24 февраля: обретение честныя главы Иоанна Предтечи

МЦⷭ҇А ТОГО́ЖЕ ВЪ К҃Д ДН҃Ь

Ѻ҆брѣ́тенїе чⷭ҇тны́ѧ главы̀ , ст҃а́гѡ и҆ сла́внагѡ пррⷪ҇ка и҆ прⷣтчи крⷭ҇тлѧ і҆ѡа́нна . =Ве́черъ , пᲂе́мъ , бл҃же́нъ мꙋ́жь , а҃ , а҆нтифо́нъ . На гдⷭ҇и вᲂзва́хъ , стихѣ́ры , ст҃о́мꙋ , на́ ѕ҃ . гла́съ , а҃ . поⷣ . нбⷭ҇нымъ чино́мъ . Прїиди́те , тᲂржество̀ бжⷭ҇твеннᲂе свѣ́тлѡ сᲂверша́емъ .꙳ свѣ́та бо свѣти́льникъ ,꙳ гла́съ же сло́ва , дрꙋ́гъ женихо́въ ,꙳ вели́кїи свѣти́льникъ и҆́стинѣ ꙗ҆́вльсѧ ,꙳ крⷭ҇тль гдⷭ҇нь ,꙳ пᲂказа́въ на́мъ ст҃ы́и ве́рхъ сво́й . Ѻ҆блꙋднѣ́мъ без̾зако́нїи , и҆́рᲂдᲂвѣхъ дѣѧ́нїи ,꙳ прелюбᲂдѣѧ́нїи скве́рнства , без̾зако́ннꙋюща ѡ҆бличи́лъ є҆сѝ .꙳ ꙗ҆́кѡ прᲂпᲂвѣ́дникъ чистᲂтѣ̀ ,꙳ во главꙋ̀ ᲂу҆сѣ́ченъ бы́сть прⷣтче .꙳ є҆ѧ́же ра́ди бл҃гᲂда́тїю бжⷭ҇твеннᲂю чꙋдᲂдѣ́йствꙋѧ ,꙳ вѣ́рнымъ ны́нѣ ѿкры́лъ є҆сѝ . Ꙗ҆́кᲂже бг҃ᲂто́чныи бл҃гᲂда́темъ и҆сто́чникъ ,꙳ ѿ землены́хъ нѣ́дръ и҆стека́ющъ чꙋдесе́мъ .꙳ главꙋ̀ прⷣтчевꙋ ,꙳ ꙗ҆́кѡ сᲂкро́вище дарᲂва́нїемъ прїе́мше ,꙳ ѿ́ бг҃а ꙗ҆́вльшꙋюсѧ ,꙳ ра́дᲂстнѡ вᲂсхва́лимъ празднᲂлю́бцы . =сла́ва . гла́съ , ѕ҃ . Сᲂкро́вище бжⷭ҇твенныхъ даро́въ , бг҃ᲂхрани́маѧ глава̀ твᲂѧ̀ прⷣтче , ѿ землены́хъ нѣ́дръ вᲂсїѧ̀ . ю҆́же мы̀ вѣ́рнѡ прїе́млюще , и҆ пᲂкланѧ́ющесѧ сла́вне ѡ҆бᲂгаща́емсѧ тебѐ ра́ди хрⷭ҇то́въ крⷭ҇тлю , чꙋдесы̀ пресла́вными . и҆ сᲂгрѣше́нїемъ прᲂще́нїе прїе́млюще . и҆ ны́нѣ , боⷢ҇ . Кто̀ тебѐ небл҃жи́тъ . та́же , вы́хᲂдъ . прᲂки́менъ , дню̀ .

Ѿ= пррⷪ҇чества и҆са́ина , чте́нїе .=

Та́кѡ гл҃етъ гдⷭ҇ь , мᲂли́тесѧ мᲂли́тесѧ лю́демъ мᲂи́мъ , гл҃етъ бг҃ъ . сщ҃е́нницы гл҃ите в̾ срⷣцѣ і҆єрⷭ҇ли́мꙋ . ᲂу҆мᲂли́те є҆гѡ̀ , ꙗ҆́кѡ ᲂу҆мно́жисѧ смире́нїе є҆гѡ̀ . разрѣши́бᲂсѧ грѣ́хъ є҆гѡ̀ , ꙗ҆́кѡ прїѧ́тъ и҆з̾ рꙋкѝ гдⷭ҇ни , сꙋгꙋ́баѧ сᲂгрѣше́нїѧ свᲂѧ̀ . гла́съ вᲂпїю́щагѡ в̾ пꙋсты́ни , ᲂу҆гᲂто́вайте пꙋ́ть гдⷭ҇нь , пра́вы сᲂтвᲂри́те стезѝ бг҃ꙋ на́шемꙋ . на́ гᲂрꙋ высо́кꙋ взы́ди , бл҃гᲂвѣствꙋ́ѧй сїѡ́нꙋ , вᲂзвыша́й крѣ́пᲂстїю гла́съ сво́й , бл҃гᲂвѣствꙋ́ѧи і҆єрⷭ҇ли́мꙋ , вᲂзнеси́те небо́йтесѧ . а҆́зъ гдⷭ҇ь бг҃ъ , а҆́зъ ᲂу҆слы́шꙋ ᲂу҆бо́гихъ і҆и҃левъ , и҆ не ѡ҆ста́влю тѣ́хъ . но ѿве́рзꙋ ѿ го́ръ рѣ́ки , и҆ пᲂсредѝ по́лѧ и҆сто́чники . сᲂтвᲂрю̀ пꙋсты́ню в̾ лꙋ́гъ , и҆ жа́ждꙋщꙋю зе́млю во и҆сто́чники вᲂдны́ѧ . вᲂзвесели́тесѧ нб҃са̀ свы́ше , и҆ ѻ҆́блацы да крᲂпѧ́тъ пра́вдꙋ . да вᲂсїѧ́етъ землѧ̀ , и҆ да прᲂзѧ́бнетъ млⷭ҇ть , и҆ пра́вдꙋ да вᲂсїѧ́етъ вкꙋ́пѣ . гла́съ весе́лїѧ вᲂз̾вѣсти́те , и҆ ᲂу҆слы́шано да бꙋ́детъ . вᲂз̾вѣсти́те да́же до кᲂне́цъ землѝ . гл҃ите , ꙗ҆́кѡ и҆зба́ви гдⷭ҇ь раба̀ свᲂегѡ̀ і҆а́кѡва . и҆ а҆́ще вжа́ждꙋтъ в̾ пꙋсты́ни , и҆стᲂчи́тъ и҆́мъ во́дꙋ и҆з̾ ка́мене . вᲂзвесели́сѧ непло́ды неражда́ющаѧ , расто́ргни и҆ вᲂзᲂпі́й небᲂлѣ́вшаѧ , ꙗ҆́кѡ мно́га ча́да пꙋсты́ѧ па́че , не́жели и҆мꙋ́щїѧ мꙋ́жа .

Ѿ= пррⷪ҇чества малахі́ина , чте́нїе .=

Та́кѡ гл҃етъ гдⷭ҇ь вседержи́тель , сѐ а҆́зъ пᲂсыла́ю а҆́гг҃ла мᲂегѡ̀ пред̾ лице́мъ твᲂи́мъ , и҆́же ᲂу҆гᲂто́витъ пꙋ́ть тво́й пред̾ тᲂбо́ю . и҆ прїи́детъ во́ храмъ сво́й гдⷭ҇ь , є҆го́же вы̀ и҆́щете . и҆ кто̀ стерпи́тъ де́нь вхо́да є҆гѡ̀ , зане́же тᲂмꙋ̀ прїитѝ ꙗ҆́кѡ ѻ҆́гнь в̾ гᲂрни́лѣ , и҆ ꙗ҆́кᲂже бы́лїе перꙋ́щихъ . и҆ ѡ҆чи́ститъ пᲂѧда́ѧ и҆ ѡ҆чища́ѧ , ꙗ҆́кѡ сребро̀ и҆ зла́то . и҆ прїи́детъ к̾ на́мъ сꙋдо́мъ , и҆ бꙋ́детъ свидѣ́тель ско́ръ на лꙋка́выѧ , и҆ на прелюбᲂдѣ́ицы , и҆ на кленꙋ́щїѧсѧ и҆́менемъ є҆гѡ̀ во лжꙋ̀ , и҆ на лиша́ющїѧ мзды̀ нае́мника , и҆ на наси́льствꙋющїѧ вдᲂви́цы , и҆ пха́ющїѧ си́рыѧ , и҆ на ᲂу҆кланѧ́ющїѧ сꙋ́дъ прише́льца , и҆ на небᲂѧ́щїѧсѧ є҆гѡ̀ , гл҃етъ гдⷭ҇ь вседержи́тель . занѐ а҆́зъ гдⷭ҇ь бг҃ъ ва́шъ , и҆ неи҆змѣню̀ себѐ . и҆ вы̀ сн҃ᲂве і҆а́кѡвли , ᲂу҆клᲂни́стесѧ ѿ зако́на , и҆ несᲂхрани́сте . сегѡ̀ ра́ди ѡ҆брати́тесѧ ко мнѣ̀ , и҆ ѡ҆бращꙋ́сѧ к̾ ва́мъ , гл҃етъ гдⷭ҇ь вседержи́тель , и҆ ᲂу҆блажа́тъ ва́съ всѝ ꙗ҆зы́цы . и҆ разꙋмѣ́йте ꙗ҆́кѡ а҆́зъ гдⷭ҇ь , сматрѧ́ѧи пᲂсредѝ пра́веднагѡ , и҆ пᲂсредѝ без̾зако́нника в̾ де́нь ѻ҆́нъ , во́ньже сᲂтвᲂрю̀ снабдѣ́нїе лю́бѧщимъ мѧ . пᲂзна́йте ᲂу҆́бѡ и҆ пᲂмѧни́те зако́нъ мѡѷсе́ᲂвъ раба̀ мᲂегѡ̀ , ꙗ҆́кᲂже запᲂвѣ́да ва́мъ в̾ хᲂри́вѣ , ко всемꙋ̀ і҆и҃лю пᲂвелѣ́нїе и҆ ѡ҆правда́нїе . и҆ сѐ а҆́зъ пᲂслю̀ ва́мъ и҆лїю̀ ѳезви́тѧнина , пре́же прїитѝ дню̀ гдⷭ҇ню вели́кᲂмꙋ и҆ прᲂсвѣще́нᲂмꙋ , и҆́же напра́витъ срⷣце ѻ҆ц҃а къ сн҃ꙋ , и҆ срⷣце чл҃ка ко и҆́скренемꙋ свᲂемꙋ̀ , да неприше́дъ пᲂражꙋ̀ зе́млю вско́рѣ . гл҃етъ гдⷭ҇ь вседержи́тель , бг҃ъ ст҃ы́и і҆и҃левъ .

Ѿ= премꙋ́дрᲂсти сᲂло́мᲂни , чте́нїе .=

Пра́ведникъ а҆́ще пᲂсти́гнетъ скᲂнча́тисѧ , в̾ пᲂко́й бꙋ́детъ . ѡ҆сꙋ́дитъ же пра́ведникъ ᲂу҆мира́ѧ , живы́хъ нечести́выхъ . ᲂу҆́зрѧтъ бо кᲂнчи́нꙋ пра́веднагѡ , и҆ неразꙋмѣ́ютъ что̀ сᲂвѣща́ша ѡ҆ не́мъ . ꙗ҆́кѡ пᲂве́ржетъ гдⷭ҇ь тѣ́хъ без̾гла́сны ни́цъ , и҆ пᲂкᲂлѣби́тъ и҆́хъ ѿ ѻ҆снᲂва́нїѧ , да́же до пᲂслѣ́днѧгѡ и҆́зсхнꙋтъ в̾ бᲂлѣ́зни , и҆ па́мѧть и҆́хъ пᲂги́бнетъ . прїи́дꙋтъ в̾ пᲂмышле́нїѧ сᲂгрѣше́нїи свᲂи́хъ ᲂу҆жа́сни , и҆ ѡ҆бличи́тъ и҆́хъ сᲂпрᲂти́въ без̾зако́нїѧ и҆́хъ . тᲂгда̀ ста́нетъ в̾ дерзнᲂве́нїи мно́зѣ пра́ведникъ , пред̾ лице́мъ ѡ҆скᲂрби́вшихъ є҆гѡ̀ , и҆ ѿмета́ющихъ бᲂлѣ́зни є҆гѡ̀ . ви́дѣвше же вᲂз̾мѧтꙋ́тсѧ стра́хᲂмъ мно́гимъ , и҆ ᲂу҆жа́снꙋтсѧ ѡ҆ пресла́внᲂмъ спасе́нїи є҆гѡ̀ . рекꙋ́тъ же ка́ющесѧ , и҆ в̾ тѣснᲂтѣ̀ дх҃а вᲂзᲂпїю́тъ , и҆ рекꙋ́тъ , се́й є҆́сть є҆го́же и҆мѣ́хᲂмъ и҆нᲂгда̀ в̾ пᲂсмѣ́хъ , и҆ в̾ при́тчꙋ пᲂнᲂше́нїѧ безꙋ́мнїи . житїѐ є҆гѡ̀ вмѣни́хᲂмъ неи́стᲂво , и҆ кᲂнчи́нꙋ є҆гѡ̀ без̾че́стнꙋ , ка́кᲂже вмѣни́сѧ в̾ сн҃ѣ́хъ бж҃їихъ , и҆ во ст҃ы́хъ жре́бїи є҆гѡ̀ є҆́сть . ᲂу҆́бѡ заблꙋди́хᲂмъ ѿ пꙋтѝ и҆́стиннагѡ , и҆ пра́вды свѣ́тъ не ѡ҆блиста̀ на́съ , и҆ сл҃нце невᲂсїѧ̀ на́мъ . без̾зако́нїѧ ᲂу҆́бѡ и҆спо́лнихᲂмсѧ во стезѧ́хъ и҆ пᲂги́бели , и҆ хᲂди́хᲂмъ в̾ пꙋсты́ни непрᲂхᲂди́мы , пꙋти́ же гдⷭ҇нѧ неразꙋмѣ́хᲂмъ .

На стихо́внѣ , стихѣ́ры . гла́съ , є҃ . поⷣ . ра́дꙋйсѧ живᲂно́сныи .= Р=а́дꙋисѧ сщ҃е́ннаѧ главо̀ , и҆ свѣтᲂно́сна , и҆ а҆́гг҃лѡмъ любе́зна , ꙗ҆́же мече́мъ ᲂу҆сѣ́чена дре́вле . и҆ пᲂсѣче́нїемъ ѡ҆бличе́нїѧ , прелюбᲂдѣ́ѧнїѧ стꙋ́дъ ѿсѣ́кши . и҆сто́чникъ чꙋдесе́мъ , ꙗ҆́же вѣ́рныхъ напᲂѧ́ющи . ꙗ҆́же сп҃са , спаси́тельнᲂе прише́ствїе вᲂз̾вѣсти́вши , и҆ наи́тїе дх҃а па́ки пᲂразꙋмѣ́вши , к̾ семꙋ̀ в̾се́льшисѧ . ве́тхаго же и҆ но́ваго хᲂда́тай бы́вши бл҃гᲂда́тїю . хрⷭ҇та̀ ᲂу҆мᲂлѝ , дш҃а́мъ на́шимъ дарᲂва́ти ве́лїю млⷭ҇ть .

сти́хъ : честна̀ пре́д̾ гдⷭ҇емъ ,꙳ сме́рть прпⷣбныхъ є҆гѡ̀ . Въ сᲂсꙋ́дѣ скꙋде́льнѣ сᲂкрᲂве́наѧ и҆нᲂгда̀ , прⷣтчева глава̀ ꙗ҆ви́сѧ , ѿ бᲂкꙋ̀ и҆з̾да́вшисѧ земле́нꙋю ꙗ҆́вѣ , и҆ чꙋдесе́мъ стрꙋѝ и҆стᲂча́ющи . и҆́бо в̾ вᲂда́хъ главꙋ̀ ѡ҆мы̀ , превы́ше сꙋ́ща над̾ вᲂда́ми , и҆ ѡ҆дᲂждѧ́ющагѡ землены́мъ бжⷭ҇твеннᲂе сїѧ́нїе . сїю̀ ᲂу҆́бѡ ᲂу҆блажа́емъ , сꙋ́щꙋю вᲂи́стинꙋ пресла́внѡ . и҆ в̾сеѧ̀ ѡ҆брѣ́тенїе ра́дᲂстнѡ пра́зднꙋемъ , хрⷭ҇та̀ мᲂлѧ́ще , дш҃а́мъ на́шимъ да́ти ве́лїю млⷭ҇ть .

сти́х̾ : пра́ведникъ ꙗ҆́кѡ фи́никъ прᲂцвѣте́т̾ ,꙳ и҆ ꙗ҆́кѡ ке́дръ и҆́же в̾ лива́нѣ ᲂу҆мно́житсѧ . Глава̀ , ꙗ҆́же а҆́гньца бж҃їѧ прᲂпᲂвѣ́давшаѧ , пло́тїю ꙗ҆́вльшасѧ , и҆ всѣ́мъ пᲂкаѧ́нїѧ спасе́ныѧ пꙋтѝ , бжⷭ҇твенными ѡ҆бѣща́нїи ᲂу҆тверди́вши , ꙗ҆́же пе́рвѣе и҆́рᲂдᲂво без̾зако́нїе ѡ҆бличи́вши , и҆ сегѡ̀ ра́ди ᲂу҆сѣ́кшисѧ ѿ тѣлесѐ , и҆ вре́меннᲂе претерпѣ́вши сᲂкрᲂве́нїе , ꙗ҆́кᲂже свѣтᲂѧвле́ннѡ на́мъ вᲂсїѧ̀ сл҃нце . пᲂка́йтесѧ вᲂпїю́щи , и҆ ко гдⷭ҇ꙋ пристꙋпи́те , дш҃е́внымъ ᲂу҆миле́нїемъ , пᲂдаю́щемꙋ ми́рᲂви ве́лїю млⷭ҇ть .

сла́ва . гла́съ , в҃ . Ꙗ҆́кᲂже бжⷭ҇твенныхъ ᲂу҆мышле́ нїи , всечестно́е сᲂкро́вище , неи҆зрече́ннагѡ сꙋщества̀ , ꙗ҆́снѡ прᲂви́дѣвши та́инство глава̀ твᲂѧ̀ , ꙗ҆́кѡ ѿ лᲂже́снъ ма́тер̾скихъ , ѿ сᲂкро́вищъ земле́ныхъ дне́сь вᲂсїѧ̀ , і҆ѡа́нне всехва́льне . и҆ ѡ҆благᲂво́ни всю̀ пᲂд̾со́лнечнꙋю , ѡ҆сщ҃е́нїѧ прᲂлива́ющи мѵ́рѡ . и҆ мы́слено прᲂпᲂвѣ́дающи пꙋ́ть пᲂкаѧ́нїѧ , и҆ сп҃сꙋ всѣ́хъ мᲂлѧ́щисѧ ѡ҆ дш҃а́хъ на́шихъ .

и҆ ны́нѣ , боⷢ҇ . Ѽ чꙋдесѝ но́вагѡ .= =

та́же , нн҃ѣ ѿпꙋща́еши . трⷭ҇то́е , и҆ по ѻ҆́ч҃е на́шъ . трᲂпа́рь . гла́съ , д҃ . Ѿ землѝ вᲂсїѧ́вши прⷣтчева глава̀ , зарю̀ и҆спꙋща́етъ нетлѣ́нїѧ , вѣ́рнымъ и҆сцѣле́нїе . свы́ше сᲂбира́етъ мно́жество а҆́гг҃лъ , до́лѣ сᲂзыва́етъ чл҃ческїи ро́дъ , є҆динᲂгла́снѡ вᲂпи́ти , сла́вꙋ хрⷭ҇тꙋ̀ бг҃ꙋ . сла́ва , и҆ ны́нѣ , боⷢ҇ . И҆́же ѿ́ вѣка ᲂу҆тае́ннᲂе .

На ᲂу҆́трени , на бг҃ъ гдⷭ҇ь , трᲂпа́рь , ст҃о́мꙋ , двⷤа . сла́ва , и҆ ны́нѣ , боⷢ҇ , вᲂскрⷭ҇нъ . =По а҃ , стихᲂло́гїи , сѣда́лен̾ . гла́съ , д҃ . Ꙗ҆́кѡ бжⷭ҇твеннᲂе сᲂкро́вище сᲂкрᲂве́но в̾ землѝ , хрⷭ҇то́съ ѿкры̀ главꙋ̀ твᲂю̀ на́мъ пррⷪ҇че и҆ прⷣтче . всѝ ᲂу҆́бѡ сᲂше́дшесѧ в̾ сеѧ̀ ѡ҆брѣ́тенїе , пѣ́сньми бг҃ᲂгла́сными сп҃са вᲂспᲂе́мъ , спаса́ющаго на́шꙋ жи́знь мл҃твами твᲂи́ми . =двⷤа . сла́ва , и҆ ны́нѣ , боⷢ҇ . Пᲂе́мъ тѧ̀ бг҃ᲂневѣ́сто мт҃и хрⷭ҇та̀ бг҃а , сла́вѧще ржⷭ҇тво̀ твᲂѐ непᲂсти́жимᲂе . и҆́мже и҆зба́вихᲂмсѧ ѿ ле́сти дїѧ́вᲂли . и҆ всѧ́кїѧ бѣды̀ , влⷣчце бцⷣе . и҆ вѣ́рнѡ вᲂпїе́мъ , пᲂми́лꙋй ста́до свᲂѐ , є҆ди́на препѣ́таѧ .

По в҃ , стихᲂло́гїи , сѣда́ленъ . гла́съ , д҃ . И҆з̾да́в шисѧ ꙗ҆́кѡ зла́то ѿ землѝ , сщ҃е́ннаѧ твᲂѧ̀ глава̀ пресла́внѡ , ѿ незахᲂди́мыхъ нѣ́дръ землены́хъ , и҆ ѡ҆бᲂгатѝ вѣ́рныхъ всѧ̀ мы́сли , разꙋмѣ́нїемъ бжⷭ҇твеннымъ . ны́нѣ пᲂка́йтесѧ вᲂпїю́ще разꙋ́мнѡ , є҆́йже пᲂкланѧ́ющесѧ прⷣтче хрⷭ҇то́въ , велегла́снѡ вѣ́рᲂю сла́вимъ . двⷤа . сла́ва , и҆ ны́нѣ , боⷢ҇ . Непремᲂлчи́мъ никᲂли́ же бцⷣе , бл҃гᲂда́рнѡ пѣ́ти ѿ дꙋшѝ , твᲂѧ̀ млⷭ҇ти влⷣчце , рабѝ твᲂѝ зᲂвꙋ́ще и҆ гл҃юще , прест҃а́ѧ дв҃о пред̾варѝ и҆ и҆зба́ви , ѿ вра́гъ ви́димыхъ и҆ неви́димыхъ , и҆ всѧ́кᲂгѡ преще́нїѧ . ты́ бо є҆сѝ на́мъ застꙋпле́нїе .

По пᲂлїєлеѡ́сѣ , сѣда́ленъ . гла́съ , и҃ . Крⷭ҇тлева глава̀ кры́ѧшесѧ , ꙗ҆́кѡ би́серъ в̾ землѝ вла́жнѣй . ꙗ҆́кѡ свѣти́льникъ бг҃ᲂсїѧ́ненъ ᲂу҆крашена̀ , ѡ҆зарѧ́етъ чꙋдᲂтвᲂрѧ́щи ми́ра всегѡ̀ . ꙗ҆́кѡ ᲂу҆́трѡ вᲂсїѧ̀ всебг҃ᲂлѣ́пнѡ , сл҃нцꙋ прⷣтча . и҆ невече́рнимъ свѣ́тᲂмъ вᲂз̾вѣща́ѧ па́ки на́мъ , сѐ взыва́ѧ а҆́гнецъ бж҃їи . вⷤ . сла́ва , и҆ ны́нѣ , боⷢ҇ . Бл҃гᲂдари́мъ тѧ̀ прⷭ҇нѡ бцⷣе , и҆ велича́емъ чⷭ҇таѧ и҆ пᲂклᲂнѧ́емсѧ , вᲂспѣва́юще ржⷭ҇тво̀ твᲂѐ ѡ҆бра́дᲂваннаѧ . вᲂпїю́ще непреста́ннѡ , спасѝ на́съ дв҃о премлⷭ҇тиваѧ ꙗ҆́кѡ бл҃га . и҆ ѿ бѣсо́въ и҆схи́ти и҆стѧза́нїѧ стра́шнагѡ , въ де́нь и҆спыта́нїѧ непᲂсрамѝ рабы̀ свᲂѧ̀ .

степе́нна , д҃ го гла́са . а҆нтиѳо́нъ , а҃ . прᲂки́мен̾ , ѱл҃о́мъ дв҃дᲂвъ . тꙋ̀ вᲂз̾ращꙋ̀ ро́гъ дв҃дᲂви , ᲂу҆го то́вахъ свѣти́льникъ пᲂма́заннᲂмꙋ мᲂемꙋ̀ . сти́хъ : пᲂмѧнѝ гдⷭ҇и дв҃да , и҆ всю̀ кро́тᲂсть є҆гѡ̀ . всѧ́ко дыха́нїе . є҆ѵⷢ҇а́лїе , ѿ =лꙋкѝ . заⷱ҇ , л҃а . ѱало́м̾ , н҃ . =сла́ва . мᲂли́твъ ра́ди прⷣтчи . и҆ ны́нѣ . мᲂли́твъ ра́ди бцⷣы . пᲂми́лꙋй мѧ бж҃е . стⷯра . гла́съ , ѕ҃ . Ꙗ҆́же пе́рвѣе на блю́дѣ , и҆́рᲂда без̾зако́ннꙋюща ѡ҆бличи́вши . пᲂкаѧ́нїе же всѣ́мъ прᲂпᲂвѣ́дающи вѣ́рнымъ . честна́ѧ глава̀ крⷭ҇тлѧ хрⷭ҇то́ва , ѿ сᲂкро́вищъ землены́хъ ꙗ҆́вльшисѧ пред̾лежа́тъ . вѣ́рᲂю пристꙋпа́ющимъ к̾ не́й , и҆ прикаса́ющимсѧ со́ страхᲂмъ , и҆ пᲂкланѧ́ющимсѧ любо́вїю ѿ дш҃и , пᲂдава́ющи сᲂгрѣше́нїемъ раз̾рѣше́нїе . прᲂше́нїемъ дае́тъ пᲂтре́бна , и҆ ве́лїю млⷭ҇ть .

Кано́нъ , бцⷣѣ . со і҆рмᲂсо́мъ , на́ ѕ҃ . и҆ ст҃о́мꙋ на и҃ . =Кано́нъ , прест҃ѣ́й бцⷣѣ . твᲂре́нїе ѳеѡ́фанᲂвѡ . гла́съ , и҃ . пѣ́снь , а҃ . і҆рмо́съ . Во́дꙋ прᲂше́дъ , ꙗ҆́кѡ по́ сꙋхꙋ , и҆з̾ є҆ги́петска ѕла̀ и҆збѣжа́въ , і҆и҃льтѧнинъ вᲂпїѧ́ше , и҆зба́вителю бг҃ꙋ на́шемꙋ пᲂе́мъ . =запѣ́в̾ : Прест҃а́ѧ гжⷭ҇е бцⷣе спасѝ на́съ .= М=но́гими сᲂдержи́мъ напа́стьми , к̾ тебѣ̀ прибѣга́ю спасе́нїѧ и҆скі́й , ѽ мт҃и сло́вꙋ и҆ дв҃о , ѿ лю́тыхъ и҆ нꙋ́жныхъ мѧ спасѝ . Страсте́й мѧ смꙋща́ютъ прило́зи , и҆ мно́гїѧ печа́ли и҆спᲂлнѧ́ютъ ми дш҃ꙋ , ᲂу҆мирѝ ѻ҆трᲂкᲂви́це , тишино́ю сн҃а и҆ бг҃а твᲂегѡ̀ всенепᲂро́чнаѧ . Сп҃са ро́ждьшꙋю тѧ̀ и҆ бг҃а , мᲂлю̀ дв҃це и҆зба́вити мѧ̀ ѿ лю́тъ . к̾ тебѣ́ бо ны́нѣ прибѣга́ю , прᲂстира́ѧ дш҃ꙋ и҆ пᲂмышле́нїе . Въ ско́рби мѧ сꙋ́ща и҆ в̾ тꙋзѣ̀ , пᲂсѣще́нїѧ бжⷭ҇твенагѡ прᲂмышле́нїѧ є҆́же ѿ тебѐ спᲂдо́би , є҆ди́на бг҃ᲂмт҃и ꙗ҆́кѡ бл҃га̀ бл҃го́мꙋ же рᲂди́тельнице .

Кано́нъ , прⷣтчи . гла́съ , ѕ҃ . пѣ́снь , а҃ . і҆рмо́съ . Ꙗ҆́кѡ по́ сꙋхꙋ хᲂди́въ і҆и҃ль , по бе́зднѣ стᲂпа́ми , гᲂни́телѧ фараѡ́на , ви́дѧ пᲂтᲂплѧ́ема , бг҃ꙋ пᲂбѣ́днꙋю пѣ́снь пᲂе́мъ вᲂпїѧ́ше .

запѣ́въ : Ст҃ы́и вели́кїи прⷪ҇рче і҆ѡа́нне прⷣтче гдⷭ҇нь , мᲂлѝ бг҃а ѡ҆ на́съ . Грѧди́те пᲂхва́лимъ ꙗ҆зы́кѡмъ , и҆ всеси́льнымъ пле́щꙋще дх҃ᲂмъ , ᲂу҆стны̀ бг҃ᲂчести́выми , сло́ва прⷣтчꙋ гла́съ , пѣ́сньми дх҃о́вными вѣ́рнїи прᲂсла́вимъ . Ми́рнымъ ᲂу҆стрᲂе́нїемъ и҆ ти́химъ , и҆ без̾мѣ́рными сᲂвᲂкꙋпле́ньми хрⷭ҇то́ва цр҃кви , бл҃гᲂстᲂѧ́тельнѡ ᲂу҆паса́етсѧ . тебѣ̀ мᲂле́бнꙋю пѣ́снь вᲂпїю́щи прⷣтче . сла́ва . Ю҆́же ѿ́ бг҃а да́нꙋю ꙗ҆́кѡ сᲂкро́вище на́мъ на ѿє́млемо , бг҃ᲂно́снꙋю главꙋ̀ прⷣтчевꙋ , всѝ пѣ́сньми дᲂсто́йнѡ вѣ́рнїи пᲂчте́мъ . и҆ ны́нѣ , боⷢ҇ . Свᲂегѡ̀ прїе́мши сᲂдѣ́телѧ , ꙗ҆́кѡ са́мъ вᲂсхᲂтѣ̀ , ѿ без̾сѣ́менна чре́ва твᲂегѡ̀ , па́че ᲂу҆ма̀ вᲂплᲂща́ема чи́стаѧ . тва́ремъ вᲂи́стинꙋ ꙗ҆ви́сѧ влⷣчца .

катава́сїѧ : Ѿве́рзꙋ ᲂу҆ста̀ мᲂѧ̀ .

пѣ́снь , г҃ . і҆рмо́съ . Нбⷭ҇нᲂмꙋ крꙋ́гꙋ верхᲂтво́рче гдⷭ҇и , и҆ цр҃кви зижди́телю , ты̀ менѐ ᲂу҆твердѝ в̾ любвѝ свᲂе́й . жела́нїемъ сы́и кра́й , и҆ вѣ́рнымъ ᲂу҆тверже́нїе , є҆ди́не чл҃кᲂлю́бче . Застꙋпле́нїе и҆ пᲂкро́въ жи́зни мᲂе́й , пᲂлᲂжи́хъ тѧ бг҃ᲂрᲂди́тельнице дв҃о , ты̀ менѐ ѡ҆кᲂрмѝ к̾ приста́нищꙋ свᲂемꙋ̀ , бл҃ги́мъ вино́вна , и҆ вѣ́рнымъ ᲂу҆тверже́нїе , є҆ди́на всепѣ́таѧ . Мᲂлю̀ дв҃це , дш҃е́внᲂе смꙋще́нїе , и҆ печа́ли бꙋ́рю разᲂри́ти ми . ты́ бо бг҃ᲂневѣ́стнаѧ , нача́льника тишинѣ̀ хрⷭ҇та̀ рᲂдила̀ є҆сѝ , є҆ди́на пречи́стаѧ . Бл҃гᲂда́телѧ ро́ждьши до́брымъ вино́внаго , бл҃гᲂдѣѧ́нїѧ бᲂга́тство всѣ́мъ и҆стᲂчѝ . всѧ́ бо мо́жеши , ꙗ҆́кѡ си́льна в̾ крѣ́пᲂсти , хрⷭ҇та̀ ро́ждьши бг҃ᲂбл҃же́ннаѧ . Лю́тыми недꙋ́ги , и҆ бᲂлѣ́знеными стрⷭ҇тьмѝ и҆стѧза́емꙋ , дв҃о ты́ ми пᲂмᲂзѝ , и҆сцѣле́нїемъ бо неѡ҆скꙋ́дно тѧ̀ зна́ю сᲂкро́вище , некра́дᲂмо и҆ неи҆здае́мо .

и҆́нъ , і҆рмо́съ . Нѣ́сть ст҃а ꙗ҆́кᲂже ты̀ , гдⷭ҇и бж҃е мо́й , вᲂзнесы́и ро́гъ вѣ́рныхъ си бл҃же , и҆ ᲂу҆тве́рждь и҆́хъ на ка́мени и҆спᲂвѣ́данїѧ тѝ . Оу҆тро́ба непло́дна , прᲂзѧбле́нїе тѧ̀ и҆знесѐ бжⷭ҇твено , ꙗ҆зы́честѣй цр҃кви сла́вна таи́нника . хрⷭ҇то́ви и҆́стиннᲂмꙋ бг҃ꙋ , и҆ женихꙋ̀ сїю̀ ѡ҆брꙋча́юща . Твᲂегѡ̀ бг҃ᲂвѣща́ннагѡ гла́са прⷣтче і҆ѡа́нне , ни ме́чь пᲂсѣчѐ ѻ҆каѧ́ннагѡ прелюбᲂдѣѧ́нїѧ . бжⷭ҇твеннꙋю бо свᲂю̀ на́мъ ꙗ҆влѧ́еши главꙋ̀ ѿ землѝ . сла́ва . Тᲂржествꙋ́ющи свѣ́тлѡ , чтꙋ́щее тѧ̀ ста́до насыща́етсѧ , ꙗ҆́кѡ бᲂга́тство ѡ҆брѣ́тъ та́йнᲂе . и҆ ѡ҆кри́нъ неѡ҆скꙋ́денъ и҆сцѣле́нїемъ прⷣтче главꙋ̀ твᲂю̀ . и҆ ны́нѣ , боⷢ҇ . Бжⷭ҇твеннагѡ ржⷭ҇тва́ ти чⷭ҇таѧ , всѧ́кᲂгѡ є҆стества̀ чинъ прехо́дитъ чꙋ́до . бг҃а бо па́че є҆стества̀ зачала̀ є҆сѝ во́ чревѣ , и҆ ро́ждьши пребыва́еши прⷭ҇нѡ дв҃аѧ .

катава́сїѧ : Твᲂѧ̀ пѣвцы̀ .

сѣда́ленъ . гла́съ , д҃ . И҆зда́вшисѧ ꙗ҆́кѡ зла́то ѿ землѝ , сщ҃е́ннаѧ твᲂѧ̀ глава̀ пресла́внѡ , ѿ незахᲂди́мыхъ нѣ́дръ землены́хъ . и҆ ѡ҆бᲂга́ти вѣ́рныхъ всѣ́хъ мы́сли , разꙋмѣ́нїемъ бжⷭ҇твеннымъ . ны́нѣ пᲂка́йтесѧ вᲂпїю́щи разꙋ́мнѡ . є҆́й же пᲂкланѧ́ющесѧ прⷣтче хрⷭ҇то́въ , велегла́снѡ вѣ́рᲂю сла́вимъ . два́жды . сла́ва , и҆ ны́нѣ , боⷢ҇ . Съ бг҃ᲂмъ въ твᲂй бцⷣе прибѣ́гъ смире́ныи пᲂкро́въ бжⷭ҇твенныи , призыва́ѧ мᲂлю́сѧ , пᲂми́лꙋй чи́стаѧ . ꙗ҆́кѡ превзыдо́ша мѝ главꙋ̀ грѣсѝ , и҆ бᲂю́сѧ влⷣчце мꙋче́нїѧ и҆ трепе́щꙋ . мᲂли́твꙋ сᲂтвᲂрѝ чⷭ҇таѧ к̾ сн҃ꙋ свᲂемꙋ̀ , си́хъ и҆зба́вити мѧ̀ .

пѣ́снь , д҃ . і҆рмо́съ . Оу҆слы́шахъ гдⷭ҇и смᲂтре́нїѧ твᲂегѡ̀ та́иньство , разꙋмѣ́хъ дѣ́ла твᲂѧ̀ , и҆ прᲂсла́вихъ твᲂѐ бжⷭ҇тво̀ . Страсте́й мᲂи́хъ смꙋще́нїе , ꙗ҆́же ко́рмчїю ро́ждьши гдⷭ҇а , бꙋ́рю ᲂу҆ти́ши мᲂи́хъ прегрѣше́нїй , бг҃ᲂневѣ́стнаѧ . Милᲂсе́рдїѧ бе́зднꙋ призыва́ющꙋ твᲂю̀ пᲂда́ждь ми , ꙗ҆́же бл҃гᲂсе́рдаго ро́ждьши , и҆ сп҃са всѣ́мъ пᲂю́щимъ тѧ̀ . Наде́жꙋ и҆ ᲂу҆тверже́нїе , и҆ спасе́нїѧ стѣ́нꙋ недви́жимꙋ , стѧжа́вше тѧ̀ всенепᲂро́чнаѧ , ѕлᲂлю́тыхъ всѣ́хъ и҆збавлѧ́емсѧ .= Н=а ѻ҆дрѣ̀ бᲂлѣ́зни мᲂеѧ̀ грѣхо́внѣ слежа́ща мѧ̀ , ꙗ҆́кѡ чл҃кᲂлюби́ва , пᲂмᲂзи́ ми бцⷣе мт҃и прⷭ҇нѡ дв҃о .

и҆́нъ , і҆рмо́съ . Хрⷭ҇то́съ мнѣ̀ си́ла бг҃ъ и҆ гдⷭ҇ь , чⷭ҇тна́ѧ цр҃кви бг҃ᲂлѣ́пнѡ зᲂве́тъ вᲂпїю́щи , ѿ со́вѣсти чи́сты ѡ҆́ гдⷭ҇ѣ пра́зднꙋющи . Ве́тхᲂмꙋ бы́лъ є҆сѝ ѻ҆́бразъ пребᲂга́те , ꙗ҆́вѣ зако́нꙋ и҆ прⷪ҇ро́кѡмъ скᲂнча́нїе бы́лъ є҆сѝ . и҆ черто́жникъ бжⷭ҇твенъ , но́вᲂмꙋ ꙗ҆ви́лсѧ є҆сѝ прⷣтче . Власѧны́ми рꙋ́бы ѡ҆бы́чнѡ прⷣтче , честнꙋ́ю ѡ҆бви́лъ є҆сѝ и҆ сла́внꙋю главꙋ̀ свᲂю̀ . пᲂкрыва́етсѧ црⷭ҇кᲂю багрѧни́цею , ꙗ҆́кѡ ри́зᲂю ра́дꙋѧсѧ . Бжⷭ҇твеннꙋю главꙋ̀ твᲂю̀ ѿбѣже́нїемъ ни́щїи и҆ скита́ѧисѧ , твᲂи́ми бжⷭ҇твенными наставле́ньми , ꙗ҆́кᲂже незави́стнѡ бᲂга́тство і҆ѡа́нне прїе́млетъ . сла́ва . Заре́ю прⷣтче бжⷭ҇твеннагѡ дх҃а , чтꙋ́щїи тѧ̀ гра́дъ всегда̀ мᲂлѝ ᲂу҆ѧсни́ти , и҆ въ бжⷭ҇твенѣй па́мѧти твᲂе́й , беспло́тнымъ сра́дᲂватисѧ . и҆ ны́нѣ , боⷢ҇ . Ме́ртва мѧ̀ пᲂказа̀ сада̀ вкꙋше́нїе , живо́тнᲂе же дре́во , и҆з̾ тебѐ ꙗ҆́вльшесѧ пречⷭ҇таѧ вᲂз̾дви́же , и҆ ра́йстѣй пи́щи прича́стника мѧ̀ сᲂтвᲂрѝ . катава́сїѧ : Сѣдѧ́и во сла́вѣ .

пѣ́снь , є҃ . і҆рмо́съ . Прᲂсвѣтѝ на́съ пᲂвелѣ́нїемъ

сѝ гдⷭ҇и , и҆ мы́шцею высо́кᲂю , твᲂегѡ̀ ми́ра пᲂда́ждь на́мъ , є҆ди́не чл҃кᲂлю́бче . И҆спо́лни чи́стаѧ весе́лїѧ живᲂта̀ на́шегѡ , твᲂю̀ нетлѣ́ннꙋю даю́щи ра́дᲂсть , весе́лїѧ ро́ждьши сꙋ́щагѡ винꙋ̀ . И҆зба́ви на́съ ѿ бѣ́дъ бцⷣе чⷭ҇таѧ , вѣ́чнᲂе ро́ждьши и҆збавле́нїе , и҆ ми́ра всѧ́къ ᲂу҆́мъ преи҆мꙋ́щаго . Разрѣшѝ мглꙋ̀ прегрѣше́нїй мᲂи́хъ бг҃ᲂневѣ́сто , свѣ́тᲂмъ твᲂеѧ̀ свѣ́тлᲂсти , ꙗ҆́же свѣ́тъ ро́ждьшаѧ бжⷭ҇твеный и҆ превѣ́чный . И҆сцѣлѝ чи́стаѧ дш҃и мᲂеѧ̀ немᲂже́нїе , пᲂсѣще́нїемъ сѝ ᲂу҆бѣ́ждьшисѧ , и҆ здра́вїе мᲂльба́ми сѝ пᲂда́ждь мѝ .

и҆́нъ , і҆рмо́съ . Бж҃їимъ свѣ́тᲂмъ тѝ бл҃же , ᲂу҆́тренюющихъ тѝ дш҃а любо́вїю , прᲂсвѣтѝ мᲂлю́сѧ , тѧ̀ вѣ́дѣти сло́во бж҃їе , и҆́стиннагѡ бг҃а , ѿ́ мрака грѣхо́внагѡ и҆зима́юща . Непᲂкᲂлеба́сѧ ꙗ҆́кᲂже тро́сть крⷭ҇тлю , и҆скꙋси́тельными вра́жїи вѣ́тры , всегда̀ вѣ́ющими . сто́лпъ же бжⷭ҇твеннымъ лю́демъ непᲂкᲂлѣби́мъ , си́лᲂю и҆лїино́ю ꙗ҆ви́лсѧ є҆сѝ , и҆ дх҃о́внᲂю . И҆́же бжⷭ҇тва̀ ѿмета́ѧсѧ , и҆ ᲂу҆ма́лѧѧ сла́вꙋ , тᲂбо́ю кр҃щьшагᲂсѧ хрⷭ҇та̀ , и҆ бжⷭ҇твеннꙋю бл҃гᲂда́ть твᲂю̀ ᲂу҆кᲂрѧ́ѧ , пра́веднымъ сꙋдо́мъ да пᲂсрами́тсѧ . сла́ва . Ѿве́рзлъ є҆сѝ незави́стнагѡ и҆сто́чника две́рь , пᲂю́щимъ тѧ̀ любо́вїю сла́вныи прⷣтче , бжⷭ҇твенныѧ бл҃гᲂда́ти и҆стᲂча́юща во́ды . и҆ стрꙋѝ и҆сцѣле́нїемъ всѣ́хъ веселѧ́щїѧ . и҆ ны́нѣ , боⷢ҇ . Нᲂсѧ́щи дᲂбро́тꙋ мы́сленꙋю , прекра́сныѧ дш҃и твᲂеѧ̀ , невѣ́ста бж҃їѧ была̀ є҆сѝ , запечатлѣ́нна дв҃ьствᲂмъ чⷭ҇таѧ . и҆ заре́ю чистᲂты̀ , ми́ръ прᲂсвѣща́ющи .= катава́сїѧ : О=у҆диви́шасѧ всѧ́ческаѧ .

пѣ́снь , ѕ҃ . і҆рмоⷭ҇ . Мл҃твꙋ прᲂлїю̀ ко́ гдⷭ҇ꙋ , и҆ тᲂмꙋ̀ вᲂз̾вѣщꙋ̀ печа́ль мᲂю̀ . ꙗ҆́кѡ ѕѡ́лъ дш҃а мᲂѧ̀ напо́лнисѧ , и҆ живо́тъ мо́й а҆́дꙋ прибли́жисѧ . и҆ мᲂлю́сѧ ꙗ҆́кѡ і҆ѡ́на , ѿ тлѝ бж҃е мо́й вᲂз̾веди́ мѧ . Сме́рти и҆ тлѝ ꙗ҆́кѡ спа́слъ є҆́сть , са́мъсѧ и҆з̾да́въ на сме́рть , тлѣ́нїемъ и҆ сме́ртїю мᲂѐ є҆стество̀ ꙗ҆́то бы́вшее . дв҃о мᲂлѝ гдⷭ҇а и҆ сн҃а свᲂегѡ̀ , врагѡ́въ ѕлᲂдѣ́йствїѧ мѧ̀ и҆зба́вити . Застꙋ́пницꙋ тѧ̀ живᲂтꙋ̀ свѣ́мъ , и҆ храни́тельницꙋ тве́рдꙋ дв҃це , напа́стей рѣша́щꙋ мᲂлвы̀ , и҆ нало́ги бѣсо́мъ ѿгᲂнѧ́щꙋ . и҆ мᲂлю́сѧ всегда̀ , страсте́й мѧ и҆зба́вити всенепᲂро́чнаѧ .= Ꙗ҆́=кѡ стѣ́нꙋ и҆ прибѣ́жище стѧжа́хᲂмъ , и҆ дш҃а́мъ тѧ̀ сᲂверше́нᲂе спасе́нїе , и҆ прᲂстра́нство в̾ ско́рбѣхъ ѻ҆трᲂкᲂви́це . и҆ свѣ́тᲂмъ тѝ прⷭ҇нѡ ра́дꙋемсѧ , ѽ влⷣчце , ны́нѣ на́съ ѿ стрⷭ҇те́й и҆ бѣ́дъ спасѝ . На ѻ҆дрѣ̀ нн҃ѣ не́мᲂщїю низ̾лежꙋ̀ , и҆ нѣ́сть и҆сцѣле́нїѧ пло́ти мᲂе́й . но ꙗ҆́же бг҃а и҆ сп҃са ми́рꙋ , и҆ и҆зба́вителѧ недꙋ́гᲂмъ ро́ждьшаѧ , тебѣ̀ мᲂлю́сѧ бл҃го́й , ѿ и҆стлѣ́нїѧ бᲂлѣ́зней вᲂста́ви мѧ .

и҆́нъ , і҆рмо́съ . Жите́йскагѡ мо́рѧ вᲂз̾двиза́ема зрѧ̀ , напа́стей бꙋ́рею , в̾ ти́хо приста́нище прите́къ вᲂпїю́ ти , вᲂз̾ведѝ ѿ тлѝ живо́тъ мо́й мнᲂгᲂмлⷭ҇тиве . Прⷪ҇ро́ка тѧ̀ и҆́стинна наречѐ хрⷭ҇то́съ , и҆ прⷪ҇ро́къ превы́шша , крⷭ҇тлѧ же и҆ прⷣтчꙋ жи́зни . тᲂго́ бо ᲂу҆́зрилъ є҆сѝ , є҆го́же прⷪ҇ро́цы и҆ зако́нъ прᲂвᲂз̾вѣсти́ша . Нетерпѧ́ше кры́тисѧ чꙋдесе́мъ и҆сто́чникъ , сᲂкро́вище бл҃гᲂда́ти , сла́внаѧ глава̀ твᲂѧ̀ крⷭ҇тлю , прⷪ҇ро́че и҆ прⷣтче . но ꙗ҆́вльшисѧ , прᲂлива́етъ и҆сцѣле́нїемъ и҆сто́чникъ . сла́ва . Всебᲂга́тно пᲂхвале́нїе , и҆ ᲂу҆краше́нїе свѣ́тлѡ , и҆ щи́тъ спаси́теленъ , хрⷭ҇тᲂлю́бныи сы́и , и҆ бл҃гᲂчести́выи пред̾лага́етъ гра́дъ тво́й , чⷭ҇тнꙋ́ю тѝ и҆ бжⷭ҇твеннꙋю главꙋ̀ прⷣтче . и҆ ны́нѣ , боⷢ҇ . Вели́кїи прᲂписа̀ во прⷪ҇ро́цѣхъ мѡѷсе́й , тѧ̀ кᲂвче́гъ и҆ трапе́зꙋ , и҆ свѣти́льникъ и҆ рꙋ́чкꙋ . ѡ҆бра́знѡ назна́менꙋѧ вᲂплᲂще́нїе , є҆́же и҆з̾ тебѐ вы́шнѧгѡ мт҃и дв҃о .

катава́сїѧ : Бжⷭ҇твенᲂе сѐ и҆ всечестно́е .

кᲂнда́къ . гла́съ , в҃ . Прᲂро́че бж҃їи , и҆ прⷣтче бл҃гᲂда́ти , главꙋ̀ твᲂю̀ ꙗ҆́кѡ да́ръ ѡ҆сщ҃е́нъ , ѿ землѝ ѡ҆брѣ́тшїи , и҆сцѣле́нїе всегда̀ прїе́млемъ . и҆́бо па́ки , ꙗ҆́кѡ пе́рвїе прᲂпᲂвѣ́дꙋеши в̾ ми́рѣ пᲂкаѧ́нїе . и҆́кᲂсъ . Гдⷭ҇нѧ свидѣ́тельства прїе́мъ і҆ѡа́нне , па́че всѣ́хъ чл҃къ вы́шши бы́лъ є҆сѝ . тѣ́мже пᲂхвалы̀ принестѝ тебѣ̀ ᲂу҆жасо́хсѧ , но любо́вїю пᲂнꙋ́дивсѧ , пѣ́снь нача́ти дерзнꙋ́хъ . тѣ́мже неѿри́ни , пᲂмо́щникъ мѝ бы́ти прехва́льне , да вᲂз̾мᲂгꙋ̀ вѣнча́ти ве́рхъ тво́й ст҃ы́и . и҆́бо се́й в̾ ми́рѣ прᲂпᲂвѣ́дꙋетъ пᲂкаѧ́нїе .

пѣ́снь , з҃ . і҆рмо́съ . И҆́же ѿ і҆ꙋде́и , дᲂше́дше ѻ҆́трᲂцы в̾ вавилѡ́нъ дре́вле , вѣ́рᲂю ᲂу҆тверже́нїи , пла́мень пе́щныи пᲂпра́вше гл҃юще , ѻ҆ц҃ъ на́шихъ бж҃е бл҃гᲂслᲂве́нъ є҆сѝ . На́ше спасе́нїе ꙗ҆́кᲂже вᲂсхᲂтѣ̀ сп҃се , ᲂу҆стро́ити во́ чрево дв҃ыѧ всели́сѧ . ю҆́же ми́рꙋ застꙋ́пницꙋ пᲂказа̀ . ѻ҆ц҃ъ на́шихъ бж҃е бл҃гᲂслᲂве́нъ є҆сѝ .= В=ᲂли́телѧ млⷭ҇ти , є҆го́же рᲂдѝ мт҃и ны́нѣ ᲂу҆мᲂлѝ , и҆зба́вити мѧ ѿ прегрѣше́нїй и҆ дш҃е́вныѧ скве́рны , сн҃ꙋ твᲂемꙋ̀ зᲂвꙋ́ща , ѻ҆ц҃ъ на́шихъ бж҃е бл҃гᲂслᲂве́нъ є҆сѝ . Сᲂкро́вище спасе́нїѧ , и҆ и҆сто́чникъ нетлѣ́нїѧ , тебѐ ро́ждьшꙋю , сто́лпъ ᲂу҆тверже́нїѧ , и҆ две́рь пᲂкаѧ́нїѧ , вᲂпїю́щимъ пᲂказа̀ , ѻ҆ц҃ъ на́шихъ бж҃е бл҃гᲂслᲂве́нъ є҆сѝ . Тѣле́сныѧ недꙋ́ги , и҆ дш҃е́вныѧ грѣхѝ , бг҃ᲂрᲂди́тельнице , любо́вїю пристꙋпа́ющимъ к̾ кро́вꙋ твᲂемꙋ̀ дв҃це , и҆сцѣли́ти спᲂдо́би , ꙗ҆́же сп҃са хрⷭ҇та̀ на́мъ ро́ждьшаѧ .

и҆́нъ , і҆рмо́съ . Хладᲂда́тельнꙋ ᲂу҆́бѡ пе́щь сᲂтвᲂрѝ а҆́гг҃лъ , прпⷣбнымъ дѣ́темъ , халдѣ́и же ѡ҆палѝ велѣ́нїемъ бж҃їимъ . мꙋчи́телѧ ᲂу҆вѣща̀ вᲂпи́ти , бл҃гᲂслᲂве́нъ бг҃ъ ѻ҆ц҃ъ на́шихъ . Дв҃ыѧ прᲂзѧбле́нїе , тѧ̀ па́че всѣ́хъ речѐ рᲂжде́нныхъ жена́ми . ꙗ҆́кᲂже бо беспло́тенъ , и҆ равнᲂа҆́гг҃ленъ на землѝ по́жилъ є҆сѝ . тᲂмꙋ̀ вᲂпїѧ̀ , блгⷭ҇ве́нъ є҆сѝ гдⷭ҇и бж҃е ѻ҆ц҃ъ на́шихъ . Ѿ пꙋсты́ни прест҃ы́мъ дх҃ᲂмъ наꙋче́нъ ꙗ҆ви́лсѧ є҆сѝ , ꙗ҆́кᲂже ᲂу҆́тро свѣтᲂно́снѡ , а҆́гг҃лъ свѣ́та , на́съ наꙋча́ѧ вᲂпи́ти , бл҃гᲂслᲂве́нъ є҆сѝ гдⷭ҇и бж҃е ѻ҆ц҃ъ на́шихъ . сла́ва . Оу҆блажи́сѧ ꙗ҆́кѡ вᲂи́стинꙋ , во градѣ́хъ се́й пресла́вныи , стѧжа́выи тебѐ сᲂкро́вище прⷣтче хрⷭ҇то́въ . тѣ́мже пра́зднꙋѧ вᲂпїе́тъ , бл҃гᲂслᲂве́нъ бг҃ъ ѻ҆ц҃ъ на́шихъ . и҆ ны́нѣ , боⷢ҇ . Ѡ҆чище́нїе є҆стествꙋ̀ ты̀ бы́сть , є҆ди́на бг҃ᲂблаже́ннаѧ . и҆́же бо на ра́мꙋ херꙋви́мскꙋ сѣдѧ́щагѡ бг҃а , на рꙋкꙋ̀ нᲂсѧ́щи вᲂпїе́ши , бл҃гᲂслᲂве́нъ є҆сѝ бж҃е ѻ҆ц҃ъ на́шихъ .

катава́сїѧ : Непᲂслꙋжи́ша тва́ри .

пѣ́снь , и҃ . і҆рмо́съ . Цр҃ѧ нбⷭ҇нагѡ , є҆го́же пᲂю́тъ вѡ́и а҆́гг҃льстїи . хвали́те и҆ превᲂзнᲂси́те є҆гѡ̀ во́ вѣки . По́мᲂщи ꙗ҆́же ѿ тебѐ тре́бꙋющїѧ , непре́зри дв҃о пᲂю́щїѧ , и҆ превᲂзнᲂсѧ́щїѧ хрⷭ҇та̀ во́ вѣки . Немᲂже́нїе дш҃и мᲂеѧ̀ и҆сцѣлѧ́еши и҆ тѣле́сныѧ бᲂлѣ́зни дв҃о , ꙗ҆́кѡ да тѧ̀ пᲂе́мъ , и҆ превᲂзно́симъ чи́стꙋю во́ вѣки . И҆сцѣле́нїемъ бᲂга́тство и҆злива́еши , вѣ́рнѡ пᲂю́щимъ тѧ̀ дв҃це , и҆ превᲂзнᲂсѧ́щимъ хрⷭ҇та̀ во́ вѣки . Напа́стныѧ ты̀ прило́ги ѿгᲂнѧ́еши , и҆ страстны́ѧ нахо́ды дв҃о , ꙗ҆́кѡ да тѧ̀ пᲂе́мъ и҆ превᲂзно́симъ чи́стꙋю во́ вѣки .

и҆́нъ , і҆рмо́съ . И҆с̾пла́мени ст҃ы́мъ ро́сꙋ и҆стᲂчѝ , а҆ пра́веднагѡ же́ртвꙋ и҆ во́ды пᲂпалѝ , всѧ́ бо твᲂри́ши хрⷭ҇тѐ , є҆ли́ко хо́щеши , тѣ́мъ тѧ превᲂзно́симъ гдⷭ҇а во́ вѣки . По́сланъ бы́сть вᲂпїю́щагѡ гла́съ прⷣтча , ѡ҆пꙋстѣ́вшимъ срⷣца́мъ , сн҃а бж҃їѧ вѣ́рꙋ бл҃гᲂчести́вꙋю вᲂдрꙋжа́ѧ сꙋ́щагѡ бг҃а . є҆го́же превᲂзно́симъ во́ вѣки . Оу҆гᲂто́вите вᲂпїе́тъ ны́нѣ прⷣтча , гдⷭ҇ни стезѝ ѡ҆сщ҃е́нїемъ . се́бо прише́дъ со ѻ҆ц҃е́мъ и҆ дх҃ᲂмъ , в̾ ва́ша срⷣца̀ до́брѣ всели́тисѧ . блгⷭ҇ви́мъ ѻ҆ц҃а и҆ сн҃а и҆ ст҃а́гѡ дх҃а гдⷭ҇а . И҆́з̾чрева ѡ҆ст҃и́сѧ бжⷭ҇твеннымъ дх҃ᲂмъ , и҆ прⷪ҇ро́къ ꙗ҆ви́сѧ во́ чревѣ нᲂси́мъ . ны́нѣ же наслажде́нїе , и҆́же в̾ нѣ́дрѣхъ тебѐ и҆мꙋ́щемꙋ гра́дꙋ пᲂказа́сѧ прᲂро́че . и҆ ны́нѣ , боⷢ҇ . Прест҃а́ѧ дв҃о ты́ мѧ ѡ҆кᲂрмѝ . мᲂе́й не́мᲂщи бꙋ́ди по́мᲂщь . ᲂу҆ста́ви стрⷭ҇те́мъ без̾ме́рнꙋю бꙋ́рю . и҆ спаси́ мѧ , сп҃са ро́ждьшаѧ ми́рᲂви . катава́сїѧ : Хва́лимъ блгⷭ҇ви́мъ . Ѻ҆́трᲂки бл҃гᲂчести́выѧ .

пѣ́снь , ѳ҃ . і҆рмо́съ . Вᲂи́стинꙋ бцⷣꙋ тѧ̀ и҆спᲂвѣ́дающе , спасе́ннїи тᲂбо́ю дв҃це чⷭ҇таѧ , с̾ нбⷭ҇ными вѡ́и тѧ̀ велича́емъ .= Т=о́ка сле́зъ мᲂи́хъ не ѿврати́сѧ , ꙗ҆́же ѿ всѧ́кагѡ лица̀ всѧ̀ сле́зы ѿе́мшагѡ , дв҃це хрⷭ҇та̀ ро́ждьшаѧ . Ра́дᲂсти мᲂѐ се́рдце и҆спо́лни дв҃о , ꙗ҆́же ра́дᲂсти прїе́мши и҆спᲂлне́нїе грѣхо́внꙋю печа́ль пᲂтреблѧ́ющи . Свѣ́та твᲂегѡ̀ зарѧ́ми прᲂсвѣтѝ дв҃о , мра́къ невѣ́денїѧ ѿгᲂнѧ́щи , бл҃гᲂвѣ́рнѡ бцⷣꙋ тѧ̀ и҆спᲂвѣ́дающихъ . Въ мѣ́стѡ ѡ҆ѕлᲂбле́нїѧ , не́мᲂщи низ̾лежа́щагѡ , дв҃о и҆сцѣлѝ , и҆з̾ не здра́вїѧ во здра́вїе претвᲂрѧ́ющи .

и҆́нъ , і҆рмо́съ . Бг҃а чл҃кѡмъ неꙋдо́бь ви́дѣти , на́нь же несмѣ́ютъ чи́ни а҆́гг҃льстїи зрѣ́ти . тᲂбо́ю бо пречⷭ҇таѧ ꙗ҆ви́сѧ на́мъ сло́во вᲂплᲂще́нно , є҆го́же велича́юще , с̾ нбⷭ҇ными вѡ́и тѧ̀ велича́емъ . Ꙗ҆́вѣ и҆спᲂлне́нїю десѧти́мъ прⷣтче за́пᲂвѣдемъ , ты̀ храни́тель крѣ́пᲂкъ бы́въ . сꙋгꙋ́бо ѿ хрⷭ҇та̀ пᲂчте́сѧ , дарᲂва́нїи десѧти́цею . тѣ́мже сло́вꙋ тѧ̀ таи́нника и҆ дрꙋ́га вѣ́дѧще , ны́нѣ ᲂу҆бл҃жа́емъ . Бж҃їи прⷪ҇ро́къ же и҆ а҆пⷭ҇лъ . а҆́гг҃лъ же и҆ прⷣтча бжⷭ҇твеннагѡ вᲂплᲂще́нїѧ . крⷭ҇тль и҆ сщ҃е́нникъ , и҆ мч҃нкъ вѣ́ренъ . прᲂпᲂвѣ́дникъ же сꙋ́щимъ во а҆́дѣ ты̀ бы́лъ є҆сѝ , и҆ дв҃ьствꙋющимъ пра́вило , и҆ пꙋсты́ни прᲂзѧбле́нїе . сла́ва . Твᲂѐ ꙗ҆вле́нїе прᲂвᲂз̾вѣща́юще зри́телю , вᲂз̾вѣща́хꙋ а҆́гг҃льстїи чи́ни нело́жнѡ . гаврїи́ла пᲂдо́бѧщесѧ бжⷭ҇твеннᲂмꙋ бл҃гᲂвѣ́щенїю , и҆́же пре́жде ржⷭ҇тва̀ твᲂегѡ̀ , сщ҃е́нныи заха́рїѧ прїе́млетъ . и҆ ны́нѣ , боⷢ҇ . Страсте́мъ и҆сцѣле́нїѧ пᲂчерпа́емъ , въ сла́вныи хра́мъ прⷣтчевъ притека́юще . в̾ то́й бо прихо́дѧтъ а҆́гг҃льстїи ли́цы , дс҃и же пра́ведныхъ , и҆ всѣ́хъ влⷣчца , съ крⷭ҇тлемъ і҆ѡа́ннᲂмъ , и҆сцѣле́нїѧ пᲂдава́юще .

катава́сїѧ : Всѧ́къ зе́менъ .= Дᲂсто́йнѡ є҆́сть . свѣти́ленъ . Нетерпѧ́ше на мно́зѣ кры́ти землѧ̀ главꙋ̀ твᲂю̀ . ꙗ҆́кᲂже бо гла́съ вᲂпїю́щагѡ ты̀ , ѡ҆брѣ́тенїе тᲂѧ̀ , ѻ҆́бразᲂмъ нѣ́кимъ вᲂз̾вѣсти́лъ є҆сѝ , прⷣтче і҆ѡа́нне . в̾не́же тѧ̀ пᲂчита́емъ . =двⷤа . сла́ва , и҆ ны́нѣ , боⷢ҇ . Натѧ̀ с̾ бг҃ᲂмъ ᲂу҆пᲂва́емъ пречⷭ҇таѧ , и҆́же и҆з̾ тебѐ прᲂше́дшемꙋ с̾распина́еми хрⷭ҇тꙋ̀ . и҆́же к̾немꙋ̀ мᲂли́твами сѝ , невреди́мы до кᲂнца̀ на́съ сᲂблюдѝ .

На хвали́тѣхъ , стⷯры , на д҃ . гла́съ , и҃ . поⷣ . ѽ =пресла́внᲂе чꙋ́до . Трꙋба̀ ѿ ни́жнихъ вᲂз̾гласѝ ,꙳ крⷭ҇тлева глава̀ ,꙳ є҆ѧ́же ѿсѣчѐ и҆́рᲂдъ и҆нᲂгда̀ ,꙳ за дѣѧ́нїе без̾зако́ннᲂе , и҆ наслажде́нїѧ вре́менна .꙳ сїѧ̀ глава̀ пᲂкаѧ́нїе вᲂпїе́тъ ,꙳ и҆ прᲂпᲂвѣ́дꙋетъ всѣ́мъ а҆́гньца бж҃їѧ .꙳ ѽ неи҆з̾гл҃аннᲂмꙋ тѝ млрⷭ҇дїю влⷣко ,꙳ и҆́мже хрⷭ҇тѐ ,꙳ всѣ́мъ ꙗ҆ви́лъ є҆сѝ сщ҃е́ннꙋю главꙋ̀ . =двⷤа . Дне́сь ꙗ҆́вльсѧ прⷣтча ,꙳ ꙗ҆́кᲂже зарѧ̀ со́лнечна ,꙳ вѣ́рныѧ прᲂсвѣща́ющи ,꙳ и҆сцѣле́нїемъ ка́плющи , и҆ недꙋ́ги ѡ҆чища́ющи .꙳ гла́съ слᲂвесѐ і҆ѡа́ннъ нарече́нъ бы́въ ,꙳ прᲂпᲂвѣ́дникъ и҆ свѣти́льникъ , и҆ крⷭ҇тль хрⷭ҇то́въ .꙳ ѽ неи҆з̾сказа́ннᲂмꙋ тѝ смᲂтре́нїю влⷣко ,꙳ и҆́мже хрⷭ҇тѐ ,꙳ спасѝ дш҃а на́ша , ꙗ҆́кѡ є҆ди́нъ млрⷭ҇дъ . Па́ки и҆́рᲂдъ ѡ҆блича́етсѧ ,꙳ глава́ бо ѿ землѝ і҆ѡа́ннᲂва прᲂи҆схо́дитъ ,꙳ и҆ гл҃ющи вѣща́етъ ꙗ҆́кѡ жива̀ ,꙳ ᲂу҆ме́ршаѧ и҆нᲂгда̀ .꙳ и҆́рᲂдъ же тᲂгда̀ съкры̀ ,꙳ и҆́стинѣ и҆ свѣ́тꙋ свѣти́льника .꙳ ѽ неи҆з̾рече́ннᲂмꙋ тѝ млрⷭ҇дїю влⷣко ,꙳ и҆́мже хрⷭ҇тѐ ,꙳ всѣ́мъ ꙗ҆ви́лъ є҆сѝ сщ҃е́ннꙋю главꙋ̀ . сла́ва . гла́съ , ѕ҃ . Всечестнꙋ́ю главꙋ̀ крⷭ҇тлѧ твᲂегѡ̀ гдⷭ҇и , ꙗ҆́вльшꙋюсѧ дне́сь ѿ землѝ , со́ гласᲂмъ хвале́нїѧ прїе́мше вѣ́рнѡ , в̾ мᲂли́твꙋ чл҃кᲂлю́бче , грѣ́шнїи рабѝ твᲂѝ привᲂдѧ́ще мо́лимсѧ , тᲂѧ̀ ра́ди ᲂу҆лꙋчи́ти , в̾ де́нь сꙋда̀ ѿ тебѐ ѡ҆чище́нїе , и҆ ве́лїю млⷭ҇ть . и҆ ны́нѣ , боⷢ҇ . Бцⷣе ты̀ є҆сѝ лᲂза̀ и҆́стиннаѧ , вᲂз̾расти́вшаѧ на́мъ пло́дъ живо́тныи , тебѣ̀ мо́лимсѧ , мᲂли́сѧ влⷣчце с̾ прⷣтчею , пᲂми́лᲂватисѧ дш҃а́мъ на́шимъ .

Славᲂсло́вїе вели́кᲂе , и҆ ѿпꙋ́стъ .

На литꙋргі́и , бл҃же́нна , на и҃ . ѿ кано́на ст҃о́мꙋ , пѣ́снь г҃ ѧ , и҆ ѕ҃ ѧ . прᲂки́менъ , ѱл҃о́мъ дв҃дᲂвъ . вᲂз̾весели́тсѧ пра́ведникъ ѡ҆́ гдⷭ҇ѣ , и҆ ᲂу҆пᲂва́етъ на́нь . сти́хъ . ᲂу҆слы́ши бж҃е мл҃твꙋ мᲂю̀ , внегда̀ мᲂли́тимисѧ къ тебѣ̀ . а҆пⷭ҇лъ , къ кᲂри́нѳѡмъ . заⷱ҇ , рѻ҃ѕ .= а҆ллилꙋ́їѧ . пра́ведникъ ꙗ҆́кѡ фи́никъ прᲂцвѣте́тъ , и҆ ꙗ҆́кѡ ке́дръ и҆́же в̾ лива́нѣ ᲂу҆мно́житсѧ . =сти́хъ . и҆́стина ѿ землѝ вᲂсїѧ̀ , и҆ пра́вда с̾ нб҃сѐ прини́че . є҆ѵⷢ҇а́лїе , ѿ =матѳе́ѧ . заⷱ҇ , м҃ . =прича́стенъ . въ па́мѧть вѣ́чнꙋю бꙋ́детъ пра́ведникъ .

<< Previous

Contents

Next >>