ВО ВТО́РНИКЪ СВѢ́ТЛЫѦ НЕДѢ́ЛИ ,

пра́зднꙋемъ пра́здникъ прест҃ы́ѧ влⷣчцы на́шеѧ бцⷣы , и҆ при́снѡ дв҃ы мр҃і́и ѻ҆диги́трїи . ꙗ҆́же тᲂлкꙋ́етсѧ крѣ́пкаѧ пᲂмо́щница .

Въ пнⷣе свѣ́тлыѧ нлⷣи ве́черъ , на ма́лᲂй вече́рни . і҆єре́й : блгⷭ҇ве́нъ бг҃ъ на́шъ . мы́ же : а҆ми́нь . та́же , і҆єре́й : Хрⷭ҇то́съ вᲂскр҃се и҆з̾ ме́ртвыхъ сме́ртїю на сме́рть настꙋпѝ , и҆ гро́бнымъ живо́тъ дарᲂва̀ ,= вⷤ . Х=рⷭ҇то́съ вᲂскр҃се и҆з̾ ме́ртвыхъ сме́ртїю на сме́рть настꙋпѝ . мы́ же : =и҆ =гро́бнымъ живо́тъ дарᲂва̀ . мы́ же : хрⷭ҇то́съ вᲂскр҃се , гⷤ .

сти́хъ , а҃ . Да вᲂскрⷭ҇нетъ бг҃ъ , и҆ разы́дꙋтсѧ вразѝ є҆гѡ̀ .= м=ы́ же : хрⷭ҇то́съ вᲂскр҃се , аⷤ .

сти́хъ , в҃ . Ꙗ҆́кѡ и҆счеза́етъ ды́мъ да и҆сче́знꙋтъ . мы́ же : хрⷭ҇то́съ вᲂскр҃се , аⷤ .

сти́хъ , г҃ . Та́кѡ да пᲂги́бнꙋтъ грѣ́шницы ѿ лица̀ бж҃їѧ , а҆ пра́ведницы вᲂз̾веселѧ́тсѧ .

мы́ же : хрⷭ҇то́съ вᲂскр҃се , аⷤ .

сти́хъ , д҃ . Се́й дн҃ь и҆́же сᲂтвᲂрѝ гдⷭ҇ь , вᲂз̾ра́дꙋемсѧ и҆ вᲂз̾весели́мсѧ во́нь .

мы́ же : хрⷭ҇то́съ вᲂскр҃се , аⷤ .

сла́ва . мы́ же : хрⷭ҇то́съ вᲂскр҃се , аⷤ .

и҆ ны́нѣ . мы́ же : хрⷭ҇то́съ вᲂскр҃се , аⷤ .

і҆єре́й пᲂе́тъ : Хрⷭ҇то́съ вᲂскр҃се и҆з̾ ме́ртвыхъ , сме́ртїю на сме́рть настꙋпѝ .

мы́ же : и҆ гро́бнымъ живо́тъ дарᲂва̀ . та́же , є҆ктенїѧ̀ вели́каѧ . пᲂ а҆ми́нѣ . гдⷭ҇и вᲂзва́хъ . без̾пѣ́нїѧ ,= на́ гдⷭ҇и вᲂзва́хъ , стⷯры , бцⷣѣ , на д҃ . гла́съ , а҃ .= Оу҆бл҃жа́емъ тѧ ро́ди всѝ дв҃ᲂ чи́стаѧ бг҃ᲂневѣ́стнаѧ . є҆ди́на бᲂ ты̀ въ жена́хъ бг҃ᲂꙋкра́шена ꙗ҆ви́сѧ цр҃кви цр҃ѧ нбⷭ҇нагᲂ , преꙋкра́шена дх҃ᲂмъ ст҃ы́мъ . невмѣсти́мыи бᲂ и҆ неприкᲂснᲂве́нныи , во́ чревѣ твᲂе́мъ написа́етсѧ пло́тїю . и҆ нᲂси́мыи на херꙋви́мѣхъ стра́шнѡ , ѿ сᲂсцꙋ̀ твᲂе́ю живᲂто́чнᲂю пита́етсѧ , ꙗ҆́кѡ ѻ҆трᲂча̀ нᲂвᲂѧвле́ннѡ . бг҃ъ бᲂ сы́и спᲂдо́бисѧ за милᲂсе́рдїе , сᲂверше́нᲂ вᲂѡбрази́тисѧ тᲂбо́ю въ чл҃чествᲂ . и҆ пᲂда́ти є҆мꙋ̀ бжⷭ҇тва̀ дᲂстᲂѧ́нїе . є҆го́же ꙗ҆́кѡ сн҃а свᲂегѡ̀ и҆ гдⷭ҇а , мт҃рьнимъ присвᲂе́нїемъ бл҃гᲂпᲂслꙋшли́ва и҆мꙋ́щи , непреста́й прⷭ҇нѡ мᲂлѧ́щи прилѣ́жнѡ , да спасе́тъ дш҃а на́ша . два́жды . Въ ржⷭ҇тво̀ твᲂѐ прест҃а́ѧ бцⷣе дв҃ᲂ , нача́ша сбыва́тисѧ бг҃ᲂгла́сныхъ мꙋ́жъ пррⷪ҇чествїѧ . дв҃дъ бᲂ тво́й пра́ѻ҆ц҃ъ ски́нїю тѧ наречѐ ст҃ы́ни . прᲂцвѣте́ же же́злъ і҆єссе́ѡвъ , пᲂ и҆са́їи . гᲂра́ же ꙗ҆ви́сѧ мы́сленаѧ , пᲂ данїи́лꙋ . две́рь же тѧ ви́дѧше свѣтᲂви́днꙋю , і҆єзекі́иль . и҆з̾ неѧ́же вᲂсїѧ̀ на́мъ пра́веднᲂе сл҃нце хрⷭ҇то́съ , и҆мѣ́ѧи ве́лїю млⷭ҇ть . Въ дѣви́ческᲂе тᲂржество̀ , дне́сь бра́тїе да взыгра́етсѧ тва́рь , и҆ да ликᲂствꙋ́етъ чл҃чествᲂ . сᲂзва́ бᲂ ны ст҃а́ѧ бцⷣа , нескве́рныи сᲂсꙋ́дъ дв҃ьства . слᲂве́сныи втᲂра́гѡ а҆да́ма ра́й . хра́мъ сᲂедине́нїѧ є҆стествꙋ̀ . тᲂржество̀ спасе́нагѡ сᲂвᲂкꙋпле́нїѧ . черто́гъ , въ не́мже сло́вᲂ ᲂу҆невѣ́сти пло́ть . пᲂи́стинѣ ле́гкїи ѻ҆́блакъ , и҆́же над̾ херꙋви́мы сꙋ́щагᲂ с̾ пло́тїю пᲂне́сши . тᲂѧ̀ мᲂли́твами хрⷭ҇тѐ бж҃е на́шъ , спасѝ дш҃а на́ша . сла́ва , и҆ ны́нѣ . гла́съ , є҃ . Бг҃ᲂлѣ́пнꙋю и҆ всечестнꙋ́ю дв҃ꙋ пᲂчте́мъ , пречестнѣ́йшꙋ херꙋви́мъ . сᲂдѣ́тель бᲂ всѣ́хъ вᲂчл҃читисѧ вᲂсхᲂтѣ́въ , в̾ не́й всели́сѧ неи҆з̾рече́ннѡ . Ѽ стра́нныхъ веще́й , и҆ пресла́вныхъ та́инъ . кто̀ не ᲂу҆диви́тсѧ ѡ҆ се́мъ , ꙗ҆́кѡ бг҃ъ чл҃къ бы́сть , и҆ смꙋще́нїѧ в̾ не́мъ небы́сть . є҆стества̀ две́ри ѿве́рзе , и҆ скве́рны в̾ не́й не ѡ҆ста́ви . ꙗ҆́кᲂже прᲂро́къ гл҃аше , челᲂвѣ́къ и҆́ми непро́йдетъ никᲂгда́же . нᲂ то́кмѡ є҆ди́нъ гдⷭ҇ь бг҃ъ і҆и҃левъ , и҆мѣ́ѧи при́снѡ бᲂга́тꙋю млⷭ҇ть .

таⷤ , свѣ́те ти́хїи , без̾ пѣ́нїѧ . прᲂки́менъ . Бг҃ъ на́шъ на́ нб҃си и҆ на землѝ , всѧ̀ є҆ли́ка вᲂсхᲂтѣ̀ и҆ сᲂтвᲂрѝ . сти́хъ . Вᲂ и҆схо́дѣ і҆и҃левѣ ѿ є҆гѵ́пта до́мꙋ і҆а́кѡвлѧ , и҆з̾ люді́й ва́рваръ , бы́сть і҆ꙋде́ѧ ст҃ы́нѧ є҆гѡ̀ . та́же , спᲂдо́би гдⷭ҇и в̾ ве́черъ .

На стихо́внѣ , стихѣ́ры . гла́съ , в҃ . Ки́ми хꙋды́ми ᲂу҆стна́ми ᲂу҆бл҃жи́мъ бцⷣꙋ . честнѣ́йшꙋю тва́ри , ст҃ѣ́йшꙋ сꙋ́щꙋ херꙋви́мъ и҆ всѣ́хъ а҆́нг҃лъ . прⷭ҇то́лъ цр҃е́въ непᲂкᲂлѣби́мыи . до́мъ , в̾ не́мже всели́сѧ вы́шнїи . спасе́нїе ми́рꙋ , бж҃їе ѡ҆сщ҃е́нїе . пᲂдаю́щꙋ вѣ́рнымъ , в̾ бжⷭ҇твенѣй па́мѧти є҆ѧ̀ бᲂга́тнѡ , ве́лїю ми́лᲂсть .

сти́хъ : слы́ши дщѝ и҆ ви́ждь ,꙳ и҆ приклᲂнѝ ᲂу҆́хᲂ твᲂѐ . Ра́дꙋисѧ бцⷣе прⷭ҇та́ѧ дв҃ᲂ . превѣ́чныи бᲂ є҆динᲂро́дныи сн҃ъ ѻ҆ч҃ь , в̾ пᲂслѣ́днѧѧ и҆з̾ тебѐ є҆динᲂча́дъ . не ѿ́мꙋжа , нᲂ ѿ ст҃а́гѡ дх҃а рᲂди́сѧ , вᲂ двᲂю̀ є҆стествꙋ̀ то́й са́мыи сн҃ъ . ѻ҆́вᲂ ᲂу҆́бѡ сы́и ѿ ѻ҆ц҃а , сᲂверше́нъ бг҃ъ . ѻ҆́ч҃а же є҆стества̀ не ѡ҆скꙋ́днᲂ в̾ себѣ̀ нᲂсѧ̀ сво́йствᲂ . ѻ҆́вᲂ же ᲂу҆́бѡ бы́въ и҆з̾ тебѐ сᲂверше́нъ чл҃къ , чл҃ческагѡ сꙋщества̀ цѣ́ла вᲂспрїи́мъ , ꙗ҆́кѡ милᲂсе́рдъ зна́менїѧ . тѣ́мже двѣма̀ є҆стество́ма є҆гѡ̀ , и҆ дѣ́тельма є҆сте́ственыма и҆ хᲂтѣ́нїемъ сказꙋ́етсѧ . слᲂве́снагѡ бᲂ є҆стества̀ сїѧ̀ сво́йства . и҆ прᲂтивле́нїѧ зако́ннагѡ ѿрица́ющесѧ , правᲂвѣ́рнѡ прᲂпᲂвѣ́даемъ , є҆ди́нᲂгᲂ тᲂго̀ самᲂго̀ сн҃а хрⷭ҇та̀ и҆ гдⷭ҇а . тᲂго̀ ᲂу҆́бѡ мᲂлѝ бл҃гᲂслᲂве́наѧ мр҃і́е , ᲂу҆пᲂва́нїе спасе́нїѧ на́шегѡ , да спасе́тъ дш҃а на́ша .

сти́хъ : лицꙋ̀ твᲂемꙋ̀ пᲂмо́лѧтсѧ ,꙳ бᲂга́тїи лю́дьстїи . Сꙋ́щагᲂ сᲂ ѻ҆ц҃е́мъ , и҆ с̾ прⷭ҇нᲂсꙋ́щнагᲂ ржⷭ҇тва̀ сн҃а є҆динᲂча́дагᲂ , ро́ждьшасѧ па́ки и҆з̾ тебѐ бракᲂнеи҆скꙋ́снѡ , и҆спᲂвѣ́даемъ прⷭ҇нѡ дв҃ᲂ . непремѣ́ньша непрело́жша свᲂегѡ̀ без̾стра́стнагѡ бжⷭ҇тва̀ . смᲂтрели́внѣ же и҆ бжⷭ҇твенѣ чл҃чествᲂ ᲂу҆сво́ивша . є҆ди́нᲂгᲂ тᲂго̀ самᲂго̀ вкꙋпᲂсꙋ́щественѣ прᲂше́дша не непᲂдо́бна на́мъ . ꙗ҆́кᲂже неи҆зрече́ннѡ сᲂдѣ́лавъ сᲂедине́нїе , ра́звѣ прелᲂже́нїѧ и҆ смѣше́нїѧ . и҆́же ᲂу҆́бѡ бжⷭ҇твенаѧ дѣ́ѧ ꙗ҆́кѡ бг҃ъ , то́й са́мъ и҆ чл҃ческаѧ пᲂстрада̀ ꙗ҆́кѡ чл҃къ . нбⷭ҇нꙋю на́мъ ѡ҆бнᲂви́въ жи́знь . к̾ немꙋ́же бг҃ᲂблаже́ннаѧ , бꙋ́ди на́шимъ прегрѣше́нїемъ мно́гимъ прᲂще́нїе и҆ ѿпꙋще́нїе . мт҃и бᲂ вᲂи́стинꙋ ꙗ҆ви́сѧ бж҃їѧ , смирѧ́ющагѡ всѧ́ческаѧ .

сла́ва . гла́съ , г҃ . Две́ри ᲂу҆́бѡ дв҃ьства , вᲂпло́щьсѧ не ѿве́рзлъ є҆сѝ гдⷭ҇и . гро́бныхъ же печа́тей вᲂскр҃съ ѿ́ грᲂба неразрꙋшѝ . бг҃ъ бᲂ є҆сѝ и҆́стиненъ , а҆́ще и҆ є҆стество̀ чл҃ческᲂе вᲂспрїѧ́тъ , бы́въ пᲂ на́съ . тѣ́мъ ти вᲂпїе́мъ . распны́исѧ и҆ пᲂгребы́исѧ и҆ вᲂскр҃съ , гдⷭ҇и сла́ва тебѣ̀ .

и҆ нн҃ѣ . гла́съ , є҃ . Вᲂскрⷭ҇нїѧ де́нь , прᲂсвѣти́мсѧ тᲂржество́мъ , и҆ дрꙋ́гъ дрꙋ́га прїи́мемъ , и҆ рце́мъ бра́тїе , и҆ ненави́дѧщимъ на́съ , прᲂсти́мъ всѧ̀ вᲂскрⷭ҇нїемъ , и҆ та́кѡ вᲂзᲂпїе́мъ , хрⷭ҇то́съ вᲂскр҃се и҆з̾ ме́ртвыхъ , сме́ртїю сме́рть пᲂпра́въ , и҆ сꙋ́щимъ вᲂ грᲂбѣ́хъ живо́тъ дарᲂва̀ .

Хрⷭ҇то́съ вᲂскр҃се и҆з̾ме́ртвыхъ сме́ртїю на сме́рть настꙋпѝ , и҆ гро́бнымъ живо́тъ дарᲂва̀ , гⷤ .

трᲂпарѝ , бцⷣѣ . сла́ва . Къ бцⷣѣ прилѣ́жнѡ ны́нѣ притеце́мъ грѣ́шнїи , сᲂ смире́нїемъ припа́дающе и҆ пᲂкаѧ́нїемъ , вᲂпїю́ще и҆з̾ глꙋбины̀ дш҃е́вныѧ , влⷣчце пᲂмᲂзѝ млрⷭ҇дᲂвавши на ны̀ , пᲂтщи́сѧ ꙗ҆́кѡ и҆згиба́емъ ѿ мно́жества грѣхо́въ , не ѿвратѝ ра́бъ свᲂи́хъ то́щь , тебе́ бᲂ є҆ди́нꙋ пᲂмо́щницꙋ и҆́мамы .= и҆ ны́нѣ . Н=е ᲂу҆мᲂлчи́мъ никᲂгда́же бцⷣѣ си́лы твᲂѧ̀ гл҃юще , мы̀ ᲂу҆́бѡ недᲂсто́йнїи . а҆́ще не бы̀ ты̀ пред̾стᲂѧ́ла мᲂлѧ́щисѧ за ны̀ , кто́ бы на́съ и҆зба́вилъ ѿ тᲂли́кихъ бѣ́дъ ; кто́ ли бы на́съ сᲂхрани́лъ и҆ дᲂ ны́нѣ свᲂбѡ́дны ; не ѿстꙋ́пимъ ѿ тебѐ влⷣчце , свᲂѧ̀ рабы̀ на́съ спаса́й ѿ всѧ́кїѧ бѣды̀ , є҆ди́на бл҃гᲂслᲂве́наѧ .

та́же , є҆ктенїѧ̀ ма́лаѧ . та́же , дїа́кᲂнъ : премꙋ́дрᲂсть . мы́ же пᲂе́мъ : Хрⷭ҇то́съ вᲂскр҃се и҆з̾ ме́ртвыхъ сме́ртїю на сме́рть настꙋпѝ , и҆ гро́бнымъ живо́тъ дарᲂва̀ .= три́жды , с̾ пᲂкло́нами . =пᲂсе́мъ і҆єре́й : Хрⷭ҇то́съ вᲂскр҃се и҆з̾ ме́ртвыхъ , сме́ртїю на сме́рть настꙋпѝ . мы́ же : И҆ гро́бнымъ живо́тъ дарᲂва̀ . и҆ ѿпꙋ́стъ .

На вели́цѣй вече́рни , пᲂ внегда̀ пᲂкади́ти і҆єре́ю , и҆ пᲂ є҆́же рещѝ є҆мꙋ̀ . Сла́ва ст҃ѣ́й и҆ є҆динᲂсꙋ́щнѣй . мы́ же : а҆ми́нь . та́же , і҆єре́й пᲂе́тъ : Хрⷭ҇то́съ вᲂскр҃се и҆з̾ ме́ртвыхъ сме́ртїю на сме́рть настꙋпѝ , и҆ гро́бнымъ живо́тъ дарᲂва̀ ,= вⷤ . Х=рⷭ҇то́съ вᲂскр҃се и҆з̾ ме́ртвыхъ сме́ртїю на сме́рть настꙋпѝ . мы́ же : =и҆ =гро́бнымъ живо́тъ дарᲂва̀ . мы́ же : хрⷭ҇то́съ вᲂскр҃се , гⷤ .

и҆ про́чаѧ , ꙗ҆́кᲂже пи́санᲂ в̾ нлⷣю на вече́рни . та́же , є҆ктенїѧ̀ вели́каѧ .

На гдⷭ҇и вᲂзва́хъ , стⷯры , на́ і҃ . вᲂскрⷭ҇ны , на д҃ . и҆ бцⷣѣ , на ѕ҃ .= стихѣ́ры , вᲂскрⷭ҇ны , гла́съ , г҃ . Твᲂи́мъ крⷭ҇то́мъ хрⷭ҇тѐ сп҃се , сме́рти держа́ва разрꙋши́сѧ , и҆ дїа́вᲂлѧ ле́сть ᲂу҆праздни́сѧ . ро́дъ же чл҃ческїи вѣ́рᲂю спаса́емь , пѣ́снь ти всегда̀ прино́ситъ . Прᲂсвѣти́шасѧ всѧ́ческаѧ , вᲂскрⷭ҇нїемъ твᲂи́мъ гдⷭ҇и , и҆ ра́й па́ки ѿве́рзесѧ . всѧ́ же тва́рь вᲂсхвалѧ́ющи тѧ , пѣ́снь ти всегда̀ прино́ситъ . Сла́влю ѻ҆ц҃а и҆ сн҃а си́лꙋ , и҆ ст҃а́гѡ дх҃а пᲂю̀ влады́чествᲂ , нераздѣ́льнᲂ и҆ несᲂзда́ннᲂ бжⷭ҇тво̀ , трⷪ҇цꙋ є҆динᲂсꙋ́щнꙋю , црⷭ҇твꙋющꙋю во́ вѣки вѣкѡ́мъ . Крⷭ҇тꙋ̀ твᲂемꙋ̀ чⷭ҇тно́мꙋ пᲂклᲂнѧ́емсѧ хрⷭ҇тѐ , и҆ вᲂскрⷭ҇нїе твᲂѐ пᲂе́мъ и҆ сла́вимъ . ра́нᲂю бᲂ твᲂе́ю мы̀ всѝ и҆сцѣлѣ́хᲂмъ . И҆́ны стихѣ́ры , бцⷣѣ . гла́съ , ѕ҃ . Дᲂсто́йнѡ є҆́сть ꙗ҆́кѡ вᲂи́стинꙋ блажи́ти тѧ бцⷣе . въ твᲂе́ бᲂ пречⷭ҇таѧ всели́всѧ чре́вᲂ всѣ́хъ сᲂдѣ́тель , бы́сть пло́ть непревра́щь є҆стества̀ . ни привидѣ́нїемъ смᲂтре́нїѧ . нᲂ и҆з̾ тебѐ зача́тсѧ прїе́мъ сло́вᲂ бж҃їе ѡ҆дш҃евле́нꙋю пло́ть . и҆ в̾ не́мъ є҆́же бы́ти прїѧ́тъ сᲂедини́сѧ пᲂ сᲂста́вꙋ . тѣ́мже бл҃гᲂчести́внѡ двѣ̀ є҆стествѣ̀ ꙗ҆влѧ́юще , разли́чїемъ хрⷭ҇та̀ и҆спᲂвѣ́дающе . ни смꙋще́нїѧ бᲂ сᲂедине́нїю наꙋча́емъ , ни раздѣле́нїѧ разли́чїю сᲂтвᲂрѧ́емъ . тᲂго̀ мᲂлѝ чⷭ҇таѧ и҆ прест҃а́ѧ , пᲂсла́ти на́мъ ми́ръ и҆ ве́лїю ми́лᲂсть . =два́жды . Прїиди́те всѝ ꙗ҆зы́цы , гла́сᲂмъ ра́дᲂванїѧ прест҃ꙋ́ю дв҃ꙋ и҆ бцⷣꙋ вᲂзвели́чимъ . челᲂвѣ́ческагᲂ сꙋ́щества рᲂди́тельницꙋ . неи҆зрече́нныхъ чꙋде́съ сᲂдѣ́тельницꙋ . в̾ не́й бᲂ бы́ша но́ва . без̾нача́льныи зачина́етсѧ , сло́вᲂ ѡ҆дебелѣва́етъ . и҆ бг҃ъ чл҃къ быва́етъ , да чл҃къ бг҃ъ бꙋ́детъ . несмꙋще́нїемъ є҆стествꙋ̀ , нᲂ сᲂедине́нїемъ пᲂ сᲂста́вꙋ . и҆схо́дитъ бᲂ є҆ди́нъ ѿ ѻ҆бᲂю̀ прᲂти́вныхъ , вᲂ двᲂю̀ сᲂверше́нꙋ є҆стествꙋ̀ . неразли́чнѡ сказа́емъ . рачи́тельнѣ же и҆ дѣ́тельнѣ , пᲂ ко́емꙋждᲂ сꙋ́ществꙋ , то́й са́мъ и҆́стиннᲂе ᲂу҆вѣрѧ́ѧ спасе́нагѡ смᲂтре́нїѧ хрⷭ҇то́съ бг҃ъ на́шъ . пᲂдаѧ́и ми́рꙋ ѡ҆чище́нїе , ми́ръ и҆ ве́лїю млⷭ҇ть .= два́жды . Не и҆з̾глаго́лютъ ᲂу҆ста̀ , ни разꙋмѣ́етъ ᲂу҆́мъ , преди́внагѡ ржⷭ҇тва̀ твᲂегѡ̀ чⷭ҇таѧ . всѣ́хъ бᲂ твᲂре́цъ прⷭ҇нѡ сы́и сᲂ ѻ҆ц҃е́мъ , за млрⷭ҇дїе и҆злива́етсѧ . и҆ вᲂплᲂща́етсѧ во́ чревѣ твᲂе́мъ та́йнѡ . бжⷭ҇твꙋ̀ пло́ть сᲂеди́ньшисѧ . и҆ тᲂю̀ пло́тїю вᲂ є҆ди́нᲂмъ сᲂста́вѣ , лꙋ́чшемꙋ преѡдᲂлѣ́вшꙋ . ника́кᲂже ꙗ҆́вѣ , ꙗ҆́кѡ в̾веде́нꙋ размѣше́нїю смꙋще́нїе . лѝ смѣше́нїе ᲂу҆ста́внагѡ ра́ди сᲂедине́нїѧ , па́че бᲂ є҆стества̀ бы́вша . є҆ди́нъ и҆ то́йже прᲂше́дъ , бг҃ъ сᲂверше́нъ вкꙋ́пѣ и҆ чл҃къ . ко́егᲂждᲂ сꙋ́щества , сво́йства ᲂу҆вѣрѧ́ѧ та́иньствᲂ . Ѽ но́вᲂмꙋ чꙋдесѝ . ѽ пресла́внᲂмꙋ ржⷭ҇твꙋ̀ . є҆стества̀ ѡ҆бнᲂвлѧ́ютсѧ , бг҃ꙋ ꙗ҆́вльшꙋсѧ на землѝ . тᲂго̀ пренепᲂро́чнаѧ невѣ́стᲂ мᲂлѝ непреста́ннѡ , да спасе́тъ дш҃а на́ша . два́жды . сла́ва . гла́съ , є҃ . Є҆=ди́нствᲂ трисᲂста́внᲂе , трⷪ҇цꙋ є҆динᲂсꙋ́щнꙋ въ тре́хъ ст҃ы́нѧхъ , вᲂ є҆ди́нᲂ схᲂдѧ́щꙋсѧ гдⷭ҇ьствᲂ сла́вимъ . ст҃ъ , ст҃ъ , ст҃ъ гдⷭ҇ь си́ламъ . є҆ди́нствᲂ бᲂ ко́еждᲂ бг҃ᲂнача́льныхъ сᲂста́въ прᲂпᲂвѣ́даемъ . сᲂвᲂкꙋпле́нїемъ же несмѣ́снᲂ пребжⷭ҇твенᲂе , є҆динᲂнача́льнᲂе вᲂз̾вѣща́юще бжⷭ҇тво̀ . ни трист҃о́е бᲂ є҆ди́нᲂ сᲂста́внᲂ , ни трисꙋ́щественᲂе реко́хᲂмъ сꙋщества̀ . ни стра́сти прилага́емъ , без̾стра́стнᲂмꙋ бжⷭ҇твꙋ̀ . нᲂ и҆спᲂвѣ́даемъ є҆динᲂро́днагᲂ сн҃а бг҃а ѿ ѻ҆ц҃а без̾ мт҃ре пре́жде вѣ́къ . и҆ и҆з̾ мт҃ре без̾ ѻ҆ц҃а вᲂплᲂти́вшасѧ гдⷭ҇а . распе́ньшажесѧ пло́тїю , без̾ стрⷭ҇тна же и҆ стрⷭ҇тна . со́здана и҆ несо́здана . тᲂго̀ самᲂго̀ бг҃а вкꙋ́пѣ и҆ чл҃ка . вᲂ двᲂю̀ є҆стествꙋ̀ , самᲂвла́стнѡ хᲂтѧ́ща , и҆ дѣ́йствꙋюща ꙗ҆́вѣ , пᲂ ѡ҆бѣ́ма є҆гѡ̀ нераздѣ́льныма є҆стество́ма . тᲂго̀ мᲂлѝ чⷭ҇таѧ и҆ преблаже́ннаѧ , спастѝ дш҃а на́ша .

и҆ ны́нѣ . гла́съ , г҃ . Ка́кѡ недиви́мсѧ , бг҃ᲂмꙋ́жнᲂмꙋ твᲂемꙋ̀ ржⷭ҇твꙋ̀ пречⷭ҇таѧ , и҆скꙋше́нїѧ бᲂ мꙋ́жеска непрїе́мши всенепᲂро́чнаѧ , рᲂдила̀ є҆сѝ без̾ ѻ҆ц҃а сн҃а пло́тїю , и҆́же пре́жде вѣ́къ рᲂжде́ннагѡ ѿ ѻ҆ц҃а без̾ мт҃ре , ника́кᲂже претерпѣ́вша и҆змѣне́нїѧ , ли смѣше́нїѧ , ли раздѣле́нїѧ , нᲂ вᲂ ѻ҆бᲂю̀ сꙋществꙋ̀ , сво́йствᲂ цѣ́лᲂ сᲂхра́ньша . тѣ́мже мт҃и дв҃ᲂ влⷣчце , тᲂгѡ̀ мᲂлѝ спастѝ дш҃а , и҆́же правᲂсла́внѡ , бцⷣꙋ тѧ̀ и҆спᲂвѣ́дающихъ .

Вы́хᲂдъ , съ кади́лᲂмъ .= та́же , Свѣ́те ти́хїи . та́же , Прᲂки́менъ вели́кїи . гла́съ , з҃ . Бг҃ъ на́шъ на́ нб҃си и҆ на землѝ , всѧ̀ є҆ли́ка вᲂсхᲂтѣ̀ и҆ сᲂтвᲂрѝ . =сти́хъ . Вᲂ и҆схо́дѣ і҆и҃левѣ ѿ є҆гѵ́пта до́мꙋ і҆а́кѡвлѧ , и҆з̾ люді́й ва́рваръ , бы́сть і҆ꙋде́ѧ ст҃ы́нѧ є҆гѡ̀ . сти́хъ . Мо́ре ви́дѣ и҆ пᲂбѣжѐ , і҆ѡрда́нъ вᲂзврати́сѧ вспѧ́ть . сти́хъ . Что́ ти бы́сть мо́ре да пᲂбѣжѐ , и҆ тебѣ̀ і҆ѡрда́не ꙗ҆́кѡ вᲂзврати́сѧ вспѧ́ть . та́же , Бг҃ъ на́шъ на́ нб҃си и҆ на землѝ , всѧ̀ є҆ли́ка вᲂсхᲂтѣ̀ и҆ сᲂтвᲂрѝ .

Ѿ= бытїѧ̀ , чте́нїе .=

И҆зы́де і҆а́кѡвъ ѿ стꙋденца̀ клѧ́твеннагѡ , и҆ и҆́де въ харра́нь , и҆ ѡ҆брѣ́те мѣ́стᲂ , и҆ ста̀ тꙋ̀ . заше́дшꙋ же сл҃нцꙋ , взѧ́тъ ѿ ка́менїѧ мѣ́ста тᲂгѡ̀ , и҆ пᲂлᲂжѝ є҆̀ в̾ вᲂз̾гла́вїе себѣ̀ . и҆ спа̀ на мѣ́стѣ то́мъ , и҆ со́нъ ви́дѣ . и҆ сѐ лѣ́ствица ᲂу҆твержена̀ на землѝ , є҆́й же глава̀ дᲂсѧза́ше дᲂ небесѐ . и҆ а҆́нг҃ли бж҃їи вᲂз̾хᲂжда́хꙋ , и҆ низ̾хᲂжда́хꙋ пᲂ не́й . гдⷭ҇ь же ᲂу҆твержа́шесѧ на не́й , и҆ речѐ , а҆́зъ бг҃ъ а҆враа́мѡвъ ѻ҆ц҃а твᲂегѡ̀ , и҆ бг҃ъ і҆саа́кѡвъ , небо́йсѧ . землѧ̀ на не́й же ты̀ спи́ши , тебѣ̀ да́мъ ю҆̀ , и҆ сѣ́мени твᲂемꙋ̀ . и҆ бꙋ́детъ сѣ́мѧ твᲂѐ , ꙗ҆́кѡ пѣсо́къ земны́и , и҆ распрᲂстрани́тсѧ на́ мᲂре , и҆ на ли́вꙋ , на сѣ́веръ , и҆ вᲂсто́къ . и҆ бл҃гᲂслᲂвѧ́тсѧ ѡ҆ тебѣ̀ всѧ̀ кᲂлѣ́на земна́ѧ , и҆ ѡ҆ сѣ́мени твᲂе́мъ . и҆ сѐ а҆́зъ с̾ тᲂбо́ю , сᲂхранѧ́ѧи тѧ̀ на всѧ́кᲂмъ пꙋтѝ , а҆́мᲂже а҆́ще по́йдеши . и҆ вᲂз̾вращꙋ́ тѧ в̾ зе́млю сїю̀ , ꙗ҆́кѡ не ѡ҆ста́влю тебѐ , до́ндеже сᲂтвᲂри́ти ми всѧ̀ є҆ли́ка гл҃ахъ тѝ . и҆ вᲂста́въ і҆а́кѡвъ ѿ сна̀ свᲂегѡ̀ , и҆ речѐ , ꙗ҆́кѡ є҆́сть гдⷭ҇ь на мѣ́стѣ се́мъ , а҆́зъ же невѣ́дѣхъ . и҆ ᲂу҆бᲂѧ́сѧ , и҆ речѐ , ꙗ҆́кѡ стра́шнᲂ мѣ́стᲂ сѐ , нѣ́сть сѐ , нᲂ до́мъ бж҃їи , и҆ сі́ѧ врата̀ небе́снаѧ .

Ѿ= пррⷪ҇чества і҆єзекі́илева , чте́нїе .=

Бꙋ́детъ ѿ ѻ҆сма́гѡ днѐ и҆ про́чее , сᲂтвᲂрѧ́тъ і҆єре́и , на ѻ҆лтарѝ всесᲂжже́нїѧ ва́ша , и҆́же спасе́нїѧ ва́шегѡ , и҆ прїимꙋ̀ вы̀ гл҃етъ гдⷭ҇ь бг҃ъ . и҆ ѡ҆брати́ мѧ на пꙋ́ть вра́тъ ст҃ы́хъ внѣ́шнихъ , зрѧ́щихъ на вᲂсто́къ , и҆ сїѧ̀ бѧ́хꙋ затвᲂре́на . и҆ речѐ гдⷭ҇ь кᲂ мнѣ̀ , врата̀ сїѧ̀ затвᲂре́на бꙋ́дꙋтъ , и҆ не ѿве́рзꙋтсѧ . и҆ никто́же про́йдетъ сквᲂзѣ̀ и҆́хъ , ꙗ҆́кѡ гдⷭ҇ь бг҃ъ і҆и҃левъ вни́детъ и҆́ми , и҆ бꙋ́дꙋтъ затвᲂре́на . занѐ и҆гꙋ́менъ се́й сѧ́детъ въ ни́хъ снѣ́сти хлѣ́бъ . пᲂ пꙋтѝ є҆ла́мскихъ вра́тъ вни́детъ , и҆ пᲂ пꙋтѝ є҆гѡ̀ и҆зы́детъ . и҆ введе́ мѧ на пꙋ́ть вра́тъ ст҃ы́хъ , и҆́же к̾ сѣ́верꙋ прѧ́мѡ хра́мꙋ . и҆ ви́дѣхъ , и҆ сѐ и҆спо́лнисѧ сла́вы хра́мъ гдⷭ҇нь .

Ѿ= при́тчей , чте́нїе .=

Премꙋ́дрᲂсть сᲂзда̀ себѣ̀ хра́мъ , и҆ ᲂу҆твердѝ сто́лпъ се́дмь . закла̀ свᲂѧ̀ же́ртвенаѧ , и҆ черпа̀ в̾ ча́ши свᲂе́й вино̀ , и҆ ᲂу҆гᲂто́ва свᲂю̀ трапе́зꙋ . пᲂсла̀ свᲂѧ̀ рабы̀ , сᲂзыва́ющи съ высо́кимъ прᲂпᲂвѣ́данїемъ на ча́шꙋ , гл҃ющи , и҆́же є҆́сть безꙋ́менъ , да ᲂу҆клᲂни́тсѧ кᲂ мнѣ̀ . и҆ тре́бꙋющимъ ᲂу҆ма̀ речѐ , прїиди́те и҆ ꙗ҆ди́те мо́й хлѣ́бъ , и҆ пі́йте вино̀ є҆́же че́рпахъ ва́мъ . ѡ҆ста́вите безꙋ́мїе , и҆ жи́ви бꙋ́дете . взыщи́те премꙋ́дрᲂсть , да пᲂживетѐ . и҆спра́вите вѣ́дѣнїи в̾ ра́зꙋмѣ . кажа́и ѕлы́ѧ , прїе́млетъ себѣ̀ без̾че́стїе . ѡ҆блича́ѧи же нечести́вагᲂ пᲂрече́тъ себѐ . ѡ҆бличе́нїе бᲂ нечести́вᲂмꙋ мᲂзо́лїе є҆мꙋ̀ . не ѡ҆блича́й ѕлы́хъ , да не вᲂз̾ненави́дѧтъ тебѐ . ѡ҆блича́й премꙋ́дра , и҆ вᲂзлю́битъ тѧ . да́й премꙋ́дрꙋ винꙋ̀ , и҆ премꙋ́дрѣе бꙋ́детъ . сказа́й пра́веднᲂмꙋ , и҆ прилᲂжи́тъ прїима́ти . зача́лᲂ премꙋ́дрᲂсти , стра́хъ гдⷭ҇нь , и҆ свѣ́тъ ст҃ы́хъ , ра́зꙋмъ . а҆ є҆́же разꙋмѣ́ти зако́нъ , по́мысла є҆́сть бл҃га . си́мъ бᲂ ѻ҆́бразᲂмъ пᲂживе́ши мно́гѡ лѣ́тъ , и҆ прилᲂжа́т̾тисѧ лѣ́та живᲂтꙋ̀ .

пᲂсе́мъ , є҆ктенїѧ̀ : Рце́мъ всѝ . Спᲂдо́би гдⷭ҇и въ ве́черъ . та́же : И҆спо́лнимъ вече́рнїѧ мᲂли́твы .

На литі́и , стихѣ́ры . гла́съ , д҃ . Прїиди́те вᲂспᲂе́мъ лю́дїе , прест҃ꙋ́ю дв҃ꙋ чⷭ҇тꙋю . и҆з̾ неѧ́же неи҆зрече́ннѡ про́йде вᲂпло́щшеесѧ сло́вᲂ ѻ҆́ч҃ее . зᲂвꙋ́ще и҆ гл҃юще . бл҃гᲂслᲂве́на ты̀ в̾ жена́хъ . и҆ бл҃же́нᲂ чре́вᲂ вмѣсти́вшее хрⷭ҇та̀ . в̾ тᲂго̀ ст҃ꙋ́ю рꙋ́кꙋ дш҃ꙋ преда́вши . мᲂли́сѧ пречⷭ҇таѧ спастѝ дш҃а на́ша .= Д=в҃дскꙋю пѣ́снь , дне́сь лю́дїе вᲂспᲂе́мъ хрⷭ҇тꙋ̀ бг҃ꙋ . приведꙋ́тсѧ речѐ дв҃ы вᲂ слѣ́дъ є҆ѧ̀ , и҆ и҆́скренѧѧ є҆ѧ̀ приведꙋ́тсѧ в̾ весе́лїе и҆ ра́дᲂсть . и҆́бᲂ ѿ сѣ́мене дв҃дᲂва , є҆ѧ́же ра́ди мы̀ ѡ҆бᲂжи́хᲂмсѧ . в̾ рꙋ́цѣ свᲂегѡ̀ сн҃а и҆ влⷣки , сла́внѡ и҆ па́че сло́ва прелага́етсѧ . ю҆́же ꙗ҆́кѡ мт҃рь бж҃їю вᲂспѣва́юще пᲂе́мъ и҆ гл҃емъ . спасѝ на́съ и҆спᲂвѣ́дающихъ тѧ бцⷣꙋ , ѿ всѧ́кагѡ ѡ҆бстᲂѧ́нїѧ . и҆ и҆зба́ви ѿ бѣ́дъ дш҃а на́ша .

гла́съ , г҃ . Ра́дꙋисѧ ст҃а́ѧ дв҃ᲂ мт҃и мр҃і́е . и҆з̾ тебе́ бᲂ про́йде вᲂпло́щшеесѧ сᲂпрⷭ҇нᲂсꙋ́щнᲂе сло́вᲂ и҆́стиннᲂе ѻ҆́ч҃ее . непревраще́нїѧ бᲂ пᲂстрада́въ , ни смѣше́нїѧ , ни примѣне́нїѧ . тᲂмꙋ́ же є҆ди́нᲂмꙋ сн҃ꙋ и҆ бг҃ꙋ . є҆ди́нагѡ є҆мꙋ̀ слᲂже́нагѡ сꙋ́щества , всѧ̀ сꙋгꙋ́бᲂ свѣ́даемъ . ржⷭ҇тва̀ и҆ ѻ҆́бразы , и҆ дѣ́тели и҆ хᲂтѣ́нїѧ , и҆ є҆сте́ственыхъ є҆гѡ̀ сво́йствъ сᲂтвᲂре́нїѧ , нераздѣ́льнѡ и҆ несмꙋ́тнѡ . ꙗ҆́кѡ бг҃ъ бжⷭ҇твенаѧ чꙋдᲂтвᲂрѧ̀ , и҆ ꙗ҆́кѡ чл҃къ стрⷭ҇ти претерпѣ̀ . сᲂедине́нїе бᲂ не ѿто́рженᲂ , и҆ не рᲂжде́ныхъ , и҆ не є҆динᲂсꙋ́щныхъ , ни є҆ди́нъ же бл҃гᲂчести́выхъ , вᲂ є҆ди́нᲂ є҆стество̀ безꙋ́мнѣ написа̀ . та́кѡ вѣ́рꙋющїѧ та́кѡ и҆ сла́вѧщїѧ , препѣ́таѧ сᲂхрани́ти на́съ , мᲂлѝ сн҃а свᲂего̀ и҆ бг҃а на́шегᲂ . сла́ва , и҆ нн҃ѣ . гла́съ , з҃ . Стра́шнᲂ и҆ неи҆зрече́ннᲂ вᲂи́стинꙋ , є҆́же ѡ҆ тебѣ̀ сᲂдѣ́ѧннᲂе та́иньствᲂ нескве́рнаѧ . сло́вᲂ бᲂ всѣ́хъ вино́внᲂ , па́че вины̀ и҆ сло́ва ст҃ы́мъ дх҃ᲂмъ вᲂпло́щшеесѧ пᲂрᲂдѝ . и҆з̾ тебѣ̀ пло́ть заи́мша , вᲂ свᲂе́мъ є҆стествѣ̀ непрело́жнѡ пребы́вше . сᲂвᲂкꙋ́пльшебᲂсѧ , ѡ҆бᲂесꙋ́щнᲂ пᲂ сᲂста́вꙋ є҆ди́нᲂмꙋ , сꙋгꙋ́бъ є҆стество́ма и҆зы́де ве́сь бг҃ъ , и҆ ве́сь чл҃къ , ѡ҆бᲂѧ̀ всѧ̀ дѣ́йствеными сво́йствы пᲂказꙋ́ѧ . пᲂстрада́въ на крⷭ҇тѣ̀ пло́тьски , без̾стра́стенъ же пребы́сть то́йже са́мъ бжⷭ҇тво́мъ . и҆ ꙗ҆́кѡ чл҃къ ᲂу҆́мре , и҆ ѡ҆живѐ ꙗ҆́кѡ бг҃ъ тридне́внѡ . держа́вꙋ сме́ртнꙋю разрꙋшѝ , и҆з̾ тлѣ́нїѧ и҆зба́ви чл҃чествᲂ . ꙗ҆́кѡ и҆зба́вителѧ и҆ сп҃са ро́дꙋ на́шемꙋ бг҃ᲂмт҃и ᲂу҆мᲂлѝ , пᲂсла́ти на́мъ щедро́тъ свᲂи́хъ , и҆ ве́лїю млⷭ҇ть .

На стихо́внѣ , стихѣ́ра . гла́съ , г҃ . Стрⷭ҇тїю твᲂе́ю хрⷭ҇тѐ , ѡ҆мрачи́выи сл҃нце , и҆ свѣ́тᲂмъ твᲂегѡ̀ вᲂскрⷭ҇нїѧ , прᲂсвѣще́и всѧ́ческаѧ , прїимѝ на́шꙋ вече́рнюю пѣ́снь чл҃кᲂлю́бче .

стихѣ́ры , па́сцѣ . пи́саны въ нлⷣю па́схи , на хвали́тѣхъ .

сла́ва . гла́съ , з҃ . И҆з̾ тебѣ̀ прест҃а́ѧ бцⷣѣ дв҃ᲂ , неи҆зрече́ннѡ рᲂди́сѧ хрⷭ҇то́съ бг҃ъ на́шъ . вᲂи́стинꙋ сы́и бг҃ъ превѣ́чныи , и҆ челᲂвѣ́къ но́въ . ѻ҆́вᲂ ᲂу҆́бѡ сы́и приснᲂсꙋ́щенъ , ѻ҆́вᲂ же на́съ ра́ди бы́въ . спаса́етъ в̾ себѣ̀ ко́еждᲂ є҆стества̀ сво́йства . ѻ҆́вᲂ ᲂу҆́бѡ сїѧ́ѧ чꙋдесы̀ . ѻ҆́вᲂ же ᲂу҆вѣрѧ́ѧ стрⷭ҇тьмѝ . тѣ́мже є҆ди́нъ и҆ то́йже ᲂу҆мира́етъ ꙗ҆́кѡ чл҃къ , и҆ ꙗ҆́кѡ бг҃ъ вᲂста́етъ . є҆го́же мᲂлѝ чи́стаѧ и҆ бракᲂнеискꙋ́снаѧ , спастѝ дш҃а на́ша .

и҆ нн҃ѣ . гла́съ , є҃ . Вᲂскрⷭ҇нїѧ де́нь , прᲂсвѣти́мсѧ тᲂржество́мъ , и҆ дрꙋ́гъ дрꙋ́га прїи́мемъ , и҆ рце́мъ бра́тїе , и҆ ненави́дѧщимъ на́съ , прᲂсти́мъ всѧ̀ вᲂскрⷭ҇нїемъ , и҆ та́кѡ вᲂзᲂпїе́мъ , хрⷭ҇то́съ вᲂскр҃се и҆з̾ ме́ртвыхъ , сме́ртїю сме́рть пᲂпра́въ , и҆ сꙋ́щимъ вᲂ грᲂбѣ́хъ живо́тъ дарᲂва̀ .

Хрⷭ҇то́съ вᲂскр҃се и҆з̾ме́ртвыхъ сме́ртїю на сме́рть настꙋпѝ , и҆ гро́бнымъ живо́тъ дарᲂва̀ , гⷤ .

трᲂпарѝ , бцⷣѣ . гла́с̾ , д҃ . Къ бцⷣѣ прилѣ́жнѡ нн҃ѣ притеце́мъ грѣ́шнїи , сᲂ смире́нїемъ припа́дающе и҆ пᲂкаѧ́нїемъ , вᲂпїю́ще и҆з̾ глꙋбины̀ дш҃е́вныѧ , влⷣчце пᲂмᲂзѝ млрⷭ҇дᲂвавши на ны̀ , пᲂтщи́сѧ ꙗ҆́кѡ и҆згиба́емъ ѿ мно́жества грѣхо́въ , не ѿвратѝ ра́бъ свᲂи́хъ то́щь , тебе́ бᲂ є҆ди́нꙋ пᲂмо́щницꙋ и҆́мамы .= два́жды . Н=е ᲂу҆мᲂлчи́мъ никᲂгда́же бцⷣѣ си́лы твᲂѧ̀ гл҃юще , мы̀ ᲂу҆́бѡ недᲂсто́йнїи . а҆́ще не бы̀ ты̀ пред̾стᲂѧ́ла мᲂлѧ́щисѧ за ны̀ , кто́ бы на́съ и҆зба́вилъ ѿ тᲂли́кихъ бѣ́дъ ; кто́ ли бы на́съ сᲂхрани́лъ и҆ дᲂ ны́нѣ свᲂбѡ́дны ; не ѿстꙋ́пимъ ѿ тебѐ влⷣчце , свᲂѧ̀ рабы̀ на́съ спаса́й ѿ всѧ́кїѧ бѣды̀ , є҆ди́на бл҃гᲂслᲂве́наѧ .

Вᲂ вто́рникъ свѣ́тлыѧ нлⷣи , на ᲂу҆́трени , пре́же нача́ла , вжига́етъ , свѣщѝ и҆ кади́ла параєклисїа́рхъ . та́же , і҆єре́й ста́въ пред̾ ст҃о́ю трапе́зᲂю с̾ кади́лᲂмъ кадѧ̀ крⷭ҇тᲂѡ҆бра́знѡ , и҆ глаго́летъ : Блгⷭ҇ве́нъ бг҃ъ на́шъ . мы́ же : а҆ми́нь . та́же , і҆єре́й : Хрⷭ҇то́съ вᲂскр҃се и҆з̾ ме́ртвыхъ сме́ртїю на сме́рть настꙋпѝ , и҆ гро́бнымъ живо́тъ дарᲂва̀ ,= вⷤ . Х=рⷭ҇то́съ вᲂскр҃се и҆з̾ ме́ртвыхъ сме́ртїю на сме́рть настꙋпѝ . мы́ же : =и҆ =гро́бнымъ живо́тъ дарᲂва̀ . мы́ же : хрⷭ҇то́съ вᲂскр҃се , гⷤ .

сти́хъ , а҃ . Да вᲂскрⷭ҇нетъ бг҃ъ , и҆ разы́дꙋтсѧ вразѝ є҆гѡ̀ .= м=ы́ же : хрⷭ҇то́съ вᲂскр҃се , гⷤ .

сти́хъ , в҃ . Ꙗ҆́кѡ и҆счеза́етъ ды́мъ да и҆сче́знꙋтъ . мы́ же : хрⷭ҇то́съ вᲂскр҃се , гⷤ .

сти́хъ , г҃ . Та́кѡ да пᲂги́бнꙋтъ грѣ́шницы ѿ лица̀ бж҃їѧ , а҆ пра́ведницы вᲂз̾веселѧ́тсѧ .

мы́ же : хрⷭ҇то́съ вᲂскр҃се , гⷤ .

сти́хъ , д҃ . Се́й дн҃ь и҆́же сᲂтвᲂрѝ гдⷭ҇ь , вᲂз̾ра́дꙋемсѧ и҆ вᲂз̾весели́мсѧ во́нь .

мы́ же : хрⷭ҇то́съ вᲂскр҃се , гⷤ .

трᲂпарѝ , бцⷣѣ . сла́ва . Къ бцⷣѣ прилѣ́жнᲂ ны́нѣ притеце́мъ грѣ́шнїи , сᲂ смире́нїемъ припа́дающе и҆ пᲂкаѧ́нїемъ , вᲂпїю́ще и҆з̾ глꙋбины̀ дш҃е́вныѧ , влⷣчце пᲂмᲂзѝ млрⷭ҇дᲂвавши на ны̀ , пᲂтщи́сѧ ꙗ҆́кѡ и҆згиба́емъ ѿ мно́жества грѣхо́въ , не ѿвратѝ ра́бъ свᲂи́хъ то́щь , тебе́ бᲂ є҆ди́нꙋ пᲂмо́щницꙋ и҆́мамы .= и҆ ны́нѣ . Не ᲂу҆мᲂлчи́мъ никᲂгда́же бцⷣѣ си́лы твᲂѧ̀ гл҃юще , мы̀ ᲂу҆́бѡ недᲂсто́йнїи . а҆́ще не бы̀ ты̀ пред̾стᲂѧ́ла мᲂлѧ́щисѧ за ны̀ , кто́ бы на́съ и҆зба́вилъ ѿ тᲂли́кихъ бѣ́дъ ; кто́ ли бы на́съ сᲂхрани́лъ и҆ дᲂ ны́нѣ свᲂбѡ́дны ; не ѿстꙋ́пимъ ѿ тебѐ влⷣчце , свᲂѧ̀ рабы̀ на́съ спаса́й ѿ всѧ́кїѧ бѣды̀ , є҆ди́на бл҃гᲂслᲂве́наѧ . =та́же , є҆ктенїѧ̀ вели́каѧ .

пᲂе́мъ : Хвали́те и҆́мѧ гдⷭ҇не . та́же , припѣ́въ : Дᲂсто́йнѡ є҆́сть велича́ти тѧ бцⷣе . чⷭ҇тнѣ́йшꙋю херꙋви́мъ , и҆ славнѣ́йшꙋ без̾ раз̾сꙋжде́нїѧ серафи́мъ .= ѱл҃ᲂмъ : П=ᲂмѧнѝ гдⷭ҇и дв҃да .

сѣда́ленъ . гла́съ , д҃ . Бжⷭ҇твеными зарѧ́ми прᲂсвѣтѝ дв҃ᲂ пᲂю́щїѧ тѧ . и҆ ᲂу҆мы̀ ᲂу҆твердѝ пренепᲂро́чнаѧ , крѣ́пкаѧ застꙋ́пнице ми́рꙋ всемꙋ̀ . да тᲂржествꙋ́емъ всѝ любо́вїю пᲂчита́юще , тво́й пречⷭ҇тыи ѻ҆́бразъ . и҆ мл҃твами твᲂи́ми спаса́еми ѿ всѧ́кїѧ бѣды̀ . є҆ди́на бл҃гᲂслᲂве́наѧ . двⷤа . сла́ва , и҆ ны́нѣ . Невѣ́стᲂ бракᲂнеи҆скꙋ́снаѧ , премꙋ́дрᲂсти село̀ пᲂказа́сѧ ᲂу҆тро́ба твᲂѧ̀ , бг҃а сло́ва рᲂдила̀ є҆сѝ . ты́ бᲂ є҆ди́на мт҃и бж҃їѧ бл҃ги́мъ хᲂда́тайца ꙗ҆ви́сѧ . всѧ́кихъ страсте́й и҆зба́ви рабы̀ свᲂѧ̀ , непреста́ннѡ вᲂспѣва́ющихъ сла́вꙋ твᲂю̀ .

степе́нна , д҃ гᲂ гла́са . а҆нтиѳо́нъ , а҃ . прᲂки́мен̾ , ѱл҃о́мъ дв҃дᲂвъ . Пᲂмѧнꙋ̀ и҆́мѧ твᲂѐ , вᲂ всѧ́кᲂмъ ро́дѣ и҆ ро́дѣ . сти́хъ . слы́ши дщѝ и҆ ви́ждь , и҆ приклᲂнѝ ᲂу҆́хᲂ твᲂѐ . всѧ́кᲂ дыха́нїе .

є҆ѵⷢ҇а́лїе , ѿ лꙋкѝ . заⷱ҇ , д҃ . Вᲂскрⷭ҇нїе хрⷭ҇то́вᲂ , гⷤ .

ѱало́мъ , н҃ . сла́ва . мл҃твъ ра́ди бцⷣы , млⷭ҇тиве ѡ҆чи́сти мно́жествᲂ сᲂгрѣше́нїи на́шихъ .

и҆ ны́нѣ . мл҃твъ ра́ди бцⷣы , млⷭ҇тиве ѡ҆чи́сти мно́жествᲂ сᲂгрѣше́нїи на́шихъ .

Пᲂми́лꙋй мѧ бж҃е пᲂ вели́цѣй ми́лᲂсти твᲂе́й пᲂ мно́гимъ щедро́тамъ твᲂи́мъ , ѡ҆чи́сти без̾зако́нїѧ мᲂѧ̀ , бж҃е сп҃се мо́й .

стихѣ́ра . гла́съ , ѕ҃ . Не ѡ҆ста́ви на́съ в̾ чл҃ческᲂе пред̾стᲂѧ́нїе пречⷭ҇таѧ влⷣчце , нᲂ прїимѝ мᲂле́нїе ра́бъ свᲂи́хъ . ско́рби ᲂу҆́бѡ ѡ҆бдержа́тъ ны̀ . терпѣ́ти немо́жемъ , ѿ бѣсо́вскагѡ стрѣлѧ́нїѧ . пᲂкро́ва нестѧжа́хᲂмъ нигдѣ́же , прибѣ́гнꙋти страстні́и , всегда̀ пᲂбѣжда́еми . ᲂу҆тѣше́нїѧ не и҆́мамы , ра́звѣ тебѐ влⷣчце ми́рꙋ . ᲂу҆пᲂва́нїе и҆ пред̾ста́тельнице вѣ́рнымъ , непре́зри мᲂле́нїѧ на́ша , нᲂ сᲂверше́на сᲂтвᲂрѝ .

Кано́нъ , па́сцѣ . сᲂ і҆рмᲂсо́мъ , на́ ѕ҃ . =Дрꙋгі́и , кано́нъ , бл҃гᲂда́рственъ прест҃ѣ́й бцⷣѣ ѻ҆диги́трїи . на и҃ . гла́съ , д҃ . пѣ́снь , а҃ . і҆рмо́съ . Ѿве́рзꙋ ᲂу҆ста̀ мᲂѧ̀ . =запѣ́въ : Прест҃а́ѧ гжⷭ҇е бцⷣе , спасѝ на́съ . Ра́дᲂстнѡ чⷭ҇таѧ , нн҃ѣ наста́вшее хвале́нїе , принᲂша́ю ра́дꙋѧсѧ . и҆ ти́химъ гла́сᲂмъ ѻ҆диги́трїе вᲂпїю́ ти , ра́дꙋисѧ . и҆ и҆спо́лни мѧ ра́зꙋма , пѣ́ти начина́юща . Хрⷭ҇та̀ рᲂди́вшаѧ , ра́дᲂсть на́мъ вѣ́чнꙋю . ѽ ра́дꙋисѧ всепѣ́таѧ , правᲂсла́внымъ наде́жде , ѻ҆диги́трїе всепѣ́таѧ дв҃це . ра́дᲂсти и҆спо́лни мѧ ми́рᲂви жела́нныѧ . Ликꙋ́ютъ всѝ чл҃цы и҆ а҆́нг҃ли , всегда̀ сᲂгла́снѡ вᲂпїю́ще , на́ нб҃си и҆ на землѝ ѻ҆диги́трїе . ра́дꙋисѧ дв҃це , ра́дᲂсти бᲂ ржⷭ҇тво́мъ ти всѧ́ческаѧ и҆спо́лнила є҆сѝ . Ра́дᲂсть ѻ҆диги́трїе , и҆́же со́ страхᲂмъ ти вᲂпїю́щихъ . ра́дᲂсти спᲂдо́би мт҃и сꙋ́щїѧ ра́дᲂсти , и҆збавлѧ́ющи скᲂрбе́й всѧ́ческихъ , и҆ всѣ́хъ пᲂми́лꙋй , и҆́же к̾ тебѣ̀ прибѣга́ющихъ . Катава́сїѧ па́сцѣ , на схо́дѣ .

пѣ́снь , г҃ . і҆рмо́съ . Твᲂѧ̀ пѣвцы̀ бцⷣе . Хрⷭ҇та̀ вы́шнѧгѡ цр҃ѧ , ѽ ра́дꙋисѧ непᲂкᲂлеби́маѧ чⷭ҇таѧ , и҆ ѡ҆дш҃евле́наѧ пᲂла́тᲂ . ра́дꙋисѧ ѻ҆диги́трїе . ра́дꙋисѧ , тᲂбо́ю нерꙋши́мъ на́шъ гра́дъ сᲂхранѧ́етсѧ . Вмѣсти́ти є҆го́же невᲂзмо́же тва́рь , вᲂ ᲂу҆тро́бꙋ неи҆скꙋсᲂбра́чнꙋю , ѻ҆диги́трїе дв҃це , тѣле́снѡ вмѣсти́ла є҆сѝ . тѣ́мже ти ра́дꙋисѧ пᲂе́мъ , по́дᲂлгꙋ велича́юще . Ра́дᲂсть мнᲂгᲂпѣ́таѧ ми́рᲂви , ра́дᲂстнѡ ти пᲂю́ще прⷭ҇нѡ , вѣ́чнꙋющїѧ чⷭ҇таѧ ра́дᲂсти спᲂдᲂблѧ́емсѧ , твᲂи́ми мт҃рьними мл҃твами , к̾ ро́ждьшемꙋсѧ и҆з̾ тебѐ ѻ҆диги́трїе . Златꙋ́ю тѧ ста́мнꙋ , и҆ свѣ́щникъ и҆ же́злъ , и҆ трапе́зꙋ чтⷭ҇аѧ , призыва́емъ ѻ҆диги́трїе , и҆ гла́съ є҆́же ра́дꙋисѧ , тебѣ̀ прⷭ҇нѡ привнᲂша́емъ , съ си́ми же и҆мены̀ .

та́же , Кᲂнда́къ , и҆ и҆́кᲂсъ , и҆ и҆пакᲂй па́сцѣ . сла́ва , и҆ ны́нѣ . сѣда́ленъ , бцⷣѣ , гла́съ , в҃ . Мл҃твеница те́плаѧ кꙋ́пнѡ и҆ стена̀ неѡбᲂри́маѧ , млⷭ҇ти и҆сто́чниче , ми́рᲂви прибѣ́жище , прилѣ́жнѡ ти вᲂпїе́мъ , бцⷣе влⷣчце , предварѝ ѿ бѣ́дъ и҆зба́вити на́съ , є҆ди́на вско́рѣ застꙋпа́ющи .

пѣ́снь , д҃ . і҆рмо́съ . Сѣдѧ́и вᲂ сла́вѣ . Ра́дꙋисѧ чꙋ́дᲂ чꙋдесе́мъ , ѻ҆диги́трїе влⷣчце . ра́дꙋисѧ всѣ́мъ ра́дᲂсте , градᲂвѡ́мъ и҆ ве́семъ , непᲂбѣди́мᲂе хрⷭ҇тїа́нскᲂе в̾ бѣда́хъ храни́лище , и҆ пред̾гра́дїе , и҆ на врагѝ пᲂбѣжде́нїе . Ра́дꙋисѧ , ра́дꙋисѧ , цр҃е́мъ правᲂсла́внымъ пᲂхвало̀ , и҆ хрⷭ҇тѡлюби́вымъ во́инствᲂмъ , пᲂкро́в̾ пребыва́еши всѣ́мъ цр҃це , ра́дꙋисѧ ѻ҆диги́трїе , прибѣ́жище всѣ́мъ на́мъ и҆ ᲂу҆тверже́нїе . Ра́дꙋисѧ всѣ́мъ ско́рᲂе в̾ бѣда́хъ и҆збавле́нїе , ра́дꙋисѧ гᲂто́вᲂе всѣ́мъ скᲂрбѧ́щимъ ᲂу҆тѣше́нїе . ра́дꙋисѧ всепѣ́таѧ , ра́дꙋисѧ ѻ҆диги́трїе всеблгⷭ҇ве́наѧ , всѣ́мъ немᲂщны́мъ и҆сцѣли́тельнице . Ра́дꙋисѧ є҆ѧ́ же вели́чїѧ , всѧ̀ тва́рь сла́вити ᲂу҆́бѡ спѣши́тъ пᲂдᲂстᲂѧ́нїю , нᲂ не вᲂзмᲂга́етъ ѻ҆диги́трїе , и҆ сегѡ̀ ра́ди зᲂве́тъ ти , ра́дꙋисѧ влⷣчце , бг҃ᲂвмѣсти́мᲂе жили́ще .

пѣ́снь , є҃ . і҆рмо́съ . Оу҆диви́шасѧ всѧ́ческаѧ . Бл҃гᲂсты́ни бе́зднᲂ и҆ щедро́тамъ є҆сѝ , ра́дꙋисѧ ѻ҆диги́трїе дв҃це , ра́дꙋисѧ всѣ́мъ ра́дᲂсть твᲂрѧ́щи вѣ́рнымъ . ѽ ра́дꙋисѧ сꙋ́щимъ в̾ бѣда́хъ , и҆ скᲂрбѧ́щимъ пребы́страѧ застꙋ́пнице . Ра́дᲂсти ѿ и҆спᲂлне́нїѧ вели́чїѧ чꙋде́съ твᲂи́хъ зрѧ́ще , и҆спᲂлнѧ́емсѧ всѝ , незрѧ́ще и҆ слы́шаще же вѣ́рнїи . тѣ́мже ра́дꙋисѧ тебѣ̀ прⷭ҇нѡ всю́дꙋ , и҆ всѝ ѻ҆диги́трїе пᲂе́мъ . Хрⷭ҇та̀ бг҃а на́шегѡ , ѽ ра́дꙋисѧ ѻ҆диги́трїе , жили́ще и҆ до́мъ неи҆зрече́ннѣй и҆ пребжⷭ҇твеннѣй дв҃ᲂ сла́вѣ є҆гѡ̀ . ѽ ра́дꙋисѧ пᲂла́тᲂ преꙋкраше́ннаѧ , ра́дꙋисѧ гра́де ѡ҆дꙋшевле́нныи , при́снѡ црⷭ҇твꙋющїи . Ра́дᲂсть неѡскꙋ́днꙋю тѧ разсмᲂтрѧ́юще , ꙗ҆́кѡ мо́ре ѻ҆трᲂкᲂви́це , ѻ҆диги́трїе дв҃це , ра́дꙋющесѧ всѝ , ра́дꙋисѧ вᲂпїе́мъ ти , и҆ пᲂю́ще бжⷭ҇твенныхъ даро́въ неви́димѡ прⷭ҇нѡ ѿ тебѐ ѡ҆жида́юще .

пѣ́снь , ѕ҃ . і҆рмо́съ . Бжⷭ҇твенᲂе сѐ и҆ всечтⷭ҇но́е . Хрⷭ҇та̀ чⷭ҇таѧ прїе́млющи , гла́съ є҆́же ра́дꙋисѧ . ѻ҆диги́трїе дв҃це слы́шаше , є҆го́же неи҆зрече́ннѡ ро́ждьши , и҆ ра́дꙋисѧ ѿ всѣ́хъ слы́шиши всегда̀ . Ра́дᲂсти всѧ̀ и҆спо́лнила є҆сѝ , вы́шнѧѧ и҆ ни́жнѧѧ ты̀ сᲂвᲂкꙋпи́ла є҆сѝ ѻ҆диги́трїе . тѣ́мже ра́дᲂстнѡ и҆ сᲂгла́снѡ нн҃ѣ , нб҃ᲂ и҆ всѧ̀ землѧ̀ зᲂве́тъ ти . Вдᲂва́мъ ѽ ра́дꙋисѧ всепѣ́таѧ , и҆ всѣ́мъ си́рымъ ѻ҆диги́трїе ᲂу҆тѣше́нїе . ра́дꙋисѧ всѣ́мъ и҆стᲂча́ющи ни́щимъ , бᲂга́тьствᲂ неистᲂщи́мᲂе . Зла́та всѧ́кагѡ блиста́ема , и҆ ᲂу҆́тра сл҃нечнагѡ свѣтлѣ́йши , жили́ще хрⷭ҇то́вᲂ , ра́дꙋисѧ ѻ҆диги́трїе , ра́дꙋисѧ дв҃це , ра́дꙋисѧ невѣ́стᲂ неневѣ́стнаѧ .

кᲂнда́къ , гла́съ , ѕ҃ . Не и҆́мамы и҆ны́ѧ по́мᲂщи , не и҆́мамы и҆ны́ѧ наде́жды , ра́звѣ тебѐ влⷣчце . ты̀ на́мъ пᲂмᲂзѝ . на тебе́сѧ надѣ́емъ , и҆ тᲂбо́юсѧ хва́лимъ . твᲂи́ бᲂ є҆смы̀ рабѝ , да сѧ̀ непᲂстыди́мъ . и҆́кᲂсъ . Къ бцⷣѣ вᲂзᲂпїе́мъ любо́вїю , сᲂ ᲂу҆миле́нїемъ срⷣца , и҆ смире́нїемъ дх҃а . те́плѣ припа́дающе , и҆ бл҃гᲂда́рственѣ гл҃юще . ра́дꙋисѧ гра́де гдⷭ҇нь . ра́дꙋисѧ ски́петре дв҃дᲂвъ . ра́дꙋисѧ пᲂла́тᲂ ѡ҆дш҃евле́наѧ . ра́дꙋисѧ ста́мнᲂ бжⷭ҇твеныѧ ма́нны . ра́дꙋисѧ не ѡ҆пали́маѧ кꙋпино̀ . ра́дꙋисѧ свѣти́льниче и҆ свѣщѐ свѣ́та . ра́дꙋисѧ гжⷭ҇е дв҃ᲂ , бжⷭ҇твенаѧ ѻ҆диги́трїи . ра́дꙋисѧ гᲂро̀ бж҃їѧ присѣ́ннаѧ . ра́дꙋисѧ ѻ҆́гненыи прⷭ҇то́ле . ра́дꙋисѧ лѣ́ствице и҆ две́рь нбⷭ҇наѧ . ра́дꙋисѧ же́ѕле невла́жнѡ прᲂзѧ́быи . ра́дꙋисѧ спаса́ющаѧ ѿ всѧ́кихъ бѣ́дъ и҆ скᲂрбе́й . твᲂи́ бᲂ є҆смы̀ рабѝ дасѧ̀ непᲂстыди́мъ влⷣчце .

пѣ́снь , з҃ . і҆рмо́съ . Непᲂслꙋжи́ша тва́ри . Ра́дꙋисѧ , ра́дꙋисѧ бцⷣе ѻ҆диги́трїе , всѣ́хъ и҆ всегда̀ наставлѧ́ющи вѣ́рныхъ , ше́ствᲂвати кᲂ всѧ́кᲂмꙋ пꙋтѝ спасе́нᲂмꙋ . ра́дꙋисѧ влⷣчце , тᲂбо́ю бᲂ при́снѡ и҆збавлѧ́емсѧ , настᲂѧ́щїѧ ва́рварскїѧ бѣды̀ . Ра́дꙋисѧ , ра́дꙋисѧ ѻ҆диги́трїе , бдѧ́щи и҆ мᲂлѧ́щисѧ ѡ҆ на́съ къ бг҃ꙋ , и҆ всѧ́кїѧ ѕло́бы хᲂда́тайствᲂмъ ти , всѧ́ческихъ скᲂрбе́й бг҃ᲂрᲂди́тельнице , всѣ́хъ люде́й и҆збавлѧ́ющи . Ра́дꙋисѧ , ра́дꙋисѧ прест҃а́ѧ ѻ҆диги́трїе , и҆́же прᲂше́нїѧ на́ша к̾ по́лзѣ на́мъ и҆спᲂлнѧ́ющи , и҆ хᲂтѧ́щи всѣ́мъ прⷭ҇нѡ всегда̀ любᲂдрꙋ́жнᲂе бл҃го́е є҆ди́нствᲂ , спѣ́шнᲂе же вᲂ и҆зѧ́щныхъ . Ра́дꙋисѧ , ра́дꙋисѧ кᲂрабле́мъ ѻ҆диги́трїе , нꙋ́жнѡ пла́вающимъ , и҆збавлѧ́ющи вѣ́рныхъ , и҆ всѣ́мъ и҆збавле́нїе ѿ всѧ́кїѧ ско́рби , и҆ недꙋ́ги пестро́тныѧ , и҆ ме́дленыѧ разрѣша́ющи вско́рѣ .

пѣ́снь , и҃ . і҆рмо́съ . Ѻ҆́трᲂки бл҃гᲂчести́выѧ . Ра́дꙋисѧ всеблгⷭ҇ве́наѧ мр҃і́е , и҆з̾ тебе́ бᲂ всеблгⷭ҇ве́ныи бг҃ъ ѡ҆дѣ́ѧсѧ , вᲂ всего́ мѧ чл҃ка , и҆ ѡ҆дѣ́ѧвсѧ сᲂединѝ свᲂемꙋ̀ бжⷭ҇твꙋ̀ , неи҆зрече́ннымъ сᲂедине́нїемъ , дв҃ᲂ ѻ҆диги́трїе . ра́дꙋисѧ ѡ҆бра́дᲂваннаѧ , ра́дᲂсте всегѡ̀ ми́ра . Ра́дꙋисѧ лꙋка́выхъ дꙋхо́въ прᲂгᲂни́тельнице , ра́дꙋисѧ бцⷣе ѻ҆диги́трїе . ра́дꙋисѧ , ꙗ҆́кѡ тебѐ нбⷭ҇наѧ неви́димаѧ вѡ́инства славᲂсло́вѧтъ всегда̀ , и҆ велича́ютъ ꙗ҆́кѡ мт҃рь бж҃їю бы́вшꙋю . ра́дꙋисѧ ꙗ҆́же ни́жнѧѧ сᲂчета́вши с̾ вы́шними . Ра́дꙋисѧ всѣ́хъ нбⷭ҇ныхъ си́лъ без̾разсꙋжде́нїѧ превᲂсхᲂдѧ́щаѧ , ра́дꙋисѧ ѻ҆диги́трїе , ра́дꙋисѧ всѧ́кїѧ тва́ри , бг҃а ро́ждьшаѧ гдⷭ҇ьствꙋющи , є҆́й влⷣчце всепѣ́таѧ . ра́дꙋисѧ пребыва́еши дв҃ᲂю чⷭ҇таѧ и҆ пᲂ ржⷭ҇твѣ̀ . Ра́дꙋисѧ жена́мъ всѣ́мъ сла́вᲂ , хра́ме преѡсщ҃е́нныи бг҃а на́шегѡ , ра́дꙋисѧ ѻ҆диги́трїе , ра́дꙋисѧ дш҃еспаси́тельнаѧ все́й вселе́ннѣй . ра́дꙋисѧ пᲂкрыва́ющїи ѻ҆́блаче нб҃съ ши́ршаѧ . ра́дꙋисѧ мирᲂпᲂло́жнице , бжⷭ҇твеннагѡ ми́ра пᲂлна̀ .

пѣ́снь , ѳ҃ . і҆рмо́съ . Всѧ́къ зе́менъ . Ра́дꙋисѧ свѣщѐ , свѣ́тъ невече́рнїи пᲂне́сшаѧ , и҆ въ ржⷭ҇твѣ̀ твᲂе́мъ мнᲂгᲂбо́жїѧ тмꙋ̀ разрꙋши́вшаѧ , и҆ а҆́дᲂвы про́пасти и҆зба́вльшаѧ лю́ди . ра́дꙋисѧ ѻ҆диги́трїе бцⷣе , дᲂбро́тъ всѣ́хъ пред̾хᲂда́таице . Ра́дꙋисѧ землѐ , и҆з̾ неѧ́же кла́съ прᲂзѧ́бшїи нбⷭ҇ныи вѣ́рнымъ , и҆ ми́ра всегѡ̀ дш҃егꙋ́бнагѡ гла́да и҆зба́ви , разꙋ́мнаѧ и҆ ѡ҆дш҃евле́наѧ . ѽ ра́дꙋисѧ винᲂгра́де , и҆́же гро́здъ живо́тныи ро́ждьшаѧ , бцⷣе чⷭ҇таѧ ѻ҆диги́трїе . Ра́дꙋисѧ та́йныхъ цвѣтѡ́въ , прекра́сныи сꙋ́щїи раю̀ . ра́дꙋисѧ мт҃и дв҃ᲂ , неви́димыхъ ра́зꙋмъ , чистᲂто́ю страннᲂлѣ́пнѡ пᲂбѣ́ждьши бг҃ᲂрᲂди́тельнице . ра́дꙋисѧ ѻ҆трᲂкᲂви́це , ра́дꙋисѧ ѻ҆диги́трїе , всеми́рнᲂе чꙋ́дᲂ и҆ слы́шанїе . Лѣ́тᲂ живᲂта̀ на́шегѡ , про́чее сᲂхранѝ неврежде́нѡ , пᲂмᲂже́нїемъ твᲂи́мъ дв҃ᲂ ѻ҆трᲂкᲂви́це . и҆ спᲂдо́би кᲂне́цъ бл҃гі́и пᲂлꙋчи́ти на́мъ , вᲂспѣва́ющимъ тѧ и҆ взыва́ющимъ , ра́дꙋисѧ всебл҃же́ннаѧ бцⷣе чⷭ҇таѧ ѻ҆диги́трїе .

Пᲂ ѳ҃ , пѣ́сни , катава́сїѧ : Свѣти́сѧ свѣти́сѧ но́выи і҆єрⷭ҇ли́ме , сла́ва бᲂ гдⷭ҇нѧ на тебѣ̀ вᲂсїѧ̀ . ликꙋ́й нн҃ѣ и҆ весели́сѧ сїѡ́не , ты́ же чⷭ҇таѧ красꙋ́йсѧ бцⷣе , ѡ҆ вᲂста́нїи ржⷭ҇тва̀ твᲂегѡ̀ . пᲂкло́н̾ дᲂ землѝ .

свѣти́ленъ , па́сцѣ . Пло́тїю ᲂу҆снꙋ́въ ꙗ҆́кѡ ме́ртвъ , цр҃ь и҆ гдⷭ҇ь , тридне́венъ вᲂскр҃се , и҆ а҆да́ма вᲂздви́гъ и҆з̾ тлѝ , и҆ ᲂу҆праздни́въ сме́рть . па́сха нетлѣ́нїѧ , ми́рꙋ спасе́нїе . два́жды .

=сла́ва , и҆ нн҃ѣ . свѣти́лен̾ , бцⷣѣ . ѽ =пресвѣ́тлыи ѻ҆́блаче мт҃и бж҃їѧ . на́шихъ прᲂти́вныхъ пᲂбѣдѝ , держа́внᲂю и҆ всеси́льнᲂю си десни́цею . и҆́же въ ско́рбѣхъ сꙋщи́мъ пред̾ста́ни . не ѡ҆правда́ныѧ застꙋпѝ . грѣхѝ разрѣшѝ мᲂлѧ́щихтисѧ . є҆ли́кѡ бᲂ хо́щеши мо́жеши .

На хвали́тѣхъ . стихѣ́ры , вᲂскрⷭ҇ны , г҃ . и҆ бцⷣѣ , г҃ . =Стихѣ́ры , вᲂскрⷭ҇ны , гла́съ , г҃ . П=рїиди́те всѝ ꙗ҆зы́цы , разꙋмѣ́йте стра́шныѧ та́йны си́лꙋ . хрⷭ҇то́съ бᲂ сп҃съ на́шъ , и҆́же и҆спе́рва сы́и сло́вᲂ , распѧ́тсѧ на́съ ра́ди , и҆ во́лею пᲂгребе́сѧ , и҆ вᲂскр҃се и҆з̾ ме́ртвыхъ , є҆́же спастѝ всѧ́ческаѧ . тᲂмꙋ̀ пᲂклᲂни́мсѧ . Пᲂвѣ́даша всѧ̀ чꙋдеса̀ , стра́жїе твᲂѝ гдⷭ҇и , нᲂ сᲂбо́ръ сꙋ́етныхъ , и҆спо́лни мздо́ю десни́цы и҆́хъ , скры́ти мнѧ́щихъ вᲂскрⷭ҇нїе твᲂѐ , є҆́же ми́ръ сла́витъ , пᲂми́лꙋй на́съ . Ра́дᲂсти всѧ̀ и҆спо́лнишасѧ , вᲂскрⷭ҇нїѧ и҆скꙋ́съ прїе́мше . ма́рїѧ бᲂ магдалы́ни ко́ грᲂбꙋ прїи́де , и҆ ѡ҆брѣ́те а҆́нг҃ла на ка́мени сѣдѧ́ща , ри́зами блиста́ющасѧ , и҆ гл҃юща , что̀ и҆́щете жива́гᲂ с̾ ме́ртвыми ; нѣ́сть здѣ̀ , нᲂ вᲂста̀ , ꙗ҆́кᲂже речѐ , предварѧ́ю вы̀ в̾ галиле́и .

Стихѣ́ры , бцⷣѣ . гла́съ , и҃ . поⷣ . ѽ пресла́внᲂе чꙋ́дᲂ .= ѽ= пресла́внᲂе чꙋ́дᲂ , и҆́же нб҃сы̀ невмѣсти́мыи , и҆ ѿ а҆́нг҃лъ сла́вимыи , и҆ ѿ серафи́мъ пѣва́емыи , вᲂ твᲂю̀ ᲂу҆тро́бꙋ вмѣсти́сѧ . и҆ ключа̀ дв҃ства нерꙋши́въ . на́ землю сᲂше́дъ , и҆ є҆стество̀ дре́вле ѿ дїа́вᲂла мꙋ́чимᲂе и҆зѧ́тъ . и҆ ве́сь ро́дъ чл҃ческїи свᲂбᲂдѝ . и҆ тебѐ гжⷭ҇е застꙋ́пницꙋ дарᲂва̀ . непреста́й сᲂхранѧ́ти и҆ спаса́ти дш҃а на́ша , ꙗ҆́кѡ ми́лᲂстива . Тебѣ̀ припа́дающе гжⷭ҇е , и҆ ᲂу҆ми́льнѡ кла́нѧющесѧ мо́лимъ тѧ . ра́дꙋисѧ бг҃ᲂблаже́ннаѧ влⷣчце , мнᲂгᲂимени́таѧ дв҃ᲂ прᲂро́ки прᲂѡ҆браже́на че́стнѡ . в̾ тѧ́ бᲂ ꙗ҆́кѡ рᲂса̀ хрⷭ҇то́съ бг҃ъ сни́де , и҆ рᲂдила̀ є҆сѝ бракᲂнеискꙋ́снѡ чⷭ҇таѧ . и҆ на рꙋкꙋ̀ пᲂнесла̀ є҆сѝ всѣ́хъ твᲂрца̀ и҆ гдⷭ҇а , є҆мꙋ́же ѡ҆ на́съ мᲂли́сѧ , сла́вѧщихъ тѧ вѣ́рнѡ пречⷭ҇таѧ . Пᲂда́ждь ᲂу҆тѣше́нїе , свᲂи́мъ рабо́мъ чⷭ҇таѧ , напа́стьми ѡ҆держи́мымъ . и҆ ро́гъ вѣ́рныхъ вᲂзнесѝ , бг҃ᲂрᲂди́тельнице мр҃і́е . и҆ сᲂблюдѝ мᲂли́твами си гра́дъ се́й нерꙋши́мъ . и҆нᲂплеме́нныхъ шата́нїѧ низлᲂжѝ . и҆ на́съ рабы̀ твᲂѧ̀ без̾невѣ́стнаѧ , хва́лѧщихъ тѧ спаса́й .

стихѣ́ры , па́сцѣ . пи́саны въ нлⷣю па́схи , на хвали́тѣхъ .

сла́ва . гла́съ , є҃ . Ꙗ҆́же ѡ҆ тебѣ̀ пррⷪ҇чествїѧ и҆спо́лнишасѧ , прест҃а́ѧ дв҃ᲂ чⷭ҇таѧ . ѻ҆́въ бᲂ тѧ̀ ѿ пррⷪ҇къ две́рь прᲂнаречѐ , къ є҆де́мꙋ зрѧ́щꙋ на вᲂсто́къ , є҆ю́же никто́же про́йде , нᲂ то́кмѡ тво́й сᲂдѣ́тель и҆ всегѡ̀ ми́ра . ѻ҆́въ же кꙋпинꙋ̀ ѻ҆гне́мъ гᲂрѧ́щꙋ , ꙗ҆́кѡ в̾ тѧ̀ всели́сѧ ѻ҆́гнь бжⷭ҇твеныи , и҆ не ѡ҆пали́ма пребы́сть . и҆́нъ го́рꙋ ст҃ꙋ́ю , ѿ неѧ́же ᲂу҆сѣче́сѧ ка́мень не рꙋка́ми чл҃ческими , и҆ пᲂразѝ ѻ҆́бразъ мы́сленагѡ навꙋхᲂдᲂнᲂсо́ра . вᲂи́стинꙋ ве́лїе и҆ пресла́внѡ , є҆́же ѡ҆ тебѣ̀ та́иньствᲂ є҆́сть бцⷣе . тѣ́мже тѧ сла́вимъ . тᲂбо́ю бᲂ бы́сть спасе́нїе дш҃а́мъ на́шимъ .

и҆ ны́нѣ . гла́съ , то́йже . Вᲂскрⷭ҇нїѧ де́нь , прᲂсвѣти́мсѧ тᲂржество́мъ , и҆ дрꙋ́гъ дрꙋ́га прїи́мемъ , и҆ рце́мъ бра́тїе , и҆ ненави́дѧщимъ на́съ , прᲂсти́мъ всѧ̀ вᲂскрⷭ҇нїемъ , и҆ та́кѡ вᲂзᲂпїе́мъ , хрⷭ҇то́съ вᲂскр҃се и҆з̾ ме́ртвыхъ , сме́ртїю сме́рть пᲂпра́въ , и҆ сꙋ́щимъ вᲂ грᲂбѣ́хъ живо́тъ дарᲂва̀ .

Хрⷭ҇то́съ вᲂскр҃се и҆з̾ме́ртвыхъ сме́ртїю на сме́рть настꙋпѝ , и҆ гро́бнымъ живо́тъ дарᲂва̀ , гⷤ .

трᲂпарѝ , бцⷣѣ . сла́ва . Къ бцⷣѣ прилѣ́жнᲂ ны́нѣ притеце́мъ грѣ́шнїи , сᲂ смире́нїемъ припа́дающе и҆ пᲂкаѧ́нїемъ , вᲂпїю́ще и҆з̾ глꙋбины̀ дш҃е́вныѧ , влⷣчце пᲂмᲂзѝ млрⷭ҇дᲂвавши на ны̀ , пᲂтщи́сѧ ꙗ҆́кѡ и҆згиба́емъ ѿ мно́жества грѣхо́въ , не ѿвратѝ ра́бъ свᲂи́хъ то́щь , тебе́ бᲂ є҆ди́нꙋ пᲂмо́щницꙋ и҆́мамы .= и҆ ны́нѣ . Не ᲂу҆мᲂлчи́мъ никᲂгда́же бцⷣѣ си́лы твᲂѧ̀ гл҃юще , мы̀ ᲂу҆́бѡ недᲂсто́йнїи . а҆́ще не бы̀ ты̀ пред̾стᲂѧ́ла мᲂлѧ́щисѧ за ны̀ , кто́ бы на́съ и҆зба́вилъ ѿ тᲂли́кихъ бѣ́дъ ; кто́ ли бы на́съ сᲂхрани́лъ и҆ дᲂ ны́нѣ свᲂбѡ́дны ; не ѿстꙋ́пимъ ѿ тебѐ влⷣчце , свᲂѧ̀ рабы̀ на́съ спаса́й ѿ всѧ́кїѧ бѣды̀ , є҆ди́на бл҃гᲂслᲂве́наѧ . =пᲂсе́мъ : є҆ктенїѧ̀ : пᲂми́лꙋй на́съ бж҃е . і҆єре́й , вᲂз̾гла́съ . та́же : и҆спо́лнимъ заꙋ́треннїѧ мᲂли́твꙋ . и҆ пᲂ вᲂз̾гла́сѣ : сы́и блгⷭ҇ве́нъ . и҆ мы̀ : а҆ми́нь . ᲂу҆твердѝ бж҃е вѣ́рꙋ .

та́же , дїа́кᲂнъ : Премꙋ́дрᲂсть . мы́ же : Хрⷭ҇то́съ вᲂскр҃се и҆з̾ ме́ртвыхъ сме́ртїю на сме́рть настꙋпѝ , и҆ гро́бнымъ живо́тъ дарᲂва̀ .= три́жды , с̾ пᲂкло́нами .= пᲂсе́мъ і҆єре́й твᲂри́тъ , ѿпꙋ́стъ , держа́и крⷭ҇тъ . пᲂе́тъ : Хрⷭ҇то́съ вᲂскр҃се и҆з̾ ме́ртвыхъ , сме́ртїю на сме́рть настꙋпѝ . мы́ же : И҆ гро́бнымъ живо́тъ дарᲂва̀ . і҆єре́й : И҆́стинныи бг҃ъ на́шъ , мл҃твами пречⷭ҇тыѧ є҆гѡ̀ мт҃ре , си́лᲂю чⷭ҇тна́гѡ и҆ живᲂтвᲂрѧ́щагѡ крⷭ҇та̀ , и҆ ст҃ы́хъ сла́вныхъ и҆ всехва́льныхъ а҆пⷭ҇лъ , и҆ всѣ́хъ ст҃ы́хъ пᲂми́лꙋетъ и҆ спасе́тъ на́съ , ꙗ҆́кѡ бл҃гі́и чл҃кᲂлю́бецъ .

та́же , і҆єре́й крⷭ҇тъ вᲂзвыша́ѧ гл҃етъ : Хрⷭ҇то́съ вᲂскр҃се . гⷤ . мы́же : Вᲂи́стинꙋ вᲂскр҃се . гⷤ . и҆ пᲂе́мъ : И҆ =на́мъ дарᲂва̀ живо́тъ вѣ́чныи , пᲂклᲂнѧ́емсѧ тридне́внᲂмꙋ є҆гѡ̀ вᲂскрⷭ҇нїю =[пᲂкло́нъ] .

та́же , а҃ й ча́съ . ꙗ҆́кᲂже ᲂу҆каза́сѧ в̾ нлⷣю на ᲂу҆́трени .

На литꙋргі́и , часо́ве . и҆ а҆нтифо́ны , па́сцѣ . Пᲂвхо́дѣ . хрⷭ҇то́съ вᲂскр҃се , гⷤ . трᲂпа́рь , бцⷣѣ : Къ бцⷣѣ прилѣ́жнѡ . дрꙋгі́и , Не ᲂу҆мᲂлчи́мъ никᲂгда́же . сла́ва , кᲂнда́къ , бцⷣѣ . Не и҆́мамы и҆ны́ѧ по́мᲂщи . и҆ нн҃ѣ , кᲂнда́къ , па́сцѣ . А҆́ще и҆ во́ грᲂбъ сни́де . Вмѣ́стᲂ трⷭ҇та́гᲂ . є҆ли́цы вᲂ хрⷭ҇та̀ . прᲂки́менъ , пѣ́снь бцⷣы . Вели́читъ дш҃а мᲂѧ̀ гдⷭ҇а , и҆ вᲂз̾ра́дᲂвасѧ дх҃ъ мо́й ѡ҆́ бз҃ѣ сп҃сѣ мᲂе́мъ . сти́хъ . ꙗ҆́кѡ призрѣ̀ на смире́нїе рабы̀ свᲂеѧ̀ , се́бᲂ ѿ ны́нѣ бл҃жа́тъ мѧ̀ всѝ ро́ди . а҆пⷭ҇лъ , въ дѣѧ́нїихъ . заⷱ҇ , д҃ .= и҆ бцⷣѣ , кᲂ є҆вре́ѡмъ . заⷱ҇ , т҃к . а҆ллилꙋ́їѧ . вᲂскрⷭ҇нѝ гдⷭ҇и в̾ пᲂко́й тво́й , ты̀ и҆ кїѡ́тъ ст҃ы́ни твᲂеѧ̀ . сти́хъ . клѧ́тсѧ гдⷭ҇ь дв҃дꙋ и҆́стинᲂю , и҆ не ѿве́ржетсѧ є҆ѧ̀ . =є҆ѵⷢ҇а́лїе , ѿ лꙋкѝ . заⷱ҇ , рг҃і . и҆ бцⷣѣ , ѿ лꙋкѝ . заⷱ҇ , н҃д . прича́стенъ . тѣ́лᲂ хрⷭ҇то́вᲂ прїими́те , и҆ и҆сто́чника без̾сме́ртнагѡ вкꙋси́те . дрꙋгі́и , ча́шꙋ спасе́нїѧ прїимꙋ̀ и҆ и҆́мѧ гдⷭ҇не призᲂвꙋ̀ . А҆́ще ли неприлꙋчи́тсѧ бы́ти литꙋргі́и , часы̀ пᲂе́мъ па́сцѣ пᲂ ѡ҆бы́чаю . Бл҃же́нны , на и҃ . па́сцѣ , пѣ́снь , д҃ ѧ . и҆ бцⷣѣ , пѣ́снь , ѕ҃ ѧ . А҆пⷭ҇лъ , и҆ є҆ѵⷢ҇а́лїе , вышепи́саннѡ . Пᲂ ѻ҆сла́би , кᲂнда́къ , па́сцѣ . сла́ва , и҆ нн҃ѣ . кᲂнда́къ , бцⷣѣ . и҆ про́чаѧ ꙗ҆́кᲂже ᲂу҆каза́сѧ в̾ недѣ́лю па́схи .

Вᲂ вто́рникъ свѣ́тлыѧ нлⷣи , ве́черъ . слꙋ́жба пᲂ ѡ҆бы́чаю , ꙗ҆́кᲂже ᲂу҆ка́занᲂ въ нлⷣю ве́черъ .

та́же , пᲂе́мъ . Гдⷭ҇и вᲂзва́хъ , на́ гласъ , д҃ .

пᲂсе́мъ , стихѣ́ры вᲂскрⷭ҇ны , на́ ѕ҃ .

Гла́съ , д҃ . А҆́ще без̾зако́нїѧ на́зриши гдⷭ҇и , гдⷭ҇и кто̀ пᲂстᲂи́тъ ,꙳ ꙗ҆́кѡ ѿ тебѐ ѡ҆чище́нїе є҆́сть . Живᲂтвᲂрѧ́щемꙋ твᲂемꙋ̀ крⷭ҇тꙋ̀ , непреста́ннѡ кла́нѧющесѧ хрⷭ҇тѐ , и҆ тридне́внᲂе вᲂскрⷭ҇нїе твᲂѐ сла́вимъ . тѣ́мъ бᲂ ѡ҆бнᲂви́лъ є҆сѝ , и҆стлѣ́вшее чл҃ческᲂе є҆стество̀ всеси́льне . и҆ є҆́же на нб҃са̀ вᲂсхо́дъ ѡ҆бнᲂви́лъ є҆сѝ на́мъ , ꙗ҆́кѡ є҆ди́нъ бл҃гъ и҆ чл҃кᲂлю́бецъ .

и҆́мене ра́ди твᲂегѡ̀ пᲂтерпѣ́хъ тѧ̀ гдⷭ҇и , пᲂтерпѣ̀ дш҃а мᲂѧ̀ в̾ сло́вᲂ твᲂѐ ,꙳ ᲂу҆пᲂва̀ дш҃а мᲂѧ̀ на́ гдⷭ҇а . Дре́ва преслꙋша́нїѧ запреще́нїе , разрѣши́лъ є҆сѝ сп҃се , на́ древѣ крⷭ҇тнѣмъ во́лею пригво́ждьсѧ . и҆ вᲂ а҆́дъ сᲂше́дъ си́льне , сме́ртыѧ ᲂу҆́зы ꙗ҆́кѡ бг҃ъ растерза́лъ є҆сѝ . сегѡ̀ ра́ди кла́нѧемсѧ , є҆́же и҆з̾ ме́ртвыхъ твᲂемꙋ̀ вᲂскрⷭ҇нїю , ра́дᲂстїю вᲂпїю́ще , всеси́льне гдⷭ҇и сла́ва тебѣ̀ .

ѿ стра́жи ᲂу҆́тренїѧ до́ нᲂщи , ѿ стра́жи ᲂу҆́тренїѧ ,꙳ да ᲂу҆пᲂва́етъ і҆и҃ль на́ гдⷭ҇а . Врата̀ а҆́дᲂва сᲂкрꙋши́лъ є҆сѝ гдⷭ҇и , и҆ свᲂе́ю сме́ртїю , сме́ртнᲂе црⷭ҇твᲂ разрꙋши́лъ є҆сѝ . ро́дъ же чл҃ческїи и҆з̾ и҆стлѣ́нїѧ свᲂбо́ждь , живо́тъ и҆ нетлѣ́нїе ми́рꙋ дарᲂва̀ , и҆ ве́лїю млⷭ҇ть .

ꙗ҆́кѡ ѿ́ гдⷭ҇а млⷭ҇ть , и҆ мно́гᲂ ѿ негѡ̀ и҆зба́вленїе , и҆ то́й и҆зба́витъ і҆и҃лѧ ,꙳ ѿ всѣ́хъ без̾зако́нїи є҆гѡ̀ . Прїидѣ́те лю́дїе вᲂспᲂе́мъ сп҃сᲂвᲂ тридне́внᲂе вᲂста́нїе , и҆́мже и҆зба́вихᲂмсѧ ѿ а҆́дᲂвыхъ нерѣши́мыхъ ᲂу҆́зъ . нетлѣ́нїе и҆ жи́знь всѝ вᲂспрїѧ́хᲂмъ зᲂвꙋ́ще , распны́исѧ и҆ пᲂгребы́исѧ и҆ вᲂскр҃сы́и , спасѝ на́съ вᲂскрⷭ҇нїемъ сѝ , є҆ди́не чл҃кᲂлю́бче .

хвали́те гдⷭ҇а всѝ ꙗ҆зы́цы ,꙳ пᲂхвали́те є҆гѡ̀ всѝ лю́дїе . А҆́нг҃ли и҆ чл҃цы сп҃се , твᲂѐ пᲂю́тъ тридне́внᲂе вᲂста́нїе , и҆́мже ѡ҆зари́шасѧ вселе́нныѧ кᲂнцы̀ . и҆ ѿ рабо́ты вра́жїѧ , всѝ и҆зба́вихᲂмсѧ зᲂвꙋ́ще , живᲂтво́рче всеси́льне сп҃се , спасѝ на́съ вᲂскрⷭ҇нїемъ сѝ , є҆ди́не чл҃кᲂлю́бче .

ꙗ҆́кѡ ᲂу҆тверди́сѧ млⷭ҇ть є҆гѡ̀ на на́съ ,꙳ и҆ и҆́стина гдⷭ҇нѧ пребыва́етъ во́ вѣки . Врата̀ мѣ́днаѧ сᲂкрꙋши́лъ є҆сѝ , и҆ вереѝ сте́рлъ є҆сѝ хрⷭ҇тѐ бж҃е , и҆ ро́дъ чл҃ческїи па́дшїи вᲂскр҃си́лъ є҆сѝ . сегѡ̀ ра́ди сᲂгла́снѡ вᲂпїе́мъ ти , вᲂскр҃сы́и и҆з̾ ме́ртвыхъ , гдⷭ҇и сла́ва тебѣ̀ .

сла́ва . Гдⷭ҇и , є҆́же ѿ ѻ҆ц҃а твᲂѐ ржⷭ҇тво̀ , без̾лѣ́тнᲂ є҆́сть и҆ сᲂприснᲂсꙋ́щнᲂ . и҆ є҆́же ѿ дв҃ы вᲂплᲂще́нїе , неи҆зрече́ннѡ челᲂвѣ́кѡмъ и҆ несказа́ннѡ . и҆ є҆́же вᲂ а҆́дъ с̾ше́ствїе , стра́шнѡ дїа́вᲂлꙋ и҆ а҆́ггелѡмъ є҆гѡ̀ . сме́рть бᲂ пᲂпра́въ , тридне́внᲂ вᲂскр҃се , нетлѣ́нїе пᲂдаѧ̀ чл҃кѡмъ , и҆ ве́лїю ми́лᲂсть .

и҆ ны́нѣ , боⷢ҇ . И҆́же тебѐ ра́ди бг҃ᲂѻ҆ц҃ъ прᲂро́къ давы́дъ , пѣ́сненнᲂ ѡ҆ тебѣ̀ прᲂвᲂз̾гласѝ , вели́чїѧ ти сᲂтво́ршꙋ , пред̾ста̀ цр҃ца ѡ҆деснꙋ́ю тебѐ , тебе́ бᲂ мт҃рь хᲂда́тайцꙋ живᲂтꙋ̀ пᲂказа̀ , и҆́же без̾ ѻ҆ц҃а и҆з̾ тебѐ вᲂчл҃читисѧ бл҃гᲂи҆зво́ли бг҃ъ , да сво́й па́ки ѡ҆бнᲂви́тъ ѻ҆́бразъ и҆стлѣ́вшїи страстьмѝ , и҆ заблꙋ́ждьшее вᲂлкᲂхи́щнᲂе ѻ҆вча̀ ѡ҆брѣ́тъ , на ра́мᲂ вᲂспрїи́мъ , кᲂ ѻ҆ц҃ꙋ принесѐ , и҆ къ свᲂемꙋ̀ хᲂтѣ́нїю , с̾ нбⷭ҇ными сᲂвᲂкꙋпи́тъ си́лами . и҆ спасе́тъ бцⷣею ми́ръ хрⷭ҇то́съ , и҆мѣ́ѧи ве́лїю и҆ бᲂга́тꙋю млⷭ҇ть .

Вы́хᲂдъ , съ кади́лᲂмъ .= та́же , свѣ́те ти́хїи . та́же , Прᲂки́менъ вели́кїи . гла́съ , и҃ . Гла́сᲂмъ мᲂи́мъ кᲂ гдⷭ҇ꙋ вᲂзва́хъ , гла́сᲂмъ мᲂи́мъ къ бг҃ꙋ и҆ внѧ́тъ мѝ . =сти́хъ . Въ де́нь печа́ли мᲂеѧ̀ бг҃а взыска́хъ , рꙋка́ма мᲂи́ма но́щїю пред̾ ни́мъ , и҆ непрельще́нъ бы́хъ . сти́хъ . Ѿве́ржесѧ ᲂу҆тѣ́шитисѧ дш҃а мᲂѧ̀ , пᲂмѧнꙋ́хъ бг҃а и҆ вᲂзвесели́хсѧ . сти́хъ . Бж҃е вᲂ ст҃ѣ́мъ пꙋ́ть тво́й . та́же , Гла́сᲂмъ мᲂи́мъ кᲂ гдⷭ҇ꙋ вᲂзва́хъ , гла́сᲂмъ мᲂи́мъ къ бг҃ꙋ и҆ внѧ́тъ мѝ .

пᲂсе́мъ , є҆ктенїѧ̀ : Рце́мъ всѝ . Спᲂдо́би гдⷭ҇и в̾ ве́черъ . та́же : И҆спо́лнимъ вече́рнїѧ мᲂли́твы .

На стихо́внѣ , стихѣ́ра . гла́съ , д҃ . Гдⷭ҇и вᲂз̾ше́дъ на́ крⷭ҇тъ , пра́дѣднюю клѧ́твꙋ на́шꙋ ѡ҆чи́стилъ є҆сѝ . и҆ сᲂше́дъ вᲂ а҆́дъ , вѣ́чныѧ ᲂу҆́зники свᲂбᲂди́лъ є҆сѝ , нетлѣ́нїе да́рꙋѧ чл҃ческᲂмꙋ ро́дꙋ . сегѡ̀ ра́ди пᲂю́ще сла́вимъ , живᲂтвᲂрѧ́щее и҆ спасе́ннᲂе твᲂѐ вᲂскрⷭ҇нїе .

стихѣ́ры , па́сцѣ . пи́саны въ нлⷣю па́схи , на хвали́тѣхъ .

Хрⷭ҇то́съ вᲂскр҃се и҆з̾ме́ртвыхъ сме́ртїю на сме́рть настꙋпѝ , и҆ гро́бнымъ живо́тъ дарᲂва̀ , гⷤ .

и҆ про́чаѧ , ꙗ҆́кᲂже пи́санᲂ в̾ нлⷣю на вече́рни .

Въ сре́дꙋ свѣ́тлыѧ недѣ́ли , на ᲂу҆́трени , пре́же нача́ла , вжига́етъ , свѣщѝ и҆ кади́ла параєклисїа́рхъ . та́же , і҆єре́й ста́въ пред̾ ст҃о́ю трапе́зᲂю с̾ кади́лᲂмъ кадѧ̀ крⷭ҇тᲂѡ҆бра́знѡ , и҆ глаго́летъ : Блгⷭ҇ве́нъ бг҃ъ на́шъ . мы́ же : а҆ми́нь . та́же , і҆єре́й пᲂе́тъ : Хрⷭ҇то́съ вᲂскр҃се и҆з̾ ме́ртвыхъ сме́ртїю на сме́рть настꙋпѝ , и҆ гро́бнымъ живо́тъ дарᲂва̀ ,= вⷤ . Х=рⷭ҇то́съ вᲂскр҃се и҆з̾ ме́ртвыхъ сме́ртїю на сме́рть настꙋпѝ . мы́ же : =и҆ =гро́бнымъ живо́тъ дарᲂва̀ . мы́ же : хрⷭ҇то́съ вᲂскр҃се , гⷤ .

и҆ про́чаѧ , ꙗ҆́кᲂже пи́санᲂ в̾ нлⷣю на вече́рни . та́же , є҆ктенїѧ̀ вели́каѧ .

И҆ =пᲂ вᲂз̾гла́сѣ начина́етъ і҆єре́й , і҆рмо́съ . вᲂскрⷭ҇нїѧ дн҃ь . =и҆ пᲂе́мъ кано́нъ . І҆рмо́съ , пᲂ вⷤ . трᲂпари́ же , на в҃і . пᲂслѣди́ же , катава́сїѧ , і҆рмо́съ , ѻ҆́ба ли́ка вкꙋ́пѣ . Пᲂ г҃ , пѣ́сни , ѵ҆пакᲂй : Предвари́ша ᲂу҆́трᲂ . Пᲂ ѕ҃ , пѣ́сни , кᲂнда́къ : А҆́ще и҆ во́ грᲂбъ сни́де . и҆ и҆́кᲂсъ . та́же , Вᲂскрⷭ҇нїе хрⷭ҇то́вᲂ , гⷤ . Вᲂскр҃съ і҆с҃ъ , гⷤ .

Пᲂ ѳ҃ , пѣ́сни , свѣти́ленъ , гⷤ . та́же , хвали́те гдⷭ҇а с̾ нб҃съ . На хвали́тѣхъ . стⷯры , вᲂскрⷭ҇ны . =Гла́съ , д҃ . Хвали́те є҆гѡ̀ на си́лахъ є҆гѡ̀ ,꙳ хвали́те є҆гѡ̀ пᲂ премно́гᲂмꙋ вели́чествїю є҆гѡ̀ . И҆́=же распѧ́тїе претерпѣ́выи и҆ сме́рть , и҆ вᲂскр҃сы́и и҆з̾ ме́ртвыхъ всемᲂгі́и гдⷭ҇и , сла́вимъ твᲂѐ вᲂскрⷭ҇нїе .

хвали́те є҆гѡ̀ во́ гласѣ трꙋ́бнѣмъ ,꙳ хвали́те є҆гѡ̀ вᲂ ѱалты́ри и҆ гꙋ́слѣхъ . Крⷭ҇то́мъ твᲂи́мъ хрⷭ҇тѐ , ѿ дре́внїѧ клѧ́твы свᲂбᲂди́лъ є҆сѝ на́съ , и҆ сме́ртїю свᲂе́ю , и҆́же є҆стество̀ на́ше мꙋча́щагᲂ дїа́вᲂла ᲂу҆праздни́лъ є҆сѝ . вᲂскрⷭ҇нїемъ же свᲂи́мъ , ра́дᲂсти всѧ́ческаѧ и҆спо́лнилъ є҆сѝ . тѣ́мже вᲂпїе́мъ ти , вᲂскр҃сы́и и҆з̾ ме́ртвыхъ , гдⷭ҇и сла́ва тебѣ̀ .

хвали́те є҆гѡ̀ в̾ тѷмпа́нѣ и҆ ли́цѣ ,꙳ хвали́те є҆гѡ̀ вᲂ стрꙋ́нахъ и҆ ѻ҆рга́нѣхъ . Твᲂи́мъ крⷭ҇то́мъ хрⷭ҇тѐ сп҃се , наста́ви на́съ на и҆́стинꙋ твᲂю̀ , и҆ и҆зба́ви ны̀ ѿ сѣ́ти вра́жїѧ . вᲂскр҃сы́и и҆з̾ ме́ртвыхъ , вᲂста́ви на́съ па́дшїѧсѧ грѣхо́мъ , прᲂсте́ръ рꙋ́кꙋ свᲂю̀ чл҃кᲂлю́бче гдⷭ҇и , мл҃твами ст҃ы́хъ твᲂи́хъ .

хвали́те є҆гѡ̀ в̾ кѷмва́лѣхъ дᲂбрᲂгла́сныхъ , хвали́те є҆гѡ̀ в̾ кѷмва́лѣхъ вᲂсклица́нїѧ .꙳ всѧ́кᲂ дыха́нїе да хва́литъ гдⷭ҇а . Ѻ҆те́ческихъ си нѣ́дръ не ѿлꙋ́чьсѧ є҆динᲂро́днᲂе сло́вᲂ бж҃їе , прїи́де на́ землю за чл҃кᲂлю́бїе , чл҃къ бы́въ непрело́женъ . и҆ распѧ́тїе и҆ сме́рть претерпѣ́лъ є҆сѝ пло́тїю , без̾стра́стныи бжⷭ҇тво́мъ . вᲂскр҃съ же и҆з̾ ме́ртвыхъ , без̾сме́ртїе по́далъ є҆сѝ ро́дꙋ чл҃ческᲂмꙋ , ꙗ҆́кѡ є҆ди́нъ всеси́ленъ .

стихѣ́ры , па́сцѣ . пи́саны въ нлⷣю па́схи , на хвали́тѣхъ .

Хрⷭ҇то́съ вᲂскр҃се и҆з̾ме́ртвыхъ сме́ртїю на сме́рть настꙋпѝ , и҆ гро́бнымъ живо́тъ дарᲂва̀ , гⷤ .

пᲂсе́мъ : є҆ктенїѧ̀ : пᲂми́лꙋй на́съ бж҃е . і҆єре́й , вᲂз̾гла́съ . та́же : и҆спо́лнимъ заꙋ́треннїѧ мл҃твꙋ . и҆ пᲂ вᲂз̾гла́сѣ : сы́и бл҃гᲂслᲂве́нъ . и҆ мы̀ : а҆ми́нь . ᲂу҆твердѝ бж҃е вѣ́рꙋ хрⷭ҇тїа́нскꙋю .

та́же , дїа́кᲂнъ : Премꙋ́дрᲂсть . мы́ же : Хрⷭ҇то́съ вᲂскр҃се и҆з̾ ме́ртвыхъ сме́ртїю на сме́рть настꙋпѝ , и҆ гро́бнымъ живо́тъ дарᲂва̀ .= три́жды , с̾ пᲂкло́нами .= пᲂсе́мъ і҆єре́й твᲂри́тъ , ѿпꙋ́стъ , держа́и крⷭ҇тъ . пᲂе́тъ : Хрⷭ҇то́съ вᲂскр҃се и҆з̾ ме́ртвыхъ сме́ртїю на сме́рть настꙋпѝ . мы́же : И҆гро́бнымъ живо́тъ дарᲂва̀ . і҆єре́й : И҆́стинныи бг҃ъ на́шъ , мл҃твами пречⷭ҇тыѧ є҆гѡ̀ мт҃ре , си́лᲂю чⷭ҇тна́гѡ и҆ живᲂтвᲂрѧ́щагѡ крⷭ҇та̀ , и҆ ст҃ы́хъ сла́вныхъ и҆ всехва́льныхъ а҆пⷭ҇лъ , и҆ всѣ́хъ ст҃ы́хъ пᲂми́лꙋетъ и҆ спасе́тъ на́съ , ꙗ҆́кѡ бл҃гі́и чл҃кᲂлю́бецъ .

та́же , і҆єре́й крⷭ҇тъ вᲂзвыша́ѧ гл҃етъ : Хрⷭ҇то́съ вᲂскр҃се . гⷤ . мы́же : Вᲂи́стинꙋ вᲂскр҃се . гⷤ . и҆ пᲂе́мъ : И҆ =на́мъ дарᲂва̀ живо́тъ вѣ́чныи , пᲂклᲂнѧ́емсѧ тридне́внᲂмꙋ є҆гѡ̀ вᲂскрⷭ҇нїю =[пᲂкло́нъ] .

та́же , а҃ й ча́съ . ꙗ҆́кᲂже ᲂу҆каза́сѧ в̾ нлⷣю на ᲂу҆́трени .= С=и́це же быва́етъ , слꙋ́жба ᲂу҆́тренѧѧ вᲂ всю̀ седми́цꙋ свѣ́тлꙋю .

На литꙋргі́и , а҆нтифо́ны . и҆ є҆ли́цы вᲂ хрⷭ҇та̀ крⷭ҇ти́стесѧ , па́сцѣ непремѣ́ннѡ , ꙗ҆́кᲂже ᲂу҆ка́занᲂ в̾ нлⷣю па́схи .

прᲂки́менъ , ѱл҃о́мъ дв҃дᲂвъ . Пᲂмѧнꙋ̀ и҆́мѧ твᲂѐ вᲂ всѧ́кᲂмъ ро́дѣ и҆ ро́дѣ . сти́хъ . слы́ши дщѝ и҆ ви́ждь , и҆ приклᲂнѝ ᲂу҆́хᲂ твᲂѐ . а҆пⷭ҇лъ , въ дѣѧ́нїихъ . заⷱ҇ , є҃ . а҆ллилꙋ́їѧ . вели́читъ дш҃а мᲂѧ̀ гдⷭ҇а , и҆ вᲂз̾ра́дᲂвасѧ дꙋ́хъ мо́й ѡ҆́ бз҃ѣ сп҃сѣ мᲂе́мъ . сти́хъ . ꙗ҆́кѡ призрѣ̀ на смире́нїе рабы̀ свᲂеѧ̀ , се́бᲂ ѿ ны́нѣ бл҃жа́тъ мѧ̀ всѝ ро́ди . є҆ѵⷢ҇а́лїе , ѿ і҆ѡа́нна . заⷱ҇ , д҃ . прича́стенъ . тѣ́лᲂ хрⷭ҇то́вᲂ прїими́те , и҆ и҆сто́чника без̾сме́ртнагѡ вкꙋси́те . и҆ вхо́димъ въ трапе́зꙋ .

А҆́ще ли неприлꙋчи́тсѧ бы́ти литꙋргі́и , часы̀ пᲂе́мъ па́сцѣ пᲂ ѡ҆бы́чаю . Бл҃же́нна ѿ кано́на па́сцѣ пѣ́снь , є҃ ѧ , на и҃ . А҆пⷭ҇лъ , и҆ є҆ѵⷢ҇а́лїе , вышепи́саннѡ . Пᲂ ѻ҆сла́би кᲂнда́къ , па́сцѣ . и҆ про́чаѧ ꙗ҆́кᲂже ᲂу҆каза́сѧ в̾ недѣ́лю па́схи .

Въ сре́дꙋ свѣ́тлыѧ нлⷣи , ве́черъ . слꙋ́жба пᲂ ѡ҆бы́чаю , ꙗ҆́кᲂже ᲂу҆ка́занᲂ въ нлⷣю ве́черъ .

та́же , пᲂе́мъ . Гдⷭ҇и вᲂзва́хъ , на́ гласъ , є҃ .

пᲂсе́мъ , стихѣ́ры вᲂскрⷭ҇ны , на́ ѕ҃ .

Гла́съ , є҃ . А҆́ще без̾зако́нїѧ на́зриши гдⷭ҇и , гдⷭ҇и кто̀ пᲂстᲂи́тъ ,꙳ ꙗ҆́кѡ ѿ тебѐ ѡ҆чище́нїе є҆́сть . Честны́мъ твᲂи́мъ крⷭ҇то́мъ хрⷭ҇тѐ , дїа́вᲂла пᲂсрами́лъ є҆сѝ , и҆ вᲂскрⷭ҇нїемъ твᲂи́мъ жа́лᲂ грѣхо́внᲂе притꙋпи́лъ є҆сѝ , и҆ спа́слъ є҆сѝ на́съ ѿ вра́тъ сме́ртныхъ , сла́вимъ тѧ є҆динᲂро́дныи .

и҆́мене ра́ди твᲂегѡ̀ пᲂтерпѣ́хъ тѧ̀ гдⷭ҇и , пᲂтерпѣ̀ дш҃а мᲂѧ̀ в̾ сло́вᲂ твᲂѐ ,꙳ ᲂу҆пᲂва̀ дш҃а мᲂѧ̀ на́ гдⷭ҇а . Вᲂскрⷭ҇нїе даѧ̀ ро́дꙋ чл҃ческᲂмꙋ , ꙗ҆́кѡ ѻ҆вча̀ на закᲂле́нїе веде́сѧ . ᲂу҆страши́шасѧ сегѡ̀ кнѧ́зи а҆́дьстїи , и҆ взѧ́шасѧ врата̀ плаче́внаѧ . вни́де бᲂ цр҃ь сла́вы хрⷭ҇то́съ , гл҃ѧ ю҆́жникѡмъ и҆зыди́те , сꙋ́щїи вᲂ тмѣ̀ ѿкры́йтесѧ .

ѿ стра́жи ᲂу҆́тренїѧ до́ нᲂщи , ѿ стра́жи ᲂу҆́тренїѧ ,꙳ да ᲂу҆пᲂва́етъ і҆и҃ль на́ гдⷭ҇а . Ве́лїе чꙋ́дᲂ , неви́димыхъ сᲂдѣ́тель , за чл҃кᲂлю́бїе пло́тїю пᲂстрада́въ , и҆ вᲂскр҃се без̾сме́ртныи . прїиди́те ѻ҆те́чествїѧ ꙗ҆зы́къ , тᲂмꙋ̀ пᲂклᲂни́мсѧ . милᲂсе́рдїемъ бᲂ є҆гѡ̀ ѿ́ лести и҆зба́вльшесѧ , в̾ трїе́хъ сᲂста́вѣхъ , є҆ди́нагᲂ бг҃а пѣ́ти навыко́хᲂмъ .

ꙗ҆́кѡ ѿ́ гдⷭ҇а млⷭ҇ть , и҆ мно́гᲂ ѿ негѡ̀ и҆зба́вленїе , и҆ то́й и҆зба́витъ і҆и҃лѧ ,꙳ ѿ всѣ́хъ без̾зако́нїи є҆гѡ̀ . Вече́рнее пᲂклᲂнѧ́нїе прино́симъ ти , невече́рнемꙋ свѣ́тꙋ , и҆́же на кᲂне́цъ вѣкѡ́мъ , ꙗ҆́кѡ въ зерца́лѣ , пло́тїю вᲂсїѧ́вшꙋ ми́рᲂви , и҆ да́же дᲂ а҆́да сᲂше́дшꙋ , и҆ та́мѡ сꙋ́щꙋю тмꙋ̀ разрꙋши́вшꙋ , и҆ свѣ́тъ вᲂскрⷭ҇нїѧ ꙗ҆зы́кѡмъ пᲂказа́вшꙋ , свѣтᲂда́вче гдⷭ҇и сла́ва тебѣ̀ .

хвали́те гдⷭ҇а всѝ ꙗ҆зы́цы ,꙳ пᲂхвали́те є҆гѡ̀ всѝ лю́дїе . Нача́льника спасе́нїю на́шемꙋ хрⷭ҇та̀ славᲂсло́вимъ , тᲂмꙋ́ бᲂ и҆з̾ ме́ртвыхъ вᲂскре́сшꙋ , ми́ръ ѿ́ лести спасе́сѧ . ра́дꙋетсѧ ли́къ а҆́нг҃льскїи , бѣ́гаетъ же бѣсо́вскаѧ ле́сть . а҆да́мъ пады́и вᲂста́етъ , и҆ дїа́вᲂлъ ᲂу҆праздни́сѧ .

ꙗ҆́кѡ ᲂу҆тверди́сѧ млⷭ҇ть є҆гѡ̀ на на́съ ,꙳ и҆ и҆́стина гдⷭ҇нѧ пребыва́етъ во́ вѣки . И҆́же ѿ кꙋстᲂді́ѧ , ᲂу҆чи́ми быва́хꙋ ѿбез̾зако́нникъ , пᲂкры́йте хрⷭ҇то́вᲂ вᲂскрⷭ҇нїе , и҆ прїими́те сре́бреники , и҆ рцы́те ꙗ҆́кѡ на́мъ спѧ́щимъ , ѿ́ грᲂба ᲂу҆кра́денъ бы́сть мертве́цъ . кто̀ ви́дѣ , и҆лѝ кто̀ слы́ша , мертвеца̀ ᲂу҆кра́дена кᲂгда̀ , па́че же пᲂма́зана и҆ на́га , ѡ҆ста́вльша во́ грᲂбѣ пᲂгреба́льнаѧ ; нельсти́тесѧ і҆ꙋде́и , наꙋчи́тесѧ рече́нїемъ прᲂро́ческимъ , и҆ разꙋмѣ́йте ꙗ҆́кѡ вᲂскр҃се вᲂи́стинꙋ и҆зба́витель ми́рꙋ , и҆ всеси́ленъ .

сла́ва . Гдⷭ҇и , и҆́же а҆́да плѣни́въ , и҆ сме́рть пᲂпра́въ сп҃се на́шъ , и҆ прᲂсвѣ́щь ми́ръ крⷭ҇то́мъ чⷭ҇тны́мъ , пᲂми́лꙋй на́съ .

и҆ ны́нѣ , бг҃ᲂро́диченъ . Вᲂ чермнѣ́мъ мо́ри , бракᲂнеи҆скꙋ́сныѧ невѣ́сты ѻ҆́бразъ написа́сѧ дре́вле . та́мѡ мѡѷсе́й раздѣли́тель вᲂдѣ̀ , здѣ́же гаврїи́лъ слꙋжи́тель чꙋдесѝ . тᲂгда̀ глꙋбинꙋ̀ немо́креннѡ ше́ствᲂвавъ і҆зра́иль , ны́нѣ же хрⷭ҇та̀ рᲂдѝ без̾ сѣ́мене дв҃аѧ . мо́ре пᲂ прᲂше́ствїи і҆и҃левѣ , пребы́сть непрᲂхᲂди́мѡ . непᲂро́чнаѧ же пᲂ рᲂжествѣ̀ є҆мманꙋ́илевѣ , пребы́сть нетлѣ́нна . сы́и пре́жде сы́и , ꙗ҆вле́исѧ ꙗ҆́кѡ челᲂвѣ́къ , бж҃е пᲂми́лꙋй на́съ .

Вы́хᲂдъ , съ кади́лᲂмъ .= та́же , свѣ́те ти́хїи . та́же , Прᲂки́менъ вели́кїи . гла́съ , з҃ . Внꙋшѝ бж҃е мл҃твꙋ мᲂю̀ , и҆ непре́зри мᲂле́нїѧ мᲂегѡ̀ . =сти́хъ . Вᲂнми́ ми и҆ ᲂу҆слы́ши мѧ̀ . сти́хъ . А҆́зъ к̾ бг҃ꙋ вᲂзва́хъ , и҆ гдⷭ҇ь ᲂу҆слы́ша мѧ̀ . сти́хъ . Ве́черъ и҆ ᲂу҆́трᲂ и҆ пᲂлꙋ́дне , пᲂвѣ́мъ и҆ вᲂзвѣщꙋ̀ , и҆ ᲂу҆слы́шитъ гла́съ мо́й . та́же , Внꙋшѝ бж҃е мл҃твꙋ мᲂю̀ , и҆ непре́зри мᲂле́нїѧ мᲂегѡ̀ .

пᲂсе́мъ , є҆ктенїѧ̀ : Рце́мъ всѝ . Спᲂдо́би гдⷭ҇и в̾ ве́черъ . та́же : И҆спо́лнимъ вече́рнїѧ мᲂли́твы .

На стихо́внѣ , стихѣ́ра . гла́съ , є҃ . Тебѐ вᲂпло́щшагᲂсѧ сп҃са хрⷭ҇та̀ , и҆ ѿ небе́съ неразлꙋ́чьшасѧ , во́ гласѣхъ пѣ́нїѧ вᲂзвели́чимъ . ꙗ҆́кѡ крⷭ҇тъ и҆ сме́рть прїѧ́тъ за́ рᲂдъ на́шъ , ꙗ҆́кѡ чл҃кᲂлю́бецъ гдⷭ҇и , сᲂкрꙋши́выи а҆́дᲂва врата̀ , и҆ тридне́внᲂ вᲂскрⷭ҇лъ є҆сѝ , спаса́ѧ дш҃а на́ша .

стихѣ́ры , па́сцѣ . пи́саны въ нлⷣю па́схи , на хвали́тѣхъ .

Хрⷭ҇то́съ вᲂскр҃се и҆з̾ме́ртвыхъ сме́ртїю на сме́рть настꙋпѝ , и҆ гро́бнымъ живо́тъ дарᲂва̀ , гⷤ .

и҆ про́чаѧ , ꙗ҆́кᲂже пи́санᲂ в̾ нлⷣю на вече́рни .

Въ четверто́къ свѣ́тлыѧ нлⷣи , на ᲂу҆́трени , пре́же нача́ла , вжига́етъ , свѣщѝ и҆ кади́ла параєклисїа́рхъ . та́же , і҆єре́й ста́въ пред̾ ст҃о́ю трапе́зᲂю с̾ кади́лᲂмъ кадѧ̀ крⷭ҇тᲂѡ҆бра́знѡ , и҆ глаго́летъ : Блгⷭ҇ве́нъ бг҃ъ на́шъ . мы́ же : а҆ми́нь . та́же , і҆єре́й пᲂе́тъ : Хрⷭ҇то́съ вᲂскр҃се и҆з̾ ме́ртвыхъ сме́ртїю на сме́рть настꙋпѝ , и҆ гро́бнымъ живо́тъ дарᲂва̀ ,= вⷤ . Х=рⷭ҇то́съ вᲂскр҃се и҆з̾ ме́ртвыхъ сме́ртїю на сме́рть настꙋпѝ . мы́ же : =и҆ =гро́бнымъ живо́тъ дарᲂва̀ . мы́ же : хрⷭ҇то́съ вᲂскр҃се , гⷤ .

и҆ про́чаѧ , ꙗ҆́кᲂже пи́санᲂ в̾ нлⷣю на вече́рни . та́же , є҆ктенїѧ̀ вели́каѧ .

И҆ =пᲂ вᲂз̾гла́сѣ начина́етъ і҆єре́й , і҆рмо́съ . вᲂскрⷭ҇нїѧ дн҃ь . =и҆ пᲂе́мъ кано́нъ . І҆рмо́съ , пᲂ вⷤ . трᲂпари́ же , на в҃і . пᲂслѣди́ же , катава́сїѧ , і҆рмо́съ , ѻ҆́ба ли́ка вкꙋ́пѣ . Пᲂ г҃ , пѣ́сни , ѵ҆пакᲂй : Предвари́ша ᲂу҆́трᲂ . Пᲂ ѕ҃ , пѣ́сни , кᲂнда́къ : А҆́ще и҆ во́ грᲂбъ сни́де . и҆ и҆́кᲂсъ . та́же , Вᲂскрⷭ҇нїе хрⷭ҇то́вᲂ , гⷤ . Вᲂскр҃съ і҆с҃ъ , гⷤ .

Пᲂ ѳ҃ , пѣ́сни , свѣти́ленъ , гⷤ . та́же , хвали́те гдⷭ҇а с̾ нб҃съ . На хвали́тѣхъ . стⷯры , вᲂскрⷭ҇ны . =Гла́съ , є҃ . Хвали́те є҆гѡ̀ на си́лахъ є҆гѡ̀ ,꙳ хвали́те є҆гѡ̀ пᲂ премно́гᲂмꙋ вели́чествїю є҆гѡ̀ . Г=дⷭ҇и , запечатлѣ́ннꙋ гро́бꙋ ѿ без̾зако́нникъ , прᲂи҆зше́лъ є҆сѝ и҆́з̾ грᲂба , ꙗ҆́кᲂже рᲂди́сѧ ѿ бцⷣы . неразꙋмѣ́ша ка́кѡ вᲂплᲂти́сѧ , беспло́тнїи твᲂѝ а҆́нг҃ли ; нечꙋ́ша кᲂгда̀ вᲂскр҃се , стрегꙋ́щїи тѧ во́ини ; ѡ҆бᲂѧ́ бᲂ запечатлѣ́шасѧ и҆́щꙋщимъ , ꙗ҆ви́шажесѧ чꙋдеса̀ , кла́нѧющимсѧ вѣ́рᲂю та́иньствꙋ , є҆́же вᲂспѣва́емъ , вᲂзда́ждь на́мъ ра́дᲂсть , и҆ ве́лїю ми́лᲂсть .

хвали́те є҆гѡ̀ во́ гласѣ трꙋ́бнѣмъ ,꙳ хвали́те є҆гѡ̀ вᲂ ѱалты́ри и҆ гꙋ́слѣхъ . Гдⷭ҇и , вереѝ вѣ́чныѧ сᲂкрꙋши́въ , и҆ ᲂу҆́зы растерза́въ , ѿ́ грᲂба вᲂскр҃се , ѡ҆ста́вль свᲂѧ̀ пᲂгреба́тельнаѧ , вᲂ свидѣ́тельствᲂ и҆́стинѣ , тридне́внагѡ пᲂгребе́нїѧ твᲂегѡ̀ . и҆ пред̾вари́въ въ галиле́и , и҆́же въ пеще́рѣ стрего́мыи . вели́каѧ твᲂѧ̀ млⷭ҇ть , непᲂсти́жимыи сп҃се пᲂми́лꙋй на́съ .

хвали́те є҆гѡ̀ в̾ тѷмпа́нѣ и҆ ли́цѣ ,꙳ хвали́те є҆гѡ̀ вᲂ стрꙋ́нахъ и҆ ѻ҆рга́нѣхъ . Гдⷭ҇и , жены̀ теко́ша на́ грᲂбъ ви́дѣти тебѐ хрⷭ҇та̀ , на́съ ра́ди пᲂстрада́вшагѡ , и҆ пристꙋ́пльше ѡ҆брѣто́ша а҆́нг҃ла на ка́мени сѣдѧ́ща , стра́хᲂмъ ѿва́льшемсѧ , и҆ к̾ ни́мъ вᲂзᲂпѝ гл҃ѧ , вᲂскр҃се гдⷭ҇ь . рцы́те ᲂу҆чн҃кѡ́мъ , ꙗ҆́кѡ вᲂста̀ ѿ ме́ртвыхъ , спаса́ѧ дш҃а на́ша .

хвали́те є҆гѡ̀ в̾ кѷмва́лѣхъ дᲂбрᲂгла́сныхъ , хвали́те є҆гѡ̀ в̾ кѷмва́лѣхъ вᲂсклица́нїѧ .꙳ всѧ́кᲂ дыха́нїе да хва́литъ гдⷭ҇а . Гдⷭ҇и , ꙗ҆́кᲂже и҆зы́де ѿ запечатлѣ́нна гро́ба , та́кѡ в̾ни́де и҆ две́ремъ затвᲂре́нᲂмъ кᲂ ᲂу҆чн҃кѡ́мъ свᲂи́мъ . пᲂказꙋ́ѧ и҆́мъ плᲂтьскі́ѧ ꙗ҆́звы , и҆́хже прїѧ́тъ сп҃се дᲂлгᲂтерпѣли́ве , ꙗ҆́кѡ ѿ сѣ́мене дв҃дᲂва ꙗ҆́звы претерпѣ́въ , ꙗ҆́кѡ сн҃ъ бж҃їи ми́ра свᲂбᲂди́лъ є҆сѝ . вели́каѧ твᲂѧ̀ ми́лᲂсть , непᲂсти́жиме сп҃се пᲂми́лꙋй на́съ .

стихѣ́ры , па́сцѣ . пи́саны въ нлⷣю па́схи , на хвали́тѣхъ .

Хрⷭ҇то́съ вᲂскр҃се и҆з̾ме́ртвыхъ сме́ртїю на сме́рть настꙋпѝ , и҆ гро́бнымъ живо́тъ дарᲂва̀ , гⷤ .

пᲂсе́мъ : є҆ктенїѧ̀ : пᲂми́лꙋй на́съ бж҃е . і҆єре́й , вᲂз̾гла́съ . та́же : и҆спо́лнимъ заꙋ́треннїѧ мл҃твꙋ . и҆ пᲂ вᲂз̾гла́сѣ : сы́и бл҃гᲂслᲂве́нъ . и҆ мы̀ : а҆ми́нь . ᲂу҆твердѝ бж҃е вѣ́рꙋ хрⷭ҇тїа́нскꙋю .

та́же , дїа́кᲂнъ : Премꙋ́дрᲂсть . мы́ же : Хрⷭ҇то́съ вᲂскр҃се и҆з̾ ме́ртвыхъ сме́ртїю на сме́рть настꙋпѝ , и҆ гро́бнымъ живо́тъ дарᲂва̀ .= три́жды , с̾ пᲂкло́нами .= пᲂсе́мъ і҆єре́й твᲂри́тъ , ѿпꙋ́стъ , держа́и крⷭ҇тъ . пᲂе́тъ : Хрⷭ҇то́съ вᲂскр҃се и҆з̾ ме́ртвыхъ сме́ртїю на сме́рть настꙋпѝ . мы́же : И҆гро́бнымъ живо́тъ дарᲂва̀ . і҆єре́й : И҆́стинныи бг҃ъ на́шъ , мл҃твами пречⷭ҇тыѧ є҆гѡ̀ мт҃ре , си́лᲂю чⷭ҇тна́гѡ и҆ живᲂтвᲂрѧ́щагѡ крⷭ҇та̀ , и҆ ст҃ы́хъ сла́вныхъ и҆ всехва́льныхъ а҆пⷭ҇лъ , и҆ всѣ́хъ ст҃ы́хъ пᲂми́лꙋетъ и҆ спасе́тъ на́съ , ꙗ҆́кѡ бл҃гі́и чл҃кᲂлю́бецъ .

та́же , і҆єре́й крⷭ҇тъ вᲂзвыша́ѧ гл҃етъ : Хрⷭ҇то́съ вᲂскр҃се . гⷤ . мы́же : Вᲂи́стинꙋ вᲂскр҃се . гⷤ . и҆ пᲂе́мъ : И҆ =на́мъ дарᲂва̀ живо́тъ вѣ́чныи , пᲂклᲂнѧ́емсѧ тридне́внᲂмꙋ є҆гѡ̀ вᲂскрⷭ҇нїю =[пᲂкло́нъ] .

та́же , а҃ й ча́съ . ꙗ҆́кᲂже ᲂу҆каза́сѧ в̾ нлⷣю на ᲂу҆́трени .= С=и́це же быва́етъ , слꙋ́жба ᲂу҆́тренѧѧ вᲂ всю̀ седми́цꙋ свѣ́тлꙋю .

На литꙋргі́и , а҆нтифо́ны . и҆ є҆ли́цы вᲂ хрⷭ҇та̀ крⷭ҇ти́стесѧ , па́сцѣ непремѣ́ннѡ , ꙗ҆́кᲂже ᲂу҆ка́занᲂ в̾ нлⷣю па́схи .

прᲂки́менъ , ѱл҃о́мъ дв҃дᲂвъ . По́йте бг҃ꙋ на́шемꙋ по́йте , по́йте цр҃е́ви на́шемꙋ по́йте . сти́хъ . всѝ ꙗ҆зы́цы вᲂсплещи́те рꙋка́ми , вᲂскли́кните бг҃ꙋ гла́сᲂмъ ра́дᲂсти . а҆пⷭ҇лъ , в̾ дѣѧ́нїихъ . заⷱ҇ , ѕ҃ . а҆ллилꙋ́їѧ . налѧцы̀ и҆ спѣ́й и҆ црⷭ҇твꙋй , и҆́стины ра́ди и҆ кро́тᲂсти и҆ пра́вды . сти́хъ . вᲂзлюби́лъ є҆сѝ пра́вдꙋ , и҆ вᲂзненави́дѣ без̾зако́нїе . є҆ѵⷢ҇а́лїе , ѿ і҆ѡа́нна . заⷱ҇ , и҃ . прича́стенъ . тѣ́лᲂ хрⷭ҇то́вᲂ прїими́те , и҆ и҆сто́чника без̾сме́ртнагѡ вкꙋси́те . и҆ вхо́димъ въ трапе́зꙋ .

А҆́ще ли неприлꙋчи́тсѧ бы́ти литꙋргі́и , часы̀ пᲂе́мъ па́сцѣ пᲂ ѡ҆бы́чаю . Бл҃же́нна ѿ кано́на па́сцѣ пѣ́снь , з҃ ѧ , на и҃ . А҆пⷭ҇лъ , и҆ є҆ѵⷢ҇а́лїе , вышепи́саннѡ . Пᲂ ѻ҆сла́би кᲂнда́къ , па́сцѣ . и҆ про́чаѧ ꙗ҆́кᲂже ᲂу҆каза́сѧ в̾ недѣ́лю па́схи .

Въ четверто́къ свѣ́тлыѧ нлⷣи , ве́черъ . слꙋ́жба пᲂ ѡ҆бы́чаю , ꙗ҆́кᲂже ᲂу҆ка́занᲂ въ нлⷣю ве́черъ .

та́же , пᲂе́мъ . Гдⷭ҇и вᲂзва́хъ , на́ гласъ , ѕ҃ .

пᲂсе́мъ , стихѣ́ры вᲂскрⷭ҇ны , на́ ѕ҃ .

Гла́съ , ѕ҃ . А҆́ще без̾зако́нїѧ на́зриши гдⷭ҇и , гдⷭ҇и кто̀ пᲂстᲂи́тъ ,꙳ ꙗ҆́кѡ ѿ тебѐ ѡ҆чище́нїе є҆́сть . Пᲂбѣ́дꙋ и҆мѣ́ѧ хрⷭ҇тѐ ю҆́же на а҆́да , и҆ на́ крⷭ҇тъ в̾зы́де , да сѣдѧ́щїѧ вᲂ тмѣ̀ и҆ сѣ́ни сме́ртнѣй , вᲂскр҃си́ши с̾сᲂбо́ю , свᲂбо́дь сы́и в̾ ме́ртвыхъ . и҆стᲂча́ѧ живо́тъ ѿ свᲂегѡ̀ свѣ́та , всеси́льне сп҃се пᲂми́лꙋй на́съ .

и҆́мене ра́ди твᲂегѡ̀ пᲂтерпѣ́хъ тѧ̀ гдⷭ҇и , пᲂтерпѣ̀ дш҃а мᲂѧ̀ в̾ сло́вᲂ твᲂѐ ,꙳ ᲂу҆пᲂва̀ дш҃а мᲂѧ̀ на́ гдⷭ҇а . Дне́сь хрⷭ҇то́съ сме́рть пᲂпра́въ , ꙗ҆́кᲂже речѐ и҆ вᲂскр҃се , и҆ ра́дᲂванїе всемꙋ̀ ми́рꙋ дарᲂва̀ . да всѝ в̾зыва́юще пѣ́сньми та́кѡ рце́мъ , и҆сто́чниче жи́зни , неприкᲂснᲂве́нныи свѣ́те , всеси́льне сп҃се пᲂми́лꙋй на́съ .

ѿ стра́жи ᲂу҆́тренїѧ до́ нᲂщи , ѿ стра́жи ᲂу҆́тренїѧ ,꙳ да ᲂу҆пᲂва́етъ і҆и҃ль на́ гдⷭ҇а . Тебѐ гдⷭ҇и сꙋ́щагѡ пᲂ все́й тва́ри , грѣ́шнїи ка́мѡ бѣжи́мъ ; на́ нб҃си са́мъ живе́ши . вᲂ а҆́дѣ же пᲂпра́въ сме́рть . вᲂ глꙋбины̀ мᲂрскі́ѧ , тꙋ̀ рꙋка̀ твᲂѧ̀ влⷣкᲂ . къ тебѣ̀ прибѣга́емъ , и҆ тебѣ̀ припа́дающе мо́лимсѧ , вᲂскр҃сы́и и҆з̾ ме́ртвыхъ пᲂми́лꙋй на́съ .

ꙗ҆́кѡ ѿ́ гдⷭ҇а млⷭ҇ть , и҆ мно́гᲂ ѿ негѡ̀ и҆зба́вленїе , и҆ то́й и҆зба́витъ і҆и҃лѧ ,꙳ ѿ всѣ́хъ без̾зако́нїи є҆гѡ̀ . Крⷭ҇то́мъ твᲂи́мъ хрⷭ҇тѐ хва́лимсѧ , и҆ вᲂскрⷭ҇нїе твᲂѐ пᲂе́мъ и҆ сла́вимъ . ты́ бᲂ є҆сѝ бг҃ъ на́шъ , ра́звѣ тебѐ и҆но́гᲂ незна́емъ .

хвали́те гдⷭ҇а всѝ ꙗ҆зы́цы ,꙳ пᲂхвали́те є҆гѡ̀ всѝ лю́дїе . Сла́ва си́лѣ твᲂе́й гдⷭ҇и , ꙗ҆́кѡ ᲂу҆праздни́лъ є҆сѝ держа́вꙋ и҆мꙋ́щагѡ сме́рти . ѡ҆бнᲂви́лъ є҆сѝ на́съ крⷭ҇то́мъ свᲂи́мъ , дарᲂва̀ на́мъ живо́тъ и҆ нетлѣ́нїе .

ꙗ҆́кѡ ᲂу҆тверди́сѧ млⷭ҇ть є҆гѡ̀ на на́съ ,꙳ и҆ и҆́стина гдⷭ҇нѧ пребыва́етъ во́ вѣки . Всегда̀ бл҃гᲂсло́вѧще гдⷭ҇а , пᲂе́мъ вᲂскрⷭ҇нїе є҆гѡ̀ . распѧ́тїе бᲂ претерпѣ́въ , и҆ сме́ртїю сме́рть разрꙋшѝ .

сла́ва . Пᲂгребе́нїе твᲂѐ влⷣкᲂ , ᲂу҆́зы а҆́дᲂвы сᲂкрꙋши́въ растерза̀ , и҆ є҆́же и҆з̾ ме́ртвыхъ вᲂскрⷭ҇нїе ве́сь ми́ръ прᲂсвѣтѝ . чл҃кᲂлю́бче сла́ва тебѣ̀ .

и҆ ны́нѣ , бг҃ᲂро́диченъ . Кто̀ тебѐ неблажи́тъ прест҃а́ѧ дв҃це ; и҆лѝ кто̀ невᲂспѣва́етъ твᲂегѡ̀ пречⷭ҇тагѡ ржⷭ҇тва̀ ; без̾лѣ́тныи бᲂ ѿ ѻ҆ц҃а вᲂзсїѧ́въ сн҃ъ є҆динᲂро́дныи , то́йже ѿ тебѐ чи́стыѧ про́йде , несказа́ннѡ вᲂпло́щьсѧ . є҆стество́мъ бг҃ъ сы́и , и҆ є҆стество́мъ бы́въ чл҃къ на́съ ра́ди . не вᲂдвᲂю̀ лицꙋ̀ раздѣлѧ́емъ . нᲂ вᲂдвᲂю̀ є҆стествꙋ̀ несмѣ́снᲂ пᲂзнава́емъ . тᲂгѡ̀ мᲂлѝ чи́стаѧ и҆ всебл҃же́ннаѧ , пᲂми́лᲂватисѧ дш҃а́мъ на́шимъ .

Вы́хᲂдъ , съ кади́лᲂмъ .= та́же , свѣ́те ти́хїи . та́же , Прᲂки́менъ вели́кїи . гла́съ , з҃ . Вᲂзлюблю̀ тѧ̀ гдⷭ҇и крѣ́пᲂсти мᲂѧ̀ , гдⷭ҇ь ᲂу҆тверже́нїе мᲂѐ , и҆ прибѣ́жище мᲂѐ , и҆ и҆зба́витель мо́й . =сти́хъ . Бг҃ъ мо́й пᲂмо́щникъ мо́й , и҆ ᲂу҆пᲂва́ю на́нь . сти́хъ . Хвала́мъ призᲂвꙋ̀ гдⷭ҇а , и҆ ѿ вра́гъ мᲂи́хъ спасꙋ́сѧ . сти́хъ . Оу҆слы́ша ѿ цр҃кве ст҃ы́ѧ свᲂеѧ̀ гла́съ мо́й . та́же , Вᲂзлюблю̀ тѧ̀ гдⷭ҇и крѣ́пᲂсти мᲂѧ̀ , гдⷭ҇ь ᲂу҆тверже́нїе мᲂѐ , и҆ прибѣ́жище мᲂѐ , и҆ и҆зба́витель мо́й .

пᲂсе́мъ , є҆ктенїѧ̀ : Рце́мъ всѝ . Спᲂдо́би гдⷭ҇и в̾ ве́черъ . та́же : И҆спо́лнимъ вече́рнїѧ мᲂли́твы .

На стихо́внѣ , стⷯра . гла́съ , ѕ҃ . Вᲂскрⷭ҇нїе твᲂѐ хрⷭ҇тѐ сп҃се , а҆́нг҃ли пᲂю́тъ на́ нб҃сѣхъ . и҆ на́съ на землѝ спᲂдо́би , чи́стыми срⷣцы тебѐ сла́вити .

стихѣ́ры , па́сцѣ . пи́саны въ нлⷣю па́схи , на хвали́тѣхъ .

Хрⷭ҇то́съ вᲂскр҃се и҆з̾ме́ртвыхъ сме́ртїю на сме́рть настꙋпѝ , и҆ гро́бнымъ живо́тъ дарᲂва̀ , гⷤ .

и҆ про́чаѧ , ꙗ҆́кᲂже пи́санᲂ в̾ нлⷣю на вече́рни .

Въ пѧто́къ свѣ́тлыѧ нлⷣи , на ᲂу҆́трени , пре́же нача́ла , вжига́етъ , свѣщѝ и҆ кади́ла параєклисїа́рхъ . та́же , і҆єре́й ста́въ пред̾ ст҃о́ю трапе́зᲂю с̾ кади́лᲂмъ кадѧ̀ крⷭ҇тᲂѡ҆бра́знѡ , и҆ глаго́летъ : Блгⷭ҇ве́нъ бг҃ъ на́шъ . мы́ же : а҆ми́нь . та́же , і҆єре́й пᲂе́тъ : Хрⷭ҇то́съ вᲂскр҃се и҆з̾ ме́ртвыхъ сме́ртїю на сме́рть настꙋпѝ , и҆ гро́бнымъ живо́тъ дарᲂва̀ ,= вⷤ . Х=рⷭ҇то́съ вᲂскр҃се и҆з̾ ме́ртвыхъ сме́ртїю на сме́рть настꙋпѝ . мы́ же : =и҆ =гро́бнымъ живо́тъ дарᲂва̀ . мы́ же : хрⷭ҇то́съ вᲂскр҃се , гⷤ .

и҆ про́чаѧ , ꙗ҆́кᲂже пи́санᲂ в̾ нлⷣю на вече́рни . та́же , є҆ктенїѧ̀ вели́каѧ .

И҆ =пᲂ вᲂз̾гла́сѣ начина́етъ і҆єре́й , і҆рмо́съ . вᲂскрⷭ҇нїѧ дн҃ь . =и҆ пᲂе́мъ кано́нъ . І҆рмо́съ , пᲂ вⷤ . трᲂпари́ же , на в҃і . пᲂслѣди́ же , катава́сїѧ , і҆рмо́съ , ѻ҆́ба ли́ка вкꙋ́пѣ . Пᲂ г҃ , пѣ́сни , ѵ҆пакᲂй : Предвари́ша ᲂу҆́трᲂ . Пᲂ ѕ҃ , пѣ́сни , кᲂнда́къ : А҆́ще и҆ во́ грᲂбъ сни́де . и҆ и҆́кᲂсъ . та́же , Вᲂскрⷭ҇нїе хрⷭ҇то́вᲂ , гⷤ . Вᲂскр҃съ і҆с҃ъ , гⷤ .

Пᲂ ѳ҃ , пѣ́сни , свѣти́ленъ , гⷤ . та́же , хвали́те гдⷭ҇а с̾ нб҃съ . На хвали́тѣхъ . стⷯры , вᲂскрⷭ҇ны . =Гла́съ , ѕ҃ . Хвали́те є҆гѡ̀ на си́лахъ є҆гѡ̀ ,꙳ хвали́те є҆гѡ̀ пᲂ премно́гᲂмꙋ вели́чествїю є҆гѡ̀ . К=рⷭ҇тъ тво́й гдⷭ҇и , жи́знь и҆ вᲂскрⷭ҇нїе лю́демъ твᲂи́мъ є҆́сть . и҆ на́нь надѣ́ющесѧ , тебѐ вᲂскрⷭ҇шагѡ бг҃а на́шегѡ пᲂе́мъ , пᲂми́лꙋй на́съ .

хвали́те є҆гѡ̀ во́ гласѣ трꙋ́бнѣмъ ,꙳ хвали́те є҆гѡ̀ вᲂ ѱалты́ри и҆ гꙋ́слѣхъ . Пᲂгребе́нїе твᲂѐ влⷣкᲂ , ра́й ѿве́рзе ро́дꙋ чл҃ческᲂмꙋ . и҆ ѿ тлѝ и҆зба́вльшесѧ , тебѐ вᲂскрⷭ҇шагѡ бг҃а на́шегѡ пᲂе́мъ , пᲂми́лꙋй на́съ .

хвали́те є҆гѡ̀ в̾ тѷмпа́нѣ и҆ ли́цѣ ,꙳ хвали́те є҆гѡ̀ вᲂ стрꙋ́нахъ и҆ ѻ҆рга́нѣхъ . Сᲂ ѻ҆ц҃е́мъ и҆ дх҃ᲂмъ хрⷭ҇та̀ вᲂспᲂе́мъ , вᲂскрⷭ҇шагѡ и҆з̾ ме́ртвыхъ . и҆ къ немꙋ̀ вᲂзᲂпїе́мъ , ты̀ є҆сѝ жи́знь на́ша и҆ вᲂскрⷭ҇нїе , пᲂми́лꙋй на́съ .

хвали́те є҆гѡ̀ в̾ кѷмва́лѣхъ дᲂбрᲂгла́сныхъ , хвали́те є҆гѡ̀ в̾ кѷмва́лѣхъ вᲂсклица́нїѧ .꙳ всѧ́кᲂ дыха́нїе да хва́литъ гдⷭ҇а . Тридне́внѡ вᲂскрⷭ҇лъ є҆сѝ хрⷭ҇тѐ и҆́з̾грᲂба , ꙗ҆́кᲂже є҆́сть пи́санᲂ , и҆ сᲂвᲂскреси́въ пра́дѣда на́шегѡ . сегѡ̀ ра́ди тѧ̀ сла́витъ ро́дъ чл҃ческїи , и҆ пᲂе́тъ твᲂѐ вᲂскрⷭ҇нїе .

стихѣ́ры , па́сцѣ . пи́саны въ нлⷣю па́схи , на хвали́тѣхъ .

Хрⷭ҇то́съ вᲂскр҃се и҆з̾ме́ртвыхъ сме́ртїю на сме́рть настꙋпѝ , и҆ гро́бнымъ живо́тъ дарᲂва̀ , гⷤ .

пᲂсе́мъ : є҆ктенїѧ̀ : пᲂми́лꙋй на́съ бж҃е . і҆єре́й , вᲂз̾гла́съ . та́же : и҆спо́лнимъ заꙋ́треннїѧ мл҃твꙋ . и҆ пᲂ вᲂз̾гла́сѣ : сы́и бл҃гᲂслᲂве́нъ . и҆ мы̀ : а҆ми́нь . ᲂу҆твердѝ бж҃е вѣ́рꙋ хрⷭ҇тїа́нскꙋю .

та́же , дїа́кᲂнъ : Премꙋ́дрᲂсть . мы́ же : Хрⷭ҇то́съ вᲂскр҃се и҆з̾ ме́ртвыхъ сме́ртїю на сме́рть настꙋпѝ , и҆ гро́бнымъ живо́тъ дарᲂва̀ .= три́жды , с̾ пᲂкло́нами .= пᲂсе́мъ і҆єре́й твᲂри́тъ , ѿпꙋ́стъ , держа́и крⷭ҇тъ . пᲂе́тъ : Хрⷭ҇то́съ вᲂскр҃се и҆з̾ ме́ртвыхъ сме́ртїю на сме́рть настꙋпѝ . мы́же : И҆гро́бнымъ живо́тъ дарᲂва̀ . і҆єре́й : И҆́стинныи бг҃ъ на́шъ , мл҃твами пречⷭ҇тыѧ є҆гѡ̀ мт҃ре , си́лᲂю чⷭ҇тна́гѡ и҆ живᲂтвᲂрѧ́щагѡ крⷭ҇та̀ , и҆ ст҃ы́хъ сла́вныхъ и҆ всехва́льныхъ а҆пⷭ҇лъ , и҆ всѣ́хъ ст҃ы́хъ пᲂми́лꙋетъ и҆ спасе́тъ на́съ , ꙗ҆́кѡ бл҃гі́и чл҃кᲂлю́бецъ .

та́же , і҆єре́й крⷭ҇тъ вᲂзвыша́ѧ гл҃етъ : Хрⷭ҇то́съ вᲂскр҃се . гⷤ . мы́же : Вᲂи́стинꙋ вᲂскр҃се . гⷤ . и҆ пᲂе́мъ : И҆ =на́мъ дарᲂва̀ живо́тъ вѣ́чныи , пᲂклᲂнѧ́емсѧ тридне́внᲂмꙋ є҆гѡ̀ вᲂскрⷭ҇нїю =[пᲂкло́нъ] .

та́же , а҃ й ча́съ . ꙗ҆́кᲂже ᲂу҆каза́сѧ в̾ нлⷣю на ᲂу҆́трени .= С=и́це же быва́етъ , слꙋ́жба ᲂу҆́тренѧѧ вᲂ всю̀ седми́цꙋ свѣ́тлꙋю .

На литꙋргі́и , а҆нтифо́ны . и҆ є҆ли́цы вᲂ хрⷭ҇та̀ крⷭ҇ти́стесѧ , па́сцѣ непремѣ́ннѡ , ꙗ҆́кᲂже ᲂу҆ка́занᲂ в̾ нлⷣю па́схи .

прᲂки́менъ , ѱл҃о́мъ дв҃дᲂвъ . Вᲂ всю̀ зе́млю и҆зыдо́ша вѣща́нїе и҆́хъ , и҆ в̾ кᲂнцы̀ вселе́нныѧ гл҃ы и҆́хъ . сти́хъ . нб҃са̀ пᲂвѣ́даютъ сла́вꙋ бж҃їю , твᲂре́нїе же рꙋ́кꙋ є҆гѡ̀ вᲂз̾вѣща́етъ тве́рдь .

а҆пⷭ҇лъ , въ дѣѧ́нїихъ . зача́лᲂ , з҃ . а҆ллилꙋ́їѧ . и҆спᲂвѣ́дѧтъ нб҃са̀ чꙋдеса̀ твᲂѧ̀ гдⷭ҇и . сти́хъ . бг҃ъ прᲂславлѧ́емь в̾ сᲂвѣ́тѣхъ ст҃ы́хъ . є҆ѵⷢ҇а́лїе , ѿ і҆ѡа́нна . зача́лᲂ , з҃ . прича́стенъ . тѣ́лᲂ хрⷭ҇то́вᲂ прїими́те , и҆ и҆сто́чника без̾сме́ртнагѡ вкꙋси́те . и҆ вхо́димъ въ трапе́зꙋ .

А҆́ще ли неприлꙋчи́тсѧ бы́ти литꙋргі́и , часы̀ пᲂе́мъ па́сцѣ пᲂ ѡ҆бы́чаю . Бл҃же́нна ѿ кано́на па́сцѣ пѣ́снь , и҃ ѧ , на и҃ . А҆пⷭ҇лъ , и҆ є҆ѵⷢ҇а́лїе , вышепи́саннѡ . Пᲂ ѻ҆сла́би кᲂнда́къ , па́сцѣ . и҆ про́чаѧ ꙗ҆́кᲂже ᲂу҆каза́сѧ в̾ недѣ́лю па́схи .

Въ пѧто́къ свѣ́тлыѧ нлⷣи , ве́черъ . слꙋ́жба пᲂ ѡ҆бы́чаю , ꙗ҆́кᲂже ᲂу҆ка́занᲂ въ нлⷣю ве́черъ .

та́же , пᲂе́мъ . Гдⷭ҇и вᲂзва́хъ , на́ гласъ , и҃ .

пᲂсе́мъ , стихѣ́ры вᲂскрⷭ҇ны , на́ ѕ҃ .

Гла́съ , и҃ . А҆́ще без̾зако́нїѧ на́зриши гдⷭ҇и , гдⷭ҇и кто̀ пᲂстᲂи́тъ ,꙳ ꙗ҆́кѡ ѿ тебѐ ѡ҆чище́нїе є҆́сть . Вече́рнюю пѣ́снь , и҆ слᲂве́снꙋю слꙋ́жбꙋ , тебѣ̀ хрⷭ҇тѐ прино́симъ , ꙗ҆́кѡ бл҃гᲂвᲂли́лъ є҆сѝ пᲂми́лᲂвати на́съ , вᲂскрⷭ҇нїѧ ра́ди .

и҆́мене ра́ди твᲂегѡ̀ пᲂтерпѣ́хъ тѧ̀ гдⷭ҇и , пᲂтерпѣ̀ дш҃а мᲂѧ̀ в̾ сло́вᲂ твᲂѐ ,꙳ ᲂу҆пᲂва̀ дш҃а мᲂѧ̀ на́ гдⷭ҇а . Гдⷭ҇и гдⷭ҇и , не ѿве́рзи на́съ ѿ твᲂегѡ̀ лица̀ , нᲂ бл҃гᲂвᲂлѝ пᲂми́лᲂвати на́съ , вᲂскрⷭ҇нїѧ ра́ди .

ѿ стра́жи ᲂу҆́тренїѧ до́ нᲂщи , ѿ стра́жи ᲂу҆́тренїѧ ,꙳ да ᲂу҆пᲂва́етъ і҆и҃ль на́ гдⷭ҇а . Ра́дꙋисѧ сїѡ́не ст҃ы́и , мт҃и цр҃квамъ , бж҃їе жили́ще . ты́бᲂ прїѧ́тъ пре́жде ѡ҆ставле́нїе грѣхѡ́въ , вᲂскрⷭ҇нїѧ ра́ди .

ꙗ҆́кѡ ѿ́ гдⷭ҇а млⷭ҇ть , и҆ мно́гᲂ ѿ негѡ̀ и҆зба́вленїе , и҆ то́й и҆зба́витъ і҆и҃лѧ ,꙳ ѿ всѣ́хъ без̾зако́нїи є҆гѡ̀ . И҆́же ѿ́ бг҃а ѻ҆́ч҃ее сло́вᲂ , пре́жде вѣ́къ рᲂжде́исѧ , напᲂслѣ́дᲂкъ лѣ́тᲂмъ , то́йже ѿ неи҆скꙋсᲂбра́чныѧ вᲂпло́щьсѧ и҆звᲂле́нїемъ , распѧ́тїе сме́ртнᲂе претерпѣ̀ , и҆ дре́вле ᲂу҆҆мерщве́нагᲂ челᲂвѣ́ка спа́слъ є҆́сть , свᲂи́мъ вᲂскрⷭ҇нїемъ .

хвали́те гдⷭ҇а всѝ ꙗ҆зы́цы ,꙳ пᲂхвали́те є҆гѡ̀ всѝ лю́дїе . Є҆́же и҆з̾ ме́ртвыхъ твᲂѐ вᲂскрⷭ҇нїе , славᲂсло́вимъ хрⷭ҇тѐ , и҆́мже свᲂбᲂди́лъ є҆сѝ а҆да́мскїи ро́дъ , ѿ а҆́дᲂва мꙋчи́тельства , и҆ дарᲂва̀ ми́рᲂви ꙗ҆́кѡ бг҃ъ , живо́тъ вѣ́чныи , и҆ ве́лїю ми́лᲂсть .

ꙗ҆́кѡ ᲂу҆тверди́сѧ млⷭ҇ть є҆гѡ̀ на на́съ ,꙳ и҆ и҆́стина гдⷭ҇нѧ пребыва́етъ во́ вѣки . Сла́ва тебѣ̀ хрⷭ҇тѐ сп҃се , сн҃е бж҃їи є҆динᲂро́дныи , пригвᲂжде́исѧ на крⷭ҇тѣ̀ , и҆ вᲂскр҃се и҆́з̾ грᲂба тридне́внѡ .

сла́ва . Тебѐ сла́вимъ гдⷭ҇и , во́лею на́съ ра́ди распѧ́тїе претерпѣ́вша . и҆ тебѣ̀ пᲂклᲂнѧ́емсѧ всеси́льне сп҃се , не ѿве́рзи на́съ ѿ лица̀ твᲂегѡ̀ , нᲂ ᲂу҆҆слы́ши и҆ спасѝ на́съ , вᲂскрⷭ҇нїѧ ра́ди твᲂегѡ̀ чл҃кᲂлю́бче .

и҆ нн҃ѣ , бг҃ᲂро́дичен̾ . Цр҃ь нбⷭ҇ныи , за чл҃кᲂлю́бїе на землѝ ꙗ҆ви́сѧ , и҆ с̾ чл҃ки пᲂживѐ . ѿ дв҃ы бᲂ чи́стыѧ пло́ть прїе́мыи , и҆з̾ неѧ̀ прᲂше́дъ с̾ вᲂспрїѧ́тїемъ . є҆ди́нъ є҆́сть сн҃ъ сꙋгꙋ́бъ є҆стество́мъ а҆ несᲂста́вᲂмъ . тѣ́мже сᲂверше́на тᲂгѡ̀ бг҃а , и҆ сᲂверше́на челᲂвѣ́ка , вᲂи́стинꙋ прᲂпᲂвѣ́дающе , и҆спᲂвѣ́даемъ хрⷭ҇та̀ бг҃а на́шегѡ . є҆го́же мᲂлѝ , мт҃и без̾невѣ́стнаѧ , пᲂми́лᲂватисѧ дш҃а́мъ на́шимъ .

Вы́хᲂдъ , съ кади́лᲂмъ .= та́же , свѣ́те ти́хїи . та́же , Прᲂки́менъ вели́кїи . гла́съ , и҃ . Да́лъ є҆сѝ дᲂстᲂѧ́нїе бᲂѧ́щимсѧ тебѐ гдⷭ҇и . =сти́хъ . Пᲂкры́юсѧ кро́вᲂмъ кри́лъ твᲂи́хъ . сти́хъ . Ѿ кᲂне́цъ землѝ к̾ тебѣ̀ вᲂзва́хъ . сти́хъ . Та́кѡ пᲂю̀ и҆́мени твᲂемꙋ̀ вы́шнїи . та́же , Да́лъ є҆сѝ дᲂстᲂѧ́нїе бᲂѧ́щимсѧ тебѐ гдⷭ҇и .

пᲂсе́мъ , є҆ктенїѧ̀ : Рце́мъ всѝ . Спᲂдо́би гдⷭ҇и в̾ ве́черъ . та́же : И҆спо́лнимъ вече́рнїѧ мᲂли́твы .

На стихо́внѣ , стихѣ́ра . гла́съ , и҃ . Вᲂз̾ше́лъ є҆сѝ на́ крⷭ҇тъ і҆с҃е , сᲂше́дыи с̾ нб҃съ , прїи́де на сме́рть живо́тъ без̾сме́ртныи , къ сꙋ́щимъ вᲂ тмѣ̀ свѣ́тъ и҆́стинныи . к̾ па́дшимъ всѣ́мъ вᲂскрⷭ҇нїе , и҆ прᲂсвѣще́нїе сп҃се на́шъ сла́ва тебѣ̀ .

стихѣ́ры , па́сцѣ . пи́саны въ нлⷣю па́схи , на хвали́тѣхъ .

Хрⷭ҇то́съ вᲂскр҃се и҆з̾ме́ртвыхъ сме́ртїю на сме́рть настꙋпѝ , и҆ гро́бнымъ живо́тъ дарᲂва̀ , гⷤ .

и҆ про́чаѧ , ꙗ҆́кᲂже пи́санᲂ в̾ нлⷣю на вече́рни .

Въ сꙋбо́тꙋ свѣ́тлыѧ нлⷣи , на ᲂу҆́трени , пре́же нача́ла , вжига́етъ , свѣщѝ и҆ кади́ла параєклисїа́рхъ . та́же , і҆єре́й ста́въ пред̾ ст҃о́ю трапе́зᲂю с̾ кади́лᲂмъ кадѧ̀ крⷭ҇тᲂѡ҆бра́знѡ , и҆ глаго́летъ : Блгⷭ҇ве́нъ бг҃ъ на́шъ . мы́ же : а҆ми́нь . та́же , і҆єре́й пᲂе́тъ : Хрⷭ҇то́съ вᲂскр҃се и҆з̾ ме́ртвыхъ сме́ртїю на сме́рть настꙋпѝ , и҆ гро́бнымъ живо́тъ дарᲂва̀ ,= вⷤ . Х=рⷭ҇то́съ вᲂскр҃се и҆з̾ ме́ртвыхъ сме́ртїю на сме́рть настꙋпѝ . мы́ же : =и҆ =гро́бнымъ живо́тъ дарᲂва̀ . мы́ же : хрⷭ҇то́съ вᲂскр҃се , гⷤ .

и҆ про́чаѧ , ꙗ҆́кᲂже пи́санᲂ в̾ нлⷣю на вече́рни . та́же , є҆ктенїѧ̀ вели́каѧ .

И҆ =пᲂ вᲂз̾гла́сѣ начина́етъ і҆єре́й , і҆рмо́съ . вᲂскрⷭ҇нїѧ дн҃ь . =и҆ пᲂе́мъ кано́нъ . І҆рмо́съ , пᲂ вⷤ . трᲂпари́ же , на в҃і . пᲂслѣди́ же , катава́сїѧ , і҆рмо́съ , ѻ҆́ба ли́ка вкꙋ́пѣ . Пᲂ г҃ , пѣ́сни , ѵ҆пакᲂй : Предвари́ша ᲂу҆́трᲂ . Пᲂ ѕ҃ , пѣ́сни , кᲂнда́къ : А҆́ще и҆ во́ грᲂбъ сни́де . и҆ и҆́кᲂсъ . та́же , Вᲂскрⷭ҇нїе хрⷭ҇то́вᲂ , гⷤ . Вᲂскр҃съ і҆с҃ъ , гⷤ .

Пᲂ ѳ҃ , пѣ́сни , свѣти́ленъ , гⷤ . та́же , хвали́те гдⷭ҇а с̾ нб҃съ . На хвали́тѣхъ . стⷯры , вᲂскрⷭ҇ны . =Гла́съ , и҃ . Хвали́те є҆гѡ̀ на си́лахъ є҆гѡ̀ ,꙳ хвали́те є҆гѡ̀ пᲂ премно́гᲂмꙋ вели́чествїю є҆гѡ̀ . Г=дⷭ҇и , а҆́ще и҆ на сꙋди́щи пред̾ста̀ пила́тᲂмъ сꙋди́мъ , нᲂ неѿстꙋпѝ ѿ прⷭ҇то́ла , сᲂ ѻ҆ц҃е́мъ сѣдѧ̀ . и҆ вᲂскр҃съ и҆з̾ ме́ртвыхъ , ми́ръ свᲂбᲂди́лъ є҆сѝ , ѿ рабо́ты чꙋжа́гѡ , ꙗ҆́кѡ ще́дръ и҆ чл҃кᲂлю́бецъ .

хвали́те є҆гѡ̀ во́ гласѣ трꙋ́бнѣмъ ,꙳ хвали́те є҆гѡ̀ вᲂ ѱалты́ри и҆ гꙋ́слѣхъ . Гдⷭ҇и , ѻ҆рꙋ́жїе крⷭ҇тъ тво́й на дїа́вᲂла да́лъ є҆сѝ на́мъ , трепе́щетъ бᲂ и҆ трѧсе́тсѧ , немᲂгі́и взира́ти на си́лꙋ є҆гѡ̀ , ꙗ҆́кѡ ме́ртвыѧ вᲂскреша́етъ , и҆ сме́рть ᲂу҆҆праздни́лъ є҆́сть . сегѡ̀ ра́ди пᲂклᲂнѧ́емсѧ пᲂгребе́нїю твᲂемꙋ̀ и҆ вᲂскрⷭ҇нїю .

хвали́те є҆гѡ̀ в̾ тѷмпа́нѣ и҆ ли́цѣ ,꙳ хвали́те є҆гѡ̀ вᲂ стрꙋ́нахъ и҆ ѻ҆рга́нѣхъ . Гдⷭ҇и , а҆́ще ꙗ҆́кѡ ме́ртва тѧ , во́ грᲂбѣ і҆ꙋде́и пᲂлᲂжи́ша , нᲂ ꙗ҆́кѡ цр҃ѧ спѧ́ща , во́ини тебѐ стрежа́хꙋ . и҆ ꙗ҆́кѡ живᲂта̀ сᲂкро́вище печа́тїю печатлѣ́ша . нᲂ вᲂскр҃се , и҆ по́далъ є҆сѝ нетлѣ́нїе дш҃а́мъ на́шимъ .

хвали́те є҆гѡ̀ в̾ кѷмва́лѣхъ дᲂбрᲂгла́сныхъ , хвали́те є҆гѡ̀ в̾ кѷмва́лѣхъ вᲂсклица́нїѧ .꙳ всѧ́кᲂ дыха́нїе да хва́литъ гдⷭ҇а . А҆́нг҃лъ тво́й гдⷭ҇и , и҆́же вᲂскрⷭ҇нїе прᲂпᲂвѣ́да на́мъ . стра́жи ᲂу҆́бѡ ᲂу҆҆страшѝ , жена́мъ же вᲂз̾гласѝ глаго́лѧ , что̀ и҆́щете жива́гᲂ с̾ ме́ртвыми , вᲂскр҃се бг҃ъ сы́и , и҆ вселе́ннѣй жи́знь дарᲂва̀ .

стихѣ́ры , па́сцѣ . пи́саны въ нлⷣю па́схи , на хвали́тѣхъ .

Хрⷭ҇то́съ вᲂскр҃се и҆з̾ме́ртвыхъ сме́ртїю на сме́рть настꙋпѝ , и҆ гро́бнымъ живо́тъ дарᲂва̀ , гⷤ .

пᲂсе́мъ : є҆ктенїѧ̀ : пᲂми́лꙋй на́съ бж҃е . і҆єре́й , вᲂз̾гла́съ . та́же : и҆спо́лнимъ заꙋ́треннїѧ мл҃твꙋ . и҆ пᲂ вᲂз̾гла́сѣ : сы́и бл҃гᲂслᲂве́нъ . и҆ мы̀ : а҆ми́нь . ᲂу҆твердѝ бж҃е вѣ́рꙋ хрⷭ҇тїа́нскꙋю .

та́же , дїа́кᲂнъ : Премꙋ́дрᲂсть . мы́ же : Хрⷭ҇то́съ вᲂскр҃се и҆з̾ ме́ртвыхъ сме́ртїю на сме́рть настꙋпѝ , и҆ гро́бнымъ живо́тъ дарᲂва̀ .= три́жды , с̾ пᲂкло́нами .= пᲂсе́мъ і҆єре́й твᲂри́тъ , ѿпꙋ́стъ , держа́и крⷭ҇тъ . пᲂе́тъ : Хрⷭ҇то́съ вᲂскр҃се и҆з̾ ме́ртвыхъ сме́ртїю на сме́рть настꙋпѝ . мы́же : И҆гро́бнымъ живо́тъ дарᲂва̀ . і҆єре́й : И҆́стинныи бг҃ъ на́шъ , мл҃твами пречⷭ҇тыѧ є҆гѡ̀ мт҃ре , си́лᲂю чⷭ҇тна́гѡ и҆ живᲂтвᲂрѧ́щагѡ крⷭ҇та̀ , и҆ ст҃ы́хъ сла́вныхъ и҆ всехва́льныхъ а҆пⷭ҇лъ , и҆ всѣ́хъ ст҃ы́хъ пᲂми́лꙋетъ и҆ спасе́тъ на́съ , ꙗ҆́кѡ бл҃гі́и чл҃кᲂлю́бецъ .

та́же , і҆єре́й крⷭ҇тъ вᲂзвыша́ѧ гл҃етъ : Хрⷭ҇то́съ вᲂскр҃се . гⷤ . мы́же : Вᲂи́стинꙋ вᲂскр҃се . гⷤ . и҆ пᲂе́мъ : И҆ =на́мъ дарᲂва̀ живо́тъ вѣ́чныи , пᲂклᲂнѧ́емсѧ тридне́внᲂмꙋ є҆гѡ̀ вᲂскрⷭ҇нїю =[пᲂкло́нъ] .

та́же , а҃ й ча́съ . ꙗ҆́кᲂже ᲂу҆каза́сѧ в̾ нлⷣю на ᲂу҆́трени .= С=и́це же быва́етъ , слꙋ́жба ᲂу҆́тренѧѧ вᲂ всю̀ седми́цꙋ свѣ́тлꙋю .

На литꙋргі́и , а҆нтифо́ны . и҆ є҆ли́цы вᲂ хрⷭ҇та̀ крⷭ҇ти́стесѧ , па́сцѣ непремѣ́ннѡ , ꙗ҆́кᲂже ᲂу҆ка́занᲂ в̾ нлⷣю па́схи .

прᲂки́менъ , ѱл҃о́мъ дв҃дᲂвъ . Гдⷭ҇ь прᲂсвѣще́нїе мᲂѐ , и҆ спаси́тель мо́й , кᲂго́сѧ ᲂу҆бᲂю̀ . сти́хъ . гдⷭ҇ь защи́титель живᲂтꙋ̀ мᲂемꙋ̀ , ѿ кᲂго́сѧ ᲂу҆страшꙋ̀ . а҆пⷭ҇лъ , въ дѣѧ́нїихъ . заⷱ҇ , и҃ . а҆ллилꙋ́їѧ . гдⷭ҇ь вᲂцр҃и́сѧ в̾ лѣ́пᲂтꙋсѧ ѡ҆блечѐ . сти́хъ . и҆́бᲂ ᲂу҆твердѝ вселе́ннꙋю ꙗ҆́же непᲂдви́житсѧ . є҆ѵⷢ҇а́лїе , ѿ і҆ѡа́нна . заⷱ҇ , а҃і . прича́стенъ . тѣ́лᲂ хрⷭ҇то́вᲂ прїими́те , и҆ и҆сто́чника без̾сме́ртнагѡ вкꙋси́те .

А҆́ще ли неприлꙋчи́тсѧ бы́ти литꙋргі́и , часы̀ пᲂе́мъ па́сцѣ пᲂ ѡ҆бы́чаю . Бл҃же́нна ѿ кано́на па́сцѣ пѣ́снь , ѳ҃ ѧ , на и҃ . А҆пⷭ҇лъ , и҆ є҆ѵⷢ҇а́лїе , вышепи́саннѡ . Пᲂ ѻ҆сла́би кᲂнда́къ , па́сцѣ . и҆ про́чаѧ ꙗ҆́кᲂже ᲂу҆каза́сѧ в̾ недѣ́лю па́схи .

На трапе́зѣ ве́лїе ᲂу҆тѣше́нїе бра́тїи . і҆єре́й гл҃етъ : За мл҃твъ ст҃ы́хъ ѻ҆ц҃ъ на́шихъ . мы́ же : Хрⷭ҇то́съ вᲂскр҃се , гⷤ . та́же , ѻ҆́ч҃е на́шъ . сла́ва , и҆ ны́нѣ , гдⷭ҇и пᲂми́лꙋй , вⷤ , гдⷭ҇и блгⷭ҇вѝ . і҆єре́й : Хрⷭ҇тѐ бж҃е блгⷭ҇вѝ ꙗ҆́стїе и҆ питїѐ рабо́мъ свᲂи́мъ . и҆ сѧ́демъ ко́ждᲂ на мѣ́стехъ свᲂи́хъ . Пᲂ вᲂста́нїи же ѿ трапе́зы , і҆єре́й гл҃етъ : За мл҃твъ ст҃ы́хъ ѻ҆ц҃ъ на́шихъ . мы́ же : Хрⷭ҇то́съ вᲂскр҃се , гⷤ . та́же , свѣти́сѧ свѣти́сѧ . сла́ва , и҆ ны́нѣ , гдⷭ҇и пᲂми́лꙋй , вⷤ , гдⷭ҇и блгⷭ҇вѝ . і҆єре́й гл҃етъ := Блгⷭ҇ве́нъ бг҃ъ ми́лꙋѧи и҆ пита́ѧи ѿ свᲂи́хъ бᲂга́тыхъ даро́въ свᲂе́ю бл҃гᲂда́тїю и҆ чл҃кᲂлю́бїемъ , всегда̀ и҆ ны́нѣ и҆ при́снѡ и҆ во́ вѣки вѣкѡ́мъ . мы́ же : гдⷭ҇и пᲂми́лꙋй , в҃і . =и҆ про́чее . Си́це же твᲂри́мъ , дᲂ ѿда́нїѧ па́сцѣ .