ВО СТ҃У́Ю И҆ ВЕЛИ́КУЮ НЛⷣЮ ПА́СХИ

пред̾ литꙋргі́ею , пᲂе́мъ , ча́сы па́сцѣ , си́це . і҆єре́й , гл҃етъ : Бл҃гᲂслᲂве́нъ бг҃ъ на́шъ . и҆ мы̀ пᲂе́мъ : Хрⷭ҇то́съ вᲂскре́се и҆з̾ ме́ртвыхъ , сме́ртїю на сме́рть настꙋпѝ , и҆ гро́бнымъ живо́тъ дарᲂва̀ ,= гⷤ .=

Вᲂскрⷭ҇нїе хрⷭ҇то́вᲂ ви́дѣвше , пᲂклᲂни́мсѧ ст҃о́мꙋ гдⷭ҇ꙋ і҆с҃ꙋ , є҆ди́нᲂмꙋ без̾грѣ́шнᲂмꙋ [пᲂкло́н̾] , крⷭ҇тꙋ̀ твᲂемꙋ̀ пᲂклᲂнѧ́емсѧ хрⷭ҇тѐ , и҆ ст҃о́е вᲂскрⷭ҇нїе твᲂѐ пᲂе́мъ и҆ сла́вимъ [пᲂкло́н̾] . ты́ бᲂ є҆сѝ бг҃ъ на́шъ , ра́зве бᲂ тебѐ и҆но́гᲂ незна́емъ , и҆́мѧ твᲂѐ нарица́емъ . прїиди́те всѝ вѣ́рнїи , пᲂклᲂни́мсѧ ст҃о́мꙋ хрⷭ҇то́вꙋ вᲂскрⷭ҇нїю [пᲂкло́н̾] , се́бᲂ прїи́де крⷭ҇та̀ ра́ди ра́дᲂсть всемꙋ̀ ми́рꙋ , всегда̀ бл҃гᲂслᲂви́мъ гдⷭ҇а , и҆ пᲂе́мъ вᲂскрⷭ҇нїе є҆гѡ̀ , распѧ́тїе бᲂ претерпѣ̀ , и҆ сме́ртїю сме́рть разрꙋшѝ . три́жды .

Предвари́ша ᲂу҆́трᲂ , ꙗ҆́же съ мр҃і́ею , и҆ ѡ҆брѣто́ша ка́мень ѿвале́нъ ѿ́ грᲂба , слы́шахꙋ ѿ а҆́нг҃ла , и҆́же во́ свѣтѣ приснᲂсꙋ́щнѣмъ сꙋ́щагѡ , съ ме́ртвыми не и҆щи́те ꙗ҆́кѡ челᲂвѣ́ка . ви́дите гро́бныѧ пелены̀ , тецы́те и҆ ми́рꙋ прᲂпᲂвѣ́дите , ꙗ҆́кѡ вᲂста̀ гдⷭ҇ь ᲂу҆мертви́выи сме́рть , ꙗ҆́кѡ то́й є҆́сть сн҃ъ бж҃їи , спаса́ѧи ро́дъ чл҃ческїи .

А҆́ще и҆ во́ грᲂбъ сни́де без̾сме́ртне , нᲂ а҆́дᲂвꙋ разрꙋши́лъ є҆сѝ си́лꙋ , и҆ вᲂскр҃се ꙗ҆́кѡ пᲂбѣди́тель хрⷭ҇тѐ бж҃е , жена́мъ мѷрѡно́сицамъ ра́дᲂсть прᲂвѣща́въ , и҆ свᲂи́мъ а҆пⷭ҇лѡмъ ми́ръ дарᲂва̀ , и҆́же па́дшимъ пᲂдаѧ̀ вᲂскрⷭ҇нїе .

Во́ грᲂбѣ с̾ пло́тїю , вᲂ а҆́дѣ же съ дꙋше́ю ꙗ҆́кѡ бг҃ъ , в̾ раи́ же с̾ разбо́йникᲂмъ , и҆ на прⷭ҇то́лѣ бѣ́ѧше хрⷭ҇тѐ , сᲂ ѻ҆ц҃е́мъ и҆ дꙋ́хᲂмъ , всѧ̀ и҆спᲂлнѧ́ѧ неѡ҆пи́санныи .

сла́ва . Ꙗ҆́кѡ живᲂно́сецъ , ꙗ҆́кѡ раѧ̀ ѕѣлѡ̀ краснѣ́йшїи вᲂи́стинꙋ , и҆ всѧ́кᲂгѡ черто́га ца́рска , ꙗ҆ви́сѧ свѣтлѣ́йши хрⷭ҇тѐ гро́бъ тво́й , и҆сто́чникъ на́шемꙋ вᲂскрⷭ҇нїю .

и҆ ны́нѣ . Вы́шнѧгѡ ѡ҆сщ҃е́ннѡ бж҃їе вселе́нїе ра́дꙋисѧ , тᲂбо́ю бᲂ даде́сѧ ра́дᲂсть бцⷣе вᲂпїю́щимъ тѝ , бл҃гᲂслᲂве́на ты̀ в̾ жена́хъ пренепᲂро́чнаѧ влⷣчце .

Всѧ́же сїѧ̀ стихѝ глаго́лемъ , пᲂ кры́лᲂсᲂмъ премѣнѧ́ѧ , по́ чинꙋ и҆́хъ , є҆ди́нъ пᲂ є҆ди́нᲂмꙋ . та́же , Гдⷭ҇и пᲂми́лꙋй , м҃ . сла́ва , и҆ ны́нѣ . Чтⷭ҇нѣ́йшꙋю херꙋви́мъ , и҆ сла́внѣйшꙋю вᲂи́стинꙋ серафи́мъ , без̾и҆стлѣ́нїѧ бг҃а сло́ва ро́ждьшꙋю , сꙋ́щꙋю бцⷣꙋ тѧ̀ велича́емъ . и҆́менемъ гдⷭ҇нимъ бл҃гᲂслᲂвѝ ѻ҆́ч҃е . і҆єре́й , гл҃етъ : За мл҃твъ ст҃ы́хъ ѻ҆ц҃ъ на́шихъ . си́це пᲂе́мъ . За г҃ й ча́съ , и҆ за ѕ҃ й ча́съ , и҆ за ѳ҃ й ча́съ .

На литꙋргі́и . а҆нтиѳо́нъ , а҃ . ѱало́мъ , ѯ҃є . Вᲂскли́кните гдⷭ҇ви всѧ̀ землѧ̀ . мл҃твами бцⷣы сп҃се спасѝ на́съ . сти́хъ . Вᲂскли́кните гдⷭ҇ви всѧ̀ землѧ̀ , по́йте же и҆́мени є҆гѡ̀ , дади́те сла́вꙋ хвалѣ̀ є҆гѡ̀ . мл҃твами бцⷣы сп҃се спасѝ на́съ . сти́хъ . Рцѣ́те бг҃ᲂви ко́ль стра́шна дѣ́ла твᲂѧ̀ , вᲂ мно́жествѣ си́лы твᲂеѧ̀ . мл҃твами бцⷣы сп҃се спасѝ на́съ . сти́хъ . Всѧ̀ землѧ̀ да пᲂкло́нит̾тисѧ и҆ пᲂе́тъ тебѣ̀ , да пᲂе́тъ же и҆́мени твᲂемꙋ̀ вы́шнїи . мл҃твами бцⷣы сп҃се спасѝ на́съ . сла́ва , мл҃твами бцⷣы сп҃се спасѝ на́съ . и҆ ны́нѣ , мл҃твами бцⷣы сп҃се спасѝ на́съ .

а҆нтиѳо́нъ , в҃ . ѱало́мъ , ѯ҃ѕ . Бж҃е ᲂу҆ще́дри ны и҆ бл҃гᲂслᲂви́ ны . спасѝ на́съ сн҃е бж҃їи , вᲂскр҃съ и҆з̾ ме́ртвыхъ пᲂю́щихъ ти , а҆ллилꙋ́їѧ , а҆ллилꙋ́їѧ , а҆ллилꙋ́їѧ . сти́хъ . Бж҃е ᲂу҆ще́дри ны и҆ бл҃гᲂслᲂви́ ны , прᲂсвѣтѝ лицѐ твᲂѐ наны̀ , и҆ пᲂми́лꙋй на́съ . спасѝ на́съ сн҃е бж҃їи . сти́хъ . Да пᲂзна́емъ на землѝ пꙋ́ть тво́й , и҆ вᲂ всѣ́хъ ꙗ҆зы́цѣхъ спасе́нїе твᲂѐ . спасѝ на́съ сн҃е бж҃їи . сти́хъ . Да и҆спᲂвѣ́дѧтсѧ тебѣ̀ лю́дїе бж҃е , да и҆спᲂвѣ́дѧтсѧ тебѣ̀ лю́дїе всѝ . спасѝ на́съ сн҃е бж҃їи .

сла́ва , и҆ ны́нѣ . Є҆динᲂро́дныи сн҃е .

а҆нтиѳо́нъ , г҃ . ѱало́мъ , ѯ҃з . Да вᲂскрⷭ҇нетъ бг҃ъ , и҆ разы́дꙋтсѧ вразѝ є҆гѡ̀ . трᲂпа́рь : хрⷭ҇то́съ вᲂскр҃се и҆з̾ ме́ртвыхъ , гⷤ . сти́хъ . Да вᲂскрⷭ҇нетъ бг҃ъ , и҆ разы́дꙋтсѧ вразѝ є҆гѡ̀ , и҆ да бѣжа́тъ ѿ лица̀ є҆гѡ̀ ненави́дѧщїи є҆гѡ̀ . хрⷭ҇то́съ вᲂскр҃се и҆з̾ ме́ртвыхъ , гⷤ . сти́хъ . Ꙗ҆́кѡ и҆счеза́етъ ды́мъ да и҆сче́знꙋтъ , и҆ ꙗ҆́кѡ та́етъ во́скъ ѿ лица̀ ѻ҆гнѧ̀ . хрⷭ҇то́съ вᲂскр҃се и҆з̾ ме́ртвыхъ , гⷤ . сти́хъ . Та́кѡ да пᲂги́бнꙋтъ грѣ́шницы ѿ лица̀ бж҃їѧ , а҆ пра́ведницы да вᲂз̾веселѧ́тсѧ , и҆ вᲂз̾ра́дꙋютсѧ пре́дъ бг҃ᲂмъ . хрⷭ҇то́съ вᲂскр҃се и҆з̾ ме́ртвыхъ , гⷤ .

вы́хᲂдъ . вᲂз̾глаша́етъ дїа́кᲂнъ , и҆лѝ і҆єре́й . премꙋ́дрᲂсть про́сти , вᲂзвыша́ѧ є҆ѵⷢ҇а́лїе .

мы́же сти́хъ вхо́дꙋ : Въ цр҃квахъ бл҃гᲂслᲂви́те бг҃а гдⷭ҇а , ѿ и҆сто́чникъ і҆зра́илевъ . і҆єре́й , пᲂе́тъ : Прїиди́те пᲂклᲂни́мсѧ и҆ припаде́мъ хрⷭ҇тꙋ̀ .= мы́же : С=пасѝ на́съ сн҃е бж҃їи , вᲂскре́съ и҆з̾ ме́ртвыхъ пᲂю́щихъ ти , а҆ллилꙋ́їѧ , гⷤ .

трᲂпа́рь : Хрⷭ҇то́съ вᲂскр҃се и҆з̾ ме́ртвыхъ сме́ртїю на сме́рть настꙋпѝ , и҆ гро́бнымъ живо́тъ дарᲂва̀ ,= три́жды .=

сла́ва , и҆ ны́нѣ . кᲂнда́къ , гла́съ , и҃ . А҆́ще и҆ во́ грᲂбъ сни́де без̾сме́ртне , нᲂ а҆́дᲂвꙋ разрꙋши́лъ є҆сѝ си́лꙋ , и҆ вᲂскр҃се ꙗ҆́кѡ пᲂбѣди́тель хрⷭ҇тѐ бж҃е , жена́мъ мѷрѡно́сицамъ ра́дᲂсть прᲂвѣща́въ , и҆ свᲂи́мъ а҆пⷭ҇лѡмъ ми́ръ дарᲂва̀ , и҆́же па́дшимъ пᲂдаѧ̀ вᲂскрⷭ҇нїе .

вмѣ́стᲂ же трист҃а́гѡ : Є҆ли́цы вᲂ хрⷭ҇та̀ крⷭ҇ти́стесѧ , вᲂ хрⷭ҇та̀ ѡ҆блеко́стесѧ , а҆ллилꙋ́їѧ .

прᲂки́менъ , ѱл҃о́мъ дв҃дᲂвъ . Се́й де́нь и҆́же сᲂтвᲂрѝ гдⷭ҇ь , вᲂзра́дꙋемсѧ и҆ вᲂзвесели́мсѧ во́нь . сти́хъ . и҆спᲂвѣ́дайтесѧ гдⷭ҇ви ꙗ҆́кѡ бл҃гъ ꙗ҆́кѡ во́ вѣки млⷭ҇ть є҆гѡ̀ . сти́хъ . да рече́тъ ᲂу҆́бѡ до́мъ і҆и҃левъ , ꙗ҆́кѡ бл҃гъ ꙗ҆́кѡ во́ вѣки млⷭ҇ть є҆гѡ̀ . а҆пⷭ҇лъ , в̾дѣѧ́нїихъ . заⷱ҇ , а҃ . а҆ллилꙋ́їѧ . Ты̀ вᲂскр҃съ ᲂу҆ще́дриши сїѡ́на . сти́хъ . съ нб҃сѐ призрѣ̀ гдⷭ҇ь ви́дѣти всѧ̀ сы́ны чл҃ческїѧ . є҆ѵⷢ҇а́лїе , ѿ і҆ѡа́нна . заⷱ҇ , а҃ . прича́стенъ . тѣ́лᲂ хрⷭ҇то́вᲂ прїими́те , и҆ и҆сто́чника без̾сме́ртнагѡ вкꙋси́те .

=и҆ =по́ рѧдꙋ бжⷭ҇твенаѧ литꙋргі́ѧ златᲂꙋ́стагѡ .

А҆́ще ли нѣ́сть литꙋргі́и . Пᲂ ѳ҃ мъ , часѣ̀ , за бл҃гᲂслᲂвѝ дш҃е мᲂѧ̀ . пᲂе́мъ :

Хрⷭ҇то́съ вᲂскр҃се и҆з̾ ме́ртвыхъ , сме́ртїю на сме́рть настꙋпѝ , и҆ гро́бнымъ живо́тъ дарᲂва̀ ,= гⷤ .=

Вᲂскрⷭ҇нїе хрⷭ҇то́вᲂ ви́дѣвше , пᲂклᲂни́мсѧ ст҃о́мꙋ гдⷭ҇ꙋ і҆с҃ꙋ , є҆ди́нᲂмꙋ без̾грѣ́шнᲂмꙋ [пᲂкло́н̾] , крⷭ҇тꙋ̀ твᲂемꙋ̀ пᲂклᲂнѧ́емсѧ хрⷭ҇тѐ , и҆ ст҃о́е вᲂскрⷭ҇нїе твᲂѐ пᲂе́мъ и҆ сла́вимъ [пᲂкло́н̾] . ты́ бᲂ є҆сѝ бг҃ъ на́шъ , ра́зве бᲂ тебѐ и҆но́гᲂ незна́емъ , и҆́мѧ твᲂѐ нарица́емъ . прїиди́те всѝ вѣ́рнїи , пᲂклᲂни́мсѧ ст҃о́мꙋ хрⷭ҇то́вꙋ вᲂскрⷭ҇нїю [пᲂкло́н̾] , се́бᲂ прїи́де крⷭ҇та̀ ра́ди ра́дᲂсть всемꙋ̀ ми́рꙋ , всегда̀ бл҃гᲂслᲂви́мъ гдⷭ҇а , и҆ пᲂе́мъ вᲂскрⷭ҇нїе є҆гѡ̀ , распѧ́тїе бᲂ претерпѣ̀ , и҆ сме́ртїю сме́рть разрꙋшѝ . Предвари́ша ᲂу҆́трᲂ , ꙗ҆́же съ мр҃і́ею , и҆ ѡ҆брѣто́ша ка́мень ѿвале́нъ ѿ́ грᲂба , слы́шахꙋ ѿ а҆́нг҃ла , и҆́же во́ свѣтѣ приснᲂсꙋ́щнѣмъ сꙋ́щагѡ , съ ме́ртвыми не и҆щи́те ꙗ҆́кѡ челᲂвѣ́ка . ви́дите гро́бныѧ пелены̀ , тецы́те и҆ ми́рꙋ прᲂпᲂвѣ́дите , ꙗ҆́кѡ вᲂста̀ гдⷭ҇ь ᲂу҆мертви́выи сме́рть , ꙗ҆́кѡ то́й є҆́сть сн҃ъ бж҃їи , спаса́ѧи ро́дъ чл҃ческїи .

сла́ва . А҆́ще и҆ во́ грᲂбъ сни́де без̾сме́ртне , нᲂ а҆́дᲂвꙋ разрꙋши́лъ є҆сѝ си́лꙋ , и҆ вᲂскр҃се ꙗ҆́кѡ пᲂбѣди́тель хрⷭ҇тѐ бж҃е , жена́мъ мѷрѡно́сицамъ ра́дᲂсть прᲂвѣща́въ , и҆ свᲂи́мъ а҆пⷭ҇лѡмъ ми́ръ дарᲂва̀ , и҆́же па́дшимъ пᲂдаѧ̀ вᲂскрⷭ҇нїе .

и҆ ны́нѣ . Є҆динᲂро́дныи сы́нъ , и҆ сло́вᲂ бж҃їе , без̾сме́ртне сы́и , и҆зво́ливыи спасе́нїѧ на́шегѡ ра́ди вᲂплᲂти́тисѧ , ѿ ст҃ы́ѧ бцⷣы и҆ при́снѡ дв҃ы мр҃і́и , непрело́жнѡ въчелᲂвѣ́чивыисѧ , распѧ́тсѧ хрⷭ҇тѐ бж҃е , и҆ сме́ртїю на сме́рть настꙋпи́выи є҆ди́нъ сы́и ст҃ы́ѧ трⷪ҇цы , съпрᲂславлѧ́емыи ѻ҆ц҃ꙋ и҆ ст҃о́мꙋ дх҃ꙋ , спасѝ на́съ .

пᲂсе́мъ , бл҃же́нна , ѿ кано́на , пѣ́снь , г҃ , и҆ ѕ҃ . а҆пⷭ҇лъ , и҆ є҆ѵⷢ҇а́лїе ꙗ҆́кᲂже вы́ше ᲂу҆каза́сѧ , на литꙋргі́и . та́же :

Пᲂмѧнѝ на́съ гдⷭ҇и , є҆гда̀ прїи́деши вᲂ црⷭ҇твїи сѝ [пᲂкло́н̾] . Пᲂмѧнѝ на́съ влⷣкᲂ , є҆гда̀ прїи́деши вᲂ црⷭ҇твїи сѝ [пᲂкло́н̾] . Пᲂмѧнѝ на́съ ст҃ы́и , є҆гда̀ прїи́деши вᲂ црⷭ҇твїи сѝ [пᲂкло́н̾] .

Ли́къ нбⷭ҇ныи пᲂе́тъ тѧ̀ и҆ гл҃етъ , ст҃ъ ст҃ъ ст҃ъ гдⷭ҇ь саваѡ́ѳъ , и҆спо́лнь нб҃ᲂ и҆ зе́млю сла́вы твᲂеѧ̀ .

Пристꙋпи́те к̾ немꙋ̀ и҆ прᲂсвѣти́тесѧ , и҆ ли́ца ва́ша непᲂстыдѧ́тсѧ .

Ли́къ нбⷭ҇ныи пᲂе́тъ тѧ̀ и҆ гл҃етъ , ст҃ъ ст҃ъ ст҃ъ гдⷭ҇ь саваѡ́ѳъ , и҆спо́лнь нб҃ᲂ и҆ зе́млю сла́вы твᲂеѧ̀ .

сла́ва . Сᲂбо́ръ ст҃ы́хъ а҆́нг҃лъ и҆ а҆рха́нг҃лъ , сᲂ всѣ́ми нбⷭ҇ными си́лами пᲂе́тъ тѧ и҆ гл҃етъ , ст҃ъ ст҃ъ ст҃ъ гдⷭ҇ь саваѡ́ѳъ , и҆спо́лнь нб҃ᲂ и҆ зе́млю сла́вы твᲂеѧ̀ .

и҆ ны́нѣ . Вѣ́рꙋю вᲂ є҆ди́нагᲂ бг҃а ѻ҆ц҃а вседержи́телѧ , твᲂрца̀ нб҃ꙋ и҆ землѝ ви́димымъ же всѣ́мъ и҆ неви́димымъ . И҆ вᲂ є҆ди́нагᲂ гдⷭ҇а і҆с҃а хрⷭ҇та̀ сн҃а бж҃їѧ , є҆динᲂро́днагᲂ , и҆́же ѿ ѻ҆ц҃а рᲂжде́ннагᲂ пре́жде всѣ́хъ вѣ́къ . Свѣ́та ѿ́ свѣта , бг҃а и҆́стинна ѿ́ бг҃а и҆́стинна , рᲂжде́на а҆ несᲂтвᲂре́на , є҆динᲂсꙋ́щна ѻ҆ц҃ꙋ , и҆́мъ же всѧ̀ бы́ша . На́съ ра́ди чл҃къ , и҆ на́шегѡ ра́ди спасе́нїѧ , с̾ше́дшагѡ с̾ небе́съ , и҆ вᲂплᲂти́вшагᲂсѧ ѿ́ дх҃а ст҃а , и҆ мр҃і́и дв҃ы вᲂчл҃чьшасѧ . Распѧ́тагᲂ заны̀ припᲂнті́йстѣмъ пила́тѣ , страда́вша и҆ пᲂгребе́на , и҆ вᲂскрⷭ҇шагᲂ въ тре́тїй де́нь пᲂ писа́нїихъ . И҆ вᲂз̾ше́дшагᲂ на нб҃са̀ , и҆ сѣдѧ́ща ѻ҆деснꙋ́ю ѻ҆ц҃а . И҆ па́ки грѧдꙋ́щагᲂ сᲂ сла́вᲂю , сꙋди́ти живы́мъ и҆ ме́ртвымъ , є҆го́же црⷭ҇твїю нѣ́сть кᲂнца̀ . И҆ въ дх҃а ст҃а́гᲂ гдⷭ҇а и҆́стиннагᲂ и҆ живᲂтвᲂрѧ́щагᲂ , и҆́же ѿ ѻ҆ц҃а и҆схᲂдѧ́щагᲂ , и҆́же сᲂ ѻ҆ц҃е́мъ и҆ сн҃ᲂмъ с̾пᲂклᲂнѧ́ема и҆ с̾сла́вима , гл҃авшагᲂ прᲂро́ки . И҆ вᲂ є҆ди́нꙋ ст҃ꙋ́ю сᲂбо́рнꙋю , и҆ а҆пⷭ҇льскꙋю цр҃кᲂвь . И҆спᲂвѣ́дꙋю є҆ди́нᲂ кр҃ще́нїе , вᲂ ѡ҆ставле́нїе грѣхо́въ . Ча́ю вᲂскрⷭ҇нїѧ ме́ртвымъ . И҆ жи́зни бꙋ́дꙋщагᲂ вѣ́ка , а҆ми́нь .

Ѡ҆сла́би ѡ҆ста́ви , ѿпꙋстѝ бж҃е сᲂгрѣше́нїѧ на́ша , во́льнаѧ и҆ нево́льнаѧ , ꙗ҆́же в̾ сло́вѣ и҆ в̾ дѣ́лѣ , и҆ ꙗ҆́же в̾вѣ́дѣнїи и҆ не в̾вѣ́дѣнїи , и҆ ꙗ҆́же вᲂ ᲂу҆мѣ̀ и҆ въ пᲂмышле́нїи , ꙗ҆́же во́ дни и҆ въ нᲂщѝ , всѧ́ми прᲂстѝ , ꙗ҆́кѡ бл҃гъ и҆ чл҃кᲂлю́бецъ .

Ѻ҆́ч҃е на́шъ и҆́же є҆сѝ на́ нб҃сѣхъ , да ст҃и́тсѧ и҆́мѧ твᲂѐ , да прїи́детъ црⷭ҇твїе твᲂѐ , да бꙋ́детъ во́лѧ твᲂѧ̀ , ꙗ҆́кѡ на́ нб҃си и҆ на землѝ . хлѣ́бъ на́шъ насꙋ́щныи да́ждь на́мъ дне́сь , и҆ ѡ҆ста́ви на́мъ до́лги на́ша , ꙗ҆́кᲂже и҆ мы̀ ѡ҆ставлѧ́емъ дᲂлжникѡ́мъ на́шимъ . и҆ нев̾ведѝ на́съ вᲂ и҆скꙋше́нїе , нᲂ и҆зба́ви на́съ ѿ лꙋка́вагѡ .

і҆єре́й , вᲂз̾гла́съ : ꙗ҆́кѡ твᲂѐ є҆́сть црⷭ҇твᲂ и҆ си́ла .

кᲂнда́къ . А҆́ще и҆ во́ грᲂбъ сни́де без̾сме́ртне , нᲂ а҆́дᲂвꙋ разрꙋши́лъ є҆сѝ си́лꙋ , и҆ вᲂскр҃се ꙗ҆́кѡ пᲂбѣди́тель хрⷭ҇тѐ бж҃е , жена́мъ мѷрѡно́сицамъ ра́дᲂсть прᲂвѣща́въ , и҆ свᲂи́мъ а҆пⷭ҇лѡмъ ми́ръ дарᲂва̀ , и҆́же па́дшимъ пᲂдаѧ̀ вᲂскрⷭ҇нїе .

Гдⷭ҇и пᲂми́лꙋй , м҃ .= Є҆=ди́нъ ст҃ъ , є҆ди́нъ гдⷭ҇ь і҆с҃ъ хрⷭ҇то́съ , въ сла́вꙋ бг҃ꙋ ѻ҆ц҃ꙋ , а҆ми́нь .

Хрⷭ҇то́съ вᲂскр҃се и҆з̾ ме́ртвыхъ сме́ртїю на сме́рть настꙋпѝ , и҆ гро́бнымъ живо́тъ дарᲂва̀ .= три́жды , с̾ пᲂкло́нами . ѱало́мъ , л҃г .=

Бл҃гᲂслᲂвлю̀ гдⷭ҇а на всѧ́кᲂ вре́мѧ , вы́нꙋ хвала̀ є҆гѡ̀ вᲂ ᲂу҆стѣ́хъ мᲂи́хъ . Ѻ҆́ гдⷭ҇ѣ пᲂхва́литсѧ дꙋша̀ мᲂѧ̀ . да ᲂу҆слы́шатъ кро́тцыи , и҆ вᲂзвеселѧ́тсѧ . Вᲂзвели́чите гдⷭ҇а сᲂ мно́ю , и҆ вᲂзнесе́мъ и҆́мѧ є҆гѡ̀ в̾кꙋ́пѣ . Взыска́хъ гдⷭ҇а и҆ ᲂу҆слы́ша мѧ , и҆ ѿ всѣ́хъ ско́рбїй мᲂи́хъ и҆зба́ви мѧ . Пристꙋпи́те к̾ немꙋ̀ и҆ прᲂсвѣти́тесѧ , и҆ лица̀ ва́ша непᲂстыдѧ́тсѧ . Сѐ ни́щїи вᲂзва̀ , и҆ гдⷭ҇ь ᲂу҆слы́ша и҆̀ , и҆ ѿ всѣ́хъ ско́рбїй є҆гѡ̀ спасѐ и҆̀ . Ѡ҆пᲂлчи́тсѧ а҆́нг҃лъ гдⷭ҇нь ѻ҆́крестъ бᲂѧ́щихсѧ є҆гѡ̀ , и҆ и҆зба́витъ и҆́хъ . Вкꙋси́те и҆ ви́дите ꙗ҆́кѡ бл҃гъ гдⷭ҇ь . бл҃же́нъ мꙋ́жъ и҆́же ᲂу҆пᲂва́етъ на́нь . Бо́йтесѧ гдⷭ҇а всѝ ст҃і́и є҆гѡ̀ , ꙗ҆́кѡ нѣ́сть лише́нїѧ бᲂѧ́щимсѧ є҆гѡ̀ . Бᲂга́тїи ѡ҆бнища́ша и҆ взалка́ша , взыска́ющїи же гдⷭ҇а нелиша́тсѧ ѿ всѧ́кᲂгѡ бл҃га .

та́же : Свѣти́сѧ свѣти́сѧ но́выи і҆єрⷭ҇ли́ме , сла́ва бᲂ гдⷭ҇нѧ на тебѣ̀ вᲂсїѧ̀ . ликꙋ́й нн҃ѣ и҆ весели́сѧ сїѡ́не , ты́ же чⷭ҇таѧ красꙋ́йсѧ бцⷣе , ѡ҆ вᲂста́нїи ржⷭ҇тва̀ твᲂегѡ̀ . пᲂкло́н̾ дᲂ землѝ .

та́же , дїа́кᲂнъ : Премꙋ́дрᲂсть . мы́ же : Хрⷭ҇то́съ вᲂскр҃се и҆з̾ ме́ртвыхъ сме́ртїю на сме́рть настꙋпѝ , и҆ гро́бнымъ живо́тъ дарᲂва̀ .= три́жды , с̾ пᲂкло́нами .= пᲂсе́мъ і҆єре́й твᲂри́тъ , ѿпꙋ́стъ , держа́и крⷭ҇тъ . пᲂе́тъ : Хрⷭ҇то́съ вᲂскр҃се и҆з̾ ме́ртвыхъ , сме́ртїю сме́рть пᲂпра́въ . мы́ же : И҆ сꙋ́щимъ вᲂ грᲂбѣ́хъ живо́тъ дарᲂва̀ . і҆єре́й : И҆́стинныи бг҃ъ на́шъ , мл҃твами пречⷭ҇тыѧ є҆гѡ̀ мт҃ре , си́лᲂю чⷭ҇тна́гѡ и҆ живᲂтвᲂрѧ́щагѡ крⷭ҇та̀ , и҆ ст҃ы́хъ сла́вныхъ и҆ всехва́льныхъ а҆пⷭ҇лъ , и҆ всѣ́хъ ст҃ы́хъ пᲂми́лꙋетъ и҆ спасе́тъ на́съ , ꙗ҆́кѡ бл҃гі́и чл҃кᲂлю́бецъ . та́же , і҆єре́й крⷭ҇тъ вᲂзвыша́ѧ гл҃етъ : Хрⷭ҇то́съ вᲂскр҃се . гⷤ . мы́ же ѿвѣща́емъ : Вᲂи́стинꙋ вᲂскр҃се . гⷤ . и҆ пᲂе́мъ : И҆ =на́мъ дарᲂва̀ живо́тъ вѣ́чныи , пᲂклᲂнѧ́емсѧ тридне́внᲂмꙋ є҆гѡ̀ вᲂскрⷭ҇нїю =[пᲂкло́нъ] .

та́же : Хрⷭ҇то́съ вᲂскр҃се и҆з̾ ме́ртвыхъ , сме́ртїю на сме́рть настꙋпѝ , и҆ гро́бнымъ живо́тъ дарᲂва̀ .= три́жды . и҆ мнᲂгᲂлѣ́тїе .=

Вᲂ ст҃ꙋ́ю и҆ вели́кꙋю нлⷣю па́схи , ве́черъ . параєклисїа́рхъ вше́дъ въ цр҃кᲂвь , вжига́етъ свѣщѝ , и҆ кади́ла цр҃ко́внаѧ . И҆ =сᲂбра́вшесѧ въ цр҃кᲂвь , ѡ҆блачи́тсѧ і҆єре́й и҆ дїа́кᲂнъ вᲂ ѻ҆лтарѝ в̾ свѣ́тлыѧ ѻ҆де́жды по́ чинꙋ . вᲂ всѧ̀ сщ҃е́ннаѧ , ꙗ҆́кᲂже на литꙋргі́и . =та́же , і҆єре́й ста́въ пред̾ ст҃о́ю трапе́зᲂю съ кади́лᲂмъ кадѧ̀ крⷭ҇тᲂѡ҆бра́знѡ , и҆ глаго́летъ :

Бл҃гᲂслᲂве́нъ бг҃ъ на́шъ , всегда̀ и҆ нн҃ѣ и҆ прⷭ҇нѡ и҆ во́ вѣки вѣкѡ́мъ . мы́ же : а҆ми́нь . та́же , і҆єре́й : Хрⷭ҇то́съ вᲂскр҃се и҆з̾ ме́ртвыхъ сме́ртїю на сме́рть настꙋпѝ , и҆ гро́бнымъ живо́тъ дарᲂва̀ ,= вⷤ . Х=рⷭ҇то́съ вᲂскр҃се и҆з̾ ме́ртвыхъ сме́ртїю на сме́рть настꙋпѝ . мы́ же : =и҆ =гро́бнымъ живо́тъ дарᲂва̀ . мы́ же : хрⷭ҇то́съ вᲂскр҃се , гⷤ .

сти́хъ , а҃ . Да вᲂскрⷭ҇нетъ бг҃ъ , и҆ разы́дꙋтсѧ вразѝ є҆гѡ̀ .= м=ы́ же : хрⷭ҇то́съ вᲂскр҃се , гⷤ .

сти́хъ , в҃ . Ꙗ҆́кѡ и҆счеза́етъ ды́мъ да и҆сче́знꙋтъ . мы́ же : хрⷭ҇то́съ вᲂскр҃се , гⷤ .

сти́хъ , г҃ . Та́кѡ да пᲂги́бнꙋтъ грѣ́шницы ѿ лица̀ бж҃їѧ , а҆ пра́ведницы вᲂз̾веселѧ́тсѧ .

мы́ же : хрⷭ҇то́съ вᲂскр҃се , гⷤ .

сти́хъ , д҃ . Се́й дн҃ь и҆́же сᲂтвᲂрѝ гдⷭ҇ь , вᲂз̾ра́дꙋемсѧ и҆ вᲂз̾весели́мсѧ во́нь .

мы́ же : хрⷭ҇то́съ вᲂскр҃се , гⷤ .

сла́ва . мы́ же : хрⷭ҇то́съ вᲂскр҃се , гⷤ .

и҆ ны́нѣ . мы́ же : хрⷭ҇то́съ вᲂскр҃се , гⷤ .

і҆єре́й : Хрⷭ҇то́съ вᲂскр҃се и҆з̾ ме́ртвыхъ , сме́ртїю на сме́рть настꙋпѝ .= мы́ же : =и҆ гро́бнымъ живо́тъ дарᲂва̀ . та́же , є҆ктенїѧ̀ вели́каѧ .

Пᲂсе́мъ , гдⷭ҇и вᲂзва́хъ , пᲂе́мъ на́ гласъ , в҃ . и҆ пᲂсе́мъ , стихѣ́ры вᲂскрⷭ҇ны , на́ ѕ҃ .

Гла́съ , в҃ . А҆́ще без̾зако́нїѧ на́зриши гдⷭ҇и , гдⷭ҇и кто̀ пᲂстᲂи́тъ ,꙳ ꙗ҆́кѡ ѿ тебѐ ѡ҆чище́нїе є҆́сть . Первᲂвѣ́чнᲂмꙋ ѿ ѻ҆ц҃а ро́ждьшꙋсѧ бж҃їю сло́вꙋ , вᲂпло́щшꙋсѧ ѿ дв҃ы мр҃і́и , прїиди́те пᲂклᲂни́мсѧ , распѧ́тїе бᲂ претерпѣ́въ , и҆ пᲂгребе́нїю предаде́сѧ , ꙗ҆́кѡ са́мъ вᲂсхᲂтѣ̀ , и҆ вᲂскр҃съ и҆з̾ ме́ртвыхъ , спасе́ мѧ блꙋдѧ́щагᲂ челᲂвѣ́ка .

и҆́мене ра́ди твᲂегѡ̀ пᲂтерпѣ́хъ тѧ̀ гдⷭ҇и , пᲂтерпѣ̀ дш҃а мᲂѧ̀ в̾ сло́вᲂ твᲂѐ ,꙳ ᲂу҆пᲂва̀ дш҃а мᲂѧ̀ на́ гдⷭ҇а . Хрⷭ҇то́съ сп҃съ на́шъ пригво́ждьсѧ на крⷭ҇тѣ̀ , є҆́же на ны̀ рꙋкᲂписа́нїе растерза̀ , и҆ сме́рти держа́вꙋ ᲂу҆праздни́лъ є҆́сть , пᲂкланѧ́емсѧ тридне́внᲂмꙋ є҆гѡ̀ вᲂста́нїю .

ѿ стра́жи ᲂу҆́тренїѧ до́ нᲂщи , ѿ стра́жи ᲂу҆́тренїѧ ,꙳ да ᲂу҆пᲂва́етъ і҆и҃ль на́ гдⷭ҇а . Сᲂ а҆рха́нг҃лы вᲂспᲂе́мъ хрⷭ҇то́вᲂ вᲂскрⷭ҇нїе , то́й бᲂ є҆́сть и҆зба́витель , и҆ сп҃съ дш҃а́мъ на́шимъ . вᲂ сла́вѣ стра́шнѣй , и҆ крѣ́пцѣй си́лѣ , па́ки грѧде́тъ сꙋди́ти ми́рꙋ , є҆го́же сᲂзда̀ .

ꙗ҆́кѡ ѿ́ гдⷭ҇а млⷭ҇ть , и҆ мно́гᲂ ѿ негѡ̀ и҆зба́вленїе , и҆ то́й и҆зба́витъ і҆и҃лѧ ,꙳ ѿ всѣ́хъ без̾зако́нїи є҆гѡ̀ . Тебѐ распе́ньшагᲂсѧ , и҆ пᲂгребе́на бы́вша , а҆́нг҃лъ прᲂпᲂвѣ́да влⷣкꙋ , и҆ гл҃аше жена́мъ , прїиди́те и҆ ви́дите и҆дѣ́же лежа̀ гдⷭ҇ь , вᲂскр҃се бᲂ ꙗ҆́кᲂже речѐ ꙗ҆́кѡ всеси́ленъ . тѣ́мжетисѧ пᲂклᲂнѧ́емъ , є҆ди́нᲂмꙋ без̾сме́ртнᲂмꙋ , живᲂда́вче хрⷭ҇тѐ пᲂми́лꙋй на́съ .

хвали́те гдⷭ҇а всѝ ꙗ҆зы́цы ,꙳ пᲂхвали́те є҆гѡ̀ всѝ лю́дїе . Крⷭ҇то́мъ свᲂи́мъ ᲂу҆праздни́лъ є҆сѝ , є҆́же ѿ́древа клѧ́твꙋ . пᲂгребе́нїемъ же свᲂи́мъ ᲂу҆мертви́лъ є҆сѝ сме́рти держа́вꙋ . вᲂста́нїемъ же свᲂи́мъ прᲂсвѣти́лъ є҆сѝ ро́дъ чл҃ческїи . сегѡ̀ ра́ди вᲂпїе́мъ ти , бл҃гᲂда́телю хрⷭ҇тѐ бж҃е на́шъ сла́ва тебѣ̀ .

ꙗ҆́кѡ ᲂу҆тверди́сѧ млⷭ҇ть є҆гѡ̀ на на́съ ,꙳ и҆ и҆́стина гдⷭ҇нѧ пребыва́етъ во́ вѣки . Ѿверзо́шатисѧ гдⷭ҇и стра́хᲂмъ врата̀ сме́ртнаѧ , вра́тницы же а҆́дᲂвы , ви́дѣвше тѧ̀ ᲂу҆жасо́шасѧ . врата́ бᲂ мѣ́днаѧ сᲂтрѐ , и҆ вереѝ желѣ́зныѧ сᲂкрꙋшѝ , и҆ и҆зведе́ ны ѿ тмы̀ и҆ сѣ́ни сме́ртныѧ , и҆ ᲂу҆́зы на́ша растерза̀ .

сла́ва . Спасе́нꙋю пѣ́снь пᲂю́ще , и҆з̾ ᲂу҆́стъ вᲂз̾сыла́емъ , прїидѣ́те всѝ въ до́мъ гдⷭ҇нь , припа́даемъ гл҃юще , и҆́же на́ древѣ распны́исѧ , и҆ и҆з̾ ме́ртвыхъ вᲂскр҃сы́и , сы́и в̾ нѣ́дрѣхъ ѻ҆́ч҃ихъ , ѡ҆чи́сти грѣхѝ на́ша .

и҆ нн҃ѣ , боⷢ҇ . Пре́йде сѣ́нь зако́ннаѧ , бл҃гᲂда́ти прише́дши , ꙗ҆́кᲂже бᲂ кꙋпина̀ не с̾гара́ше , распала́ющисѧ . та́кѡ и҆ дв҃аѧ рᲂдила̀ є҆́сть , и҆ дв҃ᲂю пребы́сть . в̾мѣ́стѡ стᲂлпа̀ ѻ҆́гненнагѡ , пра́веднᲂе вᲂзсїѧ̀ сл҃нце . в̾мѣ́стѡ мѡѷсе́ѧ хрⷭ҇то́съ , вᲂ спасе́нїе дш҃а́мъ на́шимъ .

Вы́хᲂдъ , съ є҆ѵⷢ҇а́лїемъ .= та́же , свѣ́те ти́хїи . та́же , Прᲂки́менъ вели́кїи . гла́съ , з҃ . Кто̀ бг҃ъ ве́лїи ꙗ҆́кѡ бг҃ъ на́шъ , ты̀ є҆сѝ бг҃ъ твᲂрѧ́и чꙋдеса̀ . =сти́хъ . Пᲂказа́лъ є҆сѝ въ лю́дехъ си́лꙋ твᲂю̀ . сти́хъ . И҆ рѣ́хъ ны́нѣ нача́хъ , сѝ и҆змѣ́на десни́ца вы́шнѧгѡ . сти́хъ . Пᲂмѧнꙋ́хъ дѣ́ла гдⷭ҇нѧ , ꙗ҆́кѡ пᲂмѧнꙋ̀ ѿ зача́ла чꙋдеса̀ твᲂѧ̀ . та́же , Кто̀ бг҃ъ ве́лїи ꙗ҆́кѡ бг҃ъ на́шъ , ты̀ є҆сѝ бг҃ъ твᲂрѧ́и чꙋдеса̀ .

и҆ а҆́бїе гл҃етъ і҆єре́й : и҆ =ѡ҆спᲂдо́битисѧ на́мъ дᲂсто́йнѡ пᲂслꙋ́шати . премꙋ́дрᲂсть , про́сти ᲂу҆слы́шимъ ст҃а́гѡ є҆ѵⷢ҇а́лїѧ . =є҆ѵⷢ҇а́лїе , ѿ і҆ѡа́нна . зача́лᲂ , ѯ҃є . пᲂсе́мъ , є҆ктенїѧ̀ : Рце́мъ всѝ .

Спᲂдо́би гдⷭ҇и въ ве́черъ . та́же : И҆спо́лнимъ вече́рнїѧ мᲂли́твы . На стихо́внѣ , стихѣ́ра . гла́съ , в҃ . Вᲂскрⷭ҇нїе твᲂѐ хрⷭ҇тѐ сп҃се , всю̀ прᲂсвѣтѝ вселе́ннꙋю , и҆ призва̀ свᲂѐ сᲂзда́нїе , всеси́льне гдⷭ҇и сла́ва тебѣ̀ .

стихѣ́ры , па́сцѣ . пи́саны въ нлⷣю па́схи , на хвали́тѣхъ .

Хрⷭ҇то́съ вᲂскр҃се и҆з̾ме́ртвыхъ сме́ртїю на сме́рть настꙋпѝ , и҆ гро́бнымъ живо́тъ дарᲂва̀ , гⷤ .

та́же , дїа́кᲂнъ : премꙋ́дрᲂсть . мы́ же пᲂе́мъ : Хрⷭ҇то́съ вᲂскр҃се и҆з̾ ме́ртвыхъ сме́ртїю на сме́рть настꙋпѝ , и҆ гро́бнымъ живо́тъ дарᲂва̀ .= три́жды , с̾ пᲂкло́нами .= пᲂсе́мъ і҆єре́й твᲂри́тъ , ѿпꙋ́стъ , держа́и крⷭ҇тъ . пᲂе́тъ : Хрⷭ҇то́съ вᲂскр҃се и҆з̾ ме́ртвыхъ сме́ртїю на сме́рть настꙋпѝ . мы́же : И҆гро́бнымъ живо́тъ дарᲂва̀ . і҆єре́й : И҆́стинныи бг҃ъ на́шъ , мл҃твами пречⷭ҇тыѧ є҆гѡ̀ мт҃ре , си́лᲂю чⷭ҇тна́гѡ и҆ живᲂтвᲂрѧ́щагѡ крⷭ҇та̀ , и҆ ст҃ы́хъ сла́вныхъ и҆ всехва́льныхъ а҆пⷭ҇лъ , и҆ всѣ́хъ ст҃ы́хъ пᲂми́лꙋетъ и҆ спасе́тъ на́съ , ꙗ҆́кѡ бл҃гі́и чл҃кᲂлю́бецъ . та́же , і҆єре́й крⷭ҇тъ вᲂзвыша́ѧ гл҃етъ : Хрⷭ҇то́съ вᲂскр҃се . гⷤ . мы́же ѿвѣща́емъ : Вᲂи́стинꙋ вᲂскр҃се . гⷤ . и҆ пᲂе́мъ : И҆ =на́мъ дарᲂва̀ живо́тъ вѣ́чныи , пᲂклᲂнѧ́емсѧ тридне́внᲂмꙋ є҆гѡ̀ вᲂскрⷭ҇нїю =[пᲂкло́нъ] .

Хрⷭ҇то́съ вᲂскр҃се и҆з̾ ме́ртвыхъ сме́ртїю на сме́рть настꙋпѝ , и҆ гро́бнымъ живо́тъ дарᲂва̀ , гⷤ .

Гдⷭ҇и пᲂми́лꙋй , три́жды .

ПА́ВЕЧЕРНИЦУ ЖЕ , ПОЕ́МЪ ВО ВСЮ̀

седми́цꙋ свѣ́тлꙋю , си́це . наче́ншꙋ і҆єре́ю : Бл҃гᲂслᲂве́нъ бг҃ъ на́шъ . и҆ мы̀ пᲂе́мъ : Хрⷭ҇то́съ вᲂскре́се и҆з̾ ме́ртвыхъ , сме́ртїю на сме́рть настꙋпѝ , и҆ гро́бнымъ живо́тъ дарᲂва̀ ,= гⷤ .=

Вᲂскрⷭ҇нїе хрⷭ҇то́вᲂ ви́дѣвше , пᲂклᲂни́мсѧ ст҃о́мꙋ гдⷭ҇ꙋ і҆с҃ꙋ , є҆ди́нᲂмꙋ без̾грѣ́шнᲂмꙋ [пᲂкло́н̾] , крⷭ҇тꙋ̀ твᲂемꙋ̀ пᲂклᲂнѧ́емсѧ хрⷭ҇тѐ , и҆ ст҃о́е вᲂскрⷭ҇нїе твᲂѐ пᲂе́мъ и҆ сла́вимъ [пᲂкло́н̾] . ты́ бᲂ є҆сѝ бг҃ъ на́шъ , ра́зве бᲂ тебѐ и҆но́гᲂ незна́емъ , и҆́мѧ твᲂѐ нарица́емъ . прїиди́те всѝ вѣ́рнїи , пᲂклᲂни́мсѧ ст҃о́мꙋ хрⷭ҇то́вꙋ вᲂскрⷭ҇нїю [пᲂкло́н̾] , се́бᲂ прїи́де крⷭ҇та̀ ра́ди ра́дᲂсть всемꙋ̀ ми́рꙋ , всегда̀ бл҃гᲂслᲂви́мъ гдⷭ҇а , и҆ пᲂе́мъ вᲂскрⷭ҇нїе є҆гѡ̀ , распѧ́тїе бᲂ претерпѣ̀ , и҆ сме́ртїю сме́рть разрꙋшѝ . три́жды .

Предвари́ша ᲂу҆́трᲂ , ꙗ҆́же съ мр҃і́ею , и҆ ѡ҆брѣто́ша ка́мень ѿвале́нъ ѿ́ грᲂба , слы́шахꙋ ѿ а҆́нг҃ла , и҆́же во́ свѣтѣ приснᲂсꙋ́щнѣмъ сꙋ́щагѡ , съ ме́ртвыми не и҆щи́те ꙗ҆́кѡ челᲂвѣ́ка . ви́дите гро́бныѧ пелены̀ , тецы́те и҆ ми́рꙋ прᲂпᲂвѣ́дите , ꙗ҆́кѡ вᲂста̀ гдⷭ҇ь ᲂу҆мертви́выи сме́рть , ꙗ҆́кѡ то́й є҆́сть сн҃ъ бж҃їи , спаса́ѧи ро́дъ чл҃ческїи .

А҆́ще и҆ во́ грᲂбъ сни́де без̾сме́ртне , нᲂ а҆́дᲂвꙋ разрꙋши́лъ є҆сѝ си́лꙋ , и҆ вᲂскр҃се ꙗ҆́кѡ пᲂбѣди́тель хрⷭ҇тѐ бж҃е , жена́мъ мѷрѡно́сицамъ ра́дᲂсть прᲂвѣща́въ , и҆ свᲂи́мъ а҆пⷭ҇лѡмъ ми́ръ дарᲂва̀ , и҆́же па́дшимъ пᲂдаѧ̀ вᲂскрⷭ҇нїе .

Во́ грᲂбѣ с̾ пло́тїю , вᲂ а҆́дѣ же съ дꙋше́ю ꙗ҆́кѡ бг҃ъ , в̾ раи́ же с̾ разбо́йникᲂмъ , и҆ на прⷭ҇то́лѣ бѣ́ѧше хрⷭ҇тѐ , сᲂ ѻ҆ц҃е́мъ и҆ дꙋ́хᲂмъ , всѧ̀ и҆спᲂлнѧ́ѧ неѡ҆пи́санныи .

сла́ва . Ꙗ҆́кѡ живᲂно́сецъ , ꙗ҆́кѡ раѧ̀ ѕѣлѡ̀ краснѣ́йшїи вᲂи́стинꙋ , и҆ всѧ́кᲂгѡ черто́га ца́рска , ꙗ҆ви́сѧ свѣтлѣ́йши хрⷭ҇тѐ гро́бъ тво́й , и҆сто́чникъ на́шемꙋ вᲂскрⷭ҇нїю .

и҆ ны́нѣ . Вы́шнѧгѡ ѡ҆сщ҃е́ннѡ бж҃їе вселе́нїе ра́дꙋисѧ , тᲂбо́ю бᲂ даде́сѧ ра́дᲂсть бцⷣе вᲂпїю́щимъ тѝ , бл҃гᲂслᲂве́на ты̀ в̾ жена́хъ пренепᲂро́чнаѧ влⷣчце .

Гдⷭ҇и пᲂми́лꙋй , м҃ . сла́ва , и҆ нн҃ѣ . Чтⷭ҇нѣ́йшꙋю херꙋви́мъ , и҆ сла́внѣйшꙋю вᲂи́стинꙋ серафи́мъ , без̾и҆стлѣ́нїѧ бг҃а сло́ва ро́ждьшꙋю , сꙋ́щꙋю бцⷣꙋ тѧ̀ велича́емъ . и҆́менемъ гдⷭ҇нимъ бл҃гᲂслᲂвѝ ѻ҆́ч҃е . і҆єре́й : За мл҃твъ ст҃ы́хъ ѻ҆ц҃ъ на́шихъ . та́же : Сла́ва , и҆ ны́нѣ . гдⷭ҇и пᲂми́лꙋй , вⷤ . гдⷭ҇и пᲂми́лꙋй . и҆ ѿпꙋ́стъ , и҆ прᲂще́нїе , и҆ є҆ктенїѧ̀ . Та́кᲂже пᲂе́тсѧ и҆ за пᲂлꙋ́нᲂщницꙋ , вᲂ всю̀ свѣ́тлꙋю седми́цꙋ .

Въ пᲂнедѣ́льникъ свѣ́тлыѧ нлⷣи , на ᲂу҆́трени , пре́же нача́ла , вжига́етъ , свѣщѝ и҆ кади́ла параєклисїа́рхъ . та́же , і҆єре́й ста́въ пред̾ ст҃о́ю трапе́зᲂю с̾ кади́лᲂмъ кадѧ̀ крⷭ҇тᲂѡ҆бра́знѡ , и҆ глаго́летъ : Блгⷭ҇ве́нъ бг҃ъ на́шъ . мы́ же : а҆ми́нь . та́же , і҆єре́й пᲂе́тъ : Хрⷭ҇то́съ вᲂскр҃се и҆з̾ ме́ртвыхъ сме́ртїю на сме́рть настꙋпѝ , и҆ гро́бнымъ живо́тъ дарᲂва̀ ,= вⷤ . Х=рⷭ҇то́съ вᲂскр҃се и҆з̾ ме́ртвыхъ сме́ртїю на сме́рть настꙋпѝ . мы́ же : =и҆ =гро́бнымъ живо́тъ дарᲂва̀ . мы́ же : хрⷭ҇то́съ вᲂскр҃се , гⷤ .

и҆ про́чаѧ , ꙗ҆́кᲂже пи́санᲂ в̾ нлⷣю на вече́рни . та́же , є҆ктенїѧ̀ вели́каѧ .

И҆ =пᲂ вᲂз̾гла́сѣ начина́етъ і҆єре́й , і҆рмо́съ . вᲂскрⷭ҇нїѧ дн҃ь . =и҆ пᲂе́мъ кано́нъ . І҆рмо́съ , пᲂ вⷤ . трᲂпари́ же , на в҃і . пᲂслѣди́ же , катава́сїѧ , і҆рмо́съ , ѻ҆́ба ли́ка вкꙋ́пѣ . Пᲂ г҃ , пѣ́сни , ѵ҆пакᲂй : Предвари́ша ᲂу҆́трᲂ . Пᲂ ѕ҃ , пѣ́сни , кᲂнда́къ : А҆́ще и҆ во́ грᲂбъ сни́де . и҆ и҆́кᲂсъ . та́же , Вᲂскрⷭ҇нїе хрⷭ҇то́вᲂ , гⷤ . Вᲂскр҃съ і҆с҃ъ , гⷤ .

Пᲂ ѳ҃ , пѣ́сни , свѣти́ленъ , гⷤ . та́же , хвали́те гдⷭ҇а с̾ нб҃съ . На хвали́тѣхъ . стⷯры , вᲂскрⷭ҇ны . =Гла́съ , в҃ . Хвали́те є҆гѡ̀ на си́лахъ є҆гѡ̀ ,꙳ хвали́те є҆гѡ̀ пᲂ премно́гᲂмꙋ вели́чествїю є҆гѡ̀ . В=сѧ́кᲂ дыха́нїе и҆ всѧ̀ тва́рь , тебѐ сла́витъ гдⷭ҇и , ꙗ҆́кѡ крⷭ҇то́мъ сме́рть ᲂу҆праздни́лъ є҆сѝ . да пᲂка́жеши лю́демъ , є҆́же и҆з̾ ме́ртвыхъ твᲂѐ вᲂскрⷭ҇нїе . ꙗ҆́кѡ є҆ди́нъ чл҃кᲂлю́бецъ .

хвали́те є҆гѡ̀ во́ гласѣ трꙋ́бнѣмъ ,꙳ хвали́те є҆гѡ̀ вᲂ ѱалты́ри и҆ гꙋ́слѣхъ . Да рекꙋ́тъ і҆ꙋде́е , ка́кѡ во́ини пᲂгꙋби́ша стрегꙋ́щїи цр҃ѧ ; пᲂчто́ бᲂ ка́мень несᲂхранѝ , ка́менѧ жи́зни ; и҆лѝ пᲂгребе́нагᲂ дадѧ́тъ ; и҆лѝ вᲂскрⷭ҇шемꙋ да пᲂкло́нѧтсѧ , гл҃юще с̾ на́ми , сла́ва мно́жествꙋ щедро́тъ твᲂи́хъ , сп҃се на́шъ сла́ва тебѣ̀ .

хвали́те є҆гѡ̀ в̾ тѷмпа́нѣ и҆ ли́цѣ ,꙳ хвали́те є҆гѡ̀ вᲂ стрꙋ́нахъ и҆ ѻ҆рга́нѣхъ . Ра́дꙋйтесѧ лю́дїе и҆ весели́тесѧ , а҆́нг҃лъ бᲂ сѣдѧ́и на ка́мени гро́бнѣмъ , то́й на́мъ бл҃гᲂвѣстѝ ре́къ , хрⷭ҇то́съ вᲂскр҃се и҆з̾ ме́ртвыхъ , сп҃съ ми́рꙋ , и҆ и҆спо́лни всѧ́ческаѧ бл҃гᲂꙋха́нїѧ . ра́дꙋйтесѧ лю́дїе и҆ весели́тесѧ .

хвали́те є҆гѡ̀ в̾ кѷмва́лѣхъ дᲂбрᲂгла́сныхъ , хвали́те є҆гѡ̀ в̾ кѷмва́лѣхъ вᲂсклица́нїѧ .꙳ всѧ́кᲂ дыха́нїе да хва́литъ гдⷭ҇а . А҆́нг҃лъ ᲂу҆́бѡ є҆́же ра́дꙋисѧ , пре́же зача́тїѧ твᲂегѡ̀ гдⷭ҇и , бл҃гᲂда́тнѣй принесѐ . а҆́нг҃лъ же въ твᲂѐ вᲂскрⷭ҇нїе , сла́внагѡ гро́ба твᲂегѡ̀ ка́мень ѿвалѝ . ѻ҆́въ ᲂу҆́бѡ въ печа́ли мѣ́стᲂ весе́лїѧ ѻ҆́бразы вᲂзвѣща́ѧ . се́й же в̾ сме́рти мѣ́стᲂ , влⷣкꙋ жизнᲂда́вца прᲂпᲂвѣ́да на́мъ . тѣ́мже вᲂпїе́мъ ти , бл҃гᲂда́телю всѣ́хъ гдⷭ҇и сла́ва тебѣ̀ .

стихѣ́ры , па́сцѣ . пи́саны въ нлⷣю па́схи , на хвали́тѣхъ .

Хрⷭ҇то́съ вᲂскр҃се и҆з̾ме́ртвыхъ сме́ртїю на сме́рть настꙋпѝ , и҆ гро́бнымъ живо́тъ дарᲂва̀ , гⷤ .

пᲂсе́мъ : є҆ктенїѧ̀ : пᲂми́лꙋй на́съ бж҃е . і҆єре́й , вᲂз̾гла́съ . та́же : и҆спо́лнимъ заꙋ́треннїѧ мл҃твꙋ . и҆ пᲂ вᲂз̾гла́сѣ : сы́и бл҃гᲂслᲂве́нъ . и҆ мы̀ : а҆ми́нь . ᲂу҆твердѝ бж҃е вѣ́рꙋ хрⷭ҇тїа́нскꙋю .

та́же , дїа́кᲂнъ : Премꙋ́дрᲂсть . мы́ же : Хрⷭ҇то́съ вᲂскр҃се и҆з̾ ме́ртвыхъ сме́ртїю на сме́рть настꙋпѝ , и҆ гро́бнымъ живо́тъ дарᲂва̀ .= три́жды , с̾ пᲂкло́нами .= пᲂсе́мъ і҆єре́й твᲂри́тъ , ѿпꙋ́стъ , держа́и крⷭ҇тъ . пᲂе́тъ : Хрⷭ҇то́съ вᲂскр҃се и҆з̾ ме́ртвыхъ сме́ртїю на сме́рть настꙋпѝ . мы́же : И҆гро́бнымъ живо́тъ дарᲂва̀ . і҆єре́й : И҆́стинныи бг҃ъ на́шъ , мл҃твами пречⷭ҇тыѧ є҆гѡ̀ мт҃ре , си́лᲂю чⷭ҇тна́гѡ и҆ живᲂтвᲂрѧ́щагѡ крⷭ҇та̀ , и҆ ст҃ы́хъ сла́вныхъ и҆ всехва́льныхъ а҆пⷭ҇лъ , и҆ всѣ́хъ ст҃ы́хъ пᲂми́лꙋетъ и҆ спасе́тъ на́съ , ꙗ҆́кѡ бл҃гі́и чл҃кᲂлю́бецъ .

та́же , і҆єре́й крⷭ҇тъ вᲂзвыша́ѧ гл҃етъ : Хрⷭ҇то́съ вᲂскр҃се . гⷤ . мы́же : Вᲂи́стинꙋ вᲂскр҃се . гⷤ . и҆ пᲂе́мъ : И҆ =на́мъ дарᲂва̀ живо́тъ вѣ́чныи , пᲂклᲂнѧ́емсѧ тридне́внᲂмꙋ є҆гѡ̀ вᲂскрⷭ҇нїю =[пᲂкло́нъ] .

та́же , а҃ й ча́съ . ꙗ҆́кᲂже ᲂу҆каза́сѧ в̾ нлⷣю на ᲂу҆́трени .= С=и́це же быва́етъ , слꙋ́жба ᲂу҆́тренѧѧ вᲂ всю̀ седми́цꙋ свѣ́тлꙋю .

На литꙋргі́и , а҆нтифо́ны . и҆ є҆ли́цы вᲂ хрⷭ҇та̀ крⷭ҇ти́стесѧ , па́сцѣ непремѣ́ннѡ , ꙗ҆́кᲂже ᲂу҆ка́занᲂ в̾ нлⷣю па́схи .

прᲂки́менъ , ѱл҃о́мъ дв҃дᲂвъ . Вᲂ всю̀ зе́млю и҆зыдо́ша вѣща́нїе и҆́хъ , и҆ в̾ кᲂнцы̀ вселе́нныѧ гл҃ы и҆́хъ . сти́хъ . нб҃са̀ пᲂвѣ́даютъ сла́вꙋ бж҃їю , твᲂре́нїе же рꙋ́кꙋ є҆гѡ̀ вᲂз̾вѣща́етъ тве́рдь .

а҆пⷭ҇лъ , въ дѣѧ́нїихъ . зача́лᲂ , в҃ . а҆ллилꙋ́їѧ . и҆спᲂвѣ́дѧтъ нб҃са̀ чꙋдеса̀ твᲂѧ̀ гдⷭ҇и . сти́хъ . бг҃ъ прᲂславлѧ́емь въ сᲂвѣ́тѣхъ ст҃ы́хъ . є҆ѵⷢ҇а́лїе , ѿ і҆ѡа́нна . зача́лᲂ , в҃ . прича́стенъ . тѣ́лᲂ хрⷭ҇то́вᲂ прїими́те , и҆ и҆сто́чника без̾сме́ртнагѡ вкꙋси́те . и҆ вхо́димъ въ трапе́зꙋ .

А҆́ще ли неприлꙋчи́тсѧ бы́ти литꙋргі́и , часы̀ пᲂе́мъ па́сцѣ пᲂ ѡ҆бы́чаю . Бл҃же́нна ѿ кано́на па́сцѣ пѣ́снь , а҃ ѧ , на и҃ . А҆пⷭ҇лъ , и҆ є҆ѵⷢ҇а́лїе , вышепи́саннѡ . Пᲂ ѻ҆сла́би кᲂнда́къ , па́сцѣ . и҆ про́чаѧ ꙗ҆́кᲂже ᲂу҆каза́сѧ в̾ недѣ́лю па́схи .