ВО ВТО́РНИКЪ СВѢ́ТЛЫѦ НЕДѢ́ЛИ ,

пра́зднꙋемъ пра́здникъ прест҃ы́ѧ влⷣчцы на́шеѧ бцⷣы , и҆ при́снѡ дв҃ы мр҃і́и ѻ҆диги́трїи . ꙗ҆́же тᲂлкꙋ́етсѧ крѣ́пкаѧ пᲂмо́щница .

Въ пнⷣе свѣ́тлыѧ нлⷣи ве́черъ , на ма́лᲂй вече́рни . і҆єре́й : блгⷭ҇ве́нъ бг҃ъ на́шъ . мы́ же : а҆ми́нь . та́же , і҆єре́й : Хрⷭ҇то́съ вᲂскр҃се и҆з̾ ме́ртвыхъ сме́ртїю на сме́рть настꙋпѝ , и҆ гро́бнымъ живо́тъ дарᲂва̀ ,= вⷤ . Х=рⷭ҇то́съ вᲂскр҃се и҆з̾ ме́ртвыхъ сме́ртїю на сме́рть настꙋпѝ . мы́ же : =и҆ =гро́бнымъ живо́тъ дарᲂва̀ . мы́ же : хрⷭ҇то́съ вᲂскр҃се , гⷤ .

сти́хъ , а҃ . Да вᲂскрⷭ҇нетъ бг҃ъ , и҆ разы́дꙋтсѧ вразѝ є҆гѡ̀ .= м=ы́ же : хрⷭ҇то́съ вᲂскр҃се , аⷤ .

сти́хъ , в҃ . Ꙗ҆́кѡ и҆счеза́етъ ды́мъ да и҆сче́знꙋтъ . мы́ же : хрⷭ҇то́съ вᲂскр҃се , аⷤ .

сти́хъ , г҃ . Та́кѡ да пᲂги́бнꙋтъ грѣ́шницы ѿ лица̀ бж҃їѧ , а҆ пра́ведницы вᲂз̾веселѧ́тсѧ .

мы́ же : хрⷭ҇то́съ вᲂскр҃се , аⷤ .

сти́хъ , д҃ . Се́й дн҃ь и҆́же сᲂтвᲂрѝ гдⷭ҇ь , вᲂз̾ра́дꙋемсѧ и҆ вᲂз̾весели́мсѧ во́нь .

мы́ же : хрⷭ҇то́съ вᲂскр҃се , аⷤ .

сла́ва . мы́ же : хрⷭ҇то́съ вᲂскр҃се , аⷤ .

и҆ ны́нѣ . мы́ же : хрⷭ҇то́съ вᲂскр҃се , аⷤ .

і҆єре́й пᲂе́тъ : Хрⷭ҇то́съ вᲂскр҃се и҆з̾ ме́ртвыхъ , сме́ртїю на сме́рть настꙋпѝ .

мы́ же : и҆ гро́бнымъ живо́тъ дарᲂва̀ . та́же , є҆ктенїѧ̀ вели́каѧ . по а҆ми́нѣ . гдⷭ҇и вᲂзва́хъ . без̾пѣ́нїѧ ,= на́ гдⷭ҇и вᲂзва́хъ , стⷯры , бцⷣѣ , на д҃ . гла́съ , а҃ .= Оу҆бл҃жа́емъ тѧ ро́ди всѝ дв҃о чи́стаѧ бг҃ᲂневѣ́стнаѧ . є҆ди́на бо ты̀ въ жена́хъ бг҃ᲂꙋкра́шена ꙗ҆ви́сѧ цр҃кви цр҃ѧ нбⷭ҇наго , преꙋкра́шена дх҃ᲂмъ ст҃ы́мъ . невмѣсти́мыи бо и҆ неприкᲂснᲂве́нныи , во́ чревѣ твᲂе́мъ написа́етсѧ пло́тїю . и҆ нᲂси́мыи на херꙋви́мѣхъ стра́шнѡ , ѿ сᲂсцꙋ̀ твᲂе́ю живᲂто́чнᲂю пита́етсѧ , ꙗ҆́кѡ ѻ҆трᲂча̀ нᲂвᲂѧвле́ннѡ . бг҃ъ бо сы́и спᲂдо́бисѧ за милᲂсе́рдїе , сᲂверше́но вᲂѡбрази́тисѧ тᲂбо́ю въ чл҃чество . и҆ пᲂда́ти є҆мꙋ̀ бжⷭ҇тва̀ дᲂстᲂѧ́нїе . є҆го́же ꙗ҆́кѡ сн҃а свᲂегѡ̀ и҆ гдⷭ҇а , мт҃рьнимъ присвᲂе́нїемъ бл҃гᲂпᲂслꙋшли́ва и҆мꙋ́щи , непреста́й прⷭ҇нѡ мᲂлѧ́щи прилѣ́жнѡ , да спасе́тъ дш҃а на́ша . два́жды . Въ ржⷭ҇тво̀ твᲂѐ прест҃а́ѧ бцⷣе дв҃о , нача́ша сбыва́тисѧ бг҃ᲂгла́сныхъ мꙋ́жъ пррⷪ҇чествїѧ . дв҃дъ бо тво́й пра́ѻ҆ц҃ъ ски́нїю тѧ наречѐ ст҃ы́ни . прᲂцвѣте́ же же́злъ і҆єссе́ѡвъ , по и҆са́їи . гᲂра́ же ꙗ҆ви́сѧ мы́сленаѧ , по данїи́лꙋ . две́рь же тѧ ви́дѧше свѣтᲂви́днꙋю , і҆єзекі́иль . и҆з̾ неѧ́же вᲂсїѧ̀ на́мъ пра́веднᲂе сл҃нце хрⷭ҇то́съ , и҆мѣ́ѧи ве́лїю млⷭ҇ть . Въ дѣви́ческᲂе тᲂржество̀ , дне́сь бра́тїе да взыгра́етсѧ тва́рь , и҆ да ликᲂствꙋ́етъ чл҃чество . сᲂзва́ бо ны ст҃а́ѧ бцⷣа , нескве́рныи сᲂсꙋ́дъ дв҃ьства . слᲂве́сныи втᲂра́гѡ а҆да́ма ра́й . хра́мъ сᲂедине́нїѧ є҆стествꙋ̀ . тᲂржество̀ спасе́нагѡ сᲂвᲂкꙋпле́нїѧ . черто́гъ , въ не́мже сло́во ᲂу҆невѣ́сти пло́ть . пᲂи́стинѣ ле́гкїи ѻ҆́блакъ , и҆́же над̾ херꙋви́мы сꙋ́щаго с̾ пло́тїю пᲂне́сши . тᲂѧ̀ мᲂли́твами хрⷭ҇тѐ бж҃е на́шъ , спасѝ дш҃а на́ша . сла́ва , и҆ ны́нѣ . гла́съ , є҃ . Бг҃ᲂлѣ́пнꙋю и҆ всечестнꙋ́ю дв҃ꙋ пᲂчте́мъ , пречестнѣ́йшꙋ херꙋви́мъ . сᲂдѣ́тель бо всѣ́хъ вᲂчл҃читисѧ вᲂсхᲂтѣ́въ , в̾ не́й всели́сѧ неи҆з̾рече́ннѡ . Ѽ стра́нныхъ веще́й , и҆ пресла́вныхъ та́инъ . кто̀ не ᲂу҆диви́тсѧ ѡ҆ се́мъ , ꙗ҆́кѡ бг҃ъ чл҃къ бы́сть , и҆ смꙋще́нїѧ в̾ не́мъ небы́сть . є҆стества̀ две́ри ѿве́рзе , и҆ скве́рны в̾ не́й не ѡ҆ста́ви . ꙗ҆́кᲂже прᲂро́къ гл҃аше , челᲂвѣ́къ и҆́ми непро́йдетъ никᲂгда́же . но то́кмѡ є҆ди́нъ гдⷭ҇ь бг҃ъ і҆и҃левъ , и҆мѣ́ѧи при́снѡ бᲂга́тꙋю млⷭ҇ть .

та́же , свѣ́те ти́хїи , без̾ пѣ́нїѧ . прᲂки́менъ , ѱл҃о́мъ дв҃дᲂвъ . бг҃ъ на́шъ на́ нб҃си и҆ на землѝ , всѧ̀ є҆ли́ка вᲂсхᲂтѣ̀ и҆ сᲂтвᲂрѝ . сти́хъ : во и҆схо́дѣ і҆и҃левѣ ѿ є҆гѵ́пта до́мꙋ і҆а́кѡвлѧ , и҆з̾ люді́й ва́рваръ , бы́сть і҆ꙋде́ѧ ст҃ы́нѧ є҆гѡ̀ .

та́же , спᲂдо́би гдⷭ҇и в̾ ве́черъ .

На стихо́внѣ , стихѣ́ры . гла́съ , в҃ . Ки́ми хꙋды́ми ᲂу҆стна́ми ᲂу҆бл҃жи́мъ бцⷣꙋ . честнѣ́йшꙋю тва́ри , ст҃ѣ́йшꙋ сꙋ́щꙋ херꙋви́мъ и҆ всѣ́хъ а҆́нг҃лъ . прⷭ҇то́лъ цр҃е́въ непᲂкᲂлѣби́мыи . до́мъ , в̾ не́мже всели́сѧ вы́шнїи . спасе́нїе ми́рꙋ , бж҃їе ѡ҆сщ҃е́нїе . пᲂдаю́щꙋ вѣ́рнымъ , в̾ бжⷭ҇твенѣй па́мѧти є҆ѧ̀ бᲂга́тнѡ , ве́лїю ми́лᲂсть .

сти́хъ : слы́ши дщѝ и҆ ви́ждь ,꙳ и҆ приклᲂнѝ ᲂу҆́хо твᲂѐ . Ра́дꙋисѧ бцⷣе прⷭ҇та́ѧ дв҃о . превѣ́чныи бо є҆динᲂро́дныи сн҃ъ ѻ҆ч҃ь , в̾ пᲂслѣ́днѧѧ и҆з̾ тебѐ є҆динᲂча́дъ . не ѿ́мꙋжа , но ѿ ст҃а́гѡ дх҃а рᲂди́сѧ , во двᲂю̀ є҆стествꙋ̀ то́й са́мыи сн҃ъ . ѻ҆́во ᲂу҆́бѡ сы́и ѿ ѻ҆ц҃а , сᲂверше́нъ бг҃ъ . ѻ҆́ч҃а же є҆стества̀ не ѡ҆скꙋ́дно в̾ себѣ̀ нᲂсѧ̀ сво́йство . ѻ҆́во же ᲂу҆́бѡ бы́въ и҆з̾ тебѐ сᲂверше́нъ чл҃къ , чл҃ческагѡ сꙋщества̀ цѣ́ла вᲂспрїи́мъ , ꙗ҆́кѡ милᲂсе́рдъ зна́менїѧ . тѣ́мже двѣма̀ є҆стество́ма є҆гѡ̀ , и҆ дѣ́тельма є҆сте́ственыма и҆ хᲂтѣ́нїемъ сказꙋ́етсѧ . слᲂве́снагѡ бо є҆стества̀ сїѧ̀ сво́йства . и҆ прᲂтивле́нїѧ зако́ннагѡ ѿрица́ющесѧ , правᲂвѣ́рнѡ прᲂпᲂвѣ́даемъ , є҆ди́нᲂго тᲂго̀ самᲂго̀ сн҃а хрⷭ҇та̀ и҆ гдⷭ҇а . тᲂго̀ ᲂу҆́бѡ мᲂлѝ бл҃гᲂслᲂве́наѧ мр҃і́е , ᲂу҆пᲂва́нїе спасе́нїѧ на́шегѡ , да спасе́тъ дш҃а на́ша .

сти́хъ : лицꙋ̀ твᲂемꙋ̀ пᲂмо́лѧтсѧ ,꙳ бᲂга́тїи лю́дьстїи . Сꙋ́щаго со ѻ҆ц҃е́мъ , и҆ с̾ прⷭ҇нᲂсꙋ́щнаго ржⷭ҇тва̀ сн҃а є҆динᲂча́даго , ро́ждьшасѧ па́ки и҆з̾ тебѐ бракᲂнеи҆скꙋ́снѡ , и҆спᲂвѣ́даемъ прⷭ҇нѡ дв҃о . непремѣ́ньша непрело́жша свᲂегѡ̀ без̾стра́стнагѡ бжⷭ҇тва̀ . смᲂтрели́внѣ же и҆ бжⷭ҇твенѣ чл҃чество ᲂу҆сво́ивша . є҆ди́нᲂго тᲂго̀ самᲂго̀ вкꙋпᲂсꙋ́щественѣ прᲂше́дша не непᲂдо́бна на́мъ . ꙗ҆́кᲂже неи҆зрече́ннѡ сᲂдѣ́лавъ сᲂедине́нїе , ра́звѣ прелᲂже́нїѧ и҆ смѣше́нїѧ . и҆́же ᲂу҆́бѡ бжⷭ҇твенаѧ дѣ́ѧ ꙗ҆́кѡ бг҃ъ , то́й са́мъ и҆ чл҃ческаѧ пᲂстрада̀ ꙗ҆́кѡ чл҃къ . нбⷭ҇нꙋю на́мъ ѡ҆бнᲂви́въ жи́знь . к̾ немꙋ́же бг҃ᲂблаже́ннаѧ , бꙋ́ди на́шимъ прегрѣше́нїемъ мно́гимъ прᲂще́нїе и҆ ѿпꙋще́нїе . мт҃и бо вᲂи́стинꙋ ꙗ҆ви́сѧ бж҃їѧ , смирѧ́ющагѡ всѧ́ческаѧ .

сла́ва . гла́съ , г҃ . Две́ри ᲂу҆́бѡ дв҃ьства , вᲂпло́щьсѧ не ѿве́рзлъ є҆сѝ гдⷭ҇и . гро́бныхъ же печа́тей вᲂскр҃съ ѿ́ грᲂба неразрꙋшѝ . бг҃ъ бо є҆сѝ и҆́стиненъ , а҆́ще и҆ є҆стество̀ чл҃ческᲂе вᲂспрїѧ́тъ , бы́въ по на́съ . тѣ́мъ ти вᲂпїе́мъ . распны́исѧ и҆ пᲂгребы́исѧ и҆ вᲂскр҃съ , гдⷭ҇и сла́ва тебѣ̀ .

и҆ нн҃ѣ . гла́съ , є҃ . Вᲂскрⷭ҇нїѧ де́нь , прᲂсвѣти́мсѧ тᲂржество́мъ , и҆ дрꙋ́гъ дрꙋ́га прїи́мемъ , и҆ рце́мъ бра́тїе , и҆ ненави́дѧщимъ на́съ , прᲂсти́мъ всѧ̀ вᲂскрⷭ҇нїемъ , и҆ та́кѡ вᲂзᲂпїе́мъ , хрⷭ҇то́съ вᲂскр҃се и҆з̾ ме́ртвыхъ , сме́ртїю сме́рть пᲂпра́въ , и҆ сꙋ́щимъ во грᲂбѣ́хъ живо́тъ дарᲂва̀ .

Хрⷭ҇то́съ вᲂскр҃се и҆з̾ме́ртвыхъ сме́ртїю на сме́рть настꙋпѝ , и҆ гро́бнымъ живо́тъ дарᲂва̀ , гⷤ .

трᲂпарѝ , бцⷣѣ . сла́ва . Къ бцⷣѣ прилѣ́жнѡ ны́нѣ притеце́мъ грѣ́шнїи , со смире́нїемъ припа́дающе и҆ пᲂкаѧ́нїемъ , вᲂпїю́ще и҆з̾ глꙋбины̀ дш҃е́вныѧ , влⷣчце пᲂмᲂзѝ млрⷭ҇дᲂвавши на ны̀ , пᲂтщи́сѧ ꙗ҆́кѡ и҆згиба́емъ ѿ мно́жества грѣхо́въ , не ѿвратѝ ра́бъ свᲂи́хъ то́щъ , тебе́ бо є҆ди́нꙋ пᲂмо́щницꙋ и҆́мамы .= и҆ ны́нѣ . Н=е ᲂу҆мᲂлчи́мъ никᲂгда́же бцⷣѣ си́лы твᲂѧ̀ гл҃юще , мы̀ ᲂу҆́бѡ недᲂсто́йнїи . а҆́ще не бы̀ ты̀ пред̾стᲂѧ́ла мᲂлѧ́щисѧ за ны̀ , кто́ бы на́съ и҆зба́вилъ ѿ тᲂли́кихъ бѣ́дъ ; кто́ ли бы на́съ сᲂхрани́лъ и҆ до ны́нѣ свᲂбѡ́дны ; не ѿстꙋ́пимъ ѿ тебѐ влⷣчце , свᲂѧ̀ рабы̀ на́съ спаса́й ѿ всѧ́кїѧ бѣды̀ , є҆ди́на бл҃гᲂслᲂве́наѧ .

та́же , є҆ктенїѧ̀ ма́лаѧ . та́же , дїа́кᲂнъ : премꙋ́дрᲂсть . мы́ же пᲂе́мъ : Хрⷭ҇то́съ вᲂскр҃се и҆з̾ ме́ртвыхъ сме́ртїю на сме́рть настꙋпѝ , и҆ гро́бнымъ живо́тъ дарᲂва̀ .= три́жды , с̾ пᲂкло́нами . =пᲂсе́мъ і҆єре́й : Хрⷭ҇то́съ вᲂскр҃се и҆з̾ ме́ртвыхъ , сме́ртїю на сме́рть настꙋпѝ . мы́ же : И҆ гро́бнымъ живо́тъ дарᲂва̀ . и҆ ѿпꙋ́стъ .

На вели́цѣй вече́рни , по внегда̀ пᲂкади́ти і҆єре́ю , и҆ по є҆́же рещѝ є҆мꙋ̀ . Сла́ва ст҃ѣ́й и҆ є҆динᲂсꙋ́щнѣй . мы́ же : а҆ми́нь . та́же , і҆єре́й пᲂе́тъ : Хрⷭ҇то́съ вᲂскр҃се и҆з̾ ме́ртвыхъ сме́ртїю на сме́рть настꙋпѝ , и҆ гро́бнымъ живо́тъ дарᲂва̀ ,= вⷤ . Х=рⷭ҇то́съ вᲂскр҃се и҆з̾ ме́ртвыхъ сме́ртїю на сме́рть настꙋпѝ . мы́ же : =и҆ =гро́бнымъ живо́тъ дарᲂва̀ . мы́ же : хрⷭ҇то́съ вᲂскр҃се , гⷤ .

и҆ про́чее , со стихѝ , ꙗ҆́кᲂже пи́сано в̾ нлⷣю на вече́рни . та́же , є҆ктенїѧ̀ вели́каѧ .

На гдⷭ҇и вᲂзва́хъ , стⷯры , на́ і҃ . вᲂскрⷭ҇ны , на д҃ . и҆ бцⷣѣ , на ѕ҃ .= стихѣ́ры , вᲂскрⷭ҇ны , гла́съ , г҃ . Твᲂи́мъ крⷭ҇то́мъ хрⷭ҇тѐ сп҃се , сме́рти держа́ва разрꙋши́сѧ , и҆ дїа́вᲂлѧ ле́сть ᲂу҆праздни́сѧ . ро́дъ же чл҃ческїи вѣ́рᲂю спаса́емь , пѣ́снь ти всегда̀ прино́ситъ . Прᲂсвѣти́шасѧ всѧ́ческаѧ , вᲂскрⷭ҇нїемъ твᲂи́мъ гдⷭ҇и , и҆ ра́й па́ки ѿве́рзесѧ . всѧ́ же тва́рь вᲂсхвалѧ́ющи тѧ , пѣ́снь ти всегда̀ прино́ситъ . Сла́влю ѻ҆ц҃а и҆ сн҃а си́лꙋ , и҆ ст҃а́гѡ дх҃а пᲂю̀ влады́чество , нераздѣ́льно и҆ несᲂзда́нно бжⷭ҇тво̀ , трⷪ҇цꙋ є҆динᲂсꙋ́щнꙋю , црⷭ҇твꙋющꙋю во́ вѣки вѣкѡ́мъ . Крⷭ҇тꙋ̀ твᲂемꙋ̀ чⷭ҇тно́мꙋ пᲂклᲂнѧ́емсѧ хрⷭ҇тѐ =[пᲂкло́н̾] , и҆ вᲂскрⷭ҇нїе твᲂѐ пᲂе́мъ и҆ сла́вимъ . ра́нᲂю бо твᲂе́ю мы̀ всѝ и҆сцѣлѣ́хᲂмъ . И҆́ны стихѣ́ры , бцⷣѣ . гла́съ , ѕ҃ . Дᲂсто́йнѡ є҆́сть ꙗ҆́кѡ вᲂи́стинꙋ блажи́ти тѧ бцⷣе . въ твᲂе́ бо пречⷭ҇таѧ всели́всѧ чре́во всѣ́хъ сᲂдѣ́тель , бы́сть пло́ть непревра́щь є҆стества̀ . ни привидѣ́нїемъ смᲂтре́нїѧ . но и҆з̾ тебѐ зача́тсѧ прїе́мъ сло́во бж҃їе ѡ҆дш҃евле́нꙋю пло́ть . и҆ в̾ не́мъ є҆́же бы́ти прїѧ́тъ сᲂедини́сѧ по сᲂста́вꙋ . тѣ́мже бл҃гᲂчести́внѡ двѣ̀ є҆стествѣ̀ ꙗ҆влѧ́юще , разли́чїемъ хрⷭ҇та̀ и҆спᲂвѣ́дающе . ни смꙋще́нїѧ бо сᲂедине́нїю наꙋча́емъ , ни раздѣле́нїѧ разли́чїю сᲂтвᲂрѧ́емъ . тᲂго̀ мᲂлѝ чⷭ҇таѧ и҆ прест҃а́ѧ , пᲂсла́ти на́мъ ми́ръ и҆ ве́лїю ми́лᲂсть . два́жды . Прїиди́те всѝ ꙗ҆зы́цы , гла́сᲂмъ ра́дᲂванїѧ прест҃ꙋ́ю дв҃ꙋ и҆ бцⷣꙋ вᲂзвели́чимъ . челᲂвѣ́ческаго сꙋ́щества рᲂди́тельницꙋ . неи҆зрече́нныхъ чꙋде́съ сᲂдѣ́тельницꙋ . в̾ не́й бо бы́ша но́ва . без̾нача́льныи зачина́етсѧ , сло́во ѡ҆дебелѣва́етъ . и҆ бг҃ъ чл҃къ быва́етъ , да чл҃къ бг҃ъ бꙋ́детъ . несмꙋще́нїемъ є҆стествꙋ̀ , но сᲂедине́нїемъ по сᲂста́вꙋ . и҆схо́дитъ бо є҆ди́нъ ѿ ѻ҆бᲂю̀ прᲂти́вныхъ , во двᲂю̀ сᲂверше́нꙋ є҆стествꙋ̀ . неразли́чнѡ сказа́емъ . рачи́тельнѣ же и҆ дѣ́тельнѣ , по ко́емꙋждо сꙋ́ществꙋ , то́й са́мъ и҆́стиннᲂе ᲂу҆вѣрѧ́ѧ спасе́нагѡ смᲂтре́нїѧ хрⷭ҇то́съ бг҃ъ на́шъ . пᲂдаѧ́и ми́рꙋ ѡ҆чище́нїе , ми́ръ и҆ ве́лїю млⷭ҇ть .= два́жды . Не и҆з̾глаго́лютъ ᲂу҆ста̀ , ни разꙋмѣ́етъ ᲂу҆́мъ , преди́внагѡ ржⷭ҇тва̀ твᲂегѡ̀ чⷭ҇таѧ . всѣ́хъ бо твᲂре́цъ прⷭ҇нѡ сы́и со ѻ҆ц҃е́мъ , за млрⷭ҇дїе и҆злива́етсѧ . и҆ вᲂплᲂща́етсѧ во́ чревѣ твᲂе́мъ та́йнѡ . бжⷭ҇твꙋ̀ пло́ть сᲂеди́ньшисѧ . и҆ тᲂю̀ пло́тїю во є҆ди́нᲂмъ сᲂста́вѣ , лꙋ́чшемꙋ преѡдᲂлѣ́вшꙋ . ника́кᲂже ꙗ҆́вѣ , ꙗ҆́кѡ в̾веде́нꙋ размѣше́нїю смꙋще́нїе . лѝ смѣше́нїе ᲂу҆ста́внагѡ ра́ди сᲂедине́нїѧ , па́че бо є҆стества̀ бы́вша . є҆ди́нъ и҆ то́йже прᲂше́дъ , бг҃ъ сᲂверше́нъ вкꙋ́пѣ и҆ чл҃къ . ко́егᲂждо сꙋ́щества , сво́йства ᲂу҆вѣрѧ́ѧ та́инство . Ѽ но́вᲂмꙋ чꙋдесѝ . ѽ пресла́внᲂмꙋ ржⷭ҇твꙋ̀ . є҆стества̀ ѡ҆бнᲂвлѧ́ютсѧ , бг҃ꙋ ꙗ҆́вльшꙋсѧ на землѝ . тᲂго̀ пренепᲂро́чнаѧ невѣ́сто мᲂлѝ непреста́ннѡ , да спасе́тъ дш҃а на́ша . два́жды . сла́ва . гла́съ , є҃ . Є҆=ди́нство трисᲂста́внᲂе , трⷪ҇цꙋ є҆динᲂсꙋ́щнꙋ въ тре́хъ ст҃ы́нѧхъ , во є҆ди́но схᲂдѧ́щꙋсѧ гдⷭ҇ьство сла́вимъ . ст҃ъ , ст҃ъ , ст҃ъ гдⷭ҇ь си́ламъ . є҆ди́нство бо ко́еждо бг҃ᲂнача́льныхъ сᲂста́въ прᲂпᲂвѣ́даемъ . сᲂвᲂкꙋпле́нїемъ же несмѣ́сно пребжⷭ҇твенᲂе , є҆динᲂнача́льнᲂе вᲂз̾вѣща́юще бжⷭ҇тво̀ . ни трист҃о́е бо є҆ди́но сᲂста́вно , ни трисꙋ́щественᲂе реко́хᲂмъ сꙋщества̀ . ни стра́сти прилага́емъ , без̾стра́стнᲂмꙋ бжⷭ҇твꙋ̀ . но и҆спᲂвѣ́даемъ є҆динᲂро́днаго сн҃а бг҃а ѿ ѻ҆ц҃а без̾ мт҃ре пре́жде вѣ́къ . и҆ и҆з̾ мт҃ре без̾ ѻ҆ц҃а вᲂплᲂти́вшасѧ гдⷭ҇а . распе́ньшажесѧ пло́тїю , без̾ стрⷭ҇тна же и҆ стрⷭ҇тна . со́здана и҆ несо́здана . тᲂго̀ самᲂго̀ бг҃а вкꙋ́пѣ и҆ чл҃ка . во двᲂю̀ є҆стествꙋ̀ , самᲂвла́стнѡ хᲂтѧ́ща , и҆ дѣ́йствꙋюща ꙗ҆́вѣ , по ѡ҆бѣ́ма є҆гѡ̀ нераздѣ́льныма є҆стество́ма . тᲂго̀ мᲂлѝ чⷭ҇таѧ и҆ преблаже́ннаѧ , спастѝ дш҃а на́ша .

и҆ ны́нѣ . гла́съ , г҃ . боⷢ҇ . Ка́кѡ недиви́мсѧ , бг҃о мꙋ́жнᲂмꙋ твᲂемꙋ̀ ржⷭ҇твꙋ̀ пречⷭ҇таѧ , и҆скꙋше́нїѧ бо мꙋ́жеска непрїе́мши всенепᲂро́чнаѧ , рᲂдила̀ є҆сѝ без̾ ѻ҆ц҃а сн҃а пло́тїю , и҆́же пре́жде вѣ́къ рᲂжде́ннагѡ ѿ ѻ҆ц҃а без̾ мт҃ре , ника́кᲂже претерпѣ́вша и҆змѣне́нїѧ , ли смѣше́нїѧ , ли раздѣле́нїѧ , но во ѻ҆бᲂю̀ сꙋществꙋ̀ , сво́йство цѣ́ло сᲂхра́ньша . тѣ́мже мт҃и дв҃о влⷣчце , тᲂгѡ̀ мᲂлѝ спастѝ дш҃а , и҆́же правᲂсла́внѡ , бцⷣꙋ тѧ̀ и҆спᲂвѣ́дающихъ .

вы́хᲂдъ : свѣ́тѣ ти́хїи . прᲂки́менъ , ѱало́мъ дв҃дᲂвъ . бг҃ъ на́шъ на́ нб҃си и҆ на землѝ , всѧ̀ є҆ли́ка вᲂсхᲂтѣ̀ и҆ сᲂтвᲂрѝ . сти́хъ : во и҆схо́дѣ і҆и҃левѣ ѿ є҆гѵ́пта до́мꙋ і҆а́кѡвлѧ , и҆з̾ люді́й ва́рваръ , бы́сть і҆ꙋде́ѧ ст҃ы́нѧ є҆гѡ̀ . сти́хъ : мо́ре ви́дѣ и҆ пᲂбѣжѐ , і҆ѡрда́нъ вᲂзврати́сѧ вспѧ́ть . сти́хъ : что́ ти бы́сть мо́ре да пᲂбѣжѐ , и҆ тебѣ̀ і҆ѡрда́не ꙗ҆́кѡ вᲂзврати́сѧ вспѧ́ть . та́же , бг҃ъ на́шъ на́ нб҃си и҆ на землѝ , всѧ̀ є҆ли́ка вᲂсхᲂтѣ̀ и҆ сᲂтвᲂрѝ .

ѿ бытїѧ̀ , чте́нїе .

И҆зы́де і҆а́кѡвъ ѿ стꙋденца̀ клѧ́твеннагѡ , и҆ и҆́де въ харра́нь , и҆ ѡ҆брѣ́те мѣ́сто , и҆ ста̀ тꙋ̀ . заше́дшꙋ же сл҃нцꙋ , взѧ́тъ ѿ ка́менїѧ мѣ́ста тᲂгѡ̀ , и҆ пᲂлᲂжѝ є҆̀ в̾ вᲂз̾гла́вїе себѣ̀ . и҆ спа̀ на мѣ́стѣ то́мъ , и҆ со́нъ ви́дѣ . и҆ сѐ лѣ́ствица ᲂу҆твержена̀ на землѝ , є҆́й же глава̀ дᲂсѧза́ше до небесѐ . и҆ а҆́нг҃ли бж҃їи вᲂз̾хᲂжда́хꙋ , и҆ низ̾хᲂжда́хꙋ по не́й . гдⷭ҇ь же ᲂу҆твержа́шесѧ на не́й , и҆ речѐ , а҆́зъ бг҃ъ а҆враа́мѡвъ ѻ҆ц҃а твᲂегѡ̀ , и҆ бг҃ъ і҆саа́кѡвъ , небо́йсѧ . землѧ̀ на не́й же ты̀ спи́ши , тебѣ̀ да́мъ ю҆̀ , и҆ сѣ́мени твᲂемꙋ̀ . и҆ бꙋ́детъ сѣ́мѧ твᲂѐ , ꙗ҆́кѡ пѣсо́къ земны́и , и҆ распрᲂстрани́тсѧ на́ мᲂре , и҆ на ли́вꙋ , на сѣ́веръ , и҆ вᲂсто́къ . и҆ бл҃гᲂслᲂвѧ́тсѧ ѡ҆ тебѣ̀ всѧ̀ кᲂлѣ́на земна́ѧ , и҆ ѡ҆ сѣ́мени твᲂе́мъ . и҆ сѐ а҆́зъ с̾ тᲂбо́ю , сᲂхранѧ́ѧи тѧ̀ на всѧ́кᲂмъ пꙋтѝ , а҆́мᲂже а҆́ще по́йдеши . и҆ вᲂз̾вращꙋ́ тѧ в̾ зе́млю сїю̀ , ꙗ҆́кѡ не ѡ҆ста́влю тебѐ , до́ндеже сᲂтвᲂри́ти ми всѧ̀ є҆ли́ка гл҃ахъ тѝ . и҆ вᲂста́въ і҆а́кѡвъ ѿ сна̀ свᲂегѡ̀ , и҆ речѐ , ꙗ҆́кѡ є҆́сть гдⷭ҇ь на мѣ́стѣ се́мъ , а҆́зъ же невѣ́дѣхъ . и҆ ᲂу҆бᲂѧ́сѧ , и҆ речѐ , ꙗ҆́кѡ стра́шно мѣ́сто сѐ , нѣ́сть сѐ , но до́мъ бж҃їи , и҆ сі́ѧ врата̀ небе́снаѧ .

ѿ пррⷪ҇чества і҆єзекі́илева , чте́нїе .

Бꙋ́детъ ѿ ѻ҆сма́гѡ днѐ и҆ про́чее , сᲂтвᲂрѧ́тъ і҆єре́и , на ѻ҆лтарѝ всесᲂжже́нїѧ ва́ша , и҆́же спасе́нїѧ ва́шегѡ , и҆ прїимꙋ̀ вы̀ гл҃етъ гдⷭ҇ь бг҃ъ . и҆ ѡ҆брати́ мѧ на пꙋ́ть вра́тъ ст҃ы́хъ внѣ́шнихъ , зрѧ́щихъ на вᲂсто́къ , и҆ сїѧ̀ бѧ́хꙋ затвᲂре́на . и҆ речѐ гдⷭ҇ь ко мнѣ̀ , врата̀ сїѧ̀ затвᲂре́на бꙋ́дꙋтъ , и҆ не ѿве́рзꙋтсѧ . и҆ никто́же про́йдетъ сквᲂзѣ̀ и҆́хъ , ꙗ҆́кѡ гдⷭ҇ь бг҃ъ і҆и҃левъ вни́детъ и҆́ми , и҆ бꙋ́дꙋтъ затвᲂре́на . занѐ и҆гꙋ́менъ се́й сѧ́детъ въ ни́хъ снѣ́сти хлѣ́бъ . по пꙋтѝ є҆ла́мскихъ вра́тъ вни́детъ , и҆ по пꙋтѝ є҆гѡ̀ и҆зы́детъ . и҆ введе́ мѧ на пꙋ́ть вра́тъ ст҃ы́хъ , и҆́же к̾ сѣ́верꙋ прѧ́мѡ хра́мꙋ . и҆ ви́дѣхъ , и҆ сѐ и҆спо́лнисѧ сла́вы хра́мъ гдⷭ҇нь .

ѿ при́тчей , чте́нїе .

Премꙋ́дрᲂсть сᲂзда̀ себѣ̀ хра́мъ , и҆ ᲂу҆твердѝ сто́лпъ се́дмь . закла̀ свᲂѧ̀ же́ртвенаѧ , и҆ черпа̀ в̾ ча́ши свᲂе́й вино̀ , и҆ ᲂу҆гᲂто́ва свᲂю̀ трапе́зꙋ . пᲂсла̀ свᲂѧ̀ рабы̀ , сᲂзыва́ющи съ высо́кимъ прᲂпᲂвѣ́данїемъ на ча́шꙋ , гл҃ющи , и҆́же є҆́сть безꙋ́менъ , да ᲂу҆клᲂни́тсѧ ко мнѣ̀ . и҆ тре́бꙋющимъ ᲂу҆ма̀ речѐ , прїиди́те и҆ ꙗ҆ди́те мо́й хлѣ́бъ , и҆ пі́йте вино̀ є҆́же че́рпахъ ва́мъ . ѡ҆ста́вите безꙋ́мїе , и҆ жи́ви бꙋ́дете . взыщи́те премꙋ́дрᲂсть , да пᲂживетѐ . и҆спра́вите вѣ́дѣнїи в̾ ра́зꙋмѣ . кажа́и ѕлы́ѧ , прїе́млетъ себѣ̀ без̾че́стїе . ѡ҆блича́ѧи же нечести́ваго пᲂрече́тъ себѐ . ѡ҆бличе́нїе бо нечести́вᲂмꙋ мᲂзо́лїе є҆мꙋ̀ . не ѡ҆блича́й ѕлы́хъ , да не вᲂз̾ненави́дѧтъ тебѐ . ѡ҆блича́й премꙋ́дра , и҆ вᲂзлю́битъ тѧ . да́й премꙋ́дрꙋ винꙋ̀ , и҆ премꙋ́дрѣе бꙋ́детъ . сказа́й пра́веднᲂмꙋ , и҆ прилᲂжи́тъ прїима́ти . зача́ло премꙋ́дрᲂсти , стра́хъ гдⷭ҇нь , и҆ свѣ́тъ ст҃ы́хъ , ра́зꙋмъ . а҆ є҆́же разꙋмѣ́ти зако́нъ , по́мысла є҆́сть бл҃га . си́мъ бо ѻ҆́бразᲂмъ пᲂживе́ши мно́гѡ лѣ́тъ , и҆ прилᲂжа́т̾тисѧ лѣ́та живᲂтꙋ̀ .

є҆ктенїѧ̀ : рце́мъ всѝ . та́же , спᲂдо́би гдⷭ҇и в̾ ве́чер̾ . є҆ктенїѧ̀ : и҆спо́лнимъ вече́рнїѧ мл҃твы .

На литі́и , стихѣ́ры . гла́съ , д҃ . Прїиди́те вᲂспᲂе́мъ лю́дїе , прест҃ꙋ́ю дв҃ꙋ чⷭ҇тꙋю . и҆з̾ неѧ́же неи҆зрече́ннѡ про́йде вᲂпло́щшеесѧ сло́во ѻ҆́ч҃ее . зᲂвꙋ́ще и҆ гл҃юще . бл҃гᲂслᲂве́на ты̀ в̾ жена́хъ . и҆ бл҃же́но чре́во вмѣсти́вшее хрⷭ҇та̀ . в̾ тᲂго̀ ст҃ꙋ́ю рꙋ́кꙋ дш҃ꙋ преда́вши . мᲂли́сѧ пречⷭ҇таѧ спастѝ дш҃а на́ша .= Д=в҃дскꙋю пѣ́снь , дне́сь лю́дїе вᲂспᲂе́мъ хрⷭ҇тꙋ̀ бг҃ꙋ . приведꙋ́тсѧ речѐ дв҃ы во слѣ́дъ є҆ѧ̀ , и҆ и҆́скренѧѧ є҆ѧ̀ приведꙋ́тсѧ в̾ весе́лїе и҆ ра́дᲂсть . и҆́бо ѿ сѣ́мене дв҃дᲂва , є҆ѧ́же ра́ди мы̀ ѡ҆бᲂжи́хᲂмсѧ . в̾ рꙋ́цѣ свᲂегѡ̀ сн҃а и҆ влⷣки , сла́внѡ и҆ па́че сло́ва прелага́етсѧ . ю҆́же ꙗ҆́кѡ мт҃рь бж҃їю вᲂспѣва́юще пᲂе́мъ и҆ гл҃емъ . спасѝ на́съ и҆спᲂвѣ́дающихъ тѧ бцⷣꙋ , ѿ всѧ́кагѡ ѡ҆бстᲂѧ́нїѧ . и҆ и҆зба́ви ѿ бѣ́дъ дш҃а на́ша .

гла́съ , г҃ . Ра́дꙋисѧ ст҃а́ѧ дв҃о мт҃и мр҃і́е . и҆з̾ тебе́ бо про́йде вᲂпло́щшеесѧ сᲂпрⷭ҇нᲂсꙋ́щнᲂе сло́во и҆́стиннᲂе ѻ҆́ч҃ее . непревраще́нїѧ бо пᲂстрада́въ , ни смѣше́нїѧ , ни примѣне́нїѧ . тᲂмꙋ́ же є҆ди́нᲂмꙋ сн҃ꙋ и҆ бг҃ꙋ . є҆ди́нагѡ є҆мꙋ̀ слᲂже́нагѡ сꙋ́щества , всѧ̀ сꙋгꙋ́бо свѣ́даемъ . ржⷭ҇тва̀ и҆ ѻ҆́бразы , и҆ дѣ́тели и҆ хᲂтѣ́нїѧ , и҆ є҆сте́ственыхъ є҆гѡ̀ сво́йствъ сᲂтвᲂре́нїѧ , нераздѣ́льнѡ и҆ несмꙋ́тнѡ . ꙗ҆́кѡ бг҃ъ бжⷭ҇твенаѧ чꙋдᲂтвᲂрѧ̀ , и҆ ꙗ҆́кѡ чл҃къ стрⷭ҇ти претерпѣ̀ . сᲂедине́нїе бо не ѿто́ржено , и҆ не рᲂжде́ныхъ , и҆ не є҆динᲂсꙋ́щныхъ , ни є҆ди́нъ же бл҃гᲂчести́выхъ , во є҆ди́но є҆стество̀ безꙋ́мнѣ написа̀ . та́кѡ вѣ́рꙋющїѧ та́кѡ и҆ сла́вѧщїѧ , препѣ́таѧ сᲂхрани́ти на́съ , мᲂлѝ сн҃а свᲂего̀ и҆ бг҃а на́шего . сла́ва , и҆ нн҃ѣ . гла́съ , з҃ . Стра́шно и҆ неи҆зрече́нно вᲂи́стинꙋ , є҆́же ѡ҆ тебѣ̀ сᲂдѣ́ѧннᲂе та́инство нескве́рнаѧ . сло́во бо всѣ́хъ вино́вно , па́че вины̀ и҆ сло́ва ст҃ы́мъ дх҃ᲂмъ вᲂпло́щшеесѧ пᲂрᲂдѝ . и҆з̾ тебѣ̀ пло́ть заи́мша , во свᲂе́мъ є҆стествѣ̀ непрело́жнѡ пребы́вше . сᲂвᲂкꙋ́пльшебᲂсѧ , ѡ҆бᲂесꙋ́щно по сᲂста́вꙋ є҆ди́нᲂмꙋ , сꙋгꙋ́бъ є҆стество́ма и҆зы́де ве́сь бг҃ъ , и҆ ве́сь чл҃къ , ѡ҆бᲂѧ̀ всѧ̀ дѣ́йствеными сво́йствы пᲂказꙋ́ѧ . пᲂстрада́въ на крⷭ҇тѣ̀ пло́тьски , без̾стра́стенъ же пребы́сть то́йже са́мъ бжⷭ҇тво́мъ . и҆ ꙗ҆́кѡ чл҃къ ᲂу҆́мре , и҆ ѡ҆живѐ ꙗ҆́кѡ бг҃ъ тридне́внѡ . держа́вꙋ сме́ртнꙋю разрꙋшѝ , и҆з̾ тлѣ́нїѧ и҆зба́ви чл҃чество . ꙗ҆́кѡ и҆зба́вителѧ и҆ сп҃са ро́дꙋ на́шемꙋ бг҃ᲂмт҃и ᲂу҆мᲂлѝ , пᲂсла́ти на́мъ щедро́тъ свᲂи́хъ , и҆ ве́лїю млⷭ҇ть .

На стихо́внѣ , стихѣ́ра . гла́съ , г҃ . Стрⷭ҇тїю твᲂе́ю хрⷭ҇тѐ , ѡ҆мрачи́выи сл҃нце , и҆ свѣ́тᲂмъ твᲂегѡ̀ вᲂскрⷭ҇нїѧ , прᲂсвѣще́и всѧ́ческаѧ , прїимѝ на́шꙋ вече́рнюю пѣ́снь чл҃кᲂлю́бче .

та́же , пᲂе́мъ , стихѣ́ры па́сцѣ , со стихѝ и҆́хъ . сти́хъ : да вᲂскрⷭ҇нетъ бг҃ъ , и҆ про́чїѧ .

сла́ва . гла́съ , з҃ . И҆з̾ тебѣ̀ прест҃а́ѧ бцⷣѣ дв҃о , неи҆зрече́ннѡ рᲂди́сѧ хрⷭ҇то́съ бг҃ъ на́шъ . вᲂи́стинꙋ сы́и бг҃ъ превѣ́чныи , и҆ челᲂвѣ́къ но́въ . ѻ҆́во ᲂу҆́бѡ сы́и приснᲂсꙋ́щенъ , ѻ҆́во же на́съ ра́ди бы́въ . спаса́етъ в̾ себѣ̀ ко́еждо є҆стества̀ сво́йства . ѻ҆́во ᲂу҆́бѡ сїѧ́ѧ чꙋдесы̀ . ѻ҆́во же ᲂу҆вѣрѧ́ѧ стрⷭ҇тьмѝ . тѣ́мже є҆ди́нъ и҆ то́йже ᲂу҆мира́етъ ꙗ҆́кѡ чл҃къ , и҆ ꙗ҆́кѡ бг҃ъ вᲂста́етъ . є҆го́же мᲂлѝ чⷭ҇таѧ и҆ бракᲂнеи҆скꙋ́снаѧ , спастѝ дш҃а на́ша . и҆ ны́нѣ . гла́съ , є҃ . Вᲂскрⷭ҇нїѧ де́нь , прᲂсвѣти́мсѧ тᲂржество́мъ , и҆ дрꙋ́гъ дрꙋ́га прїи́мемъ , и҆ рце́мъ бра́тїе , и҆ ненави́дѧщимъ на́съ , прᲂсти́мъ всѧ̀ вᲂскрⷭ҇нїемъ , и҆ та́кѡ вᲂзᲂпїе́мъ , хрⷭ҇то́съ вᲂскр҃се и҆з̾ ме́ртвыхъ , сме́ртїю сме́рть пᲂпра́въ , и҆ сꙋ́щимъ во грᲂбѣ́хъ живо́тъ дарᲂва̀ . хрⷭ҇то́съ вᲂскр҃се , гⷤ .

трᲂпарѝ , бцⷣѣ . гла́с̾ , д҃ . Къ бцⷣѣ прилѣ́жнѡ нн҃ѣ притеце́мъ грѣ́шнїи , со смире́нїемъ припа́дающе и҆ пᲂкаѧ́нїемъ , вᲂпїю́ще и҆з̾ глꙋбины̀ дш҃е́вныѧ , влⷣчце пᲂмᲂзѝ млрⷭ҇дᲂвавши на ны̀ , пᲂтщи́сѧ ꙗ҆́кѡ и҆згиба́емъ ѿ мно́жества грѣхо́въ , не ѿвратѝ ра́бъ свᲂи́хъ то́щъ , тебе́ бо є҆ди́нꙋ пᲂмо́щницꙋ и҆́мамы .= два́жды . Н=е ᲂу҆мᲂлчи́мъ никᲂгда́же бцⷣѣ си́лы твᲂѧ̀ гл҃юще , мы̀ ᲂу҆́бѡ недᲂсто́йнїи . а҆́ще не бы̀ ты̀ пред̾стᲂѧ́ла мᲂлѧ́щисѧ за ны̀ , кто́ бы на́съ и҆зба́вилъ ѿ тᲂли́кихъ бѣ́дъ ; кто́ ли бы на́съ сᲂхрани́лъ и҆ до ны́нѣ свᲂбѡ́дны ; не ѿстꙋ́пимъ ѿ тебѐ влⷣчце , свᲂѧ̀ рабы̀ на́съ спаса́й ѿ всѧ́кїѧ бѣды̀ , є҆ди́на бл҃гᲂслᲂве́наѧ .

Во вто́рникъ свѣ́тлыѧ нлⷣи , на ᲂу҆́трени , пре́же нача́ла , вжига́етъ , свѣщѝ и҆ кади́ла параєклисїа́рхъ . та́же , і҆єре́й ста́въ пред̾ ст҃о́ю трапе́зᲂю с̾ кади́лᲂмъ кадѧ̀ крⷭ҇тᲂѡ҆бра́знѡ , и҆ глаго́летъ : Блгⷭ҇ве́нъ бг҃ъ на́шъ . мы́ же : а҆ми́нь . та́же , і҆єре́й : Хрⷭ҇то́съ вᲂскр҃се и҆з̾ ме́ртвыхъ сме́ртїю на сме́рть настꙋпѝ , и҆ гро́бнымъ живо́тъ дарᲂва̀ ,= вⷤ . Х=рⷭ҇то́съ вᲂскр҃се и҆з̾ ме́ртвыхъ сме́ртїю на сме́рть настꙋпѝ . мы́ же : =и҆ =гро́бнымъ живо́тъ дарᲂва̀ . мы́ же : хрⷭ҇то́съ вᲂскр҃се , гⷤ .

сти́хъ , а҃ . Да вᲂскрⷭ҇нетъ бг҃ъ , и҆ разы́дꙋтсѧ вразѝ є҆гѡ̀ .= м=ы́ же : хрⷭ҇то́съ вᲂскр҃се , гⷤ .

сти́хъ , в҃ . Ꙗ҆́кѡ и҆счеза́етъ ды́мъ да и҆сче́знꙋтъ . мы́ же : хрⷭ҇то́съ вᲂскр҃се , гⷤ .

сти́хъ , г҃ . Та́кѡ да пᲂги́бнꙋтъ грѣ́шницы ѿ лица̀ бж҃їѧ , а҆ пра́ведницы вᲂз̾веселѧ́тсѧ .

мы́ же : хрⷭ҇то́съ вᲂскр҃се , гⷤ .

сти́хъ , д҃ . Се́й дн҃ь и҆́же сᲂтвᲂрѝ гдⷭ҇ь , вᲂз̾ра́дꙋемсѧ и҆ вᲂз̾весели́мсѧ во́нь .

мы́ же : хрⷭ҇то́съ вᲂскр҃се , гⷤ .

трᲂпарѝ , бцⷣѣ . сла́ва . Къ бцⷣѣ прилѣ́жно ны́нѣ притеце́мъ грѣ́шнїи , со смире́нїемъ припа́дающе и҆ пᲂкаѧ́нїемъ , вᲂпїю́ще и҆з̾ глꙋбины̀ дш҃е́вныѧ , влⷣчце пᲂмᲂзѝ млрⷭ҇дᲂвавши на ны̀ , пᲂтщи́сѧ ꙗ҆́кѡ и҆згиба́емъ ѿ мно́жества грѣхо́въ , не ѿвратѝ ра́бъ свᲂи́хъ то́щъ , тебе́ бо є҆ди́нꙋ пᲂмо́щницꙋ и҆́мамы .= и҆ ны́нѣ . Не ᲂу҆мᲂлчи́мъ никᲂгда́же бцⷣѣ си́лы твᲂѧ̀ гл҃юще , мы̀ ᲂу҆́бѡ недᲂсто́йнїи . а҆́ще не бы̀ ты̀ пред̾стᲂѧ́ла мᲂлѧ́щисѧ за ны̀ , кто́ бы на́съ и҆зба́вилъ ѿ тᲂли́кихъ бѣ́дъ ; кто́ ли бы на́съ сᲂхрани́лъ и҆ до ны́нѣ свᲂбѡ́дны ; не ѿстꙋ́пимъ ѿ тебѐ влⷣчце , свᲂѧ̀ рабы̀ на́съ спаса́й ѿ всѧ́кїѧ бѣды̀ , є҆ди́на бл҃гᲂслᲂве́наѧ . =та́же , є҆ктенїѧ̀ вели́каѧ .

пᲂе́мъ : Хвали́те и҆́мѧ гдⷭ҇не .= та́же , припѣ́въ : Дᲂсто́йнѡ є҆́сть велича́ти тѧ бцⷣе . чⷭ҇тнѣ́йшꙋю херꙋви́мъ , и҆ славнѣ́йшꙋ без̾ раз̾сꙋжде́нїѧ серафи́мъ . ѱл҃ᲂмъ : П=ᲂмѧнѝ гдⷭ҇и дв҃да .

сѣда́ленъ . гла́съ , д҃ . Бжⷭ҇твеными зарѧ́ми прᲂсвѣтѝ дв҃о пᲂю́щїѧ тѧ . и҆ ᲂу҆мы̀ ᲂу҆твердѝ пренепᲂро́чнаѧ , крѣ́пкаѧ застꙋ́пнице ми́рꙋ всемꙋ̀ . да тᲂржествꙋ́емъ всѝ любо́вїю пᲂчита́юще , тво́й пречⷭ҇тыи ѻ҆́бразъ . и҆ мл҃твами твᲂи́ми спаса́еми ѿ всѧ́кїѧ бѣды̀ . є҆ди́на бл҃гᲂслᲂве́наѧ . двⷤа . сла́ва , и҆ ны́нѣ . Невѣ́сто бракᲂнеи҆скꙋ́снаѧ , премꙋ́дрᲂсти село̀ пᲂказа́сѧ ᲂу҆тро́ба твᲂѧ̀ , бг҃а сло́ва рᲂдила̀ є҆сѝ . ты́ бо є҆ди́на мт҃и бж҃їѧ бл҃ги́мъ хᲂда́тайца ꙗ҆ви́сѧ . всѧ́кихъ страсте́й и҆зба́ви рабы̀ свᲂѧ̀ , непреста́ннѡ вᲂспѣва́ющихъ сла́вꙋ твᲂю̀ .

степе́нна , д҃ го гла́са . а҆нтиѳо́нъ , а҃ . прᲂки́мен̾ , ѱл҃о́мъ дв҃дᲂв̾ . пᲂмѧнꙋ̀ и҆́мѧ твᲂѐ во всѧ́кᲂмъ ро́дѣ и҆ ро́дѣ . сти́хъ : ѿры́гнꙋ срⷣце мᲂѐ сло́во бл҃го , гл҃ю а҆́зъ дѣ́ла мᲂѧ̀ царе́ви . всѧ́ко дыха́нїе .= є҆ѵⷢ҇а́лїе , ѿ лꙋкѝ . зача́ло , д҃ . Вᲂскрⷭ҇нїе хрⷭ҇то́во , гⷤ . =сла́ва . мл҃твъ ра́ди бцⷣы . и҆ ны́нѣ . мл҃твъ ра́ди бцⷣы . стⷯра , гла́съ , ѕ҃ . Не ѡ҆ста́ви на́съ в̾ чл҃ческᲂе пред̾стᲂѧ́нїе , пречⷭ҇таѧ влⷣчце . но прїимѝ мᲂле́нїе ра́бъ свᲂи́хъ . ско́рби ᲂу҆́бѡ ѡ҆бдержа́тъ ны , и҆ терпѣ́ти немо́жемъ , ѿ бѣсо́вскагѡ стрѣлѧ́нїѧ . пᲂкро́ва нестѧжа́хᲂмъ нигдѣ́же прибѣ́гнꙋти страстні́и . всегда̀ пᲂбѣжда́еми , ᲂу҆тѣше́нїѧ не и҆́мамы , ра́звѣ тебѐ влⷣчце ми́рꙋ . ᲂу҆пᲂва́нїе и҆ пред̾ста́тельнице вѣ́рнымъ , непре́зри мᲂле́нїѧ на́ша , но сᲂверше́на сᲂтвᲂрѝ .

і҆єре́й , гл҃етъ : Спасѝ бж҃е лю́ди . мы́ же := Гдⷭ҇и пᲂми́лꙋй , ві҃ . По вᲂз̾гла́сѣ . Кано́нъ , па́сцѣ . со і҆рмᲂсо́мъ , на́ ѕ҃ . Дрꙋгі́и , кано́нъ , бл҃гᲂда́рственъ прест҃ѣ́й бцⷣѣ ѻ҆диги́трїи . на и҃ . гла́съ , д҃ .=

пѣ́снь , а҃ . і҆рмо́съ . Ѿве́рзꙋ ᲂу҆ста̀ мᲂѧ̀ . запѣ́въ : Прест҃а́ѧ гжⷭ҇е бцⷣе , спасѝ на́съ . Ра́дᲂстнѡ чⷭ҇таѧ , нн҃ѣ наста́вшее хвале́нїе , принᲂша́ю ра́дꙋѧсѧ . и҆ ти́химъ гла́сᲂмъ ѻ҆диги́трїе вᲂпїю́ ти , ра́дꙋисѧ . и҆ и҆спо́лни мѧ ра́зꙋма , пѣ́ти начина́юща . Хрⷭ҇та̀ рᲂди́вшаѧ , ра́дᲂсть на́мъ вѣ́чнꙋю . ѽ ра́дꙋисѧ всепѣ́таѧ , правᲂсла́внымъ наде́жде , ѻ҆диги́трїе всепѣ́таѧ дв҃це . ра́дᲂсти и҆спо́лни мѧ ми́рᲂви жела́нныѧ . Ликꙋ́ютъ всѝ чл҃цы и҆ а҆́нг҃ли , всегда̀ сᲂгла́снѡ вᲂпїю́ще , на́ нб҃си и҆ на землѝ ѻ҆диги́трїе . ра́дꙋисѧ дв҃це , ра́дᲂсти бо ржⷭ҇тво́мъ ти всѧ́ческаѧ и҆спо́лнила є҆сѝ . Ра́дᲂсть ѻ҆диги́трїе , и҆́же со́ страхᲂмъ ти вᲂпїю́щихъ . ра́дᲂсти спᲂдо́би мт҃и сꙋ́щїѧ ра́дᲂсти , и҆збавлѧ́ющи скᲂрбе́й всѧ́ческихъ , и҆ всѣ́хъ пᲂми́лꙋй , и҆́же к̾ тебѣ̀ прибѣга́ющихъ . Катава́сїѧ па́сцѣ , на схо́дѣ .

пѣ́снь , г҃ . і҆рмо́съ . Твᲂѧ̀ пѣвцы̀ бцⷣе . Хрⷭ҇та̀ вы́шнѧгѡ цр҃ѧ , ѽ ра́дꙋисѧ непᲂкᲂлеби́маѧ чⷭ҇таѧ , и҆ ѡ҆дш҃евле́наѧ пᲂла́то . ра́дꙋисѧ ѻ҆диги́трїе . ра́дꙋисѧ , тᲂбо́ю нерꙋши́мъ на́шъ гра́дъ сᲂхранѧ́етсѧ . Вмѣсти́ти є҆го́же невᲂзмо́же тва́рь , во ᲂу҆тро́бꙋ неи҆скꙋсᲂбра́чнꙋю , ѻ҆диги́трїе дв҃це , тѣле́снѡ вмѣсти́ла є҆сѝ . тѣ́мже ти ра́дꙋисѧ пᲂе́мъ , по́дᲂлгꙋ велича́юще . Ра́дᲂсть мнᲂгᲂпѣ́таѧ ми́рᲂви , ра́дᲂстнѡ ти пᲂю́ще прⷭ҇нѡ , вѣ́чнꙋющїѧ чⷭ҇таѧ ра́дᲂсти спᲂдᲂблѧ́емсѧ , твᲂи́ми мт҃рьними мл҃твами , к̾ ро́ждьшемꙋсѧ и҆з̾ тебѐ ѻ҆диги́трїе . Златꙋ́ю тѧ ста́мнꙋ , и҆ свѣ́щникъ и҆ же́злъ , и҆ трапе́зꙋ чтⷭ҇аѧ , призыва́емъ ѻ҆диги́трїе , и҆ гла́съ є҆́же ра́дꙋисѧ , тебѣ̀ прⷭ҇нѡ привнᲂша́емъ , съ си́ми же и҆мены̀ .

та́же , Кᲂнда́къ , и҆ и҆́кᲂсъ , и҆ и҆пакᲂй па́сцѣ . сла́ва , и҆ ны́нѣ . сѣда́ленъ , бцⷣѣ , гла́съ , в҃ . Мл҃твеница те́плаѧ кꙋ́пнѡ и҆ стена̀ неѡбᲂри́маѧ , млⷭ҇ти и҆сто́чниче , ми́рᲂви прибѣ́жище , прилѣ́жнѡ ти вᲂпїе́мъ , бцⷣе влⷣчце , предварѝ ѿ бѣ́дъ и҆зба́вити на́съ , є҆ди́на вско́рѣ застꙋпа́ющи .

пѣ́снь , д҃ . і҆рмо́съ . Сѣдѧ́и во сла́вѣ . Ра́дꙋисѧ чꙋ́до чꙋдесе́мъ , ѻ҆диги́трїе влⷣчце . ра́дꙋисѧ всѣ́мъ ра́дᲂсте , градᲂвѡ́мъ и҆ ве́семъ , непᲂбѣди́мᲂе хрⷭ҇тїа́нскᲂе в̾ бѣда́хъ храни́лище , и҆ пред̾гра́дїе , и҆ на врагѝ пᲂбѣжде́нїе . Ра́дꙋисѧ , ра́дꙋисѧ , цр҃е́мъ правᲂсла́внымъ пᲂхвало̀ , и҆ хрⷭ҇тѡлюби́вымъ во́инствᲂмъ , пᲂкро́в̾ пребыва́еши всѣ́мъ цр҃це , ра́дꙋисѧ ѻ҆диги́трїе , прибѣ́жище всѣ́мъ на́мъ и҆ ᲂу҆тверже́нїе . Ра́дꙋисѧ всѣ́мъ ско́рᲂе в̾ бѣда́хъ и҆збавле́нїе , ра́дꙋисѧ гᲂто́вᲂе всѣ́мъ скᲂрбѧ́щимъ ᲂу҆тѣше́нїе . ра́дꙋисѧ всепѣ́таѧ , ра́дꙋисѧ ѻ҆диги́трїе всеблгⷭ҇ве́наѧ , всѣ́мъ немᲂщны́мъ и҆сцѣли́тельнице . Ра́дꙋисѧ є҆ѧ́ же вели́чїѧ , всѧ̀ тва́рь сла́вити ᲂу҆́бѡ спѣши́тъ пᲂдᲂстᲂѧ́нїю , но не вᲂзмᲂга́етъ ѻ҆диги́трїе , и҆ сегѡ̀ ра́ди зᲂве́тъ ти , ра́дꙋисѧ влⷣчце , бг҃ᲂвмѣсти́мᲂе жили́ще .

пѣ́снь , є҃ . і҆рмо́съ . Оу҆диви́шасѧ всѧ́ческаѧ . Бл҃гᲂсты́ни бе́здно и҆ щедро́тамъ є҆сѝ , ра́дꙋисѧ ѻ҆диги́трїе дв҃це , ра́дꙋисѧ всѣ́мъ ра́дᲂсть твᲂрѧ́щи вѣ́рнымъ . ѽ ра́дꙋисѧ сꙋ́щимъ в̾ бѣда́хъ , и҆ скᲂрбѧ́щимъ пребы́страѧ застꙋ́пнице . Ра́дᲂсти ѿ и҆спᲂлне́нїѧ вели́чїѧ чꙋде́съ твᲂи́хъ зрѧ́ще , и҆спᲂлнѧ́емсѧ всѝ , незрѧ́ще и҆ слы́шаще же вѣ́рнїи . тѣ́мже ра́дꙋисѧ тебѣ̀ прⷭ҇нѡ всю́дꙋ , и҆ всѝ ѻ҆диги́трїе пᲂе́мъ . Хрⷭ҇та̀ бг҃а на́шегѡ , ѽ ра́дꙋисѧ ѻ҆диги́трїе , жили́ще и҆ до́мъ неи҆зрече́ннѣй и҆ пребжⷭ҇твеннѣй дв҃о сла́вѣ є҆гѡ̀ . ѽ ра́дꙋисѧ пᲂла́то преꙋкраше́ннаѧ , ра́дꙋисѧ гра́де ѡ҆дꙋшевле́нныи , при́снѡ црⷭ҇твꙋющїи . Ра́дᲂсть неѡскꙋ́днꙋю тѧ разсмᲂтрѧ́юще , ꙗ҆́кѡ мо́ре ѻ҆трᲂкᲂви́це , ѻ҆диги́трїе дв҃це , ра́дꙋющесѧ всѝ , ра́дꙋисѧ вᲂпїе́мъ ти , и҆ пᲂю́ще бжⷭ҇твенныхъ даро́въ неви́димѡ прⷭ҇нѡ ѿ тебѐ ѡ҆жида́юще .

пѣ́снь , ѕ҃ . і҆рмо́съ . Бжⷭ҇твенᲂе сѐ и҆ всечтⷭ҇но́е . Хрⷭ҇та̀ чⷭ҇таѧ прїе́млющи , гла́съ є҆́же ра́дꙋисѧ . ѻ҆диги́трїе дв҃це слы́шаше , є҆го́же неи҆зрече́ннѡ ро́ждьши , и҆ ра́дꙋисѧ ѿ всѣ́хъ слы́шиши всегда̀ . Ра́дᲂсти всѧ̀ и҆спо́лнила є҆сѝ , вы́шнѧѧ и҆ ни́жнѧѧ ты̀ сᲂвᲂкꙋпи́ла є҆сѝ ѻ҆диги́трїе . тѣ́мже ра́дᲂстнѡ и҆ сᲂгла́снѡ нн҃ѣ , нб҃о и҆ всѧ̀ землѧ̀ зᲂве́тъ ти . Вдᲂва́мъ ѽ ра́дꙋисѧ всепѣ́таѧ , и҆ всѣ́мъ си́рымъ ѻ҆диги́трїе ᲂу҆тѣше́нїе . ра́дꙋисѧ всѣ́мъ и҆стᲂча́ющи ни́щимъ , бᲂга́тство неистᲂщи́мᲂе . Зла́та всѧ́кагѡ блиста́ема , и҆ ᲂу҆́тра сл҃нечнагѡ свѣтлѣ́йши , жили́ще хрⷭ҇то́во , ра́дꙋисѧ ѻ҆диги́трїе , ра́дꙋисѧ дв҃це , ра́дꙋисѧ невѣ́сто неневѣ́стнаѧ .

кᲂнда́къ . гла́съ , ѕ҃ . Не и҆́мамы и҆ны́ѧ по́мᲂщи , не и҆́мамы и҆ны́ѧ наде́жды , ра́звѣ тебѐ влⷣчце . ты̀ на́мъ пᲂмᲂзѝ . на тебе́сѧ надѣ́емъ , и҆ тᲂбо́юсѧ хва́лимъ . твᲂи́ бо є҆смы̀ рабѝ , да сѧ̀ непᲂстыди́мъ . и҆́кᲂсъ . Къ бцⷣѣ вᲂзᲂпїе́мъ любо́вїю , со ᲂу҆миле́нїемъ срⷣца , и҆ смире́нїемъ дх҃а . те́плѣ припа́дающе , и҆ бл҃гᲂда́рственѣ гл҃юще . ра́дꙋисѧ гра́де гдⷭ҇нь . ра́дꙋисѧ ски́петре дв҃дᲂвъ . ра́дꙋисѧ пᲂла́то ѡ҆дш҃евле́наѧ . ра́дꙋисѧ ста́мно бжⷭ҇твеныѧ ма́нны . ра́дꙋисѧ не ѡ҆пали́маѧ кꙋпино̀ . ра́дꙋисѧ свѣти́льниче и҆ свѣщѐ свѣ́та . ра́дꙋисѧ гжⷭ҇е дв҃о , бжⷭ҇твенаѧ ѻ҆диги́трїи . ра́дꙋисѧ гᲂро̀ бж҃їѧ присѣ́ннаѧ . ра́дꙋисѧ ѻ҆́гненыи прⷭ҇то́ле . ра́дꙋисѧ лѣ́ствице и҆ две́рь нбⷭ҇наѧ . ра́дꙋисѧ же́ѕле невла́жнѡ прᲂзѧ́быи . ра́дꙋисѧ спаса́ющаѧ ѿ всѧ́кихъ бѣ́дъ и҆ скᲂрбе́й . твᲂи́ бо є҆смы̀ рабѝ дасѧ̀ непᲂстыди́мъ влⷣчце .

пѣ́снь , з҃ . і҆рмо́съ . Непᲂслꙋжи́ша тва́ри . Ра́дꙋисѧ , ра́дꙋисѧ бцⷣе ѻ҆диги́трїе , всѣ́хъ и҆ всегда̀ наставлѧ́ющи вѣ́рныхъ , ше́ствᲂвати ко всѧ́кᲂмꙋ пꙋтѝ спасе́нᲂмꙋ . ра́дꙋисѧ влⷣчце , тᲂбо́ю бо при́снѡ и҆збавлѧ́емсѧ , настᲂѧ́щїѧ ва́рварскїѧ бѣды̀ . Ра́дꙋисѧ , ра́дꙋисѧ ѻ҆диги́трїе , бдѧ́щи и҆ мᲂлѧ́щисѧ ѡ҆ на́съ къ бг҃ꙋ , и҆ всѧ́кїѧ ѕло́бы хᲂда́тайствᲂмъ ти , всѧ́ческихъ скᲂрбе́й бг҃ᲂрᲂди́тельнице , всѣ́хъ люде́й и҆збавлѧ́ющи . Ра́дꙋисѧ , ра́дꙋисѧ прест҃а́ѧ ѻ҆диги́трїе , и҆́же прᲂше́нїѧ на́ша к̾ по́лзѣ на́мъ и҆спᲂлнѧ́ющи , и҆ хᲂтѧ́щи всѣ́мъ прⷭ҇нѡ всегда̀ любᲂдрꙋ́жнᲂе бл҃го́е є҆ди́нство , спѣ́шнᲂе же во и҆зѧ́щныхъ . Ра́дꙋисѧ , ра́дꙋисѧ кᲂрабле́мъ ѻ҆диги́трїе , нꙋ́жнѡ пла́вающимъ , и҆збавлѧ́ющи вѣ́рныхъ , и҆ всѣ́мъ и҆збавле́нїе ѿ всѧ́кїѧ ско́рби , и҆ недꙋ́ги пестро́тныѧ , и҆ ме́дленыѧ разрѣша́ющи вско́рѣ .

пѣ́снь , и҃ . і҆рмо́съ . Ѻ҆́трᲂки бл҃гᲂчести́выѧ . Ра́дꙋисѧ всеблгⷭ҇ве́наѧ мр҃і́е , и҆з̾ тебе́ бо всеблгⷭ҇ве́ныи бг҃ъ ѡ҆дѣ́ѧсѧ , во всего́ мѧ чл҃ка , и҆ ѡ҆дѣ́ѧвсѧ сᲂединѝ свᲂемꙋ̀ бжⷭ҇твꙋ̀ , неи҆зрече́ннымъ сᲂедине́нїемъ , дв҃о ѻ҆диги́трїе . ра́дꙋисѧ ѡ҆бра́дᲂваннаѧ , ра́дᲂсте всегѡ̀ ми́ра . Ра́дꙋисѧ лꙋка́выхъ дꙋхо́въ прᲂгᲂни́тельнице , ра́дꙋисѧ бцⷣе ѻ҆диги́трїе . ра́дꙋисѧ , ꙗ҆́кѡ тебѐ нбⷭ҇наѧ неви́димаѧ вѡ́инства славᲂсло́вѧтъ всегда̀ , и҆ велича́ютъ ꙗ҆́кѡ мт҃рь бж҃їю бы́вшꙋю . ра́дꙋисѧ ꙗ҆́же ни́жнѧѧ сᲂчета́вши с̾ вы́шними . Ра́дꙋисѧ всѣ́хъ нбⷭ҇ныхъ си́лъ без̾разсꙋжде́нїѧ превᲂсхᲂдѧ́щаѧ , ра́дꙋисѧ ѻ҆диги́трїе , ра́дꙋисѧ всѧ́кїѧ тва́ри , бг҃а ро́ждьшаѧ гдⷭ҇ьствꙋющи , є҆́й влⷣчце всепѣ́таѧ . ра́дꙋисѧ пребыва́еши дв҃ᲂю чⷭ҇таѧ и҆ по ржⷭ҇твѣ̀ . Ра́дꙋисѧ жена́мъ всѣ́мъ сла́во , хра́ме преѡсщ҃е́нныи бг҃а на́шегѡ , ра́дꙋисѧ ѻ҆диги́трїе , ра́дꙋисѧ дш҃еспаси́тельнаѧ все́й вселе́ннѣй . ра́дꙋисѧ пᲂкрыва́ющїи ѻ҆́блаче нб҃съ ши́ршаѧ . ра́дꙋисѧ мирᲂпᲂло́жнице , бжⷭ҇твеннагѡ ми́ра пᲂлна̀ .

пѣ́снь , ѳ҃ . і҆рмо́съ . Всѧ́къ зе́менъ . Ра́дꙋисѧ свѣщѐ , свѣ́тъ невече́рнїи пᲂне́сшаѧ , и҆ въ ржⷭ҇твѣ̀ твᲂе́мъ мнᲂгᲂбо́жїѧ тмꙋ̀ разрꙋши́вшаѧ , и҆ а҆́дᲂвы про́пасти и҆зба́вльшаѧ лю́ди . ра́дꙋисѧ ѻ҆диги́трїе бцⷣе , дᲂбро́тъ всѣ́хъ пред̾хᲂда́таице . Ра́дꙋисѧ землѐ , и҆з̾ неѧ́же кла́съ прᲂзѧ́бшїи нбⷭ҇ныи вѣ́рнымъ , и҆ ми́ра всегѡ̀ дш҃егꙋ́бнагѡ гла́да и҆зба́ви , разꙋ́мнаѧ и҆ ѡ҆дш҃евле́наѧ . ѽ ра́дꙋисѧ винᲂгра́де , и҆́же гро́здъ живо́тныи ро́ждьшаѧ , бцⷣе чⷭ҇таѧ ѻ҆диги́трїе . Ра́дꙋисѧ та́йныхъ цвѣтѡ́въ , прекра́сныи сꙋ́щїи раю̀ . ра́дꙋисѧ мт҃и дв҃о , неви́димыхъ ра́зꙋмъ , чистᲂто́ю страннᲂлѣ́пнѡ пᲂбѣ́ждьши бг҃ᲂрᲂди́тельнице . ра́дꙋисѧ ѻ҆трᲂкᲂви́це , ра́дꙋисѧ ѻ҆диги́трїе , всеми́рнᲂе чꙋ́до и҆ слы́шанїе . Лѣ́то живᲂта̀ на́шегѡ , про́чее сᲂхранѝ неврежде́нѡ , пᲂмᲂже́нїемъ твᲂи́мъ дв҃о ѻ҆трᲂкᲂви́це . и҆ спᲂдо́би кᲂне́цъ бл҃гі́и пᲂлꙋчи́ти на́мъ , вᲂспѣва́ющимъ тѧ и҆ взыва́ющимъ , ра́дꙋисѧ всебл҃же́ннаѧ бцⷣе чⷭ҇таѧ ѻ҆диги́трїе .

По ѳ҃ , пѣ́сни , катава́сїѧ : Свѣти́сѧ свѣти́сѧ но́выи і҆єрⷭ҇ли́ме , сла́ва бо гдⷭ҇нѧ на тебѣ̀ вᲂсїѧ̀ . ликꙋ́й нн҃ѣ и҆ весели́сѧ сїѡ́не , ты́ же чⷭ҇таѧ красꙋ́йсѧ бцⷣе , ѡ҆ вᲂста́нїи ржⷭ҇тва̀ твᲂегѡ̀= = [пᲂкло́н̾ до землѝ] .

свѣти́ленъ , па́сцѣ . Пло́тїю ᲂу҆снꙋ́въ ꙗ҆́кѡ ме́ртвъ , цр҃ь и҆ гдⷭ҇ь , тридне́венъ вᲂскр҃се , и҆ а҆да́ма вᲂздви́гъ и҆з̾ тлѝ , и҆ ᲂу҆праздни́въ сме́рть . па́сха нетлѣ́нїѧ , ми́рꙋ спасе́нїе . два́жды .

=сла́ва , и҆ нн҃ѣ . свѣти́лен̾ , бцⷣѣ . ѽ =пресвѣ́тлыи ѻ҆́блаче мт҃и бж҃їѧ . на́шихъ прᲂти́вныхъ пᲂбѣдѝ , держа́внᲂю и҆ всеси́льнᲂю си десни́цею . и҆́же въ ско́рбѣхъ сꙋщи́мъ пред̾ста́ни . не ѡ҆правда́ныѧ застꙋпѝ . грѣхѝ разрѣшѝ мᲂлѧ́щихтисѧ . є҆ли́кѡ бо хо́щеши мо́жеши .

На хвали́тѣхъ . стихѣ́ры , вᲂскрⷭ҇ны , г҃ . и҆ бцⷣѣ , г҃ . =Стихѣ́ры , вᲂскрⷭ҇ны , гла́съ , г҃ . Прїиди́те всѝ ꙗ҆зы́цы , разꙋмѣ́йте стра́шныѧ та́йны си́лꙋ . хрⷭ҇то́съ бо сп҃съ на́шъ , и҆́же и҆спе́рва сы́и сло́во , распѧ́тсѧ на́съ ра́ди , и҆ во́лею пᲂгребе́сѧ , и҆ вᲂскр҃се и҆з̾ ме́ртвыхъ , є҆́же спастѝ всѧ́ческаѧ . тᲂмꙋ̀ пᲂклᲂни́мсѧ =[пᲂкло́н̾] . Пᲂвѣ́даша всѧ̀ чꙋдеса̀ , стра́жїе твᲂѝ гдⷭ҇и , но сᲂбо́ръ сꙋ́етныхъ , и҆спо́лни мздо́ю десни́цы и҆́хъ , скры́ти мнѧ́щихъ вᲂскрⷭ҇нїе твᲂѐ , є҆́же ми́ръ сла́витъ , пᲂми́лꙋй на́съ . Ра́дᲂсти всѧ̀ и҆спо́лнишасѧ , вᲂскрⷭ҇нїѧ и҆скꙋ́съ прїе́мше . ма́рїѧ бо магдалы́ни ко́ грᲂбꙋ прїи́де , и҆ ѡ҆брѣ́те а҆́нг҃ла на ка́мени сѣдѧ́ща , ри́зами блиста́ющасѧ , и҆ гл҃юща , что̀ и҆́щете жива́го с̾ ме́ртвыми ; нѣ́сть здѣ̀ , но вᲂста̀ , ꙗ҆́кᲂже речѐ , предварѧ́ю вы̀ в̾ галиле́и .

Стихѣ́ры , бцⷣѣ . гла́съ , и҃ . поⷣ . ѽ пресла́внᲂе чꙋ́до .= ѽ= пресла́внᲂе чꙋ́до , и҆́же нб҃сы̀ невмѣсти́мыи , и҆ ѿ а҆́нг҃лъ сла́вимыи , и҆ ѿ серафи́мъ пѣва́емыи , во твᲂю̀ ᲂу҆тро́бꙋ вмѣсти́сѧ . и҆ ключа̀ дв҃ства нерꙋши́въ . на́ землю сᲂше́дъ , и҆ є҆стество̀ дре́вле ѿ дїа́вᲂла мꙋ́чимᲂе и҆зѧ́тъ . и҆ ве́сь ро́дъ чл҃ческїи свᲂбᲂдѝ . и҆ тебѐ гжⷭ҇е застꙋ́пницꙋ дарᲂва̀ . непреста́й сᲂхранѧ́ти и҆ спаса́ти дш҃а на́ша , ꙗ҆́кѡ ми́лᲂстива . Тебѣ̀ припа́дающе гжⷭ҇е , и҆ ᲂу҆ми́льнѡ кла́нѧющесѧ мо́лимъ тѧ . ра́дꙋисѧ бг҃ᲂблаже́ннаѧ влⷣчце , мнᲂгᲂимени́таѧ дв҃о прᲂро́ки прᲂѡ҆браже́на че́стнѡ . в̾ тѧ́ бо ꙗ҆́кѡ рᲂса̀ хрⷭ҇то́съ бг҃ъ сни́де , и҆ рᲂдила̀ є҆сѝ бракᲂнеискꙋ́снѡ чⷭ҇таѧ . и҆ на рꙋкꙋ̀ пᲂнесла̀ є҆сѝ всѣ́хъ твᲂрца̀ и҆ гдⷭ҇а , є҆мꙋ́же ѡ҆ на́съ мᲂли́сѧ , сла́вѧщихъ тѧ вѣ́рнѡ пречⷭ҇таѧ . Пᲂда́ждь ᲂу҆тѣше́нїе , свᲂи́мъ рабо́мъ чⷭ҇таѧ , напа́стьми ѡ҆держи́мымъ . и҆ ро́гъ вѣ́рныхъ вᲂзнесѝ , бг҃ᲂрᲂди́тельнице мр҃і́е . и҆ сᲂблюдѝ мᲂли́твами си гра́дъ се́й нерꙋши́мъ . и҆нᲂплеме́нныхъ шата́нїѧ низлᲂжѝ . и҆ на́съ рабы̀ твᲂѧ̀ без̾невѣ́стнаѧ , хва́лѧщихъ тѧ спаса́й .

та́же , пᲂе́мъ , стихѣ́ры па́сцѣ , со стихѝ и҆́хъ . сти́хъ : да вᲂскрⷭ҇нетъ бг҃ъ , и҆ про́чїѧ .

сла́ва . гла́съ , є҃ . Ꙗ҆́же ѡ҆ тебѣ̀ пррⷪ҇чествїѧ и҆спо́лнишасѧ , прест҃а́ѧ дв҃о чⷭ҇таѧ . ѻ҆́въ бо тѧ̀ ѿ пррⷪ҇къ две́рь прᲂнаречѐ , къ є҆де́мꙋ зрѧ́щꙋ на вᲂсто́къ , є҆ю́же никто́же про́йде , но то́кмѡ тво́й сᲂдѣ́тель и҆ всегѡ̀ ми́ра . ѻ҆́въ же кꙋпинꙋ̀ ѻ҆гне́мъ гᲂрѧ́щꙋ , ꙗ҆́кѡ в̾ тѧ̀ всели́сѧ ѻ҆́гнь бжⷭ҇твеныи , и҆ не ѡ҆пали́ма пребы́сть . и҆́нъ го́рꙋ ст҃ꙋ́ю , ѿ неѧ́же ᲂу҆сѣче́сѧ ка́мень не рꙋка́ми чл҃ческими , и҆ пᲂразѝ ѻ҆́бразъ мы́сленагѡ навꙋхᲂдᲂнᲂсо́ра . вᲂи́стинꙋ ве́лїе и҆ пресла́внѡ , є҆́же ѡ҆ тебѣ̀ та́инство є҆́сть бцⷣе . тѣ́мже тѧ сла́вимъ . тᲂбо́ю бо бы́сть спасе́нїе дш҃а́мъ на́шимъ . и҆ нн҃ѣ . гла́с̾ , то́йже . Вᲂскрⷭ҇нїѧ де́нь , прᲂсвѣти́мсѧ тᲂржество́мъ , и҆ дрꙋ́гъ дрꙋ́га прїи́мемъ , и҆ рце́мъ бра́тїе , и҆ ненави́дѧщимъ на́съ , прᲂсти́мъ всѧ̀ вᲂскрⷭ҇нїемъ , и҆ та́кѡ вᲂзᲂпїе́мъ , хрⷭ҇то́съ вᲂскр҃се и҆з̾ ме́ртвыхъ , сме́ртїю сме́рть пᲂпра́въ , и҆ сꙋ́щимъ во грᲂбѣ́хъ живо́тъ дарᲂва̀ . хрⷭ҇то́съ вᲂскр҃се , гⷤ .

трᲂпарѝ , бцⷣѣ . сла́ва . Къ бцⷣѣ прилѣ́жно ны́нѣ притеце́мъ грѣ́шнїи , со смире́нїемъ припа́дающе и҆ пᲂкаѧ́нїемъ , вᲂпїю́ще и҆з̾ глꙋбины̀ дш҃е́вныѧ , влⷣчце пᲂмᲂзѝ млрⷭ҇дᲂвавши на ны̀ , пᲂтщи́сѧ ꙗ҆́кѡ и҆згиба́емъ ѿ мно́жества грѣхо́въ , не ѿвратѝ ра́бъ свᲂи́хъ то́щъ , тебе́ бо є҆ди́нꙋ пᲂмо́щницꙋ и҆́мамы .= и҆ ны́нѣ . Не ᲂу҆мᲂлчи́мъ никᲂгда́же бцⷣѣ си́лы твᲂѧ̀ гл҃юще , мы̀ ᲂу҆́бѡ недᲂсто́йнїи . а҆́ще не бы̀ ты̀ пред̾стᲂѧ́ла мᲂлѧ́щисѧ за ны̀ , кто́ бы на́съ и҆зба́вилъ ѿ тᲂли́кихъ бѣ́дъ ; кто́ ли бы на́съ сᲂхрани́лъ и҆ до ны́нѣ свᲂбѡ́дны ; не ѿстꙋ́пимъ ѿ тебѐ влⷣчце , свᲂѧ̀ рабы̀ на́съ спаса́й ѿ всѧ́кїѧ бѣды̀ , є҆ди́на бл҃гᲂслᲂве́наѧ . =пᲂсе́мъ : є҆ктенїѧ̀ : пᲂми́лꙋй на́съ бж҃е . і҆єре́й , вᲂз̾гла́съ . та́же : и҆спо́лнимъ заꙋ́треннїѧ мᲂли́твꙋ . и҆ по вᲂз̾гла́сѣ : сы́и блгⷭ҇ве́нъ . и҆ мы̀ : а҆ми́нь . ᲂу҆твердѝ бж҃е вѣ́рꙋ .

та́же , дїа́кᲂнъ : Премꙋ́дрᲂсть . мы́ же : Хрⷭ҇то́съ вᲂскр҃се и҆з̾ ме́ртвыхъ сме́ртїю на сме́рть настꙋпѝ , и҆ гро́бнымъ живо́тъ дарᲂва̀ .= три́жды , с̾ пᲂкло́нами .= пᲂсе́мъ і҆єре́й твᲂри́тъ , ѿпꙋ́стъ , держа́и крⷭ҇тъ . пᲂе́тъ : Хрⷭ҇то́съ вᲂскр҃се и҆з̾ ме́ртвыхъ , сме́ртїю на сме́рть настꙋпѝ . мы́ же : И҆ гро́бнымъ живо́тъ дарᲂва̀ . і҆єре́й : И҆́стинныи бг҃ъ на́шъ , мл҃твами пречⷭ҇тыѧ є҆гѡ̀ мт҃ре , си́лᲂю чⷭ҇тна́гѡ и҆ живᲂтвᲂрѧ́щагѡ крⷭ҇та̀ , и҆ ст҃ы́хъ сла́вныхъ и҆ всехва́льныхъ а҆пⷭ҇лъ , и҆ всѣ́хъ ст҃ы́хъ пᲂми́лꙋетъ и҆ спасе́тъ на́съ , ꙗ҆́кѡ бл҃гі́и чл҃кᲂлю́бецъ .

та́же , і҆єре́й крⷭ҇тъ вᲂзвыша́ѧ гл҃етъ : Хрⷭ҇то́съ вᲂскр҃се . гⷤ . мы́же : Вᲂи́стинꙋ вᲂскр҃се . гⷤ . и҆ пᲂе́мъ : И҆ =на́мъ дарᲂва̀ живо́тъ вѣ́чныи , пᲂкланѧ́емсѧ тридне́внᲂмꙋ є҆гѡ̀ вᲂскрⷭ҇нїю =[пᲂкло́нъ] .

та́же , а҃ й ча́съ . ꙗ҆́кᲂже ᲂу҆каза́сѧ в̾ нлⷣю на ᲂу҆́трени .

На литꙋргі́и , часо́ве . и҆ а҆нтифо́ны , па́сцѣ . Пᲂвхо́дѣ . хрⷭ҇то́съ вᲂскр҃се , гⷤ . трᲂпа́рь , бцⷣѣ : Къ бцⷣѣ прилѣ́жнѡ . дрꙋгі́и , Не ᲂу҆мᲂлчи́мъ никᲂгда́же . сла́ва , кᲂнда́къ , бцⷣѣ . Не и҆́мамы и҆ны́ѧ по́мᲂщи . и҆ нн҃ѣ , кᲂнда́къ , па́сцѣ . А҆́ще и҆ во́ грᲂбъ сни́де . Вмѣ́сто трⷭ҇та́го . є҆ли́цы во хрⷭ҇та̀ . прᲂки́мен̾ , пѣ́снь бцⷣы . вели́читъ дш҃а мᲂѧ̀ гдⷭ҇а , и҆ вᲂз̾ра́дᲂвасѧ дꙋ́хъ мо́й ѡ҆́ бз҃ѣ сп҃сѣ мᲂе́мъ . сти́хъ : ꙗ҆́кѡ призрѣ̀ на смире́нїе рабы̀ свᲂеѧ̀ , се́бо ѿ ны́нѣ бл҃жа́тъ мѧ̀ всѝ ро́ди . а҆пⷭ҇лъ , въ дѣѧ́нїихъ . заⷱ҇ , д҃ .= и҆ бцⷣѣ , ко є҆вре́ѡмъ . заⷱ҇ , т҃к . а҆ллилꙋ́їѧ . вᲂскрⷭ҇нѝ гдⷭ҇и в̾ пᲂко́й тво́й , ты̀ и҆ кїѡ́тъ ст҃ы́ни твᲂеѧ̀ . сти́хъ : клѧ́тсѧ гдⷭ҇ь дв҃дꙋ и҆́стинᲂю , и҆ не ѿве́ржетсѧ є҆ѧ̀ . =є҆ѵⷢ҇а́лїе , ѿ лꙋкѝ . заⷱ҇ , рг҃і . и҆ бцⷣѣ , ѿ лꙋкѝ . заⷱ҇ , н҃д . прича́стенъ . тѣ́ло хрⷭ҇то́во . дрꙋгі́и , ча́шꙋ спасе́нїѧ прїимꙋ̀ и҆ и҆́мѧ гдⷭ҇не призᲂвꙋ̀ .

А҆́ще ли неприлꙋчи́тсѧ бы́ти литꙋргі́и , часы̀ пᲂе́мъ па́сцѣ по ѡ҆бы́чаю . Бл҃же́нны , на и҃ . па́сцѣ , пѣ́снь , д҃ ѧ . и҆ бцⷣѣ , пѣ́снь , ѕ҃ ѧ . А҆пⷭ҇лъ , и҆ є҆ѵⷢ҇а́лїе , вышепи́саннѡ . По ѻ҆сла́би , кᲂнда́къ , па́сцѣ . сла́ва , и҆ нн҃ѣ . кᲂнда́къ , бцⷣѣ . и҆ про́чаѧ ꙗ҆́кᲂже ᲂу҆каза́сѧ в̾ недѣ́лю па́схи .