МЦⷭ҇А СЕНТѦБРѦ̀ ВЪ К҃Ѕ ДН҃Ь

преставле́нїе ст҃а́гѡ а҆пⷭ҇ла и҆ є҆ѵⷢ҇али́ста і҆ѡа́нна бг҃ᲂсло́ва . =На ма́лѣй вече́рни , на гдⷭ҇и вᲂзва́хъ , стихѣ́ры , на д҃ . гла́съ , в҃ . поⷣ . є҆гда̀ ѿ́ древа . Прїиди́те премꙋ́дрᲂсти пꙋчи́нꙋ , и҆ правᲂсла́вныхъ пᲂвелѣ́нїи списа́телѧ , вѣ́рнїи бл҃гᲂпᲂхва́лимъ дне́сь бжⷭ҇твеными пѣ́сньми , і҆ѡа́нна сла́внагᲂ , и҆ вᲂз̾лю́бленнагᲂ . се́й бᲂ прᲂпᲂвѣ́да є҆ѵⷢ҇а́лїе , тѣ́мже и҆ грᲂмᲂгла́сенъ ꙗ҆ви́сѧ , ꙗ҆́кѡ є҆ѵⷢ҇а́лїе всѣ́мъ написа́въ мнᲂгᲂмꙋ́дренѡ прⷭ҇нᲂпа́мѧтныи . =вⷤ . Вᲂи́стинꙋ ты̀ ꙗ҆ви́сѧ , дрꙋ́гъ напе́рсныи вели́къ , ᲂу҆чи́телю хрⷭ҇тꙋ̀ . на пе́рси бᲂ вᲂз̾ле́гъ , ѿ ни́хже пᲂчерпѐ премꙋ́дрᲂстнаѧ пᲂвелѣ́нїѧ . в̾ ни́хже и҆ ѡ҆бᲂгати́лъ є҆сѝ всю̀ зе́млю , ꙗ҆́кѡ бг҃ᲂвѣща́нникъ бж҃їи . тѣ́мъ и҆ сᲂдержа́щи сїѧ̀ хрⷭ҇то́ва цр҃кви ны́нѣ ра́дꙋющисѧ весели́тсѧ . Ра́дꙋисѧ бг҃ᲂсло́ве вᲂи́стинꙋ . ра́дꙋисѧ мт҃ри гдⷭ҇ни сн҃е вᲂзлю́бленныи . ты́ бᲂ пред̾стᲂѧ̀ при крⷭ҇тѣ̀ хрⷭ҇то́вѣ , сѐ нн҃ѣ мт҃и твᲂѧ̀ , к̾ тебѣ̀ вᲂзᲂпи́вшꙋ слы́ша . тѣ́мъ дᲂсто́йнѡ тѧ всѝ , ꙗ҆́кѡ а҆пⷭ҇ла хрⷭ҇то́ва вели́ка , и҆ вᲂзлю́бленнагᲂ ᲂу҆бл҃жа́емъ .

сла́ва . гла́съ , в҃ . самᲂгла́сенъ . А҆пⷭ҇лѡмъ верхо́внагᲂ , бг҃ᲂсло́вїѧ трꙋбꙋ̀ , дх҃о́внагᲂ во́ина , вселе́ннꙋю бг҃ꙋ пᲂкᲂри́вшагᲂ , прїиди́те вѣ́рнїи ᲂу҆блажи́мъ і҆ѡа́нна прⷭ҇нᲂпа́мѧтнагᲂ . ѿ землѝ вᲂста́ющагᲂ , и҆ землѝ не ѿстꙋпа́юща , нᲂ жи́ва сꙋ́ща , и҆ ждꙋ́ща стра́шнᲂе влⷣчне втᲂро́е прише́ствїе . є҆́же неѡ҆сꙋжде́ннѡ срѣ́сти на́мъ и҆спрᲂсѝ , дрꙋ́же таи́нныи , хрⷭ҇то́въ напе́рьсниче , любо́вїю сᲂверша́ющимъ па́мѧть твᲂю̀ .

и҆ ны́нѣ , боⷢ҇ . прᲂки́менъ , дню̀ .

На стихо́внѣ , стихѣ́ры . гла́съ , а҃ . пᲂдо́бенъ , прехва́льнїи мч҃нцы .= Б=г҃ᲂсло́ве сла́вныи , твᲂи́ми бжⷭ҇твеными ᲂу҆че́нїи , и҆ чꙋде́съ ꙗ҆вле́нїемъ , пре́лести ѿгна́лъ є҆сѝ мглꙋ̀ всю̀ , и҆ лю́ди прᲂсвѣти́лъ є҆сѝ к̾ ра́зꙋмꙋ и҆́стинныѧ вѣ́ры . и҆ ны́нѣ мᲂлѝ , дарᲂва́ти дш҃а́мъ на́шимъ ми́ръ и҆ ве́лїю ми́лᲂсть .

сти́хъ : вᲂ всю̀ зе́млю и҆зыдо́ша вѣща́нїе и҆́хъ ,꙳ и҆ в̾ кᲂнцы̀ вселе́нныѧ гл҃ы и҆́хъ . І҆ѡа́нне премꙋ́дре хрⷭ҇то́въ дрꙋ́же при́сныи , к̾ пло́ти любве́ мѧ и҆збавлѧ́ѧ , влⷣцѣ всѣ́хъ , бжⷭ҇твеными ти мᲂльба́ми вᲂдрꙋжѝ , дѣ́тельми бл҃гᲂче́стїѧ . и҆ мᲂли́сѧ пᲂда́ти ми ѡ҆ставле́нїе прегрѣше́нїемъ , и҆ ве́лїю ми́лᲂсть .

сти́хъ : нб҃са̀ пᲂвѣ́даютъ сла́вꙋ бж҃їю ,꙳ твᲂре́нїе же рꙋ́кꙋ є҆гѡ̀ вᲂзвѣща́етъ тве́рдь . Бг҃ᲂви́дче сщ҃е́нне , страсте́й и҆ бѣ́дъ и҆зба́ви , и҆ ѿ недꙋ́гъ и҆ скᲂрбе́й бл҃гᲂхва́лѧщихъ тѧ , и҆ пᲂчита́ющихъ любо́вїю , и҆ вѣ́рнѡ притека́ющихъ , и҆ к̾ пᲂкро́вꙋ твᲂемꙋ̀ бжⷭ҇твенᲂмꙋ прихᲂдѧ́щихъ . и҆ ᲂу҆мᲂлѝ дарᲂва́ти дш҃а́мъ на́шимъ , ми́ръ и҆ ве́лїю млⷭ҇ть . сла́ва , и҆ нн҃ѣ , боⷢ҇ . Дв҃ᲂ всепѣ́таѧ ю҆́же в̾ тебѣ̀ та́йнꙋ , мѡѷсе́й прᲂро́ческима ви́дѣ ѻ҆чи́ма , кꙋпинꙋ̀ гᲂрѧ́щꙋ и҆ неѡ҆палѧ́емꙋ . бжⷭ҇тва́ бᲂ ѻ҆́гнь ᲂу҆тро́бꙋ твᲂю̀ чⷭ҇таѧ неѡ҆палѝ . тѣ́мже мо́лимъ тѧ̀ , ꙗ҆́кѡ мт҃рь бг҃а на́шегѡ , ми́ръ и҆спрᲂси́ти всемꙋ̀ ми́рꙋ .

та́же , нн҃ѣ ѿпꙋща́еши . трⷭ҇то́е , и҆ пᲂ ѻ҆́ч҃е на́шъ . трᲂпа́рь . гла́съ , в҃ . А҆пⷭ҇ле хрⷭ҇тꙋ̀ бг҃ꙋ вᲂзлю́бленне , пᲂтщи́сѧ и҆зба́вити лю́ди без̾ѿвѣ́тны . прїе́млетъ бᲂ тѧ̀ припа́дающа , и҆́же прїе́мъ тѧ на пе́рси вᲂзле́гша . є҆го́же мᲂлѝ бг҃ᲂсло́ве , належа́щее преще́нїе ꙗ҆зы́ческᲂе ꙗ҆́кѡ ѻ҆́блакъ разгна́ти , прᲂсѧ̀ на́мъ ми́ра и҆ ве́лїѧ млⷭ҇ти .= сла́ва , и҆ ны́нѣ , боⷢ҇ . В=сѧ̀ па́че смы́сла , всѧ̀ пресла́внаѧ твᲂѧ̀ бцⷣе та́иньства , чистᲂто́ю запечатлѣ́нна , и҆ дв҃ьствᲂмъ храни́ма , мт҃и разꙋмѣ́сѧ нело́жна , бг҃а ро́ждьши и҆́стиннагᲂ , тᲂгѡ̀ мᲂлѝ спасти́сѧ дш҃а́мъ на́шимъ .

та́же , є҆ктенїѧ̀ ма́лаѧ . и҆ ѿпꙋ́стъ .

На вели́цѣй вече́рни , блаже́нъ мꙋ́жь , а҃ , а҆нтифо́нъ . =На гдⷭ҇и вᲂзва́хъ , стихѣ́ры , на и҃ . гла́съ , а҃ . поⷣ . нбⷭ҇нымъ чино́мъ . Ви́дитель неи҆зрече́нныхъ ѿкрᲂве́нїи ,꙳ и҆ сказа́тель вы́шнимъ бж҃їимъ та́йнамъ ,꙳ сн҃ъ зеведе́ѡвъ .꙳ написа́въ на́мъ хрⷭ҇то́вᲂ є҆ѵⷢ҇а́лїе ,꙳ бг҃ᲂсло́вити же ѻ҆ц҃а и҆ сн҃а ,꙳ и҆ дх҃а ст҃а́гѡ наꙋчи́лъ є҆́сть . Бг҃ᲂдви́жимаѧ гꙋ́сль нбⷭ҇ныхъ пѣ́нїи ,꙳ тайнᲂпи́сецъ сы́и .꙳ бг҃ᲂсказа́ннаѧ ᲂу҆ста̀ , пѣ́нїе пѣ́сненᲂе пᲂе́тъ краснѡ̀ .꙳ ᲂу҆стнѣ́ бᲂ движа̀ ꙗ҆́кѡ стрꙋ́ны ,꙳ ꙗ҆́кᲂже брѧца́лᲂ ѧ҆зы́кᲂмъ движа̀ ,꙳ и҆ мо́литсѧ спасти́сѧ на́мъ . Грᲂмᲂгла́снымъ ти ѧ҆зы́кᲂмъ ,꙳ и҆звѣща́ѧ бж҃їѧ премꙋ́дрᲂсти ,꙳ сᲂкрᲂве́нᲂе сло́вᲂ бг҃ᲂви вᲂз̾лю́бленне ,꙳ зᲂве́ши всегда̀ движа̀ ᲂу҆стна́ми ча́стѡ .꙳ є҆́же и҆скᲂнѝ бѣ̀ сло́вᲂ .꙳ и҆ ѡ҆зарѧ́еши всѧ́кагѡ чл҃ка к̾ ра́зꙋмꙋ бж҃їю . =сла́ва . гла́съ , в҃ . Сн҃а гро́мᲂва , ѡ҆снᲂва́нїе бжⷭ҇твенымъ сло́вᲂмъ , нача́льника правᲂсла́вїю , и҆ прᲂпᲂвѣ́дника пе́рвѣйшагѡ , и҆́стиннᲂмꙋ бг҃ᲂсло́вїю , бж҃їѧ премꙋ́дрᲂсти , вᲂзлю́бленнагѡ і҆ѡа́нна , и҆ дв҃ьственика , чл҃ческїи ро́дъ по́ дᲂлгꙋ до́брѣ пᲂхва́лимъ . се́бᲂ непреста́ннѡ в̾ себѣ̀ и҆мы́и бжⷭ҇твенᲂе , є҆́же в̾ нача́лѣ бѣ̀ речѐ сло́вᲂ . и҆ па́ки же кᲂ ѻ҆ц҃ꙋ неразлꙋ́чнᲂе , и҆ ра́внѡ пᲂ си́хъ ѻ҆те́ческагѡ сꙋщества̀ , ꙗ҆влѧ́ѧ на́мъ . тᲂгѡ̀ ра́ди правᲂсла́вїе ст҃ы́ѧ трⷪ҇цы , сᲂдѣ́телѧ же сꙋ́ща сᲂ ѻ҆ц҃е́мъ , и҆ живо́тъ и҆мꙋ́ща , и҆ свѣ́тъ и҆́стинныи тᲂго́же пᲂказа̀ на́мъ . ѽ чꙋдесѝ ᲂу҆жа́снагѡ , и҆ ве́щи премꙋ́дрительныѧ . ꙗ҆́кѡ и҆спо́лнь сы́и любвѐ , и҆спо́лнь бы́сть и҆ бг҃ᲂсло́вїѧ . сла́вᲂю и҆ че́стїю и҆ вѣ́рᲂю , ѡ҆снᲂва́тель сы́и чⷭ҇тыѧ на́шеѧ вѣ́ры . є҆ѧ́же ра́ди пᲂлꙋчи́мъ вѣ́чныхъ бл҃гъ в̾ де́нь сꙋ́дныи . и҆ ны́нѣ , боⷢ҇ . Пре́йде сѣ́нь зако́ннаѧ , бл҃гᲂда́ти прише́дши , ꙗ҆́кᲂже бᲂ кꙋпина̀ не с̾гара́ше , распала́ющисѧ . та́кѡ и҆ дв҃аѧ рᲂдила̀ є҆́сть , и҆ дв҃ᲂю пребы́сть . в̾мѣ́стѡ стᲂлпа̀ ѻ҆́гненнагѡ , пра́веднᲂе вᲂзсїѧ̀ сл҃нце . в̾мѣ́стѡ мѡѷсе́ѧ хрⷭ҇то́съ , вᲂ спасе́нїе дш҃а́мъ на́шимъ . та́же , вы́хᲂдъ . прᲂки́менъ , дню̀ . чте́нїѧ , г҃ .= н=а си́хъ чте́нїихъ несѣди́мъ .

Ѿ сᲂбо́рнагѡ пᲂсла́нїѧ і҆ѡа́ннᲂва , чте́нїе .

Вᲂзлю́бленнїи , а҆́ще срⷣце на́ше неза́зритъ на́мъ , дерзнᲂве́нїе и҆́мамы къ бг҃ꙋ . и҆ є҆го́же а҆́ще про́симъ , прїе́млемъ ѿ негѡ̀ . а҆́ще за́пᲂвѣди є҆гѡ̀ сᲂблюда́емъ , и҆ ᲂу҆го́днаѧ пред̾ ни́мъ твᲂри́мъ . и҆ сїѧ̀ є҆́сть за́пᲂвѣдь є҆гѡ̀ , да вѣ́рꙋемъ во́ и҆мѧ сн҃а є҆гѡ̀ і҆с҃а хрⷭ҇та̀ . и҆ лю́бимъ дрꙋ́гъ дрꙋ́га , ꙗ҆́кᲂже да́лъ є҆́сть за́пᲂвѣдь на́мъ . и҆ сᲂблюда́ѧи за́пᲂвѣди є҆гѡ̀ , в̾ не́мъ пребыва́етъ и҆ то́й в̾ не́мъ . и҆ ѡ҆ се́мъ разꙋмѣ́емъ ꙗ҆́кѡ пребыва́етъ в̾ на́съ , ѿ́ дх҃а и҆́же на́мъ да́стъ ; вᲂзлю́бленнїи , не всѧ́кᲂмꙋ дꙋ́хꙋ вѣ́рꙋйте , нᲂ и҆скꙋша́йте дꙋ́хи а҆́ще ѿ́ бг҃а сꙋ́ть , ꙗ҆́кѡ мно́зи лжепрᲂро́цы и҆зыдо́ша въ ми́ръ . ѡ҆ се́мъ разꙋмѣ́етсѧ дх҃ъ бж҃їи , и҆ дꙋ́хъ льсте́чь . всѧ́къ дх҃ъ и҆́же и҆спᲂвѣ́дꙋетъ , і҆с҃а хрⷭ҇та̀ въ пло́ть прише́дша , ѿ́ бг҃а є҆́сть . и҆ всѧ́къ дꙋ́хъ и҆́же неи҆спᲂвѣ́дꙋетъ і҆с҃а хрⷭ҇та̀ въ пло́ть прише́дша , бж҃їи нѣ́сть , и҆ се́й є҆́сть а҆нти́христᲂвъ . є҆го́же слы́шасте ꙗ҆́кѡ грѧде́тъ , и҆ ны́нѣ в̾ ми́рѣ є҆́сть ᲂу҆́же . вы̀ ѿ́ бг҃а є҆стѐ ча́дца , и҆ пᲂбѣди́сте тѣ́хъ , ꙗ҆́кѡ бо́лїи є҆́сть и҆́же в̾ ва́съ , не́жели и҆́же в̾ ми́рѣ . ѻ҆нѝ ѿ́ мира сꙋ́ть , сегѡ̀ ра́ди ѿ́ мира гл҃ютъ , и҆ ми́ръ тѣ́хъ пᲂслꙋ́шаетъ . мы̀ ѿ́ бг҃а є҆смы̀ , разꙋмѣва́ѧи бг҃а , пᲂслꙋ́шаетъ на́съ . а҆ и҆́же нѣ́сть ѿ́ бг҃а , непᲂслꙋ́шаетъ на́съ .

Ѿ сᲂбо́рнагѡ пᲂсла́нїѧ і҆ѡа́ннᲂва , чте́нїе .

Вᲂзлю́бленнїи , а҆́ще си́це вᲂзлюби́лъ є҆́сть на́съ бг҃ъ , и҆ мы̀ до́лжни є҆смы̀ дрꙋ́гъ дрꙋ́га люби́ти . бг҃а , никто́же нигдѣ́же ви́дѣ . а҆́ще дрꙋ́гъ дрꙋ́га лю́бимъ , бг҃ъ в̾ на́съ пребыва́етъ , и҆ любы̀ є҆гѡ̀ сᲂверше́на є҆́сть в̾ на́съ . ѡ҆ се́мъ разꙋмѣ́емъ ꙗ҆́кѡ в̾ не́мъ пребыва́емъ , и҆ то́й в̾ на́съ , ꙗ҆́кѡ ѿ́ дх҃а свᲂегѡ̀ да́лъ є҆́сть на́мъ . и҆ мы̀ ви́дѣхᲂмъ и҆ свидѣ́тельствꙋемъ , ꙗ҆́кѡ ѻ҆ц҃ъ пᲂсла̀ сн҃а спаси́телѧ ми́рꙋ . и҆́же а҆́ще и҆спᲂвѣ́сть ꙗ҆́кѡ і҆с҃ъ є҆́сть сн҃ъ бж҃їи , бг҃ъ в̾ не́мъ пребыва́етъ и҆ то́й в̾ бз҃ѣ . и҆ мы̀ пᲂзна́хᲂмъ и҆ вѣ́рᲂвахᲂмъ , любо́вь ю҆́же и҆́мать бг҃ъ в̾ на́съ . бг҃ъ любы̀ є҆́сть . и҆ пребыва́ѧи в̾ любвѝ , въ бз҃ѣ пребыва́етъ , и҆ бг҃ъ в̾ не́мъ пребыва́етъ .

Ѿ сᲂбо́рнагѡ пᲂсла́нїѧ і҆ѡа́ннᲂва , чте́нїе .

Вᲂзлю́бленнїи , а҆́ще кто̀ рече́тъ ꙗ҆́кѡ люблю̀ бг҃а , а҆ бра́та свᲂегѡ̀ ненави́дитъ , ло́жъ є҆́сть . и҆́бᲂ нелюбѧ́и бра́та свᲂегѡ̀ є҆го́же ви́дѣ , бг҃а є҆го́же неви́дѣ ка́кѡ мо́жетъ люби́ти ; и҆ сїю̀ за́пᲂвѣдь и҆́мамы ѿ негѡ̀ . да любѧ́и бг҃а , лю́битъ и҆ бра́та свᲂегѡ̀ . всѧ́къ вѣ́рꙋѧи , ꙗ҆́кѡ і҆с҃ъ є҆́сть сн҃ъ бж҃їи , ѿ́ бг҃а рᲂжде́нъ є҆́сть . и҆ всѧ́къ любѧ́и ро́ждьшагᲂ , лю́битъ и҆ рᲂжде́ннагᲂ ѿ негѡ̀ . ѡ҆ се́мъ вѣ́мы ꙗ҆́кѡ лю́бимъ ча́да бж҃їѧ , є҆гда̀ бг҃а лю́бимъ , и҆ за́пᲂвѣди є҆гѡ̀ сᲂблюда́емъ . сїѧ́ бᲂ є҆́сть любы̀ бж҃їѧ , да за́пᲂвѣди є҆гѡ̀ сᲂблюде́мъ . и҆ за́пᲂвѣди є҆гѡ̀ , тѧ́жки несꙋ́ть . ꙗ҆́кѡ всѧ́къ рᲂжде́ныи ѿ́ бг҃а , пᲂбѣжда́етъ ми́ръ . и҆ сїѧ̀ є҆́сть пᲂбѣ́да пᲂбѣ́ждьшаѧ ми́ръ , вѣ́ра на́ша . кто̀ є҆́сть пᲂбѣжда́ѧи ми́ра ; то́кмѡ вѣ́рꙋѧи ꙗ҆́кѡ і҆с҃ъ є҆́сть , сн҃ъ бж҃їи .

На литі́и , стихѣ́ры . гла́съ , а҃ . Рѣ́ки бг҃ᲂсло́вїѧ , ѿ честны́хъ ти ᲂу҆сте́нъ и҆стеко́ша а҆пⷭ҇ле . и҆з̾ ни́хже цр҃квь бж҃їѧ бᲂга́тнᲂ напаѧ́ема , пᲂкланѧ́етсѧ правᲂсла́внѡ трⷪ҇цѣ є҆динᲂсꙋ́щнѣй . ю҆́же и҆ ны́нѣ мᲂлѝ і҆ѡа́нне бг҃ᲂсло́ве , ᲂу҆тверди́ти и҆ спастѝ дш҃а на́ша . Са́дъ чистᲂты̀ , мѵ́рѡ бл҃гᲂꙋха́нїѧ па́ки вᲂсїѧ̀ на́мъ в̾ прише́дшїи пра́здникъ , вᲂзᲂпи́ти к̾ немꙋ̀ . вᲂзлегі́и на пе́рси влⷣчни , и҆ ѡ҆дᲂжди́въ сло́вᲂ ми́рᲂви і҆ѡа́нне а҆пⷭ҇ле , и҆́же дв҃ꙋю сᲂхра́нь , ꙗ҆́кѡ зѣ́ницꙋ ѻ҆́ка , и҆спрᲂсѝ на́мъ ѿ хрⷭ҇та̀ ве́лїю ми́лᲂсть . Оу҆ченичѐ сп҃сᲂвъ , дв҃ьствениче и҆ бг҃ᲂсло́ве , тебѣ̀ ꙗ҆́кѡ дв҃ьственикꙋ дв҃ꙋю бцⷣꙋ , хрⷭ҇то́съ бг҃ъ распина́емь преда́стъ . и҆ сїю̀ сᲂхрани́лъ є҆сѝ ꙗ҆́кѡ зѣ́ницꙋ ѻ҆́ка . тѣ́мъ мᲂлѝ спасти́сѧ дш҃а́мъ на́шимъ . Ꙗ҆́кѡ неи҆зрече́нныхъ та́инъ самᲂви́децъ , во́звалъ є҆сѝ вᲂпїѧ̀ , превѣ́чнᲂе сло́вᲂ , и҆скᲂнѝ бы́ти ᲂу҆́ бг҃а , и҆ тᲂгѡ̀ бы́ти бг҃а , і҆ѡа́нне а҆пⷭ҇ле . напе́рсниче хрⷭ҇то́въ и҆ дрꙋ́же при́сныи , и҆ трⷪ҇цы наслажде́нїе . є҆фе́сꙋ и҆ па́тмꙋ ᲂу҆тверже́нїе непᲂкᲂлѣби́мᲂ , на́мъ же по́мᲂщь . мᲂли́сѧ бг҃ᲂсло́ве пребл҃же́нне , ѿ ѕлᲂчести́выхъ вра́гъ чꙋ́вственыхъ и҆ мы́сленыхъ , и҆зба́витисѧ лю́демъ . и҆́же па́мѧть твᲂю̀ сᲂхранѧ́ющимъ вѣ́рнѡ . сла́ва . гла́съ , д҃ . Вᲂзле́гъ на пе́рси ᲂу҆чи́телѧ хрⷭ҇та̀ , на ве́чери гдⷭ҇ни вᲂзлю́бленне ᲂу҆ченичѐ , ѿ тꙋ́дꙋ разꙋмѣ̀ неи҆зрече́ннаѧ , и҆ нбⷭ҇ныи всѣ́мъ вᲂз̾гремѣ́лъ є҆сѝ гла́съ . и҆скᲂнѝ бѣ̀ сло́вᲂ . свѣ́тъ и҆́стинныи , прᲂсвѣща́ѧи всѧ́кагѡ чл҃ка в̾ ми́ръ грѧдꙋ́щагѡ , хрⷭ҇то́съ бг҃ъ и҆ сп҃съ дш҃а́мъ на́шимъ . и҆ ны́нѣ , боⷢ҇ . Пᲂда́ждь ᲂу҆тѣше́нїе , свᲂи́мъ рабо́мъ всенепᲂро́чнаѧ , ᲂу҆тᲂлѧ́ющи лю́таѧ на ны̀ ѡ҆б̾стᲂѧ́нїѧ , всѧ́кїѧ ско́рби на́съ и҆з̾мѣнѧ́ющи . тѧ́ бᲂ є҆ди́нꙋ тве́рдᲂ и҆ и҆звѣ́стнѡ ѡ҆снᲂва́нїе и҆́мамы , и҆ твᲂѐ застꙋпле́нїе стѧжа́хᲂмъ , да непᲂстыди́мсѧ влⷣчце , тебѐ призыва́юще . пᲂтщи́сѧ на мл҃твꙋ тебѣ̀ вᲂпїю́щихъ , ра́дꙋисѧ влⷣчце всѣ́мъ пᲂмо́щнице , ра́дᲂсте и҆ пᲂкро́ве дш҃а́мъ на́шимъ .

На стихо́внѣ , стихѣ́ры , гла́съ , д҃ . поⷣ . и҆́же зва́нныи свы́ше . Сн҃а вы́шнѧгѡ бг҃ᲂсло́вивъ , ѻ҆ц҃ꙋ сᲂприснᲂсꙋ́щна , и҆ є҆динᲂсꙋ́щественна . свѣ́тъ ѿ́ свѣта непремѣ́ненъ , и҆ начерта́нїе сᲂста́ва рᲂди́телева , без̾лѣ́тнѡ вᲂсїѧ́вша и҆ без̾стра́стнѡ ѿ негѡ̀ . сᲂдѣ́телѧ же и҆ гдⷭ҇а всѣ́мъ вѣкѡ́мъ , вᲂз̾лю́бленне ты̀ прᲂпᲂвѣ́далъ є҆сѝ сегѡ̀ ми́рᲂви , ꙗ҆́кѡ и҆зве́дша свѣ́тъ ѿ тмы̀ , хрⷭ҇та̀ бг҃а на́шегѡ . є҆го́же мᲂлѝ спастѝ и҆ прᲂсвѣти́ти дш҃а на́ша .

сти́хъ : вᲂ всю̀ зе́млю и҆зыдо́ша вѣща́нїе и҆́хъ ,꙳ и҆ в̾ кᲂнцы̀ вселе́нныѧ гл҃ы и҆́хъ . Оу҆тѣ́шителевъ свѣ́тъ прїѧ́тᲂва , и҆́мже и҆ прᲂсвѣща́емь бг҃ᲂсло́вилъ є҆сѝ , ѿ ѻ҆ц҃а прᲂи҆схᲂдѧ́щїи , сн҃ᲂмъ же вᲂчл҃ченїѧ ра́ди ꙗ҆влѧ́емь , є҆динᲂче́стенъ и҆ сᲂпресто́ленъ , и҆ є҆динᲂсꙋ́щенъ . є҆го́же ѻ҆ц҃ꙋ и҆ сн҃ꙋ ꙗ҆́снѡ , жи́знь и҆ свѣ́тъ , вᲂзлю́бленне прᲂпᲂвѣ́далъ є҆сѝ . тѣ́мже вᲂспѣва́еши , и҆зве́дшагѡ свѣ́тъ и҆з̾ тмы̀ хрⷭ҇та̀ бг҃а на́шегѡ . є҆го́же мᲂлѝ спастѝ и҆ прᲂсвѣти́ти дш҃а на́ша .

сти́хъ : нб҃са̀ пᲂвѣ́даютъ сла́вꙋ бж҃їю ,꙳ твᲂре́нїе же рꙋ́кꙋ є҆гѡ̀ вᲂзвѣща́етъ тве́рдь . На высᲂтꙋ̀ вше́дъ бг҃ᲂсло́вїѧ , навы́клъ є҆сѝ неи҆зрече́нныѧ бж҃їѧ та́йны , є҆ди́нᲂ сꙋщество̀ бжⷭ҇тва̀ , и҆ є҆ди́нꙋ сла́вꙋ и҆ црⷭ҇твᲂ и҆ гдⷭ҇ьствᲂ , тремѝ сᲂста́вы раздѣлѧ́емꙋю , сꙋ́щественᲂ нераздѣ́льнѣ , и҆ сᲂвᲂкꙋплѧ́емѣ , въ несмꙋ́тнѣ бжⷭ҇твенѣ сᲂєдине́нїи , си́це сла́вѧ прᲂпᲂвѣ́далъ є҆сѝ бг҃ᲂсло́ве , трⷪ҇цꙋ нераздѣ́льнꙋ . ю҆́же мᲂлѝ , спастѝ и҆ прᲂсвѣти́ти дш҃а на́ша .

сла́ва . гла́съ , ѕ҃ . А҆пⷭ҇ле хрⷭ҇то́въ , є҆ѵⷢ҇али́сте бг҃ᲂсло́ве , неи҆з̾рече́нныхъ таи́нникъ бы́въ . премꙋ́дрᲂсти неи҆з̾гл҃аннаѧ на́мъ вᲂз̾гремѣ́лъ є҆сѝ ᲂу҆че́нїѧ , є҆́же и҆скᲂнѝ бѣ̀ ᲂу҆ѧсни́въ вѣ́рнымъ , и҆ є҆́же не бѣ̀ ѿло́жь , є҆рети́чествꙋющихъ ѿрѣва́ѧ слᲂвеса̀ . напе́рсникъ ꙗ҆́вльсѧ , и҆ дрꙋ́гъ вᲂзлю́бленъ , ꙗ҆́кᲂже и҆са́їѧ велегла́сныи и҆ мѡѷсе́й бг҃ᲂви́децъ . дерзнᲂве́нїе и҆мѣ́ѧ к̾ бг҃ꙋ , прилѣ́жнѡ мᲂли́сѧ ѡ҆ дш҃а́хъ на́шихъ .

и҆ ны́нѣ , боⷢ҇ . Бцⷣе ты̀ є҆сѝ лᲂза̀ и҆́стиннаѧ , вᲂзрасти́вшаѧ на́мъ пло́дъ живо́тныи , тебѣ̀ мо́лимсѧ , мᲂли́сѧ влⷣчце сᲂ а҆пⷭ҇лѡмъ , пᲂми́лᲂватисѧ дш҃а́мъ на́шимъ .

та́же , нн҃ѣ ѿпꙋща́еши . трⷭ҇то́е , и҆ пᲂ ѻ҆́ч҃е на́шъ . трᲂпа́рь , а҆пⷭ҇лꙋ , двⷤа . и҆ бцⷣе дв҃ᲂ ра́дꙋисѧ ,= аⷤ .=

На ᲂу҆́трени , на бг҃ъ гдⷭ҇ь , трᲂпа́рь , а҆пⷭ҇лꙋ , двⷤа . сла́ва , и҆ ны́нѣ , боⷢ҇ , вᲂскрⷭ҇нъ . =Пᲂ а҃ , стихᲂло́гїи , сѣда́ленъ . гла́съ , а҃ . Хрⷭ҇то́ви ᲂу҆чени́къ бы́въ , всѧ́ческихъ влⷣцѣ наꙋчи́лъ є҆сѝ лю́ди . и҆ прᲂсвѣтѝ ми́ръ , к̾ разꙋмѣ́нїю сегѡ̀ наста́вль а҆пⷭ҇ле . тѣ́мъ прᲂпᲂвѣ́дника тѧ̀ и҆́стинѣ всѝ и҆менꙋ́емъ , и҆ бг҃ᲂсло́ва и҆ дрꙋ́га хрⷭ҇то́ва напе́рсника . =два́жды . сла́ва , и҆ ны́нѣ , боⷢ҇ . Без̾невѣ́стнаѧ чⷭ҇таѧ бцⷣе дв҃ᲂ , є҆ди́на вѣ́рнымъ застꙋпле́нїе и҆ пᲂкро́ве , бѣ́дъ и҆ скᲂрбе́й и҆ лю́тыхъ ѡ҆бстᲂѧ́нїи всѣ́хъ и҆зба́ви . и҆́же на тѧ̀ ᲂу҆пᲂва́нїе ѻ҆трᲂкᲂви́це и҆мꙋ́щихъ , и҆ дш҃а на́ша спасѝ бжⷭ҇твеными сѝ мᲂльба́ми .

Пᲂ в҃ , стихᲂло́гїи , сѣда́ленъ . гла́съ , є҃ . А҆пⷭ҇ла всѝ и҆ ᲂу҆ченика̀ хрⷭ҇то́ва , прᲂпᲂвѣ́давшагᲂ всѣ́мъ бжⷭ҇твенᲂе ржⷭ҇тво̀ , є҆́же ѿ ѻ҆ц҃а и҆зба́вителѧ и҆ цр҃ѧ хрⷭ҇та̀ , вᲂспᲂе́мъ пѣ́сньми и҆ пᲂхвала́ми сщ҃е́нными всечⷭ҇тна́гᲂ і҆ѡа́нна . непреста́ннѡ бᲂ мо́литсѧ , пᲂми́лᲂватисѧ дш҃а́мъ на́шимъ . вⷤ . сла́ва , и҆ ны́нѣ , боⷢ҇ . Те́плаѧ застꙋ́пнице и҆ нера́тнаѧ , ᲂу҆пᲂва́нїе крѣ́пкᲂе , и҆ непᲂсты́днᲂе . стѣно̀ и҆ пᲂкро́ве , и҆ приста́нище притека́ющимъ к̾ тебѣ̀ , при́снѡ дв҃ᲂ чⷭ҇таѧ , сн҃а свᲂегѡ̀ и҆ бг҃а мᲂлѝ сᲂ а҆пⷭ҇лы , ми́ръ дарᲂва́ти ми́рᲂви , и҆ спасе́нїе и҆ ве́лїю ми́лᲂсть .

Пᲂ пᲂлїєлеѡ́сѣ , сѣда́ленъ . гла́съ , и҃ . Вᲂзле́гъ на пе́рси і҆с҃ᲂвѣ , дерзнᲂве́нїе пᲂлꙋчи́лъ є҆сѝ , ꙗ҆́кѡ ᲂу҆чени́къ , вᲂпрᲂша́ѧ кто̀ є҆́сть предаѧ́и тѧ гдⷭ҇и ; вᲂз̾лю́бленъ ѕѣлѡ̀ сы́и прехва́льне , хлѣ́бᲂмъ сегѡ̀ ꙗ҆́вѣ тебѣ̀ пᲂказа̀ . тѣ́мже ꙗ҆́кѡ таи́нникъ неи҆зрече́нныхъ бы́въ , сло́ва вᲂплᲂще́нїю наꙋча́еши кᲂнцы̀ , бг҃ᲂсло́ве а҆пⷭ҇ле . мᲂлѝ хрⷭ҇та̀ бг҃а сᲂгрѣше́нїемъ ѡ҆ставле́нїе дарᲂва́ти , чтꙋ́щимъ любо́вїю , ст҃ꙋ́ю па́мѧть твᲂю̀ . два́жды . сла́ва , и҆ нн҃ѣ , боⷢ҇ . Нбⷭ҇нꙋю две́рь и҆ кᲂвче́гъ , всест҃ꙋ́ю го́рꙋ , свѣ́тлыи ѻ҆́блакъ вᲂспᲂе́мъ , неѡ҆пали́мꙋю кꙋпинꙋ̀ , слᲂве́сныи ра́й , є҆́ввинᲂ свᲂбᲂжде́нїе , вселе́ннѣй все́й вели́кїи сᲂсꙋ́дъ , ꙗ҆́кѡ спасе́нїе в̾ не́мъ сᲂдѣ́ласѧ ми́рᲂви , и҆ ѡ҆ставле́нїе дре́внимъ сᲂгрѣше́нїемъ . тѣ́мже и҆ вᲂпїе́мъ є҆́й , мᲂлѝ хрⷭ҇та̀ бг҃а прегрѣше́нїемъ ѡ҆ставле́нїе дарᲂва́ти , бл҃гᲂче́стнѡ пᲂкланѧ́ющимсѧ прест҃о́мꙋ ржⷭ҇твꙋ̀ твᲂемꙋ̀ .

степе́нна , д҃ гᲂ гла́са . а҆нтиѳо́нъ , а҃ . прᲂки́мен̾ , ѱл҃о́мъ дв҃дᲂвъ . Вᲂ всю̀ зе́млю и҆зыдо́ша вѣща́нїе и҆́хъ , и҆ в̾ кᲂнцы̀ вселе́нныѧ гл҃ы и҆́хъ . сти́хъ . нб҃са̀ пᲂвѣ́даютъ сла́вꙋ бж҃їю , твᲂре́нїе же рꙋ́кꙋ є҆гѡ̀ вᲂз̾вѣща́етъ тве́рдь . всѧ́кᲂ дыха́нїе . є҆ѵⷢ҇а́лїе , ѿ і҆ѡа́нна . заⷱ҇ , ѯ҃з . ѱало́мъ , н҃ .

сла́ва . мл҃твъ ра́ди а҆пⷭ҇ла , млⷭ҇тиве ѡ҆чи́сти мно́жествᲂ сᲂгрѣше́нїи на́шихъ .

и҆ ны́нѣ . мл҃твъ ра́ди бцⷣы , млⷭ҇тиве ѡ҆чи́сти мно́жествᲂ сᲂгрѣше́нїи на́шихъ .

Пᲂми́лꙋй мѧ бж҃е пᲂ вели́цѣй млⷭ҇ти твᲂе́й пᲂ мно́гимъ щедро́тамъ твᲂи́мъ , ѡ҆чи́сти без̾зако́нїѧ мᲂѧ̀ , бж҃е сп҃се мо́й .

стихѣ́ра . гла́съ , в҃ . Бг҃ᲂсло́ве дв҃ьствениче , ᲂу҆ченичѐ вᲂзлю́бленне сп҃сᲂвъ , мᲂли́твами сѝ на́съ спаса́й , мо́лимсѧ , ѿ вреда̀ всѧ́кагѡ , ꙗ҆́кѡ твᲂѧ̀ є҆смы̀ па́ствина .

Кано́нъ , бцⷣѣ . сᲂ і҆рмᲂсо́мъ , на́ ѕ҃ . и҆ а҆пⷭ҇лꙋ , ѻ҆́ба кано́на , на и҃ . =Кано́нъ прест҃ѣ́й бцⷣѣ . твᲂре́нїе ѳеѡ́фанᲂвѡ . гла́съ , и҃ . пѣ́снь , а҃ . і҆рмо́съ . Во́дꙋ прᲂше́дъ , ꙗ҆́кѡ по́ сꙋхꙋ , и҆з̾ є҆ги́петска ѕла̀ и҆збѣжа́въ , і҆и҃льтѧнинъ вᲂпїѧ́ше , и҆зба́вителю бг҃ꙋ на́шемꙋ пᲂе́мъ . =запѣ́в̾ : Прест҃а́ѧ гжⷭ҇е бцⷣе спасѝ на́съ .= М=но́гими сᲂдержи́мъ напа́стьми , к̾ тебѣ̀ прибѣга́ю спасе́нїѧ и҆скі́й , ѽ мт҃и сло́вꙋ и҆ дв҃ᲂ , ѿ лю́тыхъ и҆ нꙋ́жныхъ мѧ спасѝ . Страсте́й мѧ смꙋща́ютъ прило́зи , и҆ мно́гїѧ печа́ли и҆спᲂлнѧ́ютъ ми дш҃ꙋ , ᲂу҆мирѝ ѻ҆трᲂкᲂви́це , тишино́ю сн҃а и҆ бг҃а твᲂегѡ̀ всенепᲂро́чнаѧ . Сп҃са ро́ждьшꙋю тѧ̀ и҆ бг҃а , мᲂлю̀ дв҃це и҆зба́вити мѧ̀ ѿ лю́тъ . к̾ тебѣ́ бᲂ ны́нѣ прибѣга́ю , прᲂстира́ѧ дш҃ꙋ и҆ пᲂмышле́нїе . Въ ско́рби мѧ сꙋ́ща и҆ в̾ тꙋзѣ̀ , пᲂсѣще́нїѧ бжⷭ҇твенагѡ прᲂмышле́нїѧ є҆́же ѿ тебѐ спᲂдо́би , є҆ди́на бг҃ᲂмт҃и ꙗ҆́кѡ бл҃га̀ бл҃го́мꙋ же рᲂди́тельнице .

Кано́нъ , а҆пⷭ҇лꙋ , и҆мы́и краегране́сїе сицево̀ . сн҃а гро́мᲂва , хрⷭ҇тᲂкра́снᲂ пᲂю̀ . твᲂре́нїе ѳеѡ́фанᲂвѡ . гла́съ , в҃ . і҆рмо́съ . Вᲂ глꙋбинѣ̀ пᲂтᲂпѝ дре́вле .= запѣ́въ : Ст҃ы́и а҆пⷭ҇ле и҆ є҆ѵⷢ҇али́сте і҆ѡа́нне бг҃ᲂсло́ве , мᲂлѝ бг҃а ѡ҆ на́съ . Црⷭ҇твᲂ нбⷭ҇нᲂе бл҃же́нне , є҆́же прᲂпᲂвѣ́далъ є҆сѝ прїи́мъ , и҆ слᲂвесѝ сᲂбесѣ́дникъ бы́въ нбⷭ҇нᲂмꙋ , вѣ́рꙋющїѧ чⷭ҇тно́мꙋ ти прᲂпᲂвѣ́данїю , и҆ бг҃ᲂсло́вїю , твᲂи́ми мл҃твами сᲂхранѝ . Крѣ́пᲂкъ смы́слъ ꙗ҆влѧ́ѧ , ѡ҆ всѣ́хъ небре́глъ є҆сѝ земны́хъ . и҆ сᲂꙋ́зъ є҆стества̀ и҆ слᲂвесѝ премꙋ́дре ᲂу҆мнᲂжа́ѧ , слᲂве́снѡ прибли́жисѧ , и҆ ѿ без̾слᲂве́сїѧ ᲂу҆скᲂти́вшїѧсѧ свᲂбᲂди́лъ є҆сѝ . Нбⷭ҇ныхъ ра́зꙋмъ прїи́мъ бг҃ᲂслᲂве́снѡ бл҃же́нне , бг҃а сло́ва прᲂпᲂвѣ́далъ є҆сѝ . и҆скᲂнѝ бѣ̀ сло́вᲂ , и҆ сло́вᲂ бѣ̀ к̾ свᲂемꙋ̀ рᲂди́телю , и҆ бг҃ъ бѣ̀ сло́вᲂ , бл҃гᲂвѣствꙋ́ѧ наꙋчи́лъ є҆сѝ . =боⷢ҇ . Ѻ҆трᲂкᲂви́цъ бжⷭ҇твеныи ли́къ , бжⷭ҇твенѡ въ жена́хъ тѧ до́брꙋю вᲂспѣва́ютъ бцⷣе влⷣчце , дᲂбро́тами ᲂу҆кра́шенꙋ бжⷭ҇тва̀ , дᲂбрᲂтвᲂри́тельнᲂе бᲂ сло́вᲂ , па́че сло́ва рᲂдила̀ є҆сѝ .

Дрꙋгі́и , кано́нъ . гла́съ , и҃ . і҆рмо́съ . Вᲂѡ҆рꙋже́на фараѡ́на пᲂгрꙋзѝ . запѣ́въ : Ст҃ы́и а҆пⷭ҇ле и҆ є҆ѵⷢ҇али́сте і҆ѡа́нне бг҃ᲂсло́ве , мᲂлѝ бг҃а ѡ҆ на́съ . Ꙗ҆́кѡ чи́стъ вᲂзлю́бленъ бы́сть , нетлѣ́ннᲂмꙋ свѣ́тꙋ , и҆ на пе́рсѣхъ сегѡ̀ вᲂзле́гъ ᲂу҆пᲂко́исѧ . дерзнᲂве́ннᲂю дш҃е́ю , и҆з̾ бе́здны премꙋ́дрᲂсти , свѣ́тъ ра́зꙋма и҆звлечѐ , бл҃же́нне і҆ѡа́нне а҆пⷭ҇ле .= Па́че є҆стества̀ бг҃ᲂсло́вствꙋѧ вᲂз̾гремѣ̀ , вᲂзлю́бленне хрⷭ҇то́ви . и҆скᲂнѝ бѣ̀ сло́вᲂ жи́вᲂ и҆ с̾сꙋ́щественᲂ к̾ свᲂемꙋ̀ рᲂди́телю . и҆ бг҃ъ бѣ̀ сло́вᲂ , и҆ пло́ть сло́вᲂ бы́сть , и҆ бг҃ъ пребы́сть непревра́тенъ . боⷢ҇ . Пресла́внаѧ вᲂз̾гл҃ашасѧ ѡ҆ тебѣ̀ в̾ ро́дѣхъ рᲂдо́въ , ꙗ҆́же бж҃їе сло́вᲂ во́ чревѣ вмѣсти́вши . чиста́ же пребы́вши , бцⷣе мр҃і́е . тѣ́мже тѧ̀ всѝ пᲂчита́емъ , сꙋ́щее с̾ бг҃ᲂмъ застꙋпле́нїе на́ше . =катава́сїѧ : Ѿве́рзꙋ ᲂу҆ста̀ .

пѣ́снь , г҃ . і҆рмо́съ . Нбⷭ҇нᲂмꙋ крꙋ́гꙋ верхᲂтво́рче гдⷭ҇и , и҆ цр҃кви зижди́телю , ты̀ менѐ ᲂу҆твердѝ в̾ любвѝ свᲂе́й . жела́нїемъ сы́и кра́й , и҆ вѣ́рнымъ ᲂу҆тверже́нїе , є҆ди́не чл҃кᲂлю́бче . Застꙋпле́нїе и҆ пᲂкро́въ жи́зни мᲂе́й , пᲂлᲂжи́хъ тѧ бг҃ᲂрᲂди́тельнице дв҃ᲂ , ты̀ менѐ ѡ҆кᲂрмѝ к̾ приста́нищꙋ свᲂемꙋ̀ , бл҃ги́мъ вино́вна , и҆ вѣ́рнымъ ᲂу҆тверже́нїе , є҆ди́на всепѣ́таѧ . Мᲂлю̀ дв҃це , дш҃е́внᲂе смꙋще́нїе , и҆ печа́ли бꙋ́рю разᲂри́ти ми . ты́ бᲂ бг҃ᲂневѣ́стнаѧ , нача́льника тишинѣ̀ хрⷭ҇та̀ рᲂдила̀ є҆сѝ , є҆ди́на пречи́стаѧ . Бл҃гᲂда́телѧ ро́ждьши до́брымъ вино́внагᲂ , бл҃гᲂдѣѧ́нїѧ бᲂга́тьствᲂ всѣ́мъ и҆стᲂчѝ . всѧ́ бᲂ мо́жеши , ꙗ҆́кѡ си́льна в̾ крѣ́пᲂсти , хрⷭ҇та̀ ро́ждьши бг҃ᲂбл҃же́ннаѧ . Лю́тыми недꙋ́ги , и҆ бᲂлѣ́знеными стрⷭ҇тьмѝ и҆стѧза́емꙋ , дв҃ᲂ ты́ ми пᲂмᲂзѝ , и҆сцѣле́нїемъ бᲂ неѡ҆скꙋ́днᲂ тѧ̀ зна́ю сᲂкро́вище , некра́дᲂмᲂ и҆ неи҆здае́мᲂ .

и҆́нъ , і҆рмо́съ . Прᲂцвѣла̀ є҆́сть пꙋсты́нѧ ꙗ҆́кѡ . Трⷪ҇ческꙋю ꙗ҆ви́лъ є҆сѝ бг҃ᲂсло́внымъ ꙗ҆зы́кᲂмъ си , ю҆́же па́че ᲂу҆ма̀ та́йнꙋ і҆ѡа́нне бг҃ᲂбл҃же́нне , ѡ҆ не́йже ᲂу҆тверди́сѧ мᲂѐ срⷣце . Ꙗ҆зы́къ тво́й бы́сть кни́жника тро́сть , прест҃а́гѡ дх҃а , бг҃ᲂпи́саннѡ зна́менающи , чⷭ҇тно́е твᲂѐ и҆ бжⷭ҇твенᲂе є҆ѵⷢ҇а́лїе . Премꙋ́дрᲂсти ты̀ бе́зднꙋ пᲂчерпѐ премꙋ́дре , вᲂзле́гъ сᲂ дерзнᲂве́нїемъ на премꙋ́дрᲂсти и҆сто́чникъ , и҆ семꙋ̀ бг҃ᲂпрᲂпᲂвѣ́дникъ бы́лъ є҆сѝ . боⷢ҇ . Є҆ди́нꙋ бцⷣꙋ тѧ и҆ мт҃рь чте́мъ , ꙗ҆́кѡ спасе́нїѧ хᲂда́таицꙋ бы́вшꙋю на́мъ пренепᲂро́чнаѧ , и҆ ми́ръ и҆зба́вльшꙋю мл҃твами сѝ .

и҆́нъ , і҆рмо́съ . Оу҆тверже́и нб҃са̀ .= Ѿ= ры́барь лᲂве́цъ челᲂвѣ́кѡмъ , и҆ бг҃ᲂсло́вецъ бы́лъ є҆сѝ мꙋ́дре і҆ѡа́нне . неради́въ ѻ҆́ч҃їѧ и҆ мирскі́ѧ любвѐ , и҆ влⷣцѣ сло́вꙋ жела́нїемъ бжⷭ҇твенымъ ᲂу҆вѣрѧ́емъ . Ѡ҆чище́нъ дш҃е́внымъ ѻ҆́кᲂмъ ѽ бг҃ᲂсло́ве , ᲂу҆зрѣ́лъ є҆сѝ неи҆зрече́ннꙋю сла́вꙋ , ѿ ѻ҆ц҃а є҆динᲂча́дна сло́ва и҆ сн҃а бж҃їѧ , и҆́мже премꙋ́дре всѧ̀ бжⷭ҇твенымъ бы́ша дх҃ᲂмъ .= боⷢ҇ . Херꙋви́мъ и҆ серафи́мъ ꙗ҆ви́сѧ вы́шши бцⷣе . ты́ бᲂ є҆ди́на прїѧ́тъ невмѣсти́магᲂ бг҃а , во́ чревѣ сѝ нескве́рнаѧ . тѣ́мъ вѣ́рᲂю тѧ̀ всѝ пѣ́сньми чи́стаѧ ᲂу҆бл҃жа́емъ . =катава́сїѧ : Твᲂѧ̀ пѣвцы̀ .

сѣда́ленъ . гла́съ , и҃ . Премꙋ́дрᲂсти на пе́рси вᲂзле́гъ , и҆ ра́зꙋмъ сꙋ́щихъ навы́къ , бжⷭ҇твенѡ вᲂзгремѣ́лъ є҆сѝ , и҆скᲂнѝ бѣ̀ сло́вᲂ , до́брѣ написа́въ пе́рвїе слᲂвесѝ вᲂплᲂще́нїе , и҆ прᲂпᲂвѣ́давъ є҆ди́нъ без̾нача́льнᲂе ржⷭ҇тво̀ . тѣ́мже и҆ ꙗ҆зы́кᲂмъ ᲂу҆лᲂвлѧ́ѧ ꙗ҆зы́ки , прᲂпᲂвѣ́даеши кᲂнце́мъ , и҆ прᲂсвѣща́еши чꙋдесы̀ , бг҃ᲂсло́ве а҆пⷭ҇ле , мᲂлѝ хрⷭ҇та̀ бг҃а , грѣхо́въ ѡ҆ставле́нїе дарᲂва́ти , пра́зднꙋющимъ любо́вїю ст҃ꙋ́ю па́мѧть твᲂю̀ . двⷤа . сла́ва , и҆ нн҃ѣ , боⷢ҇ . Въ напа́сти мнᲂгᲂплете́нныѧ впа́дъ , ѿ вра́гъ ви́димыхъ и҆ неви́димыхъ , бꙋ́рею ѡ҆держи́мъ бесчи́сленыхъ сᲂгрѣше́нїи мᲂи́хъ . и҆ ꙗ҆́кѡ къ те́плᲂмꙋ застꙋпле́нїю и҆ пᲂкро́вꙋ твᲂемꙋ̀ чи́стаѧ , кᲂ приста́нищꙋ притека́ю твᲂеѧ̀ бл҃гᲂсти . тѣ́мже прест҃а́ѧ , и҆́же и҆з̾ тебѐ вᲂплᲂще́ннᲂмꙋ без̾ сѣ́мене , мᲂли́сѧ прилѣ́жнѡ ѡ҆ всѣ́хъ рабѣ́хъ свᲂи́хъ , непреста́ннѡ мᲂлѧ́щихтисѧ бцⷣе пречⷭ҇таѧ , мᲂлѧ́щи є҆гѡ̀ при́снѡ , сᲂгрѣше́нїемъ ѡ҆ставле́нїе дарᲂва́ти , вᲂспѣва́ющимъ дᲂсто́йнѡ сла́вꙋ твᲂю̀ .

пѣ́снь , д҃ . і҆рмо́съ . Оу҆слы́шахъ гдⷭ҇и смᲂтре́нїѧ твᲂегѡ̀ та́иньствᲂ , разꙋмѣ́хъ дѣ́ла твᲂѧ̀ , и҆ прᲂсла́вихъ твᲂѐ бжⷭ҇тво̀ . Страсте́й мᲂи́хъ смꙋще́нїе , ꙗ҆́же ко́рмчїю ро́ждьши гдⷭ҇а , бꙋ́рю ᲂу҆ти́ши мᲂи́хъ прегрѣше́нїй , бг҃ᲂневѣ́стнаѧ . Милᲂсе́рдїѧ бе́зднꙋ призыва́ющꙋ твᲂю̀ пᲂда́ждь ми , ꙗ҆́же бл҃гᲂсе́рдагᲂ ро́ждьши , и҆ сп҃са всѣ́мъ пᲂю́щимъ тѧ̀ . Наде́жꙋ и҆ ᲂу҆тверже́нїе , и҆ спасе́нїѧ стѣ́нꙋ недви́жимꙋ , стѧжа́вше тѧ̀ всенепᲂро́чнаѧ , ѕлᲂлю́тыхъ всѣ́хъ и҆збавлѧ́емсѧ .= Н=а ѻ҆дрѣ̀ бᲂлѣ́зни мᲂеѧ̀ грѣхо́внѣ слежа́ща мѧ̀ , ꙗ҆́кѡ чл҃кᲂлюби́ва , пᲂмᲂзи́ ми бцⷣе мт҃и прⷭ҇нѡ дв҃ᲂ .

и҆́нъ , і҆рмо́съ . Прише́ствᲂвавъ ѿ дв҃ы .= Сло́вᲂ тѧ бг҃ᲂсло́ва дᲂсто́йнѡ пᲂказа̀ тᲂгѡ̀ бжⷭ҇твꙋ̀ , та́йнѡ наꙋчи́въ преи҆зѧ́щнѡ , и҆ є҆́же пᲂ чл҃кꙋ , смᲂтре́нїю наказа́въ неи҆зрече́ннᲂмꙋ . Оу҆́мъ бжⷭ҇твенъ , и҆ дв҃ственᲂ тѣ́лᲂ стѧжа́въ , цр҃кᲂвь бы́лъ є҆сѝ жива́ же и҆ ѡ҆дш҃евле́на сла́вне , и҆ жили́ще препѣ́тыѧ трⷪ҇цы ѡ҆сщ҃е́ннᲂе . Сн҃ᲂвство́мъ пречⷭ҇тыѧ дв҃ы пᲂчте́сѧ , дв҃ьствениче бл҃же́нне . и҆ бра́тъ пᲂказа́сѧ и҆збра́вшемꙋ тѧ , и҆ ᲂу҆ченика̀ бг҃ᲂсло́ва сᲂверши́вшемꙋ . =боⷢ҇ . И҆сцѣлѧ́ѧ є҆́ввинᲂ дре́внее престꙋпле́нїе , в̾ тѧ̀ пренепᲂро́чнꙋю и҆ пречⷭ҇тꙋю всели́сѧ пребжⷭ҇твеныи , всего́ мѧ челᲂвѣ́ка вᲂѡ҆брази́ти па́дша .

и҆́нъ , і҆рмо́съ . Ты́ ми хрⷭ҇тѐ гдⷭ҇ь .= Т=ѧ̀ гро́мᲂви сн҃а гдⷭ҇ь наречѐ . тѧ̀ гремѣ́ти дх҃ᲂмъ спᲂдо́би , свᲂемꙋ̀ ѿ ѻ҆ц҃а бжⷭ҇твенᲂмꙋ и҆ непᲂстижи́мᲂмꙋ рᲂжде́нїю , неи҆зрече́ннᲂе . тѣ́мъ ти бг҃ᲂсло́ве всепѣ́тꙋю па́мѧть пѣ́сньми дᲂсто́йнѡ сла́вимъ .

Ты̀ дᲂбрᲂдѣ́тельми взы́де а҆пⷭ҇ле на высᲂтꙋ̀ . ты̀ ви́дѣлъ є҆сѝ сла́вᲂю сїѧ́юща є҆динᲂро́дна сло́ва пло́тїю , и҆́же в̾ нѣ́дрѣхъ ѻ҆те́ческихъ без̾нача́льнᲂ сѣдѧ́ща . гла́са же ᲂу҆слы́ша ти ѻ҆те́ческа спᲂдо́бисѧ , свидѣ́тельствꙋюща тᲂгѡ̀ сн҃ᲂвство̀ . А҆́нг҃льскагѡ стᲂѧ́нїѧ и҆ дерзнᲂве́нїѧ пᲂлꙋчи́въ , ны́нѣ пе́рвᲂмꙋ и҆ чистѣ́йшемꙋ ᲂу҆мꙋ̀ пред̾стᲂѧ̀ , и҆ трисвѣ́тлыѧ пресꙋ́щественыѧ є҆ди́ницы заре́ю прᲂсвѣща́емь . вѣ́рᲂю твᲂрѧ́щихъ ст҃ꙋ́ю ти па́мѧть , мᲂли́твами ти прᲂсвѣща́еши блаже́нне .= боⷢ҇ . Ты̀ вѣ́рнымъ пᲂхвала̀ є҆сѝ без̾невѣ́стнаѧ , ты̀ пред̾ста́тельница , и҆ прибѣ́жище хрⷭ҇тїа́нѡмъ , стѣна̀ и҆ приста́нище . к̾ сн҃ꙋ бᲂ свᲂемꙋ̀ мᲂльбы̀ но́сиши пренепᲂро́чнаѧ , и҆ ѿ бѣ́дъ спаса́еши , вѣ́рᲂю и҆ любо́вїю бцⷣꙋ тѧ̀ чи́стꙋю и҆спᲂвѣ́дающихъ . =катава́сїѧ : Сѣдѧ́и вᲂ сла́вѣ .

пѣ́снь , є҃ . і҆рмо́съ . Прᲂсвѣтѝ на́съ пᲂвелѣ́нїемъ

сѝ гдⷭ҇и , и҆ мы́шцею высо́кᲂю , твᲂегѡ̀ ми́ра пᲂда́ждь на́мъ , є҆ди́не чл҃кᲂлю́бче . И҆спо́лни чи́стаѧ весе́лїѧ живᲂта̀ на́шегѡ , твᲂю̀ нетлѣ́ннꙋю даю́щи ра́дᲂсть , весе́лїѧ ро́ждьши сꙋ́щагѡ винꙋ̀ . И҆зба́ви на́съ ѿ бѣ́дъ бцⷣе чⷭ҇таѧ , вѣ́чнᲂе ро́ждьши и҆збавле́нїе , и҆ ми́ра всѧ́къ ᲂу҆́мъ преи҆мꙋ́щагᲂ . Разрѣшѝ мглꙋ̀ прегрѣше́нїй мᲂи́хъ бг҃ᲂневѣ́стᲂ , свѣ́тᲂмъ твᲂеѧ̀ свѣ́тлᲂсти , ꙗ҆́же свѣ́тъ ро́ждьшаѧ бжⷭ҇твеный и҆ превѣ́чный . И҆сцѣлѝ чи́стаѧ дш҃и мᲂеѧ̀ немᲂже́нїе , пᲂсѣще́нїемъ сѝ ᲂу҆бѣ́ждьшисѧ , и҆ здра́вїе мᲂльба́ми сѝ пᲂда́ждь мѝ .

и҆́нъ , і҆рмо́съ . Хᲂда́тай бг҃ꙋ и҆ чл҃кѡмъ . Нб҃сенъ ᲂу҆́мъ бг҃ᲂсло́ве бы́сть бл҃гᲂда́тїю , ве́сь свѣ́тъ бы́въ , є҆́же к̾ первᲂнача́льнᲂмꙋ свѣ́тꙋ приближе́нїемъ , и҆ чи́стымъ ти зрѣ́нїемъ , є҆́же к̾ немꙋ̀ ѡ҆бᲂже́нїемъ . Оу҆мо́мъ чи́стымъ , и҆ ст҃ы́ми ᲂу҆стна́ми бг҃ᲂдᲂхнᲂве́нне , и҆ пречⷭ҇тыми ᲂу҆сты̀ свᲂѐ бл҃гᲂвѣствᲂва́нїе прᲂпᲂвѣ́далъ є҆сѝ , ѻ҆́бщее спасе́нїе всѣ́мъ вѣ́рнымъ пред̾лᲂжи́лъ є҆сѝ . Сᲂ хрⷭ҇то́мъ живы́и ѿ младе́нства , сᲂсꙋ́дъ бл҃гᲂда́ти ѿ негѡ̀ сᲂтвᲂре́нъ бы́сть , бг҃ᲂсло́вїе держа̀ . и҆ трⷪ҇честѣй сла́вѣ па́че є҆стества̀ наꙋча́ѧ . боⷢ҇ . Гл҃ы твᲂѧ̀ пᲂмина́юще , тѧ̀ нн҃ѣ бл҃жи́мъ . тᲂбо́ю всенепᲂро́чнаѧ , бл҃же́нствᲂ неи҆зрече́ннᲂе , и҆ жи́знь несᲂстарѣ́емꙋю вᲂи́стинꙋ прїѧ́хᲂмъ .

и҆́нъ , і҆рмо́съ . Вскꙋ́ю мѧ ѿри́нꙋ .= Вᲂ тмѣ̀ ми́ра прᲂсїѧ́вша , ви́дѣвъ свѣ́та пречи́стагѡ , и҆ раствᲂри́сѧ любо́вїю . и҆ свѣти́льникъ бл҃гᲂче́стїѧ бы́въ , мнᲂгᲂсѣ́менныи ро́дъ ꙗ҆зы́къ , бг҃ᲂсло́вїѧ і҆ѡа́нне свѣ́тᲂмъ прᲂсвѣтᲂва̀ . Оу҆вѣ́дѣвъ ꙗ҆́кѡ зако́нъ мѡѷсе́ѡмъ стѣ́нныи да́нъ бы́сть . бжⷭ҇твенаѧ же бл҃гᲂда́ть ѡ҆ хрⷭ҇тѣ̀ бз҃ѣ на́шемъ бы́сть . бг҃ᲂсло́внымъ ѧ҆зы́кᲂмъ сн҃е гро́мᲂвъ вᲂзлю́бленне , бл҃гᲂвѣсти́лъ є҆сѝ є҆гѡ̀ бжⷭ҇тво̀ . боⷢ҇ . М=т҃рне дерзнᲂве́нїе , є҆́же къ сн҃ꙋ сѝ и҆мꙋ́щи пречⷭ҇таѧ , сро́днагѡ прᲂмышле́нїѧ на́шегѡ непре́зри мо́лимсѧ . ꙗ҆́кѡ тѧ̀ є҆ди́нꙋ хрⷭ҇тїа́не , кᲂ влⷣцѣ ѡ҆чище́нїе млⷭ҇тивнѡ пред̾лага́емъ .

катава́сїѧ : Оу҆диви́шасѧ всѧ́ческаѧ .

пѣ́снь , ѕ҃ . і҆рмоⷭ҇ . Мл҃твꙋ прᲂлїю̀ ко́ гдⷭ҇ꙋ , и҆ тᲂмꙋ̀ вᲂз̾вѣщꙋ̀ печа́ль мᲂю̀ . ꙗ҆́кѡ ѕѡ́лъ дш҃а мᲂѧ̀ напо́лнисѧ , и҆ живо́тъ мо́й а҆́дꙋ прибли́жисѧ . и҆ мᲂлю́сѧ ꙗ҆́кѡ і҆ѡ́на , ѿ тлѝ бж҃е мо́й вᲂз̾веди́ мѧ . Сме́рти и҆ тлѝ ꙗ҆́кѡ спа́слъ є҆́сть , са́мъсѧ и҆з̾да́въ на сме́рть , тлѣ́нїемъ и҆ сме́ртїю мᲂѐ є҆стество̀ ꙗ҆́тᲂ бы́вшее . дв҃ᲂ мᲂлѝ гдⷭ҇а и҆ сн҃а свᲂегѡ̀ , врагѡ́въ ѕлᲂдѣ́йствїѧ мѧ̀ и҆зба́вити . Застꙋ́пницꙋ тѧ̀ живᲂтꙋ̀ свѣ́мъ , и҆ храни́тельницꙋ тве́рдꙋ дв҃це , напа́стей рѣша́щꙋ мᲂлвы̀ , и҆ нало́ги бѣсо́мъ ѿгᲂнѧ́щꙋ . и҆ мᲂлю́сѧ всегда̀ , страсте́й мѧ и҆зба́вити всенепᲂро́чнаѧ .= Ꙗ҆́=кѡ стѣ́нꙋ и҆ прибѣ́жище стѧжа́хᲂмъ , и҆ дш҃а́мъ тѧ̀ сᲂверше́нᲂе спасе́нїе , и҆ прᲂстра́нствᲂ в̾ ско́рбѣхъ ѻ҆трᲂкᲂви́це . и҆ свѣ́тᲂмъ тѝ прⷭ҇нѡ ра́дꙋемсѧ , ѽ влⷣчце , ны́нѣ на́съ ѿ стрⷭ҇те́й и҆ бѣ́дъ спасѝ . На ѻ҆дрѣ̀ нн҃ѣ не́мᲂщїю низ̾лежꙋ̀ , и҆ нѣ́сть и҆сцѣле́нїѧ пло́ти мᲂе́й . нᲂ ꙗ҆́же бг҃а и҆ сп҃са ми́рꙋ , и҆ и҆зба́вителѧ недꙋ́гᲂмъ ро́ждьшаѧ , тебѣ̀ мᲂлю́сѧ бл҃го́й , ѿ и҆стлѣ́нїѧ бᲂлѣ́зней вᲂста́ви мѧ .

и҆́нъ , і҆рмо́съ . Въ бе́зднѣ грѣхо́внѣй .= І҆с҃ъ бг҃ъ мо́й и҆ гдⷭ҇ь твᲂю̀ чистᲂтꙋ̀ прїи́мъ , и҆ сᲂверше́нᲂе ѡ҆чище́нїе , и҆ бра́та бг҃ᲂсло́ве прїѧ́тᲂва . Вѣнча́въ ст҃ы́нею житїѐ свᲂѐ , си́це надѣ́ѧсѧ дерзнꙋ́въ , премꙋ́дрᲂсти вᲂзле́гъ є҆сѝ на пе́рси сла́вне , и҆ бл҃гᲂда́ть ѿ тꙋ́дꙋ и҆звлечѐ . Вели́каѧ и҆ бжⷭ҇твенаѧ сїѧ́нїѧ бг҃ᲂсло́вїѧ твᲂегѡ̀ , всю̀ прᲂсвѣти́ша сла́вне вселе́ннꙋю , и҆ свѣ́тᲂмъ трисо́лнечнымъ ѡ҆зари́ша . =боⷢ҇ . Нб҃ᲂ прᲂстры́и во́лею , нб҃ᲂ землено́е дрꙋго́е , распрᲂстре́ тѧ бг҃ᲂмт҃и чⷭ҇таѧ . и҆ и҆з̾ тебѐ вᲂсїѧ́въ ꙗ҆ви́сѧ .

и҆́нъ , і҆рмо́съ . Бе́здна грѣхо́внаѧ .= Оу҆́гль бжⷭ҇твенагѡ ѻ҆гнѧ̀ прᲂви́дѣ ѡ҆бра́знѡ и҆са́їѧ . и҆ ѡ҆чи́стивъ ᲂу҆стнѣ̀ , прᲂро́чествꙋ спᲂдо́бисѧ . вᲂплᲂти́вшꙋжесѧ бг҃ꙋ сло́вꙋ , бл҃же́нне і҆ѡа́нне , ты̀ ꙗ҆ви́сѧ напе́рсникъ . Сло́вᲂ сы́и є҆динᲂро́днᲂе , є҆́же в̾ нѣ́дрѣхъ ѻ҆те́ческихъ ᲂу҆тверже́нᲂ , плᲂтᲂно́снᲂ ꙗ҆ви́сѧ і҆ѡа́нне бл҃же́нне . тебѣ̀ ꙗ҆́кѡ ᲂу҆ченикꙋ̀ вᲂзлю́бленнꙋ сказа̀ беспло́тнᲂ . бг҃а никᲂмꙋ́же ви́дѣти никᲂгда́же . =боⷢ҇ . И҆мꙋ́щи млⷭ҇тивнᲂе , ꙗ҆́кѡ ро́ждьши чл҃кᲂлю́бнᲂе сло́вᲂ , спасѝ на́съ го́рькїѧ и҆ лю́тыѧ напа́сти . тѧ́ бᲂ є҆ди́нꙋ вѣ́рнїи пречⷭ҇таѧ влⷣчце , застꙋпле́нїе нера́тнᲂе стѧжа́хᲂмъ .

катава́сїѧ : Бжⷭ҇твенᲂе сѐ и҆ всечестно́е .

кᲂнда́къ . гла́съ , в҃ . Вели́чїѧ твᲂѧ̀ дв҃ьствениче кто̀ и҆спᲂвѣ́сть ; и҆стᲂча́еши бᲂ чꙋдеса̀ , и҆ и҆злива́еши и҆сцѣле́нїѧ , и҆ мо́лишисѧ за дш҃а на́ша , ꙗ҆́кѡ бг҃ᲂсло́въ и҆ дрꙋ́гъ хрⷭ҇то́въ . и҆́кᲂсъ . Высᲂты̀ нбⷭ҇ныѧ ᲂу҆вѣ́дѣти , и҆ мо́рѧ глꙋбины̀ и҆спыта́ти , де́рзᲂстнѡ є҆́сть и҆ непᲂсти́жимѡ . ꙗ҆́кᲂже бᲂ ѕвѣ́зды и҆счестѝ , и҆ мᲂрьскі́и песо́къ невᲂзмо́жнѡ ѿ ню́дъ , си́це и҆ бг҃ᲂсло́вцеваѧ и҆зрещѝ недᲂво́льнѡ є҆́сть . тᲂли́цѣми тᲂгѡ̀ вѣнцы̀ хрⷭ҇то́съ , є҆го́же вᲂзлюбѝ вѣнча̀ . є҆мꙋ́же и҆ на пе́рси вᲂзле́гъ , и҆ на та́йнѣй ве́чери с̾ ни́мъ ꙗ҆дѐ , ꙗ҆́кѡ бг҃ᲂсло́въ и҆ дрꙋ́гъ хрⷭ҇то́въ .

пѣ́снь , з҃ . і҆рмо́съ . И҆́же ѿ і҆ꙋде́и , дᲂше́дше ѻ҆́трᲂцы в̾ вавилѡ́нъ дре́вле , вѣ́рᲂю ᲂу҆тверже́нїи , пла́мень пе́щныи пᲂпра́вше гл҃юще , ѻ҆ц҃ъ на́шихъ бж҃е бл҃гᲂслᲂве́нъ є҆сѝ . На́ше спасе́нїе ꙗ҆́кᲂже вᲂсхᲂтѣ̀ сп҃се , ᲂу҆стро́ити во́ чревᲂ дв҃ыѧ всели́сѧ . ю҆́же ми́рꙋ застꙋ́пницꙋ пᲂказа̀ . ѻ҆ц҃ъ на́шихъ бж҃е бл҃гᲂслᲂве́нъ є҆сѝ .= В=ᲂли́телѧ млⷭ҇ти , є҆го́же рᲂдѝ мт҃и ны́нѣ ᲂу҆мᲂлѝ , и҆зба́вити мѧ ѿ прегрѣше́нїй и҆ дш҃е́вныѧ скве́рны , сн҃ꙋ твᲂемꙋ̀ зᲂвꙋ́ща , ѻ҆ц҃ъ на́шихъ бж҃е бл҃гᲂслᲂве́нъ є҆сѝ . Сᲂкро́вище спасе́нїѧ , и҆ и҆сто́чникъ нетлѣ́нїѧ , тебѐ ро́ждьшꙋю , сто́лпъ ᲂу҆тверже́нїѧ , и҆ две́рь пᲂкаѧ́нїѧ , вᲂпїю́щимъ пᲂказа̀ , ѻ҆ц҃ъ на́шихъ бж҃е бл҃гᲂслᲂве́нъ є҆сѝ . Тѣле́сныѧ недꙋ́ги , и҆ дш҃е́вныѧ грѣхѝ , бг҃ᲂрᲂди́тельнице , любо́вїю пристꙋпа́ющимъ к̾ кро́вꙋ твᲂемꙋ̀ дв҃це , и҆сцѣли́ти спᲂдо́би , ꙗ҆́же сп҃са хрⷭ҇та̀ на́мъ ро́ждьшаѧ .

и҆́нъ , і҆рмо́съ . Бг҃ᲂпрᲂти́внᲂ велѣ́нїе . Бжⷭ҇твенымъ сїѧ́ѧ свѣтᲂли́тїемъ , дх҃а ст҃а́гѡ ꙗ҆́снѡ бг҃ᲂсло́вилъ є҆сѝ , и҆схᲂдѧ́ща и҆з̾ без̾нача́льнагѡ ѻ҆ц҃а , и҆ пᲂчива́юща на́ сн҃ѣ нераздѣ́льнѡ , ꙗ҆́кѡ є҆динᲂсꙋ́щна . Въ тебѣ̀ бл҃же́нне пᲂлᲂжѝ , пра́веднᲂе сл҃нце селе́нїе , нб҃ᲂ прⷭ҇нᲂдви́жимᲂ , и҆́же тебѐ сᲂдѣ́лавыи , и҆ бг҃ᲂсло́внымъ ти ꙗ҆зы́кᲂмъ , прᲂпᲂвѣ́даемыи хрⷭ҇то́съ , вᲂзлю́бленне , и҆ препрᲂсла́вленыи . Гл҃ъ си́ла бжⷭ҇твенаѧ вѣща́нїи твᲂи́хъ и҆зы́де , пребл҃же́нне дᲂстᲂчꙋ́дне , и҆ преми́рнᲂе ти є҆ѵⷢ҇а́лїе всю̀ ѡ҆бтечѐ зе́млю ᲂу҆че́нїемъ вели́чествїѧ . боⷢ҇ . Пречⷭ҇тᲂе зача́тїе , нетлѣ́ннᲂ ржⷭ҇тво̀ ты̀ є҆ди́на пᲂказа́ла є҆сѝ , пречⷭ҇та пребы́вши , бг҃а бᲂ зачала̀ є҆сѝ над̾ всѣ́ми сꙋ́щагѡ чⷭ҇таѧ , чл҃ка бы́вша вѣ́рнымъ на спасе́нїе и҆ и҆збавле́нїе .

и҆́нъ , і҆рмо́с̾ . Бж҃їѧ схᲂжде́нїѧ . Оу҆се́рднѡ и҆зы́де сᲂꙋ́за веще́ственагѡ ѽ всебл҃же́нне . ꙗ҆́кѡ бж҃їи пред̾ста́тель , и҆ бг҃ᲂдᲂхнᲂве́нныи вᲂзвѣ́стникъ бг҃ᲂсло́вїю . вᲂпи́ти наꙋчи́въ , бл҃гᲂслᲂве́нъ бг҃ъ ѻ҆ц҃ъ на́шихъ . Ꙗ҆́кѡ травꙋ̀ вмѣни́лъ є҆сѝ зла́тᲂ , и҆ бᲂга́тьствᲂ ѽ всебл҃же́нне . и҆ сѣ́нᲂ ꙗ҆́кѡ зла́тᲂ тѝ дѣ́йствᲂмъ бжⷭ҇твенымъ бы́сть . бг҃ᲂсло́вѧщꙋ сᲂдѣ́телѧ и҆ гдⷭ҇а , бл҃гᲂслᲂве́нъ бг҃ъ ѻ҆ц҃ъ на́шихъ . Дх҃ъ ст҃ы́и ѿ ѻ҆ц҃а без̾нача́льна и҆схᲂдѧ́щь , и҆ ѿ тебѐ нераздѣ́льнᲂ прїе́млѧ , сло́ве є҆динᲂро́дныи бж҃їи , а҆пⷭ҇лѡмъ зва́ти вᲂзвѣстѝ , бл҃гᲂслᲂве́нъ бг҃ъ ѻ҆ц҃ъ на́шихъ .= боⷢ҇ . Въ лѣ́тᲂ без̾лѣ́тнагѡ неи҆скꙋсᲂбра́чнѡ чи́стаѧ рᲂдила̀ є҆сѝ . пре́жде беспло́тнᲂе сло́вᲂ , пло́ти прїѧ́тїемъ дв҃ᲂ пᲂрᲂдѝ . є҆мꙋ́же пᲂе́мъ сᲂгла́снᲂ зᲂвꙋ́ще , блгⷭ҇ве́нъ бг҃ъ ѻ҆ц҃ъ на́шихъ . =катава́сїѧ : Непᲂслꙋжи́ша тва́ри .

пѣ́снь , и҃ . і҆рмо́съ . Цр҃ѧ нбⷭ҇нагѡ , є҆го́же пᲂю́тъ вѡ́и а҆́нг҃льстїи . хвали́те и҆ превᲂзнᲂси́те є҆гѡ̀ во́ вѣки . По́мᲂщи ꙗ҆́же ѿ тебѐ тре́бꙋющїѧ , непре́зри дв҃ᲂ пᲂю́щїѧ , и҆ превᲂзнᲂсѧ́щїѧ хрⷭ҇та̀ во́ вѣки . Немᲂже́нїе дш҃и мᲂеѧ̀ и҆сцѣлѧ́еши и҆ тѣле́сныѧ бᲂлѣ́зни дв҃ᲂ , ꙗ҆́кѡ да тѧ̀ пᲂе́мъ , и҆ превᲂзно́симъ чи́стꙋю во́ вѣки . И҆сцѣле́нїемъ бᲂга́тьствᲂ и҆злива́еши , вѣ́рнѡ пᲂю́щимъ тѧ̀ дв҃це , и҆ превᲂзнᲂсѧ́щимъ хрⷭ҇та̀ во́ вѣки . Напа́стныѧ ты̀ прило́ги ѿгᲂнѧ́еши , и҆ страстны́ѧ нахо́ды дв҃ᲂ , ꙗ҆́кѡ да тѧ̀ пᲂе́мъ и҆ превᲂзно́симъ чи́стꙋю во́ вѣки .

и҆́нъ , і҆рмо́съ . Пе́щь ѻ҆́гненна и҆нᲂгда̀ . Ꙗ҆́кᲂже мо́лнїѧ свѣ́тлаѧ мимᲂхᲂдѧ́щи , вселе́ннѣй бл҃же́нне ꙗ҆ви́лсѧ є҆сѝ . чистᲂты̀ свѣ́тлᲂстїю , дв҃ьства же блиста́нїемъ , и҆ бл҃гᲂче́стїѧ ᲂу҆че́нїи , ми́ръ прᲂсвѣща́ѧ , вᲂзлю́бленне хрⷭ҇тꙋ̀ бг҃ꙋ . Тѣ́лᲂмъ и҆ дш҃е́ю и҆ ᲂу҆мо́мъ ѡ҆чище́нᲂмъ , бл҃гᲂвѣсти́лъ є҆сѝ нбⷭ҇нᲂе хрⷭ҇то́вᲂ є҆ѵⷢ҇а́лїе . и҆ а҆́нг҃лѡмъ є҆динᲂжи́тель на́ нб҃сѣхъ бы́стъ , зᲂвы́и ны́нѣ , блгⷭ҇ви́те всѧ̀ дѣ́ла гдⷭ҇нѧ гдⷭ҇а .= Сто́лпъ свѣ́телъ , вᲂзлᲂже́нїе же бжⷭ҇твенᲂ , нбⷭ҇нᲂмꙋ хра́мꙋ бы́лъ є҆сѝ . и҆ прⷭ҇то́лъ чꙋ́вствїѧ , и҆ премꙋ́дрᲂсти прїѧ́телище . бг҃ᲂсло́вїѧ ѻ҆рга́нъ . пᲂѧ̀ , блгⷭ҇ви́те всѧ̀ дѣ́ла гдⷭ҇нѧ гдⷭ҇а . =боⷢ҇ . Да клѧ́твꙋ пе́рвꙋю пᲂтреби́ши , и҆ сме́ртнᲂе ѡ҆сꙋжде́нїе дре́вле пра́бабы . ѿ дв҃ы бг҃ᲂма́тере сло́ве бж҃їи рᲂди́сѧ , всѣ́мъ да́рꙋѧ без̾сме́ртїе неги́блемᲂ .

и҆́нъ , і҆рмо́съ . Се́дмь седми́цею пе́щь . Ꙗ҆́кѡ бл҃гᲂлѣ́пнаѧ и҆ бг҃ᲂзна́меннаѧ па́мѧть твᲂѧ̀ , бл҃гᲂвѣ́стниче і҆с҃ᲂва бжⷭ҇тва̀ , бжⷭ҇твенаѧ бл҃гᲂꙋха́ющи цр҃кви вᲂсїѧ̀ . тѣ́мъ ра́дꙋющесѧ вѣ́рнїи пᲂе́мъ , дѣ́ти бл҃гᲂслᲂви́те , сщ҃е́ннїи вᲂспо́йте лю́дїє , и҆ превᲂзнᲂси́те є҆гѡ̀ во́ вѣки . Бг҃ᲂсло́ва и҆мꙋ́ще ли́кꙋ нача́льника , тѧ̀ ѿ тᲂгѡ̀ хрⷭ҇тѐ бг҃ᲂсло́вима , бг҃а и҆спᲂвѣ́дꙋемъ сᲂ ѻ҆ц҃е́мъ и҆ дх҃ᲂмъ . и҆ є҆динᲂнача́льствꙋ пᲂе́мъ пѣ́сньми , дѣ́ти бл҃гᲂслᲂви́те , сщ҃е́ннїи вᲂспо́йте лю́дїє , и҆ превᲂзнᲂси́те є҆гѡ̀ во́ вѣки . трⷪ҇ченъ . Трисвѣ́тлᲂе бжⷭ҇тво̀ , є҆динᲂсїѧ́ющꙋ зарю̀ , ѿ є҆ди́нᲂгѡ трисᲂста́внагѡ сꙋщества̀ рᲂди́телѧ без̾нача́льна . є҆динᲂєсте́ственᲂ сло́вᲂ ѻ҆ц҃ꙋ , и҆ съ црⷭ҇твꙋющь є҆динᲂсꙋ́щенъ дх҃ъ . дѣ́ти бл҃гᲂслᲂви́те , сщ҃е́ннїи вᲂспо́йте лю́дїє , и҆ превᲂзнᲂси́те є҆гѡ̀ во́ вѣки . катава́сїѧ : Хва́лимъ блгⷭ҇ви́мъ . Ѻ҆́трᲂки бл҃гᲂчести́выѧ . Па́ки в̾жига́ютъ свѣщѝ бра́тїѧ .

пѣ́снь , ѳ҃ . і҆рмо́съ . Вᲂи́стинꙋ бцⷣꙋ тѧ̀ и҆спᲂвѣ́дающе , спасе́ннїи тᲂбо́ю дв҃це чⷭ҇таѧ , с̾ нбⷭ҇ными вѡ́и тѧ̀ велича́емъ .= Т=о́ка сле́зъ мᲂи́хъ не ѿврати́сѧ , ꙗ҆́же ѿ всѧ́кагѡ лица̀ всѧ̀ сле́зы ѿе́мшагѡ , дв҃це хрⷭ҇та̀ ро́ждьшаѧ . Ра́дᲂсти мᲂѐ се́рдце и҆спо́лни дв҃ᲂ , ꙗ҆́же ра́дᲂсти прїе́мши и҆спᲂлне́нїе грѣхо́внꙋю печа́ль пᲂтреблѧ́ющи . Свѣ́та твᲂегѡ̀ зарѧ́ми прᲂсвѣтѝ дв҃ᲂ , мра́къ невѣ́денїѧ ѿгᲂнѧ́щи , бл҃гᲂвѣ́рнѡ бцⷣꙋ тѧ̀ и҆спᲂвѣ́дающихъ . Въ мѣ́стѡ ѡ҆ѕлᲂбле́нїѧ , не́мᲂщи низ̾лежа́щагѡ , дв҃ᲂ и҆сцѣлѝ , и҆з̾ не здра́вїѧ вᲂ здра́вїе претвᲂрѧ́ющи .

и҆́нъ , і҆рмо́съ . Без̾нача́льна рᲂди́телѧ . Нн҃ѣ не в̾ гада́нїихъ , нᲂ лице́мъ к̾ лицꙋ̀ , пи́щныи пᲂто́къ зрѣ́ти спᲂдо́бисѧ , и҆ рѣкꙋ̀ смире́нїѧ , и҆ и҆сто́чникъ без̾сме́ртїѧ , и҆́мже нн҃ѣ напаѧ́емь , наслажда́ешисѧ ѡ҆бᲂже́нїѧ . На землѝ прᲂси́лъ є҆сѝ сѣда́лище прїѧ́ти ѿ хрⷭ҇та̀ . нᲂ ѻ҆́нъ тебѣ̀ пе́рси свᲂѧ̀ да́рꙋетъ , на нѧ́ же вᲂзле́гъ бг҃ᲂсло́ве . тве́рдымъ и҆ пребыва́ющимъ сѣдѣ́нїемъ до́брымъ , ѡ҆бᲂгати́лсѧ є҆сѝ а҆пⷭ҇лѡмъ ᲂу҆краше́нїе . Мꙋ́дрᲂсть пᲂгаси́лъ є҆сѝ є҆́ллинскꙋю без̾бо́жнꙋю . и҆скᲂнѝ бѣ̀ сло́вᲂ , мꙋ́дрѣ прᲂвѣща̀ . и҆ ᲂу҆ бг҃а бѣ̀ сло́вᲂ . и҆ и҆́стиненъ бг҃ъ бѧ́ше сло́вᲂ . и҆́мже всѧ̀ бы́ша , ви́димаѧ же и҆ неви́димаѧ . боⷢ҇ . Ꙗ҆́кѡ ᲂу҆́трᲂ ѡ҆брѣ́тесѧ заꙋ́треннее , в̾ нᲂщѝ жите́йстѣй , дв҃ьства заре́ю блиста́ющи . вᲂсто́къ сл҃нца мы́сленагѡ пра́вдѣ , на́мъ ꙗ҆ви́сѧ бг҃ᲂмт҃и пречⷭ҇таѧ .

и҆́нъ , і҆рмо́съ . Оу҆диви́сѧ ᲂу҆́бѡ . Крⷭ҇тꙋ̀ влⷣчню пред̾стᲂѧ̀ , дв҃ѣ же и҆ бцⷣѣ чи́стѣй , ᲂу҆чени́къ вᲂзлю́бленъ . чⷭ҇тыи бг҃ᲂсло́вїѧ ѻ҆рга́нъ , ꙗ҆́кᲂже дв҃ьственикъ врꙋче́нъ , и҆ храни́тель непᲂро́чнагѡ дв҃ьства є҆ѧ̀ бы́въ , нн҃ѣ дᲂсто́йнѡ ᲂу҆бл҃жа́етсѧ . Дᲂсто́йнѡ вᲂзлю́бль пречⷭ҇тыи , чи́стᲂе и҆ непᲂро́чнᲂе житїѐ твᲂѐ , а҆́нг҃льски пᲂжи́вша на землѝ , тѧ̀ братᲂпрїѧ́тᲂва бл҃же́нне і҆ѡа́нне , свᲂе́й сн҃а вᲂзвѣстѝ мт҃ри бцⷣѣ . с̾ не́юже тѧ̀ всѝ ᲂу҆блажа́емъ . боⷢ҇ . Ꙗ҆ви́сѧ ѽ дв҃ᲂ мт҃и бж҃їѧ , па́че є҆стества̀ ро́ждьши пло́тїю бл҃го́е сло́вᲂ . є҆го́же ѿ срⷣца свᲂегѡ̀ ѻ҆ц҃ъ ѿры́гнꙋ пре́жде всѣ́хъ вѣ́къ , ꙗ҆́кѡ бл҃гъ . є҆го́же ны́нѣ и҆ вы́ше є҆стества̀ разꙋмѣва́емъ , а҆́ще и҆ в̾ тѣ́лᲂ ѡ҆блече́сѧ .

катава́сїѧ : Всѧ́къ зе́менъ .= Дᲂсто́йнѡ є҆́сть . свѣти́ленъ . Ꙗ҆́кѡ дш҃е́ю дв҃ьствена тѧ̀ , и҆ тѣ́лᲂмъ бл҃же́нне сло́вᲂ и҆збра̀ , бг҃ᲂсло́ве дв҃ьствениче . и҆ тᲂгѡ̀ бжⷭ҇тва̀ чꙋ́дна ꙗ҆вѝ сказа́телѧ и҆ слꙋгꙋ̀ . и҆́же ѿ землѝ преста́вленъ , не ᲂу҆́меръ , нᲂ ѡ҆́ бз҃ѣ жи́въ , и҆ без̾сме́ртенъ пребыва́ѧ . =два́жды . сла́ва , и҆ нн҃ѣ , боⷢ҇ . Сᲂтвᲂрѝ ꙗ҆́кѡ вᲂи́стинꙋ с̾ тᲂбо́ю вели́чїѧ сн҃ъ превѣ́чныи , сᲂвѣ́тᲂмъ ѻ҆́ч҃имъ . живо́тъ бᲂ нетлѣ́нныи без̾стра́стнѡ пᲂрᲂдѝ , и҆ пребы́сть ꙗ҆́кᲂже пре́жде рᲂжде́нїѧ , ма́терскихъ бᲂлѣ́зней и҆збѣ́гши , и҆ дв҃аѧ пᲂ ржⷭ҇твѣ̀ пребы́сть дв҃ᲂю .

На хвали́тѣхъ , стⷯры , на д҃ . гла́съ , и҃ . поⷣ . Ѽ пресла́внᲂе чꙋ́дᲂ . Бл҃же́нне і҆ѡа́нне премꙋ́дре ,꙳ мно́жествᲂмъ те́плᲂсти ,꙳ къ хрⷭ҇то́вѣ любвѝ ,꙳ мнᲂжа́е всѣ́хъ бы́лъ є҆сѝ ,꙳ ᲂу҆чени́къ вᲂзлю́бленъ ,꙳ всеви́дцꙋ сло́вꙋ ,꙳ и҆ сꙋдѧ́щемꙋ пра́выми мѣ́рами все́й вселе́ннѣй .꙳ чистᲂто́ю и҆ дв҃ьства дᲂбро́тами ѡ҆зари́всѧ ,꙳ тѣ́лᲂмъ и҆ пᲂмышле́нїи бг҃ᲂбл҃же́нне . два́жды . Дв҃ьства прᲂцвѣте́нїе , чⷭ҇тны́хъ дᲂбрᲂдѣ́телей ,꙳ прїѧ́тнᲂе жили́ще ,꙳ премꙋ́дрᲂсти сᲂсꙋ́дъ ,꙳ дх҃о́вныи хра́мъ ,꙳ свѣтᲂно́снаѧ ᲂу҆ста̀ бл҃гᲂда́ти ,꙳ цр҃кви пресвѣ́тлᲂе ѻ҆́кᲂ ,꙳ всечестна́гѡ і҆ѡа́нна ,꙳ пѣ́сньми дх҃о́вными ны́нѣ вᲂсхва́лимъ ,꙳ ꙗ҆́кѡ слꙋжи́телѧ хрⷭ҇то́ва . Бг҃ᲂсло́вїѧ во́ды ,꙳ на пе́рси вᲂзле́гъ ,꙳ премꙋ́дрᲂсти пᲂче́рплъ є҆сѝ .꙳ и҆ ми́ръ напᲂи́лъ є҆сѝ ,꙳ і҆ѡа́нне всеи҆зрѧ́дне .꙳ трⷪ҇ческимъ ра́зꙋмᲂмъ ,꙳ мо́ре и҆з̾сꙋши́лъ є҆сѝ без̾бо́жїѧ .꙳ сто́лпъ бы́въ , и҆ ѻ҆́блакъ ѡ҆дш҃евле́нъ ,꙳ наставлѧ́ѧ на́съ к̾ нбⷭ҇нᲂмꙋ наслѣ́дїю . сла́ва . гла́съ , и҃ . Бл҃гᲂвѣ́стниче і҆ѡа́нне , равнᲂа҆́нг҃льне , дв҃ьствениче , бг҃ᲂсло́ве , бг҃ᲂмъ наꙋче́нне , правᲂсла́внѡ ми́рᲂви пречⷭ҇тᲂе ребро̀ , кро́вь и҆ во́дꙋ и҆стᲂчи́вшее прᲂпᲂвѣ́далъ є҆сѝ . и҆́мже вѣ́чныи живо́тъ прїе́млемъ дш҃а́мъ на́шимъ .

и҆ ны́нѣ , боⷢ҇ . Влⷣчце прїимѝ мл҃твꙋ ра́бъ свᲂи́хъ , и҆ и҆зба́ви на́съ ѿ всѧ́кїѧ нꙋ́жды и҆ печа́ли .

Славᲂсло́вїе вели́кᲂе , и҆ ѿпꙋ́стъ .

На литꙋргі́и , бл҃же́нна , на и҃ . ѿ а҃ гѡ кано́на а҆пⷭ҇лꙋ , пѣ́снь г҃ ѧ , и҆ в҃ гѡ кано́на , пѣ́снь ѕ҃ ѧ .

Пᲂ вхо́дѣ , а҆́ще ли хра́мъ хрⷭ҇то́въ , и҆лѝ бцⷣы : трᲂпа́рь хра́мꙋ , трᲂпа́рь а҆пⷭ҇лꙋ . сла́ва , кᲂнда́къ а҆пⷭ҇лꙋ . и҆ ны́нѣ , кᲂнда́къ хра́мꙋ .

Пᲂ вхо́дѣ , а҆́ще хра́мъ ст҃ы́мъ : трᲂпа́рь а҆пⷭ҇лꙋ . сла́ва , кᲂнда́къ а҆пⷭ҇лꙋ . и҆ ны́нѣ , кᲂнда́къ : застꙋ́пнице хрⷭ҇тїа́нѡмъ .

прᲂки́менъ , ѱл҃о́мъ дв҃дᲂвъ . Вᲂ всю̀ зе́млю и҆зыдо́ша вѣща́нїе и҆́хъ , и҆ в̾ кᲂнцы̀ вселе́нныѧ гл҃ы и҆́хъ . сти́хъ . нб҃са̀ пᲂвѣ́даютъ сла́вꙋ бж҃їю , твᲂре́нїе же рꙋ́кꙋ є҆гѡ̀ вᲂз̾вѣща́етъ тве́рдь . а҆пⷭ҇лъ , ѿ сᲂбо́рнагѡ пᲂсла́нїѧ і҆ѡа́ннᲂва . заⷱ҇ , ѻ҃г . ѿ пᲂлꙋ̀ . а҆ллилꙋ́їѧ . И҆спᲂвѣ́дѧтъ нб҃са̀ чꙋдеса̀ твᲂѧ̀ гдⷭ҇и , и҆́бᲂ и҆́стинꙋ твᲂю̀ в̾ цр҃кви ст҃ы́хъ . сти́хъ . бг҃ъ прᲂславлѧ́емь в̾ сᲂвѣ́тѣхъ ст҃ы́хъ . є҆ѵⷢ҇а́лїе , ѿ і҆ѡа́нна . зача́лᲂ , ѯ҃а . прича́стенъ , вᲂ всю̀ зе́млю и҆зыдо́ша вѣща́нїе и҆́хъ , и҆ в̾ кᲂнцы̀ вселе́нныѧ гл҃ы и҆́хъ .