Глас 6 понедельник

Въ недѣ́лю , ве́черъ . на́ гдⷭ҇и вᲂзва́хъ , стⷯры , пᲂкаѧ́нны . твᲂре́нїе , і҆ѡ́сифᲂво . гла́съ , ѕ҃ . поⷣ . а҆́нг҃льскїѧ пред̾и҆ди́те си́лы .= запѣ́въ : ꙗ҆́кѡ ѿ тебѐ ѡ҆чище́нїе є҆́сть . С=ле́зы сп҃се пᲂкаѧ́нїѧ ми да́ждь , с̾ сᲂкрꙋше́ннᲂю мы́слїю , ꙗ҆́кѡ да ѿмы́ю скве́рнꙋ дш҃и мᲂе́й , ю҆́же ѕлѣ̀ ѡ҆калѧ́хъ , дѣ́ѧ непра́веднаѧ на всѧ́къ ча́съ . и҆мѣ́ѧ на сїѐ мᲂлѧ́щꙋю , тебѐ ро́ждьшꙋю , и҆ а҆́нг҃льскїѧ ли́ки , и҆ твᲂѐ чл҃кᲂлю́бїе .

ᲂу҆пᲂва̀ дш҃а мᲂѧ̀ на́ гдⷭ҇а . Грѧдѝ ѽ дш҃е , и҆ раска́йсѧ ѡ҆ мно́гихъ грѣсѣ́хъ , ꙗ҆́же сᲂдѣ́ѧ в̾ житїѝ , и҆ мно́жествꙋ вы́шнихъ во́инствъ мᲂли́сѧ , с̾ вᲂздыха́нїемъ же и҆ слеза́ми , ꙗ҆́кѡ да вре́мѧ пᲂда́сттисѧ пᲂкаѧ́нїѧ , да не ꙗ҆́кѡ непло́днаѧ смᲂко́вница , ѿсле́шисѧ во ѻ҆́гнь гее́нскїи всестрастна́ѧ .

да ᲂу҆пᲂва́етъ і҆и҃ль на́ гдⷭ҇а . Ни є҆ди́нꙋ на землѝ за́пᲂвѣдь твᲂю̀ сᲂтвᲂри́хъ . ка́кѡ ꙗ҆влю́сѧ тебѣ̀ сѣдѧ́щемꙋ на прⷭ҇то́лѣ , и҆ сло́во да́ти , и҆ сꙋ́дъ пᲂдъѧ́ти ѡ҆ всѣ́хъ , ꙗ҆́же в̾ вѣ́дѣнїи , и҆ не в̾ вѣ́дѣнїи , ко́еждо сᲂдѣ́ѧхъ хрⷭ҇тѐ мо́й . тѣ́мже зᲂвꙋ́ ти , твᲂи́хъ слꙋ́гъ мл҃твами спаси́ мѧ блꙋ́днагѡ .

та́же , в̾ минѣ́и , стⷯры , ст҃о́мꙋ . а҆́ще ли нѣ́сть минѣ́и . и҆́ны , стихѣ́ры , беспло́тнымъ ст҃ы́мъ а҆́нг҃лѡмъ . гла́съ , ѕ҃ . поⷣ . въ тре́тїи де́нь . запѣ́въ : ѿ всѣ́хъ без̾зако́нїи є҆гѡ̀ . А҆́нг҃льскїѧ си́лы хрⷭ҇тѐ ,꙳ пред̾стᲂѧ́ще прⷭ҇то́лꙋ твᲂемꙋ̀ ,꙳ мо́лѧтсѧ ѡ҆́ рᲂдѣ чл҃честѣмъ .꙳ тѣ́хъ ᲂу҆́бѡ мᲂли́твами .꙳ ми́ръ всѣ́мъ пᲂдаю́щи , и҆ ꙗ҆зы́кѡмъ де́рзᲂсть ᲂу҆крᲂтѝ .

пᲂхвали́те є҆гѡ̀ всѝ лю́дїе . Ѻ҆́крестъ прⷭ҇то́ла всѣ́хъ цр҃ѧ ,꙳ прⷭ҇нѡ ликꙋ́юще а҆́нг҃льстїи всѝ чи́нᲂве ,꙳ и҆ на́съ сᲂхранѧ́йте ,꙳ и҆́же вѣ́рᲂю ва́съ призыва́ющихъ ,꙳ и҆ мꙋче́нїи и҆зба́вите .

и҆ и҆́стина гдⷭ҇нѧ пребыва́етъ во́ вѣки . Ѻ҆ц҃ъ и҆́же надо всѣ́ми бг҃ъ ,꙳ си́лы нбⷭ҇ныхъ ᲂу҆мо́въ ,꙳ безъѡ҆бра́зны и҆ невеще́ствены пѣвцы̀ ,꙳ трисо́лнечныѧ сла́вы свᲂеѧ̀ приведѐ ,꙳ и҆ є҆ди́нственᲂе сло́во и҆ дх҃ъ .

сла́ва , и҆ нн҃ѣ , боⷢ҇ . Сло́во сᲂбез̾нача́льнᲂе ѻ҆ц҃ꙋ же и҆ дх҃ᲂви , со а҆рха́нг҃льскимъ бцⷣе гла́сᲂмъ , во ᲂу҆тро́бѣ заче́нши . херꙋви́мᲂвъ и҆ серафи́мᲂвъ и҆ престо́лᲂвъ , ꙗ҆ви́ласѧ є҆сѝ превы́шши .

та́же , свѣ́тѣ ти́хїи . прᲂки́менъ , дню̀ . та́же , спᲂдо́би гдⷭ҇и в̾ ве́черъ се́й . на стихо́внѣ , стихѣ́ры , пᲂкаѧ́нны . гла́съ , ѕ҃ . Въ стра́шнᲂе прише́ствїе твᲂѐ хрⷭ҇тѐ , да не ᲂу҆слы́шимъ невѣ́мъ ва́съ . ᲂу҆пᲂва́нїе бо сп҃сѐ на тѧ̀ вᲂзлᲂжи́хᲂмъ , а҆́ще и҆ твᲂѧ̀ пᲂвелѣ́нїѧ несᲂхрани́хᲂмъ , за небреже́нїе на́ше , но пᲂщадѝ дш҃а на́ша мо́лимсѧ .

сти́хъ : к̾ тебѣ̀ вᲂз̾ведо́хъ ѻ҆́чи . Пᲂкаѧ́нїѧ нестѧжа́хъ , нижѐ па́ки сле́зъ , сегѡ̀ ра́ди мᲂлю́ тѧ хрⷭ҇тѐ бж҃е , пре́же кᲂнца̀ ѡ҆брати́тисѧ , и҆ да́ти мнѣ̀ ᲂу҆миле́нїе , ꙗ҆́кѡ да и҆зба́влюсѧ ѿ мꙋ́ки .

сти́хъ : пᲂми́лꙋй на́съ гдⷭ҇и . мⷱ҇ꙋ . Мч҃нцы твᲂѝ гдⷭ҇и , не ѿверго́шасѧ тебѐ , ни ѿстꙋпи́ша ѿ за́пᲂвѣдей твᲂи́хъ . тѣ́хъ мл҃твами пᲂми́лꙋй на́съ .

сла́ва , и҆ ны́нѣ , боⷢ҇ . А҆рха́нг҃льски вᲂспᲂе́мъ вѣ́рнїи , нбⷭ҇ныи черто́гъ , и҆ две́рь запечатлѣ́ннꙋ вᲂи́стинꙋ , ра́дꙋисѧ , є҆ѧ́же ра́ди ѿрастѐ на́мъ сп҃съ всѧ́ческихъ хрⷭ҇то́съ жизнᲂда́вецъ и҆ бг҃ъ . низ̾лᲂжѝ влⷣчце мꙋчи́тели , безбо́жныѧ врагѝ на́ша . рꙋко́ю сѝ пречⷭ҇таѧ , ᲂу҆пᲂва́нїе хрⷭ҇тїа́нѡмъ .

таⷤ , нн҃ѣ ѿпꙋща́еши .= трⷭ҇то́е , и҆ по ѻ҆́ч҃е на́шъ . трᲂпа́рь , ст҃о́мꙋ . сла́ва , и҆ ны́нѣ , боⷢ҇ . =во́ =гласъ трᲂпарѧ̀ . пᲂсе́мъ , є҆ктенїѧ̀ . =и҆ ѿпꙋ́стъ .

Въ нлⷣю , на па́вечерницѣ . кано́нъ , прест҃ѣ́й бцⷣѣ . гла́съ , ѕ҃ . пѣ́снь , а҃ . і҆рмо́съ . Ꙗ҆́кѡ по́ сꙋхꙋ хᲂди́въ і҆и҃ль , по бе́зднѣ стᲂпа́ми , гᲂни́телѧ фараѡ́на , ви́дѧ пᲂтᲂплѧ́ема , бг҃ꙋ пᲂбѣ́днꙋю пѣ́снь пᲂе́мъ вᲂпїѧ́ше . запѣ́въ : прест҃а́ѧ гжⷭ҇е бцⷣе спасѝ на́съ . Мᲂегѡ̀ ᲂу҆ма̀ ѻ҆́блакъ страсте́й ѿженѝ чⷭ҇таѧ , и҆ вᲂсїѧ́й ми свѣ́тъ , ро́ждьшаѧ пречⷭ҇таѧ сн҃а , сїѧ́нїе ѻ҆́ч҃ее , ꙗ҆́кѡ да вᲂспᲂю́ тѧ . Ꙗ҆́кѡ гаврїи́лъ дв҃ѣй , прїидѣ́те вѣ́рнїи , и҆ мы̀ вᲂпїе́мъ , бл҃гᲂгᲂвѣ́нїемъ дш҃е́внымъ , вᲂи́стинꙋ ᲂу҆кра́шена чи́стаѧ , ꙗ҆́же ро́ждьшаѧ ра́дᲂсть , ра́дꙋисѧ пречⷭ҇таѧ . сла́ва . И҆́же без̾стра́стно пре́жде вѣ́къ , ѿ ѻ҆ц҃а рᲂжде́ннаго . пречⷭ҇таѧ в̾ пᲂслѣ́днѧѧ днѝ во ᲂу҆тро́бѣ нᲂсѧ́щи сн҃а , рᲂдила̀ є҆сѝ сꙋгꙋ́ба , бг҃а и҆ чл҃ка . и҆ ны́нѣ . Бг҃а рᲂдила̀ є҆сѝ є҆ди́наго без̾ тлѝ , и҆ дв҃ᲂю пребы́вши и҆ по ржⷭ҇твѣ̀ , ꙗ҆́кᲂже бѣ̀ пре́жде ржⷭ҇тва̀ пречⷭ҇таѧ . сегѡ̀ ра́ди вѣ́рнїи , ра́дꙋисѧ тебѣ̀ зᲂве́мъ .

пѣ́снь , г҃ . і҆рмо́съ . Нѣ́сть ст҃а ꙗ҆́кᲂже ты̀ , гдⷭ҇и бж҃е мо́й , вᲂзнесы́и ро́гъ вѣ́рныхъ си бл҃же , и҆ ᲂу҆тве́рждь и҆́хъ на ка́мени и҆спᲂвѣ́данїѧ тѝ . Нѣ́сть непᲂро́чны ꙗ҆́кᲂже ты̀ пречⷭ҇таѧ бцⷣе , ро́ждьшаѧ зижди́телѧ и҆ влⷣкꙋ всѧ́ческимъ . тѣ́мже ти всѝ вѣ́рнїи бл҃гᲂда́рствено , ра́дꙋисѧ взыва́емъ . Страсте́й смꙋща́етъ мѧ , лю́тᲂе вᲂлне́нїе чи́стаѧ , и҆ гᲂрестьмѝ мно́гихъ паде́нїй , во глꙋбинꙋ̀ пᲂмета́емь , вᲂи́стинꙋ ѕлы́хъ мᲂи́хъ , да́ждь ми рꙋ́кꙋ и҆ спаси́ мѧ . сла́ва . Тмꙋ̀ разрꙋшѝ мᲂи́хъ сᲂгрѣше́нїи дв҃о , и҆ ѡ҆зарѝ свѣ́тᲂмъ без̾стра́стїѧ , жи́знь несказа́нно чи́стаѧ ро́ждьшаѧ , сл҃нце неприкᲂснᲂве́ннᲂе . и҆ ны́нѣ . Ѻ҆гне́мъ стра́ха бж҃їѧ , ѡ҆чи́стивши мѧ̀ ѻ҆трᲂкᲂви́це , ѿ прегрѣше́нїи и҆ скве́рны , ѡ҆блецы̀ свѣтᲂза́рнᲂю ѻ҆де́ждею дᲂбрᲂдѣ́телей , и҆ лико́мъ ст҃ы́мъ сᲂчета́й .

пѣ́снь , д҃ . і҆рмо́съ . Хрⷭ҇то́съ мнѣ̀ си́ла бг҃ъ и҆ гдⷭ҇ь , честна́ѧ цр҃кви бг҃ᲂлѣ́пнѡ зᲂве́тъ вᲂпїю́щи , ѿ со́вести чи́сты ѡ҆́ гдⷭ҇ѣ пра́зднꙋющи . Свѣ́тъ ро́ждьшаѧ , тмꙋ̀ разрꙋши́ ми мно́гихъ прегрѣше́нїи , твᲂе́ю заре́ю пренепᲂро́чнаѧ влⷣчце , ꙗ҆́же сл҃нце пра́вдѣ , вѣ́рнымъ вᲂсїѧ́вшаѧ . Наде́жꙋ тебѐ пречⷭ҇таѧ , ны́нѣ пред̾лага́ю мᲂегѡ̀ немᲂже́нїѧ , да ѿ тебѐ не не и҆сцѣле́нъ ѿи҆дꙋ̀ , спасе́нїе же пᲂлꙋчи́въ вᲂспᲂю̀ ра́дꙋѧсѧ . сла́ва . Бᲂга́тыѧ щедро́ты твᲂѧ̀ да́рꙋй на́мъ пречⷭ҇таѧ , и҆́же вѣ́рᲂю и҆ любо́вїю , в̾ то́й хра́мъ притека́ющимъ , и҆ ѿ всѧ́кихъ и҆скꙋше́нїи , и҆ скᲂрбе́й и҆зба́ви . и҆ ны́нѣ . Сло́во пречи́стаѧ в̾ тѧ̀ всели́сѧ , без̾слᲂве́сїѧ страсте́й , ми́ръ и҆збавлѧ́ѧ влⷣчце , и҆ црⷭ҇твїѧ нбⷭ҇наго спᲂдᲂблѧ́ѧ , вᲂспѣва́ющихъ тѧ̀ .

пѣ́снь , є҃ . і҆рмо́съ . Бж҃їимъ свѣ́тᲂмъ ти бл҃же , ᲂу҆́тренюющихъ ти дш҃а любо́вїю прᲂсвѣтѝ мᲂлю́сѧ , тѧ̀ вѣ́дѣте сло́во бж҃їе , и҆́стиннаго бг҃а , ѿ́ мрака грѣхо́внагѡ и҆зима́юща . Бжⷭ҇твенᲂю заре́ю и҆́же ѿ твᲂи́хъ чре́слъ вᲂсїѧ́вшаго , мᲂю̀ дш҃ꙋ во тмѣ̀ спѧ́щꙋю прᲂсвѣтѝ дв҃о , и҆ грѣхо́внꙋю мглꙋ̀ ѿженѝ , свѣ́тᲂмъ мѧ твᲂи́мъ прᲂсвѣща́ющи . Дш҃ꙋ мᲂю̀ и҆сцѣлѝ бл҃га́ѧ , в̾па́дающꙋ в̾ разбо́йники , ми́лᲂсть мнѣ̀ , в̾ ма́сло и҆ска́пающи , и҆ в̾ вино̀ бл҃гᲂсе́рдїѧ твᲂегѡ̀ ра́зꙋмъ , незави́стно пᲂдаю́щи . сла́ва . Пло́ти недꙋ́ги , и҆ дш҃а́мъ и҆сцѣлѝ на́мъ , и҆́же к̾ тебѣ̀ прибѣга́ющимъ всепѣ́таѧ . крѣ́пᲂсть бо є҆сѝ притека́ющимъ , пᲂд̾ кро́въ твᲂеѧ̀ мл҃твы , бг҃ᲂрᲂди́тельнице . и҆ ны́нѣ . Бжⷭ҇твеныи дх҃ъ ст҃ы́и , все́льсѧ прест҃а́ѧ чи́стаѧ в̾ твᲂѐ чре́во , ѡ҆сѣни́въ тѧ пᲂказа̀ до́мъ трⷪ҇цѣ , бл҃гᲂвᲂле́нїемъ бо ѻ҆́ч҃имъ сло́во заче́нши , и҆ сегѡ̀ ро́ждьши .

пѣ́снь , ѕ҃ . і҆рмо́съ . Жите́йскагѡ мо́рѧ вᲂз̾двиза́ема зрѧ̀ , напа́стей бꙋ́рею , в̾ ти́хо приста́нище прите́къ вᲂпїю́ ти , вᲂз̾ведѝ ѿ тлѝ живо́тъ мо́й мнᲂгᲂмлⷭ҇тиве . Тмꙋ̀ разрꙋшѝ ѻ҆каѧ́нныѧ ми дш҃и , и҆ свѣ́тᲂмъ прᲂсвѣти́ мѧ пречⷭ҇таѧ , вᲂсїѧ́вшимъ ѿ твᲂи́хъ лᲂже́снъ , и҆ всѐ чл҃ческᲂе є҆стество̀ ѡ҆зари́вшимъ . Вра́гъ ви́димыхъ и҆ неви́димыхъ навѣ́та , и҆зба́ви мѧ чи́стаѧ , и҆ пᲂда́ждь ми кро́въ держа́вныи твᲂегѡ̀ застꙋпле́нїѧ , к̾ тебѣ́ бо дв҃о нн҃ѣ прибѣго́хъ . сла́ва . Сᲂзда́выи всѧ́ческаѧ , в̾ пᲂслѣ́днїѧ днѝ ѿ ст҃ы́ѧ ᲂу҆тро́бы твᲂеѧ̀ вᲂплᲂти́сѧ , чл҃ческᲂе є҆стество̀ є҆́же ѿ а҆да́ма лю́тѣ пᲂпо́лз̾шеесѧ ᲂу҆стро́ивъ , ми́ръ ѡ҆бнᲂвѝ . и҆ ны́нѣ . Ст҃ы́хъ а҆́нг҃лъ бл҃гᲂлѣ́пїе пᲂе́тъ тѧ , и҆ а҆́зъ мᲂлю̀ пренепᲂро́чнаѧ , ѿи҆мѝ ѿ менѐ нелѣ́паѧ бѣсо́въ мечта́нїѧ , в̾ тишинѣ̀ сᲂблюда́ющи срⷣце мᲂѐ .

Гдⷭ҇и пᲂми́лꙋй ,= гⷤ . сла́ва , и҆ ны́нѣ . сѣда́ленъ , гла́съ , ѕ҃ . П=рило́зи сᲂпрᲂти́вныхъ бо́рютъ дᲂстᲂѧ́нїе твᲂѐ , влⷣчце чⷭ҇таѧ , разᲂрѝ тѣ́хъ кᲂва́рствїѧ , и҆ низ̾лᲂжѝ на землѝ гᲂрды́ннᲂе шата́нїе . ты́ бо є҆сѝ застꙋ́пница вѣ́рнѡ мᲂлѧ́щимъ тѧ .

пѣ́снь , з҃ . і҆рмо́съ . Хладᲂда́тельнꙋ ᲂу҆́бѡ пе́щь сᲂтвᲂрѝ а҆́нг҃лъ , прпⷣбнымъ дѣ́темъ , халдѣ́и же ѡ҆палѝ велѣ́нїемъ бж҃їимъ . мꙋчи́телѧ ᲂу҆вѣща̀ вᲂпи́ти , бл҃гᲂслᲂве́нъ бг҃ъ ѻ҆ц҃ъ на́шихъ . Прᲂсвѣти́вши мѧ свѣ́тᲂмъ непристꙋ́пнымъ пречⷭ҇таѧ , и҆́же во тмѣ̀ неразꙋмѣ́нїѧ , и҆ къ свѣ́тꙋ наста́ви , вѣ́рнѡ вᲂпи́ти сн҃ꙋ твᲂемꙋ̀ бл҃гᲂче́стнѡ , бл҃гᲂслᲂве́нъ бг҃ъ ѻ҆ц҃ъ на́шихъ . Мра́чныи ѻ҆́блакъ ѿженѝ ѿ дш҃и мᲂеѧ̀ бг҃ᲂрᲂди́тельнице , ѡ҆сїѧ́вши свѣ́тᲂмъ всѣ́хъ твᲂрца̀ . прїѧ́телище бо є҆сѝ свѣ́та превѣ́чнаго , ѿ ѻ҆ц҃а без̾стра́стнѡ вᲂсїѧ́вшагѡ . сла́ва . Преклᲂни́сѧ на́шимъ мᲂльба́мъ , чи́стаѧ бг҃ᲂрᲂди́тельнице , мᲂли́твᲂю млⷭ҇тивнѡ пᲂдви́гнисѧ к̾ бг҃ꙋ , и҆ сегѡ̀ млⷭ҇тива сᲂтвᲂрѝ на́мъ , на тѧ̀ бл҃га́ѧ , прⷭ҇нѡ надѣ́ющимсѧ . и҆ ны́нѣ . Ѡ҆скверне́на мѧ сꙋ́ща , страстьмѝ лꙋка́выхъ дѣѧ́нїи , ѡ҆чисти́лище да́ждь ми чⷭ҇таѧ сле́зъ ка́пли , ѿмыва́юща стꙋ́дъ лꙋка́выи грѣха̀ мᲂегѡ̀ , ѡ҆каѧ́нїѧ и҆сто́чникъ .

пѣ́снь , и҃ . і҆рмо́съ . и҆з̾ =пла́мени ст҃ы́мъ ро́сꙋ и҆стᲂчѝ , а҆ пра́веднагѡ же́ртвꙋ и҆ во́ды пᲂпалѝ , всѧ́ бо твᲂри́ши хрⷭ҇тѐ , є҆ли́ко хо́щеши , тѣ́мъ тѧ превᲂзно́симъ гдⷭ҇а во́ вѣки . Ꙗ҆́же влⷣкꙋ всѣ́хъ пло́тїю ро́ждьши , наси́льствїѧ страсте́й и҆схи́ти мѧ ѻ҆трᲂкᲂви́це , и҆ твᲂрцꙋ̀ всѧ́ческимъ присво́й любо́вїю , пᲂю́ща во всѧ̀ вѣ́ки . На ѻ҆дрѣ̀ бᲂлѣ́зненѣ лежа́щꙋ ми , пᲂсѣще́нїемъ твᲂи́мъ ѻ҆трᲂкᲂви́це вᲂста́ви мѧ , и҆ дш҃е́внᲂе и҆ тѣле́снᲂе да́рꙋй ми здра́вїе , вᲂспѣва́ющꙋ хрⷭ҇та̀ во́ вѣки . =сла́ва . Страсте́й мᲂи́хъ пла́мень ᲂу҆гасѝ , рᲂсо́ю мл҃твъ твᲂи́хъ влⷣчце и҆ менѐ спасѝ , ꙗ҆́кᲂже пре́жде сн҃ъ тво́й и҆зба́ви ѻ҆́трᲂки , превᲂзнᲂси́мыѧ є҆гѡ̀ во́ вѣки . и҆ ны́нѣ . Не ᲂу҆жаса́юсѧ ла́ѧнїѧ бᲂрца̀ , на тѧ̀ ᲂу҆пᲂва́нїе ча́ѧнїѧ мᲂегѡ̀ и҆мы́и бл҃га́ѧ , застꙋпа́еши бо всегда̀ спаса́ющи ѿ бѣ́дъ , тѧ̀ вᲂсхвалѧ́ющихъ .

пѣ́снь , ѳ҃ . і҆рмо́съ . Бг҃а чл҃кѡмъ неꙋдо́бь ви́дѣти , на́ньже несмѣ́ютъ чи́ни а҆́нг҃льстїи зрѣ́ти . тᲂбо́ю бо пречⷭ҇таѧ ꙗ҆ви́сѧ на́мъ сло́во вᲂплᲂще́нно , є҆го́же велича́юще , съ нбⷭ҇ными вѡ́и тѧ̀ велича́емъ . Зѡ́лъ всѧ́ческихъ и҆зба́ви , к̾ тебѣ̀ прибѣга́ющаго вѣ́рᲂю дв҃о пречⷭ҇таѧ , и҆ здра́вїе да́ждь ми , прибѣ́гшемꙋ в̾ кро́въ тво́й ѻ҆трᲂкᲂви́це , и҆ лю́тыхъ и҆збавле́нїе , ꙗ҆́кѡ да во́ гласѣхъ бл҃гᲂда́рственѡ , прⷭ҇нѡ сла́влю тѧ . Клѧ́твꙋ печа́ли разрꙋши́ла є҆сѝ чи́стаѧ , и҆ ра́дᲂсть и҆стᲂчѝ ми́рꙋ ржⷭ҇тво́мъ си , блгⷭ҇ве́нїѧ и҆сто́чникъ ро́ждьши . тѣ́мже вᲂсхвалѧ́юще тѧ всепѣ́тꙋю , всѝ бл҃гᲂда́рствено вѣ́рнїи ᲂу҆блажа́емъ прⷭ҇нѡ . сла́ва . Свѣ́тꙋ прїѧ́телище бг҃ᲂрᲂди́тельнице , твᲂѐ чре́во бы́сть всепѣ́таѧ , и҆́же ѿ ѻ҆ц҃а вᲂсїѧ́вшемꙋ пре́жде всѣ́хъ вѣ́къ . тѣ́мже тѧ̀ бцⷣꙋ , всѝ сла́вимъ , сегѡ̀ ꙗ҆́кѡ сн҃а твᲂегѡ̀ и҆ бг҃а велича́емъ . и҆ ны́нѣ . Сн҃а без̾лѣ́тна , ѿ ѻ҆ц҃а вᲂсїѧ́вшаго , є҆ди́на чⷭ҇таѧ рᲂдила̀ є҆сѝ в̾ лѣ́та , дх҃а наи́тїемъ бжⷭ҇твенагѡ . тѣ́мже тѧ̀ пречⷭ҇таѧ бцⷣꙋ , не и҆скꙋсᲂмꙋ́жнꙋ , всѝ ꙗ҆зы́кѡмъ и҆ срⷣцемъ вѣ́рнїи и҆спᲂвѣ́даемъ . та́же , дᲂсто́йнѡ є҆́сть . и҆ про́чее . и҆ ѿпꙋ́стъ .

Въ пᲂнедѣ́льникъ , на ᲂу҆́трени . по а҃ , стихᲂло́гїи . сѣда́льны , пᲂкаѧ́нны . гла́съ , ѕ҃ . Пᲂмышлѧ́ю де́нь стра́шныи , и҆ пла́чꙋсѧ дѣѧ́нїи мᲂи́хъ лꙋка́выхъ , ка́кѡ ѿвѣща́ю без̾сме́ртнᲂмꙋ цр҃ю , ко́имъ же дерзнᲂве́нїемъ вᲂз̾зрю̀ на сꙋдїю̀ блꙋ́дныи а҆́зъ . бл҃гᲂꙋтро́бныи ѻ҆́ч҃е сн҃е є҆динᲂро́дныи , и҆ д́ш҃е ст҃ы́и , пᲂми́лꙋй мѧ . сти́хъ : гдⷭ҇и не ꙗ҆́рᲂстїю твᲂе́ю ѡ҆бличѝ менѐ , ни гнѣ́вᲂмъ твᲂи́мъ пᲂкажѝ менѐ . Во ᲂу҆до́ли плаче́внѣй , на мѣ́стѣ и҆дѣ́же завѣща̀ , є҆гда̀ сѧ́деши млⷭ҇тиве сᲂтвᲂри́ти пра́ведныи сꙋ́дъ , не ѡ҆бличѝ мᲂѧ̀ сᲂкрᲂве́ннаѧ , нижѐ пᲂсрамѝ менѐ пред̾ а҆́нг҃лы . но пᲂщади́ мѧ бж҃е , и҆ пᲂми́лꙋй мѧ . сла́ва , и҆ ны́нѣ , боⷢ҇ . Пресла́внꙋю бж҃їю мт҃рь , и҆ ст҃ы́хъ а҆́нг҃лъ ст҃ѣ́йшꙋ , немо́лчнѡ вᲂспᲂе́мъ срⷣцемъ и҆ ᲂу҆стна́ми бцⷣꙋ тѧ̀ и҆спᲂвѣ́дающе , ꙗ҆́кѡ вᲂи́стинꙋ ро́ждьшꙋю на́мъ бг҃а вᲂплᲂще́нна , и҆ мᲂлѧ́щꙋсѧ непреста́ннѡ ѡ҆ дш҃а́хъ на́шихъ .

по в҃ , стихᲂло́гїи , сѣда́льны . гла́съ , ѕ҃ . Пᲂми́лꙋй на́съ гдⷭ҇и , пᲂми́лꙋй на́съ . всѧ́кᲂго бо ѿвѣ́та недᲂꙋмѣ́юще , сїю́ ти мл҃твꙋ ꙗ҆́кѡ влⷣцѣ , грѣ́шнїи рабѝ твᲂѝ прино́симъ . пᲂми́лꙋй на́съ гдⷭ҇и , пᲂми́лꙋй на́съ . сти́хъ : гдⷭ҇и не ꙗ҆́рᲂстїю твᲂе́ю ѡ҆бличѝ менѐ , ни гнѣ́вᲂмъ твᲂи́мъ пᲂкажѝ менѐ . Гдⷭ҇и пᲂми́лꙋй на́съ , на тѧ́ бо ᲂу҆пᲂва́хᲂмъ , не прᲂгнѣ́вайсѧ наны̀ ѕѣлѡ̀ , нижѐ пᲂмѧнѝ без̾зако́нїи на́шихъ , но при́зри наны̀ ꙗ҆́кѡ млрⷭ҇дъ , и҆ и҆зба́ви на́съ ѿ вра́гъ на́шихъ . ты́ бо є҆сѝ бг҃ъ на́шъ , и҆ мы̀ лю́дїе твᲂѝ , и҆ всѝ дѣ́ла рꙋ́кꙋ твᲂе́ю , и҆ и҆́мѧ твᲂѐ призыва́емъ . сти́хъ : ди́венъ бг҃ъ во ст҃ы́хъ свᲂи́хъ , бг҃ъ і҆зра́илевъ . мⷱ҇ꙋ . Свѣ́тъ пра́веднымъ при́снѡ , ст҃і́и бо ѡ҆ тебѣ̀ прᲂсвѣ́щшесѧ , сїѧ́ютъ всегда̀ ꙗ҆́кѡ свѣти́ла , свѣ́щникъ невѣ́рныхъ ᲂу҆гаси́вше . и҆́хже мᲂли́твами сп҃се на́шъ , ты̀ прᲂсвѣтѝ свѣти́льникъ мо́й гдⷭ҇и , и҆ спаси́ мѧ . сла́ва , и҆ ны́нѣ , боⷢ҇ . Въ цр҃кви стᲂѧ́ще сла́вы твᲂеѧ̀ , на́ нб҃си стᲂѧ́ти мни́мсѧ , бцⷣе две́рь нбⷭ҇наѧ , ѿве́рзи на́мъ две́ри млⷭ҇ти твᲂеѧ̀ .

по г҃ , стихᲂло́гїи , сѣда́ленъ . гла́съ , ѕ҃ . Стра́шнагѡ днѐ прише́ствїѧ твᲂегѡ̀ ᲂу҆жаса́юсѧ хрⷭ҇тѐ , и҆ неꙋмᲂли́магѡ сꙋди́ща , бᲂю́сѧ и҆ трепе́щꙋ , ꙗ҆́кѡ и҆мы́и мно́жество сᲂгрѣше́нїи . но пре́жде кᲂнца́ мѧ ѡ҆брати́въ , и҆ спасѝ ꙗ҆́кѡ млⷭ҇тивъ бг҃ъ , а҆́нг҃лъ твᲂи́хъ мл҃твами бл҃гᲂꙋтро́бне сп҃се , є҆ди́не чл҃кᲂлю́бче . сла́ва , и҆ ны́нѣ , боⷢ҇ . Оу҆пᲂва́нїе , и҆ пᲂкро́въ , и҆ приста́нище , и҆́же на тѧ̀ надѣ́ющимсѧ , бг҃ᲂрᲂди́тельнице бл҃га́ѧ , пред̾ста́тельнице ми́рꙋ , мᲂлѝ со беспло́тными прилѣ́жнѡ , є҆го́же рᲂдила̀ є҆сѝ чл҃кᲂлю́бнаго бг҃а , и҆зба́витисѧ дш҃а́мъ на́шимъ ѿ всѧ́кᲂгѡ преще́нїѧ , є҆ди́на бл҃гᲂслᲂве́ннаѧ .

Кано́нъ , пᲂкаѧ́ненъ , к̾ гдⷭ҇ꙋ на́шемꙋ і҆с҃ꙋ хрⷭ҇тꙋ̀ , и҆ ст҃ы́мъ є҆гѡ̀ мч҃нкѡмъ . твᲂре́нїе , ки́ръ і҆ѡ́сифᲂво . гла́съ , ѕ҃ . пѣ́снь , а҃ . і҆рмо́съ . Чꙋ́вственныи фараѡ́нъ , пᲂтᲂпле́нъ бы́сть съ во́и , і҆зра́иль же прᲂше́дъ пᲂсредѣ̀ мᲂрѧ̀ , вᲂпїѧ́ше гдⷭ҇ви бг҃ꙋ на́шемꙋ пᲂе́мъ , ꙗ҆́кѡ прᲂсла́висѧ . запѣ́въ : сла́ва тебѣ̀ бж҃е на́шъ , сла́ва тебѣ̀ . Впа́дшагѡ хрⷭ҇тѐ , разбо́йникᲂмъ в̾ рꙋ́цѣ лꙋка́вымъ , и҆ ꙗ҆́звами дш҃етлѣ́нными , и҆́спᲂлꙋ ме́ртва бы́вша , млⷭ҇тїю ма́слᲂмъ ᲂу҆врачева́въ ᲂу҆ще́дри мѧ , да тѧ̀ прᲂславлѧ́ю . Ꙗ҆́кѡ сᲂгрѣши́въ мно́го , верте́пъ бы́хъ разбо́йникѡмъ , рᲂжде́исѧ в̾ верте́пѣ хрⷭ҇тѐ , сле́зъ тꙋ́чꙋ да́рꙋй ми , и҆ ѡ҆чи́сти ꙗ҆́кѡ да ст҃о́мꙋ дх҃ꙋ твᲂемꙋ̀ цр҃кᲂвь бꙋ́дꙋ . запѣ́въ : ст҃і́и мч҃нцы , мᲂли́те бг҃а ѡ҆ на́съ . мⷱ҇ꙋ . Ю҆́нᲂшески врага̀ низ̾лᲂжи́вше страда́льцы , бг҃ᲂплете́нными вᲂи́стинꙋ вѣнцы̀ ᲂу҆краси́стесѧ , и҆ бг҃ꙋ в̾ вы́шнихъ со а҆́нг҃лы пред̾стᲂитѐ , сла́вы и҆спᲂлнѧ́еми . мⷱ҇ꙋ . И҆́же крᲂве́й глꙋбино́ю , фараѡ́на мы́сленаго ᲂу҆дави́вше и҆нᲂгда̀ , премꙋ́дрїи великᲂмч҃нцы , к̾ землѝ ѡ҆бѣтᲂва́нїѧ нбⷭ҇нѣй преидо́сте хрⷭ҇та̀ сла́вѧще . боⷢ҇ . Съ мч҃нки чⷭ҇таѧ , с̾ бжⷭ҇твеными пррⷪ҇ки , и҆ со всѣ́ми ст҃ы́ми , зижди́телѧ всѣ́хъ мᲂлѝ , спастѝ , и҆́же вѣ́рᲂю тѧ̀ сла́вѧщихъ и҆ велича́ющихъ .

Дрꙋгі́и кано́нъ , ст҃ы́мъ нбⷭ҇нымъ , беспло́тнымъ а҆́нг҃лѡмъ . твᲂре́нїе , ѳеѡ́фанᲂво . гла́съ , ѕ҃ . і҆рмо́съ . Ꙗ҆́кѡ по́ сꙋхꙋ хᲂди́въ і҆и҃ль . запѣ́въ : ст҃і́и а҆рха́нг҃ли и҆ а҆́нг҃ли , мᲂли́те бг҃а ѡ҆ на́съ . Нбⷭ҇ныхъ ли́къ вᲂсхвалѧ́ю кра́снᲂе бл҃гᲂлѣ́пїе , тѣ́хъ свѣ́тлыми мо́лнїѧми прᲂсвѣти́тисѧ вᲂпїю̀ . мᲂлю́ тѧ хрⷭ҇тѐ є҆ди́нᲂго бл҃гᲂꙋтро́бнаго . двⷤа . Оу҆краси́выи ѻ҆́ч҃е сло́вᲂмъ всѧ̀ , и҆ и҆́же и҆з̾ тебѐ всест҃ы́мъ дх҃ᲂмъ а҆́нг҃льскїѧ ли́ки тебѐ и҆́же всѣ́хъ винꙋ̀ , пѣ́ти ᲂу҆стро́илъ є҆сѝ тѣ́хъ , ꙗ҆́кѡ всеси́ленъ . боⷢ҇ . Свᲂегѡ̀ прїе́мши сᲂдѣ́телѧ ꙗ҆́кѡ са́мъ вᲂсхᲂтѣ̀ , и҆з̾ без̾сѣ́меннагѡ ти чре́ва , па́че ᲂу҆ма̀ вᲂплᲂща́ема чⷭ҇таѧ , тваре́мъ вᲂи́стинꙋ ꙗ҆ви́сѧ влⷣчца .

пѣ́снь , г҃ . і҆рмо́съ . На тве́рдѣмъ вѣ́ры твᲂеѧ̀ ка́мени , пᲂмышле́нїе ᲂу҆твердѝ дꙋшѝ мᲂеѧ̀ , ᲂу҆тверди́ мѧ гдⷭ҇и , тѧ́ бо и҆́мамъ бл҃же , прибѣ́жище и҆ ᲂу҆тверже́нїе . Пᲂка́ѧтисѧ хрⷭ҇то́ви ѡ҆бѣща́хсѧ , и҆ ѿ ѕлы́хъ не ѿстꙋпа́ю ника́кᲂже . что̀ бꙋ́дꙋ ; слѣпᲂто́ю ѡ҆блᲂже́нъ мно́гᲂю . сн҃е бж҃їи , ты́ мѧ ᲂу҆ще́дри . Пᲂмышлѧ́ю бж҃їе дᲂлгᲂтерпѣ́нїе , и҆з̾жи́въ жи́знь в̾ лѣ́нᲂсти ѻ҆каѧ́нныи , и҆ бᲂю́сѧ , да не внеза́пꙋ пᲂсѣче́нїе сме́ртнᲂе пред̾вари́тъ мѧ . мⷱ҇ꙋ . Гᲂне́нїѧ бᲂлѣ́зней же и҆ бѣ́дъ , ꙗ҆́кᲂже пи́щи жела́юще мч҃нцы веселѧ́хꙋсѧ , зрѧ́ще мы́сленыма ѻ҆чи́ма вѣ́чнᲂе наслажде́нїе . мⷱ҇ꙋ . Ꙗ҆́кᲂже на тве́рдѣмъ вѣ́ры ка́мени , пᲂмышле́нїѧ вᲂдрꙋзи́вше всемꙋ́дрено крѣ́пᲂстїю ст҃і́и мнᲂгᲂѡ҆бра́зныхъ ра́нъ не ᲂу҆бᲂѧ́стесѧ мч҃нцы . боⷢ҇ . Но́въ на́мъ ра́й ꙗ҆ви́ласѧ є҆сѝ чⷭ҇таѧ , жи́зни дре́во пᲂсредѣ̀ и҆мꙋ́щи . ѿ него́ же ꙗ҆ды́и а҆да́мъ пречⷭ҇таѧ , ме́ртвᲂсти дре́внїѧ ѿпꙋща́етсѧ .

и҆́нъ , і҆рмо́съ . Нѣ́сть ст҃а .= И҆́же всѧ́кᲂе є҆стество̀ слᲂве́снᲂе , ѿ небы́тїѧ хᲂтѣ́нїемъ , сᲂзда́вшеесѧ , трист҃ы́ми гла́сы пᲂе́тъ въ трѝ лица̀ , и҆ славᲂсло́витъ вѣ́рно . =двⷤа . И҆стᲂча́ѧ бᲂга́тно и҆ и҆злива́ѧ , прича́стїе бл҃ги́хъ ꙗ҆́кᲂже бл҃гъ , влⷣко всѧ́ческимъ , беспло́тныѧ ли́ки а҆́нг҃льскїѧ пᲂказа́лъ є҆сѝ , чл҃кᲂлю́бче . боⷢ҇ . Даде́сѧ ѿпꙋще́нїе на́мъ тᲂбо́ю бцⷣе , зако́нꙋ бо влⷣка , и҆́же и҆з̾ тебѐ вᲂпло́щьсѧ , стра́сти на́съ ра́ди претерпѣ́въ , и҆ всѣ́хъ и҆з̾ба́вилъ є҆́сть .

пѣ́снь , д҃ . і҆рмо́съ . Пᲂкры́ла є҆́сть нб҃са , дᲂбрᲂдѣ́тель ти хрⷭ҇тѐ , и҆ твᲂеѧ̀ хвалы̀ гдⷭ҇и , всѧ̀ и҆спо́лнишасѧ . Не ѡ҆сꙋдѝ на́съ сᲂгрѣ́шшихъ ти мно́го , но ѡ҆бы́чнᲂю ти влⷣко млⷭ҇тїю ᲂу҆ще́дри . Пꙋ́ть сы́и живᲂта̀ сп҃се , смертᲂно́сныхъ пꙋте́й грѣха̀ , ᲂу҆клᲂнѧ́тимисѧ , прⷭ҇нѡ спᲂдо́би . мⷱ҇ꙋ . Вᲂспалѧ́ющимисѧ ра́нами , ᲂу҆гаси́сте ѻ҆́гнь , пᲂстрада́вшїи мч҃нцы , рᲂсо́ю бжⷭ҇твенагѡ дх҃а , и҆ пребы́сте неѡ҆палѧ́еми . мⷱ҇ꙋ . Пᲂто́ки бжⷭ҇твеныѧ пи́щи , наслажа́ющесѧ мч҃нцы , кро́вными тече́нїи , тꙋ̀ бᲂга́тно наслѣ́дᲂвавше . боⷢ҇ . Лѣ́нᲂстїю жи́знь мᲂю̀ и҆знꙋри́въ , и҆ к̾ твᲂемꙋ̀ чи́стаѧ притека́ю застꙋпле́нїю , ᲂу҆ще́дривъ спаси́ мѧ .

и҆́нъ , і҆рмо́съ . Хрⷭ҇то́съ мнѣ̀ си́ла .= Тлѝ , непрїѧ́тнᲂе є҆стество̀ и҆мꙋ́ще , бжⷭ҇твенѣйшїи ᲂу҆́мᲂве , тво́й чⷭ҇тны́и прⷭ҇то́лъ ѡ҆б̾стᲂѧ́тъ . без̾сме́ртїѧ тѧ̀ и҆сто́чника и҆мꙋ́ще , чл҃кᲂлю́бче . =вⷤ . Ѿ ст҃а́гѡ дх҃а ѡ҆сщ҃а́еми а҆́нг҃льстїи сᲂбо́ри , к̾ ѕлꙋ̀ пребыва́ютъ недви́жими , є҆́же к̾ пе́рвᲂмꙋ бл҃го́мꙋ вᲂсхᲂжде́нми ѡ҆бᲂжа́еми . боⷢ҇ . Клѧ́тва разᲂри́сѧ прама́терьнѧѧ , тебѐ ра́ди бцⷣе всенепᲂро́чнаѧ . ты́ бо на́мъ пречⷭ҇таѧ , блгⷭ҇ве́нїѧ и҆сто́чникъ , прⷭ҇нѡ текꙋ́щь рᲂдила̀ є҆сѝ .

пѣ́снь , є҃ . і҆рмо́съ . Вᲂз̾сїѧ́выи свѣ́тъ всемꙋ̀ ми́рꙋ хрⷭ҇тѐ , прᲂсвѣтѝ срⷣце мᲂѐ , ѿ́ нᲂщи вᲂпїю́ща и҆ спаси́ мѧ . И҆́же ѿ і҆ес̾се́ѡва ко́рене , и҆зрасты́и хрⷭ҇тѐ , и҆з̾сꙋшѝ прᲂзѧбе́нїѧ страсте́й мᲂи́хъ , в̾сажда́ѧ во мнѣ̀ стра́хъ тво́й . Вᲂздыха́нїѧ ꙗ҆́кᲂже мыта́рь стѧ́жемъ , и҆ ѕлы́хъ ѿстꙋ́пимъ , да вᲂздыха́нїѧ ᲂу҆бѣжи́мъ вѣ́чнагѡ . мⷱ҇ꙋ . Оу҆ѧ́звлени бжⷭ҇твенᲂю тѝ любо́вїю , мч҃нцы твᲂѝ гдⷭ҇и , и҆ ᲂу҆ѧзвлѧ́еми мꙋ́ками веселѧ́хꙋсѧ . мⷱ҇ꙋ . Ѿ кᲂнца̀ тѣ́лᲂмъ стра́ждꙋще мч҃нцы в̾зыва́сте , и҆ хрⷭ҇то́съ гла́съ ва́шъ ᲂу҆слы́шалъ є҆́сть . боⷢ҇ . Нбⷭ҇нꙋю две́рь вᲂспᲂе́мъ бцⷣꙋ , є҆ѧ́же ра́ди всѝ грѣ́шницы и҆́дꙋтъ , ко в̾хо́дᲂмъ прᲂще́нїѧ .

и҆́нъ , і҆рмо́съ . Бж҃їимъ свѣ́тᲂмъ .= На прⷭ҇то́лѣ херꙋви́мстѣмъ , ви́дѣвъ тѧ прᲂро́къ всеви́дче , зижди́телѧ и҆ гдⷭ҇а , сѣдѧ́ща , зна́меньми , твᲂемꙋ̀ наꙋча́етсѧ влⷣчествꙋ и҆ гдⷭ҇ьствꙋ . =двⷤа . Тма́ми те́мъ , и҆ ты́сѧщами ты́сѧщь , а҆́нг҃лъ , тебѐ ѡ҆б̾стᲂи́ма влⷣко данїи́лъ зрѧ́ше , сᲂвᲂкꙋпле́на чл҃ческᲂмꙋ зра́кꙋ , держа́вѣ твᲂеѧ̀ сла́вы та́йно наꙋча́етсѧ . боⷢ҇ . Красе́нъ дᲂбро́тᲂю тво́й сн҃ъ ꙗ҆ви́сѧ , па́че сынѡ́въ земнᲂро́дныхъ , всенепᲂро́чнаѧ влⷣчце . сло́во бо сы́и и҆́же надо всѣ́ми бг҃ъ , а҆́ще и҆ є҆стество̀ чл҃ческᲂе и҆з̾ тебѐ прїѧ́тъ .

пѣ́снь , ѕ҃ . і҆рмо́съ . Ки́тᲂмъ пᲂже́ртъ грѣхо́внымъ , вᲂпїю́ ти хрⷭ҇тѐ со пррⷪ҇кᲂмъ , и҆з̾ и҆стлѣ́нїѧ мѧ свᲂбᲂдѝ . Вᲂѻ҆чи́выи слѣпца̀ хрⷭ҇тѐ , дш҃и мᲂеѧ̀ ѿве́рзи ѻ҆́чи , ꙗ҆́кѡ да свѣ́тъ тво́й ᲂу҆зрю̀ , и҆ страсте́й тмы̀ и҆зба́влюсѧ . Во́дъ живᲂтво́рныхъ , пᲂкаѧ́нїѧ и҆спо́лненꙋ дш҃ꙋ мᲂю̀ сᲂтвᲂрѝ ще́дре , рѣкѝ сле́зъ да́рꙋѧ ми . мⷱ҇ꙋ . Оу҆до́лїѧ мч҃нческихъ цвѣте́цъ и҆сцѣле́нїи и҆зраста́ютъ , и҆ всѣ́хъ срⷣца̀ бл҃гᲂчести́выхъ ѡ҆бл҃гᲂꙋха́ютъ . мⷱ҇ꙋ . Раз̾лива́еми мꙋ́ками , тѣле́съ тлѣ́ющи ст҃і́и , любо́вїю же ко влⷣцѣ срⷣцемъ сᲂпривѧза́стесѧ . боⷢ҇ . Ст҃а́ѧ мт҃и бж҃їѧ , ѡ҆скверне́нᲂе срⷣце мᲂѐ дѣѧ́нїи нечи́стыми , мл҃твами сѝ ѡ҆чи́сти .

и҆́нъ , і҆рмо́съ . Жите́йскагѡ мо́рѧ . Оу҆ма̀ чистᲂто́ю зрѧ̀ і҆а́кѡвъ , на лѣ́ствицѣ с̾хᲂдѧ́ща а҆́нг҃лы твᲂѧ̀ влⷣко , и҆з̾ дале́ча наꙋча́шесѧ твᲂемꙋ̀ в̾ пло́ти прише́ствїю , ꙗ҆вле́ннѣйшꙋ . двⷤа . Разꙋмѣ́въ бжⷭ҇твенᲂе а҆́нг҃лѡмъ свѣ́тлᲂе ѡ҆пᲂлче́нїе , ра́дᲂвашесѧ ᲂу҆го́дникъ тво́й влⷣко і҆и҃ль , бл҃гᲂчи́нно ликᲂствꙋ́ющее , и҆ твᲂю̀ не и҆зрече́ннꙋю сла́вꙋ ѡ҆б̾стᲂѧ́щее . боⷢ҇ . Го́ръ превы́шши нбⷭ҇ныхъ вᲂи́стинꙋ а҆́нг҃льскихъ си́лъ , ꙗ҆ви́сѧ гᲂра̀ свѣ́тлаѧ , дв҃аѧ влⷣчца , ꙗ҆́же твᲂю̀ в̾мѣсти́вши бжⷭ҇твенꙋю свѣ́тлᲂсть .

пѣ́снь , з҃ . і҆рмо́съ . И҆́же прпⷣбныхъ свᲂи́хъ ѻ҆́трᲂкъ , пѣ́нїе пᲂслꙋ́шавъ , и҆ пе́щь гᲂрѧ́щꙋю прᲂхла́ждь , бл҃гᲂслᲂве́нъ є҆сѝ гдⷭ҇и бж҃е ѻ҆ц҃ъ на́шихъ . Во всѧ́кᲂй ѕло́бѣ мно́зѣ , ᲂу҆́мъ ѡ҆слѣпи́хъ , и҆ неви́дѣхъ пᲂкаѧ́нїѧ свѣ́тлᲂсти , хрⷭ҇тѐ сп҃се мо́й спаси́ мѧ . Надѣ́ѧсѧ на твᲂѐ бл҃гᲂꙋтро́бїе , припа́даю тѝ ще́дре , прᲂсѧ̀ ѕѡ́лъ мᲂи́хъ разрѣше́нїе , не пре́зри мѧ влⷣко . мⷱ҇ꙋ . И҆́же преми́рнᲂю сла́вᲂю ѡ҆блекі́и ст҃ы́ѧ свᲂѧ̀ пᲂстрада́вшихъ въ ми́рѣ , мл҃твами и҆́хъ хрⷭ҇тѐ мо́й спаси́ мѧ . мⷱ҇ꙋ . Закᲂнᲂпᲂлᲂже́нїе непра́веднᲂе пᲂплева́сте , пра́веднаго зако́на сꙋ́ще бжⷭ҇твенїи храни́телїе , вѣ́рᲂю зако́нно пᲂстрада́вше . боⷢ҇ . Ра́бїи зра́къ прїе́мшаго влⷣкꙋ ѻ҆трᲂкᲂви́це ражда́еши , є҆го́же мᲂлѝ чⷭ҇таѧ , страсте́й мѧ рабо́ты свᲂбᲂди́ти .

и҆́нъ , і҆рмо́съ . Хладᲂда́тельнꙋ ᲂу҆́бѡ пе́щь . Красᲂто́ю прᲂсвѣща́етесѧ всѝ ст҃і́и а҆́нг҃ли , вседержи́телю приближа́ющесѧ , не и҆зрече́ннѣй сла́вѣ чи́стѣй , и҆ всегда̀ пᲂю́ще є҆мꙋ̀ , блгⷭ҇ве́нъ є҆сѝ бж҃е во́ вѣки , а҆ми́нь . двⷤа . Мы́сленѡ ѻ҆́крестъ тебѐ влⷣко пребыва́ющїи а҆́нг҃ли , непᲂсти́жнѡ свѣтᲂꙗ҆вле́нїе твᲂѐ , прⷭ҇нᲂсꙋ́щнᲂе прїе́млютъ , пᲂю́ще и҆ гл҃юще всегда̀ , блгⷭ҇ве́нъ є҆сѝ бж҃е во́ вѣки , а҆ми́нь . боⷢ҇ . Съ тᲂбо́ю бл҃гᲂслᲂве́наѧ гдⷭ҇ь беспло́тныи а҆́нг҃лъ речѐ , и҆стлѣ́вшее бо є҆стество̀ ѡ҆бнᲂви́ти хᲂтѧ̀ , во́ чрево твᲂѐ всели́сѧ чⷭ҇таѧ , бл҃гᲂслᲂве́нъ пло́дъ ᲂу҆тро́бы твᲂеѧ̀ .

пѣ́снь , и҃ . і҆рмо́съ . Ст҃і́и ѻ҆́трᲂцы в̾ вавило́нѣ , херꙋви́мꙋ ᲂу҆пᲂдо́бльшесѧ , трист҃ꙋ́ю вᲂз̾сыла́хꙋ пѣ́снь , блгⷭ҇ви́те по́йте , и҆ превᲂзнᲂси́те є҆гѡ̀ во́ вѣки . Пᲂревнᲂва́хъ не млрⷭ҇дїю бᲂга́таго нра́вᲂмъ , и҆ презира́ю мᲂегѡ̀ ѡ҆бнища́вшаго ᲂу҆ма̀ , влеко́ма ѕло́бᲂю пред̾ две́рьми пᲂкаѧ́нїѧ хрⷭ҇тѐ , да мѧ̀ непо́слеши во ѻ҆́гнь негаси́мыи . Зимѣ̀ и҆ в̾ сꙋбо́тꙋ , до́брыхъ недѣ́ланїе , зи́мꙋ грѣха̀ ᲂу҆тᲂли́выи , да не ѿ житїѧ́ мѧ негᲂто́ва по́ймеши сло́ве , но ѡ҆браще́нїе бжⷭ҇твенᲂе пᲂда́ждь ми . мⷱ҇ꙋ . Мч҃нцы нельсти́внᲂю вѣ́рᲂю пре́лесть пᲂпра́вше , всѣ́хъ мꙋ́къ претерпѣ́ша тревᲂлне́нїѧ , бл҃гᲂсло́вѧще пᲂю́ще , и҆ превᲂзнᲂсѧ́ще хрⷭ҇та̀ во́ вѣки . мⷱ҇ꙋ . Вᲂз̾жига́емыи пла́мень мꙋ́къ , ᲂу҆гаси́вше терпѣ́нїѧ рᲂсо́ю ст҃і́и , ве́щь пᲂпали́сте без̾бо́жїѧ , ре́внᲂстїю бжⷭ҇твеныѧ любвѐ распалѧ́еми , дᲂбрᲂпᲂбѣ́днїи мч҃нцы . боⷢ҇ . Сꙋ́щи а҆́нг҃лъ ст҃ѣ́йшаѧ , бг҃а прест҃а́гѡ ро́ждьши , премно́го ѡ҆сщ҃ьшисѧ бцⷣе дв҃о , тѣ́мже дш҃ꙋ мᲂю̀ ѡ҆свѧтѝ .

и҆́нъ , і҆рмо́съ . и҆з̾ =пла́мени ст҃ы́мъ . Ꙗ҆́кᲂже є҆лисе́ѧ дре́вле свᲂегѡ̀ ᲂу҆го́дника , во́инствы беспло́тными ѡ҆гради́лъ є҆сѝ , та́кᲂже и҆ ны́нѣ хрⷭ҇тѐ , тебѐ превᲂзнᲂсѧ́щꙋю цр҃квь свᲂю̀ ѡ҆градѝ во́ вѣки . =двⷤа . И҆зба́витисѧ ѿ прегрѣше́нїи , мᲂли́тесѧ а҆рхистрати́зи бжⷭ҇твенїи , ꙗ҆́кѡ пред̾стᲂѧ́ще прⷭ҇то́лꙋ гро́знᲂмꙋ . и҆́же вѣ́рᲂю сла́вѧщимъ и҆ превᲂзнᲂсѧ́щимъ хрⷭ҇та̀ во́ вѣки . боⷢ҇ . Ꙗ҆́кѡ мт҃ри и҆ дв҃ѣй , ра́дꙋисѧ тебѣ̀ вᲂпїе́мъ , съ гаврїи́лᲂмъ бжⷭ҇твенымъ , бг҃ᲂра́дᲂваннаѧ , сло́во бо на́мъ бж҃їе пло́тїю рᲂдила̀ є҆сѝ , є҆го́же превᲂзно́симъ во всѧ̀ вѣ́ки . та́же , пѣ́снь бцⷣѣ . вели́читъ дш҃а мᲂѧ̀ гдⷭ҇а .= и҆ =пᲂкло́ны до землѝ .

пѣ́снь , ѳ҃ . і҆рмо́съ . Прїи́мшаѧ ра́дᲂсть а҆́нг҃лѡмъ , и҆ ро́ждьшаѧ сᲂзда́телѧ свᲂегѡ̀ , дв҃о спасѝ тебѐ велича́ющїѧ . І҆ѡ́сифъ ᲂу҆́бѡ цѣлᲂмꙋ́дрствᲂвавъ пшеницᲂда́вецъ пᲂзна́сѧ . а҆́зъ же блꙋдѧ̀ , гла́дᲂмъ ѡ҆держи́мъ є҆́смь дᲂбрᲂдѣ́тельныхъ дѣѧ́нїи . Ꙗ҆́кѡ пе́тръ ка́юсѧ со слеза́ми хрⷭ҇тѐ , ꙗ҆́кѡ мыта́рь стеню̀ , ꙗ҆́кѡ блꙋдни́къ и҆з̾ глꙋбины̀ зᲂвꙋ̀ , сᲂгрѣши́хъ прᲂсти́ мѧ . мⷱ҇ꙋ . Пᲂсо́бїемъ хрⷭ҇то́вымъ премꙋ́дрїи , низ̾лᲂжи́вше ѕло́бꙋ вра́жїю . вѣнцы̀ пᲂбѣ́ды с̾вы́ше прїѧ́сте . мⷱ҇ꙋ . Ст҃а́ѧ мч҃нкъ па́мѧть , всѣ́хъ ѡ҆сщ҃а́етъ ст҃ы́мъ дх҃ᲂмъ , и҆́же правᲂсла́внѡ тꙋ̀ ѡ҆сщ҃а́ющихъ . боⷢ҇ . Прᲂсвѣти́ мѧ ѡ҆мраче́ннаго грѣхѝ , без̾стра́стїѧ свѣ́тъ ро́ждьшаѧ , ꙗ҆́кѡ да пᲂю́ тѧ чⷭ҇таѧ при́снѡ дв҃о .

и҆́нъ , і҆рмо́съ . Бг҃а чл҃кѡмъ .= Дв҃дꙋ прᲂро́кꙋ твᲂемꙋ̀ , ꙗ҆́кѡ ᲂу҆ти́шилъ є҆сѝ а҆́нг҃ла свᲂегѡ̀ , кᲂпїе́мъ бᲂдꙋ́ща лю́ди твᲂѧ̀ , ꙗ҆́кѡ ще́дръ , да́ждь смире́нїе хрⷭ҇тѐ всѣ́мъ цр҃квамъ , и҆ надлежа́щꙋю ны́нѣ ѡ҆блегчѝ напа́сть , ꙗ҆́кѡ всеси́ленъ . =двⷤа . Ви́дѣвъ хрⷭ҇тѐ лю́демъ сѝ ѡ҆ѕлᲂбле́нїе , ꙗ҆́кѡ вра́чь дш҃а́мъ же и҆ тѣ́лѡмъ , ᲂу҆врачꙋ́й влⷣко пред̾ста́тельствᲂмъ твᲂи́хъ слꙋ́гъ , и҆́же ны́нѣ ѡ҆б̾стᲂѧ́щихъ тебѐ всѣ́хъ цр҃ѧ , гла́сы же непреста́нными ꙗ҆́кѡ бг҃а славᲂсло́вѧщихъ тѧ̀ . боⷢ҇ . Нача́ла , а҆рха́нг҃ли , бжⷭ҇твенїи а҆́нг҃ли , серафи́ми , си́лы , вла́сти бжⷭ҇твенїи , херꙋви́ми , сᲂпресто́лы , гдⷭ҇ьствїѧ , нн҃ѣ препрᲂсла́вленᲂе ржⷭ҇тво̀ твᲂѐ чтꙋ́ще , дв҃о мт҃и , и҆ тѧ̀ бл҃гᲂгᲂвѣ́йнѡ прⷭ҇нѡ пᲂчита́ютъ .

та́же , дᲂсто́йнѡ є҆́сть . и҆ пᲂкло́нъ до землѝ . та́же , є҆ктенїѧ̀ ма́лаѧ . и҆ свѣти́ленъ . и҆ ѱалмы̀ ѡ҆бы́чны .

на стихо́внѣ , стихѣ́ры , пᲂкаѧ́нны . гла́съ , ѕ҃ . На́га ѡ҆брѣ́те мѧ ѿ дᲂбрᲂдѣ́телей вра́гъ , стрѣло́ю грѣхо́внᲂю ᲂу҆ѧзвѝ . но ты̀ бж҃е ꙗ҆́кѡ вра́чь дш҃а́мъ же и҆ тѣ́лᲂмъ , ꙗ҆́звы дш҃и мᲂеѧ̀ и҆сцѣлѝ , и҆ пᲂми́лꙋй мѧ .

сти́хъ : и҆спо́лнихᲂмсѧ за ᲂу҆́тра . Срⷣца мᲂегѡ̀ стрꙋ́пы , ѿ мно́гихъ грѣхо́въ прᲂзѧ́бшїѧ ми и҆сцѣлѝ сп҃се , ꙗ҆́кѡ дш҃а́мъ и҆ тѣ́лᲂмъ вра́чь , и҆ пᲂда́ждь прᲂсѧ́щимъ сᲂгрѣше́нїемъ прᲂще́нїе , всегда̀ пᲂдаѧ́ ми сле́зы пᲂкаѧ́нїѧ , и҆ да́рꙋй ми разрѣше́нїе дᲂлго́мъ гдⷭ҇и , и҆ пᲂми́лꙋй мѧ .

сти́хъ : и҆ бꙋ́ди свѣ́тлᲂсть . мⷱ҇ꙋ . Гдⷭ҇и в̾ па́мѧть ст҃ы́хъ твᲂи́хъ , всѧ̀ тва́рь пра́зднꙋетъ , небеса̀ ра́дꙋютсѧ со а҆́нг҃лы , и҆ землѧ̀ весели́тсѧ с̾ чл҃ки . тѣ́хъ мл҃твами пᲂми́лꙋй на́съ .

сла́ва , и҆ ны́нѣ , боⷢ҇ . А҆рха́нг҃льскᲂе сло́во прїе́мши , и҆ херꙋви́мскїи прⷭ҇то́лъ пᲂказа́сѧ , и҆ на рꙋкꙋ̀ нᲂси́ла є҆сѝ бцⷣе наде́жꙋ дш҃а́мъ на́шимъ .

та́же , бл҃го є҆́сть и҆спᲂвѣ́датисѧ . трⷭ҇то́е , и҆ по ѻ҆́ч҃е на́шъ . трᲂпа́рь , ст҃о́мꙋ .= є҆ктенїѧ̀ . =та́же , ча́съ , а҃ . ѱалмы̀ , ѡ҆бы́чны . и҆ про́чее , и҆ кᲂне́чныи ѿпꙋ́стъ .

Въ пᲂнедѣ́льникъ , бл҃же́нны . гла́съ , ѕ҃ .

Пᲂмѧни́ мѧ бж҃е сп҃се мо́й , є҆гда̀ прїи́деши во црⷭ҇твїи сѝ , и҆ спаси́ мѧ , ꙗ҆́кѡ є҆ди́нъ чл҃кᲂлю́бецъ .

бл҃же́ни и҆згна́ни пра́вды ра́ди ,꙳ ꙗ҆́кѡ тѣ́хъ є҆́сть црⷭ҇тво нбⷭ҇нᲂе . Пре́зри ꙗ҆́же в̾ вѣ́дѣнїи , и҆ не в̾ вѣ́дѣнїи сᲂдѣ́ѧннаѧ мᲂѧ̀ , і҆с҃е чл҃кᲂлю́бче , и҆ спаса́емыхъ ча́сти спᲂдо́би мѧ .

бл҃же́ни є҆стѐ є҆гда̀ пᲂно́сѧтъ ва́мъ , и҆ и҆зженꙋ́тъ вы̀ , и҆ рекꙋ́тъ всѧ́къ ѕо́лъ гл҃ъ ,꙳ на вы̀ лжꙋ́ще менѐ ра́ди . Прᲂсвѣти́выи а҆́нг҃льскїѧ ли́ки , тѣ́хъ мᲂльба́ми хрⷭ҇тѐ , зра́къ срⷣца мᲂегѡ̀ прᲂсвѣтѝ .

ра́дꙋйтесѧ и҆ весели́тесѧ ,꙳ ꙗ҆́кѡ мзда̀ ва́ша мно́га на́ нб҃сѣхъ . Всѧ́ко и҆скꙋше́нїе ра́нъ , пᲂд̾є́мше стрⷭ҇тᲂно́сцы , ра́ны и҆ стрꙋ́пы чл҃кѡмъ вѣ́рꙋющимъ при́снѡ , и҆сцѣлѧ́ете .

сла́ва . Трⷪ҇цѣ ст҃ѣ́й пᲂклᲂни́мсѧ , пᲂе́мѣй а҆́нг҃льскими во́инствы . то́й вᲂпїю́ще ѡ҆чи́сти и҆ спасѝ на́съ .

и҆ ны́нѣ . И҆зба́ви мѧ ѻ҆гнѧ̀ вѣ́чнаго , и҆ мꙋ́къ належа́щихъ ми бг҃ᲂрᲂди́тельнице , ꙗ҆́кѡ да ᲂу҆бл҃жа́ю тѧ̀ .

<< Previous

Contents

Next >>