сᲂхрани́лъ є҆сѝ прпⷣбне . Оу҆ста̀ слᲂвесѝ бы́въ , ѿры́гнꙋлъ є҆сѝ ᲂу҆че́нїѧ пꙋчи́нꙋ прпⷣбне . в̾не́йже пᲂтᲂпи́лъ є҆сѝ а҆́рїево ѕлᲂче́стїе . боⷢ҇ . И҆́же сло́вᲂмъ пло́тїю , па́че сло́ва ро́ждьши , нача́льника жи́зни , непреста́ннѡ мᲂлѝ , спасти́сѧ дш҃а́мъ на́шим̾ .

пѣ́снь , г҃ . і҆рмо́съ . Оу҆тверже́нїе мᲂѐ сп҃се ты̀ є҆сѝ , и҆ прибѣ́жище и҆ си́ла , пᲂдви́гшеесѧ срⷣце мᲂѐ , ᲂу҆твердѝ во стра́хъ тво́й . ꙗ҆́кѡ нѣ́сть ст҃а , ꙗ҆́кᲂже ты̀ бж҃е мо́й . Оу҆щедрѧ́ѧ всѣ́хъ ми́лᲂва нїемъ , дрꙋгі́и а҆враа́мъ бы́лъ є҆сѝ , прїе́млѧ ѿ всю́дꙋ прихᲂдѧ́щїѧ ѽ тимᲂѳе́е . и҆ тѣ́ми ᲂу҆го жда́ѧ всѣ́хъ бг҃ꙋ . Оу҆мертви́лъ є҆сѝ ѻ҆́ч҃е , и҆́же на землѝ свᲂѧ̀ ᲂу҆́ды , ꙗ҆́кᲂже речѐ а҆пⷭ҇лъ , жи́зни нбⷭ҇нѣй прича́стникъ ꙗ҆ви́лсѧ є҆сѝ . в̾не́й же чтꙋ́щїѧ тѧ̀ прⷭ҇нѡ пᲂмина́й . Вᲂсто́ка твᲂи́хъ дѣ́лъ ѻ҆́ч҃е , сл҃нце бы́сть незахᲂди́мо . лꙋча́ми по́двигъ кᲂнцы̀ ѡ҆зарѧ́ѧ прⷭ҇нѡ , и҆ бѣсо́мъ разᲂрѧ́ѧ ѡ҆мраче́нїе . боⷢ҇ . Ст҃а́ѧ дв҃о , цр҃ѧ црⷭ҇твꙋ ющихъ рᲂди́тельнице , плени́цы сᲂгрѣше́нїи мᲂи́хъ раздерѝ . и҆ наста́ви к̾ пᲂкаѧ́нїю сте зѧ́мъ , мл҃твами твᲂи́ми .

и҆́нъ , і҆рмо́съ . Оу҆тверди́сѧ срⷣце мᲂѐ ѡ҆́ гдⷭ҇ѣ , вᲂзнесе́сѧ ро́гъ мо́й ѡ҆́ бз҃ѣ мᲂе́мъ , раз̾шири́шасѧ на врагѝ мᲂѧ̀ ᲂу҆ста̀ мᲂѧ̀ . Ты̀ ѻ҆рꙋ́жїе и҆звле́къ и҆́стиннᲂе , ꙗ҆ви́лсѧ є҆сѝ бл҃гᲂче́стїѧ первᲂнача́льникъ . сᲂпрᲂти́вныѧ вѣ́рѣ прᲂбо́дъ є҆в̾ста́ѳїе . Ты̀ любᲂбᲂлѣ́знено вᲂз̾дѣ́лавъ цр҃квь . се́рпᲂмъ ᲂу҆че́нїи свᲂи́хъ бл҃же́нне , и҆ско́рене всѧ̀ пᲂсѣка́ше тѣ́мъ пле́велы . Старѣ́йшинствꙋѧ со сла́вᲂю и҆́стиннᲂмꙋ . сꙋ́щаго вᲂи́стинꙋ нача́льника лжѝ а҆́рїѧ , бг҃ᲂбл҃же́нне пᲂрази́лъ є҆сѝ , ка́менїемъ слᲂве́съ твᲂи́хъ . боⷢ҇ . Рᲂди́сѧ несказа́ннѡ , ꙗ҆ви́сѧ ꙗ҆́кᲂже бл҃гᲂи҆зво́ли сп҃се на́шъ . и҆ ми́ръ ѡ҆бнᲂви́лъ є҆сѝ гдⷭ҇и .

сѣда́ленъ . гла́съ , и҃ . Наꙋчи́всѧ сло́вꙋ , и҆́же на́съ ра́ди ѿ дв҃ы ро́ждьшемꙋсѧ без̾ и҆стлѣ́нїѧ . сегѡ̀ бжⷭ҇тво̀ , без̾бо́жнымъ прᲂпᲂвѣ́далъ є҆сѝ . и҆ мно́ги приве́лъ є҆сѝ бг҃ᲂви вѣ́рᲂю , сщ҃е́нныхъ чꙋде́съ мно́гими ꙗ҆вле́ньми . тѣ́мже бг҃ᲂно́сне , ст҃ꙋ́ю ти па́мѧть твᲂрѧ́ще , бл҃гᲂда́тїю твᲂе́ю дш҃и прᲂсвѣща́емъ , и҆ сᲂгла́снѡ вᲂпїе́мъ тѝ , бг҃ᲂно́сне тимᲂѳе́е мᲂлѝ хрⷭ҇та̀ бг҃а , грѣхо́въ ѡ҆ставле́нїе пᲂда́ти , чтꙋ́щимъ любо́вїю ст҃ꙋ́ю па́мѧть твᲂю̀ . дрꙋгі́и , сѣда́ленъ . гла́съ , г҃ . Є҆динᲂсꙋ́щна ѻ҆ц҃ꙋ и҆ дх҃ꙋ сло́ва прᲂпᲂвѣ́далъ є҆сѝ , ѻ҆́ч҃е є҆в̾ста́ѳїе . и҆ безꙋ́мнагѡ тве́рдѡ жи́лами ᲂу҆че́нїи твᲂи́хъ , а҆́рїѧ ᲂу҆дави́лъ є҆сѝ , хꙋ́лѧщагѡ на пра́вᲂе ᲂу҆че́нїе . тѣ́мже сᲂпричте́сѧ лико́мъ ра́дꙋѧсѧ , бжⷭ҇твенныхъ прᲂпᲂвѣ́дникъ ѻ҆ц҃ъ . с̾ни́ми же на́съ пᲂмина́й . сла́ва , и҆ ны́нѣ , боⷢ҇ . Ꙗ҆́кѡ невᲂз̾дѣ́ланенъ дв҃о винᲂгра́дъ , прекра́сныи гро́здъ и҆зрасти́ла є҆сѝ , и҆стᲂча́ющь на́мъ вино̀ спаси́тельнᲂе , всѣ́мъ веселѧ́ще дш҃а и҆ тѣлеса̀ . тѣ́мже ꙗ҆́кѡ вино́внꙋ тѧ̀ до́брымъ ᲂу҆бл҃жа́юще , при́снѡ со а҆́гг҃лѡмъ вᲂпїе́мъ тѝ , ра́дꙋисѧ ѡ҆бра́дᲂваннаѧ . крⷭ҇тᲂбоⷢ҇ . Неи҆скꙋсᲂбра́чнаѧ чⷭ҇таѧ и҆ мт҃и твᲂѧ̀ хрⷭ҇тѐ , зрѧ́щи тѧ̀ ме́ртва пᲂвѣ́шена на́ древѣ , мт҃рьски рыда́ющи гл҃аше , что́ти вᲂз̾да́стъ є҆вре́йскїи без̾зако́нныи сᲂбо́ръ , и҆ без̾бл҃гᲂда́тныи , и҆́же мно́гихъ и҆ вели́кихъ твᲂи́хъ , сн҃е мо́й даро́въ наслажде́исѧ . пᲂю̀ твᲂѐ бжⷭ҇твеннᲂе с̾хᲂжде́нїе .

пѣ́снь , д҃ . і҆рмо́съ . И҆з̾ гᲂры̀ присѣ́нныѧ сло́ве прᲂро́къ , и҆з̾ є҆ди́ныѧ бцⷣы хᲂтѧ́щасѧ вᲂплᲂти́ти , бг҃ᲂви́днѡ раз̾смо́трь , и҆ со́ страхᲂмъ славᲂсло́вѧши си́лꙋ твᲂю̀ . Ты̀ мл҃твами ᲂу҆твержа́ѧсѧ , мы́сленыхъ враго́въ лꙋ́ки и҆ стрѣ́лы , ꙗ҆́кᲂже младе́нецъ стрѣлѧ́нїѧ в̾мѣни́лъ є҆сѝ , ѻ҆́ч҃е пресла́вне тимᲂѳе́е . И҆́же к̾ на́мъ хрⷭ҇то́ва смᲂтре́нїѧ , любо́вїю пᲂкланѧ́ѧсѧ бг҃ᲂмꙋ́дре ѻ҆́бразꙋ , и҆скꙋше́нїе мꙋ́къ претерпѣ́лъ є҆сѝ , ѿ сегѡ̀ ѿмета́ющихсѧ ѽ тимᲂѳе́е . Ꙗ҆́кᲂже нѣ́кїи сто́лпъ непᲂкᲂлѣби́мъ бы́лъ є҆сѝ , в̾ при́снѣмъ бж҃їи славᲂсло́вїи . ника́ко же пᲂчива́ѧ , в̾ си́хъ пре́былъ є҆сѝ красᲂта́хъ прича́стникъ , ѽ тимᲂѳе́е . боⷢ҇ . Но́во на землѝ рᲂдила̀ є҆сѝ ѻ҆трᲂча̀ . є҆́же ѿ ѻ҆ц҃а пре́жде всѣ́хъ вѣ́къ , рᲂжде́ннаго нетлѣ́нно мт҃и чⷭ҇таѧ , хрⷭ҇тїѧ́нѡмъ и҆справле́нїе .

и҆́нъ , і҆рмо́съ . Нб҃са̀ пᲂкры́ла є҆́сть дᲂбрᲂдѣ́тель твᲂѧ̀ гдⷭ҇и , и҆ твᲂегѡ̀ хвале́нїѧ всѧ̀ и҆спо́лни шасѧ сла́ва си́лѣ твᲂе́й зᲂве́мъ . Вѣ́ры сᲂбира́ѧ пᲂбѣди́тельнаѧ , стрѣла́ми слᲂве́сными , нече сти́ваго бг҃ᲂмꙋ́дренѡ низ̾лᲂжи́лъ є҆сѝ ѻ҆́ч҃е а҆́рїѧ . Слᲂве́съ твᲂи́хъ свѣ́тлᲂсть ꙗ҆́кᲂже мо́лнїѧ и҆з̾ ше́дши , а҆́рїево ѕлᲂсла́вїе пᲂпалѧ́етъ , є҆в̾ста́ѳїе премꙋ́дре . Ѻ҆гражде́нїе пᲂло́жь слᲂвесы̀ свᲂи́ми , ꙗ҆́кᲂже винᲂгра́дꙋ гдⷭ҇ню , цр҃кви прпⷣбне . боⷢ҇ . Рᲂдила̀ є҆сѝ пло́тїю дв҃о чⷭ҇таѧ , и҆́же пре́жде тебѐ без̾нача́льнаго сло́ва . и҆ по тебѣ̀ па́че сло́ва , и҆з̾ тебѐ в̾ чл҃чьшасѧ .

пѣ́снь , є҃ . і҆рмо́съ . Мра́къ дш҃и мᲂеѧ̀ ѿженѝ свѣтᲂда́вче хрⷭ҇тѐ бж҃е , зачалᲂбы́тнꙋю тмꙋ̀ и҆згна́въ бе́здны , и҆ да́рꙋй ми свѣ́тъ пᲂвелѣ́нїи твᲂи́хъ сло́ве , да ᲂу҆́треннюѧ прᲂславлѧ́ю тѧ̀ . Оу҆мо́мъ ѡ҆чи́щенᲂмъ пред̾стᲂѧ̀ трⷪ҇цѣ бл҃же́нне . и҆ є҆́же ѿ тꙋ́дꙋ зарѧ́ми ѡ҆сїѧ́емь ѻ҆́ч҃е , сꙋ́щїѧ во тмѣ̀ на́съ дш҃е́вными страстьмѝ , прᲂсвѣща́еши всегда̀ . Пло́ть вᲂз̾держа́нїемъ , дш҃ꙋ без̾стра́стїемъ ᲂу҆краси́въ мꙋ́дре , цр҃ѧ всѧ́ческихъ ᲂу҆го́дникъ ꙗ҆ви́лсѧ є҆сѝ . и҆ ѿ негѡ̀ ꙗ҆́вѣ , чꙋде́съ зарю̀ прїѧ́лъ є҆сѝ тимᲂѳе́е . Не ᲂу҆мо́мъ льсти́внымъ , но прᲂсты́мъ срⷣцемъ прᲂси́вши пристꙋпи́вшаѧ непло́дᲂва , вѣ́рнᲂю мл҃твᲂю бл҃гᲂча́дна ꙗ҆влѧ́етсѧ ѿ непло́дства , пᲂю́щи хрⷭ҇та̀ бг҃а на́шегѡ . боⷢ҇ . Все́льсѧ въ чре́во твᲂѐ живы́и в̾ вы́шнихъ , тѧ̀ сᲂдѣ́ла нб҃съ ши́ршꙋ мр҃і́е бцⷣе . є҆го́же ѡ҆ всѣ́хъ на́съ ꙗ҆́кѡ бл҃га́ѧ , непреста́й мᲂлѧ́щи бг҃ᲂневѣ́сто .

и҆́нъ , і҆рмо́съ . Оу҆́треннюетъ дх҃ъ мо́й к̾ тебѣ̀ хрⷭ҇тѐ бж҃е , занѐ свѣ́тъ пᲂвелѣ́нїѧ твᲂѧ̀ , бы́ша и҆сцѣле́нїѧ рабо́мъ твᲂи́мъ чл҃кᲂлю́бче . Мра́къ разᲂри́лъ є҆сѝ є҆ресе́мъ , и҆ вᲂсїѧ́лъ є҆сѝ кᲂнце́мъ всѣ́мъ , зарѧ̀ ᲂу҆че́нїи твᲂи́хъ , є҆в̾ста́ѳїе бл҃же́нне . двⷤа . Ѻ҆рꙋ́жїи ѡ҆гражда́еми є҆в̾ста́ѳїе , ᲂу҆че́нїи твᲂи́хъ , настᲂѧ́щаѧ бжⷭ҇твеннѣй вѣ́рѣ є҆́реси пᲂбѣжда́емъ . боⷢ҇ . Дв҃о непреста́й мᲂлѧ́щи , бг҃а и҆з̾ тебѐ ро́ждьшагᲂсѧ пло́тїю , и҆зба́витисѧ рабо́мъ твᲂи́мъ , ѿ всѧ́кᲂгѡ ѡ҆б̾стᲂѧ́нїѧ .

пѣ́снь , ѕ҃ . і҆рмо́съ . Ѡ҆чи́сти мѧ сп҃се , мно́га бо без̾зако́нїѧ мᲂѧ̀ , и҆ и҆з̾ глꙋбины̀ ѕѡ́лъ вᲂз̾веди́ мѧ мᲂлю́сѧ , к̾ тебѣ́ бо вᲂз̾ва́хъ и҆ ᲂу҆слы́ша мѧ , бж҃е спасе́нїѧ мᲂегѡ̀ . До́брѣ свᲂѐ сᲂблюда́ѧ дв҃ьства дᲂстᲂѧ́нїе , во все́й свᲂе́й жи́зни , женѐ никᲂли́же на лицѐ зрѣ́лъ є҆сѝ . є҆́же ѿ сегѡ̀ вре́да до кᲂнца̀ ѿтрѧса́ѧсѧ . Въ приста́нище мы́сленᲂе ᲂу҆стреми́лсѧ є҆сѝ , вᲂлна́ми сласте́й не ѡ҆мᲂчи́всѧ бл҃же́нне тимᲂѳе́е . но дх҃а живᲂно́сными вѣ́тры , преплы́лъ є҆сѝ всесла́вне . Оу҆дали́лсѧ є҆сѝ ѱало́мски , в̾ гᲂра́хъ живы́и . в̾ пꙋсты́нѧхъ прⷭ҇нѡ мꙋ́дре вᲂдвᲂрѧ́ѧсѧ , до́ндеже в̾ше́лъ є҆сѝ , в̾ бж҃їи гра́дъ тимᲂѳе́е бл҃же́нне . боⷢ҇ . И҆́же на плещꙋ̀ херꙋви́мскꙋ неѡ҆пи́санно сѣдѧ́и , ѡ҆пи́сано в̾ твᲂѐ чре́во в̾сели́сѧ , пло́тїю а҆ не бжⷭ҇тво́мъ , и҆ и҆з̾ тебѐ про́йде , спаса́ѧ мѧ̀ пренепᲂро́чнаѧ .

и҆́нъ , і҆рмо́съ . І҆ѡ́на и҆́з̾ чрева а҆́дᲂва вᲂпїѧ́ше , живо́тъ мо́й и҆з̾ и҆стлѣ́нїѧ свᲂбᲂдѝ , мы́ же тѝ вᲂпїе́мъ , всемᲂгі́и сп҃се пᲂми́лꙋй на́съ . Слᲂве́съ твᲂи́хъ бг҃ᲂдх҃нᲂве́нныхъ вѣ́трᲂмъ , ᲂу҆ти́шилъ є҆сѝ бꙋ́рю є҆рети́чествꙋющихъ . в̾ приста́нище бл҃гᲂче́стїѧ , цр҃квь направлѧ́ѧ пребл҃же́нне . двⷤа . Въ дᲂбрᲂдѣ́тели непᲂро́ченъ сы́и прпⷣбне , сла́венъ ꙗ҆ви́сѧ сло́вᲂмъ и҆ житїе́мъ , цр҃кви хрⷭ҇то́вѣ ᲂу҆дᲂбре́нїе . боⷢ҇ . Є҆го́же рᲂдила̀ є҆сѝ бцⷣе несказа́ннѡ бг҃а на́шегѡ , мᲂлѧ́щи непреста́й , и҆зба́витисѧ ѿ бѣ́дъ , пᲂю́щимъ тѧ̀ чⷭ҇таѧ прⷭ҇нѡ дв҃о .

кᲂнда́къ , тимᲂѳе́ю . гла́съ , д҃ . Ꙗ҆́кѡ ѕвѣзда̀ мнᲂгᲂсвѣ́тлаѧ , ѿ вᲂсто́ка прᲂсїѧ́въ , ѡ҆свѣти́лъ є҆сѝ срⷣца̀ вѣ́рныхъ , дᲂбрᲂдѣ́тельми чꙋде́съ твᲂи́хъ , чꙋдᲂно́сче тимᲂѳе́е прпⷣбне .

пѣ́снь , з҃ . і҆рмо́съ . А҆́гг҃лѡмъ ѻ҆́трᲂки ѿ ѻ҆гнѧ̀ спасѐ , и҆ гремѧ́щꙋю пе́щь прелᲂжи́въ на́ хладъ , бл҃гᲂслᲂве́нъ є҆сѝ гдⷭ҇и бж҃е ѻ҆ц҃ъ на́шихъ . Оу҆гаси́въ страсте́мъ пла́мень сле́зными рᲂса́ми , бл҃гᲂда́ть чꙋдесе́мъ и҆стᲂчи́лъ є҆сѝ . и҆́ми же ѡ҆чи́стилъ є҆сѝ , скве́рны страсте́й тимᲂѳе́е . Бл҃же́нство бжⷭ҇твеннᲂе , нело́жнѡ ᲂу҆лꙋчи́лъ є҆сѝ . кро́ткихъ прпⷣбне наслѣ́дилъ є҆сѝ зе́млю , и҆ ра́дᲂсти и҆збра́нныхъ насыща́ѧсѧ . Разрѣше́нїе грѣхо́въ , твᲂрѧ́щимъ любо́вїю сщ҃е́ннꙋю па́мѧть , твᲂегѡ̀ преставле́нїѧ , ꙗ҆́кѡ дерзнᲂве́нїе ѡ҆брѣ́тъ бл҃же́нне и҆спрᲂсѝ . боⷢ҇ . И҆зба́вленїи всѝ ѿ пе́рвыѧ клѧ́твы , прест҃ы́мъ ржⷭ҇тво́мъ тѝ , бл҃гᲂслᲂве́наѧ є҆ди́на , тѧ̀ бл҃гᲂслᲂви́мъ бцⷣе нескве́рнаѧ .

и҆́нъ , і҆рмо́съ . Въ пещѝ сꙋ́ще халдѣ́йстѣй , а҆враа́мстїи ѻ҆́трᲂцы , ликᲂва́хꙋ со а҆́гг҃лѡмъ гл҃юще , бл҃гᲂслᲂве́нъ є҆сѝ гдⷭ҇и бж҃е ѻ҆ц҃ъ на́шихъ . Є҆рети́чествꙋющихъ бра́нь , ѻ҆рꙋ́жїемъ дх҃о́внымъ мꙋ́дре пᲂбѣди́въ . по́чести нетлѣ́нныѧ прїѧ́лъ є҆сѝ ѿ хрⷭ҇та̀ вѣнча́емь . Ме́чь ѡ҆бᲂю́дꙋ ѻ҆́стръ ᲂу҆ста̀ твᲂѧ̀ , на нечести́выхъ ѻ҆́ч҃е пᲂказа́шасѧ . пᲂд̾рꙋко́ю сло́ва пᲂкрыва́ема , ꙗ҆́кѡ си́хъ бра́нь пᲂсѣ́кша . Оу҆че́нїѧ лᲂпа́тᲂю , развѣ́ѧлъ є҆сѝ а҆́рїевꙋ ле́сть ꙗ҆́кѡ плевы̀ . во ѡ҆дш҃евле́нꙋю ѻ҆́ч҃е жи́тницꙋ , сᲂбира́ѧ пшени́цꙋ вѣ́ры . боⷢ҇ . Бцⷣꙋ всѝ пᲂчте́мъ , ꙗ҆́кѡ сп҃са рᲂдила̀ є҆́сть , вѣ́рᲂю в̾зыва́юще , ра́дꙋисѧ рабо̀ и҆ мт҃и и҆ хрⷭ҇та̀ бг҃а на́шегѡ .

пѣ́снь , и҃ . і҆рмо́съ . Пᲂкрыва́ѧй вᲂда́ми превы́спреннѧѧ свᲂѧ̀ , пᲂлага́ѧй мо́рю предѣ́лъ песо́къ , и҆ сᲂдержа́и зе́млю . тѧ̀ пᲂе́тъ сл҃нце , тѧ̀ сла́витъ лꙋна̀ , тебѣ̀ прино́ситъ хвалꙋ̀ всѧ̀ тва́рь , ꙗ҆́кѡ сᲂдѣ́телю всѣ́мъ во́ вѣки . Страстᲂꙋбі́ицъ бы́лъ є҆сѝ , вᲂз̾держа́нїемъ мно́гимъ , и҆ тве́рдыми бᲂлѣ́зньми бдѣ́нїѧ . вᲂсхᲂжде́ньми прⷭ҇нѡ дᲂбрᲂдѣ́телей прпⷣбне , пᲂꙋча́ѧсѧ срⷣцемъ , и҆ ѿ сла́вы прехᲂдѧ̀ в̾ сла́вꙋ , некᲂнча́емыѧ жи́зни нетлѣ́нныѧ . Ꙗ҆́кѡ же́ртвꙋ прпⷣбне , мл҃твы свᲂѧ̀ бг҃ᲂви пречⷭ҇тᲂмꙋ ты̀ прине́слъ є҆сѝ чи́сты ѿ дш҃и . бжⷭ҇твенѡ дѣ́йство ѿ негѡ̀ прїѧ́тъ и҆сцѣле́нїемъ , бѣ́сы ѿгᲂнѧ́ти , чл҃ческїѧ цѣли́ти не́мᲂщи . Ненавистᲂѕло́бникъ и҆ неѕло́бивъ , млⷭ҇тивъ и҆ кро́тᲂкъ , и҆ пра́вдᲂю ᲂу҆краше́нъ ѻ҆́ч҃е бы́лъ є҆сѝ . прпⷣбенъ непᲂро́ченъ , неприча́стникъ всѧ́кїѧ непра́вды , сто́лпъ и҆́нᲂкꙋющимъ . тѣ́мже тѧ̀ пᲂчита́емъ вѣ́рнїи во́ вѣки . боⷢ҇ . Є҆ди́нꙋ тѧ̀ и҆збра̀ дᲂбро́тꙋ і҆а́кѡвлю ѻ҆́ч҃ее сло́во , и҆ пᲂсредѝ тебѐ в̾сели́сѧ ꙗ҆́кᲂже бл҃гᲂи҆зво́ли . па́че всѣ́хъ краснѣ́йши чл҃къ , пречⷭ҇таѧ про́йде , ѡ҆мраче́ннᲂе на́ше ѡ҆чища́ѧ є҆стество̀ .

и҆́нъ , і҆рмо́съ . Є҆ди́нагѡ без̾нача́льнагѡ цр҃ѧ сла́вы , є҆го́же хва́лѧтъ нбⷭ҇ныѧ си́лы , и҆ трепе́щꙋтъ чи́ни а҆́гг҃льстїи , по́йте сщ҃е́ннїи , лю́дїе превᲂзнᲂси́те є҆гѡ̀ во́ вѣки . Жеѕло́мъ премꙋ́дрᲂсти твᲂеѧ̀ , писа́нїемъ раздѣли́въ бжⷭ҇твеннꙋю пꙋчи́нꙋ хрⷭ҇то́въ ст҃лю , и҆ прелᲂжи́лъ є҆сѝ къ землѝ правᲂсла́вїѧ но́ваго і҆и҃лѧ . а҆рїани́ты же , ꙗ҆́кѡ є҆ги́птѧны ᲂу҆дави́лъ є҆сѝ . Нбⷭ҇нагѡ ты̀ с̾ше́дъ видѣ́нїѧ , на сто́лпъ хала́н̾скїи , а҆́рїевъ , размѣси́лъ є҆сѝ ꙗ҆зы́ки є҆рети́чествꙋющихъ , є҆в̾ста́ѳїе мꙋ́дре . є҆динᲂгла́снꙋю вѣ́рꙋ прᲂпᲂвѣ́даѧ во́ вѣки . И҆спᲂвѣ́даньми свᲂи́ми , и҆́же по и҆́стинѣ на за́падѣ жи́знь скᲂнча́лъ є҆сѝ . вᲂсїѧ́лъ є҆сѝ па́ки на вᲂсто́цѣ ста́дꙋ свᲂемꙋ̀ мꙋ́дре , зарю̀ бл҃гᲂче́стїѧ и҆спꙋща́ѧ во́ вѣки . боⷢ҇ . Сᲂзда́вшаго а҆да́ма по ѻ҆́бразꙋ , и҆ ѿ смѣше́нїѧ є҆гѡ̀ прᲂше́дша , и҆ спа́сша чл҃ческїи ро́дъ , по́йте сщ҃е́ннїи , лю́дїе превᲂзнᲂси́те є҆гѡ̀ во́ вѣки .

пѣ́снь , ѳ҃ . і҆рмо́съ . Бл҃гᲂслᲂве́нъ гдⷭ҇ь бг҃ъ і҆и҃левъ , вᲂз̾дви́гнꙋвыи ро́гъ спасе́нїѧ на́мъ , в̾ дᲂмꙋ̀ дв҃дᲂвѣ ѻ҆́трᲂка свᲂегѡ̀ . в̾ ни́хже пᲂсѣтѝ на́съ вᲂсто́къ свы́ше , и҆ напра́вилъ ны̀ є҆́сть на пꙋ́ть ми́ренъ . Сщ҃е́нїѧ хра́мъ , ᲂу҆миле́нїѧ и҆сто́чникъ , милᲂсе́рдїѧ стрꙋѧ̀ ꙗ҆ви́лсѧ є҆сѝ мꙋ́дре . любве́ же без̾мѣ́рныѧ пꙋчи́на , гдⷭ҇нь ᲂу҆го́дникъ нело́женъ . нбⷭ҇ныи граждани́нъ , и҆ а҆́гг҃лѡмъ є҆динᲂкро́вникъ , и҆ чꙋдесе́мъ и҆з̾лїѧ́нїе . Хвали́тисѧ млⷭ҇ти ѻ҆́ч҃е сꙋда̀ с̾вѣ́дыи , непрезрѣ́лъ є҆сѝ стра́нна . но всѣ́мъ прпⷣбне ѻ҆ц҃ъ бы́въ , си́рымъ и҆ вдᲂви́цамъ застꙋ́пникъ . наги́мъ ѡ҆дѣѧ́нїе , и҆ пи́ща а҆́лчꙋщимъ . Ѿ землѝ ѿлꙋчи́лсѧ є҆сѝ к̾ нб҃сѝ , и҆дѣ́же и҆мѣ́лъ є҆сѝ и҆ є҆щѐ хᲂдѧ̀ в̾ пло́ти , до́брѣ житїѐ прпⷣбне . на́мъ ѡ҆чище́нїе сᲂгрѣше́нїемъ мᲂлѧ̀ дарᲂва́ти , вѣ́рᲂю чтꙋ́щимъ твᲂю̀ ст҃ꙋ́ю па́мѧть . Стрꙋѧ̀ на́мъ всегда̀ чⷭ҇тна́ѧ твᲂѧ̀ ра́ка и҆сцѣле́нїѧ и҆стᲂча́етъ ѻ҆́ч҃е , стрⷭ҇те́мъ и҆з̾лїѧ́нїе всѧ́ческимъ и҆з̾сꙋша́ющи . и҆ всѧ̀ напаѧ́ющи дш҃а , къ бл҃гᲂпло́дїю бжⷭ҇твеннᲂмꙋ , сщ҃е́нне тимᲂѳе́е хрⷭ҇то́въ ᲂу҆го́дниче . боⷢ҇ . Гл҃ѡмъ твᲂи́мъ пᲂслѣ́дꙋюще , ро́дᲂве рᲂдо́въ бл҃же́ннаѧ , тѧ̀ бл҃жа́тъ при́снѡ . бг҃а бо вᲂи́стинꙋ бл҃же́ннагѡ рᲂдила̀ є҆сѝ прест҃а́ѧ чⷭ҇таѧ , и҆́же всѧ̀ бл҃же́нны тᲂмꙋ̀ рабо́тающїѧ нело́жнѡ , сᲂдѣва́юща .

и҆́нъ , і҆рмо́съ . Вы́ше є҆стества̀ мт҃рь , и҆ по є҆стествꙋ̀ дв҃ꙋ , є҆ди́нꙋ в̾ жена́хъ бл҃гᲂслᲂве́ннꙋю , пѣ́сньми вѣ́рнїи бцⷣꙋ велича́емъ . И҆́же въ писа́нїихъ гро́здъ , ᲂу҆чи́тельно и҆з̾гне́тъ , напᲂи́лъ є҆сѝ вѣ́рныхъ вина̀ ѻ҆́ч҃е , и҆́стины хрⷭ҇то́вы , срⷣца̀ веселѧ́ща . Ѻ҆рꙋ́жїе ѡ҆бᲂю́дꙋ ѻ҆стро̀ нᲂсѧ̀ , бг҃ᲂсло́вныи тво́й ꙗ҆зы́къ . пᲂсѣ́клъ є҆сѝ лꙋка́выи а҆́рїѧ гнѣ́въ , непᲂви́ннꙋю и҆ дш҃е́внꙋю кро́вь , бл҃же́нне и҆з̾лива́ющъ . Наро́читыи ст҃ы́и де́нь , всест҃ы́ѧ тѝ па́мѧти твᲂрѧ́ще дх҃о́внѡ , тѧ̀ мо́лимъ , мᲂлѝ прилѣ́жнѡ ст҃лю спасти́сѧ на́мъ . боⷢ҇ . Ю҆́же во́ чревѣ заче́ншꙋю , неѡ҆пи́саннᲂе сло́во , и҆ две́рь бжⷭ҇твенныѧ жи́зни на́мъ ꙗ҆́вльшꙋю , пречⷭ҇тꙋю вᲂи́стинꙋ бцⷣꙋ велича́емъ .