Въ сре́дꙋ , ве́черъ . на гдⷭ҇и вᲂзва́хъ , стⷯры , ст҃ы́мъ а҆пⷭ҇лѡмъ . гла́съ , в҃ . поⷣ . є҆гда̀ ѿ́ древа . запѣ́въ : ꙗ҆́кѡ ѿ тебѐ ѡ҆чище́нїе є҆́сть . Всю̀ напᲂи́сте зе́млю , ꙗ҆́кᲂже рѣ́ки раздѣ́льшесѧ дх҃о́вныѧ и҆з̾ є҆де́ма , є҆ю́же и҆ пᲂѡра́вше , всѣ́ѧсте спасе́ннᲂе прᲂпᲂвѣ́данїе , и҆ кла́съ бл҃гᲂпло́денъ пᲂжа́сте мꙋ́дрїи , дꙋ́ши спасе́нныхъ . си́хъ в̾ мы́сленыхъ сᲂкро́вищахъ , сᲂкрыва́юще ᲂу҆ченицы̀ гдⷭ҇ни , ꙗ҆́кѡ мнᲂгᲂцѣ́ннᲂе бᲂга́тство .

ᲂу҆пᲂва̀ дꙋша̀ мᲂѧ̀ на́ гдⷭ҇а . Ѿ тмы̀ страсте́й и҆ сласте́й , мнᲂгᲂстра́стнᲂе ми срⷣце свᲂбᲂди́те , свѣти́льницы сꙋ́ще вᲂсто́ка мы́сленагѡ . и҆ прᲂсвѣти́телїе пресвѣ́тлїи , сл҃нца всѣ́мъ вᲂзвѣща́юще , разо́ршаго ле́сть но́щи ѕлᲂвѣ́рїѧ . є҆го́же ᲂу҆мᲂли́те , и҆ на́ша прᲂсвѣти́ти смы́слы , ꙗ҆́кѡ самᲂви́дцы сегѡ̀ .

да ᲂу҆пᲂва́етъ і҆и҃ль на́ гдⷭ҇а . Но́выѧ вᲂи́стинꙋ благᲂда́ти , вы̀ скрижа́ли бг҃ᲂначерта́нныѧ , таи́нницы и҆ сви́тцы ѡ҆дш҃евле́ннїи ꙗ҆ви́стесѧ , сло́во спасе́нᲂе нᲂсѧ́ще , напи́саннᲂе дх҃ᲂмъ , ѻ҆́ч҃имъ пе́рстᲂмъ . тѣ́мже прᲂидо́сте всѧ̀ кᲂнцы̀ , вѣ́рꙋ правᲂсла́внꙋю и҆ к̾ нбⷭ҇нымъ стезю̀ ведꙋ́щꙋю , всѣ́мъ чл҃кѡмъ ꙗ҆́вѣ пᲂказꙋ́юще .

та́же , в̾ минѣ́и , стⷯры , ст҃о́мꙋ , а҆́ще и҆́мать . а҆́ще нѣ́сть минѣ́и . и҆́ны , стⷯры , ст҃о́мꙋ и҆ вели́кᲂмꙋ чꙋдᲂтво́рцꙋ нико́лѣ . гла́съ , и҆ пᲂдо́бен̾ , то́йже . запѣ́в̾ : ѿ всѣ́хъ без̾зако́нїи є҆гѡ̀ . Въ ми́рѣхъ пᲂживѐ чꙋ́вствено , ми́ро вᲂи́стинꙋ ꙗ҆ви́лсѧ є҆сѝ . ми́рᲂмъ пᲂма́завсѧ разꙋ́мнымъ , ст҃е нико́лае ст҃лю хрⷭ҇то́въ . и҆ бл҃гᲂꙋха́еши без̾сме́ртнꙋю вᲂню̀ бл҃гᲂꙋха́нїѧ , вѣ́рᲂю притека́ющимъ пᲂд̾ кро́въ тво́й . разрѣша́ѧ си́хъ ѿ напа́стей , и҆ бѣ́дъ и҆ скᲂрбе́й ѻ҆́ч҃е и҆́же ко́ гдⷭ҇ꙋ твᲂи́ми мл҃твами .

пᲂхвали́те є҆гѡ̀ всѝ лю́дїє . Мно́жествᲂмъ и҆скꙋше́нїи сᲂдержи́мь , и҆ тревᲂлне́нїемъ жите́йскихъ ѡ҆бхᲂди́мь , вᲂлна́ми же пᲂтᲂплѧ́емь ѡ҆бстᲂѧ́нїи , и҆ печа́льми ѡ҆блага́емь , на тѧ̀ наде́ждꙋ мᲂю̀ всю̀ вᲂзлага́ю , ѻ҆́ч҃е нико́лае . всѣ́мъ лю́тымъ пᲂда́ждь ми разрѣше́нїе , мл҃твами свᲂи́ми бл҃же́нне , є҆́же ко влⷣцѣ и҆ бг҃ꙋ на́шемꙋ .

и҆ и҆́стина гдⷭ҇нѧ пребыва́етъ во́ вѣки . Мра́кᲂмъ и҆ пᲂтемне́нїемъ пᲂмышле́нїи , и҆ бѣсо́вскими лестьмѝ ѡ҆бнᲂси́ма , и҆ плᲂтьски́ми страстьмѝ ѡ҆бꙋрева́ема , и҆ зако́нᲂмъ пᲂбѣжда́ема грѣхо́внымъ , пᲂсти́гнꙋвъ мѧ , ѡ҆зарѝ свѣ́тᲂмъ бл҃гᲂда́ти , свѣ́тъ бо є҆сѝ в̾ ми́рѣ , бжⷭ҇твенᲂю прᲂсвѣща́емь заре́ю , дᲂстᲂбл҃же́нне нико́лае .

сла́ва , и҆ ны́нѣ , боⷢ҇ . Сло́во , и҆́же ѻ҆ц҃ꙋ и҆ ст҃о́мꙋ дх҃ꙋ равнᲂчестно́е сы́и , ꙗ҆́кѡ вели́кᲂе сл҃нце , и҆з̾ дв҃ы бг҃ᲂѻтрᲂкᲂви́цы вᲂсїѧ́вшеє на землѝ , в̾ пᲂслѣ́днѧѧ пᲂсла̀ ва́съ ꙗ҆́кѡ зарѝ , сла́внїи а҆пⷭ҇ли , свѣ́тᲂмъ вѣ́ры прᲂсвѣща́ющихъ всѧ̀ чл҃ки , и҆́же во́ мрацѣ пре́лести , и҆ тѣ́хъ к̾ не́й ᲂу҆че́ньми бжⷭ҇твеными привᲂдѧ́ща .

та́же , свѣ́тѣ ти́хїи . прᲂки́менъ , дню̀ . та́же , спᲂдо́би гдⷭ҇и в̾ ве́черъ се́й . на стихо́внѣ , стⷯры , ст҃ы́мъ а҆пⷭ҇лѡмъ . гла́съ , в҃ . Вᲂзвели́чилъ є҆сѝ сп҃се во вселе́ннѣй , верхо́вныхъ а҆пⷭ҇лъ и҆мена̀ , навыко́ша бо нбⷭ҇нымъ , и҆ неи҆зрече́ннаѧ да́ша земны́мъ и҆сцѣле́нїѧ , и҆ сѣ́ни и҆́хъ є҆ди́ны недꙋ́ги ᲂу҆врачева́хꙋ . и҆́бо ѿ ры́барей чꙋ́до твᲂрѧ́ще , и҆ и҆́же ѿ і҆ꙋде́й бг҃ᲂсло́вѧще бл҃гᲂда́ти ᲂу҆че́нїѧ , и҆́хже ра́ди милᲂсе́рде , да́ждь на́мъ ве́лїю ми́лᲂсть .

сти́хъ : к̾ тебѣ̀ вᲂзведо́хъ ѻ҆́чи мᲂѝ . И҆́же ѿ непра́ведныхъ дѣѧ́нїи всегда̀ бᲂри́ми , и҆ к̾ тебѣ̀ прибѣга́юще вᲂи́стинꙋ сꙋ́щемꙋ бг҃ꙋ , гла́съ твᲂи́хъ ᲂу҆чени́къ прино́симъ тѝ гл҃юще , спаси́ ны наста́вниче пᲂгиба́емъ , пᲂкажѝ и҆ ны́нѣ враго́мъ на́шимъ мо́лимсѧ . ꙗ҆́кѡ пᲂкрыва́еши лю́ди , и҆ спаса́еши ѿ бѣ́дъ мл҃твами а҆пⷭ҇лъ , презрѧ̀ грѣхѝ за мно́гꙋю бл҃гᲂсты́ню гдⷭ҇и .

сти́хъ : пᲂми́лꙋй на́съ гдⷭ҇и . мⷱ҇ꙋ . Ве́лїѧ сла́ва , ю҆́же стѧжа́сте ст҃і́и вѣ́рᲂю . не то́кмѡ бо во страсте́хъ врага̀ пᲂбѣди́ли є҆стѐ , но и҆ по сме́рти дꙋ́хи прᲂго́ните , недꙋ́жныѧ и҆сцѣлѧ́ете , дш҃а́мъ и҆ тѣ́лᲂмъ вра́чеве , мᲂли́тесѧ ко́ гдⷭ҇ꙋ пᲂми́лᲂватисѧ дш҃а́мъ на́шимъ .

сла́ва , и҆ ны́нѣ , боⷢ҇ . Ꙗ҆́кѡ плᲂдᲂви́та ма́слина дв҃аѧ ѿрастѝ тебѐ плᲂда̀ живо́тнаго , плᲂдᲂнᲂси́ти ми́рᲂви ве́лїю и҆ бᲂга́тꙋю млⷭ҇ть .

та́же , нн҃ѣ ѿпꙋща́еши .= трⷭ҇то́е , и҆ по ѻ҆́ч҃е на́шъ . трᲂпа́рь , ст҃о́мꙋ . сла́ва , и҆ ны́нѣ , боⷢ҇ . во́ гласъ трᲂпарѧ̀ . пᲂсе́мъ , є҆ктенїѧ̀ . =и҆ ѿпꙋ́стъ .

Въ сре́дꙋ , на па́вечерницѣ . кано́нъ , прест҃ѣ́й бцⷣѣ . гла́съ , в҃ . пѣ́снь , а҃ . і҆рмо́съ . Грѧди́те лю́дїє , пᲂе́мъ пѣ́снь хрⷭ҇тꙋ̀ бг҃ꙋ , раз̾дѣ́льшемꙋ мо́ре , и҆ прᲂве́дшꙋ лю́ди ꙗ҆́же и҆спꙋстѝ и҆з̾ рабо́ты є҆ги́петскїѧ , ꙗ҆́кѡ прᲂсла́висѧ . запѣ́въ : прест҃а́ѧ гжⷭ҇е бцⷣе спасѝ на́съ . И҆́же бл҃гᲂче́стнѡ тѧ̀ чⷭ҇таѧ , сꙋ́щꙋю бцⷣꙋ и҆спᲂвѣ́дающаго дш҃е́ю и҆ ᲂу҆сты̀ . ѿ лю́тыхъ мѧ бѣ́дъ , и҆ недꙋ́гъ и҆ прегрѣше́нїи ны́нѣ спасѝ пречⷭ҇таѧ . Всю̀ в̾ тебѣ̀ бл҃гᲂда́темъ бе́зднꙋ лежа́щꙋ ᲂу҆вѣ́дѣхᲂмъ . тѣ́мже прибѣга́юще бцⷣе ᲂу҆се́рднѡ к̾ пᲂкро́вꙋ твᲂемꙋ̀ бжⷭ҇твенᲂмꙋ , спаса́емсѧ . сла́ва . Ѡ҆ на́съ и҆́же тѧ̀ пᲂю́щихъ пречⷭ҇таѧ мᲂлѝ , вᲂплᲂще́ннаго ѿ пречи́стыхъ ти и҆ чⷭ҇тны́хъ крᲂве́й , и҆зба́витисѧ ѿ прегрѣше́нїи , и҆ бᲂлѣ́зней го́рькихъ . и҆ нн҃ѣ . Тѧ̀ пᲂхвалꙋ̀ вѣ́рнїи всѝ стѧжа́хᲂмъ , прибѣ́жище и҆ ᲂу҆тверже́нїе и҆ ра́дᲂванїе , и҆ дш҃а́мъ спасе́нїе , наде́ждꙋ же и҆ стѣ́нꙋ , бг҃ᲂбл҃гᲂда́тнаѧ .

пѣ́снь , г҃ . і҆рмо́съ . Оу҆твердѝ на́съ сᲂбо́ю гдⷭ҇и , дре́вᲂмъ ᲂу҆мерщве́и прегрѣше́нїѧ . и҆ стра́хъ тво́й всадѝ в̾ срⷣца̀ на́ша , ꙗ҆́кѡ чл҃кᲂлю́бецъ . Мᲂли́твами твᲂи́ми чⷭ҇таѧ , бг҃а є҆го́же рᲂдила̀ є҆сѝ , пᲂда́ждь бл҃гᲂпремѣ́нна твᲂи́мъ рабо́мъ , притека́ющимъ к̾ пᲂкро́вꙋ твᲂемꙋ̀ , и҆ вѣ́рнѡ кла́нѧющимсѧ твᲂемꙋ̀ ржⷭ҇твꙋ̀ . Глаго́лы мᲂеѧ̀ мл҃твы ᲂу҆слы́ши дв҃о , и҆з̾ глꙋбины̀ мᲂегѡ̀ срⷣца є҆́же принᲂшꙋ́ ти препѣ́таѧ , и҆ ѿ страсте́й и҆ напа́стей спаси́ мѧ . сла́ва . Всю̀ мᲂю̀ жи́знь ѡ҆кᲂрмѝ дв҃о , ᲂу҆пᲂва́нїе мᲂѐ и҆ пред̾ста́тельнице , и҆скꙋше́нїи и҆ наи́тїѧ и҆збавлѧ́ющи и҆ нꙋ́жныхъ , бг҃ᲂневѣ́сто . и҆ ны́нѣ . Премꙋ́дрᲂсть бж҃їю и҆пᲂста́снꙋю , на рꙋкꙋ̀ ꙗ҆́кѡ нᲂси́вши бг҃ᲂмт҃и , ѿ невѣ́дѣнїѧ и҆ заблꙋже́нїѧ , и҆зба́витисѧ на́мъ мᲂли́сѧ .

пѣ́снь , д҃ . і҆рмо́съ . Оу҆слы́шахъ гдⷭ҇и , сла́внᲂе твᲂѐ смᲂтре́нїе , и҆ прᲂсла́вихъ милᲂсе́рде , непᲂсти́жимꙋю твᲂю̀ си́лꙋ . Ꙗ҆́звамъ мᲂи́мъ дш҃е́внымъ , и҆ плᲂтьски́мъ скве́рнамъ , ꙗ҆́же бг҃а ро́ждьшаѧ влⷣчце , разрѣше́нїе пᲂда́ждь ми . Ѡ҆скверне́наго мѧ страстьмѝ и҆ пᲂмышле́нїи , и҆ житїѧ̀ тревᲂлне́нїемъ , ᲂу҆пᲂва́нїемъ дв҃о , и҆ вѣ́рᲂю ᲂу҆твердѝ . сла́ва . Ѿ наи́тїѧ и҆зба́ви мѧ мт҃и бж҃їѧ , и҆ бꙋ́ри и҆ бѣ́дъ , твᲂи́ми мл҃твами є҆ди́на препѣ́таѧ . и҆ ны́нѣ . Ѡ҆бꙋрева́ема вᲂлна́ми жите́йскими , и҆схи́ти дв҃о , к̾ твᲂемꙋ̀ приста́нищꙋ наставлѧ́ющи мѧ .

пѣ́снь , є҃ . і҆рмо́съ . Свѣ́та пᲂда́телю , и҆ вѣко́мъ тво́рче гдⷭ҇и , во́ свѣтѣ твᲂи́хъ пᲂвелѣ́нїи наста́ви на́съ , ра́звѣ бо тебѐ и҆но́гѡ бг҃а незна́емъ . Ѻ҆рꙋ́жїе непᲂбѣди́мо и҆мꙋ́ще , на разли́чнаѧ и҆скꙋше́нїѧ враго́мъ . всѧ́кᲂгѡ ѡ҆ѕлᲂбле́нїѧ и҆збавлѧ́емсѧ ꙗ҆́вѣ , и҆́же тѧ̀ бцⷣꙋ чⷭ҇тꙋю вѣ́дѧщїи . Зако́нꙋ и҆спᲂлне́нїе , вы́шшаѧ херꙋви́мъ рᲂдила̀ є҆сѝ , бж҃їѧ сло́ва вᲂплᲂще́нна сн҃а є҆динᲂро́дна , є҆го́же ѡ҆ рабѣ́хъ свᲂи́хъ ᲂу҆мᲂлѝ . сла́ва . Всѧ́ческимъ твᲂрца̀ , на́ рꙋкꙋ свᲂе́ю чⷭ҇таѧ нᲂсѧ́щи . сегѡ̀ на́мъ твᲂи́ми мл҃твами , бл҃гᲂпремѣ́нна дава́й , и҆́же ны́нѣ всѣ́мъ срⷣцемъ к̾ тебѣ̀ прибѣга́ющимъ . и҆ нн҃ѣ . Ѿ ᲂу҆тѣсне́нїѧ и҆ бᲂлѣ́зни дш҃и , мᲂльбꙋ̀ принᲂшꙋ́ ти ѡ҆каѧ́нныи , щедро́тамъ є҆ди́на ро́ждьшаѧ вино́внᲂе сло́во , ᲂу҆ще́дривъ спаси́ мѧ .

пѣ́снь , ѕ҃ . і҆рмо́съ . Въ бе́зднѣ грѣхо́внѣй ѡ҆держи́мъ , неи҆зслѣ́днꙋю млрⷭ҇дїѧ твᲂегѡ̀ призыва́ю бе́зднꙋ , ѿ тлѝ бж҃е мѧ вᲂз̾ведѝ . Спасе́нїю приста́нище вѣ́дыи тѧ , пла́ваю мнᲂгᲂпеча́льнагѡ житїѧ̀ мо́ре , призыва́ю влⷣчце , ѡ҆кᲂрми́тельнице дш҃и мᲂе́й бы́ти тебѣ̀ . Ѡ҆бнажи́хсѧ ѻ҆де́жды цѣлᲂмꙋ́дрїѧ мᲂегѡ̀ , ѡ҆ѕло́бленъ бы́въ мт҃и при́снѡ дв҃о . но бг҃а ро́ждьшаѧ , ра́дᲂсти ѻ҆де́ждꙋ пᲂда́ждь ми . сла́ва . Чи́стагѡ житїѧ̀ ѿпадо́хъ , в̾ лѣ́нᲂсти жи́въ страстны́и . но вᲂзведѝ бл҃гᲂслᲂве́наѧ влⷣчце , пᲂвелѣ́нїемъ сн҃а твᲂегѡ̀ причта́вши . и҆ ны́нѣ . Ми́лᲂсти твᲂеѧ̀ бцⷣе спᲂдо́би мѧ , премлⷭ҇тиваго сло́ва пᲂро́ждьши , и҆́же свᲂе́ю кро́вїю , ѿ тлѝ чл҃ки и҆зба́вльшаго .

Гдⷭ҇и пᲂми́лꙋй , гⷤ . сла́ва , и҆ ны́нѣ . сѣда́ленъ , гла́съ , в҃ . Бжⷭ҇твенагѡ мѧ̀ вхо́да чи́стаѧ спᲂдо́би , мᲂли́твами твᲂи́ми при́снѡ дв҃о , сᲂꙋ́зы лю́тыхъ ми стрⷭ҇те́й расто́ргши , пла́мене бꙋ́дꙋщагѡ мѧ̀ свᲂбᲂдѝ .

пѣ́снь , з҃ . і҆рмо́съ . Ѡ҆ тѣ́лѣ зла́тѣ на́ пᲂли деи́рѣ слꙋжи́мѣмъ , трїѐ ѻ҆́трᲂцы неради́ша ѡ҆ без̾бо́жнѣмъ велѣ́нїи , но пᲂсредѣ̀ пла́мени в̾ве́ржени , прᲂхлажда́еми пᲂѧ́хꙋ , бл҃гᲂслᲂве́нъ бг҃ъ ѻ҆ц҃ъ на́шихъ . На крⷭ҇тѣ̀ приго́ждьсѧ , и҆́же и҆з̾ тебѐ вᲂплᲂти́выисѧ бг҃ᲂрᲂди́тельнице , а҆да́мᲂво раздра̀ рꙋкᲂписа́нїе . є҆го́же ны́нѣ дв҃о мᲂлѝ , всѧ́кїѧ ѕло́бы и҆зба́витисѧ , вѣ́рᲂю зᲂвꙋ́щимъ , бл҃гᲂслᲂве́на є҆сѝ ꙗ҆́же бг҃а пло́тїю ро́ждьшаѧ . Наде́жа бл҃га́ѧ , застꙋ́пнице же вѣ́рнымъ є҆сѝ влⷣчце , и҆ нн҃ѣ мо́лимсѧ тебѣ̀ , дарᲂва́ти млⷭ҇ти пꙋчи́нꙋ всѣ́мъ на тѧ̀ надѣ́ющимсѧ . и҆ нн҃ѣ сн҃ꙋ твᲂемꙋ̀ зᲂвꙋ́щимъ , блгⷭ҇ве́нъ бг҃ъ ѻ҆ц҃ъ на́шихъ . сла́ва . Тмо́ю лю́тᲂю житїѧ̀ ѡ҆бъѧ́тъ бы́въ , сᲂскᲂрбѧ́щаго и҆ сбᲂлѣ́знꙋющагѡ не ѡ҆брѣто́хъ , твᲂе́ю дв҃о свѣ́тлᲂстїю , разрꙋшѝ тмꙋ̀ прегрѣше́нїи . и҆ ѡ҆зарѝ пѣ́ти тебѐ блгⷭ҇ве́наѧ , ꙗ҆́же бг҃а пло́тїю ро́ждьшаѧ . и҆ нн҃ѣ . Въ краснꙋ̀ ѻ҆де́ждꙋ спасе́ныхъ запᲂвѣде́й креще́нїемъ ѡ҆дѣ́ѧвсѧ , ѡ҆черни́хъ лѣ́нᲂстїю ѡ҆каѧ́нныи . ны́нѣ же ти притека́ю дв҃о , ѻ҆де́жды прᲂсѧ̀ весе́лїѧ , тᲂбо́ю па́ки ѡ҆блещи́сѧ .

пѣ́снь , и҃ . і҆рмо́съ . Впе́щь ѻ҆́гненнꙋю , к̾ дѣ́темъ є҆вре́йскимъ сᲂше́дшагѡ , и҆ пла́мень на хла́дъ прело́жшагѡ бг҃а , по́йте всѧ̀ дѣ́ла гдⷭ҇а , и҆ превᲂзнᲂси́те є҆гѡ̀ во́ вѣки . И҆з̾немᲂга́етъ ми ны́нѣ ᲂу҆́мъ , во глꙋбинꙋ̀ впа́дъ бесче́стїѧ , ꙗ҆́кѡ ѿ всю́дꙋ разли́чными ѡ҆бъѧ́тъ є҆́смь ѕлы́ми . но ты̀ дв҃о и҆сцѣлѝ , без̾стра́стїѧ свѣ́тᲂмъ ѡ҆дѣ́ѧвши . Сто́лпъ крѣ́пᲂсти тве́рдъ , и҆ степе́нь и҆ храни́тельницꙋ , и҆ застꙋ́пницꙋ стѧжа́вше тѧ̀ вѣ́рᲂю , спаса́емсѧ ны́нѣ пᲂю́ще ржⷭ҇тво̀ твᲂѐ пречⷭ҇таѧ , и҆ превᲂзнᲂсѧ́ще є҆гѡ̀ во всѧ̀ вѣ́ки . сла́ва . Без̾сме́ртїѧ зарю̀ , и҆ и҆сто́чникъ вѣ́мы тѧ̀ бцⷣе , ꙗ҆́кѡ ро́ждьшꙋю сло́во без̾сме́ртнагѡ ѻ҆ц҃а , и҆́же всѧ̀ ѿ сме́рти и҆збавлѧ́ющаго , превᲂзнᲂсѧ́щихъ є҆гѡ̀ во всѧ̀ вѣ́ки . и҆ ны́нѣ . Стрꙋѝ и҆сцѣле́нїи на́мъ , всегда̀ вѣ́рнымъ чи́стаѧ то́чиши , є҆го́же незави́стнꙋю бл҃гᲂда́ть взе́млюще , вᲂспѣва́емъ ржⷭ҇тво̀ твᲂѐ чⷭ҇таѧ , и҆ превᲂзно́симъ во всѧ̀ вѣ́ки .

пѣ́снь , ѳ҃ . і҆рмо́съ . И҆́же ѿ́ бг҃а бг҃а сло́ва , неи҆зрече́ннᲂю мꙋ́дрᲂстїю , прише́дшагѡ ѡ҆бнᲂви́ти а҆да́ма , ꙗ҆́дїю тлѣ́нїѧ па́дшагѡ ѕлѣ̀ , ѿ ст҃ы́ѧ же дв҃цы , неи҆зрече́нно вᲂплᲂща́ема на́съ ра́ди , вѣ́рнїи є҆динᲂмꙋ́дреннѡ пѣ́сньми велича́емъ . Бг҃ᲂбл҃же́ннаѧ ѻ҆трᲂкᲂви́це , наде́жꙋ мᲂю̀ всю̀ ᲂу҆се́рднѡ вᲂзлᲂжи́хъ на тѧ̀ . спаси́ мѧ мт҃и и҆́стиннагѡ живᲂта̀ , и҆ пи́щи приснᲂсꙋ́щныѧ насы́титисѧ мᲂли́сѧ чи́стаѧ , вѣ́рᲂю тѧ̀ и҆ любо́вїю пѣ́сньми велича́ющемꙋ . Ꙗ҆́вльшисѧ дв҃о , две́ри бжⷭ҇твенагѡ свѣ́та , дш҃и мᲂеѧ̀ мглꙋ̀ , свѣ́тᲂмъ ти невеще́ственымъ и҆ блиста́нїи ѡ҆зарѝ . и҆ ѿ вѣ́чнагѡ ѻ҆гнѧ̀ и҆зба́витисѧ спᲂдо́би чи́стаѧ , хᲂда́тайствы твᲂи́ми , ꙗ҆́кѡ да непреста́ннѡ велича́ю тѧ . сла́ва . Бᲂлѧ́щꙋю зрѧ́щи дш҃ꙋ и҆ тѣ́ло и҆ вве́рженыхъ в̾ стра́сти лю́ты , бл҃гᲂꙋтро́бїемъ сѝ влⷣчце и҆сцѣли́вши разрѣшѝ , и҆́же ны́нѣ стꙋжа́емыѧ печа́льми , вѣ́рᲂю и҆ любо́вїю тѧ̀ пѣ́сньми велича́ющихъ . и҆ нн҃ѣ . Во́ чрево твᲂѐ всели́сѧ , є҆го́же и҆́з̾ чрева превѣ́чныи ѻ҆ц҃ъ рᲂдѝ сн҃а . сᲂверше́нъ бы́сть чл҃къ , и҆ и҆сто́чникъ бл҃гᲂда́темъ тѧ̀ бг҃ᲂмт҃и пᲂказа̀ на́мъ , вѣ́рнѡ кла́нѧющимсѧ , несказа́ннᲂмꙋ твᲂемꙋ̀ ржⷭ҇твꙋ̀ . та́же , дᲂсто́йнѡ є҆́сть . и҆ про́чеє , ѡ҆бы́чно . и҆ ѿпꙋ́стъ .

Въ четверто́къ , на ᲂу҆́трени . по а҃ , стихᲂло́гїи . сѣда́льны , а҆пⷭ҇льски . гла́съ , в҃ . И҆́же ᲂу҆мꙋ́дривыи лᲂвцы̀ , па́че ри́тᲂръ . и҆ пᲂсла́въ ꙗ҆́кᲂже прᲂпᲂвѣ́дники , по все́й землѝ неи҆з̾гл҃аннымъ чл҃кᲂлю́бїемъ си хрⷭ҇тѐ бж҃е . тѣ́хъ ра́ди ᲂу҆твердѝ цр҃кᲂвь свᲂю̀ , и҆ вѣ́рнымъ низ̾пᲂслѝ блгⷭ҇ве́нїе твᲂѐ , є҆ди́не во ст҃ы́хъ пᲂчива́ѧи . сти́хъ : во всю̀ зе́млю и҆зыдо́ша веща́нїѧ и҆́хъ , и҆ в̾ кᲂнцы̀ вселе́нныѧ гл҃ы и҆́хъ . И҆́же ᲂу҆мꙋ́дривыи лᲂвцы̀ , па́че ри́тᲂръ . и҆ пᲂсла́въ ꙗ҆́кᲂже прᲂпᲂвѣ́дники , по все́й землѝ неи҆з̾гл҃аннымъ чл҃кᲂлю́бїемъ си хрⷭ҇тѐ бж҃е . тѣ́хъ ра́ди ᲂу҆твердѝ цр҃кᲂвь свᲂю̀ , и҆ вѣ́рнымъ низ̾пᲂслѝ блгⷭ҇ве́нїе твᲂѐ , є҆ди́не во ст҃ы́хъ пᲂчива́ѧи . сла́ва , и҆ ны́нѣ , боⷢ҇ . Тебѐ велича́емъ бцⷣе вᲂпїю́ще , ра́дꙋисѧ незахᲂди́магѡ свѣ́та ѻ҆́блаче . тᲂго́ бо нᲂси́ла є҆сѝ в̾ нѣ́дрѣхъ свᲂи́хъ , сла́вы гдⷭ҇а .

по в҃ , стихᲂло́гїи . сѣда́льны , гла́съ , в҃ . Оу҆лᲂви́вше лᲂвцы̀ ꙗ҆зы́ки мре́жею дх҃а , и҆ наꙋчи́ша кᲂнцы̀ землены́ѧ , тебѣ̀ кла́нѧтисѧ со ѻ҆ц҃е́мъ и҆ дх҃ᲂмъ хрⷭ҇тѐ бж҃е . тѣ́хъ ра́ди ᲂу҆твердѝ цр҃кᲂвь свᲂю̀ , и҆ вѣ́рнымъ низ̾пᲂслѝ бл҃гᲂслᲂве́нїе твᲂѐ , и҆́же є҆ди́не млⷭ҇тиве и҆ чл҃кᲂлю́бче . сти́хъ : и҆спᲂвѣ́дѧтъ небеса̀ чꙋдеса̀ твᲂѧ̀ гдⷭ҇и . Оу҆лᲂви́вше лᲂвцы̀ ꙗ҆зы́ки мре́жею дх҃а , и҆ наꙋчи́ша кᲂнцы̀ землены́ѧ , тебѣ̀ кла́нѧтисѧ со ѻ҆ц҃е́мъ и҆ дх҃ᲂмъ хрⷭ҇тѐ бж҃е . тѣ́хъ ра́ди ᲂу҆твердѝ цр҃кᲂвь свᲂю̀ , и҆ вѣ́рнымъ низ̾пᲂслѝ бл҃гᲂслᲂве́нїе твᲂѐ , и҆́же є҆ди́не млⷭ҇тиве и҆ чл҃кᲂлю́бче .= сти́хъ : ди́венъ бг҃ъ во ст҃ы́хъ свᲂи́хъ бг҃ъ і҆и҃левъ . мⷱ҇ꙋ . Страстᲂно́сцы гдⷭ҇ни , бл҃же́нна землѧ̀ напи́вшаѧсѧ кро́ви ва́шеѧ , и҆ ст҃і́и хра́мы прїе́мшїи тѣлеса̀ ва́ша . на сꙋди́щи бо врага̀ ѡ҆бличи́сте , и҆ хрⷭ҇та̀ со дерзнᲂве́нїемъ прᲂпᲂвѣ́дасте . тᲂго̀ ꙗ҆́кѡ бл҃га мᲂли́те , спасти́сѧ мо́лимсѧ дш҃а́мъ на́шимъ . =сла́ва , и҆ ны́нѣ , боⷢ҇ . Бжⷭ҇твеннагѡ є҆стества̀ ѻ҆́бщницы бы́хᲂмъ , тᲂбо́ю бцⷣе прⷭ҇нѡ дв҃о , бг҃а бо на́мъ вᲂплᲂще́нна рᲂдила̀ є҆сѝ . тѣ́мже тѧ̀ по́дᲂлгꙋ всѝ бл҃гᲂче́стнѡ велича́емъ .

по г҃ , стихᲂло́гїи . сѣда́ленъ , гла́съ , в҃ . И҆́же свѣти́ла свѣ́тлаѧ , ст҃ы́ѧ свᲂѧ̀ ᲂу҆чн҃кѝ сло́ве , в̾ ми́ръ пᲂсла́въ , и҆ прᲂсвѣти́лъ є҆сѝ пᲂд̾сл҃нечнꙋю , тмы̀ неразꙋ́мїѧ и҆збавлѧ́ѧ всѣ́хъ чл҃къ . тѣ́хъ мл҃твами прⷭ҇нѡ ᲂу҆мᲂле́нъ быва́ѧ , ю҆́же во тмѣ̀ дш҃ꙋ мᲂю̀ прᲂсвѣтѝ чл҃кᲂлю́бче , и҆ спаси́ мѧ . сла́ва , и҆ ны́нѣ , боⷢ҇ . Неи҆скꙋсᲂбра́чнаѧ пречⷭ҇таѧ , ст҃а́ѧ бцⷣе без̾невѣ́стнаѧ , сн҃а свᲂегѡ̀ , є҆го́же па́че є҆стества̀ пло́тїю рᲂдила̀ є҆сѝ , со а҆пⷭ҇лы прⷭ҇нѡ мᲂлѝ , сᲂгрѣше́нїемъ прᲂще́нїе , и҆ житїю̀ и҆справле́нїе , и҆ стрⷭ҇те́мъ премѣне́нїе дарᲂва́ти , всѣ́мъ пᲂю́щимъ тѧ̀ .

Кано́нъ ст҃ы́мъ а҆пⷭ҇лᲂмъ . твᲂре́нїе ѳео́фанᲂво . гла́съ , в҃ . пѣ́снь , а҃ . і҆рмо́съ . Во глꙋбинѣ̀ пᲂтᲂпѝ дре́вле , фараѡни́тскаѧ всѧ̀ во́инства , преѡ҆рꙋже́нꙋ си́лꙋ . вᲂпло́щшеєсѧ сло́во , преспѣ́ющїѧ грѣхѝ пᲂтреби́ло є҆́сть , пресла́вныи гдⷭ҇ь , ꙗ҆́кѡ прᲂсла́висѧ . запѣ́въ : ст҃і́и а҆пⷭ҇ли , мᲂли́те бг҃а ѡ҆ на́съ . Свѣ́та бжⷭ҇твенагѡ мо́лнїѧ вѣ́рᲂю бы́вше , свѣтᲂви́днїи сп҃сᲂвы а҆пⷭ҇ли , всего́ мѧ прᲂсвѣти́те , ѡ҆мрача́ема сласте́й че́рнᲂстїю , и҆ в̾ лѣ́нᲂсти всѐ мᲂѐ житїѐ прᲂше́дша . двⷤа . Оу҆ченицы̀ и҆ дрꙋ́зи хрⷭ҇то́вы , дрꙋ́га мѧ бы́вша врагꙋ̀ , ѕѡ́лъ ра́ди присвᲂе́нїѧ , приближе́нїемъ же к̾ немꙋ̀ и҆збавлѧ́йте , спᲂдви́жꙋще мᲂю̀ дш҃ꙋ к̾ любвѝ , и҆́же вᲂзлюби́вшаго ро́дъ чл҃чь , бл҃гᲂсты́ни ра́ди . Смире́наѧ дш҃е мᲂѧ̀ , пре́же сме́рти пᲂтщи́сѧ пᲂка́ѧтисѧ , и҆ себѐ ᲂу҆мерщве́нꙋ пла́чи . ꙗ҆́кѡ да и҆́же ла́зарѧ четверᲂдне́внаго вᲂскр҃си́выи ꙗ҆́кѡ млрⷭ҇дъ , и҆ тебѐ вᲂскреси́тъ а҆пⷭ҇лъ мᲂльба́ми .= боⷢ҇ . Б=л҃га́го ро́ждьши бг҃а пречⷭ҇таѧ , всѣ́хъ ᲂу҆блажа́ющаго , тᲂго̀ мᲂлѝ пренепᲂро́чнаѧ , со прᲂро́ки , и҆ с̾ мч҃нки , и҆ со а҆пⷭ҇лы , и҆́же тлѣ́нїемъ ѡ҆ѕло́бленыѧ , и҆зба́вити всѣ́хъ ѿ напа́стей .

Дрꙋгі́и кано́нъ , ст҃о́мꙋ и҆ вели́кᲂмꙋ чꙋдᲂтво́рцꙋ мирᲂтᲂчи́вᲂмꙋ нико́лѣ . є҆мꙋ́же краегране́сїе , си́це . мᲂльбꙋ̀ любе́знѡ нико́лае прїимѝ , твᲂре́нїе і҆ѡ́сифᲂво . і҆рмо́съ . Грѧди́те лю́дїє . запѣ́въ : ст҃лю хрⷭ҇то́въ нико́лае , мᲂлѝ бг҃а ѡ҆ на́съ . Всегда̀ бжⷭ҇твеннᲂмꙋ прⷭ҇то́лꙋ бл҃гᲂда́ти , пред̾стᲂѧ̀ нико́лае , бл҃гᲂда́ть и҆ млⷭ҇ть дарᲂва́ти мᲂли́сѧ , и҆́же тебѐ призыва́ющимъ вѣ́рᲂю , рабо́мъ твᲂи́мъ . На землѝ вели́ка пред̾ста́телѧ , тѧ̀ пᲂказа̀ бг҃ъ бѣ́дствꙋющимъ . тѣ́мже ми пред̾ста́ни в̾ но́щи и҆ во́ дни , сᲂхранѧ́ѧ мѧ ѿ сᲂбла́знъ бᲂрца̀ . Ꙗ҆́кᲂже дневнꙋ́ю ѕвѣздꙋ̀ ᲂу҆вѣ́дѣвъ тѧ , твᲂи́ми свѣтᲂза́рными лꙋча́ми , тмы̀ да и҆зба́влюсѧ и҆скꙋше́нїи , и҆ бѣ́дъ и҆ всѧ́кᲂгѡ грѣха̀ , ѻ҆́ч҃е нико́лае . боⷢ҇ . Тѣле́сныхъ бᲂлѣ́зней и҆зба́ви мѧ , и҆ дш҃и мᲂе́й и҆сцѣлѝ недᲂвѣ́дᲂмыѧ стрꙋ́пы , и҆ ѻ҆гнѧ̀ вѣ́чнагѡ и҆схи́ти мѧ , є҆ди́на бг҃ᲂбл҃гᲂда́тнаѧ .

пѣ́снь , г҃ . і҆рмо́съ . Прᲂцвѣла̀ є҆́сть пꙋсты́нѧ ꙗ҆́кѡ кри́нъ гдⷭ҇и , ꙗ҆зы́чнаѧ неплᲂдѧ́щаѧ цр҃кви прише́ствїемъ ти , ѡ҆ не́й же ᲂу҆тверди́сѧ мᲂѐ срⷣце . Оу҆чи́телѧ стѧжа́вше ст҃і́и , премꙋ́дрᲂсть ѻ҆́ч҃ꙋю дх҃ᲂмъ . є҆́ллинскꙋю ѡ҆бꙋи́ша премꙋ́дрᲂсть , бг҃ᲂви́дцы дᲂстᲂсла́внїи .= двⷤа .= Непло́дїе дш҃и мᲂеѧ̀ разрѣши́те всехва́льнїи , и҆ бл҃гᲂча́дїе дѣѧ́нїи , в̾ дᲂбрᲂдѣ́телехъ принᲂси́ти сᲂтвᲂри́те , ꙗ҆́кѡ сло́вꙋ самᲂви́дцы дᲂстᲂбл҃же́ннїи . Лю́тѣ мѧ ᲂу҆ѧде́на , ꙗ҆дᲂви́тымъ ᲂу҆грызе́нїемъ врага̀ , и҆сцѣлѝ мᲂльба́ми а҆пⷭ҇лъ твᲂи́хъ , бл҃гᲂда́телю всѣ́хъ мнᲂгᲂми́лᲂстиве . боⷢ҇ . Бг҃а пребл҃га́гѡ ᲂу҆мᲂлѝ пречⷭ҇таѧ , со а҆пⷭ҇лы всѣ́ми , ѿ всѧ́кᲂгѡ вре́да и҆ ѡ҆бстᲂѧ́нїѧ и҆ бѣ́дъ , и҆зба́витисѧ чтꙋ́щимъ тѧ̀ .

и҆́нъ , і҆рмо́съ . Оу҆твердѝ на́съ сᲂбо́ю гдⷭ҇и . И҆сцѣле́нїемъ и҆сто́чникъ сы́и ст҃е , стра́сти ᲂу҆врачꙋ́й дш҃и мᲂе́й . и҆ жи́знь мᲂю̀ сᲂблюдѝ , невре́дна мѧ сᲂхранѧ́ѧ раба̀ твᲂегѡ̀ . Оу҆ма̀ мᲂегѡ̀ пᲂбѣжде́нїе и҆справлѧ́ѧ , ѿ вре́да ви́димыхъ и҆ неви́димыхъ , бᲂрю́щихъ мѧ спаса́й , ꙗ҆́кѡ пред̾ста́тель мо́й вели́кїи нико́лае . И҆́же є҆ди́нъ бл҃гі́и , тѧ̀ бл҃га застꙋ́пника чл҃кѡмъ дадѐ бл҃же́нне . сегѡ̀ ра́ди мᲂлю́ тѧ , ѿ всѧ́кихъ мѧ ѕѡ́лъ свᲂбᲂдѝ . боⷢ҇ . Крѣ́пᲂсть мᲂѧ̀ и҆ ра́дᲂсть и҆ весе́лїе , и҆ стѣна̀ тве́рдаѧ и҆ пред̾ста́тельница , ты̀ є҆сѝ всенепᲂро́чнаѧ , и҆скꙋше́нїи и҆ бѣ́дъ и҆збавлѧ́ющи мѧ .

пѣ́снь , д҃ . і҆рмо́съ . Прише́ствᲂвавъ ѿ дв҃ы , ни хᲂда́тай ни а҆́нг҃лъ , но ты̀ са́мъ гдⷭ҇и вᲂпло́щьсѧ , и҆ спасѐ всего́ мѧ чл҃ка , тѣ́мъ вᲂпїю́ ти , сла́ва си́лѣ твᲂе́й . А҆́лчꙋща мѧ всегда̀ , и҆ гла́дᲂмъ и҆ста́ема , спасе́нїѧ снѣ́дьми насы́ти , є҆ди́не чл҃кᲂлю́бче , бжⷭ҇твеными мᲂльба́ми а҆пⷭ҇лъ , и҆́же во все́мъ ми́рѣ прᲂпᲂвѣ́давшихъ тѧ̀ . двⷤа . На́ мᲂре мирско́е наве́лъ є҆сѝ всѣ́хъ , ꙗ҆́кѡ кᲂнѝ чл҃кᲂлю́бче , сла́вныѧ а҆пⷭ҇лы свᲂѧ̀ , тᲂго̀ вᲂз̾мꙋща́юща сла́вныѧ невѣ́рствїѧ , го́рькїѧ во́ды . Сл҃нца хрⷭ҇та̀ , сꙋ́щимъ во тмѣ̀ вᲂз̾вѣсти́вше . во тмѣ́ мѧ лежа́ща грѣхо́внѣй прᲂсвѣти́те а҆пⷭ҇ли прехва́льнїи , вᲂз̾бранѧ́юще лꙋка́вымъ пᲂмысло́мъ се́рдца мᲂегѡ̀ . боⷢ҇ . Всепѣ́таѧ , ꙗ҆́же бг҃а препѣ́таго пᲂрᲂдѝ , ѡ҆ пᲂю́щихъ тѧ̀ со а҆пⷭ҇лы мᲂлѝ , ꙗ҆́кѡ да и҆зба́вимсѧ ѿ грѣ́хъ и҆ бѣ́дъ , и҆ ѡ҆ѕлᲂбле́нїѧ .

и҆́нъ , і҆рмо́съ . Пᲂю́ тѧ слꙋ́хᲂмъ бо . Оу҆краси́въ прⷭ҇то́лъ дᲂбрᲂдѣ́тельми нико́лае , ᲂу҆краше́нїе ꙗ҆ви́лсѧ є҆сѝ ст҃лемъ чⷭ҇тно́е . тѣ́мже тѧ̀ мᲂлю̀ , нелѣ́пᲂтꙋ дш҃и мᲂе́й ᲂу҆красѝ , и҆ ѿ мирски́хъ сᲂбла́знъ спаси́ мѧ . Стезю̀ ꙗ҆́же та́мѡ ведꙋ́щꙋю , ᲂу҆гла́ди ми пребл҃же́нне , жите́йскихъ во́лнъ ѡ҆блегчи́ мѧ . и҆ к̾ приста́нищꙋ жи́зни вᲂз̾ведѝ нико́лае , и҆́же ѿ тебѐ пред̾ста́телѧ вели́каго ѡ҆бᲂгати́вшасѧ . Гл҃ъ бжⷭ҇твеныхъ пᲂслꙋ́шателю , ᲂу҆слы́шавъ ми гл҃ы , и҆зба́ви мѧ ѿ бѣсо́вскихъ сᲂбла́знъ , и҆ без̾зако́нныхъ мꙋже́й , и҆ всѧ́кихъ ѡ҆бстᲂѧ́нїи нахᲂдѧ́щихъ , вели́кїи нико́лае . боⷢ҇ . Ста́ѧ бцⷣе влⷣчце , в̾ но́щи мѧ и҆ во́ дни ѡ҆ст҃ѝ и҆ сᲂхранѝ , и҆ наста́ви ко спасе́нїю , мно́гими грѣхѝ па́дающа , и҆ прило́гми бѣсо́вскими низрѣ́ема .

пѣ́снь , є҃ . і҆рмо́с̾ . Хᲂда́тай бг҃ꙋ и҆ чл҃кᲂмъ бы́сть хрⷭ҇тѐ бж҃е , тᲂбо́ю бо влⷣко к̾ свѣтᲂнача́льникꙋ ѻ҆ц҃ꙋ ти , ѿ́ нᲂщи невѣ́дѣнїѧ приведе́нїе ѡ҆брѣто́хᲂмъ . Вели́кїи па́стырь , пᲂсредѝ вᲂлко́въ пᲂсла̀ ꙗ҆́кѡ ѻ҆́вцы , бжⷭ҇твеныѧ ᲂу҆чн҃кѝ свᲂѧ̀ , тѣ́хъ претвᲂрѧ́юща бж҃їею си́лᲂю креще́нїѧ , и҆ дᲂбро́тᲂю слᲂве́съ . вⷤ . Бжⷭ҇твенымъ свѣ́тᲂмъ , ꙗ҆́же во тмѣ̀ пре́лести прᲂсвѣти́сте а҆пⷭ҇ли срⷣца̀ . тѣ́мже мᲂлю́ вы , ѡ҆мраче́наго мѧ сластьмѝ дш҃етлѣ́нными , прᲂсвѣти́те бл҃же́ннїи . Ѡ҆каѧ́ннаѧ дш҃е , пре́жде кᲂнца̀ пᲂтщи́сѧ и҆ пᲂка́йсѧ , гдⷭ҇ви зᲂвꙋ́щи , сᲂгрѣши́хъ ти влⷣко прᲂстѝ а҆пⷭ҇лъ ра́ди , и҆ спаси́ мѧ ꙗ҆́кѡ милᲂсе́рдъ . боⷢ҇ . Свѣ́тᲂмъ твᲂи́мъ ѡ҆зарѝ , и҆́же во тмѣ̀ лежа́ща мѧ , свѣ́тꙋ жили́ще , и҆ со а҆пⷭ҇лы мᲂли́сѧ пренепᲂро́чнаѧ , ѿ всѧ́кїѧ нꙋ́жи и҆зба́вити мѧ̀ .

и҆́нъ , і҆рмо́съ . Свѣ́та пᲂда́телю . Зако́нꙋ бж҃їю и҆спо́лнителю , мᲂлѝ бл҃га́го бг҃а , зако́ны бжⷭ҇твеныѧ мѝ сᲂблюда́ти , и҆ без̾зако́ннꙋющихъ вра́гъ и҆зми́ мѧ , и҆ бѣсо́вскагѡ вре́да , всебл҃же́нне нико́лае . Ꙗ҆́кᲂже дре́вле пред̾ста́въ ст҃е , и҆збавлѧ́ѧ ю҆́нᲂшы трѝ , си́це и҆ менѐ ѿ всѧ́кᲂгѡ грѣха̀ и҆зба́ви , твᲂи́ми к̾ бг҃ꙋ мл҃твами , бг҃ᲂмꙋ́дре нико́лае . Сщ҃еннᲂдѣ́телю хрⷭ҇то́въ , грѣ́шникѡмъ и҆спᲂрꙋ́чниче , вели́кїи чꙋдᲂтво́рче , бл҃гᲂда́вца мᲂлѝ бг҃а , да непᲂсрами́тъ менѐ в̾ ча́съ сꙋ́дныи . боⷢ҇ . Гдⷭ҇ᲂрᲂди́тельница чи́стаѧ , ѡ҆блада́ема мѧ мно́гими страстьмѝ , ꙗ҆́кѡ бл҃га пред̾ста́въ и҆зба́ви ѿ си́хъ , ꙗ҆́кѡ да тѧ̀ вᲂспѣва́ю дш҃е́ю и҆ срⷣцемъ и҆ ѧ҆зы́кᲂмъ , спаса́емь .

пѣ́снь , ѕ҃ . і҆рмо́съ . Въ бе́зднѣ грѣхо́внѣй ѡ҆держи́мъ , неи҆зслѣ́днꙋю млрⷭ҇дїѧ твᲂегѡ̀ призыва́ю бе́зднꙋ , ѿ тлѝ бж҃е мѧ вᲂз̾ведѝ . И҆́же во́дꙋ живо́тнꙋю нᲂсѧ́ще , та́емꙋю дш҃ꙋ мᲂю̀ зно́емъ грѣхо́внымъ мᲂлю́сѧ , ᲂу҆чн҃цы̀ сп҃сᲂвы напо́йте . Нб҃са̀ мы́сленаѧ бы́вше , бг҃ᲂза́рнїи а҆пⷭ҇ли , сла́вꙋ бж҃їю и҆спᲂвѣ́дасте неи҆зрече́ннѡ , є҆ѧ́же ᲂу҆лꙋчи́ти на́мъ всѣ́мъ , мᲂли́тесѧ . Въ пꙋчи́нѣ лю́тѣ вᲂлнꙋ́ющїисѧ , к̾ тебѣ̀ хрⷭ҇тѐ и҆́же всѣ́хъ ѡ҆кᲂрми́телю прихᲂжꙋ̀ , ра́ди а҆пⷭ҇лъ твᲂи́хъ , ко спасе́нᲂмꙋ приста́нищꙋ ᲂу҆пра́ви мѧ . боⷢ҇ . Со всѣ́ми вы́шними си́лами , со прᲂро́ки и҆ а҆пⷭ҇лы и҆ с̾ мч҃нки , ѡ҆ на́съ мᲂлѝ сн҃а свᲂегѡ̀ бг҃ᲂневѣ́сто .

и҆́нъ , і҆рмо́съ . то́йже . И҆́же ми́рѧнᲂмъ бы́въ первᲂпрⷭ҇то́льникъ нико́лае , и҆ ѡ҆бл҃гᲂꙋха́лъ є҆сѝ вѣ́рныхъ сᲂставле́нїѧ бл҃ги́ми ти дѣѧ́нїи , ѿ ѕлᲂсмра́дна прегрѣше́нїѧ и҆зба́ви мѧ . Свѣтлѣ́йше сл҃нца стѧжа́въ ѻ҆́ч҃е срⷣце , всего́ мѧ прᲂсвѣтѝ , и҆скꙋше́нїи и҆ скᲂрбе́й , ѿгᲂнѧ̀ тмꙋ̀ нико́лае . Ѿ всѧ́кїѧ и҆зба́ви мѧ тѣснᲂты̀ , прᲂстра́нство ꙗ҆́кѡ и҆мѣ́ѧ ми́лᲂсти нико́лае , тѣ́снымъ ше́ствᲂвати мѧ ᲂу҆крѣпѝ пꙋте́мъ ко́ гдⷭ҇ꙋ . боⷢ҇ . На всѧ́ко вре́мѧ тебѐ призыва́ю пречи́стаѧ , да ѡ҆брѧ́щꙋ тѧ пᲂмо́щницꙋ , и҆зима́ющꙋ мѧ ѿ всѧ́кᲂгѡ ѡ҆ѕлᲂбле́нїѧ и҆ стра́шныхъ мꙋ́къ .

пѣ́снь , з҃ . і҆рмо́съ . Бг҃ᲂпрᲂти́вно велѣ́нїе без̾зако́ннꙋюща мꙋчи́телѧ , высо́къ пла́мень вᲂз̾несло̀ є҆́сть , хрⷭ҇то́съ же прᲂсте́ръ бг҃ᲂчести́вымъ дѣ́темъ , хла́дъ дх҃о́вныи , сы́и бл҃гᲂслᲂве́нъ и҆ препрᲂсла́вленъ . Ѻ҆гне́мъ бжⷭ҇твенагѡ дх҃а пред̾ѡ҆чи́стившесѧ а҆пⷭ҇ли , пре́лести ᲂу҆́глїе ᲂу҆гаси́сте , бж҃їе же раче́нїе , во ᲂу҆мѣ́хъ всѣ́хъ вѣ́рныхъ вᲂспали́сте , тѣ́мже велегла́снѡ ва́съ чти́мъ . два́жды . Ми́ра вᲂзненави́дѣсте , и҆ ꙗ҆́же в̾ ми́рѣ , хрⷭ҇та̀ вᲂзлюби́сте , в̾ ми́рѣ пло́тїю челᲂвѣ́кѡмъ примѣси́вшасѧ . є҆го́же мᲂли́те бжⷭ҇твенїи а҆пⷭ҇ли , и҆́же в̾ жи́зни мѧ ѿ всѣ́хъ лю́тыхъ свᲂбᲂди́ти . Сꙋдїѐ пра́ведне сердцевѣ́дче , и҆́же є҆ди́нъ сᲂкрᲂве́наѧ вѣ́дыи мᲂѧ̀ сᲂгрѣше́нїѧ , в̾ ча́съ сꙋда̀ не ѡ҆сꙋдѝ менѐ , нижѐ ѿсле́ши мѧ̀ во ѻ҆́гнь , мл҃твами а҆пⷭ҇лъ твᲂи́хъ . боⷢ҇ . Ѻ҆гне́мъ бжⷭ҇тва̀ неѡ҆пали́сѧ , неи҆зрече́ннѡ ро́ждьши дв҃о бра́кꙋ неи҆скꙋ́снаѧ бы́вши . тѣ́мже со а҆пⷭ҇лы мᲂли́сѧ чⷭ҇таѧ , вѣ́чнагѡ мѧ пла́мене свᲂбᲂди́ти , тебѐ блажа́щаго .

и҆́нъ , і҆рмо́с̾ . Тѣ́лꙋ злато́мꙋ . Ѻ҆гню̀ и҆скꙋше́нїи на всѧ́къ де́нь примѣша́юсѧ , ѻ҆́ч҃е нико́лае . пᲂсредѝ сѣ́тей мно́гихъ хᲂжꙋ̀ ꙗ҆́кᲂже пти́ца , пᲂд̾ тво́й ще́дрыи пᲂкро́въ притека́ю , невре́дна мѧ сᲂхранѝ , бл҃га́го мᲂлѧ̀ бг҃а и҆ гдⷭ҇а . Глаго́лъ мᲂи́хъ ᲂу҆слы́шавъ , спѣ́шнѡ ѻ҆́ч҃е нико́лае , пᲂтщи́сѧ прїити́ ми на́ пᲂмᲂщь , ѡ҆бꙋрева́емꙋ скᲂрбьмѝ , и҆ нꙋ́ждами жите́йскими , и҆ бѣсо́вскими ѡ҆ѕлᲂбле́нїи , ꙗ҆́кѡ да спаса́емь пᲂю̀ пред̾ста́тельство твᲂѐ . И҆́же дре́вле ꙗ҆́вльсѧ во снѣ̀ царю̀ , непᲂви́нныѧ и҆мꙋ́щїѧ ᲂу҆́мрети и҆збавлѧ́ѧ , напа́стей мѧ и҆зба́ви нахᲂдѧ́щихъ всегда̀ , и҆ недꙋ́гъ тѣле́сныхъ и҆ дш҃е́вныхъ бᲂлѣ́зней , ѻ҆́ч҃е нико́лае . боⷢ҇ . Тебѐ є҆ди́нꙋ пречⷭ҇таѧ и҆мѣ́ю пᲂмо́щницꙋ , тебѐ написꙋ́ю мнѣ̀ всѣ́хъ житїѧ̀ храни́тельницꙋ , непре́зри менѐ раба̀ твᲂегѡ̀ , є҆ди́на пред̾ста́тельнице ми́рꙋ , но спаси́ мѧ пᲂю́ща , блгⷭ҇ве́нъ бг҃ъ ѻ҆ц҃ъ на́шихъ .

пѣ́снь , и҃ . і҆рмо́съ . Пе́щь ѻ҆́гненна и҆нᲂгда̀ в̾ вавилѡ́нѣ , дѣ́йство раздѣлѧ́ше , бж҃їимъ велѣ́нїемъ халдѣ́и ѡ҆палѧ́ющи , вѣ́рныѧ же прᲂхлажда́ющи пᲂю́ща , бл҃гᲂслᲂви́те всѧ̀ дѣ́ла гдⷭ҇нѧ гдⷭ҇а . Тѣлᲂви́днѡ на ва́съ на́йде , ѻ҆́гненымъ зра́кᲂмъ прест҃ы́и дх҃ъ , сᲂдѣ́ла ꙗ҆́кѡ свѣти́ла , пᲂпалѧ́юща ᲂу҆́бѡ без̾бо́жїе , прᲂсвѣща́юща же всѧ̀ бл҃гᲂче́ствꙋющїѧ , бжⷭ҇твенїи сло́ва а҆пⷭ҇ли .= двⷤа . Страстьмѝ лю́тѣ ѡ҆бꙋрева́емо неи҆спра́вленᲂе срⷣце мᲂѐ , и҆сцѣлѝ ще́дре мᲂлю́сѧ . дш҃ꙋ мᲂю̀ прᲂсвѣтѝ , и҆ ᲂу҆́мъ мо́й прекло́ньшїисѧ в̾ ѕло́бꙋ , напра́ви ᲂу҆чени́къ твᲂи́хъ мᲂльба́ми . Вᲂз̾дыха́й дш҃е мᲂѧ̀ , и҆ слезѝ прилѣ́жнѡ , и҆ себѐ здѣ̀ пла́чи , пре́жде да́же непᲂсти́гнетъ тебѐ пла́чь неᲂу҆тѣ́шимыи . и҆ вᲂзᲂпі́и гдⷭ҇ви , спаси́ мѧ млⷭ҇тиве мл҃твами а҆пⷭ҇лъ твᲂи́хъ . =боⷢ҇ . Пе́щь и҆нᲂгда̀ неѡ҆па́ли дѣ́ти , твᲂѐ ржⷭ҇тво̀ прᲂѡ҆бража́ше дв҃о всенепᲂро́чнаѧ . сегѡ̀ ра́ди мᲂлю́ тѧ , со а҆пⷭ҇лы мᲂли́сѧ , и҆ со всѣ́ми прᲂро́ки , ѻ҆гнѧ̀ гее́нны и҆зба́вити мѧ .

и҆́нъ , і҆рмо́съ . Въ пе́щь ѻ҆́гненнꙋю . Вѧза́ти и҆ рѣша́ти прїе́мъ вла́сть ѿ́ бг҃а , ѻ҆́ч҃е бг҃ᲂмꙋ́дре нико́лае . ѕѡ́лъ мᲂи́хъ сᲂꙋ́зы раз̾рѣшѝ , твᲂи́ми мл҃твами . и҆ бжⷭ҇твенѣй мѧ привѧжѝ любвѝ , и҆́же вᲂчл҃читисѧ вᲂсхᲂтѣ́вшаго влⷣцѣ . Пᲂсѣще́нїемъ си бжⷭ҇твенымъ , во́ дни и҆ в̾ но́щи пᲂсѣща́й мѧ , ᲂу҆глажа́ѧ стезю̀ смире́ннѣй ми дш҃и . и҆ сᲂхранѧ́й мѧ ст҃е нико́лае неᲂу҆ѧ́звена ѿ нахᲂдѧ́щихъ лꙋка́вагѡ сᲂбла́знъ . Рꙋ́кꙋ ми пᲂда́ждь , к̾ бж҃їей по́мᲂщи нико́лае , и҆ сᲂхранѝ ѿ лю́тагѡ вра́жїѧ ча́ѧнїѧ , и҆́же ю҆́нᲂшы и҆нᲂгда̀ сме́рти го́рькїѧ и҆зба́вль , да пᲂчита́ю тѧ̀ ꙗ҆́кѡ бл҃га́гѡ пред̾ста́телѧ . Є҆гда̀ сѧ́деши бж҃е на прⷭ҇то́лѣ стра́шнѣ , сꙋди́ти ми́рꙋ , не вни́ди въ сꙋ́дъ съ рабо́мъ твᲂи́мъ , но ча́сти спᲂдо́би спаса́емыхъ , мᲂли́твами ᲂу҆чени́къ твᲂи́хъ чл҃кᲂлю́бче . боⷢ҇ . Па́че є҆стества̀ твᲂи́мъ ржⷭ҇тво́мъ бг҃ᲂрᲂди́тельнице , вᲂз̾вели́чила є҆сѝ на́съ , ᲂу҆ма́леныхъ вели́кими неи҆з̾че́тными ѕлы́ми . тѣ́мже мо́лимтисѧ пречⷭ҇таѧ , вᲂз̾вели́чи в̾ на́съ бᲂга́тыѧ твᲂѧ̀ ми́лᲂсти . та́же , пѣ́снь бцⷣѣ . вели́читъ дш҃а мᲂѧ̀ гдⷭ҇а .= и҆ =пᲂкло́ны .

пѣ́снь , ѳ҃ . і҆рмо́съ . Без̾нача́льна рᲂди́телѧ сн҃ъ бг҃ъ и҆ гдⷭ҇ь , вᲂпло́щьсѧ ѿ дв҃цы на́мъ ꙗ҆ви́сѧ , ѡ҆мраче́нныѧ прᲂсвѣти́ти , и҆ сᲂбра́ти растᲂче́нныѧ . тѣ́мъ всехва́льнꙋю бцⷣꙋ велича́емъ . А҆пⷭ҇ли сла́внїи , а҆пⷭ҇ли бл҃же́ннїи , ᲂу҆ченицы̀ сп҃сᲂвы , прᲂпᲂвѣ́дницы всемꙋ́дрїи , ѿ всѧ́кᲂго мѧ и҆зба́вите вре́да всѧ́кᲂгѡ гнѣ́ва , всѧ́кᲂгѡ грѣха̀ , всѧ́кᲂгѡ престꙋпле́нїѧ , и҆ раз̾ли́чныхъ напа́стей .= вⷤ . Менѐ ѡ҆сꙋжде́ннаго , менѐ неи҆спра́вленаго , твᲂѧ̀ пᲂвелѣ́нїѧ небре́гша , и҆ бѣсо́вскимъ прельще́нїемъ ᲂу҆мᲂвре́днѡ пᲂслѣ́дᲂвавша , вᲂз̾вратѝ гдⷭ҇и , мл҃твами а҆пⷭ҇лъ твᲂи́хъ . Дш҃ꙋ не и҆спра́вленꙋю принᲂшꙋ̀ , и҆ со́вѣсть пᲂгребе́нꙋю вещьмѝ прегрѣше́нїи , и҆ ѡ҆скверне́но срⷣце , и҆ по́мыслъ ѡ҆каѧ́нъ , вᲂпїю́ ти чл҃кᲂлю́бче , а҆пⷭ҇лъ ра́ди ᲂу҆ще́дри мѧ млⷭ҇тїю сѝ . =боⷢ҇ . А҆пⷭ҇ли пречⷭ҇таѧ твᲂегѡ̀ сн҃а прᲂпᲂвѣ́даша во все́мъ ми́рѣ , бг҃а и҆ чл҃ка . тѣ́мже с̾ ни́ми мᲂли́сѧ , во стра́шнᲂмъ днѝ сꙋда̀ и҆зба́витисѧ мꙋ́къ , и҆́же вѣ́рᲂю тебѐ велича́ющимъ .

и҆́нъ , і҆рмо́съ . И҆́же ѿ́ бг҃а бг҃а сло́ва . Сщ҃е́нствꙋ пра́вило , и҆ кро́тᲂсти ѻ҆́бразъ , вѣ́мъ тѧ нико́лае мꙋ́дре , на мѧ̀ вᲂста́ющꙋю бꙋ́рю по всѧ̀ днѝ , страсте́й и҆ бѣ́дъ , ᲂу҆крᲂтѝ мл҃твами сѝ . и҆ сᲂблюди́ мѧ невреже́на , сщ҃е́ннѣйшїи ѻ҆́ч҃е . Ꙗ҆́кѡ сщ҃е́ннѣйшїи сᲂсꙋ́дъ прїѧ́тенъ , бжⷭ҇твенагѡ ми́ра , млⷭ҇тивно и҆злїѧ́вшагᲂсѧ на́ землю , всѣ́хъ на́мъ ѡ҆бл҃гᲂꙋха́й срⷣца̀ , ми́рѧнᲂмъ бы́въ мꙋ́дре первᲂст҃ль , и҆скꙋше́нїѧ ѕлᲂво́нїе ѿгᲂнѧ̀ мл҃твами сѝ . Ты̀ мᲂю̀ ᲂу҆тѣ́ши ѻ҆́ч҃е дш҃ꙋ , неви́димо мно́жествᲂмъ ѡ҆ѕло́бленꙋю лю́тѣ . ты̀ без̾мѣ́рнаѧ ми ᲂу҆крᲂтѝ и҆скꙋше́нїѧ , ꙗ҆́же льсти́выи пᲂдви́жетъ ми во́ дни и҆ в̾ но́щи , бл҃гъ мнѣ̀ пред̾ста́тель ꙗ҆влѧ́ѧсѧ нико́лае . Стра́шныи влⷣчнїи дн҃ь , при две́рехъ приближа́етсѧ , что̀ сᲂтвᲂри́ши ѽ дш҃е , грѣхо́въ мно́жество и҆мꙋ́щи , пᲂтщи́сѧ ᲂу҆́бѡ пре́жде кᲂнца̀ , и҆ вᲂзᲂпі́й гдⷭ҇ви прилѣ́жнѡ , мл҃твами нико́лы ст҃лѧ твᲂегѡ̀ спаси́ мѧ . боⷢ҇ . Пᲂщади́ мѧ гдⷭ҇и пᲂщадѝ , є҆гда̀ хо́щеши сꙋди́ти , и҆ не ѡ҆сꙋдѝ менѐ во ѻ҆́гнь , нижѐ ꙗ҆́рᲂстїю твᲂе́ю ѡ҆бличѝ менѐ , мо́литъ тѧ дв҃аѧ ро́ждьшаѧ тѧ хрⷭ҇тѐ , и҆ а҆́нг҃лъ мно́жество , и҆ сла́вныи нико́лае .

та́же , дᲂсто́йнѡ є҆́сть . и҆ пᲂкло́нъ до землѝ . та́же , є҆ктенїѧ̀ ма́лаѧ . и҆ свѣти́ленъ . и҆ ѱалмы̀ ѡ҆бы́чны .

на стихо́внѣ , стихѣ́ры , а҆пⷭ҇льски . гла́съ , в҃ . Вᲂзвели́чилъ є҆сѝ сп҃се по вселе́ннѣй , верхо́вныхъ а҆пⷭ҇лъ и҆мена̀ , навыко́ша бо нбⷭ҇нымъ и҆ неи҆зрече́ннаѧ , да́ша земны́мъ и҆сцѣле́нїѧ , и҆ сѣ́ни и҆́хъ є҆ди́ны , недꙋ́ги ᲂу҆врачева́хꙋ . и҆́бо ѿ ры́барей чꙋ́до твᲂрѧ́ще , и҆ и҆́же ѿ і҆ꙋде́й бг҃ᲂсло́вѧще бл҃гᲂда́ти ᲂу҆че́нїѧ . и҆́хже ра́ди милᲂсе́рде , да́ждь на́мъ ве́лїю млⷭ҇ть .

сти́хъ : и҆спо́лнихᲂмсѧ за ᲂу҆́тра . И҆́же ѿ не пра́ведныхъ дѣѧ́нїи всегда̀ бᲂри́мїи , и҆ к̾ тебѣ̀ прибѣга́юще вᲂи́стинꙋ сꙋ́щемꙋ бг҃ꙋ , гла́съ твᲂи́хъ ᲂу҆чени́къ прино́симъ ти , гл҃юще , спаси́ ны наста́вниче пᲂгиба́емъ , пᲂкажѝ и҆ ны́нѣ враго́мъ на́шимъ , мо́лимсѧ , ꙗ҆́кѡ пᲂкрыва́еши лю́ди , и҆ спаса́еши ѿ бѣ́дъ . мл҃твами а҆пⷭ҇лъ презира́ѧ грѣхѝ , за мно́гꙋю бл҃гᲂсты́ню гдⷭ҇и .

сти́хъ : и҆ бꙋ́ди свѣ́тлᲂсть . мⷱ҇ꙋ . Ст҃ы́хъ твᲂи́хъ мно́жество , мо́литъ тѧ̀ хрⷭ҇тѐ , пᲂми́лꙋй и҆ спасѝ на́съ , ꙗ҆́кѡ чл҃кᲂлю́бецъ . сла́ва , и҆ ны́нѣ , боⷢ҇ . Всѐ ᲂу҆пᲂва́нїе мᲂѐ , на тѧ̀ вᲂз̾лага́ю мт҃и бж҃їѧ , сᲂхрани́ мѧ во свᲂе́мъ си кро́вѣ .

та́же , бл҃го є҆́сть и҆спᲂвѣ́датисѧ . трⷭ҇то́е , и҆ по ѻ҆́ч҃е на́шъ . трᲂпа́рь , ст҃о́мꙋ .= сла́ва , и҆ нн҃ѣ , боⷢ҇ . во́гласъ трᲂпарѧ̀ . пᲂсе́мъ , є҆ктенїѧ̀ . и҆ ча́съ , а҃ . =и҆ ѿпꙋ́стъ .

Въ четверто́къ , бл҃же́нны . гла́съ , в҃ .

Гла́съ ти прино́симъ разбо́йничь , и҆ мо́лимсѧ , пᲂмѧнѝ на́съ гдⷭ҇и во црⷭ҇твїи свᲂе́мъ .

бл҃же́ни и҆згна́ни пра́вды ра́ди ,꙳ ꙗ҆́кѡ тѣ́хъ є҆́сть црⷭ҇тво нбⷭ҇нᲂе . Мирскі́ѧ кᲂнцы̀ прᲂше́дше а҆пⷭ҇ли , ѿ тмы̀ пре́лести и҆ ѕлᲂче́стїѧ , чл҃ки и҆зба́вили є҆стѐ премꙋ́дрїи .

бл҃же́ни є҆стѐ є҆гда̀ пᲂно́сѧтъ ва́мъ , и҆ и҆зженꙋ́тъ вы̀ , и҆ рекꙋ́тъ всѧ́къ ѕо́лъ гл҃ъ ,꙳ на вы̀ лжꙋ́ще менѐ ра́ди . Мре́жею бл҃гᲂда́тнᲂю , и҆з̾ глꙋбины̀ сꙋ́етства , всѣ́хъ чл҃къ ᲂу҆ченицы̀ сп҃сᲂвы мꙋ́дрѣ вᲂзвелѝ є҆стѐ .

ра́дꙋйтесѧ и҆ весели́тесѧ ,꙳ ꙗ҆́кѡ мзда̀ ва́ша мно́га на́ нб҃сѣхъ . И҆́же тече́нїе скᲂнча́вшїѧ и҆ вѣ́рꙋ сᲂблю́дшїѧ , мꙋ́ченики гдⷭ҇ни сᲂгла́снѡ вѣ́рнїи вᲂспᲂе́мъ .

сла́ва . Равнᲂдѣ́тельна , рᲂди́телю сн҃а , со́ дх҃ᲂмъ прᲂпᲂвѣ́давше . вᲂспᲂе́мъ трⷪ҇цꙋ несᲂзда́ннꙋю .

и҆ ны́нѣ . А҆пⷭ҇лѡмъ пᲂхвала̀ , страда́льцевъ ᲂу҆дᲂбре́нїе , ты̀ є҆сѝ пречи́стаѧ дв҃о , и҆ ми́рꙋ спасе́нїе .