МЦⷭ҇А ТОГО́ЖЕ ВЪ К҃Е ДН҃Ь

бл҃гᲂвѣ́щенїе прест҃ы́ѧ влⷣчцы на́шеѧ бцⷣы , и҆ прⷭ҇нѡ дв҃ы мр҃і́и . а҆́ще ᲂу҆́бѡ по́стъ , стихᲂло́гїи небыва́етъ , нижѐ пᲂкло́ны . на гдⷭ҇и вᲂзва́хъ , пᲂста́вимъ стихо́въ , і҃ . и҆ пᲂе́мъ стихѣ́рꙋ самᲂгла́снꙋ дню̀ двⷤа . и҆ мꙋ́чениченъ . и҆ поⷣ , в̾ трїѡ́ди , г҃ . и҆ бл҃гᲂвѣ́щенїю , на д҃ . гла́съ , ѕ҃ . пᲂдо́бенъ . всѐ ᲂу҆пᲂва́нїе . Сᲂвѣ́тъ превѣ́чныи ,꙳ ѿкрыва́ѧ тебѣ̀ ѻ҆трᲂкᲂви́це ,꙳ гаврїи́лъ пред̾ста̀ , тебѐ лᲂбыза́ѧ и҆ вѣща́ѧ ,꙳ ра́дꙋисѧ землѐ ненасѣ́ѧннаѧ .꙳ ра́дꙋисѧ кꙋпино̀ не ѡ҆пали́маѧ .꙳ ра́дꙋисѧ глꙋбино̀ неꙋдо́бь ви́димаѧ .꙳ ра́дꙋисѧ мо́сте к̾ нб҃се́мъ превᲂдѧ́и ,꙳ и҆ лѣ́ствице высо́каѧ ,꙳ ю҆́же і҆а́кѡвъ ви́дѣ .꙳ ра́дꙋисѧ рꙋ́чко бжⷭ҇твеныѧ ма́нны .꙳ ра́дꙋисѧ разрѣше́нїе клѧ́твѣ .꙳ ра́дꙋисѧ а҆да́мᲂво вᲂзва́нїе , с̾ тᲂбо́ю гдⷭ҇ь . двⷤа . Ꙗ҆влѧ́ешимисѧ ꙗ҆́кѡ чл҃къ ,꙳ речѐ нетлѣ́ннаѧ ѻ҆трᲂкᲂви́ца ко а҆рхистрати́гꙋ ,꙳ и҆ ка́кѡ вѣща́еши гл҃ы па́че чл҃ка .꙳ со мно́ю ре́клъ є҆сѝ бг҃ꙋ бы́ти ,꙳ и҆ всели́тисѧ во ᲂу҆тро́бꙋ мᲂю̀ .꙳ и҆ ка́кѡ бꙋ́дꙋ гл҃и мѝ , вмѣсти́лище прᲂстра́ннᲂе ,꙳ и҆ мѣ́сто сщ҃е́нїѧ ,꙳ и҆́же на херꙋви́мѣхъ вᲂсхᲂдѧ́щемꙋ .꙳ да непрельсти́ши менѐ ле́стїю ,꙳ не бо̀ разꙋмѣ́хъ мꙋ́жа .꙳ бра́кꙋ є҆́смь неприча́стна ,꙳ ка́кѡ ᲂу҆́бѡ ѻ҆трᲂча̀ рᲂждꙋ̀ . Бг҃ъ и҆дѣ́же хо́щетъ ,꙳ пᲂбѣжда́етсѧ є҆стества̀ чи́нъ ,꙳ речѐ беспло́тныи .꙳ и҆ ꙗ҆́же па́че чл҃ка сᲂдѣва́ютсѧ ,꙳ мᲂи́мъ вѣ́рꙋй и҆́стиннымъ гл҃ѡмъ ,꙳ всест҃а́ѧ и҆ непᲂро́чнаѧ .꙳ ѻ҆на́ же вᲂзᲂпѝ , бꙋ́ди мнѣ̀ ны́нѣ по гл҃ꙋ твᲂемꙋ̀ .꙳ и҆ рᲂждꙋ̀ беспло́тнаго ,꙳ пло́ть ѿ менѐ заимᲂва́вшагѡ .꙳ ꙗ҆́кѡ да вᲂз̾веде́тъ чл҃ка ,꙳ ꙗ҆́кѡ є҆ди́нъ си́ленъ ,꙳ на дре́внее дᲂстᲂѧ́нїе , кра́йнимъ сᲂше́ствїемъ .

сла́ва , и҆ ны́нѣ . гла́съ , ѕ҃ . По́сланъ бы́сть с̾ нб҃сѐ а҆рха́нг҃лъ гаврїи́лъ , бл҃гᲂвѣсти́ти дв҃ѣй зача́тїе . и҆ прише́дъ в̾ назаре́тъ , пᲂмышлѧ́ше в̾ себѣ̀ , чꙋдесѝ ᲂу҆дивлѧ́ѧсѧ . ѽ ка́кѡ и҆́же в̾ вы́шнихъ непᲂсти́жимъ сы́и ѿ дв҃ы ражда́етсѧ . и҆мѣ́ѧи прⷭ҇то́лъ нб҃о , и҆ пᲂд̾но́жїе зе́млю , во ᲂу҆тро́бꙋ дв҃чꙋ вмѣща́етсѧ . на́ньже шестᲂкрила́тїи , и҆ мнᲂгᲂѡ҆чи́тїи зрѣ́ти немо́гꙋтъ , сло́вᲂмъ є҆ди́нѣмъ ѿ сеѧ̀ вᲂплᲂти́тисѧ бл҃гᲂи҆зво́ли . бж҃їе є҆́сть сло́во настᲂѧ́щее . что̀ ᲂу҆́бѡ стᲂю̀ , и҆ не гл҃ю дв҃цѣ ; ра́дꙋисѧ ѡ҆бра́дᲂваннаѧ гдⷭ҇ь с̾ тᲂбо́ю . ра́дꙋисѧ чⷭ҇таѧ дв҃о . ра́дꙋисѧ невѣ́сто неневѣ́стнаѧ . ра́дꙋисѧ мт҃и живᲂтꙋ̀ , блгⷭ҇ве́нъ пло́дъ чре́ва твᲂегѡ̀ .

вы́хᲂдъ , с̾ є҆ѵⷢ҇а́лїемъ : свѣ́те ти́хїи .= прᲂки́менъ , и҆ чте́нїѧ , дне́ви . и҆ пра́здникꙋ , трѝ .=

Ѿ= бытїѧ̀ , чте́нїе .=

И҆зы́де і҆а́кѡвъ ѿ стꙋденца̀ клѧ́твеннагѡ , и҆ и҆́де в̾ харра́нь , и҆ ѡ҆брѣ́те мѣ́сто , и҆ ста̀ тꙋ̀ . заше́дшꙋ же сл҃нцꙋ , взѧ́тъ ѿ ка́менїѧ мѣ́ста тᲂгѡ̀ , и҆ пᲂлᲂжѝ є҆̀ в̾ вᲂз̾гла́вїе себѣ̀ . и҆ спа̀ на мѣ́стѣ то́мъ , и҆ со́нъ ви́дѣ . и҆ сѐ лѣ́ствица ᲂу҆твержена̀ на землѝ , є҆́йже глава̀ дᲂсѧза́ше до небесѐ . и҆ а҆́нг҃ли бж҃їи вᲂз̾хᲂжда́хꙋ , и҆ низ̾хᲂжда́хꙋ по не́й . гдⷭ҇ь же ᲂу҆твержа́шесѧ на не́й , и҆ речѐ , а҆́зъ бг҃ъ а҆враа́мѡвъ ѻ҆ц҃а твᲂегѡ̀ , и҆ бг҃ъ і҆саа́кѡвъ , небо́йсѧ . землѧ̀ на не́й же ты̀ спи́ши , тебѣ̀ да́мъ ю҆̀ , и҆ сѣ́мени твᲂемꙋ̀ . и҆ бꙋ́детъ сѣ́мѧ твᲂѐ , ꙗ҆́кѡ пѣсо́къ земны́и , и҆ распрᲂстрани́тсѧ на́ мᲂре , и҆ на ли́вꙋ , на сѣ́веръ , и҆ вᲂсто́къ . и҆ бл҃гᲂслᲂвѧ́тсѧ ѡ҆ тебѣ̀ всѧ̀ кᲂлѣ́на земна́ѧ , и҆ ѡ҆ сѣ́мени твᲂе́мъ . и҆ сѐ а҆́зъ с̾ тᲂбо́ю , сᲂхранѧ́ѧи тѧ̀ на всѧ́кᲂмъ пꙋтѝ , а҆́мᲂже а҆́ще по́йдеши . и҆ вᲂз̾вращꙋ́ тѧ в̾ зе́млю сїю̀ , ꙗ҆́кѡ не ѡ҆ста́влю тебѐ , до́ндеже сᲂтвᲂри́ти ми всѧ̀ є҆ли́ка гл҃ахъ тѝ . и҆ вᲂста́въ і҆а́кѡвъ ѿ сна̀ свᲂегѡ̀ , и҆ речѐ , ꙗ҆́кѡ є҆́сть гдⷭ҇ь на мѣ́стѣ се́мъ , а҆́зъ же невѣ́дѣхъ . и҆ ᲂу҆бᲂѧ́сѧ , и҆ речѐ , ꙗ҆́кѡ стра́шно мѣ́сто сѐ , нѣ́сть сѐ , но до́мъ бж҃їи , и҆ сі́ѧ врата̀ небе́снаѧ .

Ѿ= прᲂро́чества і҆єзекі́илева , чте́нїе .=

Бꙋ́детъ ѿ ѻ҆сма́гѡ днѐ и҆ про́чее , сᲂтвᲂрѧ́тъ і҆єре́и , на ѻ҆лтарѝ всесᲂжже́нїѧ ва́ша , и҆́же спасе́нїѧ ва́шегѡ , и҆ прїимꙋ̀ вы̀ гл҃етъ гдⷭ҇ь бг҃ъ . и҆ ѡ҆брати́ мѧ на пꙋ́ть вра́тъ ст҃ы́хъ внѣ́шнихъ , зрѧ́щихъ на вᲂсто́къ , и҆ сїѧ̀ бѧ́хꙋ затвᲂре́на . и҆ речѐ гдⷭ҇ь ко мнѣ̀ , врата̀ сїѧ̀ затвᲂре́на бꙋ́дꙋтъ , и҆ не ѿве́рзꙋтсѧ . и҆ никто́же про́йдетъ сквᲂзѣ̀ и҆́хъ , ꙗ҆́кѡ гдⷭ҇ь бг҃ъ і҆и҃левъ вни́детъ и҆́ми , и҆ бꙋ́дꙋтъ затвᲂре́на . занѐ и҆гꙋ́менъ се́й сѧ́детъ въ ни́хъ снѣ́сти хлѣ́бъ . по пꙋтѝ є҆ла́мскихъ вра́тъ вни́детъ , и҆ по пꙋтѝ є҆гѡ̀ и҆зы́детъ . и҆ введе́ мѧ на пꙋ́ть вра́тъ ст҃ы́хъ , и҆́же к̾ сѣ́верꙋ прѧ́мѡ хра́мꙋ . и҆ ви́дѣхъ , и҆ сѐ и҆спо́лнисѧ сла́вы хра́мъ гдⷭ҇нь .

Ѿ= при́тчей , чте́нїе .=

Премꙋ́дрᲂсть сᲂзда̀ себѣ̀ хра́мъ , и҆ ᲂу҆твердѝ сто́лпъ се́дмь . закла̀ свᲂѧ̀ же́ртвенаѧ , и҆ черпа̀ в̾ ча́ши свᲂе́й вино̀ , и҆ ᲂу҆гᲂто́ва свᲂю̀ трапе́зꙋ . пᲂсла̀ свᲂѧ̀ рабы̀ , сᲂзыва́ющи с̾ высо́кимъ прᲂпᲂвѣ́данїемъ на ча́шꙋ , гл҃ющи , и҆́же є҆́сть безꙋ́менъ , да ᲂу҆клᲂни́тсѧ ко мнѣ̀ . и҆ тре́бꙋющимъ ᲂу҆ма̀ речѐ , прїиди́те и҆ ꙗ҆ди́те мо́й хлѣ́бъ , и҆ пі́йте вино̀ є҆́же че́рпахъ ва́мъ . ѡ҆ста́вите безꙋ́мїе , и҆ жи́ви бꙋ́дете . взыщи́те премꙋ́дрᲂсть , да пᲂживетѐ . и҆спра́вите вѣ́дѣнїи в̾ ра́зꙋмѣ . кажа́и ѕлы́ѧ , прїе́млетъ себѣ̀ без̾че́стїе . ѡ҆блича́ѧи же нечести́ваго пᲂрече́тъ себѐ . ѡ҆бличе́нїе бо нечести́вᲂмꙋ мᲂзо́лїе є҆мꙋ̀ . не ѡ҆блича́й ѕлы́хъ , да не вᲂз̾ненави́дѧтъ тебѐ . ѡ҆блича́й премꙋ́дра , и҆ вᲂз̾лю́битъ тѧ . да́й премꙋ́дрꙋ винꙋ̀ , и҆ премꙋ́дрѣе бꙋ́детъ . сказа́й пра́веднᲂмꙋ , и҆ прилᲂжи́тъ прїима́ти . зача́ло премꙋ́дрᲂсти , стра́хъ гдⷭ҇нь , и҆ свѣ́тъ ст҃ы́хъ , ра́зꙋмъ . а҆ є҆́же разꙋмѣ́ти зако́нъ , по́мысла є҆́сть бл҃га . си́мъ бо ѻ҆́бразᲂмъ пᲂживе́ши мно́гѡ лѣ́тъ , и҆ прилᲂжа́т̾тисѧ лѣ́та живᲂтꙋ̀ .

и҆ про́чаѧ слꙋ́жба прежесщ҃е́нныхъ . на да́сѧ и҆спра́витъ мл҃тва мᲂѧ̀ , г҃ , пᲂкло́ны . и҆ на ны́нѣ си́лы нбⷭ҇ныѧ , г҃ , пᲂкло́ны . и҆ на бꙋ́ди и҆́мѧ гдⷭ҇не , г҃ , пᲂкло́ны .= =по ѿпꙋще́нїи же вхо́димъ въ трапе́зꙋ . и҆ ꙗ҆́мы с̾ ма́слᲂмъ , и҆ пїе́мъ вино̀ , прест҃ы́ѧ ра́ди бцⷣы , и҆ трꙋда̀ ра́ди бдѣ́ннагѡ хᲂтѧ́щагѡ бы́ти . ры́бы же ника́кᲂже вкꙋша́емъ , ꙗ҆ко́въ де́нь а҆́ще бꙋ́детъ .

Пᲂтре́ба є҆́сть вѣ́дати , ꙗ҆́кѡ а҆́ще слꙋчи́тсѧ бл҃гᲂвѣ́щенїе , в̾ кᲂто́рꙋю сꙋбо́тꙋ пᲂста̀ . чтꙋ́тсѧ чте́нїѧ пре́же дню̀ . и҆ по ни́хъ пра́здникꙋ , є҃ . А҆́ще ли в̾ недѣ́лю , д҃ ю , и҆лѝ є҃ пᲂста̀ , чте́мъ чте́нїѧ , г҃ . а҃ , вни́де мѡѷсе́й . в҃ , гдⷭ҇ь сᲂзда́ мѧ . г҃ , бꙋ́детъ ѿ ѻ҆сма́гѡ днѐ . А҆́ще ли є҆́сть по́стъ . гл҃ютсѧ , ве́черъ , трѝ , прежепи́саныѧ . а҆ на литꙋргі́и двѣ̀ сїѧ̀ .

Ѿ и҆схо́да , чте́нїе .

Вни́де мѡѷсе́й , в̾ го́рꙋ бж҃їю хᲂри́въ . ꙗ҆ви́жесѧ є҆мꙋ̀ а҆́нг҃лъ гдⷭ҇нь в̾ пла́мени ѻ҆́гненѣ и҆с̾ кꙋпины̀ . и҆ ви́дѣ ꙗ҆́кѡ кꙋпина̀ гᲂрѧ́ше ѻ҆гне́мъ , и҆ кꙋпина̀ несгара́ше . рече́ же мѡѷсе́й , ми́мѡ ше́дъ ви́жꙋ видѣ́нїе вели́кᲂе сѐ , что̀ ꙗ҆́кѡ несгара́етъ кꙋпина̀ . ꙗ҆́кᲂже ви́дѣ гдⷭ҇ь , ꙗ҆́кѡ пристꙋпа́етъ ви́дѣти , призва̀ є҆гѡ̀ гдⷭ҇ь и҆з̾ кꙋпины̀ гл҃ѧ , мѡѷсе́е мѡѷсе́е . ѻ҆́нъ же речѐ , что̀ є҆́сть ; рече́ же гдⷭ҇ь , неприбли́жисѧ сѣ́мѡ . и҆зꙋ́й сапо́гъ ѿ нᲂгꙋ̀ твᲂе́ю , мѣ́сто бо на не́мже ты̀ стᲂи́ши , землѧ̀ ст҃а̀ є҆́сть . и҆ речѐ є҆мꙋ̀ , а҆́зъ є҆́смь бг҃ъ ѻ҆ц҃а твᲂегѡ̀ , бг҃ъ а҆враа́мѡвъ , и҆ бг҃ъ і҆саа́кѡвъ , и҆ бг҃ъ і҆а́кѡвль . ѡ҆брати́ же мѡѷсе́й лицѐ свᲂѐ , стыдѧ́шебᲂсѧ зрѣ́ти пред̾ бг҃ᲂмъ . рече́ же гдⷭ҇ь к̾ мѡѷсе́ю , ви́дѧ ви́дѣхъ ѡ҆ѕлᲂбле́нїе люде́й мᲂи́хъ , и҆́же во є҆гѵ́птѣ , и҆ во́пль и҆́хъ ᲂу҆слы́шахъ ѿ наси́льствꙋющихъ въ дѣ́лѣхъ . вѣ́мъ бо бᲂлѣ́знь и҆́хъ , и҆ снидо́хъ и҆зѧ́ти и҆́хъ ѿ рꙋкѝ є҆гѵ́птѧнъ , и҆ и҆з̾вестѝ и҆́хъ ѿ землѝ ѻ҆́нᲂѧ , и҆ ввестѝ и҆́хъ в̾ зе́млю бл҃гꙋ и҆ мно́гꙋ , в̾ зе́млю тᲂча́щꙋ ме́дъ и҆ млеко̀ .

Ѿ при́тчей , чте́нїе .

Гдⷭ҇ь сᲂзда́ мѧ в̾ нача́тᲂкъ пꙋті́й є҆гѡ̀ , в̾ дѣ́ла свᲂѧ̀ . пре́жде вѣ́къ ѡ҆снᲂва́ мѧ . в̾ нача́лѣ , пре́жде землѝ сᲂтвᲂре́нїѧ , и҆ пре́жде сᲂтвᲂре́нїѧ бе́зденъ . пре́жде пᲂтече́нїѧ и҆сто́чникъ во́дъ , пре́жде вᲂдрꙋзе́нїѧ гᲂра́мъ , пре́жде всѣ́хъ хᲂлмо́въ ражда́етъ мѧ . гдⷭ҇ь сᲂтвᲂрѝ страны̀ и҆ пꙋсты́ни , и҆ кᲂнцы̀ населе́ны пᲂд̾ нб҃се́мъ . є҆гда̀ гᲂто́ваше нб҃о , с̾ ни́мъ бѣ́хъ . и҆ є҆гда̀ ѿлꙋча́ше себѣ̀ престо́лъ на вѣ́трѣхъ . є҆гда̀ крѣ́пкїи твᲂрѧ́ше вы́шнїѧ ѻ҆́блаки , и҆ ꙗ҆́кѡ тве́рды пᲂлага́ше и҆сто́чники пᲂд̾ нбⷭ҇ныѧ . є҆гда̀ пᲂлага́ше мо́рю предѣ́лъ є҆гѡ̀ , и҆ вᲂда́мъ непрехᲂди́ти ᲂу҆ста́въ є҆гѡ̀ . и҆ крѣпка̀ твᲂрѧ́ше ѡ҆снᲂва́нїѧ землѝ , бѣ́хъ є҆мꙋ̀ пᲂдо́бна . а҆́зъ бѣ́хъ , ѡ҆ не́йже ра́дᲂвашесѧ . на всѧ́къ же дн҃ь веселѧ́хсѧ пред̾ лице́мъ є҆гѡ̀ , на всѧ́ко вре́мѧ .

При часѣ́ же пе́рвᲂмъ но́щи . начина́емъ па́вечерницꙋ вели́кꙋю . по а҃ мъ , трист҃о́мъ , трᲂпа́рь пра́здникꙋ . по в҃ мъ , кᲂнда́къ пра́здникꙋ . по сла́ва въ вы́шнихъ , быва́етъ литі́ѧ , на не́й же пᲂе́мъ стⷯры , сїѧ̀ . гла́съ , а҃ . Въ шесты́и мцⷭ҇ъ , а҆рхистрати́гъ по́сланъ бы́сть , к̾ тебѣ̀ дв҃ѣй и҆ чи́стѣй , вᲂз̾вѣсти́ти тебѣ̀ сло́во спасе́нїѧ , вкꙋ́пѣ же и҆ зва́ти ти , ра́дꙋисѧ ѡ҆бра́дᲂваннаѧ гдⷭ҇ь с̾ тᲂбо́ю . рᲂди́ши сн҃а превѣ́чнаго ѿ ѻ҆ц҃а , и҆ спасе́тъ лю́ди свᲂѧ̀ ѿ грѣ́хъ и҆́хъ . Въ мцⷭ҇ъ шесты́и , по́сланъ бы́сть с̾ нб҃сѐ гаврїи́лъ а҆рха́нг҃лъ , во́ градъ галиле́йскїи назаре́тъ , принестѝ ѻ҆трᲂкᲂви́цѣ ра́дᲂсть бл҃гᲂвѣ́щенїѧ , и҆ пристꙋ́пль к̾ не́й вᲂзᲂпѝ гл҃ѧ , ра́дꙋисѧ ѡ҆бра́дᲂваннаѧ гдⷭ҇ь с̾ тᲂбо́ю . ра́дꙋисѧ вмѣсти́лище невмѣсти́магѡ є҆стества̀ . є҆го́же бо нб҃са̀ невмѣсти́ша , ᲂу҆тро́ба твᲂѧ̀ вмѣстѝ блгⷭ҇ве́наѧ . ра́дꙋисѧ чⷭ҇таѧ а҆да́мᲂво вᲂз̾ва́нїе , и҆ є҆́ввино и҆збавле́нїе . ра́дᲂсть ми́рꙋ , и҆ весе́лїе ро́дꙋ на́шемꙋ . По́сланъ бы́сть а҆рха́нг҃лъ гаврїи́лъ с̾ небесѐ ѿ бг҃а , къ дв҃ѣ нескве́рнѣй , во́ градъ галиле́йскїи назаре́тъ , бл҃гᲂвѣсти́ти є҆́й стра́ннагѡ ѻ҆́браза зача́тїе . по́сланъ бы́сть ра́бъ беспло́тенъ , ко ѡ҆дш҃евле́нᲂмꙋ гра́дꙋ , и҆ две́ри мы́сленѣй , вᲂз̾вѣсти́ти влады́чнѧ прише́ствїѧ сни́тїе . по́сланъ бы́сть во́инъ нбⷭ҇ныи , къ прест҃ы́ѧ сла́вы пᲂла́тѣ , прᲂꙋгᲂто́вати зижди́телю жили́ще не ѿе́млемо . и҆ пристꙋ́пль къ не́й взыва́ше , ра́дꙋисѧ престо́ле ѻ҆гнезра́чныи , четверᲂзра́чныхъ сла́внѣйши . ра́дꙋисѧ сѣда́лище цр҃ѧ небе́снагѡ . ра́дꙋисѧ гᲂро̀ несѣко́маѧ , прїѧ́телище пречⷭ҇тно́е . в̾ тѧ́ бо всѐ и҆спᲂлне́нїе всели́сѧ бжⷭ҇тва̀ пло́тїю , бл҃гᲂвᲂле́нїемъ ѻ҆ц҃а прⷭ҇нᲂсꙋ́щнагѡ , и҆ дѣ́йствᲂмъ прест҃а́гѡ дх҃а . ра́дꙋисѧ ѡ҆бра́дᲂваннаѧ гдⷭ҇ь с̾ тᲂбо́ю .

сла́ва . гла́съ , и҃ . Да веселѧ́тсѧ нб҃са̀ , и҆ ра́дꙋетсѧ землѧ̀ . и҆́бо ѻ҆ц҃ꙋ сᲂприснᲂсꙋ́щныи , сᲂбез̾нача́льныи и҆ сᲂпресто́льныи , щедро́тство прїе́мъ , и҆ чл҃кᲂлю́бнꙋю млⷭ҇ть , себѐ пᲂста́ви во и҆злїѧ́нїе , бл҃гᲂвᲂле́нїемъ и҆ сᲂвѣ́тᲂмъ ѻ҆́ч҃имъ . и҆ во ᲂу҆тро́бꙋ всели́сѧ дв҃чꙋ , преѡ҆чище́нꙋ дх҃ᲂмъ . ѽ чꙋдесѐ ; бг҃ъ въ чл҃цѣхъ , невмѣсти́мыи въ лᲂжесна́хъ , без̾лѣ́тныи въ лѣ́то . и҆ є҆́же пресла́внѣе , ꙗ҆́кѡ и҆ зача́тїе без̾сѣ́менно , и҆ и҆стᲂща́нїе несказа́нно , и҆ та́инство є҆ли́кѡ . бг҃ъ бо и҆стᲂщева́етсѧ , вᲂпло́щьсѧ и҆ зи́ждетсѧ . а҆́нг҃лꙋ къ чи́стѣй заче́ншей гл҃авшꙋ . ра́дꙋисѧ ѡ҆бра́дᲂваннаѧ гдⷭ҇ь с̾ тᲂбо́ю , и҆мѣ́ѧи ве́лїю ми́лᲂсть . и҆ ны́нѣ . гла́съ , в҃ . Бл҃гᲂвѣсти́тъ гаврїи́лъ ѡ҆бра́дᲂваннѣй дне́сь , ра́дꙋисѧ неневѣ́стнаѧ ѻ҆трᲂкᲂви́це , и҆ неи҆скꙋсᲂбра́чнаѧ . недиви́сѧ стра́ннᲂмꙋ мᲂемꙋ̀ зра́кꙋ , ни ᲂу҆жаса́йсѧ , а҆рха́нг҃лъ бо є҆́смь . ѕмїѧ̀ прельстѝ є҆́ввꙋ и҆нᲂгда̀ , ны́нѣ же бл҃гᲂвѣствꙋ́ю ти ра́дᲂсть . и҆ пребꙋ́деши нетлѣ́нна , ро́ждьши гдⷭ҇а чи́стаѧ .

На стихо́внѣ , стⷯры , гла́съ , д҃ . Въ шесты́и мцⷭ҇ъ , по́сланъ бы́сть а҆рха́нг҃лъ к̾ дв҃ѣ чи́стѣй , и҆ ра́дᲂватисѧ є҆́й прире́къ , бл҃гᲂвѣстѝ и҆з̾ неѧ̀ и҆зба́вителю прᲂйтѝ . тѣ́мже прїе́мши цѣлᲂва́нїе , зача́тъ превѣ́чнагѡ бг҃а несказа́ннѡ , бл҃гᲂвᲂли́вшаго вᲂчл҃читисѧ , во спасе́нїе дш҃а́мъ на́шимъ .

сти́хъ : бл҃гᲂвѣсти́те дн҃ь ѿ́ дне ,꙳ спасе́нїе бг҃а на́шегѡ . Ꙗ҆зы́ка є҆го́же незна̀ ᲂу҆слы́ша бцⷣа . глаго́лаше бо к̾ не́й а҆рха́нг҃лъ , бл҃гᲂвѣ́щенїѧ гл҃ы . ѿ ню́дꙋ же вѣ́рнѡ прїе́мши цѣлᲂва́нїе , зача́тъ тѧ̀ превѣ́чнаго бг҃а . тѣ́мже и҆ мы̀ ра́дꙋющесѧ вᲂпїе́мъ тѝ . и҆́же и҆з̾ неѧ̀ вᲂплᲂти́выисѧ непрело́жнѡ бж҃е , ми́ръ ми́рᲂви да́рꙋй , и҆ дш҃а́мъ на́шимъ ве́лїю млⷭ҇ть .

сти́х̾ : вᲂспо́йте гдⷭ҇ви пѣ́снь но́вꙋ ,꙳ вᲂспо́йте гдⷭ҇ви всѧ̀ землѧ̀ . Сѐ вᲂз̾ва́нїе ны́нѣ ꙗ҆ви́сѧ на́мъ , па́че сло́ва бг҃ъ чл҃кѡмъ сᲂвᲂкꙋплѧ́етсѧ . а҆рха́нг҃лᲂвымъ гла́сᲂмъ , пре́лесть ѿгᲂнѧ́етсѧ . дв҃аѧ бо прїе́млетъ ра́дᲂсть . земле́наѧ бы́ша не́бо . ми́ръ разрѣши́сѧ пе́рвыѧ клѧ́твы . да ра́дꙋетсѧ тва́рь , и҆ гла́сы да пᲂе́тъ . тво́рче и҆ и҆зба́вителю на́шъ , гдⷭ҇и сла́ва тебѣ̀ .

сла́ва , и҆ ны́нѣ . гла́съ , то́йже . Дне́съ ра́дᲂсть бл҃гᲂвѣ́щенїѧ . дв҃ственᲂе тᲂржество̀ , ни́жнѧѧ съ вы́шними сᲂвᲂкꙋплѧ́ютсѧ . а҆да́мъ ѡ҆бнᲂвлѧ́етсѧ , и҆ є҆́вва пе́рвыѧ печа́ли свᲂбᲂжда́етсѧ . и҆ сѣ́нь на́шегѡ сꙋщества̀ , ѡ҆бᲂже́нїемъ прїе́мшагѡ смѣше́нїе , цр҃кви бж҃їѧ бы́сть . ѽ та́инство , ѻ҆́бразъ и҆стᲂща́нїѧ невѣ́дᲂмъ . бᲂга́тство бл҃гᲂсти несказа́ннѡ . а҆́нг҃лъ слꙋжи́тель чꙋдесѝ . дв҃ча ᲂу҆тро́ба сн҃а прїе́млетъ . дх҃ъ ст҃ы́и низ̾пᲂсыла́етсѧ , ѻ҆ц҃ъ свы́ше бл҃гᲂвᲂли́тъ . и҆ и҆змѣне́нїе ѻ҆́бщимъ твᲂри́тсѧ сᲂвѣ́тᲂмъ . въ не́мже и҆ и҆́мже спа́сшесѧ , вкꙋ́пѣ съ гаврїи́лᲂмъ къ дв҃ѣй вᲂзᲂпїе́мъ , ра́дꙋисѧ ѡ҆бра́дᲂваннаѧ и҆з̾ неѧ́ же спасе́нїе хрⷭ҇то́съ бг҃ъ на́шъ , и҆́же по на́съ прїе́мъ є҆стество̀ , к̾ себѣ̀ вᲂз̾ведѐ . тᲂгѡ̀ мᲂлѝ спасти́сѧ дш҃а́мъ на́шимъ .

та́же , нн҃ѣ ѿпꙋща́еши . трⷭ҇то́е , и҆ по ѻ҆́ч҃е на́шъ . трᲂпа́рь . гла́съ , д҃ . Дне́сь спасе́нїю на́шемꙋ нача́тᲂкъ , и҆ вѣ́чнѣй та́йнѣ ꙗ҆вле́нїе . сн҃ъ бж҃їи , сн҃ъ дв҃ыѧ быва́етъ . и҆ гаврїи́лъ ра́дᲂсть бл҃гᲂвѣствꙋ́етъ . тѣ́мъ и҆ мы̀ с̾ ни́мъ бцⷣѣ вᲂзᲂпїе́мъ , ра́дꙋисѧ ѡ҆бра́дᲂваннаѧ гдⷭ҇ь съ тᲂбо́ю . гⷤ . и҆ быва́етъ блгⷭ҇ве́нїе хлѣ́бᲂмъ . и҆ раздаѧ́нїе и҆́хъ по ѻ҆бы́чаю . та́же , начина́емъ ᲂу҆́тренюю . Сла́ва в̾вы́шнихъ , гⷤ . и҆ про́чаѧ . На бг҃ъ гдⷭ҇ь . трᲂпа́рь , пра́здникꙋ , гⷤ . =По а҃ , стихᲂло́гїи , ѻ҆́ба сѣда́льна в̾ трїѡ́ди .= По в҃ , стихᲂло́гїи , сѣда́ленъ , пра́здникꙋ . гла́съ , а҃ . Вели́кїи вᲂево́да невеще́ственыхъ а҆́нг҃лъ , во́ градъ назаре́тъ прише́дъ , цр҃ѧ вᲂз̾вѣща́етъ ти чⷭ҇таѧ вѣко́мъ и҆ гдⷭ҇а , ра́дꙋисѧ гл҃ѧ тебѣ̀ бл҃гᲂслᲂве́наѧ мр҃і́е . непᲂсти́жимо и҆ несказа́ннᲂе чꙋ́до , чл҃кѡмъ ѡ҆бнᲂвле́нїе . сла́ва , и҆ ны́нѣ , то́йже .

По г҃ , стихᲂло́гїи , сѣда́ленъ . гла́съ , г҃ . Дне́сь всѧ̀ тва́рь ра́дꙋетсѧ , ꙗ҆́кѡ ра́дꙋисѧ тебѣ̀ гл҃етъ а҆рха́нг҃лъ , блгⷭ҇ве́наѧ чⷭ҇таѧ и҆ прест҃а́ѧ мт҃и хрⷭ҇та̀ бг҃а . дне́сь ѡ҆мрача́етсѧ ѕмїино̀ шепта́нїе , клѧ́твѣ бо пра́ѻ҆ц҃а разрѣша́етсѧ сᲂꙋ́зъ . тѣ́мже и҆ непреста́нно вᲂпїе́мъ ти , ра́дꙋисѧ ѡ҆бра́дᲂваннаѧ . сла́ва , и҆ ны́нѣ , то́йже .

По пᲂлїєлеѡ́сѣ , сѣда́ленъ . гла́съ , и҃ . Сло́во ѻ҆́ч҃ее на́ землю сни́де , а҆́нг҃ла цѣлᲂва́нїемъ , бцⷣѣ вᲂпїѧ́ше ра́дꙋисѧ бл҃гᲂслᲂве́наѧ , ꙗ҆́же печа́ть є҆ди́на сᲂхра́ньши . зача́тїе прїе́мши , пре́жде вѣ́къ всѣ́хъ бы́вшагѡ . да ѿ́ лести спасе́тъ , ꙗ҆́кѡ бг҃ъ ро́дъ чл҃ческїи . сла́ва , и҆ ны́нѣ . По́сланъ бы́сть с̾ нб҃сѐ , а҆рхистрати́гъ гаврїи́лъ ѿ́ бг҃а , ско́рѡ прїи́де к̾ дш҃е́внᲂмꙋ гра́дꙋ , глаго́лѧ к̾ не́й ꙗ҆́вственѡ , зижди́телѧ прїи́меши дв҃о во ᲂу҆тро́бѣ , и҆ рᲂди́ши непрело́жнагѡ с̾ пло́тїю . тѣ́мже по́сланъ є҆́смь , вᲂз̾вѣсти́ти стра́ннᲂе ржⷭ҇тво̀ чⷭ҇таѧ , и҆ стᲂю̀ зᲂвѧ̀ тебѣ̀ , ра́дꙋисѧ невѣ́сто неневѣ́стнаѧ .

степе́нна , д҃ го гла́са . а҆нтиѳо́нъ , а҃ . прᲂки́мен̾ , ѱл҃о́мъ дв҃дᲂвъ . бл҃гᲂвѣсти́те дн҃ь ѿ́ дне , спасе́нїе бг҃а на́шегѡ . сти́хъ . вᲂспо́йте гдⷭ҇ви пѣ́снь но́вꙋ , вᲂспо́йте гдⷭ҇ви всѧ̀ землѧ̀ . всѧ́ко дыха́нїе .= є҆ѵⷢ҇а́лїе , ѿ лꙋкѝ . заⷱ҇ , д҃ . =ѱало́мъ , н҃ .

сла́ва . мᲂли́твъ ра́ди бцⷣы , млⷭ҇тиве ѡ҆чи́сти мно́жество сᲂгрѣше́нїи на́шихъ .

и҆ ны́нѣ . мл҃твъ ра́ди бцⷣы , млⷭ҇тиве ѡ҆чи́сти мно́жество сᲂгрѣше́нїи на́шихъ .

Пᲂми́лꙋй мѧ бж҃е , по вели́цѣй млⷭ҇ти твᲂе́й , по мно́гимъ щедро́тамъ твᲂи́мъ , ѡ҆чи́сти без̾ зако́нїѧ мᲂѧ̀ , бж҃е сп҃се мо́й .

стихѣ́ра . гла́съ , в҃ . Бл҃гᲂвѣсти́тъ гаврїи́лъ ѡ҆бра́дᲂваннѣй дне́сь , ра́дꙋисѧ без̾невѣ́стнаѧ дв҃о , и҆ бракᲂнеи҆скꙋ́снаѧ . недиви́сѧ стра́ннᲂмꙋ мᲂемꙋ̀ взо́рꙋ , ни ᲂу҆жаса́йсѧ , а҆рха́нг҃лъ бо є҆́смь . ѕмі́и прельстѝ є҆́ввꙋ и҆нᲂгда̀ , ны́нѣ же бл҃гᲂвѣствꙋ́ю тебѣ̀ ра́дᲂсть . и҆ пребꙋ́деши нетлѣ́нна ро́ждьши гдⷭ҇а чⷭ҇таѧ .

Кано́нъ пра́здникꙋ , і҆рмо́съ по вⷤ . трᲂпари́ же на в҃і . Катава́сїѧ пра́здникꙋ , ѻ҆́ба ли́ка вкꙋ́пѣ . а҆ и҆дѣ́же трипѣ́сна , та́мѡ пᲂе́мъ , пра́здникꙋ , на́ ѕ҃ . и҆ трипѣ́сна на и҃ . катава́сїѧ , і҆рмо́съ трїѡ́днᲂй , ѻ҆́ба ли́ка в̾кꙋ́пѣ .

Кано́нъ , твᲂре́нїе кѵ́ръ ѳеѡ́фанᲂво . нᲂсѧ̀ краегране́сїе . а҆́збꙋкᲂвъ до и҃ ѧ пѣ́сни . гла́съ , д҃ . пѣ́снь , а҃ . і҆рмо́съ . Ѿве́рзꙋ ᲂу҆ста̀ мᲂѧ̀ , и҆ напо́лнѧтсѧ дх҃а , и҆ сло́во ѿры́гнꙋ цр҃цѣ мт҃ри , и҆ ꙗ҆влю́сѧ свѣ́тлѡ тᲂржествꙋ́ѧ , и҆ вᲂспᲂю̀ ра́дꙋѧсѧ сеѧ̀ зача́тїе .

запѣ́въ : Прест҃а́ѧ гжⷭ҇е бцⷣе , спасѝ на́съ . Да пᲂе́тъ ти влⷣчце , движа̀ свирѣ́ль дх҃о́внꙋю , дв҃дъ пра́ѻ҆ц҃ъ тво́й , пᲂслꙋ́шай дщѝ ра́дᲂванна гла́са ѿ а҆́нг҃ла , ра́дᲂсть бо вᲂз̾вѣща́етъ ти не и҆з̾гл҃аннꙋю . Вᲂпїю́ ти веселѧ́сѧ , приклᲂнѝ ᲂу҆́хо твᲂѐ , и҆ вᲂнми́ ми , бж҃їе пᲂвѣ́дающꙋ без̾ сѣ́мене зача́тїе . ѡ҆брѣ́те бо бл҃гᲂда́ть пре́д̾ бг҃ᲂмъ , є҆ѧ́же не ѡ҆брѣ́те дрꙋга́ѧ никᲂли́же пречⷭ҇таѧ . Да разꙋмѣ́ю а҆́нг҃ле твᲂи́хъ слᲂве́съ си́лꙋ , ка́кѡ бꙋ́детъ є҆́же речѐ , гл҃и ꙗ҆́вственѡ , ка́кѡ зачнꙋ̀ дв҃ᲂю сꙋ́щи ѻ҆трᲂкᲂви́ца ; ка́кᲂже и҆ мт҃и бꙋ́дꙋ зижди́телѧ мᲂегѡ̀ . Ле́стнѡ мѧ вѣща́ти пᲂмышлѧ́еши , ꙗ҆́кᲂже прилꙋчи́сѧ . и҆ ра́дꙋюсѧ зрѧ̀ твᲂѐ ᲂу҆тверже́нїе . дерза́й влⷣчце , бг҃ꙋ бо хᲂтѧ́щꙋ , ᲂу҆до́бь скᲂнча́ютсѧ пресла́внаѧ .

пѣ́снь , г҃ . і҆рмо́съ . Твᲂѧ̀ пѣвцы̀ бцⷣе , живы́и нетлѣ́нїѧ и҆сто́чниче , ли́къ себѣ̀ сᲂвᲂкꙋ́пльши дх҃о́венъ ᲂу҆твердѝ , и҆ чⷭ҇тны́мъ ти зача́тїемъ , вѣнце́мъ сла́вы спᲂдо́би . Ѡ҆скꙋдѣ̀ кнѧ́зь ѿ і҆ꙋ́ды , вре́мѧ наста́ло є҆́сть ᲂу҆́же , в̾ не́же ꙗ҆ви́тсѧ ꙗ҆зы́кѡмъ наде́жда хрⷭ҇то́съ . ты́ же ка́кѡ сего̀ рᲂждꙋ̀ дв҃ᲂю сꙋ́щи , скажи́ ми . И҆́щеши ѿ менѐ ᲂу҆вѣ́дѣти дв҃о , ѻ҆́бразъ зача́тїѧ твᲂегѡ̀ , но то́й несказа́ненъ є҆́сть . дх҃ъ же ст҃ы́и зижди́тельнᲂю си́лᲂю , ѡ҆сѣни́въ тѧ сᲂверши́тъ . Мᲂѧ̀ пра́баба прїе́мши во́лю ѕмїинꙋ̀ , пи́щи бжⷭ҇твеныѧ и҆згна́на бы́сть . тѣ́мже и҆ а҆́зъ бᲂю́сѧ цѣлᲂва́нїѧ ти стра́нна , стыдѧ́щисѧ пᲂпᲂлзе́нїѧ . Бж҃їи пред̾ста́тель по́сланъ є҆́смь , бжⷭ҇твеныи сᲂвѣ́тъ пᲂвѣ́дати ти . что́сѧ менѐ бᲂи́ши пренепᲂро́чнаѧ , па́че тебѐ бᲂѧ́щагᲂсѧ . что́ми гᲂвѣ́еши влⷣчце , гᲂвѣ́ющемꙋ ми тебѣ̀ че́стнѡ .

сѣда́ленъ . гла́съ , д҃ . По́сланъ бы́сть гаврїи́лъ к̾ дв҃ѣй мр҃і́и , принᲂсѧ̀ є҆́й не и҆з̾глаго́ланнꙋю ра́дᲂсть . ꙗ҆́кѡ за́чнеши без̾ сѣ́мене , и҆ рᲂди́ши сн҃а превѣ́чнаго бг҃а , и҆ спасе́тъ лю́ди ѿ грѣ́хъ и҆́хъ , и҆ пᲂслꙋшествꙋ́етъ пᲂсла́выи мѧ вᲂпи́ти тебѣ̀ ра́дᲂсть , бл҃гᲂслᲂве́наѧ дв҃ᲂю рᲂди́ши , и҆ по ржⷭ҇твѣ̀ дв҃ᲂю па́ки пребꙋ́деши . слава , и҆ ны́нѣ . Гаврїи́лъ с̾ нб҃сѐ , ра́дꙋисѧ зᲂве́тъ чи́стѣй , ꙗ҆́кѡ за́чнеши во́ чревѣ превѣ́чнаго бг҃а , сло́вᲂмъ кᲂнцы̀ сᲂста́вльшаго . ѻ҆на́же к̾ немꙋ̀ ѿвѣщава́ше , мꙋ́жа незна́ющи ка́кѡ рᲂжꙋ̀ сн҃а , и҆ сказꙋ́ѧ гл҃аше а҆́нг҃лъ бцⷣы дв҃ѣ . дх҃ъ ст҃ы́и на́йдетъ на тѧ̀ , и҆ си́ла вы́шнѧгѡ ѡ҆сѣ́нитъ тѧ .

пѣ́снь , д҃ . і҆рмо́съ . Сѣдѧ́и во сла́вѣ , на прⷭ҇то́лѣ бжⷭ҇твеннѣ , на ѻ҆́блацѣ ле́гцѣ , прїи́де і҆с҃ъ пребжⷭ҇твенныи , ѿ пречⷭ҇тыѧ дв҃ы , спасе́ же вᲂпїю́щїѧ , сла́ва хрⷭ҇тѐ си́лѣ твᲂе́й . Ст҃ꙋ нѣ́кꙋю дв҃ꙋ ражда́ющꙋ , слы́шахъ прᲂро́ка дре́вле , є҆мманꙋ́ила прᲂре́кша . хᲂщꙋ́ же разꙋмѣ́ти , ка́кѡ бжⷭ҇тва̀ размѣше́нїе , є҆стество̀ чл҃ческᲂе претерпи́тъ . Ꙗ҆ви́ла є҆́сть кꙋпина̀ , не ѡ҆па́льна пребы́вши , прїе́мши пла́мень , ѡ҆бра́дᲂваннаѧ препѣ́таѧ , твᲂегѡ̀ та́иньства пресла́внᲂе . по ржⷭ҇твѣ́ бо пребꙋ́деши чⷭ҇таѧ при́снѡ дв҃а . Ѡ҆свѣща́емь сїѧ́нїемъ бг҃а вседержи́телѧ , и҆́стинѣ прᲂпᲂвѣ́дниче , гл҃и гаврїи́ле и҆́стинꙋ . ка́кѡ нетлѣ́ннѣ бы́вши чистᲂтѣ̀ мᲂе́й , сло́ва рᲂждꙋ̀ съ пло́тїю беспло́тнаго . Со́ страхᲂмъ ти ꙗ҆́кѡ ра́бъ гжⷭ҇е пред̾стᲂю̀ , с̾ бᲂѧ́знїю дв҃о , ны́нѣ смᲂтри́ти стыжꙋ́сѧ тебѐ . ꙗ҆́кѡ бо до́ждь на рꙋно̀ сни́детъ на тѧ̀ сло́во ѻ҆́ч҃ее , ꙗ҆́кᲂже и҆зво́ли .

пѣ́снь , є҃ . і҆рмо́съ . Оу҆диви́шасѧ всѧ́ческаѧ , ѡ҆ бжⷭ҇твеннѣмъ зача́тїи твᲂе́мъ , ты́ бо бракᲂнеи҆скꙋси́маѧ дв҃це , прїѧ́тъ во ᲂу҆тро́бѣ надᲂвсѣ́ми сꙋ́щагѡ бг҃а , и҆ рᲂдила̀ є҆сѝ без̾лѣ́тнагѡ сн҃а , всѣ́мъ вᲂспѣва́ющимъ тѧ̀ ми́ръ пᲂдава́юща . Разꙋмѣ́ти немᲂгꙋ̀ твᲂи́хъ слᲂве́съ и҆спыта́нїѧ . чꙋдеса́ бо бы́ша мно́жицею , бжⷭ҇твенᲂю си́лᲂю ди́вна быва́емаѧ , скрижа́ли и҆ зако́ннїи ѻ҆́бразы . рᲂдила̀ дв҃ца бе́з̾ мꙋжа никᲂли́же . Диви́тъ пренепᲂро́чнаѧ , и҆ стра́нно бо чꙋ́до твᲂѐ , є҆ди́на бо ты̀ всѣ́хъ цр҃ѧ прїи́меши во ᲂу҆тро́бѣ вᲂплᲂща́ема . и҆ тѧ̀ прᲂѡбразꙋ́ютъ прⷪ҇ро́ческаѧ рече́нїѧ , гада́нїѧ и҆ зако́ннїи ѻ҆́бразы . И҆́же всѣ́мъ невмѣсти́мыи , и҆ всѣ́мъ неви́димыи , ка́кѡ се́й мо́жетъ во́ чрево дв҃че всели́тисѧ , є҆́же са́мъ сᲂзда̀ . ка́кѡ зачнꙋ̀ бг҃а сло́ва , сᲂбез̾нача́льна ѻ҆ц҃ꙋ́ же и҆ дх҃ᲂви . Къ твᲂемꙋ̀ пра́ѻ҆ц҃ꙋ дв҃дꙋ , ѡ҆бѣща́сѧ пᲂсади́ти ѿ плᲂда̀ чре́ва , на прⷭ҇то́лѣ црⷭ҇тва є҆гѡ̀ . і҆а́кѡвлю тѧ дᲂбро́тꙋ , є҆ди́нꙋ и҆з̾бра̀ слᲂве́снᲂе селе́нїе .

пѣ́снь , ѕ҃ . і҆рмо́съ . Вᲂзᲂпи́лъ прᲂѡбразꙋ́ѧ пᲂгребе́нїе тридне́внᲂе , прᲂро́къ і҆ѡ́на в̾ ки́тѣ бг҃ꙋ мᲂлѧ́сѧ , ѿ тлѝ спаси́ мѧ , і҆с҃е цр҃ю сы́и си́ламъ . Гл҃ъ твᲂи́хъ гаврїи́ле , гла́съ ра́дᲂваненъ прїе́мши , весе́лїѧ бжⷭ҇твенагѡ и҆спо́лнихсѧ . ра́дᲂсть бо вᲂз̾вѣща́еши некᲂне́чнꙋю . Сѐ тебѣ̀ да́стсѧ ра́дᲂсть бг҃ᲂмт҃и бжⷭ҇твенаѧ , и҆ всѧ̀ тва́рь вᲂпїе́тъ тѝ бг҃ᲂневѣ́сто . ты́ бо є҆ди́на мт҃и сн҃а бж҃їѧ , прᲂнарече́сѧ чⷭ҇таѧ . Є҆́ввы мно́ю ны́нѣ да ᲂу҆праздни́тсѧ ѡ҆сꙋжде́нїе . мно́ю до́лгъ дре́внїи , да вᲂз̾да́нъ бꙋ́детъ дне́сь . мно́ю ра́дᲂсть дре́внѧѧ да да́стсѧ преиспо́лнена . Ѡ҆бѣща́сѧ бг҃ъ а҆враа́мꙋ пра́ѻ҆ц҃ꙋ , бл҃гᲂслᲂви́ти ѿ сѣ́мене є҆гѡ̀ ꙗ҆зы́ки чⷭ҇таѧ . тᲂбо́ю же прехᲂжде́нїе ѻ҆бѣ́тъ прїе́млетъ дне́сь .

кᲂнда́къ . гла́съ , и҃ . Взбра́ннᲂй вᲂево́дѣ пᲂбѣди́тельнаѧ , ꙗ҆́кѡ и҆зба́вльшесѧ ѿ ѕлы́хъ , бл҃гᲂда́рственаѧ вᲂсписꙋ́емъ ти рабѝ твᲂѝ бцⷣе . но ꙗ҆́кѡ и҆мꙋ́щи держа́вꙋ непᲂбѣди́мꙋю , ѿ всѧ́кихъ на́съ бѣ́дъ свᲂбᲂдѝ . да зᲂве́мъ ти , ра́дꙋисѧ невѣ́сто неневѣ́стнаѧ . и҆́кᲂсъ . А҆́нг҃лъ пред̾ста́тель , с̾ нб҃сѐ по́сланъ бы́сть рещѝ бцⷣе , ра́дꙋисѧ . и҆ со беспло́тнымъ гла́сᲂмъ вᲂплᲂща́ема тѧ зрѧ̀ гдⷭ҇и , ᲂу҆жаса́шесѧ и҆ стᲂѧ́ше , зᲂвы́и къ не́й такᲂва́ѧ . ра́дꙋисѧ є҆ѧ́же ра́ди ра́дᲂсть вᲂсїѧ́етъ , ра́дꙋисѧ є҆ѧ́же ра́ди клѧ́тва и҆сче́знетъ . ра́дꙋисѧ па́дшагѡ а҆да́ма вᲂста́нїе , ра́дꙋисѧ сле́зъ є҆́ввинъ и҆збавле́нїе . ра́дꙋисѧ высᲂто̀ неꙋдо́бь вᲂсхᲂди́маѧ чл҃ческими по́мыслы , ра́дꙋисѧ глꙋбино̀ неꙋдо́бь зри́маѧ и҆ а҆́нг҃льскима ѻ҆чи́ма . ра́дꙋисѧ ꙗ҆́кѡ є҆сѝ цр҃е́во сѣда́лище , ра́дꙋисѧ ꙗ҆́кѡ но́сиши нᲂсѧ́щаго всѧ́ческаѧ . ра́дꙋисѧ ѕвѣздо̀ ꙗ҆влѧ́ющаѧ сл҃нце , ра́дꙋисѧ ᲂу҆тро́бо бжⷭ҇твенагѡ вᲂплᲂще́нїѧ . ра́дꙋисѧ є҆ѧ́же ра́ди ѡ҆бнᲂвлѧ́етсѧ тва́рь , ра́дꙋисѧ є҆ѧ́же ра́ди пᲂклᲂнѧ́емсѧ твᲂрцꙋ̀ . ра́дꙋисѧ невѣ́сто неневѣ́стнаѧ .

пѣ́снь , з҃ . і҆рмо́съ . Непᲂслꙋжи́ша тва́ри бг҃ᲂмꙋ́дрїи па́че зижди́телѧ , но ѻ҆́гненнᲂе преще́нїе , мꙋ́жески пᲂпра́вше ра́дᲂвахꙋсѧ пᲂю́ще , препѣ́тыи и҆́же ѻ҆ц҃е́мъ гдⷭ҇ь и҆ бг҃ъ бл҃гᲂслᲂве́нъ є҆сѝ . Свѣ́тъ невеще́ственыи пᲂвѣ́даѧ , въ веще́ственѣ тѣлесѝ сᲂвᲂкꙋплѧ́емь , за млрⷭ҇дїе мно́гᲂе . свѣ́тло бл҃гᲂвѣ́щенїе , бжⷭ҇твенагѡ прᲂпᲂвѣ́данїѧ , ны́нѣ взыва́еши ми , бл҃гᲂслᲂве́нъ пречⷭ҇таѧ пло́дъ твᲂегѡ̀ чре́ва . Ра́дꙋисѧ влⷣчце дв҃о , ра́дꙋисѧ пречⷭ҇таѧ . ра́дꙋисѧ прїѧ́телище бж҃їе , ра́дꙋисѧ свѣ́щниче свѣ́та . а҆да́мᲂво вᲂзва́нїе , и҆ є҆́ввы и҆збавле́нїе . гᲂро̀ ст҃а́ѧ , и҆ пресла́внᲂе сщ҃е́нїе , и҆ черто́гъ без̾сме́ртїѧ . Дш҃ꙋ ѡ҆чи́сти ми и҆ тѣ́ло ѡ҆ст҃ѝ , цр҃кᲂвь сᲂтвᲂрѝ вмѣ́стнꙋ бг҃ꙋ , сѣ́нь бг҃ᲂꙋкра́шенꙋ . ѡ҆дш҃евле́нъ хра́мъ наи́тїемъ прест҃а́гѡ дх҃а , и҆ жи́зни чи́стꙋю мт҃рь . Ꙗ҆́кѡ мнᲂгᲂсвѣ́тлꙋю свѣщꙋ̀ , и҆ бг҃ᲂдѣ́ланенъ черто́гъ , ви́жꙋ тѧ ны́нѣ ꙗ҆́кѡ зла́тъ кᲂвче́гъ , зако́нꙋ пᲂда́телѧ прїимѝ дв҃о , бл҃гᲂи҆зво́лившаго чл҃ческᲂе и҆зба́вити тᲂбо́ю , тлѣ́ннᲂе сꙋщество̀ .

пѣ́снь , и҃ . і҆рмо́съ . Слы́ши ѻ҆трᲂкᲂви́це дв҃це чⷭ҇таѧ , да рече́тъ ᲂу҆́бѡ гаврїи́лъ , сᲂвѣ́тъ вы́шнѧгѡ дре́вле и҆́стинныи . бꙋ́ди на прїѧ́тїе гᲂто́ва бг҃ꙋ , тᲂбо́ю бо невмѣсти́мыи с̾ чл҃ки пᲂживе́тъ . тѣ́мъ и҆ ра́дꙋѧсѧ вᲂпїю̀ , да бл҃гᲂслᲂви́те всѧ̀ дѣ́ла гдⷭ҇нѧ гдⷭ҇а , и҆ превᲂзнᲂси́те є҆гѡ̀ во́ вѣки . Оу҆́мъ всѧ́къ пᲂбѣжда́етсѧ зе́мленъ , ѿвѣща̀ дв҃ца , и҆́щꙋщи ꙗ҆́же ми вѣща́еши пресла́внаѧ , слы́шахъ слᲂвеса̀ твᲂѧ̀ , но бᲂю́сѧ ᲂу҆жаса́ющисѧ , да неле́стїю мѧ ꙗ҆́кѡ є҆́ввꙋ дале́че по́слеши ѿ́ бг҃а . но ѻ҆ба́че вᲂпїю̀ , бл҃гᲂслᲂви́те всѧ̀ дѣ́ла гдⷭ҇нѧ гдⷭ҇а , и҆ превᲂзнᲂси́те є҆гѡ̀ во́ вѣки . Сѐ тебѣ̀ недᲂꙋмѣ́ннᲂе разрѣши́тсѧ , речѐ к̾ си́мъ гаврїи́лъ . до́брѣ бо речѐ ве́щь непᲂсти́жна , слᲂвесе́мъ твᲂи́хъ ᲂу҆сте́нъ пᲂвинꙋ́ющисѧ про́чее . несꙋмни́сѧ ꙗ҆́кѡ льстѝ , ꙗ҆́кᲂже ве́щи вѣ́рꙋй . а҆́зъ бо ра́дꙋѧсѧ вᲂпїю̀ . бл҃гᲂслᲂви́те всѧ̀ дѣ́ла гдⷭ҇нѧ гдⷭ҇а , и҆ превᲂзнᲂси́те є҆гѡ̀ во́ вѣки . Зако́нъ се́й ѿ́ бг҃а є҆́сть чл҃кѡмъ непᲂро́чнаѧ а҆́бїе речѐ . ѻ҆́бщїѧ любвѐ ржⷭ҇тво̀ прᲂисхо́дитъ . незна́ю сла́сти све́рстника ѿ ню́дъ , ка́кѡ ᲂу҆́бѡ глаго́леши ꙗ҆́кѡ рᲂжꙋ̀ ; бᲂю́сѧ , є҆да̀ ле́сть глаго́леши . но ѻ҆ба́че вᲂпїю̀ , бл҃гᲂслᲂви́те всѧ̀ дѣ́ла гдⷭ҇нѧ гдⷭ҇а , и҆ превᲂзнᲂси́те є҆гѡ̀ во́ вѣки . Гл҃ы ꙗ҆́же ми вѣща́еши чⷭ҇таѧ , а҆́нг҃лъ па́ки речѐ , ѻ҆бы́чай є҆́сть ржⷭ҇тва̀ чл҃кѡмъ сме́ртнымъ . сꙋ́щаго же ти бг҃а ѻ҆бѣщава́ю , па́че сло́ва и҆ смы́сла вᲂплᲂща́ема , ꙗ҆́кᲂже вѣ́сть и҆з̾ тебѐ . тѣ́мже и҆ ра́дꙋѧсѧ вᲂпїю̀ . блгⷭ҇ви́те всѧ̀ дѣ́ла гдⷭ҇нѧ гдⷭ҇а , и҆ превᲂзнᲂси́те є҆гѡ̀ во́ вѣки . Ꙗ҆влѧ́ешимисѧ и҆́стинѣ вѣща́тель , речѐ дв҃аѧ , ра́дᲂсти бо ѻ҆́бщїѧ прише́лъ є҆сѝ бл҃гᲂвѣ́стникъ , дш҃ꙋ ѡ҆чи́стихъ с̾ тѣ́лᲂмъ , и҆ по гл҃ꙋ твᲂемꙋ̀ бꙋ́ди ми , да всели́тсѧ бг҃ъ в̾ мѧ̀ . є҆мꙋ́же вᲂпїю̀ с̾ тᲂбо́ю , бл҃гᲂслᲂви́те всѧ̀ дѣ́ла гдⷭ҇нѧ гдⷭ҇а , и҆ превᲂзнᲂси́те є҆гѡ̀ во́ вѣки .

на ѳ҃ , пѣ́сни . честнѣ́йшꙋю непᲂе́мъ . пᲂе́мъ припѣ́въ пра́здникꙋ , на ѻ҆́ба ли́ка : Бл҃гᲂвѣствꙋ́й землѐ ра́дᲂсть ве́лїю , хвали́те нб҃са̀ бж҃їю сла́вꙋ . та́же , і҆рмо́съ : Ꙗ҆́кѡ ѡ҆ дш҃е́внѣмъ бж҃їи кїѡ́тѣ . и҆ на трᲂпарѣ́хъ пᲂе́мъ то́йже припѣ́въ пра́здникꙋ . а҆ ᲂу҆трипѣ́сна в̾ трїѡ́ди запѣва́ем̾ : Сла́ва тебѣ̀ бж҃е на́шъ , сла́ва тебѣ̀ . ᲂу҆бг҃ᲂро́дична пᲂе́мъ припѣ́въ пра́здникꙋ , и҆ пᲂслѣдѝ і҆рмо́съ пра́здникꙋ , ѻ҆́ба ли́ка вкꙋ́пѣ , и҆ пᲂкло́нъ земны́и .

пѣ́снь , ѳ҃ . і҆рмо́съ . Ꙗ҆́кѡ ѡ҆ дш҃е́внѣмъ бж҃їи кїѡ́тѣ , да неко́снетсѧ ника́кᲂже рꙋка̀ невѣ́рныхъ . ᲂу҆ста́ же вѣ́рныхъ бцⷣѣ немо́лчнѡ , гла́съ а҆́нг҃лѡвъ вᲂспѣва́ютъ , ра́дᲂстїю вᲂпїю́ще , ра́дꙋйсѧ ѡ҆бра́дᲂваннаѧ гдⷭ҇ь с̾ тᲂбо́ю . Па́че смы́сла заче́нши бг҃а . є҆стества̀ ѻ҆бы́чаѧ ᲂу҆таи́сѧ ѻ҆трᲂкᲂви́це . ты́ бо въ ржⷭ҇твѣ̀ мт҃рьскагѡ и҆з̾бѣжа̀ тлѣ́ннагѡ є҆стества̀ . тѣ́мже дᲂсто́йнѡ слы́шиши , ра́дꙋисѧ ѡ҆бра́дᲂваннаѧ гдⷭ҇ь съ тᲂбо́ю . Ка́кѡ то́чиши млеко̀ дв҃о чⷭ҇таѧ , немо́жетъ и҆зрещѝ ꙗ҆зы́къ зе́мленъ ; стра́ннꙋ бо є҆стества̀ пᲂказꙋ́еши ве́щь , зако́ннаго ржⷭ҇тва̀ ᲂу҆ста́въ прехо́диши . тѣ́мже дᲂсто́йнѡ слы́шиши . ра́дꙋисѧ ѡ҆бра́дᲂваннаѧ гдⷭ҇ь с̾ тᲂбо́ю . Та́йнѡ во ст҃ы́хъ кни́гахъ рече́сѧ ѡ҆ тебѣ̀ мт҃и вы́шнѧгѡ . лѣ́ствицꙋ бо дре́вле і҆а́кѡвъ тѧ прᲂѡбразꙋ́ющꙋ ви́дѣвъ , речѐ , степе́нь бж҃їѧ сїѧ̀ . тѣ́мже дᲂсто́йнѡ слы́шиши , ра́дꙋисѧ ѡ҆бра́дᲂваннаѧ гдⷭ҇ь съ тᲂбо́ю . Чꙋ́дно сщ҃еннᲂѧвле́ннꙋ мѡѷсе́ю , кꙋпина̀ и҆ ѻ҆́гнь пᲂказа̀ чꙋ́до . и҆скі́и же прехо́дъ , въ прехᲂжде́нїи време́нъ , во ѻ҆трᲂкᲂви́цѣ чⷭ҇тѣй речѐ зрѧ̀ . є҆́й же ꙗ҆́кѡ бцⷣѣ рече́тсѧ , ра́дꙋисѧ ѡ҆бра́дᲂваннаѧ гдⷭ҇ь с̾ тᲂбо́ю . Данїи́лъ тѧ наречѐ го́рꙋ мы́сленꙋю . рᲂди́тельницꙋ бж҃їю і҆са́їѧ . ви́дитъ же ꙗ҆́кѡ рꙋно̀ гедеѡ́нъ . дв҃дъ же сщ҃е́нїе гл҃етъ . две́рь же тѧ̀ и҆́нъ . гаврїи́лъ же тѝ вᲂпїе́тъ , ра́дꙋисѧ ѡ҆бра́дᲂваннаѧ гдⷭ҇ь с̾ тᲂбо́ю .

свѣти́ленъ . Є҆́же ѿ́ вѣка дне́сь пᲂзнава́етсѧ та́инство бж҃їе . бг҃ъ сло́во , сн҃ъ дв҃ы мр҃і́и , за милᲂсе́рдїе быва́етъ . и҆ ра́дᲂсть бл҃гᲂвѣ́щенїѧ , гаврїи́лъ прᲂвѣщава́етъ . с̾ ни́мже вᲂзᲂпїе́мъ є҆́й , ра́дꙋисѧ мт҃и гдⷭ҇нѧ . три́жды .

На хвали́тѣхъ , стихѣ́ры , на д҃ . гла́съ , а҃ . поⷣ . нбⷭ҇нымъ чино́мъ .= С=ъ нбⷭ҇ныхъ крꙋ́гъ гаврїи́лъ слетѣ́въ ,꙳ в̾ назаре́тъ прише́дъ к̾ дв҃ѣй мр҃і́и ,꙳ вᲂпїѧ̀ є҆́й ра́дꙋисѧ .꙳ за́чнеши сн҃а а҆да́ма дре́внѣйша ,꙳ твᲂрца̀ вѣкѡ́мъ и҆ и҆зба́вителѧ вᲂпїю́щимъ ти ,꙳ ра́дꙋисѧ чⷭ҇таѧ . Сᲂпрⷭ҇нᲂсꙋ́щнᲂе сло́во ,꙳ пребез̾нача́льнагѡ ѻ҆ц҃а ,꙳ не ѿлꙋ́чьсѧ вы́шнихъ , ны́нѣ прїи́де к̾ землены́мъ .꙳ кᲂне́чнымъ бл҃гᲂсе́рдїемъ ,꙳ чл҃кᲂлю́бїе взе́мъ є҆́же по на́съ пᲂпᲂлзе́нїѧ .꙳ и҆ а҆да́мᲂвꙋ нищетꙋ̀ вᲂспрїи́мъ ,꙳ вᲂѡ҆брази́сѧ в̾ чꙋжде́е . Гаврїи́лъ дв҃ѣй бл҃гᲂвѣ́стїе ,꙳ съ нб҃сѐ прине́съ ,꙳ вᲂпїѧ́ше , гдⷭ҇ь с̾ тᲂбо́ю .꙳ за́чнеши сн҃а , всѣ́ми невмѣсти́маго .꙳ и҆ во́ чревѣ нᲂсѧ́щи ꙗ҆ви́шисѧ ,꙳ ѿ ѻ҆ц҃а пре́жде денни́цы вᲂсїѧ́вшагѡ . Пресꙋ́щнᲂе сло́во ,꙳ пло́тїю всели́сѧ в̾ тѧ̀ ,꙳ ѻ҆́ч҃имъ сᲂвѣ́тᲂмъ бцⷣе дв҃о .꙳ назда̀ ро́дъ и҆́же по на́съ , па́дшїи ѿ дре́внїѧ клѧ́твы .꙳ тѣ́мже ра́дꙋисѧ тебѣ̀ всѝ мт҃и хрⷭ҇то́ва ,꙳ со а҆́нг҃лѡмъ вᲂпїе́мъ вѣ́рнѡ .

сла́ва , и҆ нн҃ѣ . гла́съ , в҃ . Є҆́же ѿ́ вѣка та́инство ѿкрыва́етсѧ дне́съ , и҆ сн҃ъ бж҃їи , сн҃ъ дв҃чь быва́етъ . да хꙋ́ждьшее вᲂспрїе́мъ , пᲂда́стъ ми лꙋ́чшее . сᲂлга́сѧ дре́вле а҆да́мъ , и҆ бг҃ꙋ вᲂсхᲂтѣ́въ бы́ти и҆ небы́сть . чл҃къ быва́етъ бг҃ъ , да бг҃а а҆да́ма сᲂтвᲂри́тъ . да весели́тсѧ тва́рь , да ликᲂствꙋ́етъ є҆стество̀ , ꙗ҆́кѡ а҆рха́нг҃лъ дв҃ѣй со́ страхᲂмъ пред̾стᲂи́тъ , и҆ є҆́же ра́дꙋисѧ вᲂпїе́тъ , печа́ли сᲂпрᲂти́внѡ . и҆́же за милᲂсе́рдїе млⷭ҇ти , вᲂчл҃чивыисѧ бж҃е на́шъ сла́ва тебѣ̀ .

На стихо́внѣ . стихѣ́ра самᲂгла́сна , дне́ви , в̾ трїѡ́ди , вⷤ . и҆ мч҃нченъ . сла́ва , и҆ ны́нѣ . гла́съ , и҃ . Да веселѧ́тсѧ небеса̀ , и҆ ра́дꙋетсѧ землѧ̀ . и҆́бо ѻ҆ц҃ꙋ сᲂприснᲂсꙋ́щныи , сᲂбез̾нача́льныи и҆ сᲂпресто́льныи , щедро́тство прїе́мъ , и҆ чл҃кᲂлю́бнꙋю млⷭ҇ть , себѐ пᲂста́ви во и҆злїѧ́нїе , бл҃гᲂвᲂле́нїемъ и҆ сᲂвѣ́тᲂмъ ѻ҆́ч҃имъ . и҆ во ᲂу҆тро́бꙋ всели́сѧ дв҃чꙋ , преѡ҆чище́нꙋ дх҃ᲂмъ . ѽ чꙋдесѐ , бг҃ъ въ чл҃цѣхъ , невмѣсти́мыи въ лᲂжесна́хъ , без̾лѣ́тныи в̾ лѣ́то . и҆ є҆́же пресла́внѣе , ꙗ҆́кѡ и҆ зача́тїе без̾ сѣ́менно , и҆ и҆стᲂща́нїе несказа́нно , и҆ та́инство є҆ли́кѡ . бг҃ъ бо и҆стᲂщева́етсѧ , вᲂпло́щьсѧ и҆ зи́ждетсѧ . а҆́нг҃лꙋ къ чи́стѣй заче́ншей глаго́лавшꙋ . ра́дꙋисѧ ѡ҆бра́дᲂваннаѧ гдⷭ҇ь с̾ тᲂбо́ю , и҆мѣ́ѧи ве́лїю ми́лᲂсть .

та́же : бл҃го є҆́сть , аⷤ . трⷭ҇то́е , и҆ по ѻ҆́ч҃е на́шъ . трᲂпа́рь пра́здникꙋ . є҆ктенїѧ̀ : пᲂми́лꙋй на́съ бж҃е . и҆ по є҆ктенїѝ . г҃ , пᲂкло́ны вели́кїѧ . с̾ мл҃твᲂю є҆фре́ма си́рина . і҆єре́й гл҃етъ : Сы́и бл҃гᲂслᲂве́нъ . кли́рицы : а҆ми́нь . ᲂу҆твердѝ бж҃е вѣ́рꙋ хрⷭ҇тїа́нскꙋю . і҆єре́й гл҃етъ : премꙋ́дрᲂсть . кли́рицы : честнѣ́йшꙋю . сла́ва , и҆ ны́нѣ . гдⷭ҇и пᲂми́лꙋй , вⷤ . гдⷭ҇и бл҃гᲂслᲂвѝ . и҆ пᲂкло́ны , д҃ , в̾по́ѧсъ . і҆єре́й гл҃етъ , ѿпꙋ́стъ .

Ча́съ , а҃ , беспᲂкло́нᲂвъ с̾ каѳи́змᲂю . трᲂпа́рь , и҆ кᲂнда́къ , пра́здникꙋ . пᲂкло́ны вели́кїѧ , трѝ . и҆ ѿпꙋ́стъ . и҆ прᲂще́нїе земно́е .

Пᲂе́мъ ча́сы г҃ , ѕ҃ , ѳ҃ , та́кᲂже ка́къ , и҆ а҃ ча́съ . пᲂсе́мъ бл҃же́нна без̾ пѣ́нїѧ . пᲂмѧнѝ на́съ гдⷭ҇и . и҆ ли́къ нбⷭ҇ныи . вѣ́рꙋю во є҆ди́нагѡ бг҃а . ѡ҆сла́би ѡ҆ста́ви . ѻ҆́ч҃е на́шъ . кᲂнда́къ пра́здникꙋ . гдⷭ҇и пᲂми́лꙋй , м҃ . сла́ва , и҆ ны́нѣ , честнѣ́йшꙋю херꙋви́мъ . и҆ д҃ , пᲂкло́ны вели́кїѧ . и҆ ѿпꙋ́стъ .

и҆ а҆́бїе начина́емъ вече́рню . прїиди́те пᲂклᲂни́мсѧ , без̾ пᲂкло́нᲂвъ , и҆ без̾ каѳи́змы .

на гдⷭ҇и вᲂзва́хъ , стⷯры , самᲂгла́сенъ дню̀ , двⷤа , без̾ мч҃нчна . и҆ поⷣ , в̾ трїѡ́ди , г҃ . и҆ пра́здникꙋ , г҃ . и҆ а҆рха́нг҃лꙋ , г҃ . стⷯры , пра́здникꙋ . гла́съ , д҃ . Въ шесты́и мцⷭ҇ъ , по́сланъ бы́сть а҆рха́нг҃лъ к̾ дв҃ѣ чⷭ҇тѣй , и҆ ра́дᲂватисѧ є҆́й прире́къ , бл҃гᲂвѣстѝ и҆з̾ неѧ̀ и҆зба́вителю прᲂйтѝ . тѣ́мже прїе́мши цѣлᲂва́нїе , зача́тъ превѣ́чнагѡ бг҃а несказа́ннѡ , бл҃гᲂвᲂли́вшаго вᲂчл҃читисѧ , во спасе́нїе дш҃а́мъ на́шимъ . Ꙗ҆зы́ка є҆го́же незна̀ ᲂу҆слы́ша бцⷣа . глаго́лаше бо к̾ не́й а҆рха́нг҃лъ , бл҃гᲂвѣ́щенїѧ глаго́лы . ѿ ню́дꙋ же вѣ́рнѡ прїе́мши цѣлᲂва́нїе , зача́тъ тѧ̀ превѣ́чнаго бг҃а . тѣ́мже и҆ мы̀ ра́дꙋющесѧ вᲂпїе́мъ тѝ . и҆́же и҆з̾ неѧ̀ вᲂплᲂти́выисѧ непрело́жнѡ бж҃е , ми́ръ ми́рᲂви да́рꙋй , и҆ дш҃а́мъ на́шимъ ве́лїю млⷭ҇ть . Сѐ вᲂзва́нїе ны́нѣ ꙗ҆ви́сѧ на́мъ , па́че сло́ва бг҃ъ чл҃кѡмъ сᲂвᲂкꙋплѧ́етсѧ . а҆рха́нг҃лᲂвымъ гла́сᲂмъ , пре́лесть ѿгᲂнѧ́етсѧ . дв҃аѧ бо прїе́млетъ ра́дᲂсть . земле́наѧ бы́ша не́бо . ми́ръ разрѣши́сѧ пе́рвыѧ клѧ́твы . да ра́дꙋетсѧ тва́рь , и҆ гла́сы да пᲂе́тъ . тво́рче и҆ и҆зба́вителю на́шъ , гдⷭ҇и сла́ва тебѣ̀ . а҆рха́нг҃лꙋ , стⷯры . гла́съ , а҃ . поⷣ . прехва́льнїи мч҃нцы .= Г=аврїи́лъ вели́кїи ,꙳ ᲂу҆́мъ бг҃ᲂви́днѣйшїи ,꙳ свѣтᲂза́рныи и҆ спаси́тельныи ,꙳ свѣ́тъ трисл҃нчныи зри́тъ ,꙳ и҆ пᲂе́тъ с̾ вы́шними чи́ны ,꙳ бжⷭ҇твенᲂе и҆ стра́шнᲂе пѣ́нїе .꙳ мо́литжесѧ дарᲂва́ти дш҃а́мъ на́шимъ ,꙳ ми́ръ и҆ ве́лїю ми́лᲂсть . Вели́кᲂе та́инство ,꙳ пе́рвѣе а҆́нг҃лѡмъ невѣ́дᲂмо ,꙳ и҆ пре́жде вѣ́къ сᲂблюда́емо ,꙳ є҆ди́нъ ᲂу҆вѣрѧ́еши гаврїи́ле ,꙳ и҆ сїѐ є҆ди́нᲂй пᲂвѣ́далъ є҆сѝ чⷭ҇тѣй ,꙳ в̾ назаре́тъ прише́дъ .꙳ с̾ не́юже мᲂлѝ ,꙳ дарᲂва́ти дш҃а́мъ на́шимъ ,꙳ ми́ръ и҆ ве́лїю ми́лᲂсть .

сти́хъ : твᲂрѧ́и а҆́нг҃лы свᲂѧ̀ дх҃и , и҆ слꙋгѝ свᲂѧ̀ ѻ҆́гнь палѧ́щь . Свѣ́та сы́и и҆спо́лнь при́снѡ ,꙳ и҆ твᲂрѧ̀ хᲂтѣ́нїе ,꙳ и҆ скᲂнчава́ѧ пᲂвелѣ́нїѧ вседержи́телѧ .꙳ нача́льниче а҆́нг҃лѡмъ ,꙳ гаврїи́ле всеи҆зрѧ́дне .꙳ любо́вїю тѧ чтꙋ́щїѧ спаса́й ,꙳ при́снѡ прᲂсѧ̀ ,꙳ дарᲂва́ти дш҃а́мъ на́шимъ ,꙳ ми́ръ и҆ ве́лїю млⷭ҇ть . сла́ва , и҆ ны́нѣ . гла́съ , ѕ҃ . По́сланъ бы́сть съ нб҃сѐ а҆рха́нг҃лъ гаврїи́лъ , бл҃гᲂвѣсти́ти дв҃ѣй зача́тїе . и҆ прише́дъ въ назаре́тъ , пᲂмышлѧ́ше въ себѣ̀ , чꙋдесѝ ᲂу҆дивлѧ́ѧсѧ . ѽ ка́кѡ и҆́же въ вы́шнихъ непᲂстижи́мъ сы́и , ѿ дв҃ы ражда́етсѧ . и҆мѣ́ѧи прⷭ҇то́лъ нб҃о , и҆ пᲂд̾но́жїе зе́млю , во ᲂу҆тро́бꙋ дв҃чꙋ вмѣща́етсѧ . на́ньже шестᲂкрила́тїи , и҆ мнᲂгᲂѡ҆чи́тїи зрѣ́ти немо́гꙋтъ , сло́вᲂмъ є҆ди́нѣмъ ѿ сеѧ̀ вᲂплᲂти́тисѧ бл҃гᲂи҆зво́ли . бж҃їе є҆́сть сло́во настᲂѧ́щее . что̀ ᲂу҆́бѡ стᲂю̀ , и҆ не гл҃ю дв҃цѣ . ра́дꙋисѧ ѡ҆бра́дᲂваннаѧ гдⷭ҇ь с̾ тᲂбо́ю , ра́дꙋисѧ чⷭ҇таѧ дв҃о . ра́дꙋисѧ невѣ́сто неневѣ́стнаѧ . ра́дꙋисѧ мт҃и живᲂтꙋ̀ , блгⷭ҇ве́нъ пло́дъ чре́ва твᲂегѡ̀ .

вы́хᲂдъ , с̾ є҆ѵⷢ҇а́лїемъ : свѣ́те ти́хїи .= прᲂки́мен̾ , и҆ чте́нїѧ , дню̀ , в̾ трїѡ́ди . и҆ пра́здникꙋ , два̀ .=

а҃ , вни́де мѡѷсе́й . в҃ , гдⷭ҇ь сᲂзда́ мѧ . та́же : да́сѧ и҆спра́витъ мл҃тва . є҆ктенїѧ̀ ма́лаѧ . и҆ вᲂз̾гла́съ , трист҃о́мꙋ . та́же : трист҃о́е , пᲂе́мъ . прᲂки́менъ , ѱл҃о́мъ дв҃дᲂвъ . бл҃гᲂвѣсти́те дн҃ь ѿ́ дне , спасе́нїе бг҃а на́шегѡ . сти́хъ . вᲂспо́йте гдⷭ҇ви пѣ́снь но́вꙋ , вᲂспо́йте гдⷭ҇ви всѧ̀ землѧ̀ . а҆пⷭ҇лъ , к̾ =є҆вре́ѡмъ . заⷱ҇ , т҃ѕ . а҆ллилꙋ́їѧ . сни́детъ ꙗ҆́кѡ до́ждь на рꙋно̀ , и҆ ꙗ҆́кѡ ка́плѧ ка́плющаѧ на́ землю . =сти́хъ . бꙋ́детъ и҆́мѧ є҆гѡ̀ блгⷭ҇ве́но во́ вѣки , пре́жде сл҃нца пребыва́етъ и҆́мѧ є҆гѡ̀ . є҆ѵⷢ҇а́лїе , ѿ =лꙋкѝ . заⷱ҇ , г҃ . и҆= про́чаѧ бжⷭ҇твеныѧ литꙋргі́и златᲂꙋ́стагѡ . вмѣ́стѡ , дᲂсто́йнѡ є҆́сть , пᲂе́мъ і҆рмо́съ : Ꙗ҆́кѡ ѡ҆ дш҃е́внѣмъ . прича́стенъ . и҆збра̀ гдⷭ҇ь сїѡ́на , и҆ и҆зво́ли є҆гѡ̀ в̾ жили́ще себѣ̀ .

А҆́ще ли ко́еѧ ра́ди вели́кїѧ нꙋ́жды неприлꙋчи́тсѧ бы́ти литꙋргі́и . Часы̀ пᲂе́мъ , ꙗ҆́кᲂже вы́ше рече́сѧ . и҆ по пᲂслѣ́днихъ пᲂкло́нѣхъ , д҃ хъ вели́кихъ , пᲂе́мъ вече́рню , без̾ пᲂкло́нᲂвъ , и҆ без̾ каѳи́смы . На́ гдⷭ҇и вᲂзва́хъ , стихѣ́ры , на́ і҃ . в̾ трїѡ́ди , г҃ . пра́здникꙋ , д҃ . и҆ а҆рха́нг҃лꙋ , г҃ . сла́ва , и҆ ны́нѣ , пра́здникꙋ . вы́хᲂдъ , свѣ́те ти́хїи , пѣ́нїемъ . прᲂки́менъ , и҆ чте́нїѧ дню̀ , и҆ пра́здникꙋ , в҃ . та́же , є҆ктенїѧ̀ ма́лаѧ . пᲂсе́мъ , прᲂки́менъ , и҆ а҆пⷭ҇лъ . а҆ллилꙋ́їѧ , и҆ є҆ѵⷢ҇а́лїе пра́здникꙋ , ꙗ҆́кᲂже на литꙋргі́и . По є҆ѵⷢ҇а́лїи , спᲂдо́би гдⷭ҇и , и҆ г҃ , пᲂкло́ны земны́ѧ . та́же , є҆ктенїѧ̀ : и҆спо́лнимъ вече́рнїѧ . На стихо́внѣ , в̾ трїѡ́ди . самᲂгла́сенъ дню̀ , двⷤа , и҆ мⷱ҇ꙋ . сла́ва , и҆ ны́нѣ , пра́здникꙋ . Ны́нѣ ѿпꙋща́еши . трⷭ҇то́е , и҆ по ѻ҆́ч҃е на́шъ . трᲂпарѝ : Бцⷣе дв҃о ра́дꙋисѧ . с̾ пᲂкло́ны . гдⷭ҇и пᲂми́лꙋй , м҃ . и҆ нбⷭ҇ныи цр҃ю . и҆ д҃ , пᲂкло́ны вели́кїѧ . та́же , всест҃а́ѧ трⷪ҇це . бꙋ́ди и҆́мѧ гдⷭ҇не , и҆ ѱало́мъ , л҃г . задᲂсто́йникъ пра́здникꙋ , и҆ ѿпꙋ́стъ .

На трапе́зѣ же ꙗ҆́мы , два̀ варе́нїѧ с̾ ма́слᲂмъ , и҆ ры́бꙋ , и҆ пїе́мъ вино̀ , є҆ди́нᲂю же дне́мъ .

Па́вечерницꙋ =пᲂе́мъ ма́лꙋю , без̾ пᲂкло́нᲂвъ , и҆ без̾ кано́на . =то́чїю , на сла́ва в̾вы́шнихъ , г҃ , пᲂкло́ны , и҆ на трⷭ҇то́мъ , г҃ . и҆ на честнѣ́йшꙋ херꙋви́мъ , д҃ . пᲂкло́ны вели́кїѧ . и҆ на кᲂне́чнᲂмъ трⷭ҇то́мъ , г҃ . и҆ ѿпꙋ́стъ .

Оу҆ка́зъ ѡ҆ пра́здницѣ бл҃гᲂвѣ́щенїѧ прест҃ы́ѧ бцⷣы . начина́етсѧ четвертко́мъ , г҃ , нлⷣи пᲂста̀ , и҆ вᲂсхо́дитъ до среды̀ свѣ́тлыѧ нлⷣи . и҆ ѡ҆ по́стныхъ вече́рнѧхъ , в̾ кі́иждо дн҃ь по́стенъ , в̾ на́вечерїи бл҃гᲂвѣ́щенїѧ пᲂе́мъ , вече́рню без̾ пᲂкло́нᲂвъ , и҆ без̾ каѳи́смы . на гдⷭ҇и вᲂзва́хъ , пᲂста́вимъ , стихо́въ , і҃ . пᲂе́мъ : самᲂгла́сенъ , дню̀ , вⷤ . и҆ пᲂдо́бны , г҃ , в̾ трїѡ́ди . и҆ пра́здникꙋ , г҃ , на́ є҃ . гла́съ , ѕ҃ . сᲂвѣ́тъ превѣ́чныи . сла́ва , и҆ нн҃ѣ . гла́съ , то́йже . по́сланъ бы́сть . вы́хᲂдъ : свѣ́те ти́хїи . прᲂки́менъ , и҆ чте́нїе дню̀ . и҆ пра́здникꙋ , г҃ . та́же , дасѧ̀ и҆спра́витъ мᲂли́тва мᲂѧ̀ . и҆ пᲂкло́ны , г҃ вели́кїѧ . и҆ по ны́нѣ си́лы нбⷭ҇ныѧ , г҃ пᲂкло́ны вели́кїѧ . и҆ на бꙋ́ди и҆́мѧ гдⷭ҇не , г҃ пᲂкло́ны вели́кїѧ . и҆ про́чаѧ бжⷭ҇твенаѧ литꙋргі́ѧ прежесщ҃е́нныхъ . по ѿпꙋще́нїи же вхо́димъ в̾ трапе́зꙋ , и҆ ꙗ҆ди́мъ варе́нїе с̾ ма́слᲂмъ . и҆ пїе́мъ вино̀ , прест҃ы́ѧ ра́ди бцⷣы . и҆ трꙋда̀ ра́ди бдѣ́ннагѡ , хᲂтѧ́щагѡ бы́ти . ры́бы же не ꙗ҆ди́мъ , в̾ како́въ де́нь а҆́ще ни є҆́сть .

при часѣ́ же , є҃ мъ , но́щи . сᲂбра́вшимсѧ бра́тїи в̾ цр҃квь . блгⷭ҇ви́вшꙋ і҆єре́ю , є҆мꙋ́же кадѧ́щꙋ , и҆ пᲂе́мъ па́вечерницꙋ вели́кꙋю . є҆гда́ же дᲂсти́гнемъ до пѣ́сни и҆са́їи пррⷪ҇ка , тᲂгда̀ начина́емъ , с̾ на́ми бг҃ъ , с̾ пѣ́нїемъ , на́ гласъ , и҃ . на ѻ҆́ба ли́ка . и҆ ѡ҆бы́чныѧ трᲂпарѝ , де́нь пребы́въ . по а҃ мъ , трⷭ҇то́мъ , трᲂпа́рь , пра́здникꙋ . по в҃ мъ , трⷭ҇то́мъ , кᲂнда́къ , пра́здникꙋ . по внегда́же рече́тъ : сла́ва в̾ вы́шнихъ , ѡ҆блачи́тсѧ і҆єре́й с̾ дїа́кᲂнᲂмъ , во ѻ҆де́ждꙋ свᲂю̀ по ѡ҆бы́чаю . и҆ твᲂри́мъ и҆схᲂже́нїе в̾ притво́ръ . и҆ быва́етъ литі́ѧ по ѡ҆бы́чаю . сла́ва . гла́съ , и҃ .= да веселѧ́тсѧ нб҃са̀ . =и҆ =ны́нѣ . гла́съ , в҃ . бл҃гᲂвѣсти́тъ гаврїи́лъ . на стихо́внѣ , стихѣ́ры , пра́здникꙋ , гла́съ , д҃ . со стихѝ пра́здникꙋ . сла́ва , и҆ ны́нѣ . гла́съ , то́йже . =та́же , ны́нѣ ѿпꙋща́еши . трⷭ҇то́е , и҆ по ѻ҆́ч҃е на́шъ . трᲂпа́рь , пра́здникꙋ . та́же , бꙋ́ди и҆́мѧ гдⷭ҇не , гⷤ . ѱл҃о́мъ , л҃г . бл҃гᲂслᲂвлю̀ гдⷭ҇а , до нелиша́тсѧ ѿ всѧ́кᲂгѡ бл҃га . і҆єре́й рече́тъ : бл҃гᲂслᲂве́нїе гдⷭ҇не на всѣ́хъ ва́съ . та́же , є҆ѯа̀ ѱалмы̀ . на ᲂу҆́трени , на бг҃ъ гдⷭ҇ь , трᲂпа́рь пра́здникꙋ , гⷤ . и҆ стихᲂлᲂгисꙋ́емъ , г҃ , каѳи́смы . по а҃ , стихᲂло́гїи , сѣда́льны , в̾ трїѡ́ди ѻ҆́ба .= по в҃ , стихᲂло́гїи , сѣда́ленъ , пра́здникꙋ . сла́ва , и҆ ны́нѣ , то́йже . =по г҃ , стихᲂло́гїи , сѣда́ленъ , пра́здникꙋ . сла́ва , и҆ ны́нѣ , то́йже . даю́тсѧ свѣщѝ бра́тїи . по пᲂлїелеѡ́сѣ , сѣда́ленъ , пра́здникꙋ . степе́нна , д҃ го гла́са . а҆нтиѳо́нъ , а҃ .= прᲂки́менъ , и҆ є҆ѵⷢ҇а́лїе , пра́здникꙋ . ѱл҃о́мъ , н҃ . стихѣ́ра , пра́здникꙋ . кано́нъ , пра́здникꙋ , і҆рмо́съ , по вⷤ . трᲂпарѝ , на в҃і . катава́сїѧ , і҆рмо́съ , то́йже . А҆ и҆дѣ́же трипѣ́снѡ , та́мѡ пᲂе́мъ , пра́здникꙋ , на́ ѕ҃ . и҆ в̾ трїѡ́ди , трипѣ́снѡ , на́ и҃ . та́же , пи́санъ сти́хъ пᲂслѣ́дней в̾ трїѡ́ди в̾ трипѣ́снѣ , сла́ва тебѣ̀ бж҃е на́шъ . и҆ то́тъ сти́хъ гл҃емъ пред̾ сла́вᲂю два̀ за є҆ди́нъ . катава́сїѧ , в̾ трїѡ́ди і҆рмо́съ , в҃ гѡ кано́на . по г҃ , пѣ́сни , сѣда́ленъ , пра́здникꙋ . по́сланъ бы́сть . сла́ва , и҆ ны́нѣ . гаврїи́лъ с̾ нб҃сѐ . по ѕ҃ , пѣ́сни , кᲂнда́къ , и҆ и҆́кᲂсъ , пра́здникꙋ . =на ѳ҃ , пѣ́сни , па́ки , вжига́ютъ свѣщѝ бра́тїѧ . чⷭ҇тнѣ́йшꙋ непᲂе́мъ . пᲂе́мъ , припѣ́въ , пра́здникꙋ , на ѻ҆́ба ли́ка : бл҃гᲂвѣствꙋ́й землѐ ра́дᲂсть ве́лїю , хвали́те нб҃са̀ бж҃їю сла́вꙋ . та́же , і҆рмо́съ : ꙗ҆́кѡ ѡ҆ дш҃е́внѣмъ бж҃їи кїѡ́тѣ . и҆ на трᲂпарѣ́хъ пᲂе́мъ то́йже припѣ́въ пра́здникꙋ . а҆ ᲂу҆трипѣ́сна в̾ трїѡ́ди запѣва́емъ : сла́ва тебѣ̀ бж҃е на́шъ , сла́ва тебѣ̀ . ᲂу҆бг҃ᲂро́дична стиха̀ пᲂе́мъ , припѣ́въ , пра́здникꙋ . и҆ пᲂслѣдѝ насхо́дѣ , катава́сїѧ , і҆рмо́съ , в̾ трїѡ́ди . та́же , ѻ҆́ба ли́ка вкꙋ́пѣ , припѣ́въ , и҆ і҆рмо́съ , пра́здникꙋ , и҆ пᲂкло́нъ до землѝ . свѣти́ленъ , пра́здникꙋ , гⷤ . на хвали́тѣхъ , стихѣ́ры , на д҃ . гла́съ , а҃ . сла́ва , и҆ ны́нѣ . гла́съ , в҃ . ѱало́мщикъ гл҃етъ : сла́ва пᲂказа́вшемꙋ на́мъ свѣ́тъ . сла́ва в̾ вы́шнихъ . пᲂсе́мъ , є҆ктенїѧ̀ : и҆спо́лнимъ за ᲂу҆́тренѧѧ . та́же , стихо́вна , в̾ трїѡ́ди , самᲂгла́сенъ , дню̀ , вⷤ . и҆ мⷱ҇ꙋ . сла́ва , и҆ ны́нѣ , пра́здникꙋ . гла́съ , и҃ . та́же , бл҃го є҆́сть , аⷤ . по трⷭ҇то́мъ , трᲂпа́рь , пра́здникꙋ . є҆ктенїѧ̀ : пᲂми́лꙋй на́съ бж҃е . и҆ г҃ пᲂкло́ны вели́кїѧ , с̾ мл҃твᲂю . та́же , і҆єре́й гл҃етъ : сы́и бл҃гᲂслᲂве́нъ . кли́рицы же пᲂю́тъ : а҆ми́нь , ᲂу҆твердѝ бж҃е вѣ́рꙋ хрⷭ҇тїа́нскꙋю . і҆єре́й гл҃етъ : премꙋ́дрᲂсть . кли́рицы : чⷭ҇тнѣ́йшꙋю . сла́ва , и҆ ны́нѣ , гдⷭ҇и пᲂми́лꙋй , вⷤ , гдⷭ҇и бл҃гᲂслᲂвѝ . и҆ пᲂкло́ны ѡ҆бы́чныѧ . и҆ ѿпꙋ́стъ . и҆ а҃ й , ча́съ , с̾ каѳи́смᲂю . и҆ с̾ пᲂкло́ны ѡ҆бы́чными , трᲂпа́рь , и҆ кᲂнда́къ , пра́здникꙋ . и҆ в̾ кᲂне́цъ , д҃ , пᲂкло́ны вели́кїѧ , с̾ мл҃твᲂю . и҆ сᲂверше́ныи ѿпꙋ́стъ . и҆ прᲂще́нїе земно́е . и҆ =а҆́бїе пᲂе́мъ , ча́съ , г҃ й , и҆ ѕ҃ й , и҆ ѳ҃ й , с̾ каѳи́смᲂю . и҆ с̾ пᲂкло́ны ѡ҆бы́чными , трᲂпа́рь , и҆ кᲂнда́къ , пра́здникꙋ . и҆ в̾ кᲂне́цъ , д҃ , пᲂкло́ны вели́кїѧ , с̾ мл҃твᲂю . на ѕ҃ мъ , часѣ̀ , пᲂе́мъ трᲂпа́рь . паремїѝ , и҆́же в̾ трїѡ́ди . и҆ прᲂки́менъ . по́чинꙋ и҆́хъ . и҆ паремїѧ̀ . по ѳ҃ мъ , часѣ̀ , бл҃же́нна ско́ро без̾ пѣ́нїѧ и҆ без̾ пᲂкло́нъ . пᲂмѧнѝ на́съ гдⷭ҇и . ли́къ нбⷭ҇ныи . сла́ва . сᲂбо́ръ ст҃ы́хъ а҆́нг҃лъ . и҆ ны́нѣ . вѣ́рꙋю во є҆ди́нагѡ бг҃а . ѡ҆сла́би ѡ҆ста́ви . по ѻ҆́ч҃е на́шъ , кᲂнда́къ пра́здникꙋ . гдⷭ҇и пᲂми́лꙋй , м҃ . сла́ва , и҆ ны́нѣ , честнѣ́йшꙋ , и҆ д҃ , пᲂкло́ны вели́кїѧ , с̾ мл҃твᲂю . та́же , всест҃а́ѧ трⷪ҇це . и҆ ѿпꙋ́стъ . =та́же , пᲂе́мъ вече́рню без̾ пᲂкло́нᲂвъ , и҆ без̾ каѳи́смы . на гдⷭ҇и вᲂзва́хъ , пᲂста́вимъ , стихо́въ , і҃ . пᲂе́мъ : самᲂгла́сенъ , дню̀ , вⷤ . без̾ мч҃нчна . и҆ поⷣ , в̾ трїѡ́ди , г҃ . и҆ пра́здникꙋ , г҃ . и҆ а҆рха́нг҃лꙋ , г҃ . сла́ва , и҆ ны́нѣ . по́сланъ бы́сть . вы́хᲂдъ , с̾ є҆ѵⷢ҇а́лїемъ : свѣ́те ти́хїи .= прᲂки́менъ , и҆ чте́нїѧ , дню̀ , в̾ трїѡ́ди . и҆ пра́здникꙋ , два̀ . =а҃ , вни́де мѡѷсе́й . в҃ , гдⷭ҇ь сᲂзда́ мѧ . та́же : да́сѧ и҆спра́витъ мл҃тва . є҆ктенїѧ̀ ма́лаѧ . и҆ вᲂз̾гла́съ , трⷭ҇то́мꙋ . та́же , =пᲂе́мъ : ст҃ы́и бж҃е . прᲂки́менъ . бл҃гᲂвѣсти́те де́нь ѿ́ дне , спасе́нїе бг҃а на́шегѡ . =сти́хъ . вᲂспо́йте гдⷭ҇ви пѣ́снь но́вꙋ , вᲂспо́йте гдⷭ҇ви всѧ̀ землѧ̀ . а҆пⷭ҇лъ , к̾ є҆вре́ѡмъ . заⷱ҇ , т҃ѕ .= а҆ллилꙋ́їѧ . сни́детъ ꙗ҆́кѡ до́ждь на рꙋно̀ , и҆ ꙗ҆́кѡ ка́плѧ ка́плющаѧ на́ землю . =сти́хъ . бꙋ́детъ и҆́мѧ є҆гѡ̀ блгⷭ҇ве́но во́ вѣки , пре́жде сл҃нца пребыва́етъ и҆́мѧ є҆гѡ̀ . є҆ѵⷢ҇а́лїе , ѿ лꙋкѝ . заⷱ҇ , г҃ .= и҆= про́чаѧ бжⷭ҇твеныѧ литꙋргі́и златᲂꙋ́стагѡ . вмѣ́стѡ , дᲂсто́йнѡ є҆́сть , пᲂе́мъ і҆рмо́съ : ꙗ҆́кѡ ѡ҆ дш҃е́внѣмъ . прича́стенъ , и҆збра̀ гдⷭ҇ь сїѡ́на , и҆ и҆зво́ли є҆гѡ̀ в̾ жили́ще себѣ̀ , а҆ллилꙋ́їѧ .

на трапе́зѣ же ꙗ҆́мы , два̀ варе́нїѧ с̾ ма́слᲂмъ , и҆ ры́бꙋ , и҆ пїе́мъ вино̀ , є҆ди́нᲂю же дне́мъ . па́вечерницꙋ пᲂе́мъ ма́лꙋю , без̾ пᲂкло́нᲂвъ , и҆ без̾ кано́на . то́чїю , на сла́ва в̾ вы́шнихъ , г҃ , пᲂкло́ны . и҆ на трⷭ҇то́мъ , г҃ , пᲂкло́ны . и҆ на честнѣ́йшꙋ , з҃і , пᲂкло́нᲂвъ . и҆ на пᲂслѣ́днем̾ , трⷭ҇то́мъ , г҃ , пᲂкло́ны . и҆ ѿпꙋ́стъ , меншо́й .

Пᲂдᲂба́етъ вѣ́дати , а҆́ще прилꙋчи́тсѧ , бл҃гᲂвѣ́щенїе в̾ пѧто́къ г҃ ѧ , и҆лѝ д҃ ѧ , нлⷣи пᲂста̀ . пᲂе́мъ всю̀ слꙋ́жбꙋ пра́здникꙋ с̾ трїѡ́дїю по по́стнᲂмꙋ , ꙗ҆́кᲂже ᲂу҆ка́зано пре́жде нарѧдꙋ̀ .

А҆́ще ли прилꙋчи́тсѧ бл҃гᲂвѣ́щенїе , в̾ сꙋбо́тꙋ , г҃ ю , и҆лѝ д҃ ю , пᲂста̀ . въ пѧто́къ , ве́черъ , каѳи́смы негл҃емъ . на гдⷭ҇и вᲂзва́хъ , стихѣ́ры , на́ і҃ . самᲂгла́сенъ , дню̀ , вⷤ . и҆ пра́здникꙋ , и҃ . сла́ва , и҆ ны́нѣ , пра́здникꙋ . вы́хᲂдъ : свѣ́те ти́хїи . прᲂки́менъ , и҆ чте́нїе дню̀ . и҆ пра́здникꙋ , є҃ . и҆ про́чаѧ бжⷭ҇твенаѧ литꙋргі́ѧ прежесщ҃е́нныхъ .

при часѣ́ же , є҃ мъ , но́щи . пᲂе́мъ па́вечерницꙋ вели́кꙋю . є҆гда́ же дᲂсти́гнемъ до пѣ́сни и҆са́їи пррⷪ҇ка , тᲂгда̀ начина́емъ , с̾ на́ми бг҃ъ , с̾ пѣ́нїемъ , на́ гласъ , и҃ . на ѻ҆́ба ли́ка . по а҃ мъ , трⷭ҇то́мъ , трᲂпа́рь , пра́здникꙋ . по в҃ мъ , трⷭ҇то́мъ , кᲂнда́къ , пра́здникꙋ . по сла́ва в̾ вы́шнихъ , и҆схᲂже́нїе , и҆́же пре́же ᲂу҆ка́зано в̾ по́стныѧ днѝ . На ᲂу҆́трени быва́етъ слꙋ́жба всѧ̀ пра́здникꙋ . нижѐ четверᲂпѣ́сно пᲂе́мъ , ни и҆́но что̀ сꙋбо́тнᲂе пᲂе́тсѧ , но всѐ пра́здникꙋ . и҆ пᲂе́мъ славᲂсло́вїе вели́кᲂе . четверᲂпѣ́сно же , пᲂе́тсѧ въ притво́рѣ . та́кᲂже и҆ на литꙋргі́и , всѐ пра́здникꙋ . и҆ блаже́нна , на́ и҃ . ѿ кано́на , пра́здникꙋ , пѣ́снь , г҃ ѧ , и҆ ѕ҃ ѧ .

А҆́ще ли прилꙋчи́тсѧ бл҃гᲂвѣ́щенїе , в̾ нлⷣю г҃ ю , пᲂста̀ . въ сꙋбо́тꙋ , ве́черъ . на ма́лѣй вече́рни , на гдⷭ҇и вᲂзва́хъ , стⷯры , вᲂскрⷭ҇ны , д҃ . сла́ва , и҆ ны́нѣ , пра́здникꙋ . на стихо́внѣ , стихѣ́ра , вᲂскрⷭ҇на , є҆ди́на . и҆ пра́здникꙋ , г҃ , гла́съ , д҃ . со стихо́вны вели́кїѧ вече́рни , со стихѝ и҆́хъ . сла́ва , и҆ ны́нѣ , пра́здникꙋ . та́же , ны́нѣ ѿпꙋща́еши . трⷭ҇то́е , и҆ по ѻ҆́ч҃е на́шъ . трᲂпа́рь , вᲂскрⷭ҇нъ . сла́ва , и҆ ны́нѣ , пра́здникꙋ . є҆ктенїѧ̀ , и҆ ѿпꙋ́стъ .

на вели́цѣй вече́рни . бл҃же́нъ мꙋ́жь , каѳи́сма всѧ̀ . на гдⷭ҇и вᲂзва́хъ , стихѣ́ры вᲂскрⷭ҇ны , г҃ . и҆ крⷭ҇тꙋ̀ , поⷣ , г҃ . и҆ пра́здникꙋ , поⷣ , г҃ , на д҃ . сла́ва , крⷭ҇тꙋ̀ , гла́съ , г҃ . хрⷭ҇тѐ бж҃е на́шъ . и҆ ны́нѣ , пра́здникꙋ , гла́съ , ѕ҃ . по́сланъ бы́сть . вы́хᲂдъ : свѣ́те ти́хїи . прᲂки́менъ , дню̀ . и҆ чте́нїи , пра́здникꙋ , є҃ . на литі́и , стихѣ́ры , пра́здникꙋ , г҃ . гла́съ , а҃ . и҆ стихѣ́ры , крⷭ҇тꙋ̀ , г҃ . гла́съ , д҃ . пи́саны , на хвали́тѣхъ . сла́ва , гла́съ , в҃ . бл҃гᲂвѣсти́тъ гаврїи́лъ . и҆ ны́нѣ , крⷭ҇тꙋ̀ . гла́съ , є҃ . зрѧ́щи тѧ тва́рь . на стихо́внѣ , стихѣ́ры , вᲂскрⷭ҇ны . сла́ва , крⷭ҇тꙋ̀ . гла́съ , д҃ . пᲂсᲂби́выи гдⷭ҇и . и҆ ны́нѣ , пра́здникꙋ . гла́съ , то́йже . дне́сь ра́дᲂсть бл҃гᲂвѣ́щенїѧ . на бл҃гᲂслᲂве́нїе хлѣ́бᲂмъ : трᲂпа́рь , пра́здникꙋ , два́жды . и҆ крⷭ҇тꙋ̀ , а҃ .

на ᲂу҆́трени . на бг҃ъ гдⷭ҇ь , трᲂпа́рь , вᲂскрⷭ҇нъ , гла́сꙋ , двⷤа . сла́ва , крⷭ҇тꙋ̀ . и҆ ны́нѣ , пра́здникꙋ . по каѳи́смахъ , сѣда́льны , вᲂскрⷭ҇ны , с̾ бг҃ᲂро́дичны и҆́хъ . и҆ непᲂро́чны . и҆пако́й , гла́сꙋ . по пᲂлїелеѡ́сѣ , сѣда́льны , пра́здникꙋ , всѣ̀ по є҆ди́нᲂщи . сла́ва , и҆ ны́нѣ , пра́здникꙋ , сѣда́ленъ , и҆́же по пᲂлїелеѡ́сѣ . степе́нны , гла́сꙋ . прᲂки́менъ , и҆ є҆ѵⷢ҇а́лїе , пра́здникꙋ .= вᲂскрⷭ҇нїе хрⷭ҇то́во . ѱл҃о́мъ , н҃ . стⷯра , пра́здникꙋ . кано́нъ , вᲂскрⷭ҇нъ , на д҃ . и҆ крⷭ҇тꙋ̀ , на д҃ . и҆ пра́здникꙋ , на́ ѕ҃ . катава́сїѧ , пра́здникꙋ : ѿве́рзꙋ ᲂу҆ста̀ мᲂѧ̀ . =по г҃ , пѣ́сни , кᲂнда́къ , и҆ и҆́кᲂсъ , крⷭ҇тꙋ̀ . сѣда́ленъ , крⷭ҇тꙋ̀ . сла́ва , и҆ ны́нѣ , пра́здникꙋ . по ѕ҃ , пѣ́сни , кᲂнда́къ , и҆ и҆́кᲂсъ , пра́здникꙋ . и҆ про́лᲂгъ . на ѳ҃ , пѣ́сни , пᲂе́мъ , честнѣ́йшꙋю . свѣти́ленъ , вᲂскрⷭ҇нъ . сла́ва , крⷭ҇тꙋ̀ . и҆ ны́нѣ , пра́здникꙋ . на хвали́тѣхъ , стⷯры , вᲂскрⷭ҇ны , д҃ . и҆ пра́здникꙋ , г҃ . гла́съ , а҃ . и҆ сла́вникъ , гла́съ , в҃ . со стихѝ и҆́хъ . сти́хъ : бл҃гᲂвѣсти́те де́нь ѿ́ дне , спасе́нїе бг҃а на́шегѡ .= сти́хъ : вᲂспо́йте гдⷭ҇ви пѣ́снь но́вꙋ , вᲂспо́йте гдⷭ҇ви всѧ̀ землѧ̀ . =таⷤ , сти́хъ : вᲂскрⷭ҇нѝ гдⷭ҇и бж҃е мо́й . и҆ пᲂе́мъ , стихѣ́рꙋ , дню̀ . сла́ва , тꙋ́же . и҆ ны́нѣ , пребл҃гᲂслᲂве́на є҆сѝ бцⷣе дв҃о . славᲂсло́вїе вели́кᲂе . и҆ слꙋ́жба крⷭ҇тᲂпᲂклᲂне́нїю , по ѡ҆бы́чаю , ꙗ҆́кᲂже ᲂу҆каза́сѧ нарѧдꙋ̀ в̾ м҃ цѣ . та́же , прᲂки́менъ , вᲂскрⷭ҇нъ , гла́сꙋ . и҆ є҆ѵⷢ҇а́лїе , вᲂскрⷭ҇но . и҆ пᲂсе́мъ , є҆ктенїѝ . и҆ ѿпꙋ́стъ . сла́ва , и҆ ны́нѣ , стⷯра , є҆ѵⷢ҇а́льскаѧ . и҆ ча́съ , а҃ . трᲂпа́рь , вᲂскрⷭ҇нъ . сла́ва , крⷭ҇тꙋ̀ . по ѻ҆́ч҃е на́шъ . кᲂнда́къ , вᲂскрⷭ҇нъ . и҆ сᲂверше́ныи ѿпꙋ́стъ . на г҃ мъ часѣ̀ : трᲂпа́рь , вᲂскрⷭ҇нъ . сла́ва , пра́здникꙋ . по ѻ҆́ч҃е на́шъ . кᲂнда́къ , крⷭ҇тꙋ̀ .= на ѕ҃ мъ часѣ̀ := трᲂпа́рь , вᲂскрⷭ҇нъ . сла́ва , крⷭ҇тꙋ̀ . по ѻ҆́ч҃е на́шъ . кᲂнда́къ , пра́здникꙋ .= на ѳ҃ мъ часѣ̀ := трᲂпа́рь , вᲂскрⷭ҇нъ . сла́ва , пра́здникꙋ . по ѻ҆́ч҃е на́шъ . кᲂнда́къ , вᲂскрⷭ҇нъ . на литꙋргі́и , бл҃же́нна , гла́сꙋ , на д҃ . и҆ пра́здникꙋ , пѣ́снь г҃ ѧ , на д҃ . и҆ крⷭ҇тꙋ̀ , пѣ́снь ѕ҃ ѧ , на д҃ . по вхо́дѣ : трᲂпа́рь , вᲂскрⷭ҇нъ , и҆ крⷭ҇тꙋ̀ , и҆ пра́здникꙋ . кᲂнда́къ , вᲂскрⷭ҇нъ . сла́ва , крⷭ҇тꙋ̀ . и҆ ны́нѣ , пра́здникꙋ . вмѣ́сто трⷭ҇та́гѡ , пᲂе́мъ : крⷭ҇тꙋ̀ твᲂемꙋ̀ пᲂклᲂнѧ́емсѧ влⷣко . прᲂки́менъ , и҆ а҆пⷭ҇лъ , а҆ллилꙋ́їѧ , и҆ є҆ѵⷢ҇а́лїе , и҆ прича́стенъ , пре́же пра́здникꙋ , пᲂто́мъ крⷭ҇тꙋ̀ . вмѣ́сто дᲂсто́йна пᲂе́мъ і҆рмо́съ , пра́здникꙋ : ꙗ҆́кѡ ѡ҆ дш҃е́внѣмъ . а҆ литꙋргі́ѧ вели́кагѡ васи́лїѧ .

Пᲂдᲂба́етъ вѣ́дати ѡ҆ недѣ́лѧхъ , ст҃а́гѡ и҆ вели́кагѡ пᲂста̀ . в̾ни́хъ же а҆́ще пра́здникъ сі́и прилꙋчи́тсѧ бл҃гᲂвѣ́щенїе прест҃ы́ѧ бцⷣы , быва́етъ литꙋргі́ѧ вели́кагѡ васи́лїѧ непремѣ́ннѡ , в̾ нлⷣѧхъ , ст҃а́гѡ и҆ вели́кагѡ пᲂста̀ . и҆́же ᲂу҆́бѡ ст҃ы́и ѳеѡ́дᲂръ , и҆ і҆ѡ́сифъ стꙋди́те , ѿ ст҃а́гѡ дви́жеми дх҃а счини́вше ст҃ы́ѧ и҆ вели́кїѧ четыредесѧ́тницы , сᲂбра́вше и҆ сниска́вше , тѣ́хъ ѡ҆би́тели стꙋді́йстѣй пе́рвїе преда́ша . ка́кѡ мы̀ нн҃ѣ мо́жемъ сїю̀ слꙋ́жбꙋ вели́кагѡ васи́лїѧ ѡ҆ста́вити , в̾ пра́здникъ сі́и бл҃гᲂвѣ́щенїѧ прест҃ы́ѧ бцⷣы . а҆́ще слꙋчи́тсѧ в̾ недѣ́лю , ю҆́же ст҃і́и прпⷣбнїи ѻ҆ц҃ы ᲂу҆ста́виша пѣ́ти , в̾ сїѧ̀ недѣ́ли , ст҃а́гѡ и҆ вели́кагѡ пᲂста̀ . а҆́ще кто̀ дерзнꙋ́ти вᲂсхо́щетъ ѡ҆ста́вити сїю̀ литꙋргі́ю , вели́кагѡ васи́лїѧ , и҆ пѣ́ти златᲂꙋ́стᲂвꙋ . ника́кᲂже та́кѡ да не бꙋ́ди то̀ , є҆́же кᲂмꙋ̀ ᲂу҆́бѡ премѣни́ти слꙋ́жба вели́кагѡ васи́лїѧ , и҆ пѣ́ти златᲂꙋ́стᲂва . є҆́же є҆́сть и҆збрано̀ и҆ ᲂу҆чинено̀ ѿ ст҃ы́хъ ѻ҆ц҃ъ вели́кихъ , и҆ предано̀ вели́цей бж҃їи цр҃кви , непремѣ́ннѡ пѣ́ти слꙋ́жбꙋ вели́кагѡ васи́лїѧ . в̾мѣ́стᲂже , ѡ҆ тебѣ̀ ра́дꙋетсѧ , пᲂе́мъ , і҆рмо́съ , пра́здникꙋ : ꙗ҆́кѡ ѡ҆ дш҃евнѣмъ бж҃їи кїѡ́тѣ .

А҆́ще ли прилꙋчи́тсѧ бл҃гᲂвѣ́щенїе , в̾ пнⷣе , д҃ ѧ , и҆лѝ є҃ ѧ , и҆лѝ ѕ҃ ѧ , нлⷣи , вели́кагѡ пᲂста̀ . в̾ нлⷣю , на ма́лѣй вече́рни , на гдⷭ҇и вᲂзва́хъ , стихѣ́ры пра́здникꙋ , на д҃ . сла́ва , и҆ ны́нѣ , пра́здникꙋ . на стихо́внѣ , в̾ трїѡ́ди , самᲂгла́сенъ дню̀ , двⷤа , и҆ мⷱ҇ꙋ . сла́ва , и҆ ны́нѣ , пра́здникꙋ . трᲂпа́рь , пра́здникꙋ . є҆ктенїѧ̀ ма́лаѧ . и҆ ѿпꙋ́стъ .

на вели́цѣй вече́рни , бл҃же́нъ мꙋ́жь , а҃ й , а҆нтифо́нъ . на гдⷭ҇и вᲂзва́хъ , стихѣ́ры , на́ і҃ . в̾ трїѡ́ди , поⷣ , г҃ . и҆ пра́здникꙋ , з҃ . гла́съ , ѕ҃ . сла́ва , и҆ ны́нѣ . по́сланъ бы́сть . вы́хᲂдъ : свѣ́те ти́хїи . прᲂки́менъ , дню̀ . и҆ чте́нїѧ , пра́здникꙋ , г҃ . пᲂсе́мъ є҆ктенїѧ̀ : рце́мъ всѝ . и҆ спᲂдо́би гдⷭ҇и . и҆ и҆спо́лнимъ вече́рнїѧ . на литі́и , стихѣ́ры , пра́здникꙋ . гла́съ , а҃ . сла́ва . гла́съ , и҃ .= да веселѧ́тсѧ нб҃са̀ . =и҆ =ны́нѣ . гла́съ , в҃ . бл҃гᲂвѣсти́тъ гаврїи́лъ . на стихо́внѣ , стихѣ́ры , пра́здникꙋ , со стихѝ пра́здничными . сла́ва , и҆ ны́нѣ . гла́съ , д҃ . дне́сь ра́дᲂсть . на бл҃гᲂслᲂве́нїе хлѣ́бᲂмъ : трᲂпа́рь , пра́здникꙋ , три́жды . на ᲂу҆́трени , пᲂе́мъ пра́здникꙋ слꙋ́жбꙋ , ꙗ҆́кᲂже в̾ по́стныѧ днѝ ᲂу҆ка́зано , пре́же на рѧдꙋ̀ . кано́нъ , пра́здникꙋ , со і҆рмᲂсо́мъ , на́ ѕ҃ . и҆ в̾ трїѡ́ди , на и҃ . катава́сїѧ , і҆рмо́съ , в̾ трїѡ́ди . =а҆ и҆дѣ́же нѣ́сть , трипѣ́сна . пᲂе́мъ кано́нъ , пра́здникꙋ , со і҆рмᲂсо́мъ , на д҃і . і҆рмо́съ , по два́жды . трᲂпарѝ , на в҃і . катава́сїѧ , пра́здникꙋ , ѻ҆́ба ли́ка в̾кꙋ́пѣ . и҆ про́чее всѐ пᲂе́мъ по по́стнᲂмꙋ , ꙗ҆́кᲂже ᲂу҆ка́зано пре́же на рѧдꙋ̀ . а҆́ще в̾ пнⷣе , д҃ ѧ недѣ́ли пᲂста̀ . на а҃ мъ , часѣ̀ твᲂри́мъ пᲂклᲂне́нїе крⷭ҇тꙋ̀ , ꙗ҆́кᲂже ᲂу҆ка́зано , в̾ м҃ цѣ на рѧдꙋ̀ .

А҆́ще ли прилꙋчи́тсѧ бл҃гᲂвѣ́щенїе , въ сре́дꙋ крⷭ҇тᲂпᲂкло́ннꙋю . ѡ҆ставлѧ́ютсѧ стихѣ́ры и҆ сла́вники и҆ кано́нъ крⷭ҇тꙋ̀ . и҆ пᲂю́тсѧ , в̾ пнⷣе , и҆лѝ в̾ пѧто́къ , тᲂѧ́же седми́цы . Здѣ́же пᲂе́мъ слꙋ́жбꙋ всю̀ бл҃гᲂвѣ́щенїѧ , съ трипѣ́снᲂмъ , с̾ сре́днымъ ꙗ҆́кᲂже ᲂу҆ка́зано , въ а҃ и , де́нь , на рѧдꙋ̀ . а҆ на ᲂу҆́трени , на а҃ мъ часꙋ̀ , пᲂклᲂне́нїе крⷭ҇тꙋ̀ по́ чинꙋ быва́етъ .

А҆́ще ли прилꙋчи́тсѧ бл҃гᲂвѣ́щенїе , в̾ нлⷣю , д҃ ю , и҆лѝ є҃ ю , пᲂста̀ . въ сꙋбо́тꙋ , ве́черъ . на ма́лѣй вече́рни , на гдⷭ҇и вᲂзва́хъ , стихѣ́ры , пра́здникꙋ , на д҃ . гла́съ , д҃ . сла́ва , и҆ ны́нѣ , гла́съ , а҃ . на стихо́внѣ , стⷯры , пра́здникꙋ , гла́съ , и҃ . сла́ва , и҆ ны́нѣ , гла́съ , д҃ . та́же , ны́нѣ ѿпꙋща́еши . трⷭ҇то́е , и҆ по ѻ҆́ч҃е на́шъ . трᲂпа́рь , пра́здникꙋ . є҆ктенїѧ̀ , ма́лаѧ . и҆ ѿпꙋ́стъ .

на вели́цѣй вече́рни . бл҃же́нъ мꙋ́жь , каѳи́сма всѧ̀ . на гдⷭ҇и вᲂзва́хъ , стихѣ́ры вᲂскрⷭ҇ны , д҃ . и҆ пра́здникꙋ , на́ ѕ҃ . сла́ва , гла́съ , ѕ҃ . по́сланъ бы́сть . и҆ нн҃ѣ , боⷢ҇ , а҃ й , гла́сꙋ . вы́хᲂдъ : свѣ́те ти́хїи . прᲂки́менъ , дню̀ . и҆ чте́нїѧ , пра́здникꙋ , є҃ . на литі́и , стихѣ́ры , пра́здникꙋ , г҃ . гла́съ , а҃ . сла́ва . гла́съ , и҃ .= да веселѧ́тсѧ нб҃са̀ . =и҆ =ны́нѣ . гла́съ , в҃ . бл҃гᲂвѣсти́тъ гаврїи́лъ . на стихо́внѣ , стихѣ́ры , вᲂскрⷭ҇ны . сла́ва , и҆ ны́нѣ , пра́здникꙋ . гла́съ , д҃ . дне́сь ра́дᲂсть . на бл҃гᲂслᲂве́нїе хлѣ́бᲂмъ . трᲂпа́рь , пра́здникꙋ , три́жды . =на ᲂу҆́трени . на бг҃ъ гдⷭ҇ь , трᲂпа́рь , вᲂскрⷭ҇нъ , гла́сꙋ , двⷤа . сла́ва , и҆ ны́нѣ , пра́здникꙋ . по каѳи́смахъ , сѣда́льны , вᲂскрⷭ҇ны , с̾ бг҃ᲂро́дичны и҆́хъ . и҆ непᲂро́чны . и҆пако́й , гла́сꙋ . по пᲂлїелеѡ́сѣ , сѣда́льны , пра́здникꙋ , всѣ̀ по є҆ди́нᲂщи . сла́ва , и҆ ны́нѣ , пра́здникꙋ , сѣда́ленъ , и҆́же по пᲂлїелеѡ́сѣ . степе́нны , гла́сꙋ . прᲂки́менъ , и҆ є҆ѵⷢ҇а́лїе , пра́здникꙋ .= вᲂскрⷭ҇нїе хрⷭ҇то́во . ѱл҃о́мъ , н҃ . стⷯра , пра́здникꙋ . кано́нъ , вᲂскрⷭ҇нъ , на д҃ . и҆ бцⷣѣ , на́ два . и҆ пра́здникꙋ , на и҃ . катава́сїѧ , і҆рмо́съ , пра́здникꙋ . =по г҃ , пѣ́сни , кᲂнда́къ , и҆ и҆́кᲂсъ , вᲂскрⷭ҇нъ . кᲂнда́къ , в̾ трїѡ́ди . сла́ва , и҆ ны́нѣ , сѣда́ленъ , пра́здникꙋ . по ѕ҃ , пѣ́сни , кᲂнда́къ , и҆ и҆́кᲂсъ , пра́здникꙋ . и҆ про́лᲂгъ . на ѳ҃ , пѣ́сни , пᲂе́мъ : честнѣ́йшꙋ . свѣти́ленъ , вᲂскрⷭ҇нъ . сла́ва , и҆ нн҃ѣ , пра́здникꙋ . на хвали́тѣхъ , стихѣ́ры , вᲂскрⷭ҇ны , д҃ . и҆ пра́здникꙋ , г҃ . гла́съ , а҃ . и҆ сла́вникъ , гла́съ , в҃ . со стихѝ и҆́хъ . сти́хъ : бл҃гᲂвѣсти́те де́нь ѿ́ дне , спасе́нїе бг҃а на́шегѡ .= сти́хъ : вᲂспо́йте гдⷭ҇ви пѣ́снь но́вꙋ , вᲂспо́йте гдⷭ҇ви всѧ̀ землѧ̀ . =таⷤ , сти́хъ : вᲂскрⷭ҇нѝ гдⷭ҇и бж҃е мо́й . и҆ пᲂе́мъ , стихѣ́рꙋ , дню̀ . сла́ва , тꙋ́же . и҆ ны́нѣ , преблгⷭ҇вена є҆сѝ бцⷣе дв҃о . славᲂсло́вїе вели́кᲂе . по трⷭ҇то́мъ , вы́хᲂдъ , съ є҆ѵⷢ҇а́лїемъ . трᲂпа́рь , вᲂскрⷭ҇нъ . сла́ва , кᲂне́цъ . и҆ ны́нѣ , ве́сь . прᲂки́менъ , гла́сꙋ . є҆ѵⷢ҇а́лїе , вᲂскрⷭ҇но . є҆ктенїѝ , и҆ ѿпꙋ́стъ . сла́ва , и҆ ны́нѣ , стⷯра , є҆ѵⷢ҇а́льскаѧ . и҆ ча́съ , а҃ . трᲂпа́рь , вᲂскрⷭ҇нъ . сла́ва , пра́здникꙋ . по ѻ҆́ч҃е на́шъ . кᲂнда́къ , вᲂскрⷭ҇нъ . и҆ сᲂверше́ныи ѿпꙋ́стъ . на часѣ́хъ : трᲂпа́рь , вᲂскрⷭ҇нъ . сла́ва , пра́здникꙋ . по ѻ҆́ч҃е на́шъ . на г҃ мъ : кᲂнда́къ , в̾ трїѡ́ди .= на ѕ҃ мъ := кᲂнда́къ , пра́здникꙋ .= на ѳ҃ мъ := кᲂнда́къ , вᲂскрⷭ҇нъ . на литꙋргі́и , бл҃же́нна , гла́сꙋ , на́ ѕ҃ . и҆ пра́здникꙋ , пѣ́снь г҃ ѧ , на д҃ . по вхо́дѣ : трᲂпа́рь , вᲂскрⷭ҇нъ , и҆ пра́здникꙋ . кᲂнда́къ , вᲂскрⷭ҇нъ . сла́ва , в̾ трїѡ́ди . и҆ ны́нѣ , пра́здникꙋ . прᲂки́менъ , и҆ а҆пⷭ҇лъ , а҆ллилꙋ́їѧ , и҆ є҆ѵⷢ҇а́лїе , и҆ прича́стенъ , пре́же нлⷣи , и҆ пᲂто́мъ пра́здникꙋ . вмѣ́сто : ѡ҆ тебѣ̀ ра́дꙋетсѧ . пᲂе́мъ і҆рмо́съ , пра́здникꙋ : ꙗ҆́кѡ ѡ҆ дш҃е́внѣмъ .

А҆́ще ли прилꙋчи́тсѧ бл҃гᲂвѣ́щенїе , в̾ сре́дꙋ , є҃ ѧ , нлⷣи пᲂста̀ . пᲂе́мъ , слꙋ́жбꙋ , пред̾пра́зднествꙋ , бл҃гᲂвѣ́щенїѧ , стⷯры , и҆ кано́нъ , в̾ пнⷣе , на рѧдꙋ̀ . а҆ рѧдᲂво́мꙋ ст҃о́мꙋ , в̾ минѣ́и , пᲂе́мъ на па́вечерницѣ . пᲂне́же прелага́етсѧ , вели́кїи кано́нъ , съ четвертка̀ , на вто́рникъ , тᲂѧ́же нлⷣи . и҆ пᲂе́мъ вели́кїи кано́нъ , с̾ трипѣ́снᲂмъ , вто́рничнымъ , пра́здника ра́ди , прест҃ы́ѧ бцⷣы . пᲂне́же , в̾ сре́дꙋ , в̾ пра́здникъ , са́мыи , каѳи́смъ нѣ́сть . и҆ пᲂкло́нᲂвъ , нетвᲂри́мъ . и҆ ѿда́нїе пᲂе́мъ , пра́здникꙋ , в̾ четверто́къ . и҆ тᲂгѡ̀ ра́ди въ сре́дꙋ , ве́черъ , стⷯры , с̾ пᲂкло́ны . и҆ кано́нъ вели́кїи , в̾ четверто́къ , непᲂе́тсѧ . в̾ сре́дꙋ , є҃ ѧ , нлⷣи пᲂста̀ . пᲂе́мъ , всю̀ слꙋ́жбꙋ , ве́черъ , и҆ ᲂу҆́тро , пра́здникꙋ , съ трїѡ́дїю по ᲂу҆ста́вꙋ , ꙗ҆́кᲂже ᲂу҆ка́зано , въ а҃ и , де́нь . =а҆ =ѿда́нїе пᲂе́мъ бл҃гᲂвѣ́щенїю , в̾ четверто́къ , на ᲂу҆́трени , с̾ трипѣ́снᲂмъ вели́кагѡ кано́на со а҆пⷭ҇льскимъ . ꙗ҆́кᲂже ꙗ҆вле́но є҆́сть , в̾ пнⷣе , д҃ ѧ , и҆ є҃ ѧ , нлⷣи пᲂста̀ , на ѿда́нїе пра́здника бл҃гᲂвѣ́щенїѧ .

А҆́ще ли прилꙋчи́тсѧ бл҃гᲂвѣ́щенїе , в̾ четверто́къ є҃ ѧ , нлⷣи пᲂста̀ , є҆гда̀ пᲂе́тсѧ вели́кїи кано́нъ , ст҃а́гѡ а҆ндрѣ́ѧ кри́тскагѡ . и҆ прелага́етсѧ , пра́здника ра́ди , вели́кїи кано́нъ , гдⷭ҇на а҆ндрѣ́ѧ . и҆ пᲂе́мъ є҆гѡ̀ , во вто́рникъ , тᲂѧ́же нлⷣи , съ трипѣ́снᲂмъ вто́рничнымъ . а҆ трипѣ́снꙋ , вели́кагѡ кано́на , пᲂе́мъ , съ пра́здникᲂмъ бл҃гᲂвѣ́щенїѧ . и҆ пᲂслѣдѝ , катава́сїѧ в̾ трїѡ́ди .

А҆́ще ли прилꙋчи́тсѧ бл҃гᲂвѣ́щенїе , в̾ пѧто́къ , є҃ ѧ , нлⷣи пᲂста̀ . пᲂе́мъ , пред̾пра́зднествꙋ , бл҃гᲂвѣ́щенїѧ , стⷯры , и҆ кано́нъ , на предѝ в̾ сре́дꙋ , на рѧдꙋ̀ , вели́кагѡ ра́ди кано́на . а҆ ст҃о́мꙋ в̾ минѣ́и , пᲂе́мъ на па́вечерницѣ . в̾ четверто́къ , ве́черъ , вече́рнѧ , и҆ прежесщ҃е́ннаѧ , и҆ трапе́за , ꙗ҆́кᲂже в̾ нача́лѣ ꙗ҆влено̀ ѡ҆ бл҃гᲂвѣ́щенїи .

А҆́ще ли прилꙋчи́тсѧ бл҃гᲂвѣ́щенїе , в̾ сꙋбо́тꙋ а҆ка́ѳиста , є҆гда̀ пᲂе́тсѧ слꙋ́жба пᲂхвалы̀ прⷭ҇ты́ѧ бцⷣы . въ пѧто́къ ве́черъ , на гдⷭ҇и вᲂзва́хъ , стⷯры , на і҃ . самᲂгла́сенъ дню̀ , двⷤа . и҆ пра́здникꙋ , на и҃ . сла́ва , и҆ ны́нѣ , пра́здникꙋ . по́сланъ бы́сть . вы́хᲂдъ : свѣ́те ти́хїи . и҆ чте́нїѧ , дню̀ . и҆ пра́здникꙋ , є҃ . та́же , дасѧ̀ и҆спра́витъ мᲂли́тва мᲂѧ̀ . и҆ пᲂкло́ны , г҃ вели́кїѧ . и҆ по ны́нѣ си́лы нбⷭ҇ныѧ , г҃ пᲂкло́ны вели́кїѧ . и҆ про́чаѧ бжⷭ҇твенаѧ литꙋргі́ѧ прежесщ҃е́нныхъ . и҆ на бꙋ́ди и҆́мѧ гдⷭ҇не , г҃ пᲂкло́ны вели́кїѧ . и҆ на ѿпꙋ́стѣ , г҃ пᲂкло́ны вели́кїѧ .

при часѣ́ же , ѕ҃ мъ , но́щи . сᲂбра́вшесѧ в̾ цр҃квь , пᲂе́мъ па́вечерницꙋ вели́кꙋю . по а҃ мъ , трⷭ҇то́мъ , трᲂпа́рь , пра́здникꙋ . по в҃ мъ , трⷭ҇то́мъ , кᲂнда́къ , пра́здникꙋ . и҆ по сла́ва в̾ вы́шнихъ , и҆схᲂже́нїе в̾ притво́ръ . и҆ пᲂе́мъ , литі́ю по ѡ҆бы́чаю . сла́ва . гла́съ , и҃ .= да веселѧ́тсѧ нб҃са̀ . =и҆ =ны́нѣ . гла́съ , в҃ . бл҃гᲂвѣсти́тъ гаврїи́лъ . на стихо́внѣ , стⷯры , пра́здникꙋ , гла́съ , д҃ . со стихѝ пра́здникꙋ . сла́ва , и҆ ны́нѣ . гла́съ , то́йже . =та́же , ны́нѣ ѿпꙋща́еши . трⷭ҇то́е , и҆ по ѻ҆́ч҃е на́шъ . трᲂпа́рь , пра́здникꙋ , три́жды . на ᲂу҆́трени , на бг҃ъ гдⷭ҇ь , трᲂпа́рь пра́здникꙋ , гⷤ . по а҃ , стихᲂло́гїи , кᲂндакѝ , взбра́ннᲂй вᲂево́дѣ , г҃ . и҆ и҆́кᲂсы , г҃ . и҆ па́ки , кᲂнда́къ , а҃ , взбра́ннᲂй вᲂево́дѣ . по в҃ , стихᲂло́гїи , кᲂндакѝ , г҃ . и҆ и҆́кᲂсы , г҃ . и҆ па́ки , кᲂнда́къ , а҃ , взбра́ннᲂй вᲂево́дѣ . по пᲂлїєлеѡ́сѣ , сѣда́льны , всѝ пра́здникꙋ . степе́нна , д҃ го гла́са . а҆нтиѳо́нъ , а҃ .= прᲂки́менъ , и҆ є҆ѵⷢ҇а́лїе , пра́здникꙋ . ѱл҃о́мъ , н҃ . стихѣ́ра , пра́здникꙋ . кано́нъ , пра́здникꙋ , со і҆рмᲂсо́мъ , на́ и҃ . і҆рмо́съ , по двⷤа . и҆ а҆ка́ѳистꙋ , на́ ѕ҃ . катава́сїѧ , пра́здникꙋ , ѻ҆́ба ли́ка в̾кꙋ́пѣ . трипѣ́сна же здѣ̀ не пᲂе́мъ , но пᲂе́мъ на предѝ в̾ четверто́къ на па́вечерницѣ . =по г҃ , пѣ́сни , кᲂндакѝ , г҃ . и҆ и҆́кᲂсы , г҃ . и҆ па́ки , кᲂнда́къ , а҃ и . пᲂсе́мъ , сѣда́ленъ , пра́здникꙋ . по ѕ҃ , пѣ́сни , кᲂндакѝ , г҃ . и҆ и҆́кᲂсы , г҃ . та́же , кᲂнда́къ : Ѽ всепѣ́таѧ мт҃и , гⷤ . та́же , и҆́кᲂсъ , а҃ й . и҆ кᲂнда́къ , а҃ и . и҆ чте́мъ про́лᲂгъ , и҆ синᲂѯа́рь . на ѳ҃ , пѣ́сни , честнѣ́йшꙋ непᲂе́мъ . но пᲂе́мъ припѣ́въ , пра́здникꙋ . и҆ і҆рмо́съ : ꙗ҆́кѡ ѡ҆ дш҃е́внѣмъ . и҆ на трᲂпарѣ́хъ пᲂе́мъ то́йже припѣ́въ пра́здникꙋ . та́же , насхо́дѣ пᲂе́мъ припѣ́въ , и҆ і҆рмо́съ , пра́здникꙋ , и҆ пᲂкло́нъ до землѝ . свѣти́ленъ , пра́здникꙋ , три́жды . на хвали́тѣхъ , стихѣ́ры , пра́здникꙋ , гла́съ , а҃ . на д҃ . сла́ва , и҆ ны́нѣ . гла́съ , и҃ . да веселѧ́тсѧ нб҃са̀ . славᲂсло́вїе вели́кᲂе . трᲂпа́рь , пра́здникꙋ . є҆ктенїѝ , и҆ ѿпꙋ́стъ . и҆ ча́съ , а҃ . на часѣ́хъ : трᲂпа́рь , и҆ кᲂнда́къ , пра́здникꙋ . на литꙋргі́и , бл҃же́нна , пра́здникꙋ , пѣ́снь , г҃ ѧ , и҆ ѕ҃ ѧ , на и҃ . прᲂки́менъ , а҆пⷭ҇лъ , а҆ллилꙋ́їѧ , є҆ѵⷢ҇а́лїе , и҆ прича́стенъ , пра́здникꙋ .

А҆́ще ли прилꙋчи́тсѧ бл҃гᲂвѣ́щенїе , в̾ сꙋбо́тꙋ ла́заревꙋ . в̾пѧто́къ , ве́черъ , каѳи́смы негл҃емъ . на гдⷭ҇и вᲂзва́хъ , стⷯры , на і҃ . самᲂгла́сны дню̀ , двⷤа . дш҃епᲂле́знꙋю , ма́лꙋю . и҆ пра́здникꙋ , г҃ . сᲂвѣ́тъ превѣ́чныи . и҆ ст҃о́мꙋ ла́зарю , є҃ . сла́ва , гла́съ , и҃ . дш҃епᲂле́знꙋю вели́кꙋю . и҆ ны́нѣ , пра́здникꙋ . гла́съ , ѕ҃ . по́сланъ бы́сть . вы́хᲂдъ : свѣ́те ти́хїи . прᲂки́менъ , и҆ чте́нїѧ дню̀ . и҆ пра́здникꙋ , чте́нїѧ , є҃ . та́же , дасѧ̀ и҆спра́витъ мᲂли́тва . и҆ пᲂкло́ны , г҃ вели́кїѧ . и҆ по ны́нѣ си́лы нбⷭ҇ныѧ , г҃ пᲂкло́ны вели́кїѧ . и҆ про́чаѧ бжⷭ҇твенаѧ литꙋргі́ѧ прежесщ҃е́нныхъ . и҆ на бꙋ́ди и҆́мѧ гдⷭ҇не , г҃ пᲂкло́ны вели́кїѧ . и҆ на ѿпꙋ́стѣ , г҃ пᲂкло́ны вели́кїѧ . на трапе́зѣ же ꙗ҆ди́мъ варе́нїе с̾ ма́слᲂмъ , и҆ пїе́мъ вино̀ . па́вечерницꙋ же пᲂе́мъ ма́лꙋю . на не́йже пᲂе́мъ кано́нъ ла́зарю ꙗ҆́кᲂже ᲂу҆ка́засѧ , въ м҃ цѣ .

при часѣ́ же , ѕ҃ мъ , но́щи . сᲂбра́вшесѧ в̾ цр҃квь , пᲂе́мъ па́вечерницꙋ вели́кꙋю . по а҃ мъ , трⷭ҇то́мъ , трᲂпа́рь , пра́здникꙋ . по в҃ мъ , трⷭ҇то́мъ , кᲂнда́къ , пра́здникꙋ . и҆ по сла́ва в̾ вы́шнихъ , и҆схᲂже́нїе в̾ притво́ръ . и҆ пᲂе́мъ , литі́ю по ѡ҆бы́чаю . стⷯры , пра́здникꙋ , г҃ . гла́съ , а҃ . и҆ в̾ трїѡ́ди , г҃ , стиха̀ , пи́саны на хвали́тѣхъ . бжⷭ҇тва̀ свᲂегѡ̀ хрⷭ҇тѐ . четверᲂдне́вна вᲂз̾дви́глъ є҆сѝ . ма́рѳа ма́рїи вᲂпїѧ́ше . сла́ва . гла́съ , и҃ .= да веселѧ́тсѧ нб҃са̀ . =и҆ =ны́нѣ . гла́съ , в҃ . бл҃гᲂвѣсти́тъ гаврїи́лъ . на стихо́внѣ , стихѣ́ры , пра́здникꙋ , гла́съ , д҃ . со стихѝ пра́здникꙋ . сла́ва . пред̾ста́лъ є҆сѝ гро́бꙋ . пи́санъ на бᲂльши́хъ , стихѣ́рахъ . =и҆ =ны́нѣ . гла́съ , д҃ . дне́сь ра́дᲂсть . =та́же , ны́нѣ ѿпꙋща́еши . трⷭ҇то́е , и҆ по ѻ҆́ч҃е на́шъ . трᲂпа́рь , пра́здникꙋ , три́жды . и҆ бл҃гᲂслᲂве́нїе хлѣ́бᲂмъ . на ᲂу҆́трени . на бг҃ъ гдⷭ҇ь , трᲂпа́рь , пра́здникꙋ , вⷤ . сла́ва , ѻ҆́бщее вᲂскрⷭ҇нїе . и҆ ны́нѣ , пра́здникꙋ . по а҃ , стихᲂло́гїи , сѣда́льны , в̾ трїѡ́ди . гла́съ , а҃ . ᲂу҆ще́дривъ ма́рїины сле́зы . ка́мени ѿваленꙋ̀ . сла́ва , и҆ ны́нѣ , пра́здникꙋ . по в҃ , стихᲂло́гїи , сѣда́ленъ , в̾ трїѡ́ди . гла́съ , є҃ . и҆сто́чникъ премꙋ́дрᲂсти , двⷤа . сла́ва , и҆ ны́нѣ , пра́здникꙋ . по пᲂлїелеѡ́сѣ , сѣда́ленъ , пра́здникꙋ . степе́нна , д҃ го гла́са . а҆нтиѳо́нъ , а҃ .= прᲂки́менъ , и҆ є҆ѵⷢ҇а́лїе , пра́здникꙋ . вᲂскрⷭ҇нїе хрⷭ҇то́во . ѱл҃о́мъ , н҃ . стⷯра , пра́здникꙋ . кано́нъ , пра́здникꙋ , со і҆рмᲂсо́мъ , на́ ѕ҃ . і҆рмо́съ , по двⷤа . и҆ ст҃о́мꙋ ла́зарю , ѻ҆́ба кано́на , на и҃ . та́кᲂже и҆ четверᲂпѣ́сно . катава́сїѧ , в҃ гѡ , кано́на ла́зарева . і҆рмо́съ : во́дꙋ прᲂше́дъ , ѻ҆́ба ли́ка в̾кꙋ́пѣ . =по г҃ , пѣ́сни , кᲂнда́къ , и҆ и҆́кᲂсъ , и҆ сѣда́ленъ , ст҃о́мꙋ ла́зарю . сла́ва , и҆ ны́нѣ , пра́здникꙋ . по ѕ҃ , пѣ́сни , кᲂнда́къ , и҆ и҆́кᲂсъ , пра́здникꙋ . на ѳ҃ , пѣ́сни , честнѣ́йшꙋ непᲂе́мъ . но пᲂе́мъ припѣ́въ , пра́здникꙋ . и҆ і҆рмо́съ : ꙗ҆́кѡ ѡ҆ дш҃е́внѣмъ . и҆ на трᲂпарѣ́хъ пᲂе́мъ то́йже припѣ́въ пра́здникꙋ . къ трїѡ́днᲂмꙋ же кано́нꙋ гл҃емъ запѣ́в̾ : сла́ва тебѣ̀ бж҃е на́шъ , сла́ва тебѣ̀ . катава́сїѧ : вᲂи́стинꙋ бцⷣꙋ . та́же , припѣ́въ , пра́здникꙋ . и҆ і҆рмо́съ : ꙗ҆́кѡ ѡ҆дш҃е́внѣмъ . и҆ пᲂкло́н̾ дᲂземлѝ . та́же , ст҃ъ гдⷭ҇ь бг҃ъ на́шъ , на́ гласъ , а҃ . свѣти́ленъ , пра́здникꙋ . сла́ва , и҆ ны́нѣ , ла́зарю . на хвали́тѣхъ , стихѣ́ры , пра́здникꙋ , г҃ . и҆ ст҃о́мꙋ ла́зарю , г҃ . со тихѝ и҆́хъ . вᲂскрⷭ҇нѝ гдⷭ҇и бж҃е мо́й . и҆спᲂвѣ́мсѧ тебѣ̀ гдⷭ҇и . сла́ва , ст҃о́мꙋ ла́зарю , гла́съ , в҃ . ве́лїе и҆ пресла́вно . и҆ ны́нѣ , пра́здникꙋ . и҆́же ѿ вѣ́ка та́инство . славᲂсло́вїе вели́кᲂе . трᲂпа́рь , пра́здникꙋ . сла́ва , и҆ ны́нѣ . ѻ҆́бщее вᲂскрⷭ҇нїе . є҆ктенїѝ , и҆ ѿпꙋ́стъ . и҆ ча́съ , а҃ . и҆ сᲂверше́ныи ѿпꙋ́стъ .

на часѣ́хъ , трᲂпа́рь , пра́здникꙋ . сла́ва , ѻ҆́бщее вᲂскрⷭ҇нїе . по ѻ҆́ч҃е на́шъ , кᲂндакѝ , премѣнѧ́ѧ гл҃емъ . на литꙋргі́и , бл҃же́нна , пра́здникꙋ , пѣ́снь , г҃ ѧ , на д҃ . и҆ ст҃о́мꙋ ла́зарю , пѣ́снь , ѕ҃ ѧ , на д҃ . по вхо́дѣ , трᲂпа́рь , пра́здникꙋ , и҆ ст҃о́мꙋ ла́зарю . сла́ва , кᲂнда́къ , ст҃о́мꙋ ла́зарю . и҆ ны́нѣ , пра́здникꙋ . вмѣ́стᲂже трⷭ҇та́го , пᲂе́мъ : є҆ли́цы во хрⷭ҇та̀ крⷭ҇ти́стесѧ . прᲂки́менъ , а҆пⷭ҇лъ , а҆ллилꙋ́їѧ , и҆ є҆ѵⷢ҇а́лїе , и҆ прича́стенъ , пре́же пра́здникꙋ . та́же , ла́зарю . вмѣ́стѡ дᲂсто́йна , пᲂе́мъ , і҆рмо́съ : ꙗ҆́кѡ ѡ҆ дш҃е́внѣмъ бж҃їи .

А҆́ще ли прилꙋчи́тсѧ бл҃гᲂвѣ́щенїе , в̾ недѣ́лю , цвѣтᲂно́снꙋю . въ сꙋбо́тꙋ , ве́черъ , на ма́лѣй вече́рни , на гдⷭ҇и вᲂзва́хъ , стⷯры , цвѣтᲂно́сїю , на д҃ . сла́ва , и҆ ны́нѣ , пра́здникꙋ . въ шесты́и мцⷭ҇ъ . на стихо́внѣ , стихѣ́ры , пра́здникꙋ , гла́съ , д҃ . вели́кїѧ вече́рни , со стихѝ и҆́хъ . сла́ва , и҆ ны́нѣ , цвѣтᲂно́сїю . трᲂпа́рь , пра́здникꙋ . сла́ва , и҆ ны́нѣ , ѻ҆́бщее вᲂскрⷭ҇нїе . є҆ктенїѧ̀ , ма́лаѧ . и҆ ѿпꙋ́стъ .

на вели́цѣй вече́рни . бл҃же́нъ мꙋ́жь , каѳи́сма всѧ̀ . на гдⷭ҇и вᲂзва́хъ , стихѣ́ры пра́здникꙋ , на́ ѕ҃ . и҆ цвѣтᲂно́сїю , на д҃ . сла́ва , цвѣтᲂно́сїю . дне́сь бл҃гᲂда́ть . и҆ ны́нѣ , пра́здникꙋ . по́сланъ бы́сть . вы́хᲂдъ : свѣ́те ти́хїи . прᲂки́менъ , дню̀ . и҆ чте́нїѧ , пра́здникꙋ , є҃ . и҆ цвѣтᲂно́сїю , г҃ . на литі́и , стⷯры , пра́здникꙋ , гла́съ , а҃ . и҆ ма́лыѧ вече́рни , стихѣ́ры , и҆ стихо́вна . и҆ цвѣтᲂно́сїю , гла́съ , а҃ . гла́съ , в҃ . и҆ ма́лыѧ вече́рни стихо́вна , гла́съ , ѕ҃ . сла́ва , цвѣтᲂно́сїю . гла́съ , г҃ . пре́жде шестѝ дне́й . и҆ ны́нѣ , пра́здникꙋ . гла́съ , в҃ . бл҃гᲂвѣсти́тъ гаврїи́лъ . на стихо́внѣ , стⷯры , цвѣтᲂно́сїю . гла́съ , и҃ . со стихѝ и҆́хъ . сла́ва , цвѣтᲂно́сїю . гла́съ , ѕ҃ . дне́сь бл҃гᲂда́ть . и҆ ны́нѣ , пра́здникꙋ . гла́съ , в҃ . и҆́же ѿ вѣ́ка та́инство . на бл҃гᲂслᲂве́нїе хлѣ́бᲂмъ , трᲂпа́рь , пра́здникꙋ , два́жды . и҆ ѻ҆́бщее вᲂскрⷭ҇нїе . на ᲂу҆́трени . на бг҃ъ гдⷭ҇ь , трᲂпа́рь , пра́здникꙋ , двⷤа . сла́ва , ѻ҆́бщее вᲂскрⷭ҇нїе . и҆ ны́нѣ , спᲂгре́бшесѧ тебѣ̀ . по а҃ , стихᲂло́гїи , сѣда́ленъ , цвѣтᲂно́сїю . сла́ва , и҆ ны́нѣ , пра́здникꙋ . по в҃ , стихᲂло́гїи , сѣда́ленъ , цвѣтᲂно́сїю . сла́ва , и҆ ны́нѣ , пра́здникꙋ . непᲂро́чны же , не пᲂю́тсѧ . та́же , пᲂлїелеѡ́съ , цвѣтᲂно́сїю . и҆ сѣда́ленъ , цвѣтᲂно́сїю . и҆ пᲂсе́мъ , велича́нїе , пра́здникꙋ . и҆ сѣда́ленъ , пра́здникꙋ . степе́нна , д҃ го гла́са . а҆нтиѳо́нъ , а҃ .= прᲂки́менъ , цвѣтᲂно́сїю . всѧ́ко дыха́нїе . є҆ѵⷢ҇а́лїе , цвѣтᲂно́сїю . вᲂскрⷭ҇нїе хрⷭ҇то́во , негл҃емъ . ѱл҃о́мъ , н҃ . є҆гда́ же цѣлꙋ́ютъ бра́тїѧ ст҃о́е є҆ѵⷢ҇а́лїе , і҆єре́й раз̾дае́тъ вѣ́твїе . стихѣ́ра , цвѣтᲂно́сїю . гла́съ , ѕ҃ . дне́сь бл҃гᲂда́ть . кано́нъ , пра́здникꙋ , со і҆рмᲂсо́мъ , на и҃ . и҆ цвѣтᲂно́сїю , со і҆рмᲂсо́мъ , на и҃ . катава́сїѧ , ѻ҆бᲂи́хъ кано́нᲂвъ , кі́иждо ли́къ , сво́й і҆рмо́съ . =по г҃ , пѣ́сни , кᲂнда́къ , и҆ и҆́кᲂсъ , и҆ сѣда́ленъ , цвѣтᲂно́сїю . сла́ва , и҆ ны́нѣ , пра́здникꙋ . по ѕ҃ , пѣ́сни , кᲂнда́къ , и҆ и҆́кᲂсъ , пра́здникꙋ . на ѳ҃ , пѣ́сни , честнѣ́йшꙋ непᲂе́мъ . но пᲂе́мъ припѣ́въ , пра́здникꙋ . и҆ і҆рмо́съ : ꙗ҆́кѡ ѡ҆ дш҃е́внѣмъ . и҆ на трᲂпарѣ́хъ пᲂе́мъ то́йже припѣ́въ пра́здникꙋ . а҆ в̾ кано́нѣ цвѣтᲂно́сїю , пᲂе́мъ припѣ́въ : велича́й дш҃е мᲂѧ̀ , и҆́же на жребѧ́ти седѧ́щагѡ грѧдꙋ́щагѡ на́ страсть во́льнꙋю всѣ́хъ хрⷭ҇та̀ цр҃ѧ .= и҆= на трᲂпарѣ́хъ пᲂе́мъ то́йже припѣ́въ . на схо́дѣ же пре́же пᲂе́мъ припѣ́въ , пра́здникꙋ , и҆ і҆рмо́съ пра́здникꙋ : ꙗ҆́кѡ ѡ҆дш҃е́внѣмъ . та́же , припѣ́въ , и҆ і҆рмо́съ , цвѣтᲂно́сїю : бг҃ъ гдⷭ҇ь . и҆ пᲂкло́нъ до землѝ . та́же , ст҃ъ гдⷭ҇ь бг҃ъ на́шъ , на́ гласъ , а҃ . свѣти́ленъ , пра́здникꙋ , двⷤа . на хвали́тѣхъ , стихѣ́ры , пра́здникꙋ , г҃ . и҆ цвѣтᲂно́сїю , г҃ . сла́ва , пра́здникꙋ , гла́съ , и҃ . да веселѧ́тсѧ нб҃са̀ . и҆ ны́нѣ , цвѣтᲂно́сїю , гла́съ , ѕ҃ . пре́жде шестѝ дне́й . славᲂсло́вїе вели́кᲂе . трᲂпа́рь , ѻ҆́бщее вᲂскрⷭ҇нїе . сла́ва , и҆ ны́нѣ , пра́здникꙋ .= п=рᲂки́менъ , и҆ є҆ѵⷢ҇а́лїе , пра́здникꙋ . є҆ктенїѝ , и҆ ѿпꙋ́стъ . и҆ ча́съ , а҃ . и҆ сᲂверше́ныи ѿпꙋ́стъ .

на часѣ́хъ , трᲂпа́рь , пра́здникꙋ . сла́ва , ѻ҆́бщее вᲂскрⷭ҇нїе . по ѻ҆́ч҃е на́шъ , кᲂндакѝ , премѣнѧ́ѧ гл҃емъ . на литꙋргі́и , бл҃же́нна , пра́здникꙋ , пѣ́снь , г҃ ѧ , на д҃ . и҆ цвѣтᲂно́сїю , пѣ́снь , ѕ҃ ѧ , на д҃ . по вхо́дѣ , гл҃емъ сти́хъ := бл҃гᲂвѣсти́тъ де́нь ѿ́ дне спасе́нїе бж҃їе . трᲂпа́рь , пра́здникꙋ , и҆ цвѣтᲂно́сїю : ѻ҆́бщее вᲂскрⷭ҇нїе . =и҆ спᲂгре́бшесѧ тебѣ̀ . сла́ва , кᲂнда́къ , цвѣтᲂно́сїю . и҆ ны́нѣ , пра́здникꙋ . та́же , трⷭ҇то́е . прᲂки́менъ , цвѣтᲂно́сїю , и҆ пра́здникꙋ . а҆пⷭ҇лъ , а҆ллилꙋ́їѧ , и҆ є҆ѵⷢ҇а́лїе , и҆ прича́стенъ , пра́здникꙋ , и҆ цвѣтᲂно́сїю . задᲂсто́йнѡ і҆рмо́съ , цвѣтᲂно́сїю : бг҃ъ гдⷭ҇ь и҆ ꙗ҆ви́сѧ на́мъ . а҆́щелиже хра́мъ бл҃гᲂвѣ́щенїѧ бцⷣы , то̀ пᲂе́мъ задᲂсто́йнѡ і҆рмо́съ : ꙗ҆́кѡ ѡ҆ дш҃е́внѣмъ бж҃їи .

А҆́ще ли прилꙋчи́тсѧ бл҃гᲂвѣ́щенїе , в̾ вели́кїи пнⷣе . въ нлⷣю , цвѣтᲂно́снꙋю ве́черъ , на ма́лѣй вече́рни , на гдⷭ҇и вᲂзва́хъ , стⷯры , пра́здникꙋ , на д҃ . сла́ва , и҆ ны́нѣ , пра́здникꙋ . на стихо́внѣ , стихѣ́ры , пра́здникꙋ , вели́кїѧ вече́рни . сла́ва , и҆ ны́нѣ , пра́здникꙋ . трᲂпа́рь , пра́здникꙋ . є҆ктенїѧ̀ , и҆ ѿпꙋ́стъ .

на вели́цѣй вече́рни . бл҃же́нъ мꙋ́жь , а҃ й , а҆нтифо́нъ . на гдⷭ҇и вᲂзва́хъ , стⷯры , пра́здникꙋ , на́ ѕ҃ . и҆ цвѣтᲂно́сїю , на д҃ . сла́ва , цвѣтᲂно́сїю , гла́съ , ѕ҃ . и҆мѣ́ѧи прⷭ҇то́лъ . и҆ ны́нѣ , пра́здникꙋ . по́сланъ бы́сть . вы́хᲂдъ : свѣ́те ти́хїи . прᲂки́менъ , дню̀ . чте́нїѧ пра́здникꙋ , г҃ . на литі́и , стⷯры , пра́здникꙋ . сла́ва . гла́съ , и҃ .= да веселѧ́тсѧ нб҃са̀ . =и҆ =нн҃ѣ . гла́съ , в҃ . бл҃гᲂвѣсти́тъ гаврїи́лъ . на стихо́внѣ , стихѣ́ры , в̾ трїѡ́ди , дню̀ , со стихѝ и҆́хъ . сла́ва , цвѣтᲂно́сїю , гла́съ , в҃ . ѿ вѣ́твїѧ и҆ ва́їѧ . и҆ ны́нѣ , пра́здникꙋ . и҆́же ѿ́ вѣка та́инство . на бл҃гᲂслᲂве́нїе хлѣ́бᲂмъ , трᲂпа́рь , пра́здникꙋ , три́жды . =на ᲂу҆́трени . на бг҃ъ гдⷭ҇ь , трᲂпа́рь , пра́здникꙋ , гⷤ . по а҃ й , и҆ по в҃ й , каѳи́смѣ , сѣда́льны , дню̀ . по г҃ й , каѳи́смѣ , сѣда́льны , пра́здникꙋ , ѻ҆́ба . по пᲂлїелеѡ́сѣ , сѣда́ленъ , пра́здникꙋ . степе́нна , д҃ го гла́са . а҆нтиѳо́нъ , а҃ .= прᲂки́менъ , є҆ѵⷢ҇а́лїе , пра́здникꙋ . ѱало́мъ , н҃ . стихѣ́ра , пра́здникꙋ . кано́нъ , пра́здникꙋ , со і҆рмᲂсо́мъ , на ѕ҃ . и҆ трипѣ́сно , на и҃ . катава́сїѧ , в̾ трїѡ́ди . і҆рмо́съ , ѻ҆́ба ли́ка в̾кꙋ́пѣ . =а҆ и҆дѣ́же нѣ́сть трипѣ́сна . пᲂе́мъ кано́нъ пра́здникꙋ , со і҆рмᲂсо́мъ , на д҃і . катава́сїѧ , пра́здникꙋ . по г҃ , пѣ́сни , кᲂнда́къ , и҆ и҆́кᲂсъ , дню̀ . сла́ва , и҆ ны́нѣ , сѣда́ленъ , пра́здникꙋ . по ѕ҃ , пѣ́сни , кᲂнда́къ , и҆ и҆́кᲂсъ , пра́здникꙋ . и҆ про́лᲂгъ . на ѳ҃ , пѣ́сни , честнѣ́йшꙋ непᲂе́мъ . но пᲂе́мъ припѣ́въ , пра́здникꙋ . и҆ і҆рмо́съ : ꙗ҆́кѡ ѡ҆ дш҃е́внѣмъ . и҆ на трᲂпарѣ́хъ пᲂе́мъ то́йже припѣ́въ . ᲂу҆ =трипѣ́сна запѣ́въ : сла́ва тебѣ̀ бж҃е на́шъ , сла́ва тебѣ̀ . =та́же , насхо́дѣ пᲂе́мъ і҆рмо́съ , в̾ трїѡ́ди . пᲂто́мъ , припѣ́въ , и҆ і҆рмо́съ , пра́здникꙋ . и҆ пᲂкло́нъ до землѝ . свѣти́ленъ , пра́здникꙋ . сла́ва , дню̀ . и҆ ны́нѣ , пра́здникꙋ . на хвали́тѣхъ , стихѣ́ры , пра́здникꙋ , на д҃ . сла́ва , пра́здникꙋ , гла́съ , в҃ . и҆́же ѿ́ вѣка та́инство . и҆ ны́нѣ , дню̀ , гла́съ , и҃ . и҆ссо́хшꙋю смᲂко́вницꙋ . та́же , чте́цъ : сла́ва пᲂказа́вшемꙋ на́мъ свѣ́тъ . є҆ктенїѧ̀ : и҆спо́лнимъ ᲂу҆́тренїю . на стихо́внѣ , стихѣ́ры , дню̀ , со стихѝ и҆́хъ . сла́ва , дню̀ , гла́съ , и҃ . втᲂрꙋ́ю є҆́ввꙋ . и҆ ны́нѣ , пра́здникꙋ . да веселѧ́тсѧ нб҃са̀ . та́же , бл҃го є҆́сть , аⷤ . по трⷭ҇то́мъ , трᲂпа́рь , пра́здникꙋ . є҆ктенїѧ̀ : пᲂми́лꙋй на́съ бж҃е . и҆ г҃ пᲂкло́ны вели́кїѧ . та́же , і҆єре́й гл҃етъ : сы́и бл҃гᲂслᲂве́нъ . кли́рицы : а҆ми́нь , ᲂу҆твердѝ бж҃е . і҆єре́й : премꙋ́дрᲂсть . кли́рицы : честнѣ́йшꙋю . сла́ва , и҆ ны́нѣ , гдⷭ҇и пᲂми́лꙋй , вⷤ , гдⷭ҇и бл҃гᲂслᲂвѝ . и҆ ѿпꙋ́стъ . и҆ ча́съ , а҃ . трᲂпа́рь , и҆ кᲂнда́къ , пра́здникꙋ . по и҆́же на всѧ́ко вре́мѧ , и҆ по чⷭ҇тнѣ́йшꙋ , д҃ , пᲂкло́ны вели́кїѧ . та́же , хрⷭ҇тѐ свѣ́те и҆́стинныи . и҆ ѿпꙋ́стъ . пᲂе́мъ , г҃ и , и҆ ѕ҃ й , ча́съ , съ каѳи́смами , и҆ со чте́нїемъ . трᲂпа́рь , пра́здникꙋ . кᲂндаки́ же , гл҃емъ дню̀ , и҆ пра́здникꙋ , премѣнѧ́ѧ . по честнѣ́йшꙋю , д҃ , пᲂкло́ны вели́кїѧ . та́кᲂже , пᲂе́мъ , и҆ ѳ҃ и ча́съ , со всѣ́ми є҆гѡ̀ . пᲂне́мже пᲂе́мъ , бл҃же́нны , про́стѡ без̾ пѣ́нїѧ . и҆ пᲂмѧнѝ на́съ гдⷭ҇и . и҆ про́чаѧ . по ѻ҆́ч҃е на́шъ . кᲂнда́къ , дню̀ . сла́ва , и҆ ны́нѣ , пра́здникꙋ . гдⷭ҇и пᲂми́лꙋй , м҃ . сла́ва , и҆ ны́нѣ , честнѣ́йшꙋю . и҆ пᲂкло́ны , д҃ , вели́кїѧ . и҆ а҆́бїе , начина́емъ вече́рню , без̾ пᲂкло́нᲂвъ , и҆ без̾ каѳи́смы . на гдⷭ҇и вᲂзва́хъ , стⷯры , дню̀ , є҃ . и҆ пра́здникꙋ , є҃ . сла́ва , дню̀ , гла́съ , и҃ . и҆ссо́хшꙋю смᲂко́вницꙋ . и҆ ны́нѣ , пра́здникꙋ , гла́съ , ѕ҃ . по́сланъ бы́сть . вы́хᲂдъ , с̾ є҆ѵⷢ҇а́лїемъ : свѣ́те ти́хїи . прᲂки́менъ , и҆ чте́нїѧ дню̀ . и҆ пра́здникꙋ двѣ̀ . та́же , да́сѧ и҆спра́витъ мл҃тва мᲂѧ̀ . и҆ пᲂкло́ны , г҃ . є҆ктенїѧ̀ ма́лаѧ . и҆ трⷭ҇то́е . прᲂки́менъ , а҆пⷭ҇лъ , и҆ а҆ллилꙋ́їѧ , пра́здникꙋ . є҆ѵⷢ҇а́лїе , пра́здникꙋ , и҆ дню̀ . и҆ про́чаѧ литꙋргі́ѧ златᲂꙋ́стᲂва . прича́стенъ , пра́здникꙋ .

на трапе́зѣ ꙗ҆ди́мъ с̾ ма́слᲂмъ , и҆ пїе́мъ вино̀ . па́вечерницꙋ пᲂе́мъ ма́лꙋю , без̾ пᲂкло́нᲂвъ , и҆ без̾ кано́на . то́чїю , на сла́ва в̾ вы́шнихъ , г҃ , пᲂкло́ны . и҆ на трⷭ҇то́мъ , г҃ , пᲂкло́ны . и҆ на честнѣ́йшꙋ , з҃і , пᲂкло́нᲂвъ . и҆ на пᲂслѣ́днем̾ , трⷭ҇то́мъ , г҃ , пᲂкло́ны . пᲂе́мъ же и҆ трипѣ́сно кѵ́ръ а҆ндрѣ́ѧ кри́тскаго .

А҆́ще ли прилꙋчи́тсѧ бл҃гᲂвѣ́щенїе , в̾ вели́кїи вто́рникъ . въ пнⷣе , ве́черъ , каѳи́смы , негл҃емъ . на гдⷭ҇и вᲂзва́хъ , стⷯры , дню̀ , є҃ . и҆ пра́здникꙋ , є҃ . сла́ва , дню̀ , гла́съ , и҃ . втᲂрꙋ́ю є҆́ввꙋ . и҆ ны́нѣ , пра́здникꙋ , гла́съ , ѕ҃ . по́сланъ бы́сть . вы́хᲂдъ , с̾ є҆ѵⷢ҇а́лїемъ : свѣ́те ти́хїи . прᲂки́менъ , и҆ чте́нїѧ дню̀ . и҆ пра́здникꙋ , г҃ . та́же , да́сѧ и҆спра́витъ мл҃тва мᲂѧ̀ . и҆ пᲂкло́ны , г҃ . є҆ѵⷢ҇а́лїе дню̀ . и҆ про́чее прежесщ҃е́нныѧ . преста́ютъ же пᲂкло́ны ѿ са́мыѧ вече́рни , крᲂмѣ̀ то́чїю : и҆ по ны́нѣ си́лы нбⷭ҇ныѧ , г҃ пᲂкло́ны вели́кїѧ . и҆ на бꙋ́ди и҆́мѧ гдⷭ҇не , г҃ пᲂкло́ны вели́кїѧ . та́кᲂже и҆ на кᲂне́цъ ᲂу҆́трени , и҆ на кᲂне́цъ часо́въ , то́кмѡ вели́кихъ пᲂкло́ны , трѝ .

на трапе́зѣ ꙗ҆ди́мъ с̾ ма́слᲂмъ , и҆ пїе́мъ вино̀ . при часѣ́ же , ѕ҃ мъ , но́щи . сᲂбра́вшесѧ в̾ цр҃квь , пᲂе́мъ па́вечерницꙋ вели́кꙋю . по а҃ мъ , трⷭ҇то́мъ , трᲂпа́рь , пра́здникꙋ . по в҃ мъ , трⷭ҇то́мъ , кᲂнда́къ , пра́здникꙋ . и҆ по сла́ва в̾ вы́шнихъ , и҆схᲂже́нїе в̾ притво́ръ . и҆ пᲂе́мъ , литі́ю по ѡ҆бы́чаю , стихѣ́ры , пра́здникꙋ , гла́съ , а҃ . сла́ва . гла́съ , и҃ .= да веселѧ́тсѧ нб҃са̀ . =и҆ =ны́нѣ . гла́съ , в҃ . бл҃гᲂвѣсти́тъ гаврїи́лъ . на стихо́внѣ , стихѣ́ры , пра́здникꙋ , гла́съ , д҃ . со стихѝ и҆́хъ . сла́ва , и҆ ны́нѣ . гла́съ , то́йже . =та́же , ны́нѣ ѿпꙋща́еши . трⷭ҇то́е , и҆ по ѻ҆́ч҃е на́шъ . трᲂпа́рь , пра́здникꙋ , три́жды . на ᲂу҆́трени , на бг҃ъ гдⷭ҇ь , трᲂпа́рь , пра́здникꙋ , гⷤ . по ѡ҆бᲂю̀ , каѳи́смахъ , сѣда́ленъ , в̾ трїѡ́ди . по г҃ , =каѳи́смѣ , сѣда́ленъ , пра́здникꙋ . по пᲂлїелеѡ́сѣ , сѣда́лен̾ , пра́здникꙋ . степе́нна , д҃ го гла́са . а҆нтиѳо́нъ , а҃ . прᲂки́менъ , и҆ є҆ѵⷢ҇а́лїе , пра́здникꙋ . ѱл҃о́мъ , н҃ . стихѣ́ра , пра́здникꙋ . кано́нъ , пра́здникꙋ , со і҆рмᲂсо́мъ , на д҃і . катава́сїѧ , пра́здникꙋ . і҆рмо́съ , ѻ҆́ба ли́ка в̾кꙋ́пѣ . =а҆ и҆дѣ́же , двᲂепѣ́снецъ , в̾ трїѡ́ди . пᲂе́мъ , кано́нъ , пра́здникꙋ , со і҆рмᲂсо́мъ , на́ ѕ҃ . а҆ двᲂепѣ́снецъ , на и҃ . и҆ пᲂслѣдѝ і҆рмо́съ , в̾ трїѡ́ди , ѻ҆́ба ли́ка в̾кꙋ́пѣ . по г҃ , пѣ́сни , кᲂнда́къ , и҆ и҆́кᲂсъ , дню̀ . сла́ва , и҆ ны́нѣ , сѣда́ленъ , пра́здникꙋ . по ѕ҃ , пѣ́сни , кᲂнда́къ , и҆ и҆́кᲂсъ , пра́здникꙋ . и҆ про́лᲂгъ . на ѳ҃ , пѣ́сни , чⷭ҇тнѣ́йшꙋ непᲂе́мъ . но пᲂе́мъ , припѣ́въ , и҆ і҆рмо́съ , пра́здникꙋ , ꙗ҆́кᲂже ᲂу҆ка́зано в̾ вели́кїи пнⷣе . свѣти́ленъ , пра́здникꙋ . сла́ва , дню̀ . и҆ ны́нѣ , пра́здникꙋ . на хвали́тѣхъ , стⷯры , пра́здникꙋ , на д҃ . сла́ва , дню̀ , гла́съ , в҃ . ꙗ҆́кѡ дш҃е́внᲂю . и҆ ны́нѣ , пра́здникꙋ . и҆́же ѿ́ вѣка та́инство . на стихо́внѣ , стⷯры , дню̀ , со стихѝ и҆́хъ . сла́ва , пра́здникꙋ , гла́съ , и҃ . да веселѧ́тсѧ небеса̀ . и҆ ны́нѣ , дню̀ , гла́съ , ѕ҃ . є҆гда̀ прїи́деши во сла́вѣ . та́же , бл҃го є҆́сть , аⷤ . по трⷭ҇то́мъ , трᲂпа́рь , пра́здникꙋ . є҆ктенїѧ̀ : пᲂми́лꙋй на́съ бж҃е . и҆ г҃ пᲂкло́ны вели́кїѧ . та́же , і҆єре́й гл҃етъ : сы́и бл҃гᲂслᲂве́нъ . кли́рицы : а҆ми́нь , ᲂу҆твердѝ бж҃е . і҆єре́й : премꙋ́дрᲂсть . кли́рицы : честнѣ́йшꙋю . сла́ва , и҆ ны́нѣ , гдⷭ҇и пᲂми́лꙋй , вⷤ , гдⷭ҇и бл҃гᲂслᲂвѝ . и҆ ѿпꙋ́стъ . и҆ ча́съ , а҃ . трᲂпа́рь , и҆ кᲂнда́къ , пра́здникꙋ . по и҆́же на всѧ́ко вре́мѧ , и҆ по чⷭ҇тнѣ́йшꙋ , д҃ , пᲂкло́ны вели́кїѧ . та́же , хрⷭ҇тѐ свѣ́те и҆́стинныи . и҆ ѿпꙋ́стъ . на часѣ́хъ , трᲂпа́рь , пра́здникꙋ . кᲂндаки́ же , гл҃емъ дню̀ , и҆ пра́здникꙋ , премѣнѧ́ѧ . по честнѣ́йшꙋю , д҃ , пᲂкло́ны вели́кїѧ . бл҃же́нна , ско́ро без̾ пѣ́нїѧ . и҆ пᲂмѧнѝ на́съ гдⷭ҇и , и҆ про́чее . по ѻ҆́ч҃е на́шъ . кᲂнда́къ , дню̀ . сла́ва , и҆ ны́нѣ , пра́здникꙋ . гдⷭ҇и пᲂми́лꙋй , м҃ . сла́ва , и҆ ны́нѣ , честнѣ́йшꙋю . и҆ пᲂкло́ны , д҃ , вели́кїѧ . и҆ а҆́бїе , начина́емъ вече́рню , без̾ пᲂкло́нᲂвъ , и҆ без̾ каѳи́смы . на гдⷭ҇и вᲂзва́хъ , стⷯры , дню̀ , є҃ . и҆ пра́здникꙋ , є҃ . сла́ва , дню̀ , гла́съ , ѕ҃ . є҆гда̀ прїи́деши . и҆ ны́нѣ , пра́здникꙋ . по́сланъ бы́сть . вы́хᲂдъ , с̾ є҆ѵⷢ҇а́лїемъ : свѣ́те ти́хїи . прᲂки́менъ , и҆ чте́нїѧ дню̀ . и҆ пра́здникꙋ двѣ̀ . та́же , да́сѧ и҆спра́витъ мл҃тва мᲂѧ̀ . и҆ пᲂкло́ны , г҃ . є҆ктенїѧ̀ ма́лаѧ . и҆ трⷭ҇то́е . прᲂки́менъ , а҆пⷭ҇лъ , и҆ а҆ллилꙋ́їѧ , пра́здникꙋ . є҆ѵⷢ҇а́лїе , пра́здникꙋ , и҆ дню̀ . и҆ про́чаѧ литꙋргі́ѧ златᲂꙋ́стᲂва . прича́стенъ , пра́здникꙋ .

на трапе́зѣ ꙗ҆ди́мъ с̾ ма́слᲂмъ , и҆ пїе́мъ вино̀ . па́вечерницꙋ же пᲂе́мъ ма́лꙋю , без̾ пᲂкло́нᲂвъ . пᲂе́мъ же и҆ трипѣ́сно кѵ́ръ а҆ндрѣ́ѧ кри́тскаго .

А҆́ще ли прилꙋчи́тсѧ бл҃гᲂвѣ́щенїе , въ сре́дꙋ , вели́кꙋю . во вто́рникъ , ве́черъ , каѳи́смы , негл҃емъ . и҆ пᲂкло́нᲂвъ нѣ́сть . на гдⷭ҇и вᲂзва́хъ , стⷯры , дню̀ , є҃ . и҆ пра́здникꙋ , є҃ . сла́ва , дню̀ , гла́съ , в҃ . ꙗ҆́кѡ дш҃е́вныи со́нъ . и҆ ны́нѣ , пра́здникꙋ , гла́съ , ѕ҃ . по́сланъ бы́сть . вы́хᲂдъ , с̾ є҆ѵⷢ҇а́лїемъ : свѣ́те ти́хїи . прᲂки́менъ , и҆ чте́нїѧ дню̀ . и҆ пра́здникꙋ , г҃ . та́же , да́сѧ и҆спра́витъ мл҃тва мᲂѧ̀ . и҆ пᲂкло́ны , г҃ . є҆ѵⷢ҇а́лїе дню̀ . и҆ про́чее прежесщ҃е́нныѧ . и҆ по ны́нѣ си́лы нбⷭ҇ныѧ , г҃ , пᲂкло́ны . и҆ на бꙋ́ди и҆́мѧ гдⷭ҇не , г҃ , пᲂкло́ны . и҆ на ѿпꙋ́стѣ , г҃ , пᲂкло́ны .

на трапе́зѣ ꙗ҆ди́мъ без̾ ма́сла , и҆ пїе́мъ вино̀ . при часѣ́ же , ѕ҃ мъ , но́щи . сᲂбра́вшесѧ в̾ цр҃квь , пᲂе́мъ па́вечерницꙋ вели́кꙋю . по а҃ мъ , трⷭ҇то́мъ , трᲂпа́рь , пра́здникꙋ . по в҃ мъ , трⷭ҇то́мъ , кᲂнда́къ , пра́здникꙋ . и҆ по сла́ва в̾ вы́шнихъ , и҆схᲂже́нїе в̾ притво́ръ . и҆ пᲂе́мъ , литі́ю по ѡ҆бы́чаю , стихѣ́ры , пра́здникꙋ , гла́съ , а҃ . сла́ва . гла́съ , и҃ .= да веселѧ́тсѧ нб҃са̀ . =и҆ =ны́нѣ . гла́съ , в҃ . бл҃гᲂвѣсти́тъ гаврїи́лъ . на стихо́внѣ , стихѣ́ры , пра́здникꙋ , гла́съ , д҃ . со стихѝ и҆́хъ . сла́ва , и҆ ны́нѣ . гла́съ , то́йже . =та́же , ны́нѣ ѿпꙋща́еши . трⷭ҇то́е , и҆ по ѻ҆́ч҃е на́шъ . трᲂпа́рь , пра́здникꙋ , три́жды . на ᲂу҆́трени , на бг҃ъ гдⷭ҇ь , трᲂпа́рь , пра́здникꙋ , гⷤ . по ѡ҆бᲂю̀ , каѳи́смахъ , сѣда́ленъ , в̾ трїѡ́ди . по г҃ , =каѳи́смѣ , сѣда́ленъ , пра́здникꙋ . по пᲂлїелеѡ́сѣ , сѣда́лен̾ , пра́здникꙋ . степе́нна , д҃ го гла́са . а҆нтиѳо́нъ , а҃ . прᲂки́менъ , и҆ є҆ѵⷢ҇а́лїе , пра́здникꙋ . ѱл҃о́мъ , н҃ . стихѣ́ра , пра́здникꙋ . кано́нъ , пра́здникꙋ , со і҆рмᲂсо́мъ , на д҃і . катава́сїѧ , пра́здникꙋ . і҆рмо́съ , ѻ҆́ба ли́ка в̾кꙋ́пѣ . =а҆ и҆дѣ́же , трипѣ́снѡ . то̀ пᲂе́мъ , кано́нъ , пра́здникꙋ , со і҆рмᲂсо́мъ , на́ ѕ҃ . а҆ трипѣ́снѡ , на и҃ . и҆ пᲂслѣдѝ і҆рмо́съ , в̾ трїѡ́ди , ѻ҆́ба ли́ка в̾кꙋ́пѣ . по г҃ , пѣ́сни , кᲂнда́къ , и҆ и҆́кᲂсъ , дню̀ . сла́ва , и҆ ны́нѣ , сѣда́ленъ , пра́здникꙋ . по ѕ҃ , пѣ́сни , кᲂнда́къ , и҆ и҆́кᲂсъ , пра́здникꙋ . и҆ про́лᲂгъ . на ѳ҃ , пѣ́сни , чⷭ҇тнѣ́йшꙋ непᲂе́мъ . но пᲂе́мъ , припѣ́въ , и҆ і҆рмо́съ , пра́здникꙋ , ꙗ҆́кᲂже ᲂу҆ка́зано в̾ вели́кїи пнⷣе . свѣти́ленъ , пра́здникꙋ . сла́ва , дню̀ . и҆ ны́нѣ , пра́здникꙋ . на хвали́тѣхъ , стⷯры , пра́здникꙋ , на д҃ . сла́ва , дню̀ , гла́съ , ѕ҃ . дне́сь хрⷭ҇то́съ прихо́дитъ . и҆ ны́нѣ , пра́здникꙋ , гла́съ , в҃ . и҆́же ѿ́ вѣка та́инство . на стихо́внѣ , стⷯры , дню̀ , со стихѝ и҆́хъ . сла́ва , пра́здникꙋ , гла́съ , и҃ . да веселѧ́тсѧ нб҃са̀ . и҆ ны́нѣ , дню̀ . гдⷭ҇и ꙗ҆́же во мно́зѣхъ . и҆ про́чее , по пре́же ᲂу҆ка́заннᲂмꙋ . на часѣ́хъ , трᲂпа́рь , пра́здникꙋ . кᲂндаки́ же , гл҃емъ дню̀ , и҆ пра́здникꙋ , премѣнѧ́ѧ . по честнѣ́йшꙋю , д҃ , пᲂкло́ны вели́кїѧ . бл҃же́нна , ско́ро без̾ пѣ́нїѧ . и҆ пᲂмѧнѝ на́съ гдⷭ҇и , и҆ про́чее . по ѻ҆́ч҃е на́шъ . кᲂнда́къ , дню̀ . сла́ва , и҆ ны́нѣ , пра́здникꙋ . гдⷭ҇и пᲂми́лꙋй , м҃ . сла́ва , и҆ ны́нѣ , честнѣ́йшꙋю . и҆ пᲂкло́ны , д҃ , вели́кїѧ . и҆ мл҃тва : влⷣко гдⷭ҇и і҆с҃е хрⷭ҇тѐ бж҃е на́шъ дᲂлгᲂтерпѧ́и ѡ҆ на́шихъ сᲂгрѣше́нїихъ . та́же , і҆єре́й : премꙋ́дрᲂсть . мы́же : дᲂсто́йнѡ є҆́сть . сла́ва , и҆ ны́нѣ , и҆ ѿпꙋ́стъ . та́же , начина́емъ вече́рню , без̾ пᲂкло́нᲂвъ , и҆ без̾ каѳи́смы . на гдⷭ҇и вᲂзва́хъ , стⷯры , дню̀ , є҃ . и҆ пра́здникꙋ , є҃ . сла́ва , пра́здникꙋ , гла́съ , ѕ҃ . по́сланъ бы́сть . и҆ ны́нѣ , дню̀ , гла́съ , и҃ . гдⷭ҇и и҆́же во мно́зѣхъ грѣсѣ́хъ . вы́хᲂдъ , с̾ є҆ѵⷢ҇а́лїемъ : свѣ́те ти́хїи . прᲂки́менъ , и҆ чте́нїѧ дню̀ . и҆ пра́здникꙋ двѣ̀ . та́же , да́сѧ и҆спра́витъ мл҃тва мᲂѧ̀ . и҆ пᲂкло́ны , г҃ . є҆ктенїѧ̀ ма́лаѧ . и҆ трⷭ҇то́е . прᲂки́менъ , а҆пⷭ҇лъ , и҆ а҆ллилꙋ́їѧ , пра́здникꙋ . є҆ѵⷢ҇а́лїе , пра́здникꙋ , и҆ дню̀ . и҆ про́чаѧ , литꙋргі́ѧ златᲂꙋ́стᲂва . прича́стенъ , пра́здникꙋ .

на трапе́зѣ ꙗ҆ди́мъ с̾ ма́слᲂмъ , и҆ пїе́мъ вино̀ . па́вечерницꙋ же пᲂе́мъ ма́лꙋю , без̾ пᲂкло́нᲂвъ . пᲂе́мъ же и҆ трипѣ́сно кѵ́ръ а҆ндрѣ́ѧ кри́тскаго .

А҆́ще ли прилꙋчи́тсѧ бл҃гᲂвѣ́щенїе , в̾ вели́кїи , четверто́къ . въ сре́дꙋ вели́кꙋю , ве́черъ , каѳи́смы негл҃емъ . на гдⷭ҇и вᲂзва́хъ , стихѣ́ры , дню̀ , є҃ . и҆ пра́здникꙋ , є҃ . сла́ва , дню̀ , гла́съ , ѕ҃ . дне́сь хрⷭ҇то́съ прихо́дитъ . и҆ ны́нѣ , пра́здникꙋ . по́сланъ бы́сть . вы́хᲂдъ , с̾ є҆ѵⷢ҇а́лїемъ : свѣ́те ти́хїи . прᲂки́менъ , и҆ чте́нїѧ дню̀ . и҆ пра́здникꙋ , г҃ . та́же , да́сѧ и҆спра́витъ мл҃тва . и҆ пᲂкло́ны , г҃ . є҆ѵⷢ҇а́лїе дню̀ . и҆ про́чее прежесщ҃е́нныѧ . и҆ по ны́нѣ си́лы нбⷭ҇ныѧ , г҃ , пᲂкло́ны . и҆ на бꙋ́ди и҆́мѧ гдⷭ҇не , г҃ , пᲂкло́ны . и҆ на ѿпꙋ́стѣ , г҃ , пᲂкло́ны .

на трапе́зѣ ꙗ҆ди́мъ без̾ ма́сла , и҆ пїе́мъ вино̀ . при часѣ́ же , ѕ҃ мъ , но́щи . сᲂбра́вшесѧ в̾ цр҃квь , пᲂе́мъ па́вечерницꙋ вели́кꙋю . по а҃ мъ , трⷭ҇то́мъ , трᲂпа́рь , пра́здникꙋ . по в҃ мъ , трⷭ҇то́мъ , кᲂнда́къ , пра́здникꙋ . и҆ по сла́ва в̾ вы́шнихъ , и҆схᲂже́нїе в̾ притво́ръ . и҆ пᲂе́мъ , литі́ю по ѡ҆бы́чаю , стихѣ́ры , пра́здникꙋ , гла́съ , а҃ . сла́ва . гла́съ , и҃ .= да веселѧ́тсѧ нб҃са̀ . =и҆ =ны́нѣ . гла́съ , в҃ . бл҃гᲂвѣсти́тъ гаврїи́лъ . на стихо́внѣ , стихѣ́ры , пра́здникꙋ , гла́съ , д҃ . со стихѝ и҆́хъ . сла́ва , и҆ ны́нѣ . гла́съ , то́йже . =та́же , ны́нѣ ѿпꙋща́еши . трⷭ҇то́е , и҆ по ѻ҆́ч҃е на́шъ . трᲂпа́рь , пра́здникꙋ , три́жды .= на ᲂу҆́трени , на бг҃ъ гдⷭ҇ь , трᲂпа́рь , пра́здникꙋ , вⷤ . сла́ва , и҆ ны́нѣ , є҆гда̀ сла́внїи ᲂу҆ченицы̀ . по пᲂлїелеѡ́сѣ , сѣда́ленъ , пра́здникꙋ . степе́нна , д҃ го гла́са . а҆нтиѳо́нъ , а҃ . прᲂки́менъ , и҆ є҆ѵⷢ҇а́лїе , пра́здникꙋ . ѱл҃о́мъ , н҃ . стихѣ́ра , пра́здникꙋ . кано́нъ , пра́здникꙋ , со і҆рмᲂсо́мъ , на и҃ . и҆ дню̀ , со і҆рмᲂсо́мъ , на и҃ . катава́сїѧ , і҆рмо́съ , в̾ трїѡ́ди , ѻ҆́ба ли́ка в̾кꙋ́пѣ . =по г҃ , пѣ́сни , кᲂнда́къ , и҆ и҆́кᲂсъ , и҆ сѣда́ленъ , дню̀ . сла́ва , и҆ ны́нѣ , пра́здникꙋ . по ѕ҃ , пѣ́сни , кᲂнда́къ , и҆ и҆́кᲂсъ , пра́здникꙋ . и҆ про́лᲂгъ . на ѳ҃ , пѣ́сни , чⷭ҇тнѣ́йшꙋ непᲂе́мъ . но пᲂе́мъ , припѣ́въ , и҆ і҆рмо́съ , пра́здникꙋ , ꙗ҆́кᲂже ᲂу҆ка́зано в̾ вели́кїи пнⷣе . свѣти́ленъ , пра́здникꙋ . сла́ва , дню̀ . и҆ ны́нѣ , пра́здникꙋ . на хвали́тѣхъ , стⷯры , пра́здникꙋ , на д҃ . сла́ва , пра́здникꙋ , гла́съ , в҃ . и҆́же ѿ́ вѣка та́инство . и҆ ны́нѣ , дню̀ . є҆го́же прᲂпᲂвѣ́да а҆́гнецъ . на стихо́внѣ , стⷯры , дню̀ , со стихѝ и҆́хъ . сла́ва , дню̀ , гла́съ , и҃ . нра́въ тво́й лꙋка́въ . и҆ ны́нѣ , пра́здникꙋ . да веселѧ́тсѧ небеса̀ . та́же , бл҃го є҆́сть , аⷤ . по трⷭ҇то́мъ , трᲂпа́рь , дню̀ . сла́ва , и҆ ны́нѣ , пра́здникꙋ . є҆ктенїѧ̀ : пᲂми́лꙋй на́съ бж҃е . та́же , і҆єре́й гл҃етъ : сы́и бл҃гᲂслᲂве́нъ . кли́рицы : а҆ми́нь , ᲂу҆твердѝ бж҃е . і҆єре́й : премꙋ́дрᲂсть . кли́рицы : честнѣ́йшꙋю . сла́ва , и҆ ны́нѣ , гдⷭ҇и пᲂми́лꙋй , вⷤ , гдⷭ҇и бл҃гᲂслᲂвѝ . и҆ ѿпꙋ́стъ . и҆ ча́съ , а҃ . нане́мже , трᲂпа́рь , и҆ паремїѧ̀ , дню̀ . и҆ ѿпꙋ́стъ . на часѣ́хъ , трᲂпа́рь , пра́здникꙋ . сла́ва , дню̀ . кᲂндаки́ же , гл҃емъ дню̀ , и҆ пра́здникꙋ , премѣнѧ́ѧ . бл҃же́нна , ско́ро без̾ пѣ́нїѧ . и҆ пᲂмѧнѝ на́съ гдⷭ҇и , и҆ про́чее . по ѻ҆́ч҃е на́шъ . кᲂнда́къ , дню̀ . сла́ва , и҆ ны́нѣ , пра́здникꙋ . гдⷭ҇и пᲂми́лꙋй , м҃ . мл҃тва , всест҃а́ѧ трⷪ҇це . и҆ ѿпꙋ́стъ .

пᲂе́мъ вече́рню . на гдⷭ҇и вᲂзва́хъ , стⷯры , дню̀ , є҃ . и҆ пра́здникꙋ , є҃ . сла́ва , дню̀ , гла́съ , ѕ҃ . пᲂрᲂжде́нїе є҆хи́днᲂво . и҆ ны́нѣ , пра́здникꙋ . по́сланъ бы́сть . вы́хᲂдъ , с̾ є҆ѵⷢ҇а́лїемъ : свѣ́те ти́хїи . прᲂки́менъ , и҆ чте́нїѧ дню̀ . и҆ пра́здникꙋ двѣ̀ . є҆ктенїѧ̀ ма́лаѧ . и҆ трⷭ҇то́е . прᲂки́менъ , а҆пⷭ҇лъ , а҆ллилꙋ́їѧ , и҆ є҆ѵⷢ҇а́лїе , дню̀ , и҆ пра́здникꙋ . и҆ про́чаѧ , литꙋргі́ѧ , вели́кагѡ васи́лїѧ . в̾мѣ́стѡ , дᲂсто́йна пᲂе́мъ і҆рмо́съ : стра́нствїѧ влⷣчнѧ . въ хра́мѣ же бл҃гᲂвѣ́щенїѧ , пᲂе́мъ задᲂсто́йно , і҆рмо́съ : ꙗ҆́кѡ ѡ҆дш҃е́внѣмъ . в̾мѣ́стᲂже херꙋви́мскїѧ пѣ́сни , пᲂе́мъ кᲂнда́къ . гла́съ , ѕ҃ . ве́чери твᲂе́й та́йнѣй , гⷤ . то́йже , пᲂе́мъ , и҆ в̾мѣ́сто прича́стна , аⷤ . є҆гда́ же причаща́ютсѧ бра́тїѧ , пᲂе́мъ , вмѣ́стѡ тѣ́ла хрⷭ҇то́ва , то́йже кᲂнда́къ . ве́чери твᲂе́й та́йнѣй , до́ндеже причастѧ́тсѧ бра́тїѧ . и҆ в̾мѣ́стѡ , да и҆спо́лнѧтсѧ ᲂу҆ста̀ , є҆ди́нᲂщи , со а҆ллилꙋ́їею . по заа́мбᲂннᲂй мᲂли́твѣ . бꙋ́ди и҆́мѧ гдⷭ҇не , гⷤ . и҆ ѱл҃о́мъ , л҃г . і҆єре́й же дае́тъ а҆наѳѡ́рꙋ бра́тїѧмъ . и҆ быва́етъ пᲂꙋмᲂве́нїи ᲂу҆сто́мъ , и҆ кᲂне́чныи ѿпꙋ́стъ . на трапе́зѣ же разрѣша́емъ , на ма́сло и҆ вино̀ .

А҆́ще ли прилꙋчи́тсѧ бл҃гᲂвѣ́щенїе , в̾ вели́кїи , пѧто́къ . въ четверто́къ , ве́черъ . на гдⷭ҇и вᲂзва́хъ , стихѣ́ры , дню̀ , є҃ . и҆ пра́здникꙋ , є҃ . сла́ва , дню̀ , гла́съ , ѕ҃ . пᲂрᲂжде́нїе є҆хи́днᲂво . и҆ ны́нѣ , пра́здникꙋ . по́сланъ бы́сть . вы́хᲂдъ , с̾ є҆ѵⷢ҇а́лїемъ : свѣ́те ти́хїи . прᲂки́менъ , и҆ чте́нїѧ дню̀ . и҆ пра́здникꙋ , г҃ . є҆ктенїѧ̀ ма́лаѧ . и҆ трⷭ҇то́е . прᲂки́менъ , а҆пⷭ҇лъ , а҆ллилꙋ́їѧ , и҆ є҆ѵⷢ҇а́лїе , дню̀ . и҆ про́чее , бжⷭ҇твеныѧ литꙋргі́и , вели́кагѡ васи́лїѧ , ꙗ҆́кᲂже пре́же ꙗ҆влено̀ .

на трапе́зѣ же разрѣша́емъ , на ма́сло и҆ вино̀ . па́вечерница ма́лаѧ . и҆ трипѣ́сно . по трⷭ҇то́мъ , кᲂнда́къ , дню̀ . сла́ва , и҆ ны́нѣ , пра́здникꙋ .

причасѣ́же , ѕ҃ мъ , но́щи , ᲂу҆дарѧ́етъ в̾ вели́кїи , и҆ во всѧ̀ тѧ́жкаѧ . и҆ начина́емъ , ᲂу҆́треню . на бг҃ъ гдⷭ҇ь , трᲂпа́рь , пра́здника , два́жды . сла́ва , и҆ ны́нѣ , дню̀ . є҆гда̀ сла́внїи ᲂу҆ченицы̀ . пᲂсе́мъ , є҆ктенїѧ̀ ма́лаѧ . и҆ а҆́бїе , і҆єре́й : ѡ҆спᲂдо́битисѧ на́мъ дᲂсто́йнѡ пᲂслꙋ́шати ст҃а́гѡ є҆ѵⷢ҇а́лїѧ . ми́рᲂмъ гдⷭ҇а бг҃а мо́лимъ . и҆ чте́тъ , є҆ѵⷢ҇а́лїе , а҃ е . и҆ пᲂто́мъ , а҆нтиѳо́ны , и҆ є҆ѵⷢ҇а́лїѧ , ст҃ы́хъ стрⷭ҇те́й , по́чинꙋ и҆́хъ . и҆ пᲂто́мъ и҆́же на рѧдꙋ̀ чте́тъ , є҆ѵⷢ҇а́лїе , ѕ҃ е . та́же , бл҃же́ннꙋ , пᲂе́мъ , на́ і҃ , стихо́въ . та́же , прᲂки́менъ , ст҃ы́хъ стрⷭ҇те́й , гла́съ , д҃ . раздѣли́ша ри́зы мᲂѧ̀ себѣ̀ и҆ ѡ҆ ѻ҆де́жди мᲂе́й мета́ша жре́бїи . сти́хъ : бл҃же́нъ разꙋмѣва́ѧи , на ни́ща и҆ ᲂу҆бо́га . є҆ѵⷢ҇а́лїе , з҃ е . пᲂлїелеѡ́съ , и҆ сѣда́ленъ , пра́здникꙋ . степе́нна , д҃ го гла́са . а҆нтиѳо́нъ , а҃ .= прᲂки́менъ , и҆ є҆ѵⷢ҇а́лїе , пра́здникꙋ . пᲂсе́мъ , є҆ѵⷢ҇а́лїе , стрⷭ҇тно́е , и҃ е . ѱл҃о́мъ , н҃ . стихѣ́ра , пра́здникꙋ . та́же , і҆єре́й , мᲂли́твꙋ : спасѝ бж҃е лю́ди свᲂѧ̀ . мы́же : гдⷭ҇и пᲂми́лꙋй , в҃і . вᲂз̾гла́съ : млⷭ҇тїю и҆ щедро́тами и҆ чл҃кᲂлю́бїемъ . кано́нъ , пра́здникꙋ , со і҆рмᲂсо́мъ , на д҃і . катава́сїѧ , пра́здникꙋ , ѻ҆́ба ли́ка в̾кꙋ́пѣ . =а҆ и҆дѣ́же трипѣ́снецъ , то̀ пᲂе́мъ , кано́нъ , пра́здникꙋ , со і҆рмᲂсо́мъ , на́ ѕ҃ . і҆рмо́съ , двⷤа . и҆ трипѣ́сно , со і҆рмᲂсо́мъ , на́ и҃ . і҆рмо́съ , двⷤа . катава́сїѧ , і҆рмо́съ , в̾ трїѡ́ди , ѻ҆́ба ли́ка в̾кꙋ́пѣ . по г҃ , пѣ́сни , кᲂнда́къ , и҆ и҆́кᲂсъ , дню̀ . сла́ва , и҆ ны́нѣ . сѣда́ленъ , пра́здникꙋ . по ѕ҃ , пѣ́сни , кᲂнда́къ , и҆ и҆́кᲂсъ , пра́здникꙋ . и҆ про́лᲂгъ . на ѳ҃ , пѣ́сни , чⷭ҇тнѣ́йшꙋ непᲂе́мъ . но пᲂе́мъ , припѣ́въ , и҆ і҆рмо́съ , пра́здникꙋ , ꙗ҆́кᲂже ᲂу҆ка́зано в̾ вели́кїи пнⷣе . свѣти́ленъ , пра́здникꙋ . сла́ва , дню̀ . и҆ ны́нѣ , пра́здникꙋ . та́же , є҆ѵⷢ҇а́лїе , ѳ҃ е . на хвали́тѣхъ , стихѣ́ры , ст҃ы́хъ стрⷭ҇те́й . сла́ва , дню̀ , гла́съ , и҃ . ᲂу҆́же ѡ҆мака́етсѧ тро́сть . и҆ ны́нѣ , пра́здникꙋ . да веселѧ́тсѧ нб҃са̀ . та́же , є҆ѵⷢ҇а́лїе , і҃ . пᲂсе́мъ , сла́ва в̾ вы́шнихъ . є҆ктенїѧ̀ : и҆спо́лнимъ заꙋ́тренѧѧ . и҆ вᲂз̾гла́съ . пᲂсе́мъ , є҆ѵⷢ҇а́лїе , а҃і . на стихо́внѣ , стихѣ́ры , пра́здникꙋ . гла́съ , а҃ . сла́ва , дню̀ . гла́съ , ѕ҃ . сᲂвлеко́ша ми ри́зы . и҆ ны́нѣ , пра́здникꙋ . гла́съ , д҃ . ꙗ҆зы́ка є҆го́же незна̀ . та́же , є҆ѵⷢ҇а́лїе , в҃і . бл҃го є҆́сть . и҆ по ѻ҆́ч҃е на́шъ , трᲂпа́рь , гла́съ , д҃ . и҆скꙋпи́лъ ны̀ є҆сѝ . сла́ва , и҆ ны́нѣ , пра́здникꙋ . є҆ктенїѧ̀ : пᲂми́лꙋй на́съ бж҃е . і҆єре́й , премꙋ́дрᲂсть . и҆ ѿпꙋ́стъ . и҆ ча́съ , а҃ . пᲂе́мъ , ꙗ҆́кᲂже ᲂу҆ка́зано в̾ вели́кїи пѧто́къ . глаго́летсѧ на не́мъ , трᲂпа́рь , пра́здникꙋ , и҆ дню̀ . и҆ кᲂнда́къ , пра́здникꙋ .

та́же , пᲂе́мъ , ча́сы , с̾ трᲂпарѝ , и҆ с̾ паремїѧ́ми , со а҆пⷭ҇лы , и҆ є҆ѵⷢ҇а́лїи , и҆ съ про́чею слꙋ́жбᲂю и҆́хъ . гл҃ютсѧ в̾ ни́хъ , трᲂпарѝ часо́вныѧ вели́кагѡ пѧтка̀ , є҆́же є҆́сть дню̀ и҆ пра́здникꙋ . кᲂнда́къ же дню̀ . на ѳ҃ мъ , часѣ̀ , мл҃тва : влⷣко гдⷭ҇и і҆с҃е хрⷭ҇тѐ бж҃е на́шъ . пᲂсе́м̾ , ѱл҃о́мъ : блгⷭ҇вѝ дш҃е мᲂѧ̀ гдⷭ҇а . и҆ хвалѝ дш҃е мᲂѧ̀ гдⷭ҇а . и҆ є҆динᲂро́дныи сн҃ъ . та́же , во црⷭ҇твїи сѝ . бл҃же́нна , ско́ро без̾ пѣ́нїѧ . и҆ пᲂмѧнѝ на́съ гдⷭ҇и . по ѻ҆́ч҃е на́шъ . кᲂнда́къ , дню̀ . гдⷭ҇и пᲂми́лꙋй , м҃ . мᲂли́тва : всест҃а́ѧ трⷪ҇це . и҆ ѿпꙋ́стъ .

та́же , вече́рнѧ . и҆ твᲂри́тъ і҆єре́й прᲂскᲂми́дїю в̾ стихѣ́ры . на гдⷭ҇и вᲂзва́хъ , стихѣ́ры , дню̀ , є҃ . и҆ пра́здникꙋ , є҃ . сла́ва , дню̀ . гла́съ , ѕ҃ . Ѽ ка́кѡ закᲂнᲂпрестꙋ́пныи сᲂбо́ръ . и҆ ны́нѣ , пра́здникꙋ . по́сланъ бы́сть . вы́хᲂдъ , с̾ є҆ѵⷢ҇а́лїемъ : свѣ́те ти́хїи . прᲂки́менъ , и҆ чте́нїѧ , дню̀ . и҆ пра́здникꙋ , два̀ . та́же , є҆ктенїѧ̀ ма́лаѧ . и҆ трⷭ҇то́е . прᲂки́менъ , а҆пⷭ҇лъ , а҆ллилꙋ́їѧ , и҆ є҆ѵⷢ҇а́лїе , пра́здникꙋ , и҆ дню̀ . прича́стенъ , пра́здникꙋ . сᲂверша́етсѧ бжⷭ҇твенаѧ литꙋргі́ѧ златᲂꙋ́стᲂва . вмѣ́стѡ дᲂсто́йна пᲂе́мъ , і҆рмо́съ , пра́здникꙋ : ꙗ҆́кѡ ѡ҆дш҃е́внѣмъ . на трапе́зѣ же ꙗ҆́мы сꙋхᲂѧде́нїе , и҆ пїе́мъ вино̀ .

А҆́ще ли прилꙋчи́тсѧ бл҃гᲂвѣ́щенїе , в̾ сꙋбо́тꙋ вели́кꙋю . и҆ а҆́ще хо́щетъ настᲂѧ́тель сᲂтвᲂри́ти бдѣ́нїе всено́щнᲂе . в̾ пѧто́къ вели́кїи , ве́черъ , на ма́лѣй вече́рни , пᲂе́мъ всѐ пра́здникꙋ . в̾ нача́лѣ же вели́кїѧ вече́рни , пᲂе́тсѧ , бл҃же́нъ мꙋ́жь , а҃ , а҆нтифо́нъ . та́кᲂже и҆ на и҆схᲂже́нїи пᲂе́мъ всѐ пра́здникꙋ . и҆ стихо́внꙋ пра́здникꙋ , вели́кїѧ вече́рни , пᲂе́мъ в̾ литі́ю . а҆́щели небꙋдетъ бдѣ́нїѧ . въ вели́кїи пѧто́къ , ве́черъ . на гдⷭ҇и вᲂзва́хъ , стихѣ́ры дню̀ , на́ ѕ҃ . и҆ пра́здникꙋ , на д҃ . сла́ва , дню̀ . гла́съ , ѕ҃ . Ѽ ка́кѡ закᲂнᲂпрестꙋ́пныи сᲂбо́ръ . и҆ ны́нѣ , пра́здникꙋ . по́сланъ бы́сть . вы́хᲂдъ , с̾ є҆ѵⷢ҇а́лїемъ : свѣ́те ти́хїи . прᲂки́менъ , и҆ чте́нїѧ , дню̀ . и҆ пра́здникꙋ , є҃ . та́же , прᲂки́менъ , а҆пⷭ҇лъ , а҆ллилꙋ́їѧ , и҆ є҆ѵⷢ҇а́лїе , дню̀ . пᲂто́мъ , є҆ктенїѧ̀ : рце́мъ всѝ . та́же , спᲂдо́би гдⷭ҇и в̾ ве́черъ . і҆єре́й : и҆спо́лнимъ вече́рнїѧ мᲂли́твы . на стихо́внѣ , стихѣ́ры , дню̀ . гла́съ , в҃ . со стихѝ и҆́хъ . сла́ва , пра́здникꙋ . и҆́же ѿ́ вѣка та́инство . и҆ ны́нѣ , дню̀ , гла́съ , є҃ . тебѐ ѡ҆дѣ́ющагᲂсѧ свѣ́тᲂмъ . та́же , ны́нѣ ѿпꙋща́еши . трⷭ҇то́е , и҆ по ѻ҆́ч҃е на́шъ . трᲂпа́рь , пра́здникꙋ . сла́ва , и҆ ны́нѣ . бл҃гᲂѡ҆бра́зныи і҆ѡ́сифъ . і҆єре́й , премꙋ́дрᲂсть . и҆ ѿпꙋ́стъ .

па́вечерницꙋ пᲂе́мъ ма́лꙋю . по трⷭ҇то́мъ , кᲂнда́къ , дню̀ . сла́ва , и҆ ны́нѣ , пра́здникꙋ .

причасѣ́же , ѕ҃ мъ , но́щи , ᲂу҆дарѧ́етъ в̾ вели́кїи , и҆ во всѧ̀ тѧ́жкаѧ . и҆ пᲂе́мъ , ᲂу҆́треню . на бг҃ъ гдⷭ҇ь , трᲂпа́рь , дню̀ . бл҃гᲂѡ҆бра́зныи і҆ѡ́сифъ , аⷤ . є҆гда̀ сни́де ко сме́рти , аⷤ . сла́ва , мѷрᲂно́сицамъ жена́мъ . и҆ ны́нѣ , пра́здникꙋ . та́же , пᲂе́мъ непᲂро́чны , на́ гласъ , є҃ . кади́тъ же і҆єре́й на пе́рвᲂй сла́вѣ . та́кᲂже , и҆ на втᲂро́й , и҆ на тре́тїей . по скᲂнча́нїи непᲂро́чныхъ , пᲂе́мъ трᲂпарѝ , вᲂскрⷭ҇ны : а҆́нг҃льскїи сᲂбо́ръ , и҆ про́чаѧ . та́же , є҆ктенїѧ̀ ма́лаѧ . и҆ сѣда́ленъ , дню̀ . та́же , пᲂлїелеѡ́съ , и҆ сѣда́ленъ , пра́здникꙋ . степе́нна , д҃ го гла́са . а҆нтиѳо́нъ , а҃ .= прᲂки́менъ , и҆ є҆ѵⷢ҇а́лїе , пра́здникꙋ . пᲂсе́мъ , є҆ѵⷢ҇а́лїе , стрⷭ҇тно́е , и҃ е . ѱл҃о́мъ , н҃ . стихѣ́ра , пра́здникꙋ . кано́нъ , пра́здникꙋ , со і҆рмᲂсо́мъ , на и҃ . и҆ дню̀ , со і҆рмᲂсо́мъ , на и҃ . катава́сїѧ , і҆рмо́съ , в̾ трїѡ́ди , ѻ҆́ба ли́ка в̾кꙋ́пѣ . =по г҃ , пѣ́сни , кᲂнда́къ , и҆ и҆́кᲂсъ , и҆ сѣда́ленъ , дню̀ . сла́ва , и҆ ны́нѣ , пра́здникꙋ . по ѕ҃ , пѣ́сни , кᲂнда́къ , и҆ и҆́кᲂсъ , пра́здникꙋ . и҆ про́лᲂгъ . на ѳ҃ , пѣ́сни , чⷭ҇тнѣ́йшꙋ непᲂе́мъ . но пᲂе́мъ , припѣ́въ , и҆ і҆рмо́съ , пра́здникꙋ , ꙗ҆́кᲂже ᲂу҆ка́зано в̾ вели́кїи пнⷣе . та́же , ст҃ъ гдⷭ҇ь бг҃ъ на́ш̾ , на́гласъ , в҃ . свѣти́ленъ , пра́здникꙋ , двⷤа . на хвали́тѣхъ , стихѣ́ры , дню̀ , г҃ . и҆ пра́здникꙋ , г҃ . та́же , сти́хъ : гла́съ , и҃ . бл҃гᲂвѣсти́те дн҃ь ѿ́ дне , спасе́нїе бг҃а на́шегѡ . пᲂе́мъ : да веселѧ́тсѧ нб҃са̀ . сла́ва , дню̀ . гла́съ , ѕ҃ . прᲂсѝ і҆ѡ́сифъ . и҆ ны́нѣ , пребл҃гᲂслᲂве́на є҆сѝ . славᲂсло́вїе вели́кᲂе . и҆ быва́етъ и҆схᲂже́нїе с̾ є҆ѵⷢ҇а́лїемъ , ꙗ҆́кᲂже пи́сано в̾ трїѡ́ди . та́же , трᲂпа́рь , паремїѝ , гла́съ , в҃ . сᲂдержа́и кᲂнцы̀ . прᲂки́менъ , и҆ паремїѧ̀ дню̀ . та́же , прᲂки́менъ , а҆пⷭ҇лъ , а҆ллилꙋ́їѧ , и҆ є҆ѵⷢ҇а́лїе , дню̀ . є҆ктенїѝ , и҆ ѿпꙋ́стъ . и҆ ча́съ , а҃ . на часѣ́хъ , трᲂпа́рь , пра́здникꙋ . сла́ва , дню̀ . кᲂндакѝ премѣнѧ́ѧ . бл҃же́нна ско́ро , без̾ пѣ́нїѧ . пᲂмѧнѝ на́съ гдⷭ҇и , и҆ про́чее . по ѻ҆́ч҃е на́шъ . кᲂнда́къ , дню̀ . сла́ва , и҆ ны́нѣ , пра́здникꙋ . гдⷭ҇и пᲂми́лꙋй , м҃ . мᲂли́тва : всест҃а́ѧ трⷪ҇це . и҆ ѿпꙋ́стъ .

Во ст҃ꙋ́ю и҆ вели́кꙋю сꙋбо́тꙋ , ве́черъ , при часѣ̀ в҃і , кле́плетъ в̾ вели́кᲂе , и҆ во всѧ̀ тѧжка́ѧ . и҆ сᲂбра́вшимсѧ в̾ цр҃квь , и҆ бл҃гᲂслᲂви́вшꙋ і҆єре́ю , и҆ пᲂе́мъ вече́рню : прїиди́те пᲂклᲂни́мсѧ , гⷤ . и҆ про́чее , по ѻ҆бы́чаю . на гдⷭ҇и вᲂзва́хъ , стихѣ́ры , вᲂскрⷭ҇ны , г҃ . гла́съ , а҃ . вече́рнїѧ на́ша мᲂли́твы . и҆ вели́кїѧ сꙋбо́ты , г҃ . гла́съ , и҃ . и҆ пра́здникꙋ , на д҃ . сла́ва , дню̀ . гла́съ , ѕ҃ . дне́шнїи та́йнѡ . и҆ ны́нѣ , пра́здникꙋ . по́сланъ бы́сть . вы́хᲂдъ , с̾ є҆ѵⷢ҇а́лїемъ : свѣ́те ти́хїи . прᲂки́мна , негл҃емъ . но а҆́бїе , і҆єре́й гл҃етъ , премꙋ́дрᲂсть . и҆ чте́нїѧ , дню̀ , по́ чинꙋ и҆́хъ . по скᲂнча́нїи же чте́нїѧ , є҆ктенїѧ̀ ма́лаѧ . в̾мѣ́стѡ трⷭ҇та́гѡ : є҆ли́цы во хрⷭ҇та̀ крⷭ҇ти́стесѧ . прᲂки́менъ , а҆пⷭ҇лъ , дню̀ , и҆ пра́здникꙋ . а҆ллилꙋ́їѧ , дню̀ . є҆ѵⷢ҇а́лїе , дню̀ , и҆ пра́здникꙋ . в̾мѣ́стᲂже херꙋви́мскїѧ пѣ́сни пᲂе́тсѧ : Да мᲂлчи́тъ всѧ́ка пло́ть . и҆ по́рѧдꙋ бжⷭ҇твенаѧ литꙋргі́ѧ вели́кагѡ васи́лїѧ . в̾мѣ́стѡ дᲂсто́йна пᲂе́мъ , і҆рмо́съ : нерыда́й менѐ мт҃и . в̾ хра́мѣ же бл҃гᲂвѣ́щенїѧ бцⷣы , пᲂе́мъ і҆рмо́съ : ꙗ҆́кѡ ѡ҆дш҃е́внѣмъ бж҃їи . прича́стенъ , дню̀ , и҆ пра́здникꙋ .

А҆́ще ли прилꙋчи́тсѧ бл҃гᲂвѣ́щенїе , въ са́мꙋю ст҃ꙋ́ю и҆ вели́кꙋю недѣ́лю па́схи . є҆́же є҆́сть гдⷭ҇ьствено бы́ти , пра́здникꙋ бл҃гᲂвѣ́щенїѧ прест҃ы́ѧ бцⷣы . в̾ вели́кꙋю сꙋбо́тꙋ , ве́черъ . на гдⷭ҇и вᲂзва́хъ , стихѣ́ры , вᲂскрⷭ҇ны , г҃ . и҆ вели́кїѧ сꙋбо́ты , г҃ . и҆ пра́здникꙋ , на д҃ . сла́ва , гла́съ , ѕ҃ . дне́шнїи та́йнѡ . и҆ ны́нѣ , пра́здникꙋ . по́сланъ бы́сть . вы́хᲂдъ , с̾ є҆ѵⷢ҇а́лїемъ : свѣ́те ти́хїи . прᲂки́мна , негл҃емъ . но а҆́бїе , і҆єре́й гл҃етъ , премꙋ́дрᲂсть . и҆ чте́тсѧ , пе́рвᲂе чте́нїе дню̀ . в̾ нача́лѣ сᲂтвᲂрѝ бг҃ъ нб҃о и҆ зе́млю . є҆ди́на паремїѧ̀ . та́же , пра́здникꙋ , бл҃гᲂвѣ́щенїю , чте́нїи , є҃ . та́же , и҆ про́чаѧ чте́нїѧ дню̀ , по́чинꙋ и҆́хъ . и҆ по́рѧдꙋ бжⷭ҇твенаѧ литꙋргі́ѧ , вели́кагѡ васи́лїѧ .= по ѿпꙋще́нїи же литꙋргі́и . быва́етъ ꙗ҆де́нїе . и҆ чте́нїе , дѣѧ́нїѧ ст҃ы́хъ а҆пⷭ҇лъ , по́чинꙋ и҆́хъ , ꙗ҆́кᲂже ᲂу҆ка́зано в̾ вели́кꙋю сꙋбо́тꙋ . и҆ кᲂнча́нꙋ бы́вшꙋ чте́нїю . блгⷭ҇ви́вшꙋ , і҆єре́ю , гл҃емъ , трⷭ҇то́е , и҆ по ѻ҆́ч҃е на́шъ . гдⷭ҇и пᲂми́лꙋй , в҃і . сла́ва , и҆ ны́нѣ . прїиди́те пᲂклᲂни́мсѧ , гⷤ . ѱл҃о́мъ , н҃ . =и҆ пᲂе́мъ , кано́нъ , пра́здникꙋ , со і҆рмᲂсо́мъ , на́ ѕ҃ . и҆ вели́кᲂй сꙋбо́тѣ , со і҆рмᲂсо́мъ , на и҃ . катава́сїѧ , і҆рмо́съ , сꙋбо́тѣ . ѻ҆́ба ли́ка в̾кꙋ́пѣ . по г҃ , пѣ́сни , кᲂнда́къ , и҆ и҆́кᲂсъ , пра́здникꙋ . сѣда́ленъ , дню̀ . сла́ва , и҆ ны́нѣ . сѣда́ленъ , пра́здникꙋ . по ѕ҃ , пѣ́сни , кᲂнда́къ , и҆ и҆́кᲂсъ , дню̀ . на ѳ҃ , пѣ́сни , чⷭ҇тнѣ́йшꙋю непᲂе́мъ . по ѳ҃ , пѣ́сни , трⷭ҇то́е , и҆ по ѻ҆́ч҃е на́шъ . трᲂпа́рь : є҆гда̀ сни́де к̾сме́рти . сла́ва , и҆ нн҃ѣ , пра́здникꙋ . є҆ктенїѧ̀ . и҆ ѿпꙋ́стъ .

А҆́ще бꙋ́детъ вре́мѧ по́ранꙋ . прилага́етсѧ чте́нїе , дню̀ . є҆мꙋ́же что́мꙋ , є҆клисїа́рхъ ᲂу҆́бѡ раз̾дае́тъ свѣщѝ бра́тїи . кадилᲂвжига́тельже взе́мъ бл҃гᲂслᲂве́нїе ᲂу҆ настᲂѧ́телѧ , и҆ ше́дъ кле́плетъ во всѧ̀ . и҆ по чте́нїи и҆схо́димъ всѝ в̾ притво́ръ . пред̾хᲂдѧ́щимъ , настᲂѧ́телю со свѣ́щникᲂмъ . и҆ затво́ршимсѧ две́ремъ , кади́тъ по́ чинꙋ всю̀ бра́тїю . и҆ ста́въ пред̾ вели́кими враты̀ цр҃ко́вными кади́тъ , крⷭ҇тᲂѡ҆бра́знѡ , гⷤ . и҆ гл҃етъ : Сла́ва ст҃ѣ́й и҆ є҆динᲂсꙋ́щнѣй . кли́рицы : а҆ми́нь . и҆ начина́етъ настᲂѧ́тель , трᲂпа́рь , гла́съ , є҃ . Хрⷭ҇то́съ вᲂскр҃се и҆з̾ ме́ртвыхъ сме́ртїю на сме́рть настꙋпѝ , и҆ гро́бнымъ живо́тъ дарᲂва̀ . гⷤ . кли́рицы : хрⷭ҇то́съ вᲂскр҃се , гⷤ . настᲂѧ́тель гл҃етъ , сти́хъ , а҃ . да вᲂскрⷭ҇нетъ бг҃ъ и҆ разы́дꙋтсѧ вразѝ є҆гѡ̀ . кли́рицы : хрⷭ҇то́съ вᲂскр҃се , гⷤ . настᲂѧ́тель , сти́хъ , в҃ . ꙗ҆́кѡ и҆счеза́етъ ды́мъ да и҆сче́знꙋтъ . кли́рицы : хрⷭ҇то́съ вᲂскр҃се , гⷤ . настᲂѧ́тель , сти́хъ , г҃ . та́кѡ да пᲂги́бнꙋтъ грѣ́шницы ѿ лица̀ бж҃їѧ , а҆ пра́ведницы вᲂз̾веселѧ́тсѧ . кли́рицы : хрⷭ҇то́съ вᲂскр҃се , гⷤ . настᲂѧ́тель , сти́хъ , д҃ . сі́и де́нь и҆́же сᲂтвᲂрѝ гдⷭ҇ь , вᲂзра́дꙋемсѧ и҆ вᲂзвесели́мсѧ во́нь . кли́рицы : хрⷭ҇то́съ вᲂскр҃се , гⷤ . и҆ а҆́бїе настᲂѧ́тель , велегла́снѡ : хрⷭ҇то́съ вᲂскр҃се . и҆ ѿве́рзшимсѧ врато́мъ , в̾хо́дитъ в̾ цр҃кᲂвь , пред̾и҆дꙋ́щимъ свѣ́щникᲂмъ . и҆ кли́рикᲂмъ пᲂю́щимъ : и҆ сꙋ́щимъ во́грᲂбѣ живо́тъ дарᲂва̀ . и҆ по внегда́ же вни́ти настᲂѧ́телю во ѻ҆лта́рь , глаго́лемъ , сла́вꙋ . и҆ пᲂе́мъ , трᲂпа́рь , пра́здникꙋ . гла́съ , д҃ . дне́сь спасе́нїю на́шемꙋ . и҆ ны́нѣ , то́йже . та́же , є҆ктенїѧ̀ вели́каѧ : ми́рᲂмъ гдⷭ҇ꙋ пᲂмо́лимсѧ . и҆ по вᲂз̾гла́сѣ , начина́етъ пред̾ста́тель , і҆рмо́съ . вᲂскрⷭ҇нїѧ де́нь . и҆ пᲂе́мъ , кано́нъ , па́сцѣ , со і҆рмᲂсо́мъ , на и҃ . і҆рмо́съ , вⷤ . и҆ бл҃гᲂвѣ́щенїю , со і҆рмᲂсо́мъ , на и҃ . і҆рмо́съ , вⷤ . пᲂслѣди́же , катава́сїѧ , і҆рмо́съ , ѻ҆бᲂю̀ кано́нᲂвъ . кі́иждо ли́къ сво́й . по ко́ейждо пѣ́сни , є҆ктенїѧ̀ ма́лаѧ , и҆ вᲂз̾гла́сы . по г҃ , пѣ́сни , кᲂнда́къ , и҆ и҆́кᲂсъ , па́сцѣ . сла́ва , и҆ ны́нѣ , ѵ҆пакᲂй . по ѕ҃ , пѣ́сни , кᲂнда́къ , и҆ и҆́кᲂсъ , бл҃гᲂвѣ́щенїю . та́же , прᲂки́менъ , бл҃гᲂвѣ́щенїю . бл҃гᲂвѣсти́те дн҃ь ѿ́ дне , спасе́нїе бг҃а на́шегѡ . сти́х̾ . вᲂспо́йте гдⷭ҇ви пѣ́снь но́вꙋ , вᲂспо́йте гдⷭ҇ви всѧ̀ землѧ̀ . всѧ́ко дыха́нїе . є҆ѵⷢ҇а́лїе , ѿ лꙋкѝ . заⷱ҇ , д҃ . та́же , вᲂскрⷭ҇нїе хрⷭ҇то́во , гⷤ . и҆ стⷯра : вᲂскр҃съ і҆с҃ъ , гⷤ , на́ гласъ , ѕ҃ . пᲂсе́мъ , пѣ́снь , з҃ ѧ . и҆ про́чихъ двѣ̀ . на ѳ҃ , пѣ́сни , бл҃гᲂвѣ́щенїю пᲂе́мъ припѣ́вы . свѣти́ленъ , па́сцѣ , аⷤ . и҆ пра́здникꙋ , вⷤ . на хвали́тѣхъ , стихѣ́ры , вᲂскрⷭ҇ны , на д҃ . и҆ бл҃гᲂвѣ́щенїю , на д҃ , со стихѝ и҆́хъ . та́же , ѻ҆́ба ли́ка в̾кꙋ́пѣ . да вᲂскрⷭ҇нетъ бг҃ъ . и҆ стⷯры , па́сцѣ . гла́съ , є҃ , с̾ про́чими стихѝ и҆́хъ . сла́ва , бл҃гᲂвѣ́щенїю . гла́съ , и҃ . да веселѧ́тсѧ нб҃са̀ . и҆ ны́нѣ , па́сцѣ . вᲂскрⷭ҇нїѧ дн҃ь . и҆ цѣлᲂва́нїе по ѻ҆бы́чаю . и҆ пᲂꙋче́нїе златᲂꙋ́стᲂво . и҆ є҆ктенїѧ̀ , и҆ ѿпꙋ́стъ . ча́сᲂве же пᲂю́тсѧ по ᲂу҆ста́вꙋ па́сцѣ . на литꙋргі́и , а҆нтифо́ны , па́сцѣ . по вхо́дѣ гл҃емъ : въ цр҃квахъ блгⷭ҇ви́те бг҃а гдⷭ҇а ѿ и҆сто́чникъ і҆и҃левъ . хрⷭ҇то́съ вᲂскр҃се , гⷤ . сла́ва , трᲂпа́рь , бл҃гᲂвѣ́щенїю . и҆ ны́нѣ , кᲂнда́къ , па́сцѣ . в̾мѣ́стѡ трⷭ҇та́гѡ : є҆ли́цы во хрⷭ҇та̀ крⷭ҇ти́стесѧ . прᲂки́менъ , а҆пⷭ҇лъ , а҆ллилꙋ́їѧ , и҆ є҆ѵⷢ҇а́лїе , па́сцѣ , и҆ бл҃гᲂвѣ́щенїю . є҆гда́же приспѣ́етъ на литꙋргі́и вре́мѧ честѝ ст҃о́е є҆ѵⷢ҇а́лїе . и҆ чте́тъ і҆єре́й є҆ѵⷢ҇а́лїе па́сцѣ со дїа́кᲂнᲂмъ , ꙗ҆́кᲂже ᲂу҆каза́сѧ на литꙋргі́и в̾ нлⷣю нарѧдꙋ̀ в̾пѧтьдесѧ́тницѣ . та́же , чте́тъ є҆ѵⷢ҇а́лїе бл҃гᲂвѣ́щенїю , є҆ди́нъ дїа́кᲂнъ по ѻ҆бы́чаю , ꙗ҆́кᲂже и҆ всегда̀ . и҆ к̾ тᲂмꙋ̀ є҆ѵⷢ҇а́лїю в̾ канді́ю не ᲂу҆дарѧ́ютъ и҆ незвᲂнѧ́тъ , ꙗ҆́кᲂже к̾ пре́жнемꙋ є҆ѵⷢ҇а́лїю па́сцѣ . и҆ по́рѧдꙋ бжⷭ҇твенаѧ литꙋргі́ѧ златᲂꙋ́стᲂва . за дᲂсто́йнѡ , і҆рмо́съ па́сцѣ . прича́стенъ , па́сцѣ , и҆ бл҃гᲂвѣ́щенїю .

А҆́ще ли прилꙋчи́тсѧ бл҃гᲂвѣ́щенїе , в̾ пнⷣе , и҆лѝ вᲂвто́рникъ , и҆лѝ в̾ сре́дꙋ , свѣ́тлыѧ нлⷣи . во ст҃ꙋ́ю и҆ вели́кꙋю нлⷣю па́схи , ве́черъ . на ма́лѣй вече́рни , по внегда̀ рещѝ і҆єре́ю , хрⷭ҇то́съ вᲂскр҃се , гⷤ . и҆ стихѝ ѻ҆бы́чныѧ . сла́ва , и҆ ны́нѣ . хрⷭ҇то́съ вᲂскр҃се . та́же , є҆ктенїѧ̀ . на гдⷭ҇и вᲂзва́хъ , стихѣ́ры , вᲂскрⷭ҇ны , на д҃ . сла́ва , и҆ ны́нѣ , пра́здникꙋ . гла́съ , в҃ . и҆́же ѿ́ вѣка та́инство . та́же , свѣ́те ти́хїи , без̾ вы́хᲂда . прᲂки́менъ , вели́кїи . со стихѝ є҆гѡ̀ . та́же , спᲂдо́би гдⷭ҇и . на стихо́внѣ , стⷯра , вᲂскрⷭ҇на , а҃ . та́же , стихѣ́ры , пра́здникꙋ . гла́съ , д҃ . вели́кїѧ вече́рни , со стихѝ и҆́хъ . сла́ва , гла́съ , в҃ . бл҃гᲂвѣсти́тъ гаврїи́лъ . и҆ ны́нѣ , гла́съ , є҃ . вᲂскрⷭ҇нїѧ дн҃ь . хрⷭ҇то́съ вᲂскр҃се , гⷤ . сла́ва , и҆ ны́нѣ . трᲂпа́рь , пра́здникꙋ . є҆ктенїѧ̀ ма́лаѧ . и҆ ѿпꙋ́стъ . на вели́цѣй вече́рни , пᲂвнегда̀ кади́ти і҆єре́ю , и҆ рещѝ є҆мꙋ̀ : сла́ва ст҃ѣ́й и҆ є҆динᲂсꙋ́щнѣй . и҆ пᲂе́тъ : хрⷭ҇то́съ вᲂскр҃се , гⷤ . и҆ стихѝ є҆гѡ̀ . сла́ва , и҆ ны́нѣ . хрⷭ҇то́съ вᲂскр҃се , гⷤ . та́же , є҆ктенїѧ̀ .= на гдⷭ҇и вᲂзва́хъ , стихѣ́ры , вᲂскрⷭ҇ны , на д҃ . и҆ пра́здникꙋ , на́ ѕ҃ . сла́ва , и҆ ны́нѣ , пра́здникꙋ . по́сланъ бы́сть . =вы́хᲂдъ : свѣ́те ти́хїи . прᲂки́менъ , вели́кїи , со стихѝ є҆гѡ̀ . и҆ чте́нїѧ пра́здникꙋ , є҃ . а҆́ще в̾ нлⷣю ве́черъ , і҆єре́й : и҆ ѡ҆ спᲂдо́битисѧ на́мъ . є҆ѵⷢ҇а́лїе , ѿ і҆ѡа́нна . заⷱ҇ , ѯ҃є . сꙋ́щꙋ по́здѣ в̾ дн҃ь то́й . кᲂне́цъ , не и҆мꙋ̀ вѣ́ры . та́же , є҆ктенїѧ̀ : рце́мъ всѝ . и҆ спᲂдо́би гдⷭ҇и в̾ве́черъ . та́же , є҆ктенїѧ̀ : и҆спо́лнимъ вече́рнѧѧ . на литі́и , стⷯры , пра́здникꙋ . сла́ва , и҆ ны́нѣ . бл҃гᲂвѣсти́тъ гаврїи́лъ . на стихо́внѣ , стⷯра , вᲂскрⷭ҇на , є҆ди́на . та́же , стихѣ́ры , па́сцѣ , со стихѝ и҆́хъ . сла́ва , пра́здникꙋ . дне́сь ра́дᲂсть бл҃гᲂвѣ́щенїѧ . и҆ ны́нѣ , па́сцѣ . вᲂскрⷭ҇нїѧ дн҃ь . и҆ на кᲂне́цъ , хрⷭ҇то́съ вᲂскр҃се , гⷤ . трᲂпа́рь пра́здникꙋ , гⷤ . и҆ блгⷭ҇ве́нїе хлѣ́бᲂмъ .

на ᲂу҆́трени , по внегда̀ блгⷭ҇ви́ти і҆єре́ю . и҆ рещѝ : хрⷭ҇то́съ вᲂскр҃се , гⷤ . и҆ стихѝ є҆гѡ̀ . и҆ по скᲂнча́нїи , сла́ва , трᲂпа́рь , пра́здникꙋ . и҆ ны́нѣ , то́йже . та́же , є҆ктенїѧ̀ вели́каѧ . и҆ пᲂлїєлеѡ́съ , и҆ сѣда́ленъ . степе́нна , д҃ го гла́са . а҆нтиѳо́нъ , а҃ .= прᲂки́менъ , и҆ є҆ѵⷢ҇а́лїе , пра́здникꙋ . вᲂскрⷭ҇нїе хрⷭ҇то́во , гⷤ . а҆ ѱл҃о́мъ , н҃ , не гл҃емъ . но а҆́бїе : сла́ва , мᲂли́твъ ра́ди бцⷣы . и҆ ны́нѣ , то́йже . пᲂсе́мъ , сти́хъ , на́ гласъ , ѕ҃ . бл҃гᲂвѣсти́тъ де́нь ѿ́ дне . и҆ пᲂе́мъ , стⷯрꙋ , пра́здникꙋ . гла́съ , ѕ҃ . по́сланъ бы́сть . та́же , і҆єре́й гл҃етъ : спасѝ бж҃е лю́ди свᲂѧ̀ . гдⷭ҇и пᲂми́лꙋй , в҃і . и҆ по вᲂз̾гла́сѣ , кано́нъ па́сцѣ , со і҆рмᲂсо́мъ , на́ ѕ҃ . и҆ пра́здникꙋ , со і҆рмᲂсо́мъ , на и҃ . і҆рмᲂсы̀ па́сцѣ , и҆ пра́здникꙋ , по два́жды . катава́сїѧ , бл҃гᲂвѣ́щенїю . і҆рмо́съ , ѻ҆́ба ли́ка в̾кꙋ́пѣ . =по г҃ , пѣ́сни , кᲂнда́къ , и҆ и҆́кᲂсъ , па́сцѣ . сла́ва , и҆ ны́нѣ , сѣда́ленъ , пра́здникꙋ . по ѕ҃ , пѣ́сни , кᲂнда́къ , и҆ и҆́кᲂсъ , пра́здникꙋ . та́же , пᲂе́мъ , стихѣ́рꙋ : вᲂскр҃съ і҆с҃ъ , гⷤ . на ѳ҃ , пѣ́сни , бл҃гᲂвѣ́щенїю пᲂе́мъ припѣ́вы . свѣти́ленъ , па́сцѣ , аⷤ . и҆ пра́здникꙋ , вⷤ . на хвали́тѣхъ , стихѣ́ры , вᲂскрⷭ҇ны , г҃ . и҆ пра́здникꙋ , г҃ . та́же , ѻ҆́ба ли́ка в̾кꙋ́пѣ . да вᲂскрⷭ҇нетъ бг҃ъ . и҆ стⷯры , па́сцѣ . гла́съ , є҃ , с̾ про́чими стихѝ и҆́хъ . сла́ва , бл҃гᲂвѣ́щенїю . гла́съ , и҃ . да веселѧ́тсѧ нб҃са̀ . и҆ ны́нѣ , па́сцѣ . гла́съ , є҃ . вᲂскрⷭ҇нїѧ дн҃ь . хрⷭ҇то́съ вᲂскр҃се , гⷤ . сла́ва , и҆ ны́нѣ . трᲂпа́рь , пра́здникꙋ . и҆ є҆ктенїѧ̀ , и҆ ѿпꙋ́стъ . часы́ же , по ѡ҆бы́чаю па́сцѣ . на литꙋргі́и , а҆нтифо́ны , па́сцѣ . по вхо́дѣ гл҃емъ : въ цр҃квахъ блгⷭ҇ви́те бг҃а гдⷭ҇а ѿ и҆сто́чникъ і҆и҃левъ . хрⷭ҇то́съ вᲂскр҃се , гⷤ . и҆ трᲂпа́рь , пра́здникꙋ . сла́ва , кᲂнда́къ , па́сцѣ . и҆ ны́нѣ , кᲂнда́къ , пра́здникꙋ . в̾мѣ́стѡ трⷭ҇та́гѡ : є҆ли́цы во хрⷭ҇та̀ крⷭ҇ти́стесѧ . прᲂки́менъ , а҆пⷭ҇лъ , а҆ллилꙋ́їѧ , и҆ є҆ѵⷢ҇а́лїе , пре́же бл҃гᲂвѣ́щенїю . та́же , дню̀ . и҆ по́рѧдꙋ бжⷭ҇твенаѧ литꙋргі́ѧ златᲂꙋ́стᲂва . прича́стенъ , па́сцѣ , и҆ пра́здникꙋ .

И҆звѣ́стно же да бꙋ́детъ , ꙗ҆́кѡ не свᲂи́мъ смᲂтре́нїемъ , ѡ҆ є҆́же ка́кѡ пѣ́тисѧ пᲂдᲂба́етъ бл҃гᲂвѣ́щенїю , во́дни ст҃ы́ѧ , м҃ цы , и҆ в̾ седми́цѣ вели́кїѧ недѣ́ли , и҆ на ст҃ꙋ́ю па́схꙋ слꙋ́жба , и҆ є҆́же ѡ҆ се́мъ пᲂвелѣ́но бы́сть . и҆́бо ти́пикꙋ вели́кїѧ цр҃кве пᲂслѣ́дᲂвавше . и҆звѣ́стно же , и҆ синаѯа́рь ви́дѣвше , честны́ѧ ѻ҆би́тели стꙋді́йскїѧ , и҆ про́чихъ . нето́чїюже , но и҆ і҆єрⷭ҇ли́мскїѧ ти́пики прᲂше́дше , сїѧ̀ вчини́хᲂмъ . и҆ никто́же ᲂу҆́бѡ диви́тсѧ премѣне́нїю быва́емꙋ , стихѣ́рамъ же и҆ кано́нᲂмъ и҆ чте́нїѧмъ , прᲂки́менѡмъ же , и҆ а҆пⷭ҇лѡмъ , и҆ а҆ллилꙋ́їѧремъ , и҆ є҆ѵⷢ҇а́лїѧмъ , и҆ прича́стнᲂмъ , є҆́же та́кѡ премѣни́ти пᲂвелѣ́но є҆́сть ; но де́нь да сматрѧ́етъ , є҆гда̀ на́вечерїе бл҃гᲂвѣ́щенїѧ быва́етъ . та́кᲂже и҆ де́нь пра́здника є҆́сть . и҆ ѡ҆брѧ́щеши ꙗ҆́кѡ є҆гда̀ в̾ по́стенъ де́нь на́вечерїе слꙋчи́тсѧ че́сти ра́ди ст҃ы́ѧ , м҃ цы , пᲂе́мъ , стихѣ́ры , дню̀ . и҆ пᲂто́мъ бл҃гᲂвѣ́щенїю . и҆ литꙋргі́ѧ , прежесщ҃е́нныхъ . ѿ тꙋ́дꙋ же прїи́мꙋтъ нача́ло пра́здникꙋ , всѧ̀ пред̾варѧ́ютъ бл҃гᲂвѣ́щенїю .

Пᲂдᲂба́етъ вѣ́дати , ꙗ҆́кѡ а҆́ще прилꙋчи́тсѧ пра́здникъ се́й , вко́йлюбо де́нь вели́кїѧ нлⷣи . и҆лѝ в̾ сꙋбо́тꙋ , ла́заревꙋ . и҆лѝ в̾ нлⷣю цвѣтᲂно́снꙋю . пре́же в̾чини́хᲂмъ бл҃гᲂвѣ́щенїѧ слꙋ́жбꙋ . пᲂне́же пре́же стрⷭ҇ти хрⷭ҇то́вѣ бы́ти си́мъ пра́здникᲂмъ , за є҆́же небы́ти пᲂстꙋ̀ в̾ ни́хъ . па́ки же в̾ вели́кїѧ днѝ седми́цы раз̾сꙋди́хᲂмъ , а҆́ще прилꙋчи́тсѧ в̾ ни́хъ бл҃гᲂвѣ́щенїе . на вече́рни , пред̾варѧ́ютъ , стⷯры , дню̀ . и҆ пᲂто́мъ , бл҃гᲂвѣ́щенїю , пᲂста̀ ра́ди , ꙗ҆́кᲂже пре́же рѣ́хᲂмъ , и҆ за пресла́внᲂе днѧ̀ . бы́ти же в̾ вели́кїи пѧто́къ , и҆ прᲂскᲂми́дїи в̾чини́хᲂмъ , а҆́ще прилꙋчи́тсѧ бл҃гᲂвѣ́щенїе в̾ вели́кᲂй нлⷣи . а҆́ще бо и҆ пра́вила и҆́накѡ пᲂвелѣва́ютъ , но ѡ҆брѣто́хᲂмъ в̾ сᲂбо́рнᲂй вели́кїѧ цр҃кве , въ мᲂле́бныхъ храмѣ́хъ бцⷣы , быва́ти съ прᲂсѳира́ми слꙋ́жбѣ сᲂверше́ннѣй . тѣ́мже сїѧ̀ си́це в̾чини́хᲂмъ . быва́ти и҆ в̾ вели́кїи пѧто́къ , литꙋргі́и златᲂꙋ́стᲂвѣ а҆́ще гдѣ̀ прилꙋчи́тсѧ хра́мъ ст҃а́гѡ , и҆лѝ ст҃ы́ѧ . а҆́ще бо и҆ пра́вила и҆́накѡ пᲂвелѣва́ютъ . то̀ въ хра́мѣ то́чїю пᲂдᲂба́етъ бы́ти слꙋ́жбѣ . крᲂмѣ́же хра́ма ника́кᲂже ѿ ню́дъ небыва́етъ . не пᲂдᲂба́етъ бы́ти , ни прежесщ҃е́ннᲂй .

Оу҆ка́зъ ѡ҆ ѿда́нїи слꙋ́жбѣ бл҃гᲂвѣ́щенїѧ . пᲂдᲂба́етъ вѣ́дати , а҆́ще прилꙋчи́тсѧ бл҃гᲂвѣ́щенїѧ , въ пѧто́къ , г҃ ѧ и҆лѝ д҃ ѧ , нлⷣи пᲂста̀ . пᲂе́мъ всю̀ слꙋ́жбꙋ пра́здникꙋ , с̾ трїѡ́дїю пᲂꙋста́вꙋ , ꙗ҆́кᲂже пре́же ᲂу҆ка́зано нарѧдꙋ̀ . на ᲂу҆́трени , в̾ сꙋбо́тꙋ , ѿда́нїе пᲂе́мъ , пра́здникꙋ . на бг҃ъ гдⷭ҇ь , трᲂпа́рь , пра́здникꙋ , гⷤ . по каѳи́смахъ , сѣда́льны пра́здникꙋ . кано́нъ , пра́здникꙋ , со і҆рмᲂсо́мъ , на и҃ . и҆ а҆рха́нг҃лꙋ , на́ ѕ҃ . катава́сїѧ , пра́здникꙋ . четверᲂпѣ́сна же здѣ̀ непᲂе́мъ , но пᲂе́мъ напредѝ , в̾ четверто́къ , на па́вечерницѣ . по г҃ , пѣ́сни , кᲂнда́къ , и҆ и҆́кᲂсъ , и҆ сѣда́ленъ , а҆рха́нг҃лꙋ . сла́ва , и҆ ны́нѣ , пра́здникꙋ . по ѕ҃ , пѣ́сни , кᲂнда́къ , и҆ и҆́кᲂсъ , пра́здникꙋ .

на ѳ҃ , пѣ́сни , честнѣ́йшꙋ непᲂе́мъ . но пᲂе́мъ припѣ́въ , пра́здникꙋ . та́же , і҆рмо́съ . и҆ на кі́иждо , трᲂпа́рь , пра́здникꙋ пᲂе́мъ , то́йже припѣ́въ . на схо́дѣ пᲂе́мъ припѣ́въ , и҆ і҆рмо́съ , пра́здникꙋ , и҆ пᲂкло́нъ до землѝ . свѣти́ленъ , пра́здникꙋ . сла́ва , а҆рха́нг҃лꙋ . и҆ ны́нѣ , пра́здникꙋ . на хвали́тѣхъ , стихѣ́ры , на́ ѕ҃ . пра́здникꙋ , г҃ . и҆ а҆рха́нг҃лꙋ , г҃ . сла́ва , и҆ ны́нѣ , пра́здникꙋ . славᲂсло́вїе вели́кᲂе . по трⷭ҇то́мъ , трᲂпа́рь , пра́здникꙋ . є҆ктенїѧ̀ , и҆ ѿпꙋ́стъ . и҆ ча́съ , а҃ . и҆ сᲂверше́ныи ѿпꙋ́стъ . на часѣ́хъ , трᲂпа́рь и҆ кᲂнда́къ пра́здникꙋ . на литꙋргі́и , бл҃же́нна , пра́здникꙋ , пѣ́снь г҃ ѧ , и҆ ѕ҃ ѧ . по вхо́дѣ , трᲂпа́рь , пра́здникꙋ . сла́ва , и҆ ны́нѣ , кᲂнда́къ , пра́здникꙋ . прᲂки́менъ , пра́здникꙋ . а҆пⷭ҇лъ , а҆ллилꙋ́їѧ , и҆ є҆ѵⷢ҇а́лїе , дню̀ , и҆ пра́здникꙋ . в̾мѣ́стѡ дᲂсто́йна , пᲂе́мъ і҆рмо́съ пра́здникꙋ . прича́стенъ , пра́здникꙋ .

А҆́ще ли прилꙋчи́тсѧ ѿда́нїе бл҃гᲂвѣ́щенїѧ , в̾ нлⷣю , г҃ ю , пᲂста̀ . въ сꙋбо́тꙋ , ве́черъ . на ма́лѣй вече́рни , на гдⷭ҇и вᲂзва́хъ , стⷯры , вᲂскрⷭ҇ны , на д҃ . сла́ва , и҆ ны́нѣ , боⷢ҇ . на стихо́внѣ , стихѣ́ра , вᲂскрⷭ҇на , є҆ди́на . и҆ пра́здникꙋ , стихо́вна , вели́кїѧ вече́рни со стихѝ свᲂи́ми . сла́ва , и҆ ны́нѣ , пра́здникꙋ . та́же , ны́нѣ ѿпꙋща́еши . трⷭ҇то́е , и҆ по ѻ҆́ч҃е на́шъ . трᲂпа́рь , вᲂскрⷭ҇нъ . сла́ва , и҆ ны́нѣ , пра́здникꙋ . є҆ктенїѧ̀ , и҆ ѿпꙋ́стъ .

на вели́цѣй вече́рни . бл҃же́нъ мꙋ́жь , каѳи́сма всѧ̀ . на гдⷭ҇и вᲂзва́хъ , стихѣ́ры вᲂскрⷭ҇ны , г҃ . и҆ крⷭ҇тꙋ̀ , д҃ . и҆ пра́здникꙋ , г҃ . сла́ва , крⷭ҇тꙋ̀ . и҆ ны́нѣ , боⷢ҇ , а҃ , гла́сꙋ . вы́хᲂдъ : свѣ́те ти́хїи . прᲂки́менъ , дню̀ , и҆ є҆ктенїѧ̀ . на литі́и , стⷯры , пра́здникꙋ . гла́съ , а҃ . и҆ хвали́тнᲂй є҆ди́нъ сти́хъ . гла́съ , а҃ . и҆ крⷭ҇тꙋ̀ , хвали́тнᲂй є҆ди́нъ сти́хъ . гла́съ , д҃ . сла́ва , пра́здникꙋ . бл҃гᲂвѣсти́тъ гаврїи́лъ . и҆ ны́нѣ , крⷭ҇тꙋ̀ . гла́съ , є҃ . зрѧ́щи тѧ тва́рь . на стихо́внѣ , стихѣ́ры , вᲂскрⷭ҇ны . сла́ва , крⷭ҇тꙋ̀ . гла́съ , д҃ . пᲂсᲂби́выи гдⷭ҇и . и҆ ны́нѣ , пра́здникꙋ . дне́сь ра́дᲂсть бл҃гᲂвѣ́щенїѧ . на блгⷭ҇ве́нїе хлѣ́бᲂмъ : трᲂпа́рь , пра́здникꙋ , двⷤа . и҆ крⷭ҇тꙋ̀ , аⷤ .

на ᲂу҆́трени . на бг҃ъ гдⷭ҇ь , трᲂпа́рь , вᲂскрⷭ҇нъ , двⷤа . сла́ва , крⷭ҇тꙋ̀ . и҆ ны́нѣ , пра́здникꙋ . по каѳи́смахъ , сѣда́льны , вᲂскрⷭ҇ны , с̾ бг҃ᲂро́дичны и҆́хъ . и҆ непᲂро́чны . и҆пако́й , гла́сꙋ . степе́нны , гла́сꙋ . прᲂки́менъ , гла́сꙋ . є҆ѵⷢ҇а́лїе , вᲂскрⷭ҇но .= вᲂскрⷭ҇нїе хрⷭ҇то́во . ѱл҃о́мъ , н҃ . стⷯра , пᲂкаѧ́нїѧ ѿве́рзи ми две́ри . и҆ про́чее всѐ вᲂскрⷭ҇но . кано́нъ , вᲂскрⷭ҇нъ , на д҃ . и҆ пра́здникꙋ , на д҃ . и҆ крⷭ҇тꙋ̀ , на́ ѕ҃ . катава́сїѧ , крⷭ҇тꙋ̀ . =по г҃ , пѣ́сни , кᲂнда́къ , и҆ и҆́кᲂсъ , пра́здникꙋ . и҆ сѣда́ленъ , крⷭ҇тꙋ̀ . сла́ва , и҆ ны́нѣ , пра́здникꙋ . по ѕ҃ , пѣ́сни , кᲂнда́къ , и҆ и҆́кᲂсъ , крⷭ҇тꙋ̀ . и҆ про́лᲂгъ . на ѳ҃ , пѣ́сни , пᲂе́мъ , честнѣ́йшꙋ . свѣти́ленъ , вᲂскрⷭ҇нъ . сла́ва , крⷭ҇тꙋ̀ . и҆ ны́нѣ , пра́здникꙋ . на хвали́тѣхъ , стихѣ́ры , вᲂскрⷭ҇ны , г҃ . и҆ крⷭ҇тꙋ̀ , два̀ . и҆ пра́здникꙋ , со сла́внымъ , г҃ . со стихѝ и҆́хъ . сти́хъ : бл҃гᲂвѣсти́те де́нь ѿ́ дне , спасе́нїе бг҃а на́шегѡ .= сти́хъ : вᲂспо́йте гдⷭ҇ви пѣ́снь но́вꙋ , вᲂспо́йте гдⷭ҇ви всѧ̀ землѧ̀ . =та́же , сти́хъ : вᲂскрⷭ҇нѝ гдⷭ҇и бж҃е мо́й . и҆ пᲂе́мъ , стихѣ́рꙋ , дню̀ . сла́ва , тꙋ́же . и҆ ны́нѣ , пребл҃гᲂслᲂве́на є҆сѝ . славᲂсло́вїе вели́кᲂе . и҆ слꙋ́жба крⷭ҇тᲂпᲂклᲂне́нїю , по ѡ҆бы́чаю , ꙗ҆́кᲂже ᲂу҆каза́сѧ нарѧдꙋ̀ в̾ м҃ цѣ . є҆ктенїѝ . и҆ ѿпꙋ́стъ . сла́ва , и҆ ны́нѣ , стⷯра , є҆ѵⷢ҇а́льскаѧ . и҆ ча́съ , а҃ . трᲂпа́рь , вᲂскрⷭ҇нъ . сла́ва , крⷭ҇тꙋ̀ . по ѻ҆́ч҃е на́шъ . кᲂнда́къ , вᲂскрⷭ҇нъ . и҆ сᲂверше́ныи ѿпꙋ́стъ . на г҃ мъ часѣ̀ : трᲂпа́рь , вᲂскрⷭ҇нъ . сла́ва , пра́здникꙋ . по ѻ҆́ч҃е на́шъ . кᲂнда́къ , крⷭ҇тꙋ̀ .= на ѕ҃ мъ часѣ̀ := трᲂпа́рь , вᲂскрⷭ҇нъ . сла́ва , крⷭ҇тꙋ̀ . по ѻ҆́ч҃е на́шъ . кᲂнда́къ , пра́здникꙋ .= на ѳ҃ мъ часѣ̀ := трᲂпа́рь , вᲂскрⷭ҇нъ . сла́ва , пра́здникꙋ . по ѻ҆́ч҃е на́шъ . кᲂнда́къ , вᲂскрⷭ҇нъ . на литꙋргі́и , бл҃же́нна , гла́сꙋ , на д҃ . и҆ крⷭ҇тꙋ̀ , пѣ́снь г҃ ѧ , на д҃ . и҆ пра́здникꙋ , пѣ́снь ѳ҃ ѧ , на д҃ . по вхо́дѣ : трᲂпа́рь , вᲂскрⷭ҇нъ , и҆ крⷭ҇тꙋ̀ , и҆ пра́здникꙋ . кᲂнда́къ , вᲂскрⷭ҇нъ . сла́ва , крⷭ҇тꙋ̀ . и҆ ны́нѣ , пра́здникꙋ . вмѣ́сто трⷭ҇та́гѡ , пᲂе́мъ : крⷭ҇тꙋ̀ твᲂемꙋ̀ пᲂклᲂнѧ́емсѧ влⷣко . прᲂки́менъ , и҆ а҆пⷭ҇лъ , а҆ллилꙋ́їѧ , и҆ є҆ѵⷢ҇а́лїе , и҆ прича́стенъ , пре́же крⷭ҇тꙋ̀ , пᲂто́мъ пра́здникꙋ .= в̾=мѣ́стѡ дᲂсто́йна , пᲂе́мъ : ѡ҆ тебѣ̀ ра́дꙋетсѧ . а҆рха́нг҃лꙋ гаврїи́лꙋ . пᲂе́мъ , в̾ пнⷣе .

А҆́ще ли прилꙋчи́тсѧ ѿда́нїе бл҃гᲂвѣ́щенїѧ , и҆ сᲂбо́ръ а҆рхистрати́га гаврїи́ла . а҆́ще є҆́сть хра́мъ є҆гѡ̀ . в̾ нлⷣю , г҃ ю , пᲂста̀ . на вели́цѣй вече́рни . бл҃же́нъ мꙋ́жь , каѳи́сма всѧ̀ . на гдⷭ҇и вᲂзва́хъ , стⷯры вᲂскрⷭ҇ны , г҃ . и҆ крⷭ҇тꙋ̀ , поⷣ , г҃ . и҆ пра́здникꙋ , поⷣ , два̀ . и҆ а҆рха́нг҃лꙋ , поⷣ , два̀ . сла́ва , крⷭ҇тꙋ̀ . и҆ ны́нѣ , боⷢ҇ , а҃ й гла́сꙋ . вы́хᲂдъ : свѣ́те ти́хїи . прᲂки́менъ , дню̀ . на литі́и , стихѣ́ры , пра́здникꙋ , г҃ . гла́съ , а҃ . и҆ крⷭ҇тꙋ̀ , хвали́тнᲂй є҆ди́нъ сти́хъ . гла́съ , д҃ . сла́ва , пра́здникꙋ . бл҃гᲂвѣсти́тъ гаврїи́лъ . и҆ нн҃ѣ , крⷭ҇тꙋ̀ . гла́съ , є҃ . зрѧ́щи тѧ тва́рь . на стихо́внѣ , стⷯры , вᲂскрⷭ҇ны . сла́ва , крⷭ҇тꙋ̀ . гла́съ , д҃ . пᲂсᲂби́выи гдⷭ҇и . и҆ ны́нѣ , пра́здникꙋ . дне́сь ра́дᲂсть бл҃гᲂвѣ́щенїѧ . на бл҃гᲂслᲂве́нїе хлѣ́бᲂмъ : трᲂпа́рь , пра́здникꙋ , двⷤа . и҆ крⷭ҇тꙋ̀ , аⷤ . на ᲂу҆́трени . на бг҃ъ гдⷭ҇ь , трᲂпа́рь , вᲂскрⷭ҇нъ , аⷤ . и҆ крⷭ҇тꙋ̀ , аⷤ . сла́ва , а҆рха́нг҃лꙋ . и҆ ны́нѣ , пра́здникꙋ . по каѳи́смахъ , сѣда́льны , вᲂскрⷭ҇ны , с̾ бг҃ᲂро́дичны и҆́хъ . и҆ непᲂро́чны . и҆пако́й , гла́сꙋ . степе́нна , и҆ прᲂки́менъ , гла́сꙋ . є҆ѵⷢ҇а́лїе , вᲂскрⷭ҇но .= вᲂскрⷭ҇нїе хрⷭ҇то́во . ѱл҃о́мъ , н҃ . стⷯра , пᲂкаѧ́нїѧ ѿве́рзи ми две́ри . и҆ про́чее всѐ вᲂскрⷭ҇но . кано́нъ , вᲂскрⷭ҇нъ , на д҃ . и҆ пра́здникꙋ , на д҃ . и҆ а҆рха́нг҃лꙋ , на д҃ . и҆ крⷭ҇тꙋ̀ , на д҃ . катава́сїѧ , крⷭ҇тꙋ̀ . =по г҃ , пѣ́сни , кᲂнда́къ , и҆ и҆́кᲂсъ , пра́здникꙋ . кᲂнда́къ , а҆рха́нг҃лꙋ . и҆ сѣда́ленъ , а҆рха́нг҃лꙋ . сла́ва , крⷭ҇тꙋ̀ . и҆ ны́нѣ , пра́здникꙋ . по ѕ҃ , пѣ́сни , кᲂнда́къ , и҆ и҆́кᲂсъ , крⷭ҇тꙋ̀ . и҆ про́лᲂгъ . на ѳ҃ , пѣ́сни , пᲂе́мъ , чⷭ҇тнѣ́йшꙋ . свѣти́ленъ , вᲂскрⷭ҇нъ . сла́ва , крⷭ҇тꙋ̀ . и҆ ны́нѣ , пра́здникꙋ . на хвали́тѣхъ , стихѣ́ры , вᲂскрⷭ҇ны , г҃ . и҆ крⷭ҇тꙋ̀ , два̀ . и҆ а҆рха́нг҃лꙋ , со сла́внымъ , г҃ . со стихѝ є҆гѡ̀ . та́же , сти́хъ : вᲂскрⷭ҇нѝ гдⷭ҇и бж҃е мо́й . и҆ пᲂе́мъ , стⷯрꙋ , дню̀ . сла́ва , тꙋ́же . и҆ ны́нѣ , преблгⷭ҇ве́на . славᲂсло́вїе вели́кᲂе . и҆ слꙋ́жба крⷭ҇тᲂпᲂклᲂне́нїю , по ѡ҆бы́чаю , ꙗ҆́кᲂже ᲂу҆каза́сѧ нарѧдꙋ̀ в̾ м҃ цѣ . є҆ктенїѝ . и҆ ѿпꙋ́стъ . сла́ва , и҆ ны́нѣ , стⷯра , є҆ѵⷢ҇а́льскаѧ . и҆ ча́съ , а҃ . трᲂпа́рь , вᲂскрⷭ҇нъ . сла́ва , крⷭ҇тꙋ̀ . по ѻ҆́ч҃е на́шъ . кᲂнда́къ , вᲂскрⷭ҇нъ . и҆ сᲂверше́ныи ѿпꙋ́стъ . на г҃ мъ часѣ̀ : трᲂпа́рь , вᲂскрⷭ҇нъ . сла́ва , пра́здникꙋ . по ѻ҆́ч҃е на́шъ . кᲂнда́къ , крⷭ҇тꙋ̀ .= на ѕ҃ мъ часѣ̀ := трᲂпа́рь , вᲂскрⷭ҇нъ . сла́ва , а҆рха́нг҃лꙋ . по ѻ҆́ч҃е на́шъ . кᲂнда́къ , пра́здникꙋ .= на ѳ҃ мъ часѣ̀ := трᲂпа́рь , вᲂскрⷭ҇нъ . сла́ва , крⷭ҇тꙋ̀ . по ѻ҆́ч҃е на́шъ . кᲂнда́къ , а҆рха́нг҃лꙋ . на литꙋргі́и , бл҃же́нна , гла́сꙋ , на д҃ . и҆ крⷭ҇тꙋ̀ , пѣ́снь г҃ ѧ , на д҃ . и҆ а҆рха́нг҃лꙋ , пѣ́снь ѕ҃ ѧ , на д҃ . по вхо́дѣ : трᲂпа́рь , вᲂскрⷭ҇нъ , и҆ крⷭ҇тꙋ̀ , и҆ пра́здникꙋ , и҆ а҆рха́нг҃лꙋ . кᲂнда́къ , вᲂскрⷭ҇нъ , крⷭ҇тꙋ̀ . сла́ва , а҆рха́нг҃лꙋ . и҆ ны́нѣ , пра́здникꙋ . вмѣ́сто трⷭ҇та́гѡ , пᲂе́мъ : крⷭ҇тꙋ̀ твᲂемꙋ̀ пᲂклᲂнѧ́емсѧ влⷣко . прᲂки́менъ , крⷭ҇тꙋ̀ , и҆ а҆рха́нг҃лꙋ . а҆пⷭ҇лъ , а҆ллилꙋ́їѧ , и҆ є҆ѵⷢ҇а́лїе , пре́же крⷭ҇тꙋ̀ , и҆ пᲂд̾ зача́ло , пра́здникꙋ бцⷣы . и҆ пᲂто́мъ , а҆рха́нг҃лꙋ . в̾мѣ́стѡ дᲂсто́йна , пᲂе́мъ : ѡ҆ тебѣ̀ ра́дꙋетсѧ . прича́стенъ , пре́же крⷭ҇тꙋ̀ и҆ а҆рха́нг҃лꙋ .

А҆́ще ли прилꙋчи́тсѧ ѿда́нїе бл҃гᲂвѣ́щенїѧ , в̾ нлⷣю , д҃ ю , и҆лѝ , є҃ ю , пᲂста̀ . въ сꙋбо́тꙋ , ве́черъ . на ма́лѣй вече́рни , стⷯры , по ѡ҆бы́чаю . на вели́цѣй вече́рни . бл҃же́нъ мꙋ́жь , каѳи́сма всѧ̀ . на гдⷭ҇и вᲂзва́хъ , стихѣ́ры вᲂскрⷭ҇ны , д҃ . и҆ пра́здникꙋ , г҃ . и҆ а҆рха́нг҃лꙋ , г҃ . сла́ва , пра́здникꙋ . и҆ ны́нѣ , боⷢ҇ , а҃ , гла́сꙋ . вы́хᲂдъ : свѣ́те ти́хїи . прᲂки́менъ , дню̀ , и҆ є҆ктенїѧ̀ . на литі́и , стⷯра , хра́мꙋ . и҆ стихѣ́ры , пра́здникꙋ . гла́съ , д҃ , и҆́же є҆́сть на стихо́внѣ . сла́ва , и҆ нн҃ѣ . гла́съ , в҃ . бл҃гᲂвѣсти́тъ гаврїи́лъ . на стихо́внѣ , стихѣ́ры , вᲂскрⷭ҇ны . сла́ва , и҆ ны́нѣ , пра́здникꙋ . дне́сь ра́дᲂсть . на блгⷭ҇ве́нїе хлѣ́бᲂмъ : трᲂпа́рь , бцⷣе дв҃о ра́дꙋисѧ , гⷤ .

на ᲂу҆́трени . на бг҃ъ гдⷭ҇ь , трᲂпа́рь , вᲂскрⷭ҇нъ , двⷤа . сла́ва , и҆ ны́нѣ , пра́здникꙋ . по каѳи́смахъ , сѣда́льны , вᲂскрⷭ҇ны , с̾ бг҃ᲂро́дичны и҆́хъ . и҆ непᲂро́чны . и҆пако́й , гла́сꙋ . степе́нна , и҆ прᲂки́менъ , гла́сꙋ . є҆ѵⷢ҇а́лїе , вᲂскрⷭ҇но .= вᲂскрⷭ҇нїе хрⷭ҇то́во . ѱл҃о́мъ , н҃ . стⷯра , пᲂкаѧ́нїѧ ѿве́рзи . и҆ про́чее всѐ вᲂскрⷭ҇но . кано́нъ , вᲂскрⷭ҇нъ , на д҃ . и҆ пра́здникꙋ , на́ ѕ҃ . и҆ а҆рха́нг҃лꙋ , на д҃ . катава́сїѧ , пра́здникꙋ . =по г҃ , пѣ́сни , кᲂнда́къ , и҆ и҆́кᲂсъ , пра́здникꙋ . кᲂнда́къ , и҆ сѣда́ленъ , а҆рха́нг҃лꙋ . сла́ва , и҆ ны́нѣ , пра́здникꙋ . по ѕ҃ , пѣ́сни , кᲂнда́къ , и҆ и҆́кᲂсъ , вᲂскрⷭ҇нъ . на ѳ҃ , пѣ́сни , пᲂе́мъ , чⷭ҇тнѣ́йшꙋ . свѣти́ленъ , вᲂскрⷭ҇нъ . сла́ва , а҆рха́нг҃лꙋ . и҆ ны́нѣ , пра́здникꙋ . на хвали́тѣхъ , стихѣ́ры , вᲂскрⷭ҇ны , д҃ . и҆ пра́здникꙋ , со сла́внымъ , д҃ , со стихѝ є҆гѡ̀ . та́же , сти́хъ : вᲂскрⷭ҇нѝ гдⷭ҇и бж҃е мо́й . и҆ пᲂе́мъ , стⷯрꙋ , дню̀ . сла́ва , тꙋ́же . и҆ ны́нѣ , преблгⷭ҇ве́на . славᲂсло́вїе вели́кᲂе . трᲂпа́рь , вᲂскрⷭ҇нъ , то́чїю . є҆ктенїѝ . и҆ ѿпꙋ́стъ . сла́ва , и҆ ны́нѣ , стⷯра , є҆ѵⷢ҇а́льскаѧ . и҆ ча́съ , а҃ . и҆ сᲂверше́ныи ѿпꙋ́стъ . на часѣ́хъ : трᲂпа́рь , вᲂскрⷭ҇нъ . сла́ва , пра́здникꙋ . по ѻ҆́ч҃е на́шъ . кᲂнда́къ , вᲂскрⷭ҇нъ , и҆ пра́здникꙋ , премѣнѧ́емъ . на литꙋргі́и , бл҃же́нна , гла́сꙋ , на́ ѕ҃ . и҆ пра́здникꙋ , пѣ́снь , ѳ҃ ѧ , на д҃ . по вхо́дѣ : трᲂпа́рь , вᲂскрⷭ҇нъ , и҆ пра́здникꙋ . кᲂнда́къ , вᲂскрⷭ҇нъ . сла́ва , и҆ ны́нѣ , пра́здникꙋ . прᲂки́менъ , и҆ а҆пⷭ҇лъ , а҆ллилꙋ́їѧ , и҆ є҆ѵⷢ҇а́лїе , и҆ прича́стенъ , дню̀ , и҆ пра́здникꙋ .= в̾=мѣ́стѡ дᲂсто́йна , пᲂе́мъ : ѡ҆ тебѣ̀ ра́дꙋетсѧ .

А҆́ще ли прилꙋчи́тсѧ ѿда́нїе бл҃гᲂвѣ́щенїѧ , въ пнⷣе , д҃ ѧ , и҆лѝ є҃ ѧ , и҆лѝ ѕ҃ ѧ , нлⷣи пᲂста̀ . в̾ нлⷣю , ве́черъ , каѳи́смы негл҃емъ . на гдⷭ҇и вᲂз̾ва́хъ , стⷯры , в̾ трїѡ́ди , г҃ . пра́здникꙋ , д҃ . а҆рха́нг҃лꙋ , г҃ . сла́ва , а҆рха́нг҃лꙋ . и҆ ны́нѣ , пра́здникꙋ . вы́хᲂдъ : свѣ́те ти́хїи . прᲂки́менъ , вели́кїи . та́же , спᲂдо́би гдⷭ҇и в̾ ве́черъ . и҆ є҆ктенїѧ̀ : и҆спо́лнимъ вече́рнѧѧ . на стихо́внѣ стихѣ́ры , в̾ трїѡ́ди . дню̀ , двⷤа . и҆ мꙋ́чениченъ . сла́ва , и҆ ны́нѣ , пра́здникꙋ . та́же , ны́нѣ ѿпꙋща́еши . трⷭ҇то́е , и҆ по ѻ҆́ч҃е на́шъ . трᲂпарѝ , по́чинꙋ по́стнᲂмꙋ , и҆ пᲂкло́ны , г҃ , вели́кїѧ . и҆ ѿпꙋ́стъ . па́вечерница ма́лаѧ , без̾ пᲂкло́нᲂвъ . пᲂкло́ны ѿ сла́ва в̾ вы́шнихъ . на не́йже гл҃емъ кано́нъ , рѧдᲂвы́и в̾ мине́и . Въ пᲂнедѣ́льникъ , на ᲂу҆́трени , по є҆ѯа̀ ѱалмѣ́хъ , по́чинꙋ по́стнᲂмꙋ . кано́нъ , во ѻ҆кта́е , на д҃ . и҆ пра́здникꙋ , на д҃ . и҆ а҆рха́нг҃лꙋ , на́ д҃ . катава́сїѧ , пра́здникꙋ . є҆гда́же є҆́сть , трипѣ́сно , в̾ трїѡ́ди . и҆ пᲂе́мъ , кано́нъ , пра́здникꙋ , со і҆рмᲂсо́мъ , на д҃ . и҆ а҆рха́нг҃лꙋ , на́два . два̀ за є҆ди́нъ сти́хъ . а҆ в̾ трїѡ́ди , на́ и҃ . катава́сїѧ , і҆рмоⷭ҇ , в̾ трїѡ́ди . по ѕ҃ й , пѣ́сни , мⷱ҇ꙋ . на ѳ҃ й , пѣ́сни , пᲂе́мъ , чⷭ҇тнѣ́йшꙋ . свѣти́ленъ , тро́иченъ гла́сꙋ . на хвали́тѣхъ , стⷯры , а҆рха́нг҃лꙋ , на д҃ . сла́ва , и҆ ны́нѣ , пра́здникꙋ . гла́съ , в҃ . бл҃гᲂвѣсти́тъ гаврїи́лъ . на стихо́внѣ , в̾ трїѡ́ди . дню̀ , двⷤа , и҆ мꙋ́чениченъ . сла́ва , и҆ нынѣ , боⷢ҇ . и҆ про́чее пᲂе́мъ ꙗ҆́кᲂже и҆ всегда̀ по́чинꙋ по́стнᲂмꙋ . а҆ на трапе́зѣ ꙗ҆́мы варе́нїе с̾ ма́слᲂмъ .

А҆́ще ли прилꙋчи́тсѧ ѿда́нїе бл҃гᲂвѣ́щенїѧ , в̾ сре́дꙋ д҃ ѧ , нлⷣи пᲂста̀ , є҆́же є҆́сть крⷭ҇тᲂпᲂкло́ннꙋю . во вто́рникъ , ве́черъ , пᲂе́мъ вече́рню без̾ пᲂкло́нᲂвъ , и҆ без̾ каѳи́смы . на гдⷭ҇и вᲂзва́хъ , стихѣ́ры , на і҃ . в̾ трїѡ́ди , дню̀ , двⷤа , и҆ мⷱ҇ꙋ . и҆ пᲂдо́бны , дню̀ , г҃ . и҆ пра́здникꙋ , д҃ . сла́ва , крⷭ҇тꙋ̀ . и҆ ны́нѣ , пра́здникꙋ . вы́хᲂдъ : свѣ́те ти́хїи . прᲂки́менъ , и҆ чте́нїѧ , дню̀ . и҆ пра́здникꙋ , два̀ . та́же , да́сѧ и҆спра́витъ , и҆ про́чее . и҆ по́рѧдꙋ бжⷭ҇твенаѧ литꙋргі́ѧ златᲂꙋ́стᲂва . а҆рха́нг҃лꙋ же пᲂе́мъ во и҆́нъ де́нь , и҆лѝ на па́вечерницѣ . нефимо́нъ и҆ ᲂу҆́треню , пᲂе́мъ , по по́стнᲂмꙋ , ꙗ҆́кᲂже пи́сано пре́же . на ᲂу҆́трени , кано́нъ , пра́здникꙋ , со і҆рмᲂсо́мъ на́ и҃ . и҆ крⷭ҇тꙋ̀ , на́ ѕ҃ . катава́сїѧ , і҆рмо́съ ѿ кано́на крⷭ҇тꙋ̀ . а҆ и҆дѣ́же трипѣ́сна , тꙋ̀ пᲂе́мъ , кано́нъ , пра́здникꙋ , со і҆рмᲂсо́мъ , на д҃ . и҆ крⷭ҇тꙋ̀ на́два . трипѣ́сны же пᲂе́мъ по́чинꙋ и҆́хъ на́ и҃ . пᲂслѣдѝ і҆рмо́съ , трипѣ́сна . по г҃ й , пѣ́сни , кᲂнда́къ , и҆ и҆́кᲂсъ , пра́здникꙋ . сѣда́ленъ , в̾ трїѡ́ди . сла́ва , и҆ нн҃ѣ , пра́здникꙋ . по ѕ҃ й , пѣ́сни , кᲂнда́къ , и҆ и҆́кᲂсъ , крⷭ҇тꙋ̀ . на ѳ҃ й , пѣ́сни , пᲂе́мъ честнѣ́йшꙋ . свѣти́ленъ , трⷪ҇ченъ . на хвали́тѣхъ , стⷯры , крⷭ҇тꙋ̀ на д҃ . гла́съ , д҃ . пи́саны , во вто́рникъ ве́черъ , на гдⷭ҇и вᲂзва́хъ . сла́ва , и҆ ны́нѣ , пра́здникꙋ . бл҃гᲂвѣсти́тъ гаврїи́лъ . на стихо́внѣ , в̾ трїѡ́ди . сла́ва , в̾ трїѡ́ди . и҆ ны́нѣ , па́ки то́йже . на а҃ мъ , часѣ̀ , пᲂклᲂне́нїе крⷭ҇тꙋ̀ . часы̀ с̾ пᲂкло́ны по по́стнᲂмꙋ . кᲂнда́къ , на часѣ́хъ , крⷭ҇тꙋ̀ .

А҆́ще ли прилꙋчи́тсѧ ѿда́нїе бл҃гᲂвѣ́щенїѧ , в̾ четверто́къ , є҃ ѧ , нлⷣи пᲂста̀ . въ сре́дꙋ , ве́черъ и҆ въ четверто́къ , на ᲂу҆́трени , пᲂе́мъ всю̀ слꙋ́жбꙋ пра́здникꙋ , с̾ трїѡ́дїю , ꙗ҆́кᲂже ᲂу҆ка́зано въ а҃ де́нь . А҆ ѿда́нїе пᲂе́мъ бл҃гᲂвѣ́щенїю , въ четверто́къ , на ᲂу҆́трени , с̾ трипѣ́снᲂмъ вели́кагѡ кано́на , со а҆пⷭ҇льскимъ . =А҆ =пᲂе́мъ кано́нъ пра́здникꙋ , со ѻ҆кта́емъ , и҆ со а҆рха́нг҃лѡмъ , ꙗ҆́кᲂже ꙗ҆вле́но є҆́сть , в̾ пнⷣе , д҃ ѧ , нлⷣи пᲂста̀ , на ѿда́нїе бл҃гᲂвѣ́щенїѧ .

А҆́ще ли прилꙋчи́тсѧ ѿда́нїе бл҃гᲂвѣ́щенїѧ , в̾ сꙋбо́тꙋ а҆ка́фиста . в̾ пѧто́къ , ве́черъ , каѳи́смы негл҃емъ . на гдⷭ҇и вᲂзва́хъ , стⷯры , на́ і҃ . в̾ трїѡ́ди , дню̀ , вⷤ . и҆ пра́здникꙋ , бцⷣы , на́ и҃ . гла́съ , ѕ҃ . сᲂвѣ́тъ превѣ́чныи . сла́ва , в̾ трїѡ́ди . и҆́же ѿ́ вѣка та́инство . и҆ ны́нѣ , пра́здникꙋ . по́сланъ бы́сть . вы́хᲂдъ , с̾ є҆ѵⷢ҇а́лїемъ : свѣ́те ти́хїи . прᲂки́менъ , и҆ чте́нїѧ , дню̀ . и҆ пра́здникꙋ , два̀ . та́же , да́сѧ и҆спра́витъ мл҃тва . є҆ктенїѧ̀ ма́лаѧ , и҆ вᲂз̾гла́съ трⷭ҇то́мꙋ : ꙗ҆́кѡ ст҃ъ є҆сѝ бж҃е на́шъ . та́же , пᲂе́мъ : ст҃ы́и бж҃е . прᲂки́менъ , и҆ а҆пⷭ҇лъ , и҆ а҆ллилꙋ́їѧ , и҆ є҆ѵⷢ҇а́лїе , и҆ прича́стенъ , пра́здникꙋ . и҆ про́чаѧ бжⷭ҇твенаѧ литꙋргі́ѧ златᲂꙋ́стᲂва .= вмѣ́стѡ дᲂсто́йна пᲂе́мъ , і҆рмо́съ : ꙗ҆́кѡ ѡ҆дш҃е́внѣмъ . и҆ ѿпꙋ́стъ . на трапе́зѣ же ꙗ҆́мы два̀ ва́ренїѧ с̾ ма́слᲂмъ , и҆ ры́бы . и҆ пїе́мъ вино̀ , є҆ди́нᲂю дне́мъ . =на ᲂу҆́трени , на бг҃ъ гдⷭ҇ь , трᲂпа́рь а҆ка́фистꙋ , гⷤ . по а҃ , стихᲂло́гїи , кᲂндакѝ , взбра́ннᲂй вᲂево́дѣ , г҃ . и҆ и҆́кᲂсы , г҃ . и҆ па́ки , кᲂнда́къ , а҃ , взбра́ннᲂй вᲂево́дѣ . по в҃ , стихᲂло́гїи , кᲂндакѝ , г҃ . и҆ и҆́кᲂсы , г҃ . и҆ па́ки , кᲂнда́къ , а҃ , взбра́ннᲂй вᲂево́дѣ . ѱл҃о́мъ , н҃ . кано́нъ , пра́здникꙋ , со і҆рмᲂсо́мъ , на́ ѕ҃ . і҆рмо́съ , по двⷤа . и҆ а҆ка́фистꙋ , на́ и҃ . катава́сїѧ , а҆ка́фистꙋ , ѻ҆́ба ли́ка в̾кꙋ́пѣ . трипѣ́сна же , здѣ̀ непᲂе́мъ , но пᲂе́мъ , напредѝ въ четверто́къ , на па́вечерницѣ . запѣ́вы к̾ трипѣ́снꙋ гл҃емъ к̾ пре́днимъ двꙋ́мъ стихо́мъ : ст҃і́и мч҃нцы , мᲂли́те бг҃а ѡ҆ на́съ . к̾ тре́тїемꙋ стихꙋ̀ запѣ́въ : пᲂко́й гдⷭ҇и дш҃а ᲂу҆со́пшихъ ра́бъ свᲂи́хъ . к̾ четве́ртᲂмꙋ стихꙋ̀ запѣ́въ : прест҃а́ѧ гжⷭ҇е бцⷣе спасѝ на́съ . по г҃ , пѣ́сни , кᲂндакѝ , г҃ . и҆ и҆́кᲂсы , г҃ . и҆ па́ки , кᲂнда́къ , а҃ и . та́же , сѣда́ленъ , пра́здникꙋ . по ѕ҃ , пѣ́сни , кᲂндакѝ , г҃ . и҆ и҆́кᲂсы , г҃ . та́же , кᲂнда́къ : Ѽ всепѣ́таѧ мт҃и , гⷤ , с̾ пᲂкло́ны дᲂземлѝ . и҆ па́ки , и҆́кᲂсъ , и҆ кᲂнда́къ , пе́рвыи . и҆ чте́мъ про́лᲂгъ , и҆ синᲂѯа́рь . на ѳ҃ , пѣ́сни , честнѣ́йшꙋ непᲂе́мъ . пᲂе́мъ , припѣ́въ , пра́здникꙋ . и҆ і҆рмо́съ : ꙗ҆́кѡ ѡ҆ дш҃е́внѣмъ . и҆ на трᲂпарѣ́хъ пᲂе́мъ то́йже припѣ́въ пра́здникꙋ . та́же , насхо́дѣ пᲂе́мъ припѣ́въ , и҆ і҆рмо́съ , пра́здникꙋ , и҆ пᲂкло́нъ дᲂземлѝ . свѣти́ленъ , пра́здникꙋ , два́жды . на хвали́тѣхъ , стⷯры , в̾ трїѡ́ди , на д҃ . гла́съ , д҃ . сᲂкрᲂве́ннᲂе та́инство . сла́ва , и҆ ны́нѣ . гла́съ , и҃ . да веселѧ́тсѧ небеса̀ . славᲂсло́вїе вели́кᲂе . по трⷭ҇то́мъ , трᲂпа́рь , пра́здникꙋ . є҆ктенїѝ , и҆ ѿпꙋ́стъ . и҆ ча́съ , а҃ . на часѣ́хъ : трᲂпа́рь , и҆ кᲂнда́къ , пра́здникꙋ . на литꙋргі́и , бл҃же́нна , а҆ка́фистꙋ , пѣ́снь , г҃ ѧ , и҆ ѕ҃ ѧ , на и҃ . прᲂки́менъ , бцⷣѣ , а҆ка́фистꙋ , а҆пⷭ҇лъ , к̾ є҆вре́ѡмъ , заⷱ҇ , тк҃в . та́же , а҆пⷭ҇лъ , к̾ є҆вре́ѡмъ , заⷱ҇ , т҃к . а҆ллилꙋ́їѧ , бцⷣѣ . є҆ѵⷢ҇а́лїе , ѿ ма́рка , заⷱ҇ , л҃є . та́же , є҆ѵⷢ҇а́лїе , ѿ лꙋкѝ , заⷱ҇ , д҃ . Задᲂсто́йнѡ , пᲂе́мъ і҆рмо́съ : ꙗ҆́кѡ ѡ҆ дш҃е́внѣмъ . прича́стенъ , ча́шꙋ спасе́нїѧ .

Кано́нъ же а҆рха́нг҃лꙋ и҆ стихѣ́ры пᲂе́мъ , въ четверто́къ на па́вечерницѣ с̾ трипѣ́снᲂмъ а҆ка́фиста .

А҆́=ще ли прилꙋчи́тсѧ ѿда́нїе бл҃гᲂвѣ́щенїѧ , в̾ =сꙋбо́тꙋ ла́заревꙋ , и҆лѝ в̾ нлⷣю цвѣтнꙋ́ю , и҆лѝ во є҆ди́нъ ѿ дне́й страстны́ѧ седми́цы , и҆лѝ свѣ́тлыѧ . то̀ ѿда́нїѧ бл҃гᲂвѣ́щенїю нѣ́сть . и҆ пᲂю́тсѧ , стихѣ́ры , и҆ кано́ны , пᲂпра́зднествꙋ , и҆ а҆рха́нг҃лꙋ , на па́вечерницахъ въ мимᲂше́дшихъ дне́хъ , на шесто́й недѣ́ли .