8 февраля: вмч. Феодора Стратилата и св. пророка Захарии

МЦⷭ҇А ТОГО́ЖЕ ВЪ И҃ ДН҃Ь

Ст҃а́гѡ великᲂмч҃нка ѳео́дѡра стратила́та . =Ст҃а́гѡ прᲂро́ка заха́рїи серпᲂви́дца . Ве́черъ , на гдⷭ҇и вᲂзва́хъ , стихѣ́ры , мч҃нкꙋ , г҃ . и҆ пррⷪ҇кꙋ , г҃ . стихѣ́ры , мч҃нкꙋ . гла́съ , д҃ . поⷣ . ꙗ҆́кѡ до́блѧ . Страда́лецъ до́блественыи ,꙳ во́инъ непᲂбѣди́мъ ,꙳ дх҃ᲂмъ ст҃ы́мъ пᲂма́засѧ ,꙳ низ̾ло́жь бᲂри́телѧ ꙳ мꙋ́дрᲂстїю слᲂве́съ твᲂи́хъ ,꙳ и҆ дѣ́лъ твᲂи́хъ мꙋ́дре терпѣли́вными ꙗ҆вле́ньми .꙳ тѣ́мже прїѧ́лъ є҆сѝ вѣнцы̀ пᲂбѣ́дныѧ ,꙳ и҆ с̾ вы́шними ли́ки сᲂвᲂкꙋпи́сѧ ,꙳ вели́кїи мч҃нче ѳео́дѡре . Бжⷭ҇твенно забра́ло бы́лъ є҆сѝ ,꙳ бл҃гᲂче́стїѧ пребᲂга́те ,꙳ ѕлᲂчести́выхъ хра́мъ вᲂз̾гнꙋша́всѧ .꙳ и҆ ѻ҆вча̀ всесᲂверше́но ,꙳ и҆ закᲂле́нїе бл҃гᲂпрїѧ́тно ,꙳ зако́льшемꙋсѧ тебѐ ра́ди чи́стѣ приво́димъ ,꙳ прᲂсла́вльшемꙋ ст҃ꙋ́ю ти па́мѧть ,꙳ и҆ чꙋде́съ сᲂкро́вище тѧ̀ сꙋ́щимъ в̾ ми́рѣ ꙳ дарᲂва́вшемꙋ ѳео́дѡре . На́ крⷭ҇тъ вᲂз̾дви́женъ ,꙳ и҆ пло́тїю стрꙋжи́мь ,꙳ и҆ ѻ҆́стрыми стрѣла́ми ᲂу҆ѧзвлѧ́емь ,꙳ и҆ на́ древѣ прᲂтѧза́емь ,꙳ и҆ мечѝ ᲂу҆сѣка́емь ,꙳ и҆ всѧ́цѣми хитрᲂстьмѝ бᲂлѣ́зней ѡ҆крꙋжа́емь ,꙳ непрекло́ненъ и҆ непᲂбѣди́мъ ꙗ҆ви́лсѧ є҆сѝ ,꙳ си́лᲂю и҆́же на крⷭ҇тѣ̀ пригвᲂжде́ннагѡ ,꙳ сла́ва мч҃нкѡмъ ѳео́дѡре . =и҆́ны , стихѣ́ры , прᲂро́кꙋ . гла́съ , и҃ . поⷣ . что́ тѧ и҆менꙋ́емъ .= И҆мѣ́ѧ житїѐ равнᲂа́гг҃льно ,꙳ со а҆́гг҃лы бг҃ᲂѧвле́нне бесѣ́дꙋеши ꙗ҆́вѣ .꙳ тѣ́ми ᲂу҆́бѡ и҆́же па́че ᲂу҆ма̀ прᲂсвѣти́въ ᲂу҆́мъ ,꙳ ѻ҆́бразᲂмъ чꙋ́днымъ .꙳ ѡ҆чище́нїе , вели́кимъ та́йнамъ ѿкрᲂве́нїе ,꙳ прᲂро́ческимъ прᲂпᲂвѣ́данїемъ ,꙳ дх҃о́внымъ вѣща́нїемъ ,꙳ мᲂлѝ спасти́сѧ дш҃а́мъ на́шимъ . А҆́гг҃лъ ꙗ҆ви́лсѧ є҆сѝ зе́мленъ ,꙳ на землѝ нбⷭ҇ныѧ сᲂбесѣ́дники и҆мѣ́ѧ .꙳ зри́тель преми́рнымъ видѣ́нїемъ бы́въ .꙳ свѣти́льникъ мы́сленыи свѣ́тъ ѡ҆блиста́ющъ .꙳ ма́слина ѱало́мски рещѝ плᲂдᲂви́та ,꙳ бг҃ᲂдѣ́йственѡ и҆ска́пающи ꙳ бл҃гᲂчести́вымъ ма́сло ,꙳ мᲂлѝ є҆́же спастѝ дш҃а на́ша . Надѣ́емаго ѡ҆бᲂже́нїе прїе́млѧ ,꙳ ꙗ҆́кѡ прᲂро́къ и҆́стины бж҃їѧ .꙳ и҆ ꙗ҆́снѡ прⷭ҇нᲂсꙋ́щныѧ насыща́ѧсѧ пи́щи ,꙳ и҆ сла́вꙋ неи҆з̾гл҃аннꙋю ви́дѣ ,꙳ и҆ дᲂбро́тными вѣнцы̀ ᲂу҆кра́шенъ .꙳ ѡ҆ на́съ пᲂю́щихъ тѧ̀ мᲂлѝ ꙳ прилѣ́жнѣ и҆ бг҃ᲂпрїѧ́тнѣ ,꙳ спасти́сѧ дш҃а́мъ на́шимъ . А҆́ще є҆́сть по́стъ , сла́ва , и҆ ны́нѣ , боⷢ҇ . а҆́ще ли среда̀ и҆ пѧто́къ , крⷭ҇тᲂбоⷢ҇ . пи́саны сего̀ мцⷭ҇а , въ и҃і дн҃ь . а҆́ще ли нѣ́сть пᲂста̀ , пᲂе́мъ : сла́ва . гла́съ , и҃ . Б=ж҃їимъ даро́мъ ꙗ҆́кѡ тезᲂи҆мени́та , и҆ тᲂгѡ̀ наслѣ́дника бл҃же́нства , всѝ вᲂсхва́лимъ вѣ́рнїи , и҆ ᲂу҆бл҃жи́мъ по дᲂстᲂѧ́нїю , ѳео́дѡра до́блѧго великᲂмч҃нка , вселе́ннѣй пᲂбо́рника . мо́лит̾бᲂсѧ хрⷭ҇тꙋ̀ бг҃ꙋ , ѡ҆ дш҃а́хъ на́шихъ .

и҆ ны́нѣ , пра́здникꙋ . гла́съ , то́йже . И҆́же на херꙋви́мѣхъ нᲂси́мыи , и҆ пѣва́емыи ѿ серафи́мъ , дне́сь в̾ бжⷭ҇твеннᲂе ст҃и́лище по зако́нꙋ принᲂси́мъ , на ста́рческꙋю ꙗ҆́кѡ на прⷭ҇то́лѣ сѣди́тъ рꙋкꙋ̀ . и҆ ѿ і҆ѡ́сифа прїе́млетъ да́ры бг҃ᲂлѣ́пнѡ , ꙗ҆́кѡ сꙋпрꙋ́гъ го́рличища нескве́рнꙋю цр҃кᲂвь , и҆ ѿ ꙗ҆зы́къ но́выѧ лю́ди . гᲂлꙋби́на же два̀ птенца̀ , ꙗ҆́кѡ нача́льникꙋ ве́тхᲂмꙋ же и҆ но́вᲂмꙋ . и҆ к̾ семꙋ̀ ѡ҆бѣ́та , сѷмеѡ́нъ кᲂне́цъ прїе́мъ , бл҃гᲂсло́вѧ дв҃цꙋ мр҃і́ю бцⷣꙋ , стрⷭ҇те́й ѻ҆́бразы и҆́же и҆з̾ неѧ̀ прᲂвᲂз̾гласѝ . и҆ ѿ негѡ̀ и҆ска́ше ѿпꙋще́нїѧ вᲂпїѧ̀ . ны́нѣ ѿпꙋсти́ мѧ влⷣко , ꙗ҆́кᲂже пре́жде вᲂз̾вѣсти́ ми . ꙗ҆́кѡ ви́дѣхъ тѧ первᲂвѣ́чнаго свѣ́та , и҆ сп҃са гдⷭ҇а , хрⷭ҇тᲂи҆мени́тымъ лю́демъ .

На стихо́внѣ , стихѣ́ры . гла́съ , в҃ . поⷣ . до́ме є҆в̾фра́фᲂвъ . Две́ри нбⷭ҇ныѧ ѿве́рзитесѧ ,꙳ хрⷭ҇то́съ бо в̾ цр҃кви ,꙳ ꙗ҆́кѡ млⷣнцъ ,꙳ мт҃рїю дв҃ᲂю ꙳ бг҃ꙋ и҆ ѻ҆ц҃ꙋ прино́ситсѧ .

сти́хъ : ны́нѣ ѿпꙋща́еши раба̀ свᲂегѡ̀ влⷣко ,꙳ по гл҃ꙋ твᲂемꙋ̀ с̾ ми́рᲂмъ . Оу҆́гль прᲂѧвле́исѧ ,꙳ бжⷭ҇твеннᲂмꙋ и҆са́їи хрⷭ҇то́съ .꙳ ꙗ҆́кѡ клеща́ми ,꙳ рꙋка́ма бцⷣы ,꙳ ны́нѣ ста́рцꙋ дае́тсѧ .

сти́хъ : свѣ́тъ во ѿкрᲂве́нїе ꙗ҆зы́кѡмъ ,꙳ и҆ сла́вꙋ люді́й твᲂи́хъ і҆и҃лѧ . Стра́хᲂмъ же и҆ ра́дᲂстїю ,꙳ на рꙋкꙋ̀ влⷣкꙋ ꙳ сѷмеѡ́нъ держа̀ ,꙳ жи́зни прᲂша́ше разрѣше́нїѧ ,꙳ пᲂѧ̀ бг҃ᲂрᲂди́тельницꙋ . сла́ва . гла́съ , є҃ . Дне́сь вᲂсїѧ̀ па́че денни́цы , чⷭ҇тна́ѧ па́мѧть стрⷭ҇тᲂте́рпца хрⷭ҇то́ва , вѣ́рныхъ срⷣца̀ неви́димо прᲂсвѣща́ющи , и҆ ѻ҆́блаки дш҃а́мъ ѿгᲂнѧ́щи , дѣ́йствᲂмъ бл҃гᲂда́тїю дх҃а . к̾немꙋ́же мч҃нкᲂлю́бцы в̾зᲂве́мъ , ра́дꙋисѧ и҆́же вѣ́рнымъ ꙗ҆́вльсѧ бг҃ᲂда́рнаѧ бл҃гᲂда́ть , и҆ чꙋде́съ мно́жества прᲂстира́ѧ , к̾ тебѣ̀ притека́ющимъ ѳео́дѡре бл҃же́нне . хрⷭ҇та̀ непреста́ннѡ мᲂлѧ̀ не ѡ҆скꙋдѣ́й , вѣ́чныхъ бл҃гъ пᲂлꙋчи́ти , и҆́же вѣ́рᲂю твᲂрѧ́щимъ па́мѧть твᲂю̀ . и҆ нн҃ѣ , пра́здникꙋ . гла́съ , то́йже . Ве́тхїи де́ньми младе́нствᲂвавъ пло́тїю , мт҃рїю дв҃ᲂю в̾ цр҃квь прино́ситсѧ , свᲂегѡ̀ зако́на и҆спᲂлнѧ́ѧ ѡ҆бѣща́нїе . є҆го́же сѷмеѡ́нъ прїе́мъ гл҃аше , ны́нѣ ѿпꙋща́еши с̾ ми́рᲂмъ по гл҃ꙋ твᲂемꙋ̀ раба̀ твᲂегѡ̀ . ви́дѣстѣ бо ѻ҆́чи мᲂѝ спасе́нїе твᲂѐ ст҃ы́и .

та́же , нн҃ѣ ѿпꙋща́еши . трⷭ҇то́е , и҆ по ѻ҆́ч҃е на́шъ . трᲂпа́рь , мч҃нкꙋ . гла́съ , д҃ . Во́инствᲂмъ и҆́стиннымъ стрⷭ҇тᲂте́рпче нбⷭ҇нагѡ цр҃ѧ вᲂево́да , преᲂу҆дᲂбре́нъ бы́сть ѳео́дѡре . ѻ҆рꙋ́жїемъ бо вѣ́ры ѡ҆пᲂлчи́всѧ мꙋ́дрѣ , пᲂбѣди́лъ є҆сѝ бѣсо́вскїѧ пᲂлкѝ , и҆ пᲂбѣдᲂно́сенъ ꙗ҆ви́сѧ страда́лецъ , тѣ́мже тѧ̀ вѣ́рᲂю прⷭ҇нѡ ᲂу҆бл҃жа́емъ . сла́ва , и҆ ны́нѣ . трᲂпа́рь , пра́здникꙋ . гла́съ , а҃ . Ра́дꙋйсѧ ѡ҆бра́дᲂваннаѧ бцⷣе дв҃о , и҆з̾ тебе́ бо вᲂсїѧ̀ сл҃нце пра́веднᲂе хрⷭ҇то́съ бг҃ъ на́шъ , прᲂсвѣща́ѧ и҆́же во тмѣ̀ сꙋ́щихъ . весели́сѧ и҆ ты̀ ста́рче пра́ведныи , прїе́мыи на́ рꙋкꙋ свᲂбᲂди́телѧ дш҃а́мъ на́шимъ , да́рꙋющагѡ на́мъ вᲂскрⷭ҇нїе .

На ᲂу҆́трени , на бг҃ъ гдⷭ҇ь , трᲂпа́рь , пра́здникꙋ , двⷤа . сла́ва , мч҃нкꙋ . и҆ ны́нѣ , пра́здникꙋ . =По а҃ , стихᲂло́гїи , сѣда́ленъ . гла́съ , г҃ . Ѿ= дв҃ы тѧ̀ вᲂплᲂще́на хрⷭ҇тѐ , ны́нѣ пᲂдъѧ́тъ сщ҃е́нныи сѷмеѡ́нъ , ны́нѣ ѿпꙋща́еши вᲂпїѧ̀ , раба̀ твᲂегѡ̀ влⷣко . а҆́нна же непᲂро́чна прᲂро́чица и҆ сла́внаѧ , ны́нѣ и҆спᲂвѣ́данїе принᲂша́ше ти . мы́ же живᲂда́вче вᲂпїе́мъ , сла́ва и҆́же та́кѡ и҆зво́лившемꙋ . сла́ва , и҆ ны́нѣ , то́йже .

По в҃ , стихᲂло́гїи , сѣда́ленъ . гла́съ , и҃ . Рᲂди́сѧ на землѝ , сᲂбезнача́льныи ѻ҆ц҃ꙋ , принесе́сѧ в̾ цр҃квь непᲂсти́жимыи . ра́дꙋѧжесѧ ста́рецъ , на рꙋкꙋ̀ тѧ̀ вᲂспрїѧ́тъ . зᲂвы́и , ны́нѣ ѿпꙋща́еши , є҆го́же пᲂсѣти́лъ є҆сѝ по гл҃ꙋ твᲂемꙋ̀ , бл҃гᲂи҆зво́ ливыи спастѝ ꙗ҆́кѡ бг҃ъ ро́дъ чл҃ческїи . сла́ва , и҆ ны́нѣ , то́йже .

Кано́нъ , пра́здникꙋ , на́ ѕ҃ . и҆ ст҃ы́мъ два̀ кано́на , на и҃ . кано́нъ , пра́здникꙋ . гла́съ , г҃ . твᲂре́нїе кᲂзмы̀ мᲂна́ха . пѣ́снь , а҃ . і҆рмо́съ . Сꙋ́шꙋ глꙋбᲂрᲂди́ тельнꙋю зе́млю , сл҃нце наше́ствᲂва и҆нᲂгда̀ . ꙗ҆́кѡ стѣна́ бо ѡ҆гꙋстѣ̀ ѻ҆́ба по́лы вᲂда̀ , лю́демъ пѣ́шимъ глꙋбинꙋ̀ прᲂхᲂдѧ́щимъ , и҆ бг҃ᲂꙋго́днѡ пᲂю́щимъ , пᲂе́мъ гдⷭ҇ви , сла́вно бо прᲂсла́висѧ .

запѣ́въ : Сла́ва гдⷭ҇и срѣ́тенїю твᲂемꙋ̀ . Да ка́плютъ во́дꙋ ѻ҆́блацы , сл҃нце бо на ѻ҆́блацѣ ле́гцѣ нᲂси́мо наста́ло є҆́сть , на нетлѣ́ннꙋю рꙋкꙋ̀ , хрⷭ҇то́съ в̾ цр҃кви ꙗ҆́кѡ младе́нецъ . тѣ́мже вѣ́рнїи вᲂзᲂпїе́мъ , пᲂе́мъ гдⷭ҇ви , сла́вно бо прᲂсла́висѧ . Крѣпи́тѣсѧ рꙋ́цѣ сѷмеѡ́ни , ста́ро стїю ѡ҆сла́бленїи . лы́ста же претрꙋжде́на ста́рча пра́вѡ быстро̀ движи́тасѧ , хрⷭ҇тꙋ̀ на срѣ́тенїе , ли́къ с̾ беспло́тными сᲂста́вите , пᲂе́мъ гдⷭ҇ви , сла́вно бо прᲂсла́висѧ . Ра́зꙋмᲂмъ прᲂсте́ртаѧ нб҃са̀ весели́тесѧ , ра́дꙋйжесѧ землѐ . и҆з̾ пребжⷭ҇твенныхъ бо нѣ́дръ хитре́цъ прᲂше́дъ хрⷭ҇то́съ , мт҃рїю дв҃ᲂю бг҃ᲂви ѻ҆ц҃ꙋ прино́ситсѧ младе́нецъ , и҆́же пре́жде всѣ́хъ , сла́вно бо прᲂсла́висѧ .

кано́нъ , мч҃нкꙋ . гла́съ , и҃ . пѣ́снь , а҃ . і҆рмо́съ . Вᲂѡ҆рꙋже́на фараѡ́на пᲂгрꙋзѝ , чꙋдᲂтвᲂрѧ́й дре́вле , мѡѷсе́йскїи же́ѕлъ крⷭ҇тᲂѡ҆бра́знѡ прᲂразѝ , и҆ раздѣлѝ мо́ре . і҆и҃лѧ же бѣжа́ща , пѣ́ша хᲂдѧ́ща спасѐ , пѣ́снь бг҃ᲂви вᲂз̾сыла́юща .

запѣ́в̾ : Ст҃ы́и великᲂмч҃нче ѳео́дѡре , мᲂлѝ бг҃а ѡ҆ на́съ . Бжⷭ҇твенными ꙗ҆́вѣ свѣтлᲂстьмѝ ᲂу҆дᲂбрѧ́ѧсѧ , страда́льческимъ вѣнце́мъ сщ҃е́нно ᲂу҆краша́емь , и҆ сла́вᲂю ѡ҆блиста́емь ст҃ы́ѧ трⷪ҇цы , хва́лѧщїѧ тѧ̀ пᲂмина́й , вели́кїи в̾ мч҃нцѣхъ ѳео́дѡре . И҆спо́лнь свѣ́та , и҆спо́лнь бжⷭ҇твенныѧ бл҃гᲂда́ти , на́мъ вᲂсїѧ̀ сщ҃е́ннаѧ па́мѧть , честны́хъ по́двигъ твᲂи́хъ пресвѣ́тлыми свѣтлᲂстьмѝ ѡ҆зарѧ́ющи всѣ́хъ , бл҃гᲂче́стнѡ тѧ̀ пᲂчита́ющїѧ , мч҃нче стрⷭ҇тᲂте́рпче ѳео́дѡре . И҆́дᲂльстѣй ѡ҆держа́щи бꙋ́ри чл҃чество , сщ҃е́нныи мч҃нкъ ѡ҆кᲂрмлѧ́емь крⷭ҇та̀ бжⷭ҇твеннᲂю бл҃гᲂда́тїю , небꙋ́рнѡ преплы́въ , и҆ в̾ приста́нища дᲂсти́же нбⷭ҇наѧ ра́дꙋѧсѧ . боⷢ҇ . Две́ри бж҃їѧ , пᲂкаѧ́нїѧ две́ри ми дв҃о ѿве́рзи , пᲂмышле́ньми бжⷭ҇твенными дш҃ꙋ мᲂю̀ прᲂсвѣтѝ , и҆ страсте́й ѿженѝ тѧ́жкїѧ ѻ҆́блаки , ꙗ҆́кѡ да пᲂчита́ю ра́дꙋѧсѧ , и҆ до́лжнѡ ᲂу҆бл҃жа́ю тѧ̀ .

кано́нъ , прᲂро́кꙋ . гла́съ , и҃ . пѣ́снь , а҃ . і҆рмо́съ . Пᲂе́мъ гдⷭ҇ви прᲂве́дшемꙋ лю́ди свᲂѧ̀ , сквᲂзѣ̀ чермно́е мо́ре , ꙗ҆́кѡ є҆ди́нъ , сла́вно бо прᲂсла́висѧ .

запѣ́въ : Ст҃ы́и пррⷪ҇че заха́рїе , мᲂлѝ бг҃а ѡ҆ на́съ . И҆мѣ́ѧ свѣтᲂда́вца , твᲂѧ̀ пᲂслꙋ́шающа мᲂльбы̀ , прᲂсвѣще́нїе ми пᲂда́ждь , заха́рїе прᲂро́че пречꙋ́дныи . Оу҆краше́нъ дᲂбро́тами бжⷭ҇твенныѧ красᲂты̀ , а҆́гг҃лѡмъ дᲂбро́тꙋ зрѧ́ше , дш҃е́внᲂю чистᲂто́ю . И҆спо́лнь ст҃ы́ни , а҆гг҃лᲂпᲂдо́бныѧ свѣ́тлᲂсти , ꙗ҆́кѡ сы́и бг҃ᲂмꙋ́дре , бесѣ́дꙋюща с̾ тᲂбо́ю , а҆́гг҃лы и҆мѣ́лъ є҆сѝ . боⷢ҇ . Разрѣши́сѧ клѧ́тва є҆́ввы прамт҃ре , всенепᲂро́чнаѧ . хрⷭ҇та́ бо ро́ждьши , бл҃гᲂслᲂве́нїемъ ми́ръ ѡ҆бᲂгати́ла є҆сѝ .

пѣ́снь , г҃ . і҆рмо́съ . Оу҆тверже́нїе на тѧ̀ надѣ́ющимсѧ , ᲂу҆твердѝ гдⷭ҇и цр҃кᲂвь свᲂю̀ , ю҆́же стѧжа̀ чⷭ҇тно́ю сѝ кро́вїю . Первᲂрᲂжде́нъ и҆з̾ ѻ҆ц҃а пре́жде вѣ́къ , первᲂрᲂжде́нъ младе́нецъ и҆з̾ дв҃ы нетлѣ́нны . а҆да́мꙋ рꙋ́кꙋ прᲂстира́ѧ ꙗ҆ви́сѧ . Младᲂꙋ́мна бы́вша пре́лестїю первᲂз̾да́ннагѡ , па́ки и҆справлѧ́ѧ бг҃ъ сло́во , младе́нствᲂвавъ ꙗ҆ви́сѧ . Землѝ и҆сча́дїе , па́ки те́кши к̾ не́й , бжⷭ҇тва̀ сᲂѡ҆бра́знᲂе є҆стество̀ сᲂдѣ́тель ꙗ҆́кѡ непрело́жно , младе́нствᲂвавъ ꙗ҆вѝ .

и҆́нъ , і҆рмо́съ . Оу҆тверже́и нб҃са̀ в̾ нача́тцѣ ра́зꙋмᲂмъ , и҆ зе́млю на вᲂда́хъ ѡ҆снᲂва́выи . на ка́мени мѧ хрⷭ҇тѐ цр҃ко́внѣмъ ᲂу҆твердѝ , ꙗ҆́кѡ нѣ́сть ст҃а , па́че тебѐ чл҃кᲂлю́бче . Ꙗ҆́кѡ ле́въ дерзнꙋ́въ пᲂсредѝ сꙋди́ща ста́лъ є҆сѝ , вᲂз̾вѣща́ѧ спасе́нᲂе сло́во , дᲂсажда́ѧ ѕлᲂчести́вымъ , прᲂпᲂвѣ́даѧ и҆́стинꙋ , и҆ ѡ҆блича́ѧ лжꙋ̀ без̾бо́жїѧ ѳео́дѡре . Мꙋчи́тель ᲂу҆ди́вльсѧ , твᲂемꙋ̀ мꙋ́жествꙋ мꙋ́дре , ско́тьскᲂю ꙗ҆́рᲂстїю пᲂдви́гсѧ , жи́лами вᲂлꙋ́ѧми неща́днѡ ᲂу҆ранѧ́етъ тѧ̀ ѳео́дѡре , ме́рз̾скимъ и҆стꙋка́ннымъ сᲂкрꙋше́нїе сᲂдѣ́лавша . Мꙋ́жескимъ по́мыслᲂмъ ꙗ҆́звеныѧ ка́пли , ꙗ҆́кѡ во́лны мᲂрскі́ѧ бг҃ᲂмꙋ́дре ѿри́нꙋ , крⷭ҇та̀ бл҃гᲂда́тїю ᲂу҆крѣплѧ́емь . и҆ вѣнцено́сецъ бжⷭ҇твеннагѡ дх҃а си́лᲂю ꙗ҆влѧ́ѧсѧ . боⷢ҇ . Сᲂтвᲂрѝ и҆́стиннѡ тебѣ̀ вели́чїе , и҆́же ѿ тебѐ рᲂжде́исѧ гдⷭ҇ь , и҆ ро́ди всѝ , тѧ̀ бж҃їю мт҃рь сла́вѧтъ .

и҆́нъ , і҆рмо́съ . Нѣ́сть ст҃а ꙗ҆́кѡ гдⷭ҇ь , и҆ нѣ́сть пра́ведна ꙗ҆́кᲂже бг҃ъ на́шъ . є҆го́же пᲂе́тъ всѧ̀ тва́рь , нѣ́сть бо прест҃а па́че тебѐ гдⷭ҇и . Вы́шнѧѧ бл҃гᲂда́ть тебѐ ѡ҆сѣнѝ , прᲂмышле́нїѧ несказа́ннагѡ бжⷭ҇твенѡ ѡ҆кᲂрмле́нїе , ст҃ы́ми а҆́гг҃лы наꙋча́ющи премꙋ́дре бл҃же́нне , и҆ прᲂсвѣща́ющи . Бжⷭ҇твенѣй бл҃гᲂсти наказꙋ́ѧсѧ , наꙋчи́лсѧ є҆сѝ пребᲂга́те ꙗ҆́кѡ пречи́стъ , плᲂдᲂви́тѣ жи́ти бжⷭ҇твеннымъ сщ҃е́нїемъ , во́ градѣ всеѡ҆сщ҃е́ннѣ . Стѣна̀ незы́блема , ᲂу҆тверже́нїе лю́демъ бг҃ᲂмꙋ́дрымъ бы́лъ є҆сѝ гдⷭ҇и , и҆ дш҃а́мъ спасе́нїе , ꙗ҆́кᲂже дре́вле прᲂвᲂз̾вѣстѝ прⷪ҇ркъ чꙋ́дныи . боⷢ҇ . Ржⷭ҇тво̀ нетлѣ́нно и҆ пречⷭ҇то , бцⷣе твᲂѐ прижи́тїе , ми́ра и҆зба́ви ѿ тлѧ̀ и҆ сме́рти . сп҃са бо рᲂдила̀ є҆сѝ , сло́во прⷭ҇нᲂсꙋ́щнᲂе .

кᲂнда́к̾ , пра́здникꙋ . гла́съ , а҃ . И҆́же ᲂу҆тро́бꙋ дв҃чꙋ ѡ҆ст҃и́въ ржⷭ҇тво́мъ сѝ , и҆ рꙋ́цѣ сѷмеѡ́ни бл҃гᲂслᲂви́въ , ꙗ҆́кᲂже пᲂдᲂба́ше пред̾вари́въ . и҆ ны́нѣ спа́слъ є҆сѝ на́съ хрⷭ҇тѐ бж҃е . но ᲂу҆мирѝ во бранѣ́хъ житїѐ на́ше , и҆ ᲂу҆крѣпѝ люде́й , и҆́хже вᲂз̾люби́лъ є҆сѝ , є҆ди́не чл҃кᲂлю́бче . и҆́кᲂсъ . Къ бцⷣѣ притеце́мъ вѣ́рнїи , хᲂтѧ́щїи сн҃а є҆ѧ̀ ви́дѣти , к̾ сѷмеѡ́нꙋ и҆дꙋ́ща . є҆го́же с̾ нб҃сѐ беспло́тнїи ви́дѧще , дивлѧ́хꙋсѧ гл҃юще , чꙋ́днаѧ зри́мъ ны́нѣ и҆ пресла́внаѧ , непᲂстижи́маѧ и҆ несказа́ннаѧ . и҆́же бо а҆да́ма сᲂзда́выи , нᲂси́мь є҆́сть ꙗ҆́кѡ млⷣнцъ . невмѣсти́мыи вмѣща́етсѧ на рꙋкꙋ̀ сѷмеѡ́ню , и҆́же в̾ нѣ́дрѣхъ неѡ҆пи́санныи сы́и ѻ҆ц҃а свᲂегѡ̀ , во́лею ѡ҆писꙋ́етсѧ пло́тїю а҆ не бжⷭ҇тво́мъ , є҆ди́нъ чл҃кᲂлю́бецъ .

сѣда́ленъ , мч҃нкꙋ . гла́съ , и҃ . Бжⷭ҇твеннꙋю мл҃твꙋ вᲂспрїе́мъ , и҆ и҆́дᲂльскꙋю ле́сть низ̾ло́жь , а҆́гг҃лы вᲂз̾ста́вилъ є҆сѝ вᲂсхвали́ти по́двиги твᲂѧ̀ . и҆́бо бжⷭ҇твеннᲂю любо́вїю ᲂу҆́мъ распали́въ , на ѻ҆́гненꙋ сме́рть до́блественѡ дерзнꙋ́лъ є҆сѝ . тѣ́мже тезᲂи҆мени́тнѡ , прᲂсѧ́щимъ тѝ дае́ши бжⷭ҇твеннаѧ дарᲂва́нїѧ стрⷭ҇тᲂте́рпче ѳео́дѡре . сегѡ̀ ра́ди вᲂпїе́мъ ти , мᲂлѝ хрⷭ҇та̀ бг҃а , грѣхо́въ ѡ҆ставле́нїе пᲂда́ти , чтꙋ́щимъ любо́вїю па́мѧть твᲂю̀ . сѣда́ленъ , прᲂро́кꙋ . гла́съ , г҃ . Впрѧжены̀ кᲂлесни́цы ви́дѣлъ є҆сѝ , направлѧ́емы рꙋко́ю всѣ́хъ бг҃а беспло́тныѧ слꙋгѝ , заха́рїе чꙋ́дне . с̾ни́ми же ра́дꙋѧсѧ ꙗ҆́кѡ прᲂро́къ сла́вне , мᲂлѝ напра́витисѧ к̾ пꙋтѝ бжⷭ҇твеннагѡ ра́зꙋма , и҆́же вѣ́рᲂю несꙋмѣ́ннᲂю твᲂрѧ́щимъ па́мѧть твᲂю̀ всесщ҃е́ннꙋю . сла́ва , и҆ ны́нѣ , пра́здникꙋ . гла́съ , а҃ . И҆́же сы́и со ѻ҆ц҃е́мъ на прⷭ҇то́лѣ ст҃ѣ́мъ , прише́дъ на́ землю ѿ дв҃ы рᲂди́сѧ , и҆ младе́нецъ бы́сть , лѣ́ты сы́и неѡ҆пи́санъ . є҆го́же прїе́мъ сѷмеѡ́нъ на рꙋкꙋ̀ ра́дꙋѧсѧ гл҃аше , нн҃ѣ ѿпꙋща́еши ще́дре вᲂз̾весели́въ раба̀ твᲂегѡ̀ .= А҆́ще є҆́сть по́стъ , сла́ва , и҆ ны́нѣ , боⷢ҇ . а҆́ще ли среда̀ и҆ пѧто́къ , крⷭ҇тᲂбоⷢ҇ . пи́саны сего̀ мцⷭ҇а , въ к҃и дн҃ь .=

пѣ́снь , д҃ . і҆рмо́съ . Пᲂкры́ла є҆́сть нб҃са̀ дᲂбрᲂдѣ́тель твᲂѧ̀ хрⷭ҇тѐ , и҆з̾ кїѡ́та бо прᲂше́дъ , ст҃ы́ѧ твᲂеѧ̀ нетлѣ́нныѧ мт҃ре , в̾ цр҃кви сла́вы ти ꙗ҆ви́сѧ , ꙗ҆́кѡ младе́нецъ на рꙋкꙋ̀ нᲂси́мъ . и҆ и҆спо́лнишасѧ всѧ̀ твᲂегѡ̀ хвале́нїѧ . Ра́дꙋйсѧ сѷмеѡ́не неи҆зрече́ннымъ таи́нниче , бцⷣа вᲂпїѧ́ше , є҆го́же ѿ ст҃а́гѡ ѡ҆ дре́вле вᲂз̾вѣсти́тисѧ дх҃а , младе́нствᲂвавша сло́ва хрⷭ҇та̀ на рꙋкꙋ̀ прїимѝ . зᲂвы́и є҆мꙋ̀ , и҆спо́лнишасѧ всѧ̀ твᲂегѡ̀ хвале́нїѧ . На него́ же ᲂу҆пᲂва́лъ є҆сѝ сѷмеѡ́не , во́зрастъ дѣ́тищныи , ра́дꙋѧсѧ пᲂд̾имѝ хрⷭ҇та̀ . і҆и҃лю бжⷭ҇твеннᲂе ᲂу҆тѣше́нїе . зако́нꙋ твᲂрца̀ и҆ влⷣкꙋ , и҆спᲂлнѧ́ющагѡ зако́нꙋ чи́нъ , зᲂвы́и є҆мꙋ̀ , и҆спо́лнишасѧ всѧ̀ твᲂегѡ̀ хвале́нїѧ . Ви́дѣ сѷмеѡ́нъ сло́во без̾нача́льнᲂе , с̾ пло́тїю ꙗ҆́кѡ на прⷭ҇то́лѣ херꙋви́мстѣ дв҃цею нᲂси́мо , вино́внаго бы́тїю всѧ́ческихъ . ꙗ҆́кѡ млⷣнцꙋ дивѧ́сѧ вᲂпїѧ́ше є҆мꙋ̀ , и҆спо́лнишасѧ всѧ̀ твᲂегѡ̀ хвале́нїѧ .

и҆́нъ , і҆рмо́съ . Ты́ ми хрⷭ҇тѐ гдⷭ҇ь , ты́ же и҆ си́ла ми , ты́ ми бг҃ъ , ты́ ми ра́дᲂванїе . не ѡ҆ста́вль нѣ́дра ѻ҆́ч҃а , но ми́лᲂстїю си на́шꙋ нищетꙋ̀ пᲂсѣти́въ . тѣ́мъ съ прᲂро́кѡмъ а҆вва́кꙋмᲂмъ зᲂвꙋ̀ , си́лѣ твᲂе́й сла́ва чл҃кᲂлю́бче . И҆мѣ́ѧ хрⷭ҇та̀ в̾нꙋ́трь себѐ бл҃же́нне вѣща́юща , ликині́евꙋ гᲂрды́ню низ̾лᲂжи́лъ є҆сѝ , слᲂвесы̀ мꙋ́дрыми . сѐ вᲂи́стинꙋ мч҃нче ѡ҆бличи́лъ є҆сѝ , премно́гᲂе безꙋ́мїе , и҆ дѣ́лы пресла́вными зрѧ́щїѧ ᲂу҆диви́лъ є҆сѝ , страда́льче дᲂблемꙋ́дре ѳео́дѡре . Ѻ҆бѣ́шенъ бы́въ без̾зако́нїемъ мꙋчи́телѧ , и҆ нᲂгтьмѝ и҆стерза́емь , и҆ ѡ҆багре́нъ ка́плѧми мч҃нче , и҆́же непра́веднѡ , и҆злива́емᲂмъ крᲂве́мъ твᲂи́мъ , ᲂу҆мер̾щвле́нїѧ дебельства̀ и҆ тлѧ̀ сᲂвлечѐ ри́зы , пребл҃же́нне ѳео́дѡре . боⷢ҇ . Лꙋка́вᲂе грѣхо́въ мᲂи́хъ рꙋкᲂписа́нїе , бжⷭ҇твеннымъ кᲂпїе́мъ пречⷭ҇таѧ расто́ргни , прᲂбо́дшимъ бжⷭ҇твеннаѧ ре́бра , въ чл҃читисѧ и҆з̾ тебѐ дв҃о вᲂсхᲂтѣ́вшаго . и҆ в̾ кни́зѣ мѧ написа́ти спаса́емыхъ мᲂли́сѧ , и҆́же безꙋма̀ ѿ́ бг҃а ᲂу҆да́льшасѧ .

и҆́нъ , і҆рмо́съ . И҆з̾ гᲂры̀ присѣ́нныѧ сло́ве пррⷪ҇къ , и҆з̾ є҆ди́ныѧ бцⷣы хᲂтѧ́щасѧ вᲂплᲂти́ти , бг҃ᲂви́днѡ раз̾смо́трь , и҆ со́ страхᲂмъ славᲂсло́вѧши си́лꙋ твᲂю̀ . Є҆ди́но ᲂу҆́бѡ свѣ́тлᲂе сꙋщество̀ честѝ , в̾ со́лнцѣхъ же трїе́хъ пᲂвелѣва́емо , в̾ сꙋ́щаѧ сᲂбо́ры ᲂу҆мнᲂжа́емо , ꙗ҆́вѣ наꙋча́еши пребл҃же́нне . Кᲂлесни́ца бж҃їѧ бы́въ прⷪ҇рче , кᲂлесни́ца зрѣ́ти разли́чны а҆́гг҃льскїѧ , ѡ҆бхᲂди́ти всѧ̀ спᲂдо́билсѧ є҆сѝ , съ бл҃гᲂчи́нїемъ и҆дꙋ́ща . Сщ҃еннᲂлѣ́пнѡ мнᲂгᲂсвѣ́тлыи свѣ́щникъ , ѻ҆́бразъ зри́ши бжⷭ҇твеннагѡ свѣтᲂзаре́нїѧ , смᲂтрѧ́еши же пребл҃же́нне всеви́дца , и҆́мже всѧ́ческаѧ спаса́ютсѧ . боⷢ҇ . Ѻ҆́бразъ твᲂегѡ̀ чⷭ҇тагѡ ржⷭ҇тва̀ , бг҃ᲂви́днїи пррⷪ҇цы прᲂначерта́ютъ . мнᲂгᲂви́днѡ прᲂѡ҆брази́вше , и҆ разли́чнѡ гада́ньми бг҃ᲂмꙋ́дрїи .

пѣ́снь , є҃ . і҆рмо́съ . Ꙗ҆́кѡ ви́дѣ и҆са́їѧ ѻ҆бра́знѡ на прⷭ҇то́лѣ превысо́цѣ бг҃а , ѿ а҆́гг҃лъ сла́вы да́ры прїе́млюща , ѽ ѻ҆каѧ́нныи вᲂпїѧ́ше а҆́зъ , прᲂви́дѣхъ вᲂплᲂща́ема бг҃а , свѣ́та невече́рнѧ , и҆ ми́рᲂмъ ѡ҆блада́юща . Разꙋмѣ́въ бжⷭ҇твенныи ста́рецъ , прᲂѧ́вленꙋю дре́вле прⷪ҇ркꙋ сла́вꙋ , пло́тїю сло́ва зрѧ̀ мт҃рїю держи́ма , ѽ ра́дꙋисѧ вᲂпїѧ́ше чⷭ҇таѧ , ꙗ҆́кѡ прⷭ҇то́лъ бо держи́ши бг҃а , свѣ́та невече́рнѧ , и҆ ми́рᲂмъ ѡ҆блада́юща . Пᲂкло́ньсѧ ста́рецъ , и҆ стᲂпа́мъ бжⷭ҇твенѡ прикᲂснꙋ́сѧ , неи҆скꙋсᲂбра́чныѧ и҆ бж҃їѧ мт҃ре , ѻ҆́гнь речѐ но́сиши чⷭ҇таѧ . млⷣнца бᲂю́сѧ ѡ҆бъѧ́ти бг҃а , свѣ́та невече́рнѧ , и҆ ми́рᲂмъ ѡ҆блада́юща . Ѡ҆чища́етсѧ и҆са́їѧ ѿ серафи́ма ᲂу҆́гль прїе́мъ . ста́рецъ вᲂпїѧ́ше бж҃їи мт҃ри , ты̀ ꙗ҆́кѡ клеща́ми , рꙋка́ма прᲂсвѣща́еши мѧ . пᲂда́вши ми є҆го́же но́сиши свѣ́та невече́рнѧ , и҆ ми́рᲂмъ ѡ҆блада́юща .

и҆́нъ , і҆рмо́съ . Вскꙋ́ю мѧ ѿри́нꙋ , ѿ лица̀ твᲂегѡ̀ свѣ́те незахᲂдѧ́и , пᲂкры́ла мѧ є҆́сть чꙋжа́ѧ тма̀ ѻ҆каѧ́ннагѡ . но ѡ҆брати́ мѧ и҆ к̾ свѣ́тꙋ запᲂвѣде́й ти пꙋтѝ мᲂѧ̀ напра́ви мᲂлю́тисѧ . Прᲂсвѣща́емь заре́ю мч҃нче бжⷭ҇твеннагѡ дх҃а , и҆ распалѧ́емь хрⷭ҇то́вᲂю любо́вїю , ѡ҆палѧ́емѣ пло́ти неради́лъ є҆сѝ . ни ѡ҆щꙋтѝ бᲂлѣ́зни , ни в̾мѣнѝ мꙋ́ки , нбⷭ҇ными наде́ждами пита́емь . И҆́го влⷣки нᲂсѧ̀ на вы́и преле́гкᲂе , ѻ҆́лᲂва тѧгᲂто́ю стрⷭ҇тᲂте́рпче пребл҃же́нне ѡ҆тѧгче́нъ , непреклᲂни́сѧ ѿ ню́дъ , ни пᲂкᲂлеба́сѧ , нижѐ пᲂбѣди́сѧ во́ине до́блїи ѳео́дѡре . Съ нб҃сѐ пригласи́въ тѧ пребл҃го́е сло́во , де́рзᲂстна сᲂтвᲂрѝ . є҆го́же си́лᲂю , го́рькїѧ бᲂлѣ́зни претерпѣ́лъ є҆сѝ без̾зако́ннꙋющихъ , мч҃нче хрⷭ҇то́въ , и҆ мꙋ́ки и҆ нꙋ́жнꙋю сла́вне сме́рть . боⷢ҇ . Пребыва́ти мѧ цѣ́ла , непрело́жна стᲂѧ́нїѧ лꙋ́чьшагѡ , и҆ пра́вѣ ше́ствꙋюща , и҆ бг҃ꙋ ᲂу҆го́днаѧ дѣ́юща , бл҃га́ѧ ᲂу҆мᲂлѝ , бл҃га́го ро́ждьши сло́ва , и҆́же на́съ без̾слᲂве́сїѧ и҆зба́вльшаго .

и҆́нъ , і҆рмо́съ . Ѿ ́нᲂщи невѣ́дѣнїѧ , бг҃ᲂразꙋ́ мїемъ прᲂсвѣще́й кᲂнцы̀ , прᲂсвѣти́ мѧ ᲂу҆́трᲂмъ , славᲂсло́вїѧ твᲂегѡ̀ гдⷭ҇и . Чи́стымъ срⷣцемъ , и҆ ᲂу҆ма̀ прᲂви́дѧ ѻ҆стрᲂто́ю , стрⷭ҇ть сп҃сᲂвꙋ , дᲂстᲂлѣ́пнѡ ᲂу҆бл҃жа́етсѧ . Па́че є҆стества̀ ст҃ы́и ра́дꙋисѧ сїѡ́не , прᲂро́къ пре́жде пᲂвелѣва́етъ . грѧде́тъ цр҃ь тво́й пра́веденъ , и҆ спаса́ѧ кро́тᲂстїю . Прᲂро́кѡмъ сла́ва , бг҃ᲂгл҃анныхъ мꙋже́й бл҃гᲂлѣ́пїе , ми́ръ ѡ҆зарѧ́етъ , прᲂро́чествїѧ свѣ́тлᲂстїю . боⷢ҇ . Дв҃ыѧ ржⷭ҇тво̀ ѡ҆бнᲂви́въ на́съ , свᲂбᲂдѝ пе́рвыхъ сᲂгрѣше́нїи , на́съ ра́ди бы́въ чл҃къ .

пѣ́снь , ѕ҃ . і҆рмо́съ . Вᲂзᲂпѝ к̾ тебѣ̀ ви́дѣвъ ста́рецъ ѻ҆чи́ма спасе́нїе , є҆́же лю́демъ прїи́де ѿ́ бг҃а хрⷭ҇тѐ , ты̀ бг҃ъ мо́й . Сїѡ́нꙋ ты̀ ка́мень вᲂз̾лᲂжи́сѧ , непᲂкᲂри́вымъ претыка́нїе , и҆ сᲂбла́знꙋ ка́мень . нерꙋши́мᲂе вѣ́рнымъ спасе́нїе . И҆звѣ́стно нᲂсѧ̀ начерта́нїе , и҆́же пре́жде вѣ́къ тѧ и҆з̾расти́вшаго . землены́хъ за млрⷭ҇дїе , ны́нѣ не́мᲂщїю ѡ҆блᲂжи́сѧ . Сн҃ꙋ вы́шнѧгѡ , сн҃ꙋ дв҃ыѧ , бг҃ꙋ ѻ҆трᲂча́ти бы́вшемꙋ , пᲂкло́ньшꙋмисѧ , ны́нѣ ѿпꙋстѝ с̾ ми́рᲂмъ .

и҆́нъ , і҆рмо́съ . Мл҃твꙋ прᲂлїю̀ ко́ гдⷭ҇ꙋ , и҆ тᲂмꙋ̀ вᲂз̾вѣщꙋ̀ печа́ль мᲂю̀ . ꙗ҆́кѡ ѕѡ́лъ дш҃а мᲂѧ̀ напо́лнисѧ , и҆ живо́тъ мо́й а҆́дꙋ прибли́жисѧ . и҆ мᲂлю́сѧ ꙗ҆́кѡ і҆ѡ́на , ѿ тлѝ бж҃е мо́й вᲂз̾веди́ мѧ . Стрⷭ҇ть без̾стрⷭ҇тнагѡ вᲂѡ҆бража́ѧ , распѧ́лсѧ є҆сѝ сла́вныи мч҃нче , пригвᲂз̾ди́сѧ на́ древѣ пребл҃же́нне . и҆ пᲂдо́бникъ влⷣцѣ бы́лъ є҆сѝ . разрѣши́вшагѡ крⷭ҇то́мъ , чл҃ческїѧ стрⷭ҇ти во́лею . Ѻ҆бѣ́шенъ ꙗ҆́кѡ а҆́гнецъ на́ древѣ , и҆ стрѣла́ми сᲂстрѣ́лѧнъ бл҃же́нне , и҆ ѻ҆́чїю и҆збᲂде́нъ зѣ́ницамъ , и҆ ᲂу҆ѧзвле́нъ по всемꙋ̀ тѣлесѝ , ᲂу҆ѧзви́лъ є҆сѝ враго́мъ срⷣца̀ , кᲂпїе́мъ бᲂлѣ́зней твᲂи́хъ . Пᲂто́цы без̾мѣ́рныхъ мꙋ́къ , ко хра́минѣ припрѣ́вшесѧ мч҃нче твᲂеѧ̀ дш҃и , не пᲂкᲂлѣба́ша сїю̀ . на недви́жимѣмъ бо ка́мени ᲂу҆тверди́сѧ , прᲂсїѧ́вшагѡ ѿ дв҃ы , и҆ чл҃ческїи ро́дъ прᲂсвѣ́щьшагѡ . боⷢ҇ . Мр҃і́е всегѡ̀ ми́ра гжⷭ҇е , ꙗ҆́кѡ гдⷭ҇а всѣ́хъ ро́ждьши , вра́жїѧ рабо́ты мѧ и҆зба́ви . и҆ тᲂгѡ̀ мꙋче́нїѧ и҆схитѝ и҆ спаси́ мѧ , и҆́же на тѧ̀ несꙋмѣ́ннѡ ᲂу҆пᲂва́юща .

и҆́нъ , і҆рмо́съ , то́йже . Сы́и пррⷪ҇ческагѡ и҆спо́лнь дх҃нᲂве́нїѧ , бꙋ́дꙋщихъ ра́зꙋма па́че є҆стества̀ наꙋ́чьсѧ . по́сланъ бы́сть прᲂпᲂвѣ́дати бл҃гᲂда́ть бꙋ́дꙋщꙋю . де́нь же крⷭ҇та̀ вѣ́дᲂмъ , и҆ гдⷭ҇ви бг҃ᲂпрїѧ́тне . Ра́зꙋмᲂмъ дх҃о́внымъ ᲂу҆кра́шенъ , даро́мъ и҆́же па́че ᲂу҆ма̀ спᲂдо́бисѧ . а҆́гг҃льскаѧ ꙗ҆вле́нїѧ и҆ чи́ны , и҆ вѣща́нїѧ и҆ сла́вы ви́дѣвъ пребᲂга́те , чꙋ́днымъ наꙋча́юща и҆ бжⷭ҇твеннымъ та́йнамъ . Свѣщꙋ̀ дᲂбрᲂдѣ́телей стѧжа́въ , прᲂсвѣще́нїе бг҃ᲂразꙋ́мїѧ сїѧ́еши , та́йнꙋю прᲂвᲂз̾вѣща́ѧ свѣщꙋ̀ , є҆ю́же па́че слᲂвесѐ сло́ва вᲂплᲂще́нїе , ꙗ҆ви́тисѧ ѿ сїѡ́на , заха́рїе пррⷪ҇че бг҃ᲂпрїѧ́тне . боⷢ҇ . Пᲂставле́и нб҃о , пᲂказа́ тѧ нб҃о слᲂве́сно бцⷣе , дᲂбро́тꙋ і҆а́кѡвлю вᲂз̾люби́въ . и҆ и҆́з̾ чрева тѝ бжⷭ҇тва̀ сл҃нце вᲂсїѧ̀ пло́тьски . и҆ ми́ръ ᲂу҆ѧсни́лъ є҆́сть бл҃гᲂда́тїю .

кᲂнда́къ . гла́съ , в҃ . Мꙋ́жествᲂмъ дш҃и в̾ вѣ́рꙋ ѡ҆бо́лксѧ , и҆ глаго́лъ бж҃їи ꙗ҆́кᲂже кᲂпїѐ в̾ рꙋ́кꙋ прїе́мъ , врага̀ ᲂу҆ѧзви́лъ є҆сѝ , въ мч҃нцѣхъ вели́кїи ѳео́дѡре . с̾ ни́ми хрⷭ҇тꙋ̀ бг҃ꙋ мᲂлѧ́сѧ непреста́й ѡ҆ всѣ́хъ на́съ . и҆́кᲂсъ . Страда́лецъ пресвѣ́тлꙋю дᲂбро́тꙋ , прїиди́те всѝ пѣ́снеными вѣнцы̀ , вѣ́рнїи ѳео́дѡра вѣнча́емъ . да́ръ бо бж҃їи вели́къ ми́рᲂви ꙗ҆ви́сѧ , сїѧ́ньми чꙋде́съ . врага́ бо пᲂбѣ́ждь велїа́ра , страда́нїи честны́ми . ѡ҆дᲂждѧ́етъ вмѣ́стѡ крᲂве́й ка́пли , и҆сцѣле́нїи то́ки . с̾ си́ми ᲂу҆́бѡ всѣ́ми ра́дꙋетсѧ хрⷭ҇то́ви , и҆ дае́тъ ми́ръ неѡ҆скꙋ́денъ , мᲂлѧ̀ непреста́ннѡ ѡ҆ всѣ́хъ на́съ .

пѣ́снь , з҃ . і҆рмо́съ . Тебѐ в̾ пещѝ ѡ҆рᲂси́вшагѡ дѣ́ти бл҃гᲂслᲂви́ша , и҆ въ дв҃ꙋ нетлѣ́ннѡ все́ль шасѧ , бг҃а сло́ва пᲂе́мъ бл҃гᲂче́стнѡ хва́лѧще , бл҃гᲂслᲂве́нъ є҆сѝ гдⷭ҇и бж҃е ѻ҆ц҃ъ на́шихъ . А҆да́мꙋ пᲂказꙋ́ѧ и҆дꙋ̀ , во а҆́дѣ живꙋ́щꙋ , и҆ є҆́ввѣ принᲂсѧ̀ бл҃гᲂвѣ́стїе , сѷмеѡ́нъ вᲂпїѧ́ше , с̾ прⷪ҇рки ликꙋ́ѧ , бл҃гᲂслᲂве́нъ бг҃ъ ѻ҆ц҃ъ на́шихъ . Ро́да земле́мна и҆збавлѧ́ѧ бг҃ъ , да́же до а҆́да прїи́детъ . плѣ́ннымъ же пᲂда́стъ всѣ́мъ ѡ҆ставле́нїе , и҆ прᲂзрѣ́нїе слѣпы́мъ . ꙗ҆́кѡ и҆ нѣмы́мъ вᲂпи́ти , бл҃гᲂслᲂве́нъ бг҃ъ ѻ҆ц҃ъ на́шихъ . И҆ твᲂѐ срⷣце нетлѣ́ннаѧ ѻ҆рꙋ́жїе про́йдетъ , сѷмеѡ́нъ бцⷣѣ прᲂвᲂз̾гласѝ , на крⷭ҇тѣ̀ взира́ющи свᲂегѡ̀ сн҃а . є҆мꙋ́же вᲂпїе́мъ , блгⷭ҇ве́нъ бг҃ъ ѻ҆ц҃ъ на́шихъ .

и҆́нъ , і҆рмо́съ . Бж҃їѧ схᲂжде́нїѧ ѻ҆́гнь ᲂу҆стыдѣ́сѧ въ вавѷлѡ́нѣ дре́вле . сего̀ ра́ди ѻ҆́трᲂцы , в̾ пещѝ ра́дᲂваннᲂю нᲂго́ю , ꙗ҆́кѡ во́ свѣтѣ ликᲂва́хꙋ пᲂю́ще , бл҃гᲂслᲂве́нъ бг҃ъ ѻ҆ц҃ъ на́шихъ . Гл҃аше ра́дꙋѧсѧ , вели́чїѧ вседержи́телева . тѣ́мже ᲂу҆ди́вльшесѧ зрѧ́щїи , пре́лести ѡ҆ста́виша мꙋчи́тельство . и҆ вѣ́рᲂю вᲂпїѧ́хꙋ , бл҃гᲂслᲂве́нъ бг҃ъ ѻ҆ц҃ъ на́шихъ . Плени́цами премꙋ́дрыхъ ти слᲂве́съ пребл҃же́нне , ра́дꙋѧсѧ ᲂу҆лᲂви́лъ є҆сѝ и҆з̾ глꙋбины̀ неразꙋ́мїѧ пристꙋпа́ющїѧ . и҆ бжⷭ҇твенны мч҃нки сᲂдѣ́ла , ѳео́дѡре пᲂю́щїѧ , бл҃гᲂслᲂве́нъ бг҃ъ ѻ҆ц҃ъ на́шихъ . Въ темни́цѣ к̾ дре́вꙋ тѧ свѧ́зана , а҆́гг҃лъ ст҃ъ прише́дъ разрѣшѝ . дерзнᲂве́нїе даѧ̀ , и҆ ᲂу҆крѣплѧ́ѧ тѧ велегла́снѡ вᲂпи́ти ѳео́дѡре , бл҃гᲂслᲂве́нъ бг҃ъ ѻ҆ц҃ъ на́шихъ . боⷢ҇ . Менѐ жи́вша в̾ лѣ́нᲂсти , и҆ презрѣ́вша ст҃ы́ѧ твᲂѧ̀ зако́ны , и҆ честны́ѧ ти хрⷭ҇тѐ за́пᲂвѣди , ᲂу҆ще́дри и҆ спасѝ ро́ждьшїѧ тѧ̀ ра́ди , ꙗ҆́кѡ бл҃гᲂда́тель бг҃ъ , и҆ мнᲂгᲂмлⷭ҇тивъ .

и҆́нъ , і҆рмо́съ . Дѣ́ти є҆вре́йскїѧ в̾ пещѝ , пᲂпра́ вше и҆ пла́мень дерзнꙋ́вше , и҆ на́ рᲂсꙋ ѻ҆́гнь прело́жше вᲂпїѧ́хꙋ , бл҃гᲂслᲂве́нъ є҆сѝ гдⷭ҇и бж҃е во́ вѣки . По все́й землѝ твᲂѐ прᲂро́че и҆зы́де вѣща́нїе бг҃ᲂдх҃нᲂве́ннᲂе , и҆ гл҃ъ твᲂи́хъ си́ла вᲂпїю́щихъ , бл҃гᲂслᲂве́нъ є҆сѝ бж҃е ѻ҆ц҃ъ на́шихъ . Ве́сь вы́шними зарѧ́ми прᲂсвѣще́нъ , бꙋ́дꙋщаѧ зрѧ́ше ꙗ҆́кѡ сꙋ́щаѧ . тѣ́мже пребᲂга́те вᲂпїѧ̀ , бл҃гᲂслᲂве́нъ бг҃ъ ѻ҆ц҃ъ на́шихъ . боⷢ҇ . Пѣ́ньми пᲂчита́ю тѧ дв҃о , пᲂче́тшꙋю ро́дъ чл҃ческїи , без̾че́стїемъ лю́тымъ пе́рвїе ѡ҆сꙋжде́ныи . бл҃гᲂслᲂве́нъ пречⷭ҇таѧ пло́дъ твᲂегѡ̀ чре́ва .

пѣ́снь , и҃ . і҆рмо́съ . Въ непᲂстᲂѧ́ннѣмъ ѻ҆гнѝ сᲂвᲂкꙋ́пльшесѧ , и҆́же бл҃гᲂче́стїѧ пред̾стᲂѧ́ще ю҆́нᲂши , пла́менѣмъ же неврежде́ни , бжⷭ҇твен нꙋю пѣ́снь пᲂѧ́хꙋ , блгⷭ҇ви́те всѧ́каѧ дѣ́ла гдⷭ҇а , и҆ превᲂзнᲂси́те є҆гѡ̀ во́ вѣки . Лю́дїе і҆и҃леви , ва́шꙋ сла́вꙋ є҆м̾манꙋ́ила зрѧ́ще , ѻ҆трᲂча̀ и҆з̾ дв҃ы , пред̾ лице́мъ бжⷭ҇твеннагѡ кᲂвче́га ны́нѣ ликꙋ́йте , блгⷭ҇ви́те всѧ̀ дѣ́ла гдⷭ҇а , и҆ превᲂзнᲂси́те є҆гѡ̀ во́ вѣки . Сѐ сѷмеѡ́нъ вᲂпїѧ́ше , пререка́емᲂе зна́менїе се́й бꙋ́детъ , бг҃ъ сы́и и҆ ѻ҆трᲂча̀ . семꙋ̀ вѣ́рнїи вᲂзᲂпїе́мъ , блгⷭ҇ви́те всѧ̀ дѣ́ла гдⷭ҇а , и҆ превᲂзнᲂси́те є҆гѡ̀ во́ вѣки . Живо́тъ сы́и се́й бꙋ́детъ , паде́нїе невѣ́рнымъ , младе́нствᲂвавъ бг҃ъ сло́во . ꙗ҆́кѡ вᲂста́нїе всѣ́мъ вѣ́рнѡ зᲂвꙋ́щимъ , бл҃гᲂслᲂви́те всѧ̀ дѣ́ла гдⷭ҇а , и҆ превᲂзнᲂси́те є҆гѡ̀ во́ вѣки .

и҆́нъ , і҆рмо́съ . Се́дмь седми́цею пе́щь , халдѣ́йскїи мꙋчи́тель , бг҃ᲂчести́вымъ лю́тѣ раз̾жжѐ . си́лᲂю же лꙋ́чшею спасе́ныхъ ви́дѣвъ , твᲂрцꙋ̀ и҆ и҆зба́вителю вᲂпїѧ́ше , дѣ́ти бл҃гᲂслᲂви́те , сщ҃е́ннїи вᲂспо́йте лю́дїе , и҆ превᲂзнᲂси́те є҆гѡ̀ во́ вѣки . Свѣ́тлѡ пᲂдвиза́сѧ врага̀ пᲂбѣ́ждь , и҆ пᲂтре́бль во́инства є҆гѡ̀ ѻ҆рꙋ́жїи вѣ́ры , тѣ́мже пᲂбѣ́днымъ вѣнце́мъ ᲂу҆вѧзе́сѧ . пᲂѧ̀ влⷣцѣ , дѣ́ти бл҃гᲂслᲂви́те , сщ҃е́ннїи по́йте , лю́дїе превᲂзнᲂси́те є҆гѡ̀ во́ вѣки . По распѧ́тїи сла́вне , по́ страсти бл҃же́ннѣй , по без̾мѣ́рныхъ ра́нахъ бл҃же́нне , бг҃ᲂви вы́ю свᲂю̀ преклᲂни́лъ є҆сѝ мч҃нче мꙋ́дре . мече́мъ честна́ѧ глава̀ твᲂѧ̀ ᲂу҆сѣ́чена бы́сть . зᲂвы̀ влⷣцѣ , дѣ́ти бл҃гᲂслᲂви́те , сщ҃е́ннїи по́йте , лю́дїе превᲂзнᲂси́те є҆гѡ̀ во́ вѣки . Сщ҃е́ннᲂе ѳео́дѡре и҆ мнᲂгᲂстрада́льнᲂе тѣ́ло твᲂѐ , и҆сто́чникъ и҆сцѣле́нїемъ вѣ́рнымъ бы́сть . и҆з̾него́же пᲂчерпа́ютъ , и҆́же бл҃гᲂче́стнѡ притека́ютъ , разрѣше́нїе страсте́мъ , и҆ дш҃а́мъ спасе́нїе . вᲂпїю́ще влⷣцѣ , сщ҃е́ннїи бл҃гᲂслᲂви́те , лю́дїе превᲂзнᲂси́те є҆гѡ̀ во́ вѣки . боⷢ҇ . Оу҆мерщве́нꙋю ѡ҆живѝ , па́дшꙋю вᲂз̾ста́ви , ᲂу҆ѧ́звенꙋю дш҃ꙋ мᲂю̀ и҆сцѣлѝ . ᲂу҆́мъ мо́й ᲂу҆мирѝ , напа́стей во́лны ᲂу҆крᲂтѝ дв҃о . и҆ вᲂпїю́ща мѧ спасѝ , дѣ́ти бл҃гᲂслᲂви́те , сщ҃е́ннїи вᲂспо́йте , лю́дїе превᲂзнᲂси́те гдⷭ҇а во́ вѣки .

и҆́нъ , і҆рмо́съ . Прᲂѧвле́ннагѡ на гᲂрѣ̀ ст҃ѣ́й , и҆ в̾ кꙋпинѣ̀ ѻ҆́гненнѣй , дв҃ческꙋю мѡѷсе́ѡви та́йнꙋ ꙗ҆́вльшагѡ , гдⷭ҇а по́йте и҆ превᲂзнᲂси́те є҆гѡ̀ во́ вѣки . Сїѡ́не гᲂро̀ гра́де ст҃ы́и ра́дꙋисѧ ѕѣлѡ̀ , бжⷭ҇твенныи заха́рїѧ , а҆́гг҃лѡмъ сᲂбесѣ́дникъ пред̾пᲂвелѣва́етъ . и҆ ты̀ весели́сѧ і҆єрⷭ҇ли́ме , во всѧ̀ вѣ́ки . Заха́рїе прᲂро́че красꙋ́йсѧ , с̾быва́емᲂмъ ви́дѧ слᲂвесе́мъ , и҆́хже прᲂвᲂз̾гласи́лъ є҆сѝ , дх҃ᲂмъ прᲂсвѣща́емь , гдⷭ҇а пᲂю́щимъ и҆ превᲂзнᲂсѧ́щимъ є҆гѡ̀ во́ вѣки . Пᲂсредѝ го́ръ присѣ́нныхъ зрѧ́ше стᲂѧ́щїѧ а҆́гг҃лы , и҆́же надо всѣ́ми прᲂмышле́нїю наꙋча́ющихъ тѧ̀ , сла́вныи прᲂро́че , и҆ превᲂзнᲂсѧ́щихъ хрⷭ҇та̀ во́ вѣки . боⷢ҇ . Ра́дꙋисѧ прⷭ҇то́ле ѻ҆гнезра́чныи гдⷭ҇нь . ра́дꙋисѧ две́ри , невеще́ственагѡ сїѧ́нїѧ , ра́дꙋисѧ ѻ҆́блаче ле́гкїи , ꙗ҆́же сл҃нце пра́вдѣ вᲂсїѧ́вшаѧ ми́рᲂви , чⷭ҇таѧ бг҃ᲂрᲂди́тельнице .

пѣ́снь , ѳ҃ . і҆рмо́съ . Въ зако́ннѣмъ сѣннᲂписа́ нїи , ѻ҆́бразъ ви́димъ вѣ́рнїи , всѧ́ко бо ѻ҆трᲂча̀ лᲂжесна̀ разверза́ѧ ст҃о бг҃ᲂви , тѣ́мъ первᲂро жде́ннᲂе сло́во , ѿ ѻ҆ц҃а без̾нача́льна сн҃а , первᲂрᲂжде́на и҆з̾ мт҃ре неи҆скꙋ́сныѧ бра́кꙋ вели ча́емъ . И҆́же дре́внимъ нᲂвᲂрᲂжде́ннᲂю го́рличищꙋ сꙋпрꙋ́гꙋ , верстꙋ́ же птенцꙋ̀ , и҆́миже бжⷭ҇твенныи ста́рецъ , и҆ цѣлᲂмꙋ́дренаѧ а҆́нна прⷪ҇рчица , и҆́же ѿ дв҃ы рᲂжде́ннᲂмꙋ , и҆ сн҃ꙋ є҆динᲂра́сленᲂмꙋ ѻ҆ц҃ꙋ , в̾ цр҃кᲂвь принᲂси́мꙋ слꙋ́ жатъ велича́юще . Во́здалъ ми є҆сѝ вᲂпїѧ́ше сѷмеѡ́н̾ , спасе́нїѧ си хрⷭ҇тѐ ра́дᲂванїе , вᲂспрїимѝ свᲂегѡ̀ слꙋжи́телѧ , сѣ́немъ претрꙋжде́наго . но́вей бл҃гᲂда́ти сщ҃еннᲂпрᲂпᲂвѣ́дника и҆ таи́н ника , во хвале́нїи велича́емъ . Сщ҃еннᲂлѣ́пнѡ и҆спᲂвѣ́дашесѧ а҆́нна прᲂрица́ющи , цѣлᲂмꙋ́дре наѧ и҆ прпⷣбнаѧ и҆ ста́рица влⷣцѣ , в̾ цр҃кви ꙗ҆́в̾ственѡ . бцⷣꙋ же прᲂпᲂвѣ́дающи , всѣ́мъ сꙋ́щимъ велича́ше .

и҆́нъ , і҆рмо́съ . Оу҆диви́сѧ ᲂу҆́бѡ ѡ҆ се́мъ не́бо , и҆ землѝ ᲂу҆жасо́шасѧ кᲂнцы̀ , ꙗ҆́кѡ бг҃ъ ꙗ҆ви́сѧ чл҃кѡмъ пло́тїю , чре́во же твᲂѐ бы́сть прᲂстра́ннѣе нб҃съ , тѣ́мъ тѧ̀ бцⷣе , а҆́гг҃лъ и҆ чл҃къ чинᲂнача́лїѧ велича́емъ . Ѡ҆ст҃и́лъ є҆сѝ бг҃ᲂмꙋ́дре мч҃нче са́мъ себѐ , пᲂже́ршемꙋсѧ а҆́гньцꙋ и҆ бг҃ꙋ на́шемꙋ . вᲂз̾вы́сивсѧ же́ртва бл҃гᲂво́нна к̾ немꙋ̀ , и҆ сщ҃е́нно вᲂз̾лᲂже́нїе , и҆ сᲂвершена̀ и҆ чиста̀ бл҃гᲂпрїѧ́тна же́ртва . тѣ́мже тѧ вᲂсхвалѧ́емъ , и҆ по́дᲂлгꙋ ᲂу҆блажа́емъ . Ꙗ҆́кѡ ᲂу҆́тро ꙗ҆́кѡ де́нь свѣтᲂза́ренъ , ꙗ҆ви́лсѧ є҆сѝ ѳео́дѡре . сл҃нце свѣ́тлыми твᲂегѡ̀ страда́нїѧ лꙋча́ми , и҆ чꙋдесмѝ всебл҃же́нне , пᲂд̾со́лнечнꙋю благᲂче́стнѡ прᲂсвѣща́ѧ . и҆ ѿгᲂнѧ̀ тмꙋ̀ пре́лести и҆ страсте́й на́шихъ ѳео́дѡре . Сᲂвᲂкꙋпи́сѧ со а҆́гг҃лы пло́тїю , беспло́тныѧ врагѝ пᲂбѣ́ждь , и҆ со страда́льческими ли́ки весели́шисѧ всегда̀ . и҆ с̾ни́ми бжⷭ҇твеннꙋю пѣ́снь трⷪ҇цѣ вᲂз̾глаша́еши , ѳео́дѡре требл҃же́нне . свѣти́льниче цр҃кви , и҆ страстᲂте́рпцемъ ᲂу҆дᲂбре́нїе . Землѧ̀ пᲂлᲂже́нїемъ твᲂегѡ̀ чⷭ҇тна́гѡ ѳео́дѡре тѣлесѐ , нб҃о же ра́дꙋетсѧ дх҃ъ тво́й сщ҃е́нныи стѧжа́въ . всегда̀ чл҃цы па́мѧть твᲂю̀ честнꙋ́ю твᲂрѧ́ще , мᲂле́бнѡ про́симъ тѧ , мᲂли́твеника ѡ҆ на́съ пребл҃же́нне . боⷢ҇ . Бг҃ᲂлюби́ваѧ дв҃о , бл҃га́го мᲂлѝ спасти́ мѧ ѿ скве́рнъ всѣ́хъ . ꙗ҆́звы срⷣца мᲂегѡ̀ ѡ҆мы́вши , пᲂкаѧ́нїемъ чи́стымъ , и҆ пла́чемъ сле́знымъ . да тѧ̀ ᲂу҆блажа́ю и҆ велича́ю пренепᲂро́чнаѧ .

и҆́нъ , і҆рмо́съ . Тѧ̀ бракᲂнеи҆скꙋси́мꙋю мт҃рь бг҃а вы́шнѧгѡ , тѧ̀ па́че ᲂу҆ма̀ ро́ждьшꙋю сло́во сꙋ́щагѡ бг҃а , и҆ вы́шшꙋ пречⷭ҇тыхъ си́лъ , немо́лчными славᲂслᲂвле́нїи велича́емъ . Всѧ́ко чꙋ́вство дᲂсти́гъ ᲂу҆мо́мъ бжⷭ҇твеннымъ , и҆ чи́стѣйшимъ премꙋ́дре , свѣтᲂно́сенъ пред̾стᲂи́ши , є҆́же ѡ҆́ мирѣ мᲂли́твы твᲂрѧ̀ . тѣ́мже вси́ тѧ заха́рїе ᲂу҆блажа́емъ . Гл҃ѡмъ пᲂслѣ́дꙋюще твᲂи́хъ ᲂу҆сте́нъ бг҃ᲂѧвле́нне , гдⷭ҇а призыва́емъ . и҆́мже спаса́еми , ꙗ҆́кѡ и҆́стинѣ тѧ̀ пррⷪ҇ка , и҆ прᲂпᲂвѣ́дника заха́рїе , бл҃гᲂче́стнѡ ᲂу҆блажа́емъ . Ми́лᲂстива сᲂдѣ́лай твᲂи́ми мᲂли́твами влⷣкꙋ , и҆́же сщ҃е́нныи и҆ бл҃гᲂнаро́читыи пра́здникъ тво́й бг҃ᲂдᲂхнᲂве́нне , вѣ́рᲂю твᲂрѧ́щимъ . и҆ тѧ̀ любо́вїю чтꙋ́щимъ , ꙗ҆́кѡ прᲂро́ка и҆ бг҃ᲂглаго́льника и҆́стинна . боⷢ҇ . Бе́зднꙋ чꙋдесе́мъ ти , и҆ дарᲂва́нїемъ бцⷣе пꙋчи́нꙋ чи́стаѧ вѣ́дꙋще , и҆ ꙗ҆́вѣ зна́юще , въ твᲂѐ пред̾ста́тельство , надѣ́ющесѧ притека́емъ . и҆ спѣ́шнѡ к̾ твᲂемꙋ̀ пᲂкро́вꙋ прибѣга́емъ .

свѣти́ленъ , мч҃нкꙋ . Пᲂлкѝ враго́мъ , и҆ бѣсо́мъ на́глᲂсти дᲂкᲂнца̀ низ̾лᲂжи́лъ є҆сѝ . и҆ кᲂнчи́нꙋ прїѧ́тъ ѳео́дѡре бл҃же́нне , вѣ́ры ра́ди зижди́телѧ свᲂегѡ̀ . ꙗ҆́кѡ свидѣ́тель и҆́стинѣ , спаса́еши всѣ́хъ ѿ всѧ́ческихъ скᲂрбе́й , и҆ вре́да чꙋжа́гѡ . сла́ва , и҆ ны́нѣ , пра́здникꙋ . Дх҃ᲂмъ во ст҃и́лищи пред̾ста́въ ста́рецъ , на рꙋкꙋ̀ вᲂспрїѧ́тъ зако́нꙋ влⷣкꙋ , вᲂпїѧ̀ ны́нѣ сᲂꙋ́зъ мѧ плᲂтьски́хъ разрѣшѝ , ꙗ҆́кᲂже ре́клъ є҆сѝ с̾ ми́рᲂмъ . ви́дѣхъ бо ѻ҆чи́ма ѿкрᲂве́нїе ꙗ҆зы́кѡмъ , и҆ і҆и҃лю спасе́нїе .

На стихо́внѣ , стⷯры . гла́съ , а҃ . поⷣ . прехва́льнїи мч҃нцы .= Ꙗ҆́=кѡ вᲂи́стинꙋ пресвѣ́тлыи ꙳ бж҃їи кᲂвче́гъ чⷭ҇таѧ ,꙳ ѡ҆чище́нїе дне́сь хрⷭ҇та̀ прине́сши ,꙳ в̾ цр҃квь вно́ситъ ,꙳ и҆ че́стнѡ пᲂлага́етъ ꙳ на рꙋкꙋ̀ сѷмеѡ́на бг҃ᲂмꙋ́драгѡ .꙳ тѣ́мже ѡ҆ст҃и́шасѧ ꙳ ст҃ы́хъ ны́нѣ ст҃а́ѧ ,꙳ и҆ є҆ди́нᲂмꙋ ст҃о́мꙋ с̾ра́дꙋютсѧ .

сти́хъ : ны́нѣ ѿпꙋща́еши раба̀ свᲂегѡ̀ влⷣко ,꙳ по гл҃ꙋ твᲂемꙋ̀ с̾ ми́рᲂмъ . Прᲂсла́висѧ дне́сь ,꙳ хрⷭ҇та̀ сѷмеѡ́нъ ꙗ҆́кѡ ᲂу҆́гль ꙳ бг҃ᲂлѣ́пнѡ прїе́мъ ,꙳ и҆ ѡ҆блᲂбыза́етъ ѡ҆чи́щъ ᲂу҆стнѣ̀ .꙳ и҆спᲂвѣ́даетъжесѧ и҆ ра́дꙋетсѧ ,꙳ и҆ про́ситъ ѿпꙋще́нїѧ .꙳ тᲂгѡ̀ ᲂу҆́бѡ всѝ бл҃гᲂче́стнѡ ꙳ ны́нѣ ᲂу҆бл҃жа́юще ,꙳ немо́лчными пѣ́сньми пᲂчита́емъ .

сти́хъ : свѣ́тъ во ѿкрᲂве́нїе ꙗ҆зы́кѡмъ ,꙳ и҆ сла́вꙋ люді́й твᲂи́хъ і҆и҃лѧ . Две́рь ѡ҆дш҃евле́на чⷭ҇таѧ ꙳ дв҃аѧ дне́сь ,꙳ цр҃ѧ и҆ гдⷭ҇а ,꙳ є҆го́же в̾нꙋ́трь и҆мѣ́ѧше ,꙳ в̾ цр҃квь в̾но́ситъ .꙳ две́рьми в̾хᲂдѧ́ща ,꙳ и҆́же дре́вле та́йнѡ затвᲂре́ными на землѝ .꙳ тѣ́мже ликꙋ́юще пред̾ лице́мъ є҆ѧ̀ всѝ ,꙳ бжⷭ҇твенными пѣ́сньми тꙋ̀ вᲂсхва́лимъ .

сла́ва , мч҃нкꙋ . гла́с̾ , и҃ . Страда́льческїи сᲂста́вль сᲂбо́ръ , на пре́лесть мꙋ́жествᲂвалъ є҆сѝ ѳео́дѡре . ѻ҆гневѣща́ннымъ ꙗ҆зы́кѡмъ свᲂи́мъ , пᲂсрами́лъ є҆сѝ ликині́ево без̾челᲂвѣ́чество . тѣ́мже и҆ со а҆́гг҃лы ра́дꙋѧсѧ бл҃же́нне , мᲂлѝ хрⷭ҇та̀ бг҃а , ꙗ҆́кѡ да млⷭ҇тивъ бꙋ́детъ на́мъ въ де́нь сꙋ́дныи . и҆ ны́нѣ , пра́здникꙋ . гла́съ , є҃ . И҆спыта́йте писа́нїѧ , ꙗ҆́кᲂже речѐ во є҆ѵⷢ҇а́лїи хрⷭ҇то́съ бг҃ъ на́шъ . в̾ ни́хъ бо ѡ҆брѣта́емъ тᲂго̀ ражда́ема , и҆ пелена́ми пᲂвива́ема , во ꙗ҆́слѣхъ пᲂлага́ема , и҆ млеко́мъ пита́ема . ѡ҆брѣ́занїе прїе́млюща , и҆ сѷмеѡ́нᲂмъ нᲂси́ма . не мнѣ́нїемъ ни привидѣ́нїемъ , но и҆́стиннᲂю мі́рᲂви ꙗ҆́вльшисѧ . к̾ немꙋ́ же вᲂзᲂпїе́мъ , превѣ́чныи бж҃е сла́ва тебѣ̀ .

На литꙋргі́и , бл҃же́нна , пра́здникꙋ , пѣ́снь , рѧдᲂва́ѧ . и҆ мч҃нкꙋ , пѣ́снь , ѕ҃ ѧ . прᲂки́менъ , ѱл҃о́мъ дв҃дᲂвъ . вᲂз̾весели́тсѧ пра́ведникъ ѡ҆́ гдⷭ҇ѣ , и҆ ᲂу҆пᲂва́етъ на́нь . сти́хъ . ᲂу҆слы́ши бж҃е мл҃твꙋ мᲂю̀ , внегда̀ мᲂли́тимисѧ к̾ тебѣ̀ . а҆пⷭ҇лъ , къ тимᲂѳе́ю . заⷱ҇ , сч҃в .= а҆ллилꙋ́їѧ . пра́ведникъ ꙗ҆́кѡ фи́никъ прᲂцвѣте́тъ , и҆ ꙗ҆́кѡ ке́дръ и҆́же в̾ лива́нѣ ᲂу҆мно́житсѧ . =сти́хъ . насажде́ни в̾ дᲂмꙋ̀ гдⷭ҇ни , во дво́рѣхъ бг҃а на́шегѡ прᲂцвѣтꙋ́тъ . є҆ѵⷢ҇а́лїе , ѿ =матѳе́ѧ . заⷱ҇ , л҃ѕ . =прича́стенъ . въ па́мѧть вѣ́чнꙋю бꙋ́детъ пра́ведникъ .

<< Previous

Contents

Next >>