Се́й ѱл҃о́мъ дв҃дᲂвъ , ѡ҆со́бь пи́санъ , и҆ внѣ̀ числа̀ , внегда̀ є҆ди́нъ бра́сѧ , ᲂу҆би́ти гᲂлїа́фа .

Ма́лъ бѣ́хъ въ бра́тїи мᲂе́й , и҆ ю҆нѣ́йшїи в̾ дᲂмꙋ̀ ѻ҆ц҃а мᲂегѡ̀ , пасѧ́хъ ѻ҆́вцы ѻ҆ц҃а мᲂегѡ̀ . Рꙋ́цѣ мᲂѝ сᲂтвᲂри́ша ѻ҆рга́нъ , и҆ пе́рсты мᲂѝ сᲂста́виша ѱалты́рь . и҆ кто̀ вᲂз̾вѣсти́тъ гдⷭ҇ви мᲂемꙋ̀ ; са́мъ гдⷭ҇ь , са́мъ ᲂу҆слы́ша . Са́мъ пᲂсла̀ а҆́нг҃ла свᲂегѡ̀ , и҆ и҆зѧ́тъ мѧ ѿ па́ствъ ѻ҆́вчихъ ѻ҆ц҃а мᲂегѡ̀ . и҆ пᲂма́за мѧ є҆ле́ѡмъ пᲂма́занїѧ свᲂегѡ̀ . Бра́тїѧ мᲂѧ̀ дᲂбрѝ и҆ вели́цы , и҆ не бл҃гᲂвᲂлѝ в̾  ни́хъ гдⷭ҇ь . И҆зыдо́хъ въ стрѣ́тенїе и҆нᲂплеме́нникꙋ , и҆ прᲂклѧ́тъ мѧ и҆́дᲂлы свᲂи́ми . А҆́зъ же и҆сто́ргъ ме́чь ѿ негѡ̀ , и҆ ѡ҆безгла́вихъ є҆гѡ̀ , и҆ ѿѧ́хъ пᲂнᲂше́нїе ѿ сыно́въ і҆зра́илевъ .