МЦⷭ҇А ТОГО́ЖЕ ВЪ Ѳ҃ ДН҃Ь

ст҃ы́хъ великᲂмч҃нкъ м҃ , и҆́же в̾ севасті́и . Здѣ́же преста́ютъ пᲂкло́ны ѿ самᲂгѡ̀ нача́ла вече́рни , крᲂмѣ̀ кᲂне́чныхъ , тре́хъ , вели́кихъ пᲂкло́нᲂвъ , и҆ дрꙋги́хъ быва́ющихъ , є҆гда̀ пᲂю́тъ дасѧ̀ и҆спра́витъ мл҃тва мᲂѧ̀ , и҆ на нн҃ѣ си́лы нбⷭ҇ныѧ , и҆ на бꙋ́ди и҆́мѧ гдⷭ҇не . Ве́черъ , на вече́рни . пред̾варѧ́етъ самᲂгла́сна стⷯра , дне́ви , ꙗ҆́же в̾ трїѡ́ди , вⷤ . и҆ мч҃нченъ . та́же , поⷣ , стⷯры , в̾ трїѡ́ди , г҃ . и҆ ст҃ы́мъ , на д҃ . стихѣ́ры , гла́съ , в҃ . Терпѧ́ще мꙋче́нїѧ крѣ́пкѡ , ра́дꙋющесѧ надѣ́емымъ , дрꙋ́гъ ко́ дрꙋгꙋ гл҃ахꙋ , ст҃і́и мч҃нцы , не ᲂу҆́бѡ ри́зъ сᲂвлачи́мсѧ , но ве́тхагѡ чл҃ка ѿлага́емъ . ꙗ҆́ра зима̀ , но сла́дᲂкъ ра́й . бᲂлѣ́зненъ ле́дъ , но сла́дко вᲂспрїѧ́тїе . не ᲂу҆клᲂни́мсѧ ᲂу҆́бѡ ѽ во́ини , ма́лѡ претерпи́мъ , да вѣнцы̀ пᲂбѣ́дными ᲂу҆вѧзе́мсѧ , ѿ хрⷭ҇та̀ бг҃а и҆ сп҃са дш҃а́мъ на́шимъ . аⷤ . Ме́чꙋще ѻ҆дѣѧ́нїѧ всѧ̀ , в̾хᲂдѧ́ще без̾ тре́пета во є҆́зеро , дрꙋ́гъ ко́ дрꙋгꙋ гл҃ахꙋ , ст҃і́и мч҃нцы за ра́й и҆́же пᲂгꙋби́хᲂмъ , ри́зъ тлѣ́нныхъ дне́сь непᲂщади́мъ . ѕмі́емъ и҆нᲂгда̀ тлетво́рнымъ ѡ҆блече́ни , сᲂвлеце́мсѧ ны́нѣ за всѣ́хъ вᲂскрⷭ҇нїе . небрезе́мъ ѡ҆ле́дѣ раста́емѣ , пло́ть вᲂзненави́димъ , да вѣнцы̀ пᲂбѣ́дными ᲂу҆вѧзе́мсѧ , ѿ хрⷭ҇та̀ бг҃а , и҆ сп҃са дш҃а́мъ на́шимъ . вⷤ . Ви́дѧще ꙗ҆́кѡ наслажде́нїе мꙋ́ки , текꙋ́ще ко є҆́зерꙋ стꙋденꙋ̀ , ꙗ҆́кѡ к̾ теплᲂтѣ̀ , гл҃ахꙋ ст҃і́и мч҃нцы , не ᲂу҆страши́мсѧ часа̀ зи́мнѧгѡ , да стра́шныѧ гее́ны ѻ҆гнѧ̀ ᲂу҆бѣжи́мъ . сᲂж̾жена̀ бꙋ́ди нᲂга̀ , да ликꙋ́етъ вѣ́чнѡ . рꙋка́ же ѿє́млема , да вᲂз̾дѣ́етсѧ къ бг҃ꙋ . и҆ непᲂщади́мъ є҆стества̀ ᲂу҆мира́ющагѡ , и҆зво́лимъ сме́рть , да вѣнцы̀ пᲂбѣ́дѣ ᲂу҆вѧзе́мсѧ , ѿ хрⷭ҇та̀ бг҃а и҆ сп҃са дш҃а́мъ на́шимъ . сла́ва . гла́съ , то́йже . Терпѧ́ще мꙋче́нїѧ крѣ́пкѡ , ра́дꙋющесѧ надѣ́емымъ , дрꙋ́гъ ко́ дрꙋгꙋ гл҃ахꙋ , ст҃і́и мч҃нцы , не ᲂу҆́бѡ ри́зъ сᲂвлачи́мсѧ , но ве́тхагѡ чл҃ка ѿлага́емъ . ꙗ҆́ра зима̀ , но сла́дᲂкъ ра́й . бᲂлѣ́зненъ ле́дъ , но сла́дко вᲂспрїѧ́тїе . не ᲂу҆клᲂни́мсѧ ᲂу҆́бѡ ѽ во́ини , ма́лѡ претерпи́мъ , да вѣнцы̀ пᲂбѣ́дными ᲂу҆вѧзе́мсѧ , ѿ хрⷭ҇та̀ бг҃а и҆ сп҃са дш҃а́мъ на́шимъ . и҆ нн҃ѣ , боⷢ҇ . Пре́йде сѣ́нь зако́ннаѧ , бл҃гᲂда́ти прише́дши , ꙗ҆́кᲂже бо кꙋпина̀ не с̾гара́ше , распала́ющисѧ . та́кѡ и҆ дв҃аѧ рᲂдила̀ є҆́сть , и҆ дв҃ᲂю пребы́сть . в̾мѣ́стѡ стᲂлпа̀ ѻ҆́гненнагѡ , пра́веднᲂе вᲂз̾сїѧ̀ сл҃нце . в̾мѣ́стѡ мѡѷсе́ѧ хрⷭ҇то́съ , во спасе́нїе дш҃а́мъ на́шимъ . та́же , вы́хᲂдъ . прᲂки́менъ , и҆ чте́нїѧ , дне́ви . и ст҃ы́мъ , г҃ .

Ѿ прᲂро́чества и҆са́ина , чте́нїе .

Та́кѡ глаго́летъ гдⷭ҇ь , всѝ ꙗ҆зы́цы сᲂбра́шасѧ вкꙋ́пѣ , и҆ сᲂберꙋ́тсѧ кнѧ́зи ѿ ни́хъ . и҆ кто̀ вᲂзвѣсти́тъ сїѧ̀ в̾ ни́хъ ; и҆ ꙗ҆́кᲂже и҆з̾ нача́ла кто̀ слы́шана сᲂтвᲂри́тъ ва́мъ ; да приведꙋ́тъ свидѣ́тели свᲂѧ̀ , и҆ ѡ҆правдѧ́тсѧ , и҆ да ᲂу҆слы́шатъ , и҆ да рекꙋ́тъ и҆́стинꙋ . бꙋ́дете ми свидѣ́тели , и҆ а҆́зъ свидѣ́тель , гл҃етъ гдⷭ҇ь бг҃ъ , и҆ ѻ҆́трᲂкъ , є҆го́же и҆збра́хъ , да пᲂзна́ете и҆ вѣ́рꙋете ми , и҆ разꙋмѣ́ете ꙗ҆́кѡ а҆́зъ є҆́смь . и҆ пре́жде менѐ не бы́сть и҆́нъ бг҃ъ , и҆ по мнѣ̀ небꙋ́детъ . а҆́зъ є҆́смь бг҃ъ , и҆ нѣ́сть ра́звѣ менѐ спаса́ѧи . а҆́зъ вᲂзвѣсти́хъ и҆ спасо́хъ , и҆ ᲂу҆ничижи́хъ , и҆ небѣ̀ в̾ва́съ ѿчꙋжде́нїѧ . вы̀ мнѣ̀ свидѣ́тели , и҆ а҆́зъ свидѣ́тель гл҃етъ гдⷭ҇ь бг҃ъ . и҆ є҆щѐ ѿ нача́ла а҆́зъ є҆́смь , и҆ нѣ́сть и҆́же ѿ рꙋкꙋ̀ мᲂе́ю и҆збавлѧ́ѧи . сᲂтвᲂрю̀ , и҆ кто̀ ѿврати́тъ то̀ ; си́це гл҃етъ гдⷭ҇ь бг҃ъ , и҆збавлѧ́ѧи ва́съ ст҃ы́и і҆и҃левъ .

Ѿ премꙋ́дрᲂсти сᲂло́мѡни , чте́нїе .

Пра́ведныхъ дш҃а в̾ рꙋцѣ̀ бж҃їи , и҆ неприко́снетсѧ и҆́хъ мꙋ́ка . непщева́ни бы́ша во ѻ҆́чїю безꙋ́мныхъ ᲂу҆́мрети , и҆ вмѣни́сѧ ѡ҆ѕлᲂбле́нїе и҆схо́дъ и҆́хъ , и҆ є҆́же ѿ на́съ ше́ствїе сᲂкрꙋше́нїе , ѻ҆ни́же сꙋ́ть в̾ ми́рѣ . и҆́бо пред̾ лице́мъ чл҃ческимъ а҆́ще и҆ мꙋ́кꙋ прїи́мꙋтъ , ᲂу҆пᲂва́нїе и҆́хъ без̾сме́ртїѧ и҆спо́лнь . и҆ ма́лымъ пᲂка́зани бы́ша , вели́каѧ вᲂспрїи́мꙋтъ , ꙗ҆́кѡ бг҃ъ и҆скꙋсѝ и҆́хъ , и҆ ѡ҆брѣ́те и҆́хъ дᲂсто́йны себѣ̀ . ꙗ҆́кѡ зла́то в̾ гᲂрни́лѣ и҆скꙋсѝ и҆́хъ , и҆ ꙗ҆́кѡ всепло́днꙋ же́ртвꙋ прїѧ́тъ и҆́хъ . и҆ во́ времѧ пᲂсѣще́нїѧ и҆́хъ вᲂз̾сїѧ́ютъ , и҆ ꙗ҆́кѡ и҆́скры по сте́блїю пᲂтекꙋ́тъ . сꙋ́дѧтъ ꙗ҆зы́кѡмъ , и҆ ѡ҆блада́ютъ людьмѝ , и҆ вᲂцр҃и́тсѧ гдⷭ҇ь в̾ ни́хъ во́ вѣки . надѣ́ющїисѧ на́нь разꙋмѣ́ютъ и҆́стинꙋ , и҆ вѣ́рнїи любо́вїю пребꙋ́дꙋтъ в̾ не́мъ . ꙗ҆́кѡ бл҃гᲂда́ть и҆ млⷭ҇ть в̾ прпⷣбныхъ є҆гѡ̀ , и҆ пᲂсѣще́нїе во и҆збра́нныхъ є҆гѡ̀ .

Ѿ премꙋ́дрᲂсти сᲂло́мѡни , чте́нїе .

Пра́ведницы во́ вѣки живꙋ́тъ , и҆ ѿ́ гдⷭ҇а мзда̀ и҆́мъ , и҆ пᲂмышле́нїе и҆́хъ пред̾ вы́шнимъ . сегѡ̀ ра́ди прїи́мꙋтъ црⷭ҇твїе бл҃гᲂлѣ́пїѧ , и҆ вѣне́цъ дᲂбро́ты ѿ рꙋкѝ гдⷭ҇ни . ꙗ҆́кѡ десни́цею пᲂкры́етъ и҆́хъ , и҆ мы́шцею защи́титъ и҆́хъ . прїи́метъ всѐ ѡ҆рꙋ́жїе ре́внᲂсти є҆гѡ̀ , и҆ вᲂѡ҆рꙋже́но сᲂтвᲂри́тъ сᲂзда́нїе , в̾ ме́сть враго́мъ . и҆ ѡ҆блече́тъ ѧ҆̀ во брᲂнѧ̀ пра́вды , и҆ вᲂз̾лᲂжи́тъ шле́мъ сꙋ́дъ нелицемѣ́ренъ . и҆ прїи́метъ щи́тъ непᲂбѣди́мъ препᲂдо́бїе . по ѡ҆стри́тъ же напра́сенъ гнѣ́въ во ѡ҆рꙋ́жїи . и҆ пᲂбо́ретъ с̾ ни́мъ ми́ръ на безꙋ́мныѧ . и҆ по́йдꙋтъ правᲂлꙋ́чнѣ стрѣ́лы мо́лнїины , ꙗ҆́кѡ ѿ бл҃гᲂкрꙋ́гла лꙋ́ка ѻ҆блако́въ , на намѣ́ренїе летѧ́тъ . и҆ ѿ пра́щъ ка́менныхъ ꙗ҆́рᲂсти и҆спо́лнь , падꙋ́тъ гра́ды . вᲂз̾негᲂдꙋ́етъ на ни́хъ вᲂда̀ мᲂрска́ѧ , рѣ́ки же пᲂтекꙋ́тъ жестᲂча́е . сᲂпрᲂти́въ ста́нетъ и҆́мъ дх҃ъ си́лы . и҆ ꙗ҆́кѡ ви́хᲂръ развѣ́етъ ѧ҆̀ . и҆ ѡ҆пꙋсти́тъ всю̀ зе́млю без̾зако́нїе , и҆ ѕлᲂдѣѧ́нїе преврати́тъ престо́лы си́льныхъ . слы́шите ᲂу҆́бѡ цр҃їе и҆ разꙋмѣ́йте , и҆ накажи́тесѧ сꙋдїѝ кᲂнце́мъ землѝ . внꙋши́те сᲂдержа́щїи мно́жества , и҆ гᲂрдѧ́щїисѧ ѡ҆ наро́дѣхъ ꙗ҆зы́къ , ꙗ҆́кѡ дана̀ бы́сть ѿ́ гдⷭ҇а держа́ва ва́мъ , и҆ си́ла ѿ вы́шнѧгѡ .

а҆́ще ли прилꙋчи́тсѧ в̾ нлⷣю . на литі́и . гла́съ , а҃ . Ли́къ четверᲂдесѧтᲂсїѧ́нныи , во́инство всесᲂб ра́ннᲂе , прᲂсїѧ̀ пᲂсто́мъ . страда́нїи чⷭ҇тны́ми , ѡ҆сщ҃а́ѧ и҆ прᲂсвѣща́ѧ дш҃а на́ша . гла́съ , в҃ . Є҆́зеро ꙗ҆́кѡ ра́й , и҆ зи́мꙋ ꙗ҆́кѡ зно́й , мч҃нцы вмѣни́ша хрⷭ҇тѐ бж҃е . непᲂкᲂлѣба́ша по́мыслъ и҆́хъ , тᲂми́телей преще́нїѧ . и҆ не ᲂу҆бᲂѧ́шасѧ до́блїи мꙋ́къ пред̾лᲂже́нїѧ , ѻ҆рꙋ́жїе бжⷭ҇твено стѧжа́вше крⷭ҇тъ . тѣ́мъ бо врага̀ ꙗ҆́кѡ крѣ́пцыи пᲂбѣди́ша . тѣ́мже и҆ вѣнцы̀ прїѧ́ша бл҃гᲂда́ти .

Четверᲂдесѧтᲂчи́сленыи ли́къ мч҃нкъ , кто̀ невᲂспᲂе́тъ ; въ во́дꙋ бо є҆́зера внидо́ша де́рзᲂстнѣ , и҆ мра́зᲂмъ стѧза́еми , пѣ́снь вᲂспѣва́хꙋ гдⷭ҇ви . да нев̾рѣка́хъ прᲂгнѣ́ваешисѧ наны̀ гдⷭ҇и . да нев̾рѣка́хъ прᲂгнѣ́ваешисѧ наны̀ чл҃кᲂлю́бче . ѡ҆блегчева́хꙋсѧ ѿ тѧгᲂты̀ , и҆ го́рести вᲂздꙋ́ха . свᲂе́ю бо кро́вїю ѡ҆багри́шасѧ на́мъ но́ги . и҆ в̾ведѝ на́съ бж҃е в̾ вѣ́чныѧ кро́вы , ꙗ҆́кѡ да нѣ́дро на́съ сᲂгрѣ́етъ , патрїа́рха а҆враа́ма .

та́же , нн҃ѣ ѿпꙋща́еши . трⷭ҇то́е , и҆ по ѻ҆́ч҃е на́шъ . трᲂпа́рь . гла́съ , а҃ . Страстьмѝ ст҃ы́хъ , ꙗ҆́же по тебѣ̀ прїѧ́ша , ᲂу҆мᲂле́нъ бꙋ́ди гдⷭ҇и . и҆ всѧ̀ на́ша бᲂлѣ́зни и҆ стра́сти тѣ́хъ ра́ди и҆сцѣлѝ , чл҃кᲂлю́бче мо́лимсѧ . сла́ва , и҆ ны́нѣ , боⷢ҇ . Гаврїи́лꙋ прᲂвѣща́вшꙋ тѝ дв҃о , є҆́же ра́дꙋисѧ . и҆ со́ гласᲂмъ вᲂплᲂща́шесѧ всѣ́хъ влⷣка , в̾ тебѣ̀ ст҃ѣ́мъ кїѡ́тѣ , ꙗ҆́кᲂже речѐ пра́ведныи дв҃дъ . ꙗ҆ви́сѧ прᲂстра́ннѣйши нб҃съ , пᲂнᲂси́вши зижди́телѧ свᲂегѡ̀ . сла́ва все́льшемꙋсѧ в̾ тѧ̀ , сла́ва прᲂше́дшемꙋ и҆з̾ тебѐ , сла́ва свᲂбᲂди́вшемꙋ на́съ ржⷭ҇тво́мъ твᲂи́мъ .

На ᲂу҆́трени , на бг҃ъ гдⷭ҇ь , трᲂпа́рь , ст҃ы́мъ , двⷤа . сла́ва , и҆ нн҃ѣ , боⷢ҇ . =По а҃ , стихᲂло́гїи , сѣда́ленъ . гла́съ , д҃ . Честнꙋ́ю тве́рдь цр҃ко́внꙋю , ꙗ҆́кѡ ѕвѣ́зды вели́ки прᲂсвѣща́ете прⷭ҇нѡ . и҆ вѣ́рныѧ ѡ҆зарѧ́ете , мч҃нцы бжⷭ҇твенїи хрⷭ҇то́ви четы́редесѧте . =вⷤ . сла́ва , и҆ ны́нѣ , боⷢ҇ . Въ кро́въ тво́й пречⷭ҇таѧ дв҃о прибѣга́ющихъ , мᲂльбꙋ̀ прїе́мши ѿ на́съ , непреста́й мᲂлѧ́щи чл҃кᲂлю́бца , спастѝ рабы̀ твᲂѧ̀ .

По в҃ , стихᲂло́гїи , сѣда́ленъ . гла́съ , д҃ . Мꙋ́жественымъ по́мыслᲂмъ преше́дше мꙋче́нїе , чꙋ́днїи страстᲂно́сцы . сквᲂзѣ̀ ѻ҆́гнь и҆ во́дꙋ прᲂи҆до́сте , и҆ преминꙋ́сте ко спасе́нᲂй ширᲂтѣ̀ . наслѣ́дїе прїе́мше нбⷭ҇нᲂе црⷭ҇тво . в̾ не́мже твᲂри́те ѡ҆ на́съ бжⷭ҇твеныѧ мᲂльбы̀ , мꙋ́дрїи четы́редесѧте . двⷤа . сла́ва , и҆ ны́нѣ , боⷢ҇ . И҆́же бл҃гᲂда́рнѡ вᲂспѣва́ти ѿ срⷣца , и҆ и҆спрᲂси́ти прилѣ́жнѡ бцⷣе твᲂѧ̀ млⷭ҇ти влⷣчце , рабо́мъ тѝ зᲂвꙋ́щимъ и҆ гл҃ющимъ , прест҃а́ѧ дв҃о пред̾варѝ и҆ и҆зба́ви ѿ вра́гъ неви́димыхъ и҆ ви́димыхъ , и҆ всѧ́кᲂгѡ преще́нїѧ . ты́ бо є҆сѝ на́мъ застꙋпле́нїе .

По пᲂлїєлеѡ́сѣ , сѣда́ленъ . гла́съ , є҃ . Ст҃ы́хъ мч҃нкъ ᲂу҆краше́нїе , четверᲂсвѣ́тлᲂе сѐ и҆ бг҃ᲂсо́браннᲂе , четы́редесѧтихъ мно́жество во́инъ , вᲂи́стинꙋ мра́зᲂмъ же и҆ ѻ҆гне́мъ , и҆скꙋси́вшесѧ мꙋ́дрїи , ꙗ҆ви́шасѧ во́ини всѣ́хъ цр҃ѧ хрⷭ҇та̀ . є҆го́же мо́лѧтъ спасти́сѧ на́мъ . двⷤа . сла́ва , и҆ ны́нѣ , боⷢ҇ . Себѐ пре́жде сꙋда̀ ны́нѣ пла́чꙋ , пᲂмышлѧ́ѧ мᲂѧ̀ дѣ́ла лꙋка́ваѧ и҆ лю́таѧ . и҆ прегрѣше́нїи мᲂѝ глꙋбинꙋ̀ , текꙋ́щꙋю мѝ ѿ ю҆́нᲂсти чⷭ҇таѧ , и҆ пᲂдавлѧ́ющꙋю мѝ ᲂу҆́мъ . но твᲂи́мъ пред̾ста́тельствᲂмъ , ѡ҆ставле́нїе мѝ пᲂда́ждь , и҆ спасе́нїе ᲂу҆лꙋчи́ти спᲂдо́би .

степе́нна , д҃ го гла́са . а҆нтиѳо́нъ , а҃ . прᲂки́мен̾ , ѱл҃о́мъ дв҃дᲂвъ . прᲂи҆до́хᲂмъ сквᲂзѣ̀ ѻ҆́гнь и҆ во́дꙋ , и҆ и҆зведѐ на́съ в̾ пᲂко́й . сти́хъ . раз̾жже́ ны , ꙗ҆́кᲂже раз̾жиза́етсѧ сребро̀ . всѧ́ко дыха́нїе . =є҆ѵⷢ҇а́лїе , ѿ =лꙋкѝ . заⷱ҇ , р҃ѕ . ѱало́мъ , н҃ .

сла́ва . мл҃твъ ра́ди страстᲂте́рпецъ , млⷭ҇тиве ѡ҆чи́сти мно́жество сᲂгрѣше́нїи на́шихъ .

и҆ ны́нѣ . мл҃твъ ра́ди бцⷣы , млⷭ҇тиве ѡ҆чи́сти мно́жество сᲂгрѣше́нїи на́шихъ .

Пᲂми́лꙋй мѧ бж҃е , по вели́цѣй млⷭ҇ти твᲂе́й , по мно́гимъ щедро́тамъ твᲂи́мъ , ѡ҆чи́сти без̾ зако́нїѧ мᲂѧ̀ , бж҃е сп҃се мо́й .

стихѣ́ра . гла́съ , в҃ . Прᲂро́чески ᲂу҆́бѡ вᲂпїѧ́ше дв҃дъ во ѱл҃мѣ́хъ , прᲂи҆до́хᲂмъ сквᲂзѣ̀ ѻ҆́гнь и҆ во́дꙋ , и҆ и҆зве́лъ ны̀ є҆сѝ в̾ пᲂко́й . вы́же мч҃нцы хрⷭ҇то́вы , самѣ́ми дѣ́лы сло́во и҆спо́лньше , прᲂи҆до́сте сквᲂзѣ̀ ѻ҆́гнь и҆ во́дꙋ , и҆ внидо́сте в̾ црⷭ҇тво нбⷭ҇нᲂе . тѣ́мже мᲂли́тесѧ четы́редесѧте сꙋ́ще страда́льцы , дарᲂва́тисѧ на́мъ ве́лїю ми́лᲂсть .

Кано́нъ , є҆мꙋ́же краегране́сїе си́це : бг҃ᲂвѣнча́нныи по́лкъ пᲂю̀ мꙋ́ченикъ . твᲂре́нїе і҆ѡа́нна мни́ха . гла́съ , в҃ . пѣ́снь , а҃ . і҆рмо́съ . Грѧди́те лю́дїе , пᲂе́мъ пѣ́снь хрⷭ҇тꙋ̀ бг҃ꙋ , раз̾дѣ́льшемꙋ мо́ре , и҆ прᲂве́дшꙋ лю́ди ꙗ҆́же и҆спꙋстѝ и҆з̾ рабо́ты є҆ги́петскїѧ , ꙗ҆́кѡ прᲂсла́висѧ .

запѣ́въ : Ст҃і́и великᲂмч҃нцы четы́редесѧте , мᲂли́те бг҃а ѡ҆ на́съ . Бг҃ᲂвѣнча́нныи по́лкъ пᲂю̀ мч҃нкъ хрⷭ҇то́выхъ , бг҃ᲂдх҃нᲂве́нными пѣ́сньми , четы́редесѧтихъ , мᲂле́бнꙋю па́мѧть свѣ́тлѡ тᲂржествꙋ́ѧи , ꙗ҆́кѡ прᲂсла́висѧ . На землѝ всегѡ̀ ѿве́ргшесѧ и҆менᲂва́нїѧ , и҆зво́лиша четы́редесѧте хрⷭ҇тᲂи҆мени́тᲂе зва́нїе . и҆́мже в̾ вы́шнихъ ны́нѣ живꙋ́тъ . И҆́же ѡ҆ хрⷭ҇тѣ̀ пло́ти и҆ ми́ра вᲂз̾ненави́дѣвше , ве́тхагѡ ᲂу҆́бѡ чл҃ка сᲂвлеко́стесѧ , со вре́меннᲂю ѡ҆де́ждею . во ѻ҆де́ждꙋ же нетлѣ́нїѧ ѡ҆блеко́стесѧ . боⷢ҇ . Кто̀ и҆зрещѝ твᲂѐ по дᲂстᲂѧ́нїю мо́жетъ , па́че сло́ва зача́тїе ; бг҃а бо рᲂдила̀ є҆сѝ пло́тїю пречⷭ҇таѧ , ꙗ҆́вльшасѧ сп҃са всѣ́мъ на́мъ .

дрꙋго́й кано́нъ , м҃ , мꙋ́ченикѡмъ . є҆мꙋ́же краегране́сїе си́це : бг҃ᲂвѣнча́нныи по́лкъ пᲂю̀ мч҃нкъ . твᲂре́нїе ѳеѡ́фанᲂво . гла́съ , и҆ і҆рмо́съ , то́йже . запѣ́въ : Ст҃і́и великᲂмч҃нцы четы́редесѧте , мᲂли́те бг҃а ѡ҆ на́съ . Бг҃а на́мъ мч҃нцы четы́редесѧте ны́нѣ бл҃гᲂпремѣ́нна сᲂтвᲂри́те , мᲂли́твами ва́шими , чⷭ҇тᲂю срⷣца любо́вїю , призыва́ющимъ ва́съ . На́ нб҃сѣхъ трисл҃нчнагѡ сїѧ́нїѧ , зарѧ́ми прᲂсвѣща́еми четы́редесѧте , и҆́же на землѝ пᲂме́рзшихъ зимо́ю напа́стей , пᲂкры́йте ны пᲂю́щїѧ вы̀ . Неразᲂри́ма бл҃гᲂче́стїѧ , и҆ непᲂкᲂлѣби́маѧ цр҃ко́внаѧ забра́ла четы́редесѧте хрⷭ҇тᲂи҆мени́тᲂе зва́нїе , лю́тѣ смꙋща́ема ны́нѣ смири́те . боⷢ҇ . Па́че є҆стества̀ надᲂвсѣ́ми сꙋ́щагѡ рᲂдила̀ є҆сѝ , зижди́телѧ и҆ гдⷭ҇а . пло́ть бы́вша на́съ ра́ди чл҃къ , дв҃о бцⷣе мт҃и неи҆скꙋсᲂмꙋ́жнаѧ .

катава́сїѧ : Ѿве́рзꙋ ᲂу҆ста̀ мᲂѧ̀ .

пѣ́снь , г҃ . і҆рмо́съ . Оу҆твердѝ на́съ сᲂбо́ю гдⷭ҇и , дре́вᲂмъ ᲂу҆мерщве́и прегрѣше́нїѧ . и҆ стра́хъ тво́й всадѝ в̾ срⷣца̀ на́ша , ꙗ҆́кѡ чл҃кᲂлю́бецъ . Во́инство и҆ жи́знь , и҆ красᲂтꙋ̀ тѣле́съ , и҆ бᲂга́тство небре́гше сла́внїи четы́редесѧте . хрⷭ҇та̀ вмѣ́стѡ всѣ́хъ наслѣ́дᲂваша . Ка́менїемъ без̾щадѣ́нїѧ четы́редесѧте , пᲂвелѣ́нїемъ бїе́мы мꙋчи́телевымъ . мета́нїѧ бж҃їимъ дх҃ᲂмъ , на пᲂвелѣва́ющихъ вᲂз̾враща́хꙋсѧ . Гл҃аше на самᲂго̀ , мꙋчи́телевыми ᲂу҆сты̀ ѕмі́й зижди́телѧ хꙋлꙋ̀ , но тᲂгѡ̀ бг҃ᲂбо́рнаѧ ᲂу҆ста̀ , тѣ́ми и҆́же на мч҃нки ка́меньми сᲂкрꙋша́ютсѧ .= боⷢ҇ . Б=ез̾ сѣ́мене во ᲂу҆тро́бѣ бг҃а зачала̀ є҆сѝ , и҆ ро́ждьши несказа́ннѡ вᲂпло́щьшасѧ . на́нь же зрѣ́ти несмѣ́ютъ чⷭ҇таѧ , нбⷭ҇ныѧ си́лы при́снѡ дв҃о .

и҆́нъ , і҆рмо́съ , то́йже . Во́инство мч҃нческᲂе , и҆ съпрѧже́нныи ли́че , мч҃нкъ вѣнцено́сецъ , влⷣцѣ пред̾стᲂѧ́ще , вᲂсхвалѧ́ющїѧ вы̀ прⷭ҇нѡ спаса́йте . Є҆́зерᲂмъ страсте́й ѡ҆бꙋрева́емїи , и҆ вᲂлно́ю напа́стей лю́тыхъ , к̾ ва́мъ четы́редесѧтемъ , хрⷭ҇то́вымъ во́инѡмъ прибѣга́емъ . Въ нѣ́дрѣхъ а҆враа́мᲂвѣхъ сᲂгрѣва́емїи , и҆ сла́внᲂю ѻ҆де́ждею ᲂу҆краша́емїи , зимо́ю ѡ҆б̾стᲂѧ́нїѧ свѧ́занныхъ , разрѣши́ти пᲂмᲂли́тесѧ . боⷢ҇ . Оу҆тверже́нїе бꙋ́ди и҆ прибѣ́жище , и҆ пᲂкро́въ дв҃о бг҃ᲂневѣ́сто , вѣ́рᲂю к̾ тебѣ̀ прибѣга́ющимъ , и҆ бж҃їю тѧ̀ мт҃рь и҆спᲂвѣ́дающимъ . катава́сїѧ : Твᲂѧ̀ пѣвцы̀ .

сѣда́ленъ . гла́съ , и҃ . Хрⷭ҇то́ви в̾во́иньшесѧ мч҃нчески , врага̀ низ̾лᲂжи́ша страда́льчески . дѣ́лᲂмъ скᲂнча́вше прⷪ҇рка гл҃ы , сквᲂзѣ̀ ѻ҆́гнь и҆ во́дꙋ мꙋ́жески прᲂи҆до́сте , пᲂко́й ѡ҆брѣ́тше жи́знь нетлѣ́ннꙋю . тѣ́мже нбⷭ҇ными ᲂу҆кра́шшесѧ вѣнцы̀ , с̾ ли́ки весели́тесѧ нбⷭ҇ныхъ си́лъ , стрⷭ҇тᲂте́рпцы прехва́льнїи . мᲂли́те хрⷭ҇та̀ бг҃а , грѣхо́въ ѡ҆ставле́нїе дарᲂва́ти , чтꙋ́щимъ любо́вїю ст҃ꙋ́ю па́мѧть ва́шꙋ . вⷤ . сла́ва , и҆ нн҃ѣ , боⷢ҇ . Въ напа́сти мнᲂгᲂплете́нныѧ впа́дъ , ѿ вра́гъ ви́димыхъ и҆ неви́димыхъ , вᲂлне́нїемъ ѡ҆держи́мь є҆́смь , без̾мѣ́рныхъ сᲂгрѣше́нїи мᲂи́хъ , ꙗ҆́кѡ къ те́плᲂмꙋ застꙋпле́нїю , и҆ пᲂкро́вꙋ мᲂемꙋ̀ пречⷭ҇таѧ , приста́нищꙋ притека́ю твᲂеѧ̀ бл҃гᲂсти . ѿ ню́дꙋ же пречⷭ҇таѧ и҆з̾ тебѐ вᲂпло́щьшагᲂсѧ без̾ сѣ́мене , мᲂлѝ ѡ҆ всѣ́хъ рабѣ́хъ твᲂи́хъ , и҆́же непреста́ннѡ пᲂю́щихъ тѧ̀ , бцⷣе всечи́стаѧ . мᲂлѧ́щи тᲂгѡ̀ прилѣ́жнѡ , сᲂгрѣше́нїемъ ѡ҆ставле́нїе дарᲂва́ти , пᲂклᲂнѧ́ющимсѧ вѣ́рᲂю ржⷭ҇твꙋ̀ твᲂемꙋ̀ .

пѣ́снь , д҃ . і҆рмо́съ . Оу҆слы́шахъ гдⷭ҇и , слꙋ́хъ твᲂегѡ̀ смᲂтре́нїѧ , и҆ прᲂсла́вихъ тѧ є҆ди́не чл҃кᲂлю́бче . Оу҆мᲂвре́дꙋете гл҃ахꙋ страда́льцы , стра́ннꙋю тщетꙋ̀ , да́ръ прᲂстира́юще пребез̾бо́жнїи . И҆зъ ѡ҆щре́ныи ме́чь , и҆ ѕвѣ́ри и҆ ѻ҆́гнь , и҆ распѧ́тїе ст҃ы́мъ , хрⷭ҇то́вы гᲂни́тели прᲂстира́хꙋ . Стра́шенъ на́мъ , гл҃ахꙋ страда́льцы ѻ҆́гнь гее́нскїи . ны́нѣшнѧго же ꙗ҆́кѡ клевре́та не ᲂу҆бᲂи́мсѧ . Да ѿѧ́ты бꙋ́дꙋтъ рꙋ́ки , сᲂж̾же́на же бꙋ́ди нᲂга̀ ст҃і́и вᲂпїѧ́хꙋ . нетлѣ́нны бо сїѧ̀ па́ки прїи́мемъ .= боⷢ҇ . М=о́лимъ тѧ̀ чⷭ҇таѧ , ю҆́же бг҃а без̾ сѣ́мене заче́ньшꙋю , прⷭ҇нѡ мᲂли́тисѧ за рабы̀ твᲂѧ̀ .

и҆́нъ , і҆рмо́съ , то́йже . Прᲂсвѣще́нїе на́мъ четы́редесѧте ѿ́ бг҃а бы́сте , сїѧ́нїѧ зрѧ́ще неприсѣ́ннагѡ . Бг҃ᲂи҆збра́нныи мᲂли́сѧ сᲂбо́ре , мч҃нкъ вѣнцено́сныи , и҆зба́вити бѣ́дъ вᲂспѣва́ющихъ тѧ̀ . Свѣ́тъ непристꙋ́пныи ст҃і́и , хрⷭ҇то́въ ви́дѣти спᲂдо́бльшесѧ , сꙋ́щимъ во тмѣ̀ сїѧ́ти спᲂдо́бите . Ѡ҆блиста́юще сла́внїи , мы́сленымъ хрⷭ҇та̀ свѣтᲂнаставле́нїемъ , к̾ зарѝ бжⷭ҇твенѣй рꙋко́ю наста́вите . боⷢ҇ . Пѣснᲂсло́вѧще чи́стаѧ , и҆з̾ ᲂу҆тро́бы твᲂеѧ̀ вᲂпло́щьшагᲂсѧ . тѧ̀ славᲂсло́вимъ , ꙗ҆́кѡ бж҃їю мт҃рь .

катава́сїѧ : Сѣдѧ́и во сла́вѣ .

пѣ́снь , є҃ . і҆рмо́съ . Свѣ́та пᲂда́телю , и҆ вѣко́мъ тво́рче гдⷭ҇и , во́ свѣтѣ твᲂи́хъ пᲂвелѣ́нїи наста́ви на́съ , ра́звѣ бо тебѐ и҆но́гѡ бг҃а незна́емъ . Неи́стᲂвствᲂмъ несмы́сленыхъ гᲂни́телей , страда́льцы пᲂд̾ вᲂздꙋ́хᲂмъ , ѡ҆́бнᲂщь въ стꙋ́дени стᲂѧ́ти , ѡ҆сꙋжде́ни бы́вше . вᲂспѣва́хꙋ пѣ́нїе бг҃ꙋ бл҃гᲂда́рственѡ . Ра́дꙋющесѧ четы́редесѧте хрⷭ҇то́вы мч҃нцы , бᲂлѣ́зненыи претерпѣ́вше мра́зъ . во є҆́зерѣ стᲂѧ́ще , наде́ждею бжⷭ҇твеныхъ вѣне́цъ ᲂу҆крѣплѧ́еми . Смѣ́хъ пред̾лага́етсѧ , четы́редесѧтемъ хрⷭ҇то́вымъ мч҃нкѡмъ , ᲂу҆да́вленъ бы́въ , и҆́же пре́жде гнѣздѧ́исѧ в̾ вᲂда́хъ ѕмі́й . ѿ гꙋби́тельныѧ бо крѣ́пᲂсти ѿѧ́тъ бы́сть . боⷢ҇ . Тебѣ̀ ро́ждьшей хрⷭ҇та̀ всѣ́хъ зижди́телѧ зᲂве́мъ , ра́дꙋисѧ чⷭ҇таѧ . ра́дꙋисѧ вᲂсїѧ́вшаѧ свѣ́тъ на́мъ . ра́дꙋисѧ вмѣ́щьшаѧ бг҃а невмѣсти́магѡ .

и҆́нъ , і҆рмо́съ , то́йже . Сᲂꙋ́зъ є҆рети́ческихъ четы́редесѧте ны́нѣ и҆зба́вите , хрⷭ҇то́вꙋ чⷭ҇тнꙋ́ю цр҃кᲂвь . в̾ не́йже ро́ждьшесѧ , в̾ тᲂли́кѡ дᲂсто́инство и҆ сла́вꙋ преминꙋ́сте . Ꙗ҆́вльшесѧ на́мъ четы́редесѧте хрⷭ҇то́вы мч҃нцы бг҃ᲂза́рнїи , ѻ҆гневи́днїи свѣти́ла . прᲂсвѣща́ютъ вѣ́рнымъ , бл҃гᲂче́стїѧ пꙋ́ть спаси́тельныи . Ѿ землѝ преста́вистесѧ , к̾ нбⷭ҇нѣй сѣ́ни мч҃нцы . и҆дѣ́же хрⷭ҇то́ви пᲂдвигᲂпᲂло́жникꙋ пред̾стᲂѧ́ще , бжⷭ҇твеныѧ мѧ̀ ра́дᲂсти ᲂу҆лꙋчи́ти спᲂдо́бите . боⷢ҇ . Ꙗ҆́кѡ непᲂсти́жимо , и҆ неꙋдо́бь зри́мᲂе всѧ́кᲂмꙋ влⷣчце , є҆́же па́че ᲂу҆ма̀ та́инство , ѻ҆трᲂкᲂви́це , бжⷭ҇твенагѡ тѝ ржⷭ҇тва̀ . сꙋ́щаго бо вᲂи́стинꙋ бг҃а на́мъ рᲂдила̀ є҆сѝ .

катава́сїѧ : Оу҆диви́шасѧ всѧ́ческаѧ .

пѣ́снь , ѕ҃ . і҆рмо́съ . Въ бе́зднѣ грѣхо́внѣй ѡ҆держи́мъ , не и҆з̾слѣ́днꙋю млрⷭ҇дїѧ твᲂегѡ̀ призыва́ю бе́зднꙋ , ѿ тлѝ бж҃е мѧ вᲂз̾ведѝ . Ра́дꙋѧсѧ нача́льникъ ѕло́бѣ вᲂсхи́ти , ꙗ҆́кᲂже ѿ двᲂюна́десѧте и҆ꙋ́дꙋ ѡ҆каѧ́ннагѡ , и҆ ѿ є҆де́ма чл҃ка , ѿ четы́редесѧте ѿпа́дшагѡ . Без̾стꙋ́денъ сы́и всꙋ́е шата́ѧсѧ , ꙗ҆́кᲂже бо разбо́йникѡмъ , и҆ матѳе́емъ пе́рвїе , та́кѡ и҆ ны́нѣ мꙋчи́тель , стрегꙋ́щагѡ зва́нїемъ ѡ҆сꙋди́сѧ . Сꙋемꙋ́дреныи и҆ рыда́нїѧ дᲂсто́инъ , и҆́же живᲂтꙋ̀ ѡ҆бᲂю̀ пᲂгрѣшѝ . ѻ҆гне́мъ бо раста́ѧсѧ и҆ ко ѻ҆гню̀ и҆зы́де негаси́мᲂмꙋ .= боⷢ҇ . Н=еи҆скꙋсᲂмꙋ́жнѡ дв҃о рᲂдила̀ є҆сѝ , и҆ вѣ́чнꙋеши дв҃аѧ ꙗ҆влѧ́ющисѧ , и҆́стиннагѡ бжⷭ҇тва̀ , сн҃а и҆ бг҃а твᲂегѡ̀ ѻ҆́бразы .

и҆́нъ , і҆рмо́съ , то́йже . Бо́дрїи тре́звенїи храни́тели , ро́дꙋ чл҃ческᲂмꙋ бы́сте держа́внїи , и҆ мᲂли́твеницы мᲂле́нїемъ . пᲂмо́щницы же печа́льнымъ ꙗ҆ви́стесѧ . Непристꙋ́пными сїѧ́юще дᲂбро́тами в̾ цр҃кви хрⷭ҇то́вѣ всехва́льнїи , и҆скꙋше́нїи и҆зба́вите , любо́вїю ва́съ пᲂчита́ющихъ . Бѣсѧ́щимсѧ мꙋчи́телемъ , всеи҆зрѧ́днїи дре́вле , пᲂтреби́теле льстѝ бы́сте . и҆ на́мъ ны́нѣ по́мᲂщь ско́раѧ , и҆ стѣна̀ бꙋ́дите . боⷢ҇ . Натѧ̀ ᲂу҆пᲂва́нїе вᲂз̾лᲂжи́хъ , мт҃и при́снѡ дв҃о спасе́нїѧ мᲂегѡ̀ , и҆ тѧ̀ пред̾ста́тельницꙋ пᲂлᲂжи́хъ жи́зни , тве́рдꙋ же и҆ непᲂкᲂлеби́мꙋ .

катава́сїѧ : Бжⷭ҇твенᲂе сѐ .

кᲂнда́къ . гла́съ , ѕ҃ . Всѐ во́инство ми́ра ѡ҆ста́вльше , на́ нб҃сѣхъ влⷣцѣ прилѣпи́стесѧ , стрⷭ҇тᲂте́рпцы гдⷭ҇ни четы́редесѧте . сквᲂзѣ́ бо ѻ҆́гнь и҆ во́дꙋ прᲂше́дше бл҃же́ннїи , дᲂсто́йнѡ прїѧ́сте сла́вꙋ с̾ нб҃съ , и҆ вѣне́цъ мно́жество . и҆́кᲂсъ . И҆́же на прⷭ҇то́лѣ непристꙋ́пнѣмъ сѣдѧ́щемꙋ , прᲂсте́ршемꙋ нб҃о ꙗ҆́кѡ ко́жꙋ , и҆ зе́млю ᲂу҆тверди́вшемꙋ , и҆ сᲂбра́вшемꙋ во́ды в̾ со́ньмы и҆́хъ , и҆ всѧ̀ ѿ несꙋ́щихъ сᲂтво́ршемꙋ бы́ти , и҆ всѣ́мъ даю́щꙋ дыха́нїе и҆ живо́тъ , и҆ прїе́млющемꙋ ѿ а҆рха́нг҃лъ пѣ́нїе , и҆ ѿ а҆́нг҃лъ пᲂкланѧ́емᲂмꙋ , и҆ ѿ всѣ́хъ сла́вимꙋ , хрⷭ҇тꙋ̀ вседержи́телю , зижди́телю и҆ бг҃ꙋ на́шемꙋ припа́даю недᲂсто́йныи , принᲂсѧ̀ свᲂѐ мᲂле́нїе сло́ва бл҃гᲂда́ть прᲂсѧ̀ . да вᲂз̾мᲂгꙋ̀ бл҃гᲂчⷭ҇тнѡ пѣ́ти и҆ а҆́зъ ст҃ы́ѧ , и҆́хже са́мъ пᲂказа̀ пᲂбѣди́телѧ . дарᲂва́въ и҆́мъ сла́вꙋ с̾ нб҃съ , и҆ вѣне́цъ мно́жество .

пѣ́снь , з҃ . і҆рмо́съ . Ѡ҆ тѣ́лѣ зла́тѣ на́ пᲂли деи́рѣ слꙋжи́мѣмъ , трїѐ ѻ҆́трᲂцы неради́ша ѡ҆ без̾бо́жнѣмъ велѣ́нїи , но пᲂсредѣ̀ пла́мени в̾ве́ржени , прᲂхлажда́еми пᲂѧ́хꙋ , бл҃гᲂслᲂве́нъ бг҃ъ ѻ҆ц҃ъ на́шихъ . Дивѧ́сѧ зрѧ̀ вѣнцы̀ стра́жникъ четы́редесѧте , и҆ ѿри́нꙋвъ любᲂжи́зненᲂе , впери́сѧ любо́вїю ꙗ҆вле́нныѧ тѝ сла́вы . и҆ съ мч҃нки пᲂѧ́ше , блгⷭ҇ве́нъ є҆сѝ бж҃е ѻ҆ц҃ъ на́шихъ . Въ ба́ню прите́къ дш҃етлѣ́ннꙋ , ᲂу҆мерщвѧ́етсѧ жизнᲂлю́бныи . хрⷭ҇тᲂлю́бецъ же , хи́щникъ и҆зрѧ́денъ ви́димъ бы́въ , ꙗ҆́кᲂже в̾ ба́ни нетлѣ́нїѧ , с̾ мч҃нки пᲂѧ́ше , блгⷭ҇ве́нъ є҆сѝ бж҃е ѻ҆ц҃ъ на́шихъ . Ѻ҆гню̀ мы́сленᲂмꙋ вᲂз̾же́нꙋ , во ᲂу҆мѣ̀ четы́редесѧтимъ , мнᲂгᲂко́зненᲂе нечести́выхъ пᲂпалѧ́шесѧ безꙋ́мїе , ꙗ҆́кᲂже нѣ́кїи во́скъ та́емь . тебѣ́ же хрⷭ҇тѐ вᲂспѣва́хꙋ , блгⷭ҇ве́нъ є҆сѝ бж҃е ѻ҆ц҃ъ на́шихъ .= Ꙗ҆́кѡ ѕѣлѡ̀ свѣтла̀ , бг҃ᲂлѣ́пна же хрⷭ҇тѐ крⷭ҇тнаѧ си́ла , сᲂпрᲂти́внѡ вѣне́цъ плетꙋ́щи четы́редесѧтимъ мч҃нкѡмъ . во́дꙋ бо и҆ ѻ҆́гнь прᲂше́дше в̾ нетлѣ́нїи зᲂвꙋ́тъ , блгⷭ҇ве́нъ є҆сѝ бж҃е ѻ҆ц҃ъ на́шихъ . боⷢ҇ . Т=ѧ̀ кꙋпинꙋ̀ мѡѷсе́й , в̾ гᲂрѣ̀ сина́йстѣй ѻ҆гне́мъ гᲂрѧ́щꙋ чⷭ҇таѧ пред̾зрѧ́ше , пᲂне́сшꙋю неѡ҆па́льнѡ , непᲂстᲂѧ́ннꙋю зарю̀ , неи҆зрече́ннагѡ сꙋщества̀ . сᲂє҆ди́ншꙋсѧ тᲂлстᲂтѣ̀ пло́тьстѣй , є҆ди́нᲂй и҆́же в̾ не́й , ст҃ы́мъ сᲂста́вᲂмъ .

и҆́нъ , і҆рмо́съ , то́йже . Наста̀ свѣ́тлѡ , бᲂле́бнаѧ ва́ша па́мѧть пребᲂга́тїи прᲂсвѣща́ющи да́льнаѧ пᲂста̀ свѣ́тлᲂстїю . сїю̀ пра́зднꙋюще вѣ́рᲂю , с̾ ва́ми вᲂспѣва́емъ , бл҃гᲂслᲂве́нъ є҆сѝ бж҃е ѻ҆ц҃ъ на́шихъ . Рѣши́телїе страсте́мъ , и҆ свѣти́льницы и҆з̾дале́ча ми́рꙋ , ѡ҆чище́нїе льстѝ , велегла́снїи и҆́стинѣ прᲂпᲂвѣ́дницы , лжѝ прᲂгᲂни́телїе , всѣ́мъ ꙗ҆ви́стесѧ пᲂю́щимъ . бл҃гᲂслᲂве́нъ бг҃ъ ѻ҆ц҃ъ на́шихъ . Свѣти́ла мы́сленаѧ , сїѧ́юще на́мъ ꙗ҆ви́стесѧ мч҃нцы , ѡ҆бꙋрева́емымъ спасе́нїе . и҆ наставлѧ́юще пла́вающїѧ , житїѧ̀ вᲂлнꙋ́ющїѧсѧ бꙋ́рею . хрⷭ҇то́ви вᲂспѣва́юще , бл҃гᲂслᲂве́нъ бг҃ъ ѻ҆ц҃ъ на́шихъ . Краснѡ̀ бг҃ᲂви , и҆ а҆́нг҃лѡмъ вᲂз̾желѣ́ннѡ четы́редесѧтихъ бг҃ᲂсо́браннᲂе и҆ бг҃ᲂдх҃нᲂве́ннᲂе , и҆ пресвѣ́тлᲂе ѡ҆пᲂлче́нїе . бжⷭ҇твено и҆ стра́шнᲂе всеѻ҆рꙋ́жїе . вᲂпїю́ще и҆ глаго́люще , бл҃гᲂслᲂве́нъ бг҃ъ ѻ҆ц҃ъ на́шихъ . боⷢ҇ . Свѣти́льникъ свѣ́та и҆ ѻ҆́блакъ свѣ́телъ , и҆ сщ҃е́нїѧ мѣ́сто пᲂказа́сѧ , неи҆скꙋсᲂбра́чнаѧ . и҆́бо ст҃ы́хъ ст҃а́гѡ сло́ва прїѧ́тъ несказа́ннѡ . є҆го́же пᲂю́ще зᲂве́мъ , бл҃гᲂслᲂве́нъ бг҃ъ ѻ҆ц҃ъ на́шихъ .

катава́сїѧ : Непᲂслꙋжи́ша тва́ри .

пѣ́снь , и҃ . і҆рмо́съ . Впе́щь ѻ҆́гненнꙋю , к̾ дѣ́темъ є҆вре́йскимъ сᲂше́дшагѡ , и҆ пла́мень на хла́дъ прело́жшагѡ бг҃а , по́йте всѧ̀ дѣ́ла гдⷭ҇а , и҆ превᲂзнᲂси́те є҆гѡ̀ во́ вѣки . Неи́стᲂвнѡ страда́льцемъ , вᲂз̾дви́гнꙋвъ вра́гъ всѧ́кѡ ᲂу҆мышле́нїе , всѣ́ми пᲂстыдѣ́сѧ . четы́редесѧте бо непреста́ннѡ пᲂю́тъ гдⷭ҇а , и҆ превᲂзно́сѧтъ во всѧ̀ вѣ́ки . Неми́лᲂстивнѡ по хрⷭ҇тѣ̀ тѣле́съ ва́шихъ ᲂу҆́ды сᲂкрꙋ́шьшесѧ , всесᲂж̾же́нїе бжⷭ҇твенѡ принесо́стесѧ бг҃ᲂви . со а҆́нг҃лы при́снѡ ликꙋ́ете мч҃нцы , пᲂю́ще хрⷭ҇та̀ во́ вѣки всѧ̀ . Крѣ́пᲂстїю смы́сла , є҆го́же рᲂдѝ на ра́мо взе́мши , хрⷭ҇тᲂлюби́ваѧ мт҃и , бл҃гᲂче́стїѧ пло́дъ прино́ситъ , съ мч҃нки мч҃нка , сщ҃еннᲂдѣ́йствꙋ а҆враа́мᲂвꙋ пᲂдо́бѧщисѧ .= Къ непреста́ннѣй жи́зни , правᲂто́чно ѽ сн҃е прїимѝ сᲂше́ствїе , хрⷭ҇тᲂлюби́ваѧ мт҃и , хрⷭ҇тᲂлюби́вᲂмꙋ дѣ́тищꙋ вᲂпїѧ́ше . нетерплю̀ тебѐ втᲂро́е , пᲂд̾вигᲂпᲂло́жникꙋ хрⷭ҇тꙋ̀ ꙗ҆ви́тисѧ . боⷢ҇ . И҆́=же в̾ нѣ́дрѣхъ ѻ҆́ч҃ихъ , неѿстꙋ́пнагѡ сн҃а сꙋ́ща в̾ веще́ственѣмъ чре́вѣ ти все́льшасѧ чⷭ҇таѧ , пᲂе́мъ дв҃о бг҃ᲂневѣ́сто , и҆ превᲂзно́симъ во всѧ̀ вѣ́ки .

и҆́нъ , і҆рмо́съ , то́йже . Претво́ршесѧ к̾ жи́зни и҆́стиннѣй , є҆́же ѡ҆ хрⷭ҇тѣ̀ ны́нѣ сᲂкрᲂве́ннѣй . к̾ зи́мнѣй и҆ бᲂлѣ́зненѣй кᲂнчи́нѣ , до́блїи крѣ́пкѡ вда́стесѧ , спасе́нїѧ и҆ ѡ҆ставле́нїѧ прᲂсѧ́ще на́мъ . Ѿ землѝ къ нбⷭ҇нымъ преше́дше , страда́льцы вѣнцено́сцы , цр҃кви мч҃нкъ пᲂбѣдᲂно́сныхъ ли́че . бѣ́дъ и҆ страсте́й и҆ ѡ҆б̾стᲂѧ́нїи , и҆збавле́нїе прᲂси́те на́мъ и҆ спасе́нїе . Расто́ргъ сме́рти ᲂу҆́зы сп҃съ , страда́льцемъ пᲂбѣ́ды пᲂдадѐ , є҆́же на сме́рть . четы́редесѧте бо мра́зᲂмъ сᲂгрѣва́еми пᲂѧ́хꙋ , спасе́нїѧ всѣ́мъ вѣ́рнымъ прᲂсѧ́ще . Напа́стей прило́ги , напа́данїе страсте́й , бѣсо́въ и҆скꙋше́нїѧ , бжⷭ҇твеныи страстᲂно́сецъ ли́къ , мл҃твᲂю и҆зима́ютъ ꙗ҆́вѣ , ѿ пᲂю́щихъ хрⷭ҇та̀ во́ вѣки . боⷢ҇ . Оу҆мерщве́ныѧ и҆ к̾ пе́рсти сме́ртнѣй , и҆ тлѣ́нїю сведе́ныѧ , вᲂскр҃си́ла є҆сѝ є҆ди́на , нача́льника жи́зни ро́ждьши хрⷭ҇та̀ бг҃а на́шегѡ , влⷣчце дв҃о чⷭ҇таѧ бг҃ᲂрᲂди́тельнице . катава́сїѧ : Хва́лимъ блгⷭ҇ви́мъ . Ѻ҆́трᲂки бл҃гᲂчести́выѧ .

пѣ́снь , ѳ҃ . і҆рмо́съ . И҆́же ѿ́ бг҃а бг҃а сло́ва , не и҆зрече́ннᲂю мꙋ́дрᲂстїю , прише́дшагѡ ѡ҆бнᲂви́ти а҆да́ма , ꙗ҆́дїю тлѣ́нїѧ па́дшагѡ ѕлѣ̀ , ѿ ст҃ы́ѧ же дв҃цы , неи҆зрече́нно вᲂплᲂща́ема на́съ ра́ди , вѣ́рнїи є҆динᲂмꙋ́дреннѡ пѣ́сньми велича́емъ . По хрⷭ҇тѣ̀ ѡ҆бнажи́вшесѧ , и҆ ка́менїемъ бїе́ни бы́вше , вᲂздꙋ́шнꙋю претерпѣ́сте зи́мꙋ . вᲂдны́и ле́дъ , и҆ сᲂкрꙋше́нїе ᲂу҆до́мъ , и҆ ѻ҆гне́мъ ѡ҆па́льшесѧ , в̾ рѣчнѣ́й сїѧ́ете быстринѣ̀ и҆з̾дале́ча , ꙗ҆́кᲂже свѣти́ла мч҃нцы четы́редесѧте . Же́злъ си́лы бжⷭ҇твеныѧ , крⷭ҇тъ стѧжа́вше , вᲂпїѧ́хꙋ хрⷭ҇то́ви страда́льцы четы́редесѧте , влⷣко всеси́льныи пᲂбѣди́телю , рꙋко́ю ти да вѣнча́емсѧ . да вси́ тѧ пѣ́сньми непреста́ннѡ велича́емъ . Ꙗ҆́кѡ бᲂлѣ́зненъ ᲂу҆́бѡ ле́дъ , и҆ ꙗ҆́кѡ без̾мѣ́рна лю́тᲂсть , ю҆́же претерпѣ́сте мра́за , но сла́дᲂкъ ра́й . а҆враа́мᲂво бо нѣ́дро патрїа́рха грѣ́етъ ва́съ , в̾ се́лѣхъ вѣ́чныхъ мч҃нцы четы́редесѧте .= Пᲂбѣди́вше страда́ньми , и҆ вѣнцы̀ прїе́мше , ѿ бжⷭ҇твеныѧ влады́чни десни́цы , ны́нѣ дарᲂва́ти мᲂли́тесѧ ми́ръ ми́рᲂви , пᲂбѣ́ды держа́вѣ на́шей , и҆ на́мъ спасе́нїе , мч҃нцы четы́редесѧте . боⷢ҇ . Н=евѣ́сто мт҃и дв҃о , а҆́нг҃льскаѧ мно́жества твᲂегѡ̀ мо́лѧтъ сн҃а , прїимѝ мᲂле́нїе на́ше , є҆ди́на наде́жде вѣ́рнымъ . ми́ръ ми́рᲂви , и҆ пᲂбѣ́ды держа́вѣ на́шей , и҆ на́мъ спасе́нїе тебѐ пᲂю́щимъ да́рꙋй .

и҆́нъ , і҆рмо́съ , то́йже . Па́че є҆сте́ственыѧ зарѝ , и҆ ра́дᲂсти несказа́нныѧ , и҆ сла́вы спᲂдо́бистесѧ ᲂу҆лꙋчи́ти . ны́нѣ же любо́вїю чтꙋ́щихъ ва́съ , напа́стей и҆ бѣ́дъ , и҆ лꙋка́вствїѧ и҆зба́вите вра́гъ , хрⷭ҇то́вы во́ини , мч҃нцы четы́редесѧте . Си́лꙋ пребᲂга́тїи бжⷭ҇твенꙋю с̾ нб҃сѐ прїе́мше и҆ крѣ́пᲂсть , сᲂꙋ́зницы хрⷭ҇то́вы . льстѝ прᲂгᲂни́тели бы́сте , ѿгᲂнѧ́ще всѧ́кꙋ и҆́дᲂльскꙋю мглꙋ̀ непᲂстᲂѧ́ннꙋ , и҆ прᲂсвѣща́юще ми́ръ , мч҃нцы четы́редесѧте . Оу҆кра́шьшесѧ дᲂбро́тᲂю чⷭ҇тна́гѡ мꙋче́нїѧ , и҆ бжⷭ҇твенагѡ прича́стницы бы́вше є҆стества̀ . вᲂи́стинꙋ ра́дꙋетесѧ , со свѣ́тᲂмъ смѣси́вшесѧ свѣтлѣ́йшимъ и҆ чи́стымъ , хрⷭ҇то́вы во́ини мч҃нцы четы́редесѧте . Ны́нѣ хрⷭ҇то́ви пред̾стᲂѧ́ще , бл҃гᲂчести́вымъ дерзнᲂве́нїемъ . и҆ ѿ ню́дꙋ бжⷭ҇тва̀ свѣ́тᲂмъ ѡ҆блиста́еми сла́внїи , вᲂсхвалѧ́ющїѧ вы̀ заре́ю ѡ҆свѣти́тисѧ трисїѧ́ннᲂю , прилѣ́жнѡ мᲂли́те мч҃нцы четы́редесѧте . боⷢ҇ . Ꙗ҆́вльшїисѧ дв҃це дꙋшѝ мᲂеѧ̀ примра́къ , свѣ́та твᲂегѡ̀ невеще́ствеными блиста́ньми ѡ҆зарѝ , две́ри бжⷭ҇твенагѡ свѣ́та . и҆ ѻ҆гнѧ̀ вѣ́чнагѡ и҆зба́витисѧ спᲂдо́би чⷭ҇таѧ , вѣ́рᲂю и҆ любо́вїю пѣ́сньми тѧ̀ велича́ющагѡ .

катава́сїѧ : Всѧ́къ зе́менъ .= Дᲂсто́йнѡ є҆́сть . свѣти́ленъ . Четверᲂсꙋгꙋ́бнꙋю десѧти́цꙋ дне́сь страстᲂно́сецъ , сквᲂзѣ̀ ѻ҆́гнь прᲂше́дшꙋю и҆ во́дꙋ де́рзᲂстнѣ , пᲂдвигᲂпᲂло́жникъ свы́ше , хрⷭ҇то́съ вѣнцы̀ прᲂславлѧ́етъ . двⷤа . сла́ва , и҆ ны́нѣ , боⷢ҇ . Д=ержа́внымъ сѝ пᲂкро́вᲂмъ , ѿ враго́въ навѣ́та , на́съ чи́стаѧ свᲂѧ̀ рабы̀ сᲂхранѝ всѣ́хъ невре́дны . тѧ́ бо є҆ди́нꙋ стѧжа́хᲂмъ прибѣ́жище в̾ бѣда́хъ .

На хвали́тѣхъ , стихѣ́ры , на д҃ . гла́съ , є҃ . поⷣ . ра́дꙋйсѧ живᲂно́сныи . Прїиди́те мч҃ническїи бра́тїе , съ пᲂхвала́ми вᲂспᲂе́мъ по́лкъ , мра́зᲂмъ и҆ ѻ҆гне́мъ ѡ҆па́льшїисѧ . и҆ пре́лестнꙋю зи́мꙋ , ѻ҆́гненымъ рве́нїемъ пᲂпа́льшїи . во́инство до́блественᲂе , сщ҃е́нныи сᲂбо́ръ . пᲂбо́рныи нераз̾сѣ́дныи и҆ непᲂбѣди́мыи , вѣ́рѣ забра́ла , и҆ храни́тели , мч҃нкъ четы́редесѧте ли́къ бжⷭ҇твеныи . цр҃ко́вныѧ мᲂли́твеники , си́льнѡ мᲂлѧ́щїѧ хрⷭ҇та̀ , низ̾пᲂсла́ти дш҃а́мъ на́шимъ , ми́ръ и҆ ве́лїю млⷭ҇ть .= двⷤа . Ра́дꙋисѧ сᲂбо́ре крѣ́пкїи и҆ терпѣли́выи , и҆ пᲂбѣди́тельныи по́лче . стᲂлпы̀ бл҃гᲂче́стїѧ , во́ини хрⷭ҇то́вы , тве́рдїи ѻ҆рꙋ́жницы , и҆ не ᲂу҆стра́шнїи . ᲂу҆мо́мъ преси́льнїи , и҆ дш҃е́ю мꙋ́жественїи . вᲂи́стинꙋ бжⷭ҇твеныи , бг҃ᲂви вᲂз̾желѣ́нныи ли́къ ст҃ы́и . бг҃ᲂи҆збра́нныи со́нмъ , мч҃нцы четы́редесѧте . и҆́же ра́вны страда́нїемъ , ра́вны и҆ нра́вᲂмъ , и҆ равны̀ вѣнцы̀ прїе́мше . хрⷭ҇та̀ мᲂли́те , дарᲂва́ти дш҃а́мъ на́шимъ , ми́ръ и҆ ве́лїю млⷭ҇ть . Ра́дꙋисѧ пᲂбѣдᲂно́снᲂе мно́жество , и҆́же на бранѣ́хъ до́блѣ мꙋ́жествᲂвавше . ѕвѣ́зды прᲂше́дше сквᲂзѣ̀ ѻ҆́гнь и҆ зи́мꙋ , и҆ вᲂдны́и мра́зъ раз̾сы́павше . зе́млю ᲂу҆нб҃си́вше , и҆ всѧ̀ прᲂсвѣти́вше . и҆ на ло́нѣ а҆враа́мли ны́нѣ сᲂгрѣва́еми , и҆ со а҆́нг҃льскими ликꙋ́юще во́инствы , мч҃нцы четы́редесѧте . цвѣ́ти дыха́ющїи бл҃гᲂво́нїе , сꙋ́щагѡ бг҃ᲂдх҃о́внагѡ пᲂда́нїѧ . хрⷭ҇та̀ мᲂли́те , дш҃а́мъ на́шимъ дарᲂва́ти ве́лїю млⷭ҇ть . =сла́ва . гла́съ , є҃ . Страстᲂно́сцы хрⷭ҇то́вы , всечестны́и по́стъ свѣтлѣ́йши сᲂдѣ́ласте , па́мѧтїю ва́шегѡ сла́внагѡ страда́нїѧ . четы́редесѧте бо сꙋ́ще , четверᲂдесѧтᲂденни́цꙋ ѡ҆сщ҃а́ете . спасе́нѣй стра́сти пᲂдо́бѧщесѧ , ва́шимъ и҆́же по хрⷭ҇тѣ̀ страда́нїемъ . тѣ́мже и҆мꙋ́ще дерзнᲂве́нїе , мᲂли́тесѧ въ ми́рѣ дᲂсти́гнꙋти на́мъ , тридне́внᲂе вᲂскрⷭ҇нїе , бг҃а и҆ сп҃са дш҃а́мъ на́шимъ . и҆ нн҃ѣ , боⷢ҇ . и҆лѝ , крⷭ҇тᲂбоⷢ҇ . Є҆гда̀ гро́здъ ненасажде́нныи , є҆го́же ꙗ҆́кѡ винᲂгра́дъ вᲂзрасти́ла є҆сѝ , ви́дѣ на́ древѣ ви́сима , прᲂбᲂде́на же кᲂпїе́мъ бжⷭ҇твенаѧ ре́бра , что́ се гл҃аше сн҃е и҆ бж҃е ; ка́кѡ и҆́же недꙋ́ги всѧ̀ и҆ стра́сти и҆сцѣлѧ́ѧи , стра́сть пᲂдъє҆́млеши , без̾стра́стныи по є҆стествꙋ̀ бжⷭ҇твенᲂмꙋ ; что́ ти без̾бл҃гᲂда́тнїи лю́дїе , бл҃гᲂда́телю сїѧ̀ вᲂзда́ша , вмѣ́стѡ бл҃гᲂдѣѧ́ней ; но дв҃о пречи́стаѧ . сегѡ̀ страстьмѝ , страсте́й мѧ̀ свᲂбᲂди́ти мᲂли́сѧ непреста́ннѡ . ꙗ҆́кѡ да сла́влю тѧ̀ .

На стихо́внѣ , в̾ трїѡ́ди самᲂгла́сенъ , вⷤ . и҆ мⷱ҇ꙋ . сла́ва , ст҃ы́мъ . гла́съ , в҃ . И҆́стиннꙋю ча́шꙋ ѿ свᲂи́хъ крᲂве́й , ѻ҆гне́мъ тᲂмле́нїѧ , и҆ вᲂдна́гѡ ле́да вѣ́рнымъ прᲂлїѧ́ша . четверᲂчи́сленаѧ бо десѧти́ца пᲂю́щи пѣ́снь сп҃сᲂви . є҆ди́нъ ᲂу҆́бѡ ᲂу҆́мъ всѣ́мъ , тѣ́лᲂмъ же мно́зи принесо́шасѧ хрⷭ҇тꙋ̀ . и҆ бг҃ᲂневѣ́стнаѧ мт҃и , хрⷭ҇тᲂлюби́ваго ѻ҆́трᲂка на ра́мо взе́мши глаго́лаше , грѧдѝ страда́льче , и҆ пᲂстражѝ с̾ про́чими . и҆ нн҃ѣ , боⷢ҇ . Всѣ́мъ скᲂрбѧ́щимъ ра́дᲂсть , и҆ ѡ҆би́димымъ застꙋ́пница , и҆ ни́щимъ пита́тельница . стра́ннымъ же ᲂу҆тѣше́нїе , вᲂлнꙋ́ющимсѧ приста́нище , бᲂлѧ́щимъ пᲂсѣще́нїе . пᲂбѣжда́емымъ по́мᲂщь и҆ застꙋпле́нїе . и҆ же́злъ слѣпы́мъ , мт҃и бг҃а вы́шнѧгѡ , ты̀ є҆сѝ пречⷭ҇таѧ . пᲂтщи́сѧ мо́лимсѧ , спастѝ рабы̀ свᲂѧ̀ .= крⷭ҇тᲂбоⷢ҇ . Д=ᲂса́ды претерпѣ́вшаго мно́ги , и҆ на́ крⷭ҇тъ вᲂзнесе́наго всѧ́ческимъ твᲂрца̀ , ви́дѣвши пречи́стаѧ стᲂнѧ́ше гл҃ющи , препѣ́тыи гдⷭ҇и сн҃е и҆ бж҃е мо́й , ка́кѡ пᲂчестѝ хᲂтѧ̀ сᲂзда́нїе свᲂѐ влⷣко , терпи́ши пло́тїю без̾че́стїе , сла́ва мно́гᲂмꙋ млрⷭ҇дїю , и҆ сᲂше́ствїю тѝ чл҃кᲂлю́бче .

На литꙋргі́и , а҆́ще є҆́сть по́стъ , быва́етъ преждесщ҃е́ннаѧ . на́ гдⷭ҇и вᲂзва́хъ , пᲂста́вимъ стихо́въ , і҃ . и҆ пᲂе́мъ в̾ трїѡ́ди самᲂгла́сенъ дн҃е́ви , двⷤа , и҆ мⷱ҇ꙋ . и҆ пᲂдо́бны , г҃ . и҆ ст҃ы́мъ м҃ , мч҃нкѡмъ . стⷯры , гла́съ , в҃ . Терпѧ́ще мꙋче́нїѧ крѣ́пкѡ , ра́дꙋющесѧ надѣ́емымъ , дрꙋ́гъ ко́ дрꙋгꙋ гл҃ахꙋ , ст҃і́и мч҃нцы , не ᲂу҆́бѡ ри́зъ сᲂвлачи́мсѧ , но ве́тхагѡ чл҃ка ѿлага́емъ . ꙗ҆́ра зима̀ , но сла́дᲂкъ ра́й . бᲂлѣ́зненъ ле́дъ , но сла́дко вᲂспрїѧ́тїе . не ᲂу҆клᲂни́мсѧ ᲂу҆́бѡ ѽ во́ини , ма́лѡ претерпи́мъ , да вѣнцы̀ пᲂбѣ́дными ᲂу҆вѧзе́мсѧ , ѿ хрⷭ҇та̀ бг҃а и҆ сп҃са дш҃а́мъ на́шимъ . двⷤа . Ме́чꙋще ѻ҆дѣѧ́нїѧ всѧ̀ , в̾хᲂдѧ́ще без̾ тре́пета во є҆́зеро , дрꙋ́гъ ко́ дрꙋгꙋ гл҃ахꙋ , ст҃і́и мч҃нцы за ра́й и҆́же пᲂгꙋби́хᲂмъ , ри́зъ тлѣ́нныхъ дне́сь непᲂщади́мъ . ѕмі́емъ и҆нᲂгда̀ тлетво́рнымъ ѡ҆блече́ни , сᲂвлеце́мсѧ ны́нѣ за всѣ́хъ вᲂскрⷭ҇нїе . небрезе́мъ ѡ҆ле́дѣ раста́емѣ , пло́ть вᲂзненави́димъ , да вѣнцы̀ пᲂбѣ́дными ᲂу҆вѧзе́мсѧ , ѿ хрⷭ҇та̀ бг҃а , и҆ сп҃са дш҃а́мъ на́шимъ . Ви́дѧще ꙗ҆́кѡ наслажде́нїе мꙋ́ки , текꙋ́ще ко є҆́зерꙋ стꙋденꙋ̀ , ꙗ҆́кѡ к̾ теплᲂтѣ̀ , гл҃ахꙋ ст҃і́и мч҃нцы , не ᲂу҆страши́мсѧ часа̀ зи́мнѧгѡ , да стра́шныѧ гее́ны ѻ҆гнѧ̀ ᲂу҆бѣжи́мъ . сᲂж̾жена̀ бꙋ́ди нᲂга̀ , да ликꙋ́етъ вѣ́чнѡ . рꙋка́ же ѿє́млема , да вᲂз̾дѣ́етсѧ къ бг҃ꙋ . и҆ непᲂщади́мъ є҆стества̀ ᲂу҆мира́ющагѡ , и҆зво́лимъ сме́рть , да вѣнцы̀ пᲂбѣ́дѣ ᲂу҆вѧзе́мсѧ , ѿ хрⷭ҇та̀ бг҃а и҆ сп҃са дш҃а́мъ на́шимъ . сла́ва . гла́съ , то́йже . Пррⷪ҇чески ᲂу҆́бѡ вᲂпїѧ́ше дв҃дъ во ѱалмѣ́хъ , прᲂи҆до́хᲂмъ сквᲂзѣ̀ ѻ҆́гнь и҆ во́дꙋ , и҆ и҆зве́лъ ны̀ є҆сѝ в̾ пᲂко́й . вы́ же мч҃нцы хрⷭ҇то́вы , самѣ́ми дѣ́лы сло́во и҆спо́лньше , прᲂи҆до́сте сквᲂзѣ̀ ѻ҆́гнь и҆ во́дꙋ , и҆ внидо́сте в̾ црⷭ҇тво нбⷭ҇нᲂе . тѣ́мже мᲂли́тесѧ четы́редесѧте сꙋ́ще страда́льцы , дарᲂва́тисѧ дш҃а́мъ на́шимъ ве́лїѧ ми́лᲂсти .= и҆ ны́нѣ , боⷢ҇ . Пре́йде сѣ́нь зако́ннаѧ , бл҃гᲂда́ти прише́дши , ꙗ҆́кᲂже бо кꙋпина̀ не с̾гара́ше , распала́ющисѧ . та́кѡ и҆ дв҃аѧ рᲂдила̀ є҆́сть , и҆ дв҃ᲂю пребы́сть . в̾мѣ́стѡ стᲂлпа̀ ѻ҆́гненнагѡ , пра́веднᲂе вᲂз̾сїѧ̀ сл҃нце . в̾мѣ́стѡ мѡѷсе́ѧ хрⷭ҇то́съ , во спасе́нїе дш҃а́мъ на́шимъ . =та́же , вы́хᲂдъ , с̾ єѵⷢ҇а́лїемъ . прᲂки́менъ дню̀ . и҆ чте́нїѧ в̾ трїѡ́ди . и҆ да́сѧ и҆спра́витъ мл҃тва мᲂѧ̀ . є҆ктенїѧ̀ ма́лаѧ . прᲂки́мен̾ , ѱл҃о́мъ дв҃дᲂвъ . ты̀ гдⷭ҇и сᲂхрани́ши ны и҆ сᲂблюде́ши ны , ѿ́ рᲂда сегѡ̀ и҆ во́ вѣки . сти́хъ . спаси́ мѧ гдⷭ҇и , ꙗ҆́кѡ ѡ҆скꙋдѣ̀ прпⷣбныи . а҆пⷭ҇лъ , къ є҆вре́ѡмъ . зача́ло , тл҃а . а҆ллилꙋ́їѧ . вᲂскли́кните гдⷭ҇ви всѧ̀ землѧ̀ , по́йте же и҆́мени є҆гѡ̀ . сти́хъ . ꙗ҆́кѡ и҆скꙋси́лъ ны є҆сѝ бж҃е , раз̾жжѐ на́съ , ꙗ҆́кᲂже раз̾жиза́етсѧ сребро̀ . є҆ѵⷢ҇а́лїе , ѿ матѳе́ѧ . заⷱ҇ , п҃ . и҆ про́чаѧ бжⷭ҇твенаѧ слꙋ́жба прежесщ҃е́ннаѧ . прича́стенъ . ра́дꙋйтесѧ пра́веднїи ѡ҆́ гдⷭ҇ѣ .

А҆́ще прилꙋчи́тсѧ , м҃ , мч҃нкъ , во є҆ди́нъ ѿ дне́й по́стныхъ , пᲂе́мъ слꙋ́жбꙋ и҆́хъ си́це . на часѣ́хъ по ѡ҆сла́би ѡ҆ста́ви , и҆ по ѻ҆́ч҃е на́шъ . кᲂндакѝ по ᲂу҆ста́вꙋ . та́же , гдⷭ҇и пᲂми́лꙋй , м҃ . сла́ва , и҆ ны́нѣ , честнѣ́йшꙋю херꙋви́мъ . и҆ по з҃і , пᲂкло́нѣхъ , гл҃емъ , трⷭ҇то́е , и҆ по ѻ҆́ч҃е на́шъ . гдⷭ҇и пᲂми́лꙋй , в҃і . и҆ всест҃а́ѧ трⷪ҇це . та́же , дᲂсто́йнѡ є҆́сть . и҆ ѿпꙋ́стъ . і҆єре́й : бл҃гᲂслᲂве́но црⷭ҇тво ѻ҆ц҃а и҆ сн҃а . ѱл҃о́мщикъ : а҆ми́нь . цр҃ю нбⷭ҇ныи , и҆ про́чее . и҆ пᲂсе́мъ= вече́рню без̾ пᲂкло́нᲂвъ . каѳи́сма , рѧ́дъ . на не́й же по ко́ейждо сла́вѣ , гл҃етъ і҆єре́й є҆ктенїю̀ ма́лꙋю . на гдⷭ҇и вᲂз̾ва́хъ , стⷯры , на і҃ . самᲂгла́сенъ дню̀ , двⷤа . и҆ мч҃нчнъ . и҆ поⷣ , г҃ . и҆ мч҃нкѡмъ , д҃ . сла́ва , мч҃нкѡмъ . и҆ ны́нѣ , боⷢ҇ . пре́йде сѣ́нь зако́ннаѧ . вы́хᲂдъ , прᲂки́менъ , и҆ чте́нїе дню̀ . и҆ мч҃нкѡмъ чте́нїѧ , трѝ . =та́же , пᲂе́мъ : да́сѧ и҆спра́витъ мᲂли́тва мᲂѧ̀ . и҆ трѝ , пᲂкло́ны земны́ѧ . и҆ по́ рѧдꙋ литꙋргі́ѧ прежесщ҃е́ннаѧ . и҆ на литꙋргі́и прежесщ҃е́ннᲂй , на сꙋгꙋ́бᲂй є҆ктенїѝ пᲂкло́ны земны́ѧ . и҆ по нн҃ѣ си́лы нбⷭ҇ныѧ трѝ , пᲂкло́ны . и҆ по ѻ҆́ч҃е на́шъ , пᲂкло́н̾ . и҆ на бл҃гᲂдари́мъ тѧ̀ пᲂкло́н̾ . и҆ на за а҆мбо́ннᲂй мᲂли́твѣ и҆дѣ́же гл҃етсѧ , пᲂклᲂни́тисѧ ст҃о́мꙋ хрⷭ҇то́вꙋ вᲂскрⷭ҇нїю , пᲂкло́н̾ . и҆ на бꙋ́ди и҆́мѧ гдⷭ҇не , трѝ пᲂкло́ны . и҆ на пᲂслѣ́днемъ дᲂсто́йнѣ пред̾ ѿпꙋ́стᲂмъ , четы́ре пᲂкло́ны . Та́кᲂже прихо́дныѧ и҆ и҆схо́дныѧ пᲂкло́ны в̾ цр҃кви и҆ въ кѣ́лїи быва́ютъ , є҆гда̀ пра́зднꙋетсѧ ст҃о́мꙋ пᲂлїелеѡ́снᲂмꙋ , в̾ вели́кїи по́стъ .

а҆ и҆дѣ́же не бꙋ́детъ прежесщ҃е́нныѧ , на часѣ́хъ по ѡ҆сла́би ѡ҆ста́ви , и҆ по ѻ҆́ч҃е на́шъ . кᲂндакѝ по ᲂу҆ста́вꙋ . та́же , гдⷭ҇и пᲂми́лꙋй , м҃ . сла́ва , и҆ ны́нѣ , честнѣ́йшꙋю херꙋви́мъ . и҆ по з҃і , пᲂкло́нѣхъ , гл҃емъ : прїиди́те пᲂклᲂни́мсѧ , гⷤ . и҆ пᲂе́мъ= вече́рню без̾ пᲂкло́нᲂвъ . каѳи́сма , рѧ́дъ . на гдⷭ҇и вᲂз̾ва́хъ , стⷯры , на́ ѕ҃ . в̾ трїѡ́ди , поⷣ , г҃ . и҆ мч҃нкѡмъ , г҃ . сла́ва , мч҃нкѡмъ . и҆ ны́нѣ , боⷢ҇ . пре́йде сѣ́нь зако́ннаѧ . вы́хᲂдъ , прᲂки́менъ , и҆ чте́нїе дню̀ . и҆ мч҃нкѡмъ . =та́же , спᲂдо́би гдⷭ҇и . и҆ и҆спо́лнимъ вече́рнѧѧ . на стихо́внѣ в̾ трїѡ́ди . сла́ва , мч҃нкѡмъ . и҆ ны́нѣ , боⷢ҇ , по́гласꙋ . ны́нѣ ѿпꙋща́еши . по трист҃о́мъ , трᲂпа́рь мч҃нкѡмъ . сла́ва , и҆ ны́нѣ , боⷢ҇ . є҆ктенїѧ̀ : пᲂми́лꙋй на́съ бж҃е . Пᲂсе́мъ , трѝ пᲂкло́ны вели́кїѧ . та́же , всест҃а́ѧ трⷪ҇це . Бꙋ́ди и҆́мѧ гдⷭ҇не . и҆ трѝ пᲂкло́ны , и҆ бл҃гᲂслᲂвлю̀ гдⷭ҇а . Дᲂсто́йнѡ є҆́сть . и҆ ѿпꙋ́стъ .

неѳи́мᲂнъ пᲂе́тсѧ бᲂльшо́й , без̾ пᲂкло́нᲂвъ . нане́мже пᲂе́мъ , на пе́рвᲂй нлⷣи пᲂста̀ ча́сть ѿ кано́на а҆ндре́ева . по а҃ мъ , трⷭ҇то́мъ : трᲂпа́рь мч҃нкѡмъ . сла́ва , и҆ ны́нѣ , боⷢ҇ , по́ гласꙋ . по в҃ мъ , трⷭ҇то́мъ : трᲂпарѝ ѡ҆бы́чныѧ . пᲂми́лꙋй на́съ гдⷭ҇и . по г҃ мъ , трⷭ҇то́мъ : кᲂнда́къ мч҃нкѡмъ . гдⷭ҇и си́лъ с̾ на́ми бꙋ́ди . непᲂе́мъ . по чⷭ҇тнѣ́йшꙋю , д҃ пᲂкло́ны вели́кїѧ . по́слѣ нескве́рныѧ , трⷭ҇то́е негл҃емъ . а҆ ѿпꙋ́стъ ма́лᲂй . пᲂлꙋ́нᲂщницꙋ же пᲂе́мъ по ѻ҆бы́чаю с̾ каѳи́смᲂю . по чⷭ҇тнѣ́йшꙋю , д҃ пᲂкло́ны вели́кїѧ .

На ᲂу҆́трени , на бг҃ъ гдⷭ҇ь , трᲂпа́рь мч҃нкѡмъ , вⷤ . сла́ва , и҆ нн҃ѣ , боⷢ҇ . гл҃емъ , трѝ каѳи́смы . та́же , пᲂлїелеѡ́съ . и҆ сѣда́ленъ , мч҃нкѡмъ , вⷤ . сла́ва , и҆ нн҃ѣ , боⷢ҇ . степе́нна , д҃ го гла́са . а҆нтиѳо́нъ , а҃ . прᲂки́менъ . є҆ѵⷢ҇а́лїе .= ѱл҃о́мъ , н҃ . стⷯра , мч҃нкѡм̾ . пѣ́сней же во ѱалты́ри , негл҃емъ . Кано́нъ , бцⷣѣ , со і҆рмᲂсо́мъ , на́ ѕ҃ . и҆ мч҃нкѡмъ , на́ и҃ . катава́сїѧ : ѿве́рзꙋ ᲂу҆ста̀ . =а҆ и҆дѣ́же трипѣ́снѡ , и҆ пᲂе́мъ , кано́нъ , мч҃нкѡмъ , со і҆рмᲂсо́мъ , на́ ѕ҃ . і҆рмо́съ , по вⷤ . и҆ трипѣ́снѡ , на́ и҃ . катава́сїѧ , і҆рмо́съ трипѣ́сна . свѣти́ленъ , мч҃нкѡмъ , двⷤа . сла́ва , и҆ нн҃ѣ , боⷢ҇ , є҆гѡ̀ . на хвали́тѣхъ , стⷯры , мч҃нкѡмъ . на стихо́внѣ , в̾ трїѡ́ди самᲂгла́сенъ , вⷤ . и҆ мⷱ҇ꙋ . сла́ва , мч҃нкѡмъ . и҆ ны́нѣ , боⷢ҇ . Бл҃го є҆́сть , аⷤ . трⷭ҇то́е , и҆ по ѻ҆́ч҃е на́шъ . трᲂпа́рь мч҃нкѡмъ . сла́ва , и҆ ны́нѣ , боⷢ҇ . є҆ктенїѧ̀ : пᲂми́лꙋй на́съ бж҃е . и҆ трѝ , пᲂкло́ны вели́кїѧ . и҆ ча́съ , пе́рвый . На пе́рвᲂмъ часѣ̀ , каѳи́сма , рѧ́дъ . на часѣ́хъ , трᲂпа́рь , мч҃нкѡмъ . и҆ по трⷭ҇то́мъ , кᲂнда́къ , мч҃нкѡмъ . и҆ на кᲂне́цъ , д҃ , пᲂкло́ны вели́кїѧ . и҆ по д҃ , пᲂкло́нѣхъ , трⷭ҇та́гѡ негл҃емъ . но гл҃емъ , хрⷭ҇те свѣ́те . и҆ ѿпꙋ́стъ .

Ча́съ же , г҃ , и҆ ѕ҃ , и҆ ѳ҃ , пᲂе́мъ с̾ каѳи́смами , по́чинꙋ а҃ гѡ часа̀ . мᲂли́твы же вели́кагѡ васи́лїѧ гл҃емъ непремѣ́ннѡ , є҆́же є҆́сть , влⷣко бж҃е ѻ҆́ч҃е . и҆ бж҃е и҆ гдⷭ҇и си́ламъ . и҆ влⷣко гдⷭ҇и і҆с҃е хрⷭ҇тѐ . по девѧ́тᲂмъ часѣ̀ , бл҃же́нны гл҃емъ по ско́ро , без̾ пѣ́нїѧ . по ѡ҆сла́би ѡ҆ста́ви , кᲂнда́къ , хра́мꙋ гдⷭ҇ню , и҆лѝ ст҃а́гѡ . сла́ва , кᲂнда́къ , мч҃нкѡмъ . и҆ ны́нѣ , кᲂнда́къ , хра́мꙋ бцⷣы . а҆́ще ли нѣ́сть , хра́ма бцⷣы . то̀ и҆ ны́нѣ , кᲂнда́къ , застꙋ́пнице хрⷭ҇тїа́нᲂмъ . пᲂсе́мъ , гдⷭ҇и пᲂми́лꙋй , м҃ . сла́ва , и҆ ны́нѣ , чⷭ҇тнѣ́йшꙋю херꙋви́мъ . и҆ д҃ , пᲂкло́ны вели́кїѧ . та́же , всест҃а́ѧ трⷪ҇це . и҆ ѿпꙋ́стъ .

і҆єре́й : бл҃гᲂслᲂве́но црⷭ҇тво ѻ҆ц҃а . ѱл҃о́мщикъ : а҆ми́нь .= прїиди́те пᲂклᲂни́мсѧ , гⷤ . и҆ пᲂе́мъ вече́рню с̾ пᲂкло́ны . каѳи́сма , рѧ́дъ . на гдⷭ҇и вᲂз̾ва́хъ , стⷯры , на і҃ . самᲂгла́сенъ дню̀ , двⷤа . и҆ мч҃нчнъ , и҆́же пи́саны в̾ трїѡ́ди на стихо́внѣ . и҆ пᲂдо́бны , в̾ трїѡ́ди г҃ . и҆ мч҃нкѡмъ , д҃ . сла́ва , мч҃нкѡмъ . и҆ ны́нѣ , боⷢ҇ . пре́йде сѣ́нь зако́ннаѧ . вы́хᲂдъ , с̾ єѵⷢ҇а́лїемъ . прᲂки́менъ дню̀ . и҆ чте́нїѧ в̾ трїѡ́ди . и҆= да́сѧ и҆спра́витъ мл҃тва мᲂѧ̀ . и҆ трѝ , пᲂкло́ны вели́кїѧ . прᲂки́менъ , а҆пⷭ҇лъ , и҆ а҆ллилꙋ́їѧ , и҆ є҆ѵⷢ҇а́лїе , мч҃нкѡмъ . литꙋргі́ѧ прежесщ҃е́ннаѧ . а҆ пᲂкло́ны в̾ по́ѧсъ . На ѿпꙋ́стѣ і҆єре́й пᲂмина́етъ пре́жде пра́зднꙋемагѡ ст҃а́гѡ . пᲂто́мъ пᲂмина́етъ наста́вшагѡ ст҃а́гѡ . прихо́дныѧ же и҆ и҆схо́дныѧ пᲂкло́ны земны́ѧ .

А҆́ще ли кᲂеѧ̀ вели́кїѧ ра́ди нꙋ́жды , в̾ па́мѧть ст҃ы́хъ вели́кихъ , и҆́же и҆́мꙋтъ пᲂлїелеѡ́съ , неслꙋчи́тсѧ бы́ти прежесщ҃е́ннѣй литꙋргі́и , часы̀ пᲂе́мъ , ꙗ҆́кᲂже вы́ше рече́сѧ . то́чїю по ѳ҃ мъ , часѣ̀ , и҆ по мл҃твѣ : влⷣко гдⷭ҇и і҆с҃е хрⷭ҇тѐ бж҃е на́шъ , гл҃емъ ѱало́мъ : бл҃гᲂслᲂвѝ дш҃е мᲂѧ̀ гдⷭ҇а . сла́ва , дрꙋгі́и ѱало́мъ : хвалѝ дш҃е мᲂѧ̀ гдⷭ҇а . и҆ ны́нѣ , є҆динᲂро́дныи сн҃ъ . и҆ во црⷭ҇твїи сѝ . та́же , бл҃же́нны ѿ кано́на мч҃нкѡмъ , на́ и҃ . пѣ́снь , г҃ ѧ , и҆ ѕ҃ ѧ . та́же , а҆пⷭ҇лъ , и҆ є҆ѵⷢ҇а́лїе , мч҃нкѡмъ . пᲂсе́мъ , пᲂмѧнѝ на́съ гдⷭ҇и . по ѡ҆сла́би ѡ҆ста́ви , кᲂнда́къ , хра́мꙋ гдⷭ҇ню , и҆лѝ ст҃а́гѡ . сла́ва , кᲂнда́къ , мч҃нкѡмъ . и҆ ны́нѣ , кᲂнда́къ , хра́мꙋ бцⷣы . а҆́ще ли нѣ́сть , хра́ма бцⷣы . то̀ и҆ ны́нѣ , кᲂнда́къ , застꙋ́пнице хрⷭ҇тїа́нᲂмъ . пᲂсе́мъ , гдⷭ҇и пᲂми́лꙋй , м҃ . сла́ва , и҆ ны́нѣ , чⷭ҇тнѣ́йшꙋю херꙋви́мъ . и҆ д҃ , пᲂкло́ны вели́кїѧ . и҆ гл҃емъ : прїиди́те пᲂклᲂни́мсѧ , гⷤ . и҆ пᲂе́мъ= вече́рню с̾ пᲂкло́ны . каѳи́сма , рѧ́дъ . на гдⷭ҇и вᲂз̾ва́хъ , стⷯры , на́ ѕ҃ . в̾ трїѡ́ди , поⷣ , г҃ . и҆ ст҃о́мꙋ є҆го́же наста̀ па́мѧть , г҃ . сла́ва , ст҃о́мꙋ а҆́ще , є҆́сть . и҆ ны́нѣ , боⷢ҇ , и҆лѝ крⷭ҇тᲂбоⷢ҇ . вы́хᲂдъ , прᲂки́менъ , и҆ чте́нїе дню̀ . на стихо́внѣ , дню̀ в̾ трїѡ́ди . ны́нѣ ѿпꙋща́еши . по трⷭ҇то́мъ , трᲂпарѝ , бцⷣе дв҃о ра́дꙋисѧ . и҆ про́чее по по́стнᲂмꙋ . По чⷭ҇тнѣ́йшꙋ , и҆ по з҃і пᲂкло́нѣхъ , гл҃емъ трⷭ҇то́е . гдⷭ҇и пᲂми́лꙋй , в҃і . всест҃а́ѧ трⷪ҇це . =та́же , бꙋ́ди и҆́мѧ гдⷭ҇не , и҆ трѝ , пᲂкло́ны в̾ по́ѧсъ . и҆ бл҃гᲂслᲂвлю̀ гдⷭ҇а . дᲂсто́йнѡ є҆́сть . и҆ ѿпꙋ́стъ . на ѿпꙋ́стѣ же пᲂмина́етъ наста́вшагѡ ст҃а́гѡ . и҆ мнᲂгᲂлѣ́тны .

А҆́ще ли прилꙋчи́тсѧ , м҃ , мч҃нкъ , в̾ сꙋбо́тꙋ , а҃ ѧ нлⷣи пᲂста̀ . въ пѧто́къ , ве́черъ , каѳи́сма , рѧ́дъ . на гдⷭ҇и вᲂз̾ва́хъ , стⷯры , на і҃ . самᲂгла́сенъ дню̀ , двⷤа . и҆ мч҃нчнъ . и҆ мч҃нкѡмъ , г҃ . и҆ ѳео́дѡрꙋ , д҃ . гла́съ , в҃ . сла́ва , ѳео́дѡрꙋ . гла́съ , ѕ҃ . сᲂсꙋ́дъ ѡ҆брѣ́тъ . и҆ ны́нѣ , боⷢ҇ , пе́рвый гла́сꙋ . вы́хᲂдъ , прᲂки́менъ , и҆ чте́нїе дню̀ . и҆ мч҃нкѡмъ чте́нїѧ , трѝ . и҆ про́чаѧ прежесщ҃е́ннаѧ . и҆ трѝ , пᲂкло́ны вели́кїѧ . и҆ пᲂда́сѧ и҆спра́витъ мᲂли́тва мᲂѧ̀ . трѝ , пᲂкло́ны вели́кїѧ . и҆ по нн҃ѣ си́лы нбⷭ҇ныѧ . трѝ , пᲂкло́ны вели́кїѧ . и҆ на бꙋ́ди и҆́мѧ гдⷭ҇не . трѝ , пᲂкло́ны вели́кїѧ . По за а҆мбо́ннᲂй мл҃твѣ , пᲂе́мъ кано́нъ ст҃о́мꙋ ѳео́дѡрꙋ надъ ко́ливᲂмъ , ꙗ҆́кᲂже ᲂу҆каза́сѧ в̾ м҃ цѣ , на рѧдꙋ̀ . и҆ ѿпꙋ́стъ .

Неѳи́мᲂнъ пᲂе́тсѧ бᲂльшо́й , без̾ пᲂкло́нᲂвъ . по а҃ мъ , трⷭ҇то́мъ : трᲂпа́рь мч҃нкѡмъ . сла́ва , ѳео́дѡрꙋ . и҆ ны́нѣ , боⷢ҇ , по́ гласꙋ . по в҃ мъ , трⷭ҇то́мъ : трᲂпарѝ ѡ҆бы́чныѧ . пᲂми́лꙋй на́съ гдⷭ҇и . пᲂе́мъ , кано́нъ ᲂу҆со́пшимъ , гла́сꙋ . и҆ в̾ минѣ́и рѧдᲂвы́и . по г҃ мъ , трⷭ҇то́мъ : кᲂнда́къ мч҃нкѡмъ . по́слѣ нескве́рныѧ , трⷭ҇то́е негл҃емъ . а҆ ѿпꙋ́стъ ма́лᲂй .

На ᲂу҆́трени , на бг҃ъ гдⷭ҇ь , трᲂпа́рь мч҃нкѡмъ , вⷤ . сла́ва , ѳео́дѡрꙋ . и҆ ны́нѣ , боⷢ҇ , а҃ й , гла́сꙋ . по а҃ , каѳи́смѣ , сѣда́льны , мч҃нкѡмъ ѻ҆́ба . сла́ва , и҆ ны́нѣ , боⷢ҇ . по в҃ , каѳи́смѣ , сѣда́ленъ , ѳео́дѡрꙋ . сла́ва , и҆ ны́нѣ , боⷢ҇ . пᲂлїелеѡ́съ . и҆ сѣда́ленъ , мч҃нкѡмъ , вⷤ . сла́ва , и҆ нн҃ѣ , боⷢ҇ . степе́нна , д҃ го гла́са . а҆нтиѳо́нъ , а҃ . прᲂки́менъ . є҆ѵⷢ҇а́лїе , мч҃нкѡмъ .= ѱл҃о́мъ , н҃ . стⷯра , мч҃нкѡмъ . пѣ́сней же во ѱалты́ри , негл҃емъ . Кано́нъ ст҃о́мꙋ , є҆го́же є҆́сть хра́мъ , со і҆рмᲂсо́мъ , на д҃ . и҆ мч҃нкѡмъ , на д҃ . и҆ ѳео́дѡрꙋ , на́ ѕ҃ . катава́сїѧ : ѿве́рзꙋ ᲂу҆ста̀ мᲂѧ̀ . =по г҃ й , пѣ́сни : кᲂнда́къ , и҆ и҆́кᲂсъ , и҆ сѣда́ленъ , мч҃нкѡмъ . сла́ва , сѣда́ленъ , ѳео́дѡрꙋ . и҆ ны́нѣ , боⷢ҇ , є҆гѡ̀ . по ѕ҃ й , пѣ́сни : кᲂнда́къ , и҆ и҆́кᲂсъ , ѳео́дѡрꙋ . и҆ чте́мъ синаѯа́рь . по ѳ҃ й , пѣ́сни : свѣти́ленъ , ѳео́дѡрꙋ . сла́ва , мч҃нкѡмъ . и҆ ны́нѣ , боⷢ҇ . На хвали́тѣхъ , стⷯры , мч҃нкѡмъ , г҃ . и҆ ѳео́дѡрꙋ , поⷣ , г҃ . та́же , сти́хъ , и҆ пᲂе́мъ самᲂгла́снꙋ , стⷯрꙋ , мч҃нкѡмъ . сла́ва , ѳео́дѡрꙋ . гла́съ , ѕ҃ . сщ҃е́нныи да́ръ . и҆ ны́нѣ , бцⷣе ты̀ є҆сѝ лᲂза̀ и҆́стиннаѧ . славᲂсло́вїе вели́кᲂе . трᲂпа́рь , мч҃нкѡмъ . сла́ва , ѳео́дѡрꙋ . и҆ ны́нѣ , боⷢ҇ . є҆ктенїѧ̀ , и҆ ѿпꙋ́стъ . и҆ ча́съ , а҃ и . на часѣ́хъ , трᲂпа́рь , мч҃нкѡмъ . сла́ва , ѳео́дѡрꙋ . кᲂндаки́ же гл҃емъ премѣнѧ́ѧ . на литꙋргі́и , бл҃же́нна , мч҃нкѡмъ , пѣ́снь г҃ , на д҃ . и҆ ѳео́дѡрꙋ , пѣ́снь ѕ҃ , на д҃ . по вхо́дѣ : трᲂпа́рь , мч҃нкѡмъ . и҆ ѳео́дѡрꙋ , и҆ кᲂнда́къ є҆гѡ̀ . сла́ва , кᲂнда́къ , мч҃нкѡмъ . и҆ ны́нѣ , кᲂнда́къ , застꙋ́пнице хрⷭ҇тїа́нѡмъ . а҆́ще ли хра́мъ бцⷣы . и҆ ны́нѣ , кᲂнда́къ , хра́мꙋ . прᲂки́менъ , и҆ а҆ллилꙋ́їѧ , мч҃нкѡмъ , и҆ ѳео́дѡрꙋ . а҆пⷭ҇лъ же , и҆ є҆ѵⷢ҇а́лїе , пре́же сꙋбо́тѣ . и҆ ѳео́дѡрꙋ пᲂд̾ главꙋ̀ . и҆ пᲂто́мъ , мч҃нкѡмъ .

А҆́ще ли прилꙋчи́тсѧ , м҃ , мч҃нкъ , в̾ нлⷣю , а҃ ю пᲂста̀ . и҆ пᲂе́тсѧ , и҆́мъ , ꙗ҆́кᲂже ᲂу҆ка́зано є҆́сть , в̾ нлⷣю , г҃ ю , пᲂста̀ , крᲂмѣ̀ пᲂклᲂне́нїѧ крⷭ҇тꙋ̀ . то́чїю на литі́и , сла́ва , мч҃нкѡмъ , пи́санъ , на гдⷭ҇и вᲂз̾ва́хъ . и҆ ны́нѣ , в̾ трїѡ́ди . на стихо́внѣ , сла́ва , мч҃нкѡмъ . и҆ ны́нѣ , въ трїѡ́ди . на бг҃ъ гдⷭ҇ь , трᲂпа́рь , вᲂскрⷭ҇нъ , вⷤ . сла́ва , мч҃нкѡмъ . и҆ ны́нѣ , пречи́стᲂмꙋ ти ѻ҆́бразꙋ . катава́сїѧ : ѿве́рзꙋ ᲂу҆ста̀ мᲂѧ̀ .

А҆́ще ли прилꙋчи́тсѧ , м҃ , мч҃нкъ , въ пнⷣе , в҃ ѧ , и҆лѝ г҃ ѧ , и҆лѝ д҃ ѧ , и҆лѝ є҃ ѧ , и҆лѝ ѕ҃ ѧ , нлⷣи пᲂста̀ . въ нлⷣю , ве́черъ , пᲂе́мъ , бл҃же́нъ мꙋ́жь . а҃ й , а҆нтиѳо́нъ . на гдⷭ҇и вᲂз̾ва́хъ , стихѣ́ры , на́ і҃ . в̾ трїѡ́ди , дню̀ , на д҃ . и҆ мч҃нкѡмъ , на́ ѕ҃ . сла́ва , мч҃нкѡмъ . и҆ нн҃ѣ , боⷢ҇ , а҃ и . вы́хᲂдъ , прᲂки́менъ вели́кїи , в̾ трїѡ́ди . и҆ чте́нїѧ , мч҃нкѡмъ , г҃ . та́же , спᲂдо́би гдⷭ҇и в̾ ве́черъ се́й . и҆ и҆спо́лнимъ вече́рнѧѧ . на стихо́внѣ , в̾ трїѡ́ди , самᲂгла́сенъ дню̀ , вⷤ . и҆ мч҃нченъ . сла́ва , мч҃нкѡмъ . и҆ ны́нѣ , боⷢ҇ , по́ гласꙋ , вᲂскрⷭ҇нъ . и҆ по ѻ҆́ч҃е на́шъ . трᲂпа́рь , мч҃нкѡмъ . сла́ва , и҆ ны́нѣ , боⷢ҇ , по́ гласꙋ . и҆ є҆ктенїѧ̀ : пᲂми́лꙋй на́съ бж҃е . и҆ пᲂкло́ны , г҃ , вели́кїѧ . пᲂсе́мъ , честнѣ́йшꙋю . и҆ ѿпꙋ́стъ .

На ᲂу҆́трени , в̾ пнⷣе , всѧ̀ слꙋ́жба , и҆ часы̀ , ꙗ҆́кᲂже пре́жде ꙗ҆вле́нѡ бы́сть .

А҆́ще ли прилꙋчи́тсѧ , м҃ , мч҃нкъ , в̾ сꙋбо́тꙋ , в҃ ю , и҆лѝ г҃ ю , и҆лѝ д҃ ю , пᲂста̀ . въ пѧто́къ , ве́черъ , каѳи́сма , рѧ́дъ . на гдⷭ҇и вᲂз̾ва́хъ , стⷯры , на́ і҃ . в̾ трїѡ́ди , самᲂгла́сна , вⷤ . и҆ во ѻ҆кта́и , мч҃нчны д҃ . и҆ мч҃нкѡмъ , д҃ . сла́ва , мч҃нкѡмъ . и҆ ны́нѣ , боⷢ҇ , а҃ и , гла́сꙋ . вы́хᲂдъ , прᲂки́менъ , и҆ чте́нїе дню̀ . и҆ мч҃нкѡмъ чте́нїѧ , трѝ . и҆ да́сѧ и҆спра́витъ .= и҆= про́чее прежесщ҃е́ннаѧ .

А҆́ще ли нѣ́сть прежесщ҃е́нныѧ , въ пѧто́къ , ве́черъ , каѳи́сма , рѧ́дъ . на гдⷭ҇и вᲂз̾ва́хъ , стⷯры , мч҃нкѡмъ , на́ ѕ҃ . сла́ва , мч҃нкѡмъ . и҆ ны́нѣ , боⷢ҇ , а҃ и , гла́сꙋ . вы́хᲂдъ , прᲂки́менъ , и҆ чте́нїе дню̀ . и҆ мч҃нкѡмъ чте́нїѧ , трѝ . та́же , спᲂдо́би гдⷭ҇и . на стихо́внѣ самᲂгла́сенъ , в̾ трїѡ́ди , двⷤа . и҆ мч҃нченъ во ѻ҆кта́и сꙋбо́тный по́ гласꙋ є҆ѧ̀ . сла́ва , мч҃нкѡмъ . и҆ ны́нѣ , боⷢ҇ , вᲂскрⷭ҇нъ . ны́нѣ ѿпꙋща́еши . трᲂпа́рь , мч҃нкѡмъ . сла́ва , и҆ ны́нѣ , боⷢ҇ , а҃ й , тᲂго́же гла́са . є҆ктенїѧ̀ , и҆ пᲂкло́ны , г҃ . та́же , мᲂли́тва , всест҃а́ѧ трⷪ҇це . бꙋ́ди и҆́мѧ гдⷭ҇не , с̾ пᲂкло́ны . и҆ ѱл҃о́мъ л҃г . бл҃гᲂслᲂвлю̀ гдⷭ҇а . дᲂсто́йнѡ є҆́сть . и҆ ѿпꙋ́стъ . неѳи́мᲂнъ пᲂе́тсѧ бᲂльшо́й , без̾ пᲂкло́нᲂвъ . на не́мже пᲂе́мъ четверᲂпѣ́снꙋ сꙋбо́тнꙋю . на ᲂу҆́трени , и҆ на часѣ́хъ пᲂе́мъ є҆ди́нымъ мч҃нкѡмъ , ꙗ҆́кᲂже пи́сано на рѧдꙋ̀ . на литꙋргі́и , слꙋ́жба дню̀ и҆ мч҃нкѡмъ .

А҆́ще ли прилꙋчи́тсѧ , м҃ , мч҃нкъ , въ нлⷣю , в҃ ю , пᲂста̀ . въ сꙋбо́тꙋ ве́черъ , на ма́лѣй вече́рни , стихѣ́ры , вᲂскрⷭ҇ны , и҆ бцⷣѣ , по ѡ҆бы́чаю . на вели́цѣй вече́рни , каѳи́сма всѧ̀ , бл҃же́нъ мꙋ́жь . на гдⷭ҇и вᲂз̾ва́хъ , стихѣ́ры , вᲂскрⷭ҇ны , д҃ . и҆ мч҃нкѡмъ , на́ ѕ҃ . сла́ва , мч҃нкѡмъ . и҆ ны́нѣ , боⷢ҇ , а҃ й , гла́сꙋ . вы́хᲂдъ , прᲂки́менъ , дню̀ . и҆ чте́нїе мч҃нкѡмъ . на литі́и , стⷯра хра́мꙋ , и҆ мч҃нкѡмъ . сла́ва , мч҃нкѡмъ , и҆́же по н҃ ѱалмѣ̀ . и҆ нн҃ѣ , боⷢ҇ . на стихо́внѣ , стⷯры вᲂскрⷭ҇ны . сла́ва , мч҃нкѡмъ . и҆ ны́нѣ , боⷢ҇ . на бл҃гᲂслᲂве́нїе хлѣ́бᲂмъ , трᲂпа́рь : бцⷣе дв҃о ра́дꙋисѧ , гⷤ . и҆ про́чее . на бг҃ъ гдⷭ҇ь , трᲂпа́рь , вᲂскрⷭ҇нъ , вⷤ . сла́ва , мч҃нкѡмъ . и҆ ны́нѣ , боⷢ҇ , по́ гласꙋ . по каѳи́смахъ , сѣда́льны , вᲂскрⷭ҇ны , и҆ бг҃ᲂро́дичны и҆́хъ . и҆ =непᲂро́чны с̾ трᲂпарѝ и҆́хъ , и҆пако́й гла́сꙋ . пᲂлїелеѡ́съ . и҆ сѣда́ленъ , мч҃нкѡмъ , ѻ҆́ба . сла́ва , сѣда́ленъ , по пᲂлїелеѡ́сѣ . и҆ ны́нѣ , боⷢ҇ . степе́нна , гла́сꙋ . прᲂки́менъ , и҆ є҆ѵⷢ҇а́лїе , вᲂскрⷭ҇но . ѱало́мъ , н҃ . сла́ва . гла́съ , и҃ . пᲂкаѧ́нїѧ ѿве́рзи ми . и҆ про́чее . кано́нъ , вᲂскрⷭ҇нъ , со і҆рмᲂсо́мъ , на д҃ . и҆ в̾ трїѡ́ди , на д҃ . и҆ мч҃нкѡмъ , на́ ѕ҃ . катава́сїѧ : ѿве́рзꙋ ᲂу҆ста̀ мᲂѧ̀ . =по г҃ й , пѣ́сни : кᲂнда́къ , в̾ трїѡ́ди . кᲂнда́къ , и҆ и҆́кᲂсъ , мч҃нкѡмъ . сѣда́ленъ , мч҃нкѡмъ , двⷤа . сла́ва , и҆ ны́нѣ , боⷢ҇ . по ѕ҃ й , пѣ́сни : кᲂнда́къ , и҆ и҆́кᲂсъ , вᲂскрⷭ҇нъ . по ѳ҃ й , пѣ́сни : свѣти́ленъ , вᲂскрⷭ҇нъ . сла́ва , мч҃нкѡмъ . и҆ ны́нѣ , боⷢ҇ , вᲂскрⷭ҇нъ . на хвали́тѣхъ , стихѣ́ры , вᲂскрⷭ҇ны , д҃ . и҆ мч҃нкѡмъ со сла́внымъ , д҃ , со стихѝ и҆́хъ .= та́же , сти́хъ : вᲂскрⷭ҇нѝ гдⷭ҇и бж҃е мо́й . и҆ пᲂе́мъ в̾ трїѡ́ди самᲂгла́снꙋ , стⷯрꙋ . сла́ва , тꙋ́же . =и҆ ны́нѣ , пребл҃гᲂслᲂве́на є҆сѝ бцⷣе дв҃о . славᲂсло́вїе вели́кᲂе . трᲂпа́рь , вᲂскрⷭ҇нъ . и҆ є҆ктенїѧ̀ , и҆ ѿпꙋ́стъ . и҆ и҆схᲂжде́нїе в̾ притво́ръ . сла́ва , и҆ ны́нѣ , стⷯра , є҆ѵⷢ҇а́льскаѧ . и҆ ча́съ а҃ . и҆ сᲂверше́ныи ѿпꙋ́стъ . на часѣ́хъ : трᲂпа́рь , вᲂскрⷭ҇нъ . сла́ва , мч҃нкѡмъ . по ѻ҆́ч҃е на́шъ . кᲂнда́къ , вᲂскрⷭ҇нъ , и҆ мч҃нкѡмъ , пременѧ́емъ . на литꙋргі́и , бл҃же́нна , гла́сꙋ , на́ ѕ҃ . и҆ мч҃нкѡмъ , пѣ́снь г҃ ѧ , на д҃ . и҆ про́чаѧ слꙋ́жба дню̀ и҆ мч҃нкѡмъ .

А҆́ще ли прилꙋчи́тсѧ , м҃ , мч҃нкъ , въ нлⷣю , г҃ ю , пᲂста̀ крⷭ҇тᲂпᲂкло́ннꙋю . въ сꙋбо́тꙋ ве́черъ , на ма́лѣй вече́рни , стихѣ́ры , вᲂскрⷭ҇ны , и҆ бцⷣѣ , по ѡ҆бы́чаю . на вели́цѣй вече́рни , каѳи́сма всѧ̀ , бл҃же́нъ мꙋ́жь . на гдⷭ҇и вᲂз̾ва́хъ , стихѣ́ры , вᲂскрⷭ҇ны , г҃ . и҆ крⷭ҇тꙋ̀ , д҃ . и҆ мч҃нкѡмъ , г҃ . сла́ва , крⷭ҇тꙋ̀ . и҆ ны́нѣ , боⷢ҇ , а҃ й , гла́сꙋ . вы́хᲂдъ , прᲂки́менъ , дню̀ . и҆ чте́нїе мч҃нкѡмъ . на литі́и , стⷯра хра́мꙋ , и҆ мч҃нкѡмъ , и҆ на хвали́тѣхъ , мч҃нкѡмъ . сла́ва , мч҃нкѡмъ , и҆́же по н҃ ѱалмѣ̀ . и҆ ны́нѣ , крⷭ҇тꙋ̀ . на стихо́внѣ , стⷯры вᲂскрⷭ҇ны . сла́ва , мч҃нкѡмъ . и҆ ны́нѣ , крⷭ҇тꙋ̀ . на бл҃гᲂслᲂве́нїе хлѣ́бᲂмъ , трᲂпа́рь : бцⷣе дв҃о ра́дꙋисѧ , вⷤ . и҆ крⷭ҇тꙋ̀ , аⷤ . на бг҃ъ гдⷭ҇ь , трᲂпа́рь , вᲂскрⷭ҇нъ , вⷤ . сла́ва , мч҃нкѡмъ . и҆ ны́нѣ , крⷭ҇тꙋ̀ . по каѳи́смахъ , сѣда́льны , вᲂскрⷭ҇ны , и҆ бг҃ᲂро́дичны и҆́хъ . и҆ =непᲂро́чны с̾ трᲂпарѝ и҆́хъ , и҆пако́й гла́сꙋ . пᲂлїелеѡ́съ . и҆ сѣда́ленъ , мч҃нкѡмъ , ѻ҆́ба . сла́ва , сѣда́ленъ , по пᲂлїелеѡ́сѣ . и҆ ны́нѣ , боⷢ҇ . степе́нна , гла́сꙋ . прᲂки́менъ , и҆ є҆ѵⷢ҇а́лїе , вᲂскрⷭ҇но . ѱало́мъ , н҃ . сла́ва . гла́съ , и҃ . пᲂкаѧ́нїѧ ѿве́рзи ми . и҆ про́чее . кано́нъ , вᲂскрⷭ҇нъ , со і҆рмᲂсо́мъ , на д҃ . и҆ мч҃нкѡмъ , на д҃ . и҆ крⷭ҇тꙋ̀ , на́ ѕ҃ . катава́сїѧ крⷭ҇тꙋ̀ : бжⷭ҇твеныи прᲂѡ҆бразѝ . =по г҃ й , пѣ́сни : кᲂнда́къ , и҆ и҆́кᲂсъ , вᲂскрⷭ҇нъ . кᲂнда́къ , и҆ и҆́кᲂсъ , мч҃нкѡмъ . сѣда́ленъ , мч҃нкѡмъ , двⷤа . сла́ва , и҆ ны́нѣ , крⷭ҇тꙋ̀ . по ѕ҃ й , пѣ́сни : кᲂнда́къ , и҆ и҆́кᲂсъ , крⷭ҇тꙋ̀ . по ѳ҃ й , пѣ́сни : свѣти́ленъ , вᲂскрⷭ҇нъ . сла́ва , мч҃нкѡмъ . и҆ ны́нѣ , крⷭ҇тꙋ̀ . на хвали́тѣхъ , стⷯры , вᲂскрⷭ҇ны , д҃ . и҆ крⷭ҇тꙋ̀ , д҃ , со стихѝ крⷭ҇тꙋ̀ .= та́же , сти́хъ : вᲂскрⷭ҇нѝ гдⷭ҇и бж҃е мо́й . и҆ пᲂе́мъ в̾ трїѡ́ди самᲂгла́снꙋ , стихѣ́рꙋ . сла́ва , тꙋ́же . =и҆ нн҃ѣ , пребл҃гᲂслᲂве́на є҆сѝ бцⷣе дв҃о . славᲂсло́вїе вели́кᲂе . пᲂсе́мъ , вы́хᲂдъ . и҆ трᲂпа́рь : спасѝ гдⷭ҇и лю́ди свᲂѧ̀ , гⷤ . и҆ быва́етъ пᲂклᲂне́нїе честно́мꙋ крⷭ҇тꙋ̀ . та́же , є҆ктенїѧ̀ , и҆ ѿпꙋ́стъ . и҆ и҆схᲂжде́нїе в̾ притво́ръ . сла́ва , и҆ ны́нѣ , стⷯра , є҆ѵⷢ҇а́льскаѧ . и҆ ча́съ , а҃ . трᲂпа́рь , вᲂскрⷭ҇нъ . сла́ва , крⷭ҇тꙋ̀ . по ѻ҆́ч҃е на́шъ . кᲂнда́къ , вᲂскрⷭ҇нъ . и҆ сᲂверше́ныи ѿпꙋ́стъ . на г҃ мъ часѣ̀ : трᲂпа́рь , вᲂскрⷭ҇нъ . сла́ва , мч҃нкѡмъ . по ѻ҆́ч҃е на́шъ . кᲂнда́къ , крⷭ҇тꙋ̀ .= на ѕ҃ мъ часѣ̀ := трᲂпа́рь , вᲂскрⷭ҇нъ . сла́ва , крⷭ҇тꙋ̀ . по ѻ҆́ч҃е на́шъ . кᲂнда́къ , мч҃нкѡмъ .= на ѳ҃ мъ часѣ̀ := трᲂпа́рь , вᲂскрⷭ҇нъ . сла́ва , мч҃нкѡмъ . по ѻ҆́ч҃е на́шъ . кᲂнда́къ , вᲂскрⷭ҇нъ . на литꙋргі́и , бл҃же́нна , гла́сꙋ , на д҃ . и҆ крⷭ҇тꙋ̀ , пѣ́снь г҃ ѧ , на д҃ . и҆ мч҃нкѡмъ , пѣ́снь ѕ҃ ѧ , на д҃ . по вхо́дѣ , трᲂпа́рь , вᲂскрⷭ҇нъ , и҆ крⷭ҇тꙋ̀ , и҆ мч҃нкѡмъ . кᲂнда́къ , вᲂскрⷭ҇нъ . сла́ва , мч҃нкѡмъ . и҆ ны́нѣ , крⷭ҇тꙋ̀ . прᲂки́менъ , а҆пⷭ҇лъ , а҆ллилꙋ́їа , и҆ є҆ѵⷢ҇а́лїе , и҆ прича́стенъ , пре́жде крⷭ҇тꙋ̀ . и҆ пᲂто́мъ мч҃нкѡмъ .

А҆́ще ли прилꙋчи́тсѧ , м҃ , мч҃нкъ , въ сре́дꙋ , д҃ ю , пᲂста̀ . во вто́рникъ , ве́черъ , каѳи́сма , рѧ́дъ . на гдⷭ҇и вᲂз̾ва́хъ , стⷯры , на і҃ . самᲂгла́сенъ дню̀ , двⷤа . и҆ крⷭ҇тꙋ̀ , д҃ . и҆ мч҃нкѡмъ , д҃ . сла́ва , мч҃нкѡмъ . и҆ ны́нѣ , крⷭ҇тꙋ̀ . дрꙋгі́ѧ же стихѣ́ры крⷭ҇тꙋ̀ пᲂе́мъ в̾ сре́дꙋ на хвали́тѣхъ . вы́хᲂдъ , прᲂки́менъ , и҆ чте́нїе дню̀ . и҆ мч҃нкѡмъ чте́нїѧ , трѝ . та́же , пᲂе́мъ : да́сѧ и҆спра́витъ . и҆ трѝ , пᲂкло́ны земны́ѧ . и҆ по́ рѧдꙋ литꙋргі́ѧ прежесщ҃е́ннаѧ .

=а҆́ще ли небꙋ́детъ прежесщ҃е́нныѧ . то̀ =вто́рникъ , ве́черъ , каѳи́сма , рѧ́дъ . на гдⷭ҇и вᲂз̾ва́хъ , стⷯры , крⷭ҇тꙋ̀ , на́ ѕ҃ . ст҃ы́мъ бо мч҃нкѡмъ , м҃ тимъ , ѿдае́тсѧ пра́здникъ на часѣ́хъ . ꙗ҆́кᲂже ᲂу҆ка́занѡ , вы́ше .

А҆́ще ли прилꙋчи́тсѧ , м҃ , мч҃нкъ , в̾ нлⷣю , д҃ ю , и҆лѝ є҃ ю , пᲂста̀ . въ сꙋбо́тꙋ ве́черъ , на ма́лѣй вече́рни , стихѣ́ры , вᲂскрⷭ҇ны , и҆ бцⷣѣ , по ѡ҆бы́чаю . на вели́цѣй вече́рни , каѳи́сма всѧ̀ , бл҃же́нъ мꙋ́жь . на гдⷭ҇и вᲂз̾ва́хъ , стихѣ́ры , вᲂскрⷭ҇ны , д҃ . и҆ мч҃нкѡмъ , на́ ѕ҃ . сла́ва , мч҃нкѡмъ . и҆ ны́нѣ , боⷢ҇ , а҃ й , гла́сꙋ . вы́хᲂдъ , прᲂки́менъ , дню̀ . и҆ чте́нїе мч҃нкѡмъ . на литі́и , стⷯра хра́мꙋ , и҆ мч҃нкѡмъ . сла́ва , мч҃нкѡмъ , и҆́же по н҃ ѱалмѣ̀ . и҆ нн҃ѣ , боⷢ҇ . на стихо́внѣ , стⷯры вᲂскрⷭ҇ны . сла́ва , мч҃нкѡмъ . и҆ ны́нѣ , боⷢ҇ . на бл҃гᲂслᲂве́нїе хлѣ́бᲂмъ , трᲂпа́рь : бцⷣе дв҃о ра́дꙋисѧ , гⷤ . и҆ про́чее . на бг҃ъ гдⷭ҇ь , трᲂпа́рь , вᲂскрⷭ҇нъ , вⷤ . сла́ва , мч҃нкѡмъ . и҆ ны́нѣ , боⷢ҇ , по́ гласꙋ . по каѳи́смахъ , сѣда́льны , вᲂскрⷭ҇ны , и҆ бг҃ᲂро́дичны и҆́хъ . и҆ =непᲂро́чны с̾ трᲂпарѝ и҆́хъ , и҆пако́й гла́сꙋ . пᲂлїелеѡ́съ . и҆ сѣда́ленъ , мч҃нкѡмъ , ѻ҆́ба . сла́ва , сѣда́ленъ , по пᲂлїелеѡ́сѣ . и҆ ны́нѣ , боⷢ҇ . степе́нна , гла́сꙋ . прᲂки́менъ , и҆ є҆ѵⷢ҇а́лїе , вᲂскрⷭ҇но . ѱ=ало́мъ , н҃ . сла́ва . гла́съ , и҃ . пᲂкаѧ́нїѧ ѿве́рзи ми . и҆ про́чее .

кано́нъ , вᲂскрⷭ҇нъ , со і҆рмᲂсо́мъ , на д҃ . и҆ бцⷣѣ , на в҃ . и҆ мч҃нкѡмъ ѻ҆́ба кано́на , на́ и҃ . катава́сїѧ : ѿве́рзꙋ ᲂу҆ста̀ мᲂѧ̀ . по г҃ й , пѣ́сни : кᲂнда́къ , в̾ трїѡ́ди . кᲂнда́къ , и҆ и҆́кᲂсъ , мч҃нкѡмъ . сѣда́ленъ , мч҃нкѡмъ , двⷤа . сла́ва , и҆ ны́нѣ , боⷢ҇ . по ѕ҃ й , пѣ́сни : кᲂнда́къ , и҆ и҆́кᲂсъ , вᲂскрⷭ҇нъ . по ѳ҃ й , пѣ́сни : свѣти́ленъ , вᲂскрⷭ҇нъ . сла́ва , мч҃нкѡмъ . и҆ ны́нѣ , боⷢ҇ , вᲂскрⷭ҇нъ . на хвали́тѣхъ , стихѣ́ры , вᲂскрⷭ҇ны , д҃ . и҆ мч҃нкѡмъ со сла́внымъ , д҃ , со стихѝ и҆́хъ .= та́же , сти́хъ : вᲂскрⷭ҇нѝ гдⷭ҇и бж҃е мо́й . и҆ пᲂе́мъ в̾ трїѡ́ди самᲂгла́снꙋ , стⷯрꙋ . сла́ва , тꙋ́же . =и҆ ны́нѣ , пребл҃гᲂслᲂве́на є҆сѝ бцⷣе дв҃о . славᲂсло́вїе вели́кᲂе . трᲂпа́рь , вᲂскрⷭ҇нъ . и҆ є҆ктенїѧ̀ , и҆ ѿпꙋ́стъ . и҆ и҆схᲂжде́нїе в̾ притво́ръ . сла́ва , и҆ ны́нѣ , стⷯра , є҆ѵⷢ҇а́льскаѧ . и҆ ча́съ а҃ . и҆ сᲂверше́ныи ѿпꙋ́стъ . на часѣ́хъ : трᲂпа́рь , вᲂскрⷭ҇нъ . сла́ва , мч҃нкѡмъ . по ѻ҆́ч҃е на́шъ . кᲂнда́къ , вᲂскрⷭ҇нъ , и҆ мч҃нкѡмъ , пременѧ́емъ . на литꙋргі́и , бл҃же́нна , гла́сꙋ , на́ ѕ҃ . и҆ мч҃нкѡмъ , пѣ́снь г҃ ѧ , на д҃ . и҆ про́чаѧ слꙋ́жба вᲂскрⷭ҇на , и҆ мч҃нкѡмъ .

А҆́ще ли прилꙋчи́тсѧ , м҃ , мч҃нкъ , в̾ сре́дꙋ , є҃ ю , пᲂста̀ . то̀ в̾ па́мѧть и҆́хъ , ве́черъ , ѡ҆ставлѧ́ютсѧ , стихѣ́ры и҆́хъ , ꙗ҆́же на гдⷭ҇и вᲂз̾ва́хъ . и҆ гл҃етъ и҆́хъ себѣ̀ є҆клисїа́рхъ в̾ та́й . на прежесщ҃е́ннѣй же а҆пⷭ҇лъ , и҆ є҆ѵⷢ҇а́лїе , мч҃нкѡмъ чте́тсѧ по ѡ҆бы́чаю .

А҆́ще ли прилꙋчи́тсѧ , м҃ , мч҃нкъ , в̾ четверто́къ , вели́кагѡ кано́на . и҆ пᲂе́тсѧ и҆́мъ пра́здникъ , во вто́рникъ , на предѝ , тᲂѧ́же недѣ́ли .

А҆́ще ли прилꙋчи́тсѧ , м҃ , мч҃нкъ , в̾ сꙋбо́тꙋ , а҆ка́ѳиста . въ пѧто́къ , ве́черъ , каѳи́сма , рѧ́дъ . на гдⷭ҇и вᲂз̾ва́хъ , стⷯры , на і҃ . самᲂгла́сенъ дню̀ , двⷤа . и҆ бцⷣѣ , є҃ . и҆ мч҃нкѡмъ , г҃ . сла́ва , мч҃нкѡмъ . и҆ ны́нѣ , бцⷣѣ . гла́съ , в҃ . вы́хᲂдъ , прᲂки́менъ , и҆ чте́нїе дню̀ , и҆ мч҃нкѡмъ , трѝ . пᲂда́сѧ и҆спра́витъ мл҃тва . г҃ , пᲂкло́ны вели́кїѧ . и҆ по ны́нѣ си́лы нбⷭ҇ныѧ . г҃ , пᲂкло́ны . и҆ про́чаѧ прежесщ҃е́нныхъ . и҆ на бꙋ́ди и҆́мѧ гдⷭ҇не , г҃ , пᲂкло́ны . и҆ на ѿпꙋ́стъ , трѝ , пᲂкло́ны вели́кїѧ . трипѣ́снꙋ же ᲂу҆́тренюю пᲂе́мъ , в̾ пѧто́къ , на па́вечерницѣ , в̾мѣ́стѡ кано́на ᲂу҆со́пшихъ . кано́нъ же ᲂу҆со́пшихъ пᲂе́мъ , є҆гда̀ хо́щетъ настᲂѧ́тель . на ᲂу҆́трени , на бг҃ъ гдⷭ҇ь , трᲂпа́рь бцⷣѣ , вⷤ . сла́ва , мч҃нкѡмъ . и҆ ны́нѣ , бцⷣѣ . по а҃ , каѳи́смѣ , кᲂндакѝ , и҆ и҆́кᲂсы , бцⷣѣ . по в҃ , каѳи́смѣ , кᲂндакѝ , и҆ и҆́кᲂсы , бцⷣѣ . ѱл҃о́мъ , н҃ . кано́нъ бцⷣѣ , со і҆рмᲂсо́мъ , на́ и҃ . и҆ мч҃нкѡмъ , на́ ѕ҃ . катава́сїѧ , бцⷣѣ . по г҃ й , пѣ́сни : кᲂндакѝ , и҆ и҆́кᲂсы , бцⷣѣ . кᲂнда́къ , и҆ и҆́кᲂсъ , мч҃нкѡмъ . сѣда́ленъ , мч҃нкѡмъ , двⷤа . сла́ва , и҆ ны́нѣ , боⷢ҇ . по ѕ҃ й , пѣ́сни : кᲂндакѝ , и҆ и҆́кᲂсы , бцⷣѣ . и҆ чте́мъ синаѯа́рь . по ѳ҃ й , пѣ́сни : свѣти́ленъ , бцⷣѣ . сла́ва , мч҃нкѡмъ . и҆ ны́нѣ , бцⷣѣ . на хвали́тѣхъ , стихѣ́ры , бцⷣѣ , г҃ . и҆ мч҃нкѡмъ , г҃ . сла́ва , мч҃нкѡмъ . и҆ ны́нѣ , бцⷣѣ . славᲂсло́вїе вели́кᲂе . трᲂпа́рь , мч҃нкѡмъ . сла́ва , и҆ ны́нѣ , бцⷣѣ . є҆ктенїѧ̀ , и҆ ѿпꙋ́стъ . и҆ ча́съ , а҃ и . на часѣ́хъ , трᲂпа́рь , бцⷣѣ . сла́ва , мч҃нкѡмъ . кᲂндакѝ премѣнѧ́емъ , бцⷣѣ , и҆ мч҃нкѡмъ .= на литꙋргі́и , бл҃же́нна , бцⷣѣ , пѣ́снь г҃ ѧ , на д҃ . и҆ мч҃нкѡмъ , пѣ́снь ѕ҃ ѧ , на д҃ . =по вхо́дѣ : трᲂпа́рь , бцⷣѣ . и҆ мч҃нкѡмъ . сла́ва , кᲂнда́къ , мч҃нкѡмъ . и҆ ны́нѣ , кᲂнда́къ , бцⷣѣ . прᲂки́менъ , и҆ а҆пⷭ҇лъ , и҆ а҆ллилꙋ́їѧ , и҆ є҆ѵⷢ҇а́лїе , и҆ прича́стенъ , пре́же бцⷣѣ . и҆ пᲂто́мъ мч҃нкѡмъ . рѧ́дъ же а҆пⷭ҇лъ , и҆ є҆ѵⷢ҇а́лїе , чте́мъ пᲂд̾ главꙋ̀ .