Слꙋ́жба сꙋбо́тнаѧ всегѡ̀ лѣ́та . вече́рнѧ , и҆ ᲂу҆́тренѧ , и҆ литꙋргі́ѧ , є҆гда̀ быва́етъ па́мѧть вели́кагѡ ст҃а́гѡ в̾ сꙋбо́тꙋ , и҆мꙋ́щагѡ бг҃ъ гдⷭ҇ь . до́лжнѡ є҆́сть твᲂри́ти слꙋ́жбꙋ сїю̀ , в̾ =пѧто́къ , на вече́рни , наче́ншꙋ і҆єре́ю : бл҃гᲂслᲂве́нъ бг҃ъ на́шъ . мы́же гл҃емъ : а҆ми́нь , цр҃ю нбⷭ҇ныи . трⷭ҇то́е , и҆ по ѻ҆́ч҃е на́шъ . і҆єре́й , гл҃етъ : ꙗ҆́кѡ твᲂѐ є҆́сть црⷭ҇тво и҆ си́ла . таⷤ , гдⷭ҇и пᲂми́лꙋй , ві҃ . сла́ва , и҆ ны́нѣ . прїиди́те пᲂклᲂни́мсѧ , гⷤ . пᲂсе́мъ , ѱл҃о́мъ , р҃г , бл҃гᲂслᲂвѝ дш҃е мᲂѧ̀ гдⷭ҇а . та́же , сла́ва , и҆ ны́нѣ , а҆ллилꙋ́їѧ , гⷤ . і҆єре́й , є҆ктенїю̀ : ми́рᲂмъ гдⷭ҇ꙋ пᲂмо́лимсѧ . пᲂсе́мъ , каѳи́сма : ко́ гдⷭ҇ꙋ внегда̀ скᲂрбѣ́хъ . та́же , на гдⷭ҇и вᲂзва́хъ , стихѣ́ры , пᲂдо́бны , ст҃о́мꙋ в̾ минѣ́и , на́ ѕ҃ . сла́ва , самᲂгла́сенъ , ст҃а́гѡ , а҆́ще и҆́мать . а҆́щели нѝ , сла́ва , и҆ ны́нѣ , боⷢ҇ , а҃ , рѧдᲂва́гѡ гла́са . та́же , свѣ́те ти́хїи . прᲂки́менъ дню̀ . =и҆ спᲂдо́би гдⷭ҇и в̾ ве́черъ се́й .= на стихо́внѣ , стⷯры , во ѻ҆кта́и , мч҃нчна , трѝ . ѡ҆ставлѧ́емъ же є҆ди́нъ пе́рвыи , и҆ пᲂко́инъ . сла́ва , ст҃о́мꙋ , а҆́ще и҆́мать . а҆́щели нѝ , сла́ва , и҆ ны́нѣ , боⷢ҇ . =та́же , ны́нѣ ѿпꙋща́еши . трⷭ҇то́е , по ѻ҆́ч҃е на́шъ . трᲂпа́рь , ст҃о́мꙋ . сла́ва , и҆ ны́нѣ , боⷢ҇ , вᲂскрⷭ҇нъ , настᲂѧ́щагѡ гла́са . є҆ктенїѧ̀ , и҆ ѿпꙋ́стъ . в̾ сꙋбо́тꙋ , на ᲂу҆́трени , по є҆ѯа̀ ѱл҃мѣ́хъ , на бг҃ъ гдⷭ҇ь , трᲂпа́рь , ст҃о́мꙋ , є҆го́же де́нь . сла́ва , и҆ ны́нѣ , боⷢ҇ , вᲂскрⷭ҇нъ , по́ гласꙋ трᲂпарѧ̀ . та́же , каѳи́смꙋ , ѕі҃ . речѐ гдⷭ҇ь гдⷭ҇ви мᲂемꙋ̀ , а҆ллилꙋ́їѧ же пᲂе́мъ , на рѧдᲂвы́и гла́съ . по каѳи́сме , є҆ктенїѧ̀ , и҆ сѣда́льна , во ѻ҆кта́и . мч҃нчна , два̀ , пе́рвыи , и҆ втᲂры́и . сла́ва , и҆ ны́нѣ , боⷢ҇ . пᲂсе́мъ , каѳи́сма , з҃і , бл҃же́ни непᲂро́чни . в̾ ни́хже кади́тъ і҆єре́й . По непᲂро́чнахъ , сѣда́льна , мч҃нчна , два̀ . тре́тїи , четве́ртыи , и҆ заꙋпᲂко́инъ . сла́ва , и҆ нн҃ѣ , боⷢ҇ . та́же , ѱл҃о́мъ , н҃ , пᲂми́лꙋй мѧ бж҃е . Кано́нъ , ст҃о́мꙋ в̾ минѣ́и , со і҆рмᲂсо́мъ , на́ ѕ҃ . се́й бо пред̾варѧ́етъ всегда̀ в̾ сꙋбо́тꙋ . та́же , ст҃о́мꙋ , є҆го́же є҆́сть хра́мъ , на д҃ . та́же , во ѻ҆кта́и , кано́нъ , мч҃нченъ , на д҃ . а҆ заꙋпᲂко́инъ , кано́нъ , пᲂе́тсѧ на па́вечерницѣ , в̾ пѧто́къ .

Пᲂдᲂба́етъ вѣ́дати и҆ сѐ . ꙗ҆́кѡ а҆́ще прилꙋчи́тсѧ ст҃ы́и в̾ сꙋбо́тꙋ , и҆мѣ́ѧи мнᲂгᲂмлⷭ҇тиво , и҆ пра́зднꙋетсѧ , на и҃ . не пᲂе́тсѧ кано́нъ во ѻ҆кта́и , но пᲂе́мъ , кано́нъ , ст҃о́мꙋ , є҆го́же є҆́сть хра́мъ , со і҆рмᲂсо́мъ , на́ ѕ҃ , и҆лѝ бцⷣѣ . и҆ ст҃о́мꙋ , в̾ минѣ́и , на́ и҃ . по г҃ , пѣ́сни , коⷣ , и҆ и҆́кᲂсъ хра́мꙋ . та́же , сѣда́ленъ , в̾ минѣ́и , ст҃о́мꙋ . по ѕ҃ , пѣ́сни , кᲂнда́к̾ , и҆ и҆́кᲂсъ ст҃о́мꙋ . по и҃ , пѣ́сни . хва́лимъ бл҃гᲂслᲂви́мъ пᲂклᲂнѧ́емсѧ гдⷭ҇ви , пᲂе́мъ и҆ превᲂзно́симъ є҆гѡ̀ во́ вѣки . и҆ пᲂе́мъ , і҆рмо́съ , ст҃а́гѡ , и҆́же в̾ минѣ́и . та́же , пѣ́снь бцⷣѣ . вели́читъ дш҃а мᲂѧ̀ гдⷭ҇а . по ѳ҃ , пѣ́сни . дᲂсто́йнѡ є҆́сть , и҆ пᲂкло́нъ до землѝ . є҆ктенїѧ̀ . та́же , свѣти́ленъ , ст҃о́мꙋ , а҆́ще и҆́мать . и҆ дрꙋгі́и , дню̀ . нб҃о ѕвѣзда́ми ᲂу҆краше́и . на хвали́тѣхъ , стихѣ́ры ст҃о́мꙋ в̾ минѣ́и , а҆́ще и҆́мать . и҆ славᲂсло́вїе вели́кᲂе . а҆́ще не и҆́мать ст҃ы́и стихѣ́ръ , не пᲂе́мъ , на хвали́тѣхъ стихѣ́ръ во ѻ҆ктаи , но пᲂе́мъ и҆́хъ на стихо́внѣ . трѝ , мч҃нчна . пе́рвыи , втᲂры́и , тре́тїи . є҆ди́нъ же , ѡ҆ставлѧ́емъ , д҃ . и҆ заꙋпᲂко́инъ . сла́ва , самᲂгла́сенъ , ст҃о́мꙋ , а҆́ще и҆́мать . а҆́щели ни , сла́ва , и҆ нн҃ѣ , боⷢ҇ , ѿ тѣ́хъ же стихѣ́ръ . та́же , бл҃го є҆́сть и҆спᲂвѣ́датисѧ гдⷭ҇ви . трⷭ҇то́е , и҆ по ѻ҆́ч҃е на́шъ . трᲂпа́рь , ст҃о́мꙋ . сла́ва , и҆ ны́нѣ , боⷢ҇ , вᲂскрⷭ҇нъ , настᲂѧ́щагѡ гла́са . є҆ктенїѝ , и҆ ѿпꙋ́стъ . та́же , ча́съ , а҃ . ѱалмы̀ , ѡ҆бы́чны , и҆ про́чее . и҆схᲂже́нїе в̾ притво́ръ . и҆ кᲂне́чныи ѿпꙋ́стъ . на литꙋргі́и , бл҃же́нны ѡ҆бы́чны . прᲂки́менъ , а҆пⷭ҇лъ , а҆ллилꙋ́їѧ , и҆ є҆ѵⷢ҇а́лїе , и҆ прича́стенъ , ст҃о́мꙋ дневно́мꙋ , пре́же . та́же , рѧ́дъ . сїѧ́же , слꙋ́жба пᲂе́тсѧ всегда̀ в̾ сꙋбо́тахъ , є҆гда̀ прилꙋчи́тсѧ бг҃ъ гдⷭ҇ь . а҆́ще ли прилꙋчи́тсѧ в̾ сꙋбо́тꙋ влⷣчнїи пра́здникъ , сᲂверша́етсѧ слꙋ́жба є҆гѡ̀ всѧ̀ непремѣ́ннѡ .

Пᲂдᲂба́етъ вѣ́дати , а҆́ще прилꙋчи́тсѧ , в̾ сꙋбо́тꙋ , а҆ллилꙋ́їѧ , в̾ пѧто́къ , на вече́рни , начина́етъ , і҆єре́й : бл҃гᲂслᲂве́нъ бг҃ъ на́шъ .= мы́же гл҃емъ : а҆ми́нь , цр҃ю нбⷭ҇ныи . трⷭ҇то́е , и҆ по ѻ҆́ч҃е на́шъ . гдⷭ҇и пᲂми́лꙋй , ві҃ . сла́ва , и҆ ны́нѣ . прїиди́те пᲂклᲂни́мсѧ , гⷤ . пᲂсе́мъ , ѱл҃о́мъ , р҃г , бл҃гᲂслᲂвѝ дш҃е мᲂѧ̀ гдⷭ҇а . таⷤ , сла́ва , и҆ ны́нѣ , а҆ллилꙋ́їѧ , гⷤ . і҆єре́й , є҆ктенїю̀ : ми́рᲂмъ гдⷭ҇ꙋ пᲂмо́лимсѧ . пᲂсе́мъ , каѳи́сма : ко́ гдⷭ҇ꙋ внегда̀ скᲂрбѣ́хъ . та́же , на гдⷭ҇и вᲂзва́хъ , стⷯры , ст҃о́мꙋ в̾ минѣ́и , г҃ . и҆ во ѻ҆кта́и , г҃ , мч҃нчна , в҃ , г҃ , д҃ . пе́рвыи ѡ҆ставлѧ́етсѧ . сла́ва , и҆ ны́нѣ , боⷢ҇ , а҃ , рѧдᲂва́гѡ гла́са . таⷤ , свѣ́те ти́хїи . прᲂки́менъ дню̀ . на стихо́внѣ мч҃нчнъ , а҃ . и҆ заꙋпᲂко́йна два̀ . ки́ръ і҆ѡа́нна дамаски́на . сла́ва , и҆ нн҃ѣ , боⷢ҇ . =та́же , ны́нѣ ѿпꙋща́еши . трⷭ҇то́е , по ѻ҆́ч҃е на́шъ . трᲂпа́рь , а҆пⷭ҇ли пррⷪ҇цы и҆ мч҃нцы . сла́ва . пᲂмѧнѝ гдⷭ҇и ꙗ҆́кѡ бл҃гъ . и҆ ны́нѣ , боⷢ҇ , мт҃и ст҃а́ѧ . и҆ є҆ктенїѧ̀ , и҆ ѿпꙋ́стъ . и҆ ѡ҆бы́чнᲂе и҆схᲂже́нїе в̾ притво́ръ . и҆ кᲂне́чныи ѿпꙋ́стъ .

в̾ сꙋбо́тꙋ , на ᲂу҆́трени , по є҆ѯа̀ ѱл҃мѣ́хъ , сла́ва , и҆ нн҃ѣ , а҆ллилꙋ́їѧ , гⷤ .= и҆ є҆ктенїѧ̀ : ми́рᲂмъ гдⷭ҇ꙋ пᲂмо́лимсѧ . та́же , в̾мѣ́стѡ бг҃ъ гдⷭ҇ь , пᲂе́мъ , а҆ллилꙋ́їѧ , на́ гласъ , в҃ . гл҃емъ по гⷤ . =та́же , сти́хъ , а҃ . бл҃же́ни ꙗ҆́же и҆збра̀ и҆ прїѧ́тъ ѧ҆̀ гдⷭ҇ь . сти́хъ , в҃ . дш҃а и҆́хъ во бл҃ги́хъ вᲂдвᲂрѧ́тсѧ . сти́хъ , г҃ . вᲂзва́ша пра́веднїи , и҆ гдⷭ҇ь ᲂу҆слы́ша и҆́хъ . трᲂпа́рь : а҆пⷭ҇ли прᲂро́цы и҆ мч҃нцы , вⷤ . сла́ва . пᲂмѧнѝ гдⷭ҇и ꙗ҆́кѡ бл҃гъ . и҆ ны́нѣ , боⷢ҇ , мт҃и ст҃а́ѧ . та́же , каѳи́сма , ѕі҃ . речѐ гдⷭ҇ь гдⷭ҇ви мᲂемꙋ̀ , а҆ллилꙋ́їѧ же пᲂе́мъ , на рѧдᲂвы́и гла́съ . по каѳи́сме , є҆ктенїѧ̀ , и҆ гл҃емъ сѣда́льна , во ѻ҆кта́и . мч҃нчна два̀ , втᲂры́й и҆ тре́тїй , а҆ пе́рвый ѡ҆ставлѧ́етсѧ . та́же , сти́хъ : ди́венъ бг҃ъ во ст҃ы́хъ свᲂи́хъ бг҃ъ і҆и҃левъ . и҆ гл҃е́мъ четве́ртый мч҃нченъ . а҆ боⷢ҇ , пе́рвыи ѡ҆ставлѧ́етсѧ . та́же , сти́хъ : бл҃же́ни ꙗ҆́же и҆збра̀ и҆ прїѧ́тъ ѧ҆̀ гдⷭ҇ь . и҆ гл҃е́мъ сѣда́льнꙋ пᲂко́йнꙋ , гла́сꙋ . сла́ва , и҆ ны́нѣ , боⷢ҇ , втᲂры́и . та́же , каѳи́сма , з҃і , непᲂро́чны пᲂе́мъ , со блгⷭ҇ве́нъ є҆сѝ гдⷭ҇и , на́ гласъ , в҃ . раздѣлѧ́емъ же каѳи́смꙋ на́ двᲂе . насредѝ непᲂро́чныхъ . по а҃ , статїѝ не гл҃емъ , сла́ва , и҆ ны́нѣ , но пᲂе́мъ , по кᲂнцы̀ . Ꙗ҆́кѡ а҆́ще незако́нъ тво́й пᲂꙋче́нїе мᲂѐ є҆́сть , тᲂгда̀ ᲂу҆́бѡ пᲂги́блъ бы́хъ во смире́нїи мᲂе́мъ . во́ вѣки незабꙋ́дꙋ ѡ҆правда́нїи твᲂи́хъ , ꙗ҆́кѡ в̾ ни́хъ живи́лъ мѧ є҆сѝ . гⷤ . и҆ твᲂри́тъ і҆єре́й є҆ктенїю̀ : па́ки и҆ па́ки ми́рᲂмъ гдⷭ҇ꙋ пᲂмо́лимсѧ . є҆щѐ мо́лимсѧ ѡ҆ пᲂко́и бл҃же́нныѧ па́мѧти , и҆ ѡ҆ ѡ҆ставле́нїи сᲂгрѣше́нїи , всѣ́хъ пре́же ᲂу҆со́пшихъ , прⷭ҇нѡ пᲂмина́емыхъ ра́бъ твᲂи́хъ . Стѣ́йшихъ вселе́нскихъ патрїа́рхъ . правᲂсла́вныхъ цр҃е́й и҆ цр҃цъ . преѡ҆сщ҃е́нныхъ митрᲂпᲂли́тѡвъ . бл҃гᲂвѣ́рныхъ вели́кихъ кнѧзе́й и҆ кнѧги́нь . бг҃ᲂлюби́выхъ а҆рхїє҆пкⷭ҇пѡвъ , є҆пкⷭ҇пѡвъ . бл҃гᲂчести́выхъ кнѧзе́й и҆ кнѧги́нь . сщ҃е́нныхъ а҆рхи́мандритѡвъ и҆ и҆гꙋ́менѡвъ , и҆ всегѡ̀ сщ҃е́нническагѡ и҆ и҆́нᲂческагѡ чи́на . пра́ѻ҆ц҃ъ и҆ ѻ҆ц҃ъ , и҆ бра́тїи на́шихъ . и҆ и҆́же здѣ̀ лежа́щихъ , и҆ по всю́дꙋ правᲂсла́вныхъ хрⷭ҇тїа́нъ . ѡ҆ прᲂсти́ти и҆́мъ всѧ́кѡ сᲂгрѣше́нїе , во́льнᲂе и҆ нево́льнᲂе . ꙗ҆́кѡ да гдⷭ҇ь бг҃ъ на́шъ ᲂу҆чини́тъ дꙋ́ши и҆́хъ , в̾ мѣ́стѣ свѣ́тлѣ , в̾ мѣ́стѣ зла́чнѣ , в̾ мѣ́стѣ пᲂко́йнѣ . в̾ нѣ́дрѣхъ а҆враа́ма , и҆ и҆саа́ка , и҆ і҆а́кѡва . млⷭ҇ть бж҃їю и҆ црⷭ҇тво нбⷭ҇нᲂе , и҆ ѡ҆ставле́нїе грѣхо́въ и҆спрᲂси́вше тѣ́мъ , са́ми себѣ̀ и҆ дрꙋ́гъ дрꙋ́гꙋ , и҆ ве́сь живо́тъ на́шъ хрⷭ҇тꙋ̀ бг҃ꙋ предади́мъ . та́же , вᲂз̾гла́съ : ꙗ҆́кѡ ты̀ є҆сѝ вᲂскрⷭ҇нїе и҆ живо́тъ , и҆ пᲂко́й ᲂу҆со́пшихъ ра́бъ твᲂи́хъ , и҆́же здѣ̀ лежа́щихъ , и҆ по всю́дꙋ правᲂсла́вныхъ хрⷭ҇тїа́нъ , хрⷭ҇тѐ бж҃е на́шъ . и҆ тебѣ̀ сла́вꙋ вᲂз̾сыла́емъ со без̾нача́льнымъ тѝ ѻ҆ц҃е́мъ , и҆ съ прест҃ы́мъ бл҃ги́мъ , и҆ живᲂтвᲂрѧ́щимъ ти дх҃ᲂмъ , ны́нѣ и҆ прⷭ҇нѡ и҆ во́ вѣки вѣко́мъ , а҆ми́нь . та́же , пᲂе́мъ , дрꙋгꙋ́ю пᲂлᲂви́нꙋ . тво́й є҆́смь а҆́зъ спаси́ мѧ . на кᲂне́цъ , гл҃емъ : жива̀ бꙋ́детъ дш҃а мᲂѧ̀ , гⷤ . таⷤ , блгⷭ҇ве́нъ є҆сѝ гдⷭ҇и наꙋчѝ на́съ ѡ҆правда́нїемъ твᲂи́мъ . и҆ пᲂе́мъ , трᲂпарѝ , за ᲂу҆пᲂко́й . ст҃ы́хъ ли́къ ѡ҆брѣ́те и҆сто́чникъ . и҆ =по ни́хъ дїа́кᲂнства . гл҃етъ і҆єре́й , прежерече́ннаѧ за ᲂу҆пᲂко́й , и҆ пᲂмина́етъ всѣ́хъ ᲂу҆со́пшихъ ѻ҆ц҃ъ и҆ бра́тїи на́шихъ . мы́ же гл҃емъ , гдⷭ҇и пᲂми́лꙋй , м҃ , до́ндеже скᲂнча́етъ і҆єре́й , пᲂмѧ́нникъ . =и҆ по се́мъ гл҃етъ мл҃твꙋ в̾ та́й : бж҃е дх҃ᲂво́мъ и҆ всѧ́кᲂй . и҆ по вᲂз̾гла́сѣ , сѣда́ленъ , гла́съ , є҃ . пᲂко́й сп҃се на́шъ . сла́ва , и҆ ны́нѣ , боⷢ҇ . и҆́же ѿ дв҃ы вᲂсїѧ́выи ми́рꙋ . ѱл҃о́мъ , н҃ . пᲂми́лꙋй мѧ бж҃е . Кано́нъ , ст҃о́мꙋ в̾ минѣ́и , со и҆рмᲂсо́мъ , на́ ѕ҃ . и҆ ст҃о́мꙋ є҆го́же храмъ , на д҃ . и҆ во ѻ҆ктаи , на д҃ . кано́нъ первыи . по г҃ , пѣ́сни , сѣдаленъ , в̾ минѣ́и ст҃о́мꙋ . по ѕ҃ , пѣ́сни , кᲂнда́къ , гла́съ , и҃ . со ст҃ы́ми пᲂко́й , и҆ и҆́кᲂсъ . по ѳ҃ , пѣ́сни . дᲂсто́йнѡ є҆́сть . и҆ пᲂкло́нъ до землѝ . є҆ктенїѧ̀ . та́же , свѣти́ленъ , гла́сꙋ . не́бо ѕвѣзда́ми ᲂу҆краше́и . на хвали́тѣхъ , стихѣ́ры мч҃нчны , д҃ . и҆ заꙋпᲂко́инъ . сла́ва , и҆ ны́нѣ , боⷢ҇ . на стихо́внѣ стⷯры , за ᲂу҆пᲂко́й , ки́ръ ѳеѡ́фана . сла́ва , и҆ нн҃ѣ , боⷢ҇ . та́же , бл҃го є҆́сть и҆спᲂвѣ́датисѧ гдⷭ҇ви . трⷭ҇то́е , и҆ по ѻ҆́ч҃е на́шъ . трᲂпа́рь : а҆пⷭ҇ли пррⷪ҇цы и҆ мч҃нцы . сла́ва . пᲂмѧнѝ гдⷭ҇и ꙗ҆́кѡ бл҃гъ . и҆ ны́нѣ , боⷢ҇ , мт҃и ст҃а́ѧ . и҆ є҆ктенїѧ̀ . и҆ гл҃етъ , і҆єре́й : сы́и блгⷭ҇ве́нъ бг҃ъ на́шъ . и҆ та́кѡ . и҆ ѿпꙋ́стъ . та́же , ча́съ , а҃ . и҆ и҆схᲂже́нїе в̾ притво́ръ . и҆ кᲂне́чныи ѿпꙋ́стъ . на ча́сѣхъ трᲂпа́рь : а҆пⷭ҇ли прᲂро́цы и҆ мч҃нцы . сла́ва . пᲂмѧнѝ гдⷭ҇и ꙗ҆́кѡ бл҃гъ . и҆ ны́нѣ , боⷢ҇ , часо́въ . и҆ по ѻ҆́ч҃е на́шъ , кᲂнда́къ , со ст҃ы́ми пᲂко́й . сла́ва , и҆ ны́нѣ , кᲂнда́къ , бцⷣѣ . взбра́ннᲂй вᲂево́дѣ . на литꙋргі́и ,= бл҃же́нна во ѻ҆кта́и , на́ ѕ҃ . по вхо́дѣ трᲂпарѝ : а҆пⷭ҇ли пррⷪ҇цы и҆ мч҃нцы . пᲂмѧнѝ гдⷭ҇и ꙗ҆́кѡ бл҃гъ . сла́ва , кᲂнда́къ , со ст҃ы́ми пᲂко́й . =и҆ =ны́нѣ , боⷢ҇ . тебѐ стѣ́нꙋ и҆ прибѣ́жище . прᲂки́менъ , гла́съ , ѕ҃ . весели́тесѧ ѡ҆́ гдⷭ҇ѣ , и҆ ра́дꙋйтесѧ пра́веднїи . =сти́хъ : бл҃же́ни и҆́мже ѿпꙋсти́шасѧ без̾зако́нїѧ , и҆ и҆́мже прикры́шасѧ грѣсѝ . за ᲂу҆пᲂко́й , прᲂки́менъ , дш҃а и҆́хъ во бл҃ги́хъ вᲂдвᲂрѧ́тсѧ . а҆пⷭ҇лъ , сꙋбо́та рѧ́дъ . дрꙋгі́и за ᲂу҆пᲂко́й . а҆ллилꙋ́їѧ , гла́съ , и҃ . вᲂзва́ша пра́веднїи , и҆ гдⷭ҇ь ᲂу҆слы́ша и҆́хъ . сти́хъ : бл҃же́ни ꙗ҆́же и҆збра̀ , и҆ прїѧ́тъ ѧ҆̀ гдⷭ҇ь . є҆ѵⷢ҇а́лїе сꙋбо́та рѧ́дꙋ . и҆ дрꙋго́е заꙋпᲂко́й . прича́стенъ , ра́дꙋйтесѧ пра́веднїи ѡ҆́ гдⷭ҇ѣ . и҆ дрꙋгі́и , заꙋпᲂко́й , бл҃же́ни ꙗ҆́же и҆збра̀ , и҆ прїѧ́тъ ѧ҆̀ гдⷭ҇ь . па́мѧть и҆́хъ ѿ́ рᲂдъ в̾ ро́дъ . а҆ллилꙋ́їѧ .

Пᲂдᲂба́етъ вѣ́дати , ꙗ҆́кѡ а҆́ще прилꙋчи́тсѧ в̾ сꙋбо́тꙋ , пред̾пра́зднество , и҆лѝ пᲂпра́зднество , и҆ ст҃ы́и и҆мѣ́ѧи , литꙋргі́ю , и҆ пѣ́снь , на литꙋргі́и , бл҃же́нна пра́здникꙋ на д҃ . и҆ ст҃о́мꙋ , на д҃ . По вхо́дѣ , трᲂпа́ри ст҃о́мꙋ , и҆ заꙋпᲂко́й . сла́ва , кᲂнда́къ , ст҃о́мꙋ . и҆ ны́нѣ , кᲂнда́къ , пра́здникꙋ . прᲂки́менъ , а҆пⷭ҇лъ , а҆ллилꙋ́їѧ , є҆ѵⷢ҇а́лїе , прича́стенъ , пре́же ст҃о́мꙋ . та́же , заꙋпᲂко́й . а҆́щели не и҆́мать ст҃ы́и литꙋргі́и , и҆ пᲂе́мъ , бл҃же́нны , пѣ́снь , пра́здникꙋ , на д҃ . и҆ во ѻ҆кта́и гла́сꙋ на д҃ . и҆ про́чаѧ , слꙋ́жба , литꙋргі́и , ꙗ҆́кᲂже написа́сѧ .

Пᲂдᲂба́етъ вѣ́дати , ѡ҆ є҆́же ка́кѡ быва́етъ ѡ҆ ᲂу҆со́пшихъ вᲂслѣ́дᲂванїю . в̾ пѧто́къ , ве́черъ . по ѿпꙋще́нїи вече́рни , ѡ҆бо́лкшꙋсѧ сщ҃е́нникꙋ въ фело́нь . и҆ прїе́мшꙋ кади́ло и҆ ѳимїа́нъ , и҆схо́дитъ в̾ притво́ръ . пред̾ и҆дꙋ́щꙋ є҆мꙋ̀ параєклисїа́рхꙋ , со свѣ́щникᲂмъ . пᲂслѣ́дᲂваемъ же по ни́хъ и҆ мы̀ . и҆ є҆гда̀ прїитѝ є҆мꙋ̀ в̾ притво́ръ , пред̾ ᲂу҆гᲂто́ванѣ же бы́вши кꙋтїѝ . і҆єре́й же гл҃етъ : блгⷭ҇ве́нъ бг҃ъ на́шъ , всегда̀ и҆ ны́нѣ и҆ прⷭ҇нѡ и҆ во́ вѣки вѣко́мъ . кадѧ̀ над̾ кꙋтїе́ю крⷭ҇тᲂѡ҆бра́зно . мы́же гл҃емъ : трист҃о́е , и҆ по ѻ҆́ч҃е на́шъ .= і҆єре́й , вᲂз̾гла́съ : ꙗ҆́кѡ твᲂѐ є҆́сть црⷭ҇тво . =та́же , гдⷭ҇и пᲂми́лꙋй , в҃і . сла́ва , и҆ ны́нѣ . прїиди́те пᲂклᲂни́мсѧ , гⷤ . и҆ гл҃емъ , ѱало́мъ , ч҃ . живы́и в̾ по́мᲂщи вы́шнѧгѡ . и҆ по кᲂнцѣ̀ є҆гѡ̀ , сла́ва , и҆ ны́нѣ , а҆ллилꙋ́їѧ , гⷤ . и҆ быва́етъ , є҆ктенїѧ̀ пᲂко́йна : ми́рᲂмъ гдⷭ҇ꙋ пᲂмо́лимсѧ . ѡ҆ свы́шнѣмъ ми́рѣ , и҆ ѡ҆ спасе́нїи дꙋ́шъ на́шихъ , гдⷭ҇ꙋ пᲂмо́лимсѧ . ѡ҆ ѡ҆ставле́нїи сᲂгрѣше́нїи и҆́же во бл҃же́ннѣй па́мѧти преста́вльшихсѧ , гдⷭ҇ꙋ пᲂмо́лимсѧ . ѡ҆ приснᲂпа́мѧтныхъ рабѣ́хъ бж҃їихъ , і҆мⷬ҇къ , пᲂко́ѧ тишины̀ бл҃же́нныѧ па́мѧти и҆́хъ , гдⷭ҇ꙋ пᲂмо́лимсѧ .= ѡ҆= прᲂсти́ти и҆́мъ всѧ́ко прегрѣше́нїе во́льнᲂе и҆ нево́льнᲂе , гдⷭ҇ꙋ пᲂмо́лимсѧ . ѡ҆ не ѡ҆сꙋже́нымъ пред̾ста́ти , ᲂу҆стра́шнагѡ престо́ла гдⷭ҇а сла́вы , гдⷭ҇ꙋ пᲂмо́лимсѧ . ѡ҆ пла́чꙋщихъ и҆ бᲂлѣ́знꙋющихъ , є҆́же ча́ющихъ хрⷭ҇то́ва ᲂу҆тѣше́нїѧ , гдⷭ҇ꙋ пᲂмо́лимсѧ . ѡ҆ ѿпꙋсти́тисѧ и҆́мъ ѿ всѧ́кїѧ бᲂлѣ́зни , и҆ печа́ли и҆ вᲂз̾дыха́нїѧ , и҆ всели́ти и҆́хъ , и҆дѣ́же присѣща́етъ свѣ́тъ лица̀ твᲂегѡ̀ , гдⷭ҇ꙋ пᲂмо́лимсѧ . ꙗ҆́кѡ да гдⷭ҇ь бг҃ъ на́шъ ᲂу҆чини́тъ дш҃а и҆́хъ , в̾ мѣ́стѣ свѣ́тлѣ , в̾ мѣ́стѣ зла́чнѣ , в̾ мѣ́стѣ пᲂко́йнѣ , и҆дѣ́же всѝ пра́веднїи пребыва́ютъ , гдⷭ҇ꙋ пᲂмо́лимсѧ .= ѡ҆= причте́нїи и҆́хъ на ло́нѣ а҆враа́ма , и҆ и҆саа́ка , и҆ і҆а́кѡва , гдⷭ҇ꙋ пᲂмо́лимсѧ . ѡ҆ и҆зба́витисѧ на́мъ ѿ всѧ́кїѧ ско́рби гнѣ́ва и҆ нꙋ́жди , гдⷭ҇ꙋ пᲂмо́лимсѧ . застꙋпѝ спасѝ пᲂми́лꙋй , и҆ сᲂхранѝ на́съ бж҃е свᲂе́ю бл҃гᲂда́тїю , гдⷭ҇ꙋ пᲂмо́лимсѧ . ми́лᲂсть бж҃їю и҆ црⷭ҇тво нбⷭ҇нᲂе , и҆ ѡ҆ставле́нїе грѣхо́въ и҆спрᲂси́вше тѣ́мъ , и҆ са́ми себѣ̀ дрꙋ́гъ дрꙋ́гꙋ , и҆ ве́сь живо́тъ на́шъ хрⷭ҇тꙋ̀ бг҃ꙋ предади́мъ . мы́же : тебѣ̀ гдⷭ҇и . і҆єре́й , вᲂз̾гла́съ : ꙗ҆́кѡ ты̀ є҆сѝ вᲂскрⷭ҇нїе и҆ живо́тъ , и҆ пᲂко́й ᲂу҆со́пшихъ ра́бъ твᲂи́хъ при́снѡ пᲂмина́емыхъ сᲂзда́телей , ѻ҆ц҃ъ и҆ бра́тїи на́шихъ , и҆́же здѣ̀ лежа́щихъ , и҆ по всю́дꙋ правᲂсла́вныхъ хрⷭ҇тїа́нъ , хрⷭ҇тѐ бж҃е на́шъ . и҆ тебѣ̀ сла́вꙋ вᲂз̾сыла́емъ , со без̾нача́льнымъ тѝ ѻ҆ц҃е́мъ , и҆ съ прест҃ы́мъ бл҃ги́мъ , и҆ живᲂтвᲂрѧ́щимъ тѝ дх҃ᲂмъ , нн҃ѣ и҆ прⷭ҇нѡ и҆ во́ вѣки вѣко́мъ , а҆ми́нь . та́же , а҆ллилꙋ́їѧ , гⷤ . на́ гласъ , и҃ . гл҃емъ , стихѝ сїѧ̀ . сти́хъ , а҃ . бл҃же́ни ꙗ҆́же и҆збра̀ , и҆ прїѧ́тъ ѧ҆̀ гдⷭ҇ь . сти́хъ , в҃ . па́мѧть и҆́хъ въ ро́дъ и҆ ро́дъ . сти́хъ , г҃ . дш҃а и҆́хъ во бл҃ги́хъ вᲂдвᲂрѧ́тсѧ .

трᲂпа́рь , гла́съ , и҃ . И҆́же глꙋбина́ми мꙋ́дрᲂсти , чл҃кᲂлю́бнѣ всѧ̀ стро́ѧ , и҆ є҆́же на по́льзꙋ всѣ́мъ пᲂдава́ѧ , є҆ди́не сᲂдѣ́телю , пᲂко́й гдⷭ҇и дш҃а ра́бъ свᲂи́хъ . на тѧ́ бо ᲂу҆пᲂва́нїе вᲂзлᲂжи́ша , твᲂрца̀ и҆ зижди́телѧ и҆ бг҃а на́шегѡ . два́жды . сла́ва , и҆ ны́нѣ , боⷢ҇ . Тебѐ гра́дъ и҆ приста́нище и҆́мамы , и҆ мл҃твеницꙋ бл҃гᲂпрїѧ́тнꙋ , к̾ ро́ждьшемꙋсѧ и҆з̾ тебѐ бг҃ꙋ , бцⷣе без̾невѣ́стнаѧ вѣ́рнымъ спасе́нїе .

пᲂсе́мъ , каѳи́сма : бл҃же́ни непᲂро́чнїи . пᲂе́мъ и҆́хъ , на́ гласъ , є҃ . припѣ́въ . бл҃гᲂслᲂве́нъ є҆сѝ гдⷭ҇и . нѣ́цыи же пᲂю́тъ := пᲂмѧнѝ гдⷭ҇и дш҃а ра́бъ свᲂи́хъ . =та́же , начина́етъ пе́рвыи ли́къ := бл҃же́ни непᲂро́чнїи . дрꙋгі́и же ли́къ , в҃ , сти́хъ , =и҆ по́ рѧдꙋ про́чїѧ стихѝ , ѻ҆́ба ли́ка . раздѣлѧ́емъ же , на́ двѣ статїѝ . по пе́рвᲂй статїѝ не глаго́лемъ , сла́ва , и҆ ны́нѣ , но а҆́бїе се́й сти́хъ , ꙗ҆́кѡ а҆́ще незако́нъ тво́й пᲂꙋче́нїе мᲂѐ є҆́сть , тᲂгда̀ ᲂу҆́бѡ пᲂги́блъ бы́хъ во смире́нїи мᲂе́мъ . во́ вѣки незабꙋ́дꙋ ѡ҆правда́нїи твᲂи́хъ , ꙗ҆́кѡ в̾ ни́хъ живи́лъ мѧ є҆сѝ .= гⷤ , гл҃емъ . =та́же , і҆єре́й , є҆ктенїю̀ : па́ки и҆ па́ки , ми́рᲂмъ гдⷭ҇ꙋ пᲂмо́лимсѧ . є҆щѐ мо́лимсѧ ѡ҆ ѡ҆ставле́нїи сᲂгрѣше́нїи , и҆́же во бл҃же́ннѣй па́мѧти преста́вльшихсѧ прⷭ҇нᲂпᲂмина́емыхъ ра́бъ свᲂи́хъ , і҆мⷬ҇къ . ѡ҆ =прᲂсти́ти и҆́мъ всѧ́ко сᲂгрѣше́нїе , во́льнᲂе и҆ нево́льнᲂе . ꙗ҆́кѡ да гдⷭ҇ь бг҃ъ на́шъ ᲂу҆чини́тъ дш҃а и҆́хъ , в̾ мѣ́стѣ свѣ́тлѣ , в̾ мѣ́стѣ зла́чнѣ , в̾ мѣ́стѣ пᲂко́йнѣ , в̾ нѣ́дрѣхъ а҆враа́ма , и҆ и҆саа́ка , и҆ і҆а́кѡва . ми́лᲂсть бж҃їю и҆ црⷭ҇тво нбⷭ҇нᲂе , и҆ ѡ҆ставле́нїе грѣхо́въ и҆спрᲂси́вше тѣ́мъ , и҆ са́ми себѣ̀ и҆ дрꙋ́гъ дрꙋ́гꙋ , и҆ ве́сь живо́тъ на́шъ хрⷭ҇тꙋ̀ бг҃ꙋ предади́мъ . =мы́же : тебѣ̀ гдⷭ҇и . та́же мл҃тва , в̾ та́й , гл҃емаѧ ѿ і҆єре́ѧ : гдⷭ҇ꙋ пᲂмо́лимсѧ . мы́же : гдⷭ҇и пᲂмилꙋй , м҃ . дᲂко́лѣ и҆з̾гл҃етъ , і҆єре́й , мл҃твꙋ сїю̀ в̾ та́й : Бж҃е дх҃ᲂво́мъ и҆ всѧ́кᲂй пло́ти , и҆́же сме́рть пᲂпра́въ , и҆ дїа́вᲂла ᲂу҆праздни́въ , и҆ жи́знь всемꙋ̀ ми́рꙋ дарᲂва́въ , са́мъ гдⷭ҇и пᲂко́й дш҃а ра́бъ свᲂи́хъ , і҆мⷬ҇къ , в̾ мѣ́стѣ свѣ́тлѣ , в̾ мѣ́стѣ зла́чнѣ , в̾ мѣ́стѣ пᲂко́йнѣ . ѿ ню́дꙋже ѿбѣжѐ бᲂлѣ́знь печа́ль и҆ вᲂздыха́нїе . и҆ всѧ́ко прегрѣше́нїе , во́льнᲂе и҆ нево́льнᲂе сᲂдѣ́ѧннᲂе и҆́ми , сло́вᲂмъ и҆ дѣ́лᲂмъ , и҆ пᲂмышле́нїемъ , ꙗ҆́кѡ бл҃гъ и҆ чл҃кᲂлю́бецъ прᲂстѝ . ꙗ҆́кѡ нѣ́сть чл҃ка и҆́же жи́въ бы́сть , и҆ к̾ тебѣ̀ несᲂгрѣшѝ . ты́ бо є҆ди́нъ всѧ́кᲂгѡ грѣха̀ крᲂмѣ̀ є҆сѝ . пра́вда твᲂѧ̀ , пра́вда во́ вѣки , и҆ сло́во твᲂѐ и҆́стина . вᲂз̾гла́съ : ꙗ҆́кѡ ты̀ є҆сѝ вᲂскрⷭ҇нїе и҆ живо́тъ , и҆ пᲂко́й ᲂу҆со́пшимъ рабо́мъ твᲂи́мъ хрⷭ҇тѐ бж҃е на́шъ . и҆ тебѣ̀ сла́вꙋ вᲂз̾сыла́емъ , со без̾нача́льнымъ тѝ ѻ҆ц҃е́мъ , и҆ съ прест҃ы́мъ бл҃ги́мъ , и҆ живᲂтвᲂрѧ́щимъ тѝ дх҃ᲂмъ , нн҃ѣ и҆ при́снѡ и҆ во́ вѣки вѣко́мъ . мы́же : а҆ми́нь .= та́же , начина́етъ , втᲂры́и ли́къ : тво́й є҆́смь а҆́зъ спаси́ мѧ . =припѣ́въ : ᲂу҆пᲂко́й гдⷭ҇и дш҃а ра́бъ свᲂи́хъ . по́ рѧдꙋ , ѻ҆́ба ли́ка , и҆ про́чїѧ стихѝ . на кᲂнцѣ́ же гл҃емъ , сти́хъ : жива̀ бꙋ́детъ дш҃а мᲂѧ̀ ,= гⷤ , до кᲂнца̀ .=

та́же , трᲂпарѝ за ᲂу҆пᲂко́й . пᲂе́мъ , на́ гласъ , є҃ . =припѣ́въ : бл҃гᲂслᲂве́нъ є҆сѝ гдⷭ҇и наꙋчѝ на́съ ѡ҆правда́нїемъ твᲂи́мъ . Ст҃ы́хъ ли́къ ѡ҆бре́те и҆́стᲂчникъ жи́зни , и҆ две́рь ра́йскꙋю , ѡ҆брѧ́щꙋ и҆ а҆́зъ пꙋ́ть пᲂкаѧ́нїемъ . пᲂги́бшее ѻ҆вча̀ а҆́зъ є҆́смь , призᲂви́ мѧ сп҃се , и҆ спаси́ мѧ . блгⷭ҇ве́нъ є҆сѝ гдⷭ҇и наꙋчѝ на́съ ѡ҆правда́нїемъ твᲂи́мъ . И҆́же дла́нїю ѿ небы́тїѧ сᲂзда́выи мѧ , и҆ ѻ҆́бразᲂмъ свᲂи́мъ бжⷭ҇твенымъ пᲂче́тъ . престꙋпле́нїемъ же за́пᲂвѣди , па́ки вᲂз̾врати́ мѧ в̾ зе́млю , ѿ неѧ́же взѧ́тъ бы́хъ . и҆ на пᲂдо́бствїе вᲂз̾веде́ мѧ , и҆ дре́внею дᲂбро́тᲂю ᲂу҆краси́въ мѧ . блгⷭ҇ве́нъ є҆сѝ гдⷭ҇и наꙋчѝ на́съ ѡ҆правда́нїемъ твᲂи́мъ . Ѻ҆́бразъ є҆́смь не и҆зрече́нныѧ сла́вы твᲂеѧ̀ , а҆́ще и҆ ꙗ҆́звы нᲂшꙋ̀ сᲂгреше́нїѧ , но ᲂу҆ще́дри свᲂѐ сᲂзда́нїе влⷣко , и҆ ѡ҆чи́сти свᲂи́мъ млрⷭ҇дїемъ , и҆ жела́емᲂе ѻ҆те́чество пᲂда́ждь ми , и҆ раю̀ па́ки сᲂтвᲂри́ мѧ жи́телѧ . =блгⷭ҇ве́нъ є҆сѝ гдⷭ҇и наꙋчѝ на́съ ѡ҆правда́нїемъ твᲂи́мъ . И҆́же в̾ пꙋ́тъ ᲂу҆́зкїи , и҆ приско́рбныи хᲂди́вшїи , и҆ всѝ и҆́же в̾ житїѝ , крⷭ҇тъ ꙗ҆́кѡ ꙗ҆ре́мъ на ра́мо взе́мшїи , и҆ мнѣ̀ пᲂслѣ́дᲂвавше вѣ́рᲂю , прїиди́те и҆ прїими́те , ꙗ҆́же ᲂу҆гᲂто́вахъ ва́мъ по́чести , вѣнцы̀ нбⷭ҇ныѧ . бл҃гᲂслᲂве́нъ є҆сѝ гдⷭ҇и наꙋчѝ на́съ ѡ҆правда́нїемъ твᲂи́мъ . И҆́же а҆́гньца бж҃їѧ прᲂпᲂвѣ́давше , и҆ закла́ни бы́вше ꙗ҆́кѡ а҆́гньцы , и҆ къ жи́зни и҆́стиннѣй ст҃і́и преста́вльшесѧ , тᲂмꙋ̀ прилѣ́жнѡ мч҃нцы мᲂли́тесѧ , сᲂгрешѣ́нїемъ разрѣше́нїе на́мъ дарᲂва́ти . бл҃гᲂслᲂве́нъ є҆сѝ гдⷭ҇и наꙋчѝ на́съ ѡ҆правда́нїемъ твᲂи́мъ . Пᲂко́й бж҃е рабы̀ свᲂѧ̀ , и҆ ᲂу҆чинѝ и҆́хъ в̾ раѝ , и҆дѣ́же ли́цы ст҃ы́хъ ти гдⷭ҇и , а҆ пра́веднїи ꙗ҆́кѡ свѣти́ла сїѧ́ютъ , ᲂу҆со́пшїѧ рабы̀ свᲂѧ̀ пᲂко́й , презрѧ̀ и҆́мъ всѧ̀ сᲂгрѣше́нїѧ . сла́ва . Трисвѣ́тлагѡ є҆ди́нагѡ бжⷭ҇тва̀ , бл҃гᲂче́стнѡ пᲂе́мъ вᲂпїю́ще . ст҃ъ є҆сѝ ѻ҆́ч҃е без̾нача́льне , сн҃е , и҆ ст҃ы́и д́ш҃е , прᲂсвѣтѝ на́съ со́ страхᲂмъ вᲂпїю́щихъ тѝ , и҆ вѣ́рᲂю сла́вѧщихъ тѧ̀ , и҆ ѿ вѣ́чнагѡ ѻ҆гнѧ̀ и҆схитѝ . и҆ ны́нѣ . Ра́дꙋисѧ чи́стаѧ , ꙗ҆́же бг҃а пло́тїю без̾ се́мене ро́ждьшаѧ , на спасе́нїе всѣ́мъ . и҆ ро́дъ чл҃ческїи ѡ҆бре́те тᲂбо́ю спасе́нїе . и҆ тᲂбо́ю ра́й да ѡ҆брѧ́щемъ , бцⷣе чи́стаѧ и҆ бл҃гᲂслᲂве́наѧ . пᲂсе́мъ , а҆ллилꙋ́їѧ , гⷤ . та́же , є҆ктенїѧ̀ . и҆ пᲂмина́етъ , і҆єре́й , ᲂу҆со́пшихъ по́ рѧдꙋ , ꙗ҆́кᲂже пре́же написа́сѧ пᲂсредѝ непᲂро́чныхъ . и҆ гл҃емъ , сѣда́ленъ , пᲂко́йнꙋ . гла́съ , є҃ . Пᲂко́й сп҃се на́шъ , с̾ пра́ведными рабы̀ свᲂѧ̀ , и҆ тѣ́хъ вселѝ во двᲂры̀ свᲂѧ̀ , ꙗ҆́кᲂже пи́шетъ , презрѧ̀ и҆́мъ всѧ̀ прегрѣше́нїѧ и҆́хъ ꙗ҆́кѡ бл҃гъ , во́льнаѧ и҆ нево́льнаѧ , и҆ всѧ̀ ꙗ҆́же в̾вѣ́дѣнїи , и҆ не в̾вѣ́дѣнїи чл҃кᲂлю́бче . сла́ва , и҆ нн҃ѣ , боⷢ҇ . И҆́же ѿ дв҃ы вᲂсїѧ́выи всемꙋ̀ ми́рꙋ хрⷭ҇тѐ бж҃е , и҆ сн҃ы свѣ́тꙋ тᲂѧ̀ ра́ди пᲂказа́выи , пᲂми́лꙋй на́съ . та́же , ѱало́мъ , н҃ . пᲂми́лꙋй мѧ бж҃е . та́же , кано́нъ , во ѻ҆кта́и , ᲂу҆со́пшимъ , прѧ́мѡ гла́сꙋ , на д҃ . по г҃ , пѣ́сни , є҆ктенїѧ̀ . и҆ пᲂмина́етъ , і҆єре́й , пре́же ᲂу҆со́пшихъ по́рѧдꙋ , ꙗ҆́кᲂже предѝ рече́сѧ пᲂсредѝ непᲂро́чныхъ . вᲂз̾гла́съ : ꙗ҆́кѡ ты̀ є҆сѝ вᲂскрⷭ҇нїе и҆ живо́тъ . та́же , сѣда́льна , гла́съ , ѕ҃ . Вᲂи́стиннꙋ сꙋета̀ всѧ́ческаѧ . житїе́ бо сѐ , со́нъ и҆ сѣ́нь , и҆ всꙋ́е мѧте́тсѧ всѧ́къ земнᲂро́дныи , ꙗ҆́кᲂже речѐ писа́нїе , а҆́ще и҆ ве́сь ми́ръ прїѡбрѧ́щемъ , и҆ тᲂгда̀ во́ грᲂбъ всели́мсѧ , и҆дѣ́же кꙋ́пнѡ цари́ же и҆ ᲂу҆бо́зїи . тѣ́мже хрⷭ҇тѐ бж҃е , преста́вленыѧ пᲂко́й , ꙗ҆́кѡ чл҃кᲂлю́бецъ . сла́ва , и҆ ны́нѣ , боⷢ҇ . Прест҃а́ѧ бцⷣе , во́ времѧ живᲂта̀ мᲂегѡ̀ не ѡ҆ста́ви менѐ , и҆ чл҃честѣй по́мᲂщи не в̾вѣ́ри менѐ , но сама́ мѧ застꙋпѝ и҆ пᲂми́лꙋй мѧ .

по ѕ҃ , пѣ́сни , и҆ є҆ктенїѧ̀ . пᲂмина́етъ і҆єре́й , пре́жде ᲂу҆со́пшихъ , ꙗ҆́кᲂже пре́же ᲂу҆каза́хᲂмъ . и҆ вᲂз̾гла́съ : ꙗ҆́кѡ ты̀ є҆сѝ вᲂскрⷭ҇нїе . та́же , кᲂнда́къ . гла́съ , и҃ . Со ст҃ы́ми пᲂко́й хрⷭ҇тѐ дш҃а ра́бъ свᲂи́хъ , и҆дѣ́же нѣ́сть бᲂлѣ́зни , ни печа́ли , ни вᲂздыха́нїѧ , но жи́знь вѣ́чнаѧ . и҆́кᲂсъ . Са́мъ є҆ди́нъ є҆сѝ без̾сме́ртенъ , сᲂтвᲂри́выи и҆ сᲂзда́выи чл҃ка . тлѣ́ннїи и҆́же ѿ землѝ со́здани бы́хᲂмъ , и҆ в̾ зе́млю тꙋ́же по́йдемъ , ꙗ҆́кᲂже пᲂвелѣ́лъ є҆сѝ , сᲂзда́выи мѧ и҆ ре́клъ ми , ꙗ҆́кѡ землѧ̀ є҆сѝ и҆ в̾ зе́млю па́ки по́йдеши , и҆дѣ́же всѝ земні́и ѿхо́димъ , над̾гро́бнᲂе рыда́нїе твᲂрѧ́ще , и҆ пᲂю́ще пѣ́снь а҆́нг҃льскꙋю , а҆ллилꙋ́їѧ .

по ѳ҃ , пѣ́сни , глаго́летъ , і҆єре́й , бцⷣꙋ в̾ пѣ́снехъ вᲂзвѣли́чимъ . лю́дїе , дꙋ́си и҆ дш҃а пра́ведныхъ хва́лѧтъ тѧ̀ гдⷭ҇и . И҆ пᲂе́мъ , і҆рмо́съ , ѳ҃ ѧ , пѣ́сни . таⷤ , трⷭ҇то́е , и҆ по ѻ҆́ч҃е на́шъ . гл҃емъ , трᲂпарѝ сїѧ̀ . гла́съ , д҃ . Со́ дꙋхи пра́ведными , скᲂнча́вшихсѧ дш҃а ра́бъ твᲂи́хъ сп҃се пᲂко́й , сᲂхранѧ́ѧ и҆́хъ во бл҃же́ннѣй жи́зни , ꙗ҆́же ᲂу҆ тебѐ чл҃кᲂлю́бче . Въ пᲂко́ищи твᲂе́мъ гдⷭ҇и , и҆дѣ́же всѝ ст҃і́и твᲂѝ пᲂчива́ютъ , ᲂу҆со́пшихъ ра́бъ твᲂи́хъ пᲂко́й , ꙗ҆́кѡ є҆ди́нъ сы́и чл҃кᲂлю́бецъ . сла́ва . Ты̀ є҆сѝ бг҃ъ сᲂше́дыи во а҆́дъ , и҆ ᲂу҆́зы ѡ҆кᲂва́нныхъ разрѣши́въ . и҆ нн҃ѣ ᲂу҆со́пшїѧ рабы̀ твᲂѧ̀ сп҃се пᲂко́й . и҆ ны́нѣ . Є҆ди́на чⷭ҇таѧ и҆ непᲂро́чнаѧ дв҃о , ꙗ҆́же бг҃а без̾ сѣ́мене ро́ждьшаѧ , тᲂгѡ̀ мᲂлѝ спасти́сѧ дш҃а́мъ на́шимъ .

та́же , і҆єре́й , є҆ктенїю̀ : пᲂми́лꙋй на́съ бж҃е по вели́цѣй млⷭ҇ти твᲂе́й . мы́ же , пᲂе́мъ : гдⷭ҇и пᲂми́лꙋй , трегꙋ́бꙋю . є҆щѐ мо́лимсѧ ѡ҆ ѡ҆ставле́нїи сᲂгрѣше́нїи , и҆́же во бл҃же́ннѣй па́мѧти преста́вльшихсѧ прⷭ҇нᲂпᲂмина́емыхъ ра́бъ свᲂи́хъ , і҆мⷬ҇къ . ѡ҆ =прᲂсти́ти и҆́мъ всѧ́ко сᲂгрѣше́нїе , во́льнᲂе и҆ нево́льнᲂе . ꙗ҆́кѡ да гдⷭ҇ь бг҃ъ на́шъ ᲂу҆чини́тъ дш҃а и҆́хъ , в̾ мѣ́стѣ свѣ́тлѣ , в̾ мѣ́стѣ зла́чнѣ , в̾ мѣ́стѣ пᲂко́йнѣ , в̾ нѣ́дрѣхъ а҆враа́ма , и҆ и҆саа́ка , и҆ і҆а́кѡва . ми́лᲂсть бж҃їю и҆ црⷭ҇тво нбⷭ҇нᲂе , и҆ ѡ҆ставле́нїе грѣхо́въ и҆спрᲂси́вше тѣ́мъ , и҆ са́ми себѣ̀ и҆ дрꙋ́гъ дрꙋ́гꙋ , и҆ ве́сь живо́тъ на́шъ хрⷭ҇тꙋ̀ бг҃ꙋ предади́мъ . =мы́же : тебѣ̀ гдⷭ҇и . та́же мл҃тва , в̾ та́й , гл҃емаѧ ѿ і҆єре́ѧ : гдⷭ҇ꙋ пᲂмо́лимсѧ . мы́же : гдⷭ҇и пᲂмилꙋй , м҃ . дᲂко́лѣ и҆з̾гл҃етъ , і҆єре́й , мл҃твꙋ сїю̀ в̾ та́й : Бж҃е дх҃ᲂвѡ́мъ и҆ всѧ́кᲂй пло́ти . и҆ пᲂмина́етъ и҆́же ѿ́ вѣка ᲂу҆ме́ршихъ , ѻ҆ц҃ъ и҆ бра́тїю . на́шꙋ . и҆ сро́дникъ на́шихъ по́ плᲂти . рᲂди́телей и҆ бра́тїи на́шихъ . и҆ всѣ́хъ по всю́дꙋ правᲂсла́вныхъ хрⷭ҇тїа́нъ . и҆́же во бл҃гᲂче́стїи скᲂнча́вшихсѧ . та́же , вᲂз̾гла́съ : ꙗ҆́кѡ ты̀ є҆сѝ вᲂскрⷭ҇нїе и҆ живо́тъ , и҆ пᲂко́й ᲂу҆со́пшимъ рабо́мъ твᲂи́мъ хрⷭ҇тѐ бж҃е на́шъ . и҆ тебѣ̀ сла́вꙋ вᲂз̾сыла́емъ , со без̾нача́льнымъ тѝ ѻ҆ц҃е́мъ , и҆ съ прест҃ы́мъ бл҃ги́мъ , и҆ живᲂтвᲂрѧ́щимъ тѝ дх҃ᲂмъ , нн҃ѣ и҆ прⷭ҇нѡ и҆ во́ вѣки вѣко́мъ . мы́же : а҆ми́нь .= гл҃етъ , і҆єре́й : премꙋ́дрᲂсть . =мы́же : чтⷭ҇нѣ́йшꙋю херꙋви́мъ . і҆єре́й : сла́ва тебѣ̀ бж҃е на́шъ ᲂу҆пᲂва́нїе на́ше сла́ва тебѣ̀ . мы́же : сла́ва , и҆ ны́нѣ , гдⷭ҇и пᲂми́лꙋй , вⷤ , гдⷭ҇и бл҃гᲂслᲂвѝ . і҆єре́й , ѿпꙋ́стъ . И҆́же живы́ми и҆ ме́ртвыми ѡ҆блада́ѧи , хрⷭ҇то́съ и҆́стинныи бг҃ъ на́шъ , мл҃твами пречⷭ҇тыѧ є҆гѡ̀ мт҃ре , и҆ всѣ́хъ ст҃ы́хъ , дш҃а пре́же ᲂу҆со́пшихъ прⷭ҇нᲂпᲂмина́емыхъ , бл҃же́нныхъ сᲂзда́телей , ѻ҆ц҃ъ и҆ бра́тїи на́шихъ , и҆́же здѣ̀ лежа́щихъ , и҆ по всю́дꙋ правᲂсла́вныхъ хрⷭ҇тїа́нъ , в̾ нѣ́дрѣхъ а҆враа́ма , и҆ и҆саа́ка , и҆ і҆а́кѡва , в̾ се́лѣхъ пра́ведныхъ ᲂу҆пᲂко́итъ . и҆ на́съ пᲂми́лꙋетъ , ꙗ҆́кѡ бл҃гъ и҆ чл҃кᲂлю́бецъ . Сі́и же чи́нъ и҆ ᲂу҆ста́въ , пᲂдᲂба́етъ быва́ти во всѧ̀ пѧткѝ , ꙗ҆́вѣ ꙗ҆́кѡ въ ни́хже твᲂри́мъ па́мѧть , ᲂу҆со́пшимъ ѻ҆ц҃е́мъ , и҆ бра́тїѧмъ на́шимъ .

Въ пѧто́къ , ве́черъ . на гдⷭ҇и вᲂзва́хъ , стихѣ́ры , ст҃ы́мъ мч҃нкѡмъ , и҆ ст҃лемъ , и҆ прпⷣбнымъ , гла́съ , є҃ . поⷣ . ра́дꙋйсѧ живᲂно́сныи .= запѣ́въ : ꙗ҆́кѡ ѿ тебѐ ѡ҆чище́нїе є҆́сть . Пла́мень нече́стїѧ лю́тагѡ , страстᲂте́рпцы ᲂу҆гаси́ша , крᲂве́й свᲂи́хъ тече́нїемъ , бл҃гᲂче́стїѧ свѣ́тлᲂсть в̾ ми́рѣ всѣ́мъ вᲂзже́гше мч҃нцы , бо́гиже лжеи҆мени́тыѧ и҆ тѣ́хъ ѕлᲂво́нїѧ , и҆ хра́мы до кᲂнца̀ пᲂпали́ша , свѣ́тъ вᲂсїѧ́ша сꙋ́щимъ на землѝ чи́стѣйшїи . и҆́мже и҆ прᲂсвѣща́еми , тмы̀ и҆збѣга́емъ безбо́жїѧ , и҆ пре́лести и҆́дᲂльскїѧ ᲂу҆клᲂнѧ́емсѧ , и҆ хрⷭ҇тꙋ̀ пᲂклᲂнѧ́емсѧ , пᲂдаю́щемꙋ ми́рᲂви ве́лїю млⷭ҇ть . Слᲂвеса̀ є҆рети́къ ѕлᲂчести́выхъ , и҆ лᲂвле́нїѧ ᲂу҆до́бь разрꙋши́вше , ѻ҆рꙋ́жницы ѻ҆ц҃а без̾нача́льнагѡ , сн҃а сᲂбез̾нача́льна , и҆ ст҃а́гѡ дх҃а бы́сте , в̾ трїе́хъ лицѣ́хъ є҆ди́ньствꙋ бжⷭ҇тва̀ , бл҃гᲂче́стно мꙋ́дренѡ вѣ́рныхъ наꙋча́юще , и҆ ᲂу҆твержа́юще , правᲂсла́внꙋю про́пᲂвѣдь . тѣ́мже и҆ бл҃жи́ми є҆стѐ па́стырїе всесщ҃е́ннїи , ꙗ҆́кѡ на па́житѣхъ живᲂно́сныхъ хрⷭ҇то́во ста́до ᲂу҆пасо́сте , за́нь же всѧ̀ бᲂлѣ́зни и҆ напа́сти мнᲂгᲂѡ҆бра́зныѧ претерпѣ́сте . Стра́сти плᲂтьскі́ѧ ᲂу҆до́бь до кᲂнца̀ пᲂпра̀ , пᲂдви́гшесѧ прпⷣбныхъ сᲂсло́вїе , властели́на ᲂу҆ма̀ дѣѧ́нїемъ дᲂбрᲂдѣ́телей прїе́мше , и҆́мже бѣсо́вскїѧ всѧ̀ ко́зни пᲂбѣди́ша до́блественѣ , и҆ а҆́нг҃лѡмъ сᲂбесѣ́дницы ꙗ҆ви́шасѧ , ꙗ҆́кѡ беспло́тни пᲂжи́вше . с̾ ни́миже и҆ ны́нѣ ра́дꙋютсѧ в̾ вы́шнихъ ѻ҆би́телехъ , свѣ́тлѡ живꙋ́ще , и҆ хрⷭ҇тꙋ̀ пред̾стᲂѧ́тъ , ѿ негѡ̀ прᲂсѧ́ще , дш҃а́мъ на́шимъ дарᲂва́ти ве́лїю млⷭ҇ть . =и҆́ны стихѣ́ры . гла́съ , то́йже . =запѣ́въ : ѿ всѣ́хъ без̾зако́нїи є҆гѡ̀ . Щито́мъ вѣ́ры ѡ҆бо́лкшесѧ , и҆ ѻ҆́бразᲂмъ кре́стнымъ себѐ ᲂу҆крѣ́пльше , к̾ мꙋ́камъ мꙋ́жески в̾да́шасѧ , и҆ дїа́вᲂлю гᲂрды́ню и҆ ле́сть ᲂу҆праздни́ша , ст҃і́и твᲂѝ гдⷭ҇и . тѣ́хъ мл҃твами ꙗ҆́кѡ всеси́льныи бг҃ъ , ми́рꙋ смире́нїе низ̾пᲂслѝ , и҆ дш҃а́мъ на́шимъ ве́лїю млⷭ҇ть . =два́жды . Ѡ҆ земны́хъ всѣ́хъ небре́гше , и҆ на мꙋ́ки мꙋ́жески дерзнꙋ́вше , бл҃же́нныхъ наде́ждъ непᲂгрѣши́сте , но нбⷭ҇нᲂмꙋ црⷭ҇твїю наслѣ́дницы бы́сте , прехва́льнїи мч҃нцы . и҆мꙋ́ще дерзнᲂве́нїе к̾ чл҃кᲂлю́бцꙋ бг҃ꙋ , ми́рꙋ смире́нїе прᲂси́те , и҆ дш҃а́мъ на́шимъ ве́лїю млⷭ҇ть .

сла́ва , и҆ ны́нѣ , боⷢ҇ . Въ чермнѣ́мъ мо́ри , бракᲂнеи҆скꙋ́сныѧ невѣ́сты ѻ҆́бразъ написа́сѧ дре́вле . та́мѡ мѡѷсе́й раздѣли́тель вᲂдѣ̀ , здѣ́ же гаврїи́лъ слꙋжи́тель чꙋдесѝ . тᲂгда̀ глꙋбинꙋ̀ немо́крено ше́ствᲂвавъ і҆и҃ль , ны́нѣ же хрⷭ҇та̀ рᲂдѝ без̾ сѣ́мене дв҃аѧ . мо́ре по прᲂше́ствїи і҆и҃левѣ , пребы́сть непрᲂхᲂди́мо , непᲂро́чнаѧ же по ржⷭ҇твѣ̀ є҆мманꙋ́йлевѣ , пребы́сть нетлѣ́нна . сы́и пре́жде сы́и , ꙗ҆вле́исѧ ꙗ҆́кѡ чл҃къ , бж҃е пᲂми́лꙋй на́съ . та́же , свѣ́тѣ ти́хїи . прᲂки́менъ , дню̀ . та́же , спᲂдо́би гдⷭ҇и в̾ ве́черъ се́й . на стихо́внѣ , стихѣ́ры . гла́съ , є҃ . Мᲂли́те за ны̀ ст҃і́и мч҃нцы , да и҆зба́вимсѧ ѿ без̾зако́нїи на́шихъ , ва́мъ бо дана̀ бы́сть бл҃гᲂда́ть мᲂли́тисѧ ѡ҆ на́съ . Несы́тнᲂю любо́вїю дш҃и , хрⷭ҇та̀ не ѿверго́стесѧ ст҃і́и мч҃нцы , и҆́же разли́чныѧ ра́ны страсте́й претерпѣ́вше , мꙋчи́телемъ гᲂрды́ню низ̾лᲂжи́сте , непрекло́ннꙋ и҆ невреди́мꙋ вѣ́рꙋ сᲂхра́ньше , на нб҃са̀ преста́вистесѧ . тѣ́мже и҆ дерзнᲂве́нїе и҆мꙋ́ще к̾ немꙋ̀ , прᲂси́те дарᲂва́ти на́мъ ве́лїю млⷭ҇ть . пᲂко́ин̾ . Пᲂмѧнꙋ́хъ пррⷪ҇ка вᲂпїю́ща , а҆́зъ є҆́смь землѧ̀ и҆ пе́пелъ . и҆ па́ки раз̾смᲂтри́хъ во грᲂбѣ́хъ , и҆ ви́дѣхъ ко́сти ѡ҆бнаже́ны , и҆ рѣ́хъ ᲂу҆́бѡ , кто̀ є҆́сть цр҃ь ли , и҆лѝ ни́щъ , и҆лѝ пра́ведникъ , и҆лѝ грѣ́шникъ . но ᲂу҆пᲂко́й гдⷭ҇и съ пра́ведными рабы̀ свᲂѧ̀ . сла́ва , и҆ ны́нѣ , бг҃ᲂро́диченъ . Ѻ҆бра́дᲂваннаѧ хᲂда́тайствꙋй свᲂи́ми мᲂльба́ми , и҆ и҆спрᲂсѝ дш҃а́мъ на́шимъ мно́жество щедро́тъ , и҆ ѡ҆чище́нїе мно́гимъ сᲂгрѣше́нїемъ мо́лимсѧ .

таⷤ , нн҃ѣ ѿпꙋща́еши .= трⷭ҇то́е , и҆ по ѻ҆́ч҃е на́шъ . трᲂпа́рь , ст҃о́мꙋ . сла́ва , и҆ ны́нѣ , боⷢ҇ , вᲂскрⷭ҇нъ , настᲂѧ́щаго гла́са . є҆ктенїѧ̀ . =и҆ ѿпꙋ́стъ .

Въ пѧто́къ , на па́вечерницѣ . кано́нъ мᲂле́бенъ , прест҃ѣ́й бцⷣѣ . гла́съ , є҃ . пѣ́снь , а҃ . і҆рмо́съ . Кᲂнѧ̀ и҆ вса́дники в̾ мо́ри чермнѣ́мъ , сᲂкрꙋша́ѧи бра́ни мы́шцею высо́кᲂю , хрⷭ҇то́съ и҆стрѧ́слъ є҆́сть , і҆зра́илѧ же спасѐ , пᲂбѣ́днꙋю пѣ́снь пᲂю́ща . запѣ́въ : прест҃а́ѧ гжⷭ҇е бцⷣе спасѝ на́съ . Всѝ тѧ̀ чл҃честїи ро́ди хва́лѧтъ , ꙗ҆́кѡ дре́вле дв҃це пррⷪ҇чески прᲂрекла̀ є҆сѝ , и҆ менѐ ᲂу҆́бѡ прїимѝ пᲂю́ща тѧ̀ влⷣчце , и҆ прᲂсвѣтѝ и҆ вразꙋмѝ . Притꙋпи́ла є҆сѝ сме́рти жа́ло , и҆ мирскі́и грѣ́хъ дв҃це , и҆́стиннꙋю ро́ждьши жи́знь . є҆ѧ́же ра́ди влⷣчце притꙋпѝ , страсте́й мᲂи́хъ ѻ҆́стрыѧ стрѣ́лы в̾ско́рѣ . сла́ва . Є҆ди́на и҆спещре́на дв҃ческими рѧ́снами , ѿ́ вѣка ꙗ҆́вльшисѧ , смᲂко́внꙋю ри́зꙋ а҆да́мᲂвꙋ , ты̀ расто́ргла є҆сѝ . тѣ́мже мѧ̀ ны́нѣ ѡ҆блѣцы̀ цѣлᲂмꙋ́дрїѧ ѻ҆де́жею мл҃твами твᲂи́ми . и҆ ны́нѣ . Бᲂга́тство и҆ бжⷭ҇твенꙋю сла́вꙋ , стѧжа́ша ᲂу҆́бѡ мно́ги дще́ри пре́же ꙗ҆́вѣ , но без̾ разсꙋже́нїѧ влⷣчце ты̀ всѣ́хъ превзы́де . тѣ́мже мѧ̀ ны́нѣ ѡ҆бᲂгатѝ , нбⷭ҇ными и҆ бжⷭ҇твеными бл҃гᲂда́тьми .

пѣ́снь , г҃ . і҆рмо́съ . Оу҆тверже́и ни наче́мъ же зе́млю пᲂвелѣ́нїемъ сѝ , и҆ распрᲂстранѝ не ѡ҆держи́мꙋю тѧгᲂтꙋ̀ , на недви́жимᲂмъ хрⷭ҇тѐ ка́мени запᲂвѣде́й тѝ , цр҃квь свᲂю̀ ᲂу҆твердѝ , є҆ди́не бл҃же и҆ чл҃кᲂлю́бче . Глꙋбина̀ и҆ высᲂта̀ , в̾ тебѣ̀ пᲂзнава́шесѧ дв҃це пречⷭ҇таѧ , бж҃їѧ мꙋ́дрᲂсти непᲂсти́жимыѧ , ѿ твᲂи́хъ лᲂже́снъ ро́ждьшисѧ , є҆ю́же глꙋбины̀ се́рдца мᲂегѡ̀ и҆зба́ви , мꙋдрᲂва́нїи ѕмїи́ныхъ . И҆́же пре́жде перна́тыѧ , и҆ га́ды , ѿ вᲂды̀ сᲂста́вилъ є҆сѝ сло́вᲂмъ , несꙋ́щаѧ пре́жде . ты̀ а҆́бїе хрⷭ҇тѐ ѿ́ крᲂви чⷭ҇тыѧ дв҃ы , бжⷭ҇твенагѡ тѝ вᲂплᲂще́нїѧ ѻ҆де́жꙋ стра́шнꙋ ᲂу҆стро́илъ є҆сѝ . сла́ва . Ты̀ є҆ди́на ѡ҆чище́нїе ꙗ҆ви́сѧ є҆стествꙋ̀ пречⷭ҇таѧ , в̾ ню́же ѻ҆́гнь бжⷭ҇твеныи неѡ҆па́льно в̾се́льсѧ , сїѐ ѡ҆чи́сти ꙗ҆́вѣ . ты̀ ᲂу҆́бѡ сᲂгрѣше́нїи и҆ страсте́й мᲂи́хъ скве́рнꙋ ѡ҆чи́сти , и҆ твᲂи́ми мл҃твами прᲂсвѣти́ мѧ . и҆ нн҃ѣ . Ча́шꙋ но́ваго винᲂгра́да ро́ждьшаѧ , напᲂѧ́ющаѧ ꙗ҆́вѣ вѣ́рныѧ во ѡ҆ставле́нїе сᲂгрѣше́нїи , тѧ̀ пречⷭ҇таѧ вѣ́дыи , мᲂлю̀ ѿпꙋще́нїѧ бжⷭ҇твеныѧ вᲂды̀ напо́й срⷣце мᲂѐ .

пѣ́снь , д҃ . і҆рмо́съ . Бжⷭ҇твеннᲂе твᲂѐ разꙋмѣ́въ смᲂтре́нїе , дивѧ́сѧ а҆вва́кꙋмъ хрⷭ҇тѐ тре́петнѡ вᲂпїѧ́ше тѝ , на спасе́нїе лю́демъ сѝ , спастѝ бл҃гі́ѧ свᲂѧ̀ прише́лъ є҆сѝ . Неѡ҆ра́на ты̀ ꙗ҆ви́сѧ бразда̀ , несѣ́ѧнныи бжⷭ҇твеныи прᲂзѧ́бшїи кла́съ , и҆́мже а҆́лчꙋща мѧ накᲂрмѝ , бжⷭ҇твеными дарᲂва́ньми же и҆ бл҃гᲂда́тьми . Бᲂлѧ́ща мѧ и҆́скрь к̾ сме́рти , и҆ дш҃е́вныхъ страсте́й ѻ҆гне́мъ сᲂдержи́ма , влⷣчце мᲂли́твъ твᲂи́хъ вᲂдо́ю напᲂи́вши , в̾ско́рѣ вᲂста́ви . сла́ва . Ꙗ҆́кѡ сꙋ́щїи бж҃їи гра́дъ ѡ҆дш҃е́вленъ , є҆го́же рѣ́ки мы́сленыѧ веселѧ́тъ стремле́нїѧ , мᲂли́твъ твᲂи́хъ стᲂлпо́мъ , дш҃и мᲂеѧ̀ хра́минꙋ ᲂу҆твердѝ . и҆ ны́нѣ . Ѻ҆́блакъ тѧ̀ вѣ́дыи , ѡ҆дᲂжди́вшїи пра́вдꙋ и҆́стиннꙋю , мᲂлю̀ пречⷭ҇таѧ влⷣчце , ѿ всѣ́хъ ѡ҆би́дѧщихъ мѧ , и҆зба́вити раба̀ твᲂегѡ̀ в̾ско́рѣ .

пѣ́снь , є҃ . і҆рмо́съ . Ѡ҆дѣѧ́исѧ свѣ́тᲂмъ ꙗ҆́кѡ ри́зᲂю , к̾ тебѣ̀ ᲂу҆́треннюю , и҆ тебѣ̀ вᲂпїю̀ , дш҃ꙋ мᲂю̀ прᲂсвѣтѝ ѡ҆мра́чнꙋю хрⷭ҇тѐ , ꙗ҆́кѡ млрⷭ҇дъ . Вᲂзмꙋще́нїе и҆ вᲂлнꙋ̀ грѣха̀ , и҆ страсте́й мᲂи́хъ , дв҃о влⷣчце до кᲂнца̀ ᲂу҆ти́ши , ꙗ҆́кѡ без̾стра́стїѧ ро́ждьшаѧ вино́внаго . Пᲂста́въ сы́и свы́ше хрⷭ҇тꙋ̀ ꙗ҆ви́сѧ , бл҃гᲂлѣ́пїе ѻ҆де́жи бжⷭ҇твеныѧ . тѣ́мже дᲂбрᲂдѣ́телей ѻ҆де́жею чⷭ҇таѧ , ѡ҆бнаже́нꙋю дш҃ꙋ мᲂю̀ ѡ҆блецы̀ . сла́ва . Ѡ҆чище́нїе ми да́рꙋй сᲂгрѣше́нїемъ , твᲂи́ми мᲂльба́ми чⷭ҇таѧ дв҃о , ꙗ҆́же ѡ҆чище́нїе бжⷭ҇твенᲂе ро́ждьши на́мъ хрⷭ҇та̀ и҆ гдⷭ҇а . и҆ ны́нѣ . Стрꙋ́пы , ꙗ҆́звы , и҆ гнᲂе́нїѧ грѣхо́внаѧ , рꙋкᲂдѣ́йствїѧ , мᲂли́твами пᲂтреби́ ми дв҃це , и҆ си́лꙋ рабꙋ̀ твᲂемꙋ̀ пᲂда́ждь .

пѣ́снь , ѕ҃ . і҆рмо́съ . Вᲂлнѧ́щеесѧ бꙋ́рею дш҃е тлѣ́ннᲂю , влⷣко хрⷭ҇тѐ , страсте́й мᲂи́хъ мо́ре ᲂу҆крᲂтѝ , и҆ и҆з̾ тлѝ вᲂз̾веди́ мѧ ꙗ҆́кѡ млрⷭ҇дъ . И҆́же свѣ́тъ ро́ждьшаѧ , свѣти́ламъ твᲂри́тельныи , дш҃ꙋ мᲂю̀ нн҃ѣ прᲂсвѣтѝ , и҆ и҆зба́ви ѿ страсте́й ѡ҆мраче́нїѧ , всесвѣ́тлаѧ . И҆́же ме́рры ᲂу҆слади́вшаго во́ды пре́жде , бцⷣе твᲂегѡ̀ сн҃а мᲂлѝ , и҆зба́вити мѧ стра́сти лю́тыѧ , и҆ го́рести в̾ско́рѣ . сла́ва . Вᲂзмꙋща́етъ пᲂто́къ страсте́й дш҃ꙋ мᲂю̀ пречⷭ҇таѧ , но сегѡ̀ и҆з̾сꙋшѝ мл҃твами ти , и҆ по́мыслы лꙋка́выѧ пᲂтребѝ . и҆ ны́нѣ . Хрⷭ҇то́съ , и҆збавлѧ́ѧ чл҃ки прїи́де ѿ сїѡ́на , и҆́з̾ чрева тѝ влⷣчце пренепᲂро́чнаѧ , и҆́мже и҆ менѐ ѿ напа́стей и҆зба́ви и҆ скᲂрбе́й .

Гдⷭ҇и пᲂми́лꙋй ,= гⷤ . сла́ва , и҆ ны́нѣ . сѣда́ленъ , гла́съ , є҃ . В=скꙋ́ю ᲂу҆ныва́ющи дш҃е страстна́ѧ , забы́ла є҆сѝ бг҃а твᲂегѡ̀ ми́лꙋющаго тѧ , и҆ пᲂвелѣ́нїѧ є҆гѡ̀ преѡ҆би́дѣвши , в̾ блꙋдѣ̀ житїѐ скᲂнчава́еши ᲂу҆мᲂвре́дно , ѿстꙋпѝ ѿ ѕло́бы , бцⷣѣ вᲂпїю́щи , ѿча́ѧннꙋю дш҃ꙋ мᲂю̀ пᲂми́лꙋй .

пѣ́снь , з҃ . і҆рмо́съ . Превᲂзнᲂси́мыи ѻ҆ц҃е́мъ гдⷭ҇ь , пла́мень ᲂу҆гаси́въ , дѣ́ти же прᲂхлади́лъ є҆́сть , є҆динᲂгла́снѡ пᲂю́ща , бж҃е бл҃гᲂслᲂве́нъ є҆сѝ . Оу҆жаса́ютсѧ и҆ трепе́щꙋтъ твᲂегѡ̀ призыва́нїѧ пречи́стаѧ , бѣсо́встїи пᲂлцы̀ , ѿ ни́хже и҆збавлѧ́ющи мѧ спасѝ , и҆ сᲂблюдѝ , пᲂкрыва́ющи ѿ всѧ́кᲂгѡ вре́да . Не и҆з̾глаго́ланна сла́ва твᲂѧ̀ дв҃о , сла́вы бо гдⷭ҇а рᲂдила̀ є҆сѝ . тѣ́мже мѧ спᲂдо́би сла́вѣ сн҃а твᲂегѡ̀ и҆ бг҃а мᲂегѡ̀ , твᲂи́ми мᲂли́твами . сла́ва . Преклᲂни́сѧ к̾ мᲂльба́мъ твᲂегѡ̀ раба̀ влⷣчце , и҆ и҆зба́ви мѧ в̾ско́рѣ бѣ́дъ и҆ скᲂрбе́й , и҆ всѧ́кихъ и҆скꙋше́нїи , ви́димыхъ и҆ неви́димыхъ . и҆ ны́нѣ . Всего́ мѧ страстьмѝ стꙋда̀ пречⷭ҇таѧ , ѡ҆калѧ́вшасѧ и҆ ѡ҆скверни́вшасѧ , чистᲂто́ю ѡ҆мы́й , и҆ ᲂу҆ѧснѝ дв҃о , мл҃твами твᲂи́хъ ѡ҆крᲂпле́нїи .

пѣ́снь , и҃ . і҆рмо́съ . Тебѣ̀ вседѣ́телю , в̾ пещѝ ѻ҆́трᲂцы , всеми́рныи ли́къ сᲂста́вльше пᲂѧ́хꙋ , дѣ́ла всѧ́каѧ гдⷭ҇а по́йте , и҆ превᲂзнᲂси́те є҆гѡ̀ во́ вѣки . Вᲂда̀ непло́дствїѧ стра́стна , дш҃и мᲂеѧ̀ лᲂжесна̀ непло́дна сᲂтвᲂрѝ и҆ и҆з̾сꙋшѝ . ѡ҆дᲂжди́ ми ле́гкїи ѻ҆́блаче бжⷭ҇твенꙋю ро́сꙋ , ꙗ҆́кѡ да вᲂз̾ращꙋ̀ плᲂды̀ пᲂкаѧ́нїѧ . Вᲂлнꙋ̀ пᲂмышле́нїи стра́стныхъ и҆ бꙋ́рю ᲂу҆ти́ши , пречⷭ҇таѧ твᲂи́ми мл҃твами . напра́ви же мѧ к̾ тече́нїю без̾стра́стїѧ , датѧ̀ сла́влю те́плѣ во́ вѣки всѧ̀ . сла́ва . Две́ре мы́сленаѧ , и҆ затвᲂре́наѧ врата̀ , и҆́миже є҆ди́нъ про́йде бг҃ъ , две́ри заградѝ и҆ заключѝ страсте́й мᲂи́хъ , и҆ ᲂу҆пᲂва́нїѧ ѿве́рзи ми две́ри . и҆ ны́нѣ . Вᲂзмѝ ѿ менѐ прегрѣше́нїи бре́мѧ мт҃и дв҃о , ꙗ҆́же є҆ди́на взе́млющагѡ ми́ра всегѡ̀ всѧ̀ грѣхѝ , ро́ждьшаѧ неска́занно а҆́гньца бж҃їѧ и҆ сло́ва .

пѣ́снь , ѳ҃ . і҆рмо́съ . І҆са́їе ликꙋ́й , дв҃аѧ бо и҆мѣ̀ во́ чревѣ , и҆ пᲂрᲂдѝ сн҃а є҆мманꙋ́ила , бг҃а же и҆ чл҃ка , вᲂсто́къ и҆́мѧ є҆мꙋ̀ . є҆го́же велича́юще , тебѐ дв҃о ᲂу҆бл҃жа́емъ . Ѡ҆скверни́въ ꙗ҆́кѡ чл҃къ дш҃ꙋ мᲂю̀ прегрѣше́ньми мно́гими , и҆ страстьмѝ плᲂтьски́ми ѡ҆калѧ́всѧ , мᲂлю̀ ны́нѣ прилѣ́жнѡ тѧ , и҆ ми́лсѧ дѣ́ю , ѡ҆чи́сти мѧ̀ чи́стаѧ твᲂи́ми , мл҃твами , ѿ всѧ́кїѧ ѕло́бы . Вᲂли́телѧ ми́лᲂсти рᲂдила̀ є҆сѝ щедро́тамъ чл҃кᲂлю́бца бг҃а , є҆ди́наго бл҃га́го дᲂлгᲂтерпѣли́ваго , и҆ бл҃гᲂꙋтро́бна . є҆го́же бл҃гᲂпремѣ́нна пᲂкажи́ ми чⷭ҇таѧ , твᲂи́ми мᲂльба́ми , и҆ сᲂгрѣше́нїемъ разрѣше́нїе пᲂда́ждь . сла́ва . Дрема́нїемъ ѡ҆держи́мъ ᲂу҆ны́нїѧ , и҆ сластьмѝ спѧ́ща мѧ нн҃ѣ , влⷣчце раба̀ твᲂегѡ̀ вᲂз̾дви́гни къ дᲂбрᲂдѣ́телей дѣѧ́нїи бл҃ги́хъ , неᲂу҆сы́пными твᲂи́ми мт҃рьними мл҃твами . и҆ ны́нѣ . Бл҃гᲂслᲂвѧ̀ бл҃гᲂслᲂвлю́ тѧ пречⷭ҇таѧ , и҆ велича́ю те́плѣ . бл҃гᲂслᲂви́ мѧ ᲂу҆́бѡ твᲂегѡ̀ пѣвца̀ , и҆ всѧ́ческихъ нꙋ́жныхъ и҆ печа́льныхъ и҆зба́ви , и҆ сᲂхранѝ твᲂи́ма дла́ньма непᲂбѣди́ма . та́же , дᲂсто́йнѡ є҆́сть . и҆ про́чее . и҆ ѿпꙋ́стъ .

Въ сꙋбо́тꙋ , на ᲂу҆́трени . по а҃ , стихᲂло́гїи . сѣда́льны , мч҃нчны . гла́съ , є҃ . Сїѧ́етъ дне́сь па́мѧть стрⷭ҇тᲂте́рпецъ , и҆́мать бо и҆ ѿ нб҃съ зарю̀ , ли́къ а҆́нг҃льскїи тᲂржествꙋ́етъ , и҆ ро́дъ чл҃ческїи спра́зднꙋетъ . тѣ́мже мо́лѧтсѧ гдⷭ҇ви , пᲂми́лᲂватисѧ дш҃а́мъ на́шимъ . сти́хъ : ди́венъ бг҃ъ во ст҃ы́хъ свᲂи́хъ бг҃ъ і҆и҃левъ . Чꙋдеса̀ ст҃ы́хъ твᲂи́хъ мч҃нкъ , стѣ́нꙋ неразᲂри́мꙋ на́мъ дарᲂва̀ хрⷭ҇тѐ бж҃е . тѣ́хъ мл҃твами сᲂвѣ́ты ꙗ҆зы́кѡмъ разᲂрѝ , и҆ вѣ́рныѧ лю́ди твᲂѧ̀ ᲂу҆твердѝ , ꙗ҆́кѡ є҆ди́нъ бл҃гъ и҆ чл҃кᲂлю́бецъ . сла́ва , и҆ ны́нѣ , боⷢ҇ . Ра́дꙋисѧ две́ри гдⷭ҇нѧ непрᲂхᲂди́маѧ . ра́дꙋисѧ стѣно̀ и҆ пᲂкро́ве , притека́ющимъ к̾ тебѣ̀ . ра́дꙋисѧ небꙋ́рнᲂе приста́нище , и҆ не и҆скꙋсᲂбра́чнаѧ , ро́ждьшаѧ пло́тїю твᲂрца̀ свᲂегѡ̀ и҆ бг҃а , мᲂлѧ́щи непре́зри , ѡ҆ вᲂспѣва́ющихъ и҆ кла́нѧющихсѧ , ржⷭ҇твꙋ̀ твᲂемꙋ̀ .

по в҃ , стихᲂло́гїи . сѣда́льны , мч҃нчны . гла́съ , є҃ . Гдⷭ҇и ча́ши стрⷭ҇те́й твᲂи́хъ , страстᲂте́рпцы твᲂѝ пᲂревнᲂва́вше , ѡ҆ста́вльше жите́йскꙋю красᲂтꙋ̀ , и҆ бы́ша а҆́нг҃лѡмъ сᲂприча́стницы . тѣ́хъ мᲂле́нїемъ пᲂда́ждь дш҃а́мъ на́шимъ ми́ръ хрⷭ҇тѐ бж҃е , и҆ ве́лїю млⷭ҇ть . сти́хъ : ди́венъ бг҃ъ во ст҃ы́хъ свᲂи́хъ бг҃ъ і҆зра́илевъ . Ст҃ы́хъ мꙋ́ченикъ и҆справле́нїемъ , нбⷭ҇ныѧ си́лы преᲂу҆диви́шасѧ , ꙗ҆́кѡ въ тѣ́лѣ ме́ртвенѣ , пᲂдви́гшесѧ до́брѣ . беспло́тнаго врага̀ , си́лᲂю крⷭ҇тнᲂю пᲂбѣди́ша неви́димагѡ , и҆ мо́лѧтсѧ гдⷭ҇ви пᲂми́лᲂватисѧ дш҃а́мъ на́шимъ . сти́хъ : бл҃же́ни ꙗ҆́же и҆збра̀ и҆ прїѧ́тъ ѧ҆̀ гдⷭ҇ь , па́мѧть и҆́хъ ѿ́ рᲂда в̾ ро́дъ . Пᲂко́й сп҃се на́шъ съ пра́ведными рабы̀ свᲂѧ̀ , и҆ тѣ́хъ вселѝ во двᲂры̀ свᲂѧ̀ ꙗ҆́кᲂже пи́сано є҆́сть . презира́ѧ всѧ̀ сᲂгрѣше́нїѧ и҆́хъ ꙗ҆́кѡ бл҃гъ , во́льнаѧ и҆ нево́льнаѧ , и҆ всѧ̀ ꙗ҆́же в̾вѣ́дѣнїи и҆ не в̾вѣ́дѣнїи чл҃кᲂлю́бче . сла́ва , и҆ ны́нѣ , боⷢ҇ . И҆́же ѿ дв҃ы вᲂсїѧ́выи ми́рꙋ хрⷭ҇тѐ бж҃е , и҆ сн҃ы свѣ́та тᲂѧ̀ ра́ди пᲂказа́выи пᲂми́лꙋй на́съ .

Въ сꙋбо́тꙋ , кано́нъ , ст҃ы́мъ мꙋ́ченикѡмъ , и҆ ст҃лемъ , и҆ прпⷣбнымъ , и҆ ᲂу҆со́пшимъ . твᲂре́нїе і҆ѡ́сифᲂво . гла́съ , є҃ . пѣ́снь , а҃ . і҆рмо́съ . Зе́млю наню́же невᲂсїѧ̀ , ниви́дѣ сл҃нце никᲂгда́же , бе́зднꙋ ю҆́же неви́дѣ на́гꙋ ширᲂта̀ нбⷭ҇наѧ , і҆и҃ль прᲂйдѐ невла́жно гдⷭ҇и , и҆ в̾ведѐ и҆̀ въ го́рꙋ ст҃ы́ни твᲂеѧ̀ , хва́лѧща и҆ пᲂю́ща пᲂбѣ́днꙋю пѣ́снь . запѣ́въ : ст҃і́и мч҃нцы , мᲂли́те бг҃а ѡ҆ на́съ . мⷱ҇ꙋ . Тѣлеса̀ предаю́ще некро́ткимъ сꙋдїѧ́мъ , претерпѣ́сте нестерпи́мыѧ ра́ны , до́блїи страда́льцы , ча́юще прїѧ́ти по́чести с̾вы́ше . и҆ в̾ведѐ ва́съ хрⷭ҇то́съ в̾ вѣ́чныѧ ѻ҆би́тели , ра́дꙋющихсѧ и҆ пᲂю́щихъ пᲂбѣ́днꙋю пѣ́снь . запѣ́въ : ст҃і́и всѝ мᲂли́те бг҃а ѡ҆ на́съ . Прпⷣбнїи , и҆ пра́веднїи , и҆ ст҃лїе сла́внїи , с̾верши́вше пᲂвелѣ́нїѧ бж҃їѧ , ᲂу҆пасо́ша лю́ди , и҆ до́брѣ наста́виша к̾ вᲂдѣ̀ ра́зꙋма , и҆ пᲂто́къ пи́щи дᲂсто́йнѡ вᲂспрїѧ́ша , и҆стᲂча́юще бл҃гᲂда́тїю и҆сцѣле́нїемъ рѣ́ки . Напра́ви мѧ гдⷭ҇и к̾ приста́нищемъ живᲂта̀ , мл҃твами пррⷪ҇къ пресла́вныхъ , премꙋ́дрыхъ первᲂсщ҃е́нникъ , и҆ сщ҃е́нныхъ же́нъ пᲂстрада́вшихъ крѣ́пкѡ , и҆ пᲂсто́мъ врага̀ пᲂпра́вшихъ , мꙋ́жескимъ ᲂу҆мо́мъ , бжⷭ҇твенᲂю тѝ бл҃гᲂда́тїю ꙗ҆́вльшагᲂсѧ наземлѝ . сла́ва . Тебѐ мо́лимъ бл҃гᲂпремѣ́ннаго бг҃а , пᲂко́й в̾ лѡ́нѣхъ , а҆враа́мᲂвѣхъ рабы̀ свᲂѧ̀ хрⷭ҇тѐ , ꙗ҆́же к̾ себѣ̀ преста́вилъ є҆сѝ ѿ жите́йскагѡ мѧте́жа , и҆ спᲂдо́би и҆́хъ свѣ́тꙋ вѣ́чнᲂмꙋ . тѣ́хъ сᲂгрѣше́нїѧ презира́ѧ ꙗ҆́кѡ бл҃гъ . боⷢ҇ . Ра́дꙋисѧ тебѣ̀ зᲂве́мъ , ро́ждьшей ра́дᲂсть всепѣ́таѧ , прᲂсвѣтѝ на́ши ᲂу҆мы̀ и҆ дш҃и , и҆ к̾ стезѧ́мъ ра́зꙋма всѣ́хъ напра́ви , и҆ прегрѣше́нїемъ всѣ́мъ ѡ҆чище́нїе да́ти , мᲂлѝ є҆ди́на бг҃ᲂневѣ́сто сн҃а свᲂегѡ̀ и҆ бг҃а .

Дрꙋгі́и кано́нъ пра́вило ᲂу҆со́пшимъ , пᲂе́мъ , нарѧдꙋ̀ , и҆дѣ́же нѣ́сть минѣ́и , твᲂре́нїе ѳео́фанᲂво . гла́съ , є҃ . і҆рмо́съ . Спаси́телю бг҃ꙋ . запѣ́въ : ди́венъ бг҃ъ во ст҃ы́хъ свᲂи́хъ бг҃ъ і҆зра́илевъ . Бжⷭ҇твенᲂю любо́вїю стрⷭ҇тᲂте́рпцы хрⷭ҇то́вы , мꙋчи́телемъ гᲂрды́ню пᲂпра́ша , преста́вленымъ же вѣ́рᲂю млⷭ҇тивнᲂе про́сѧтъ ѡ҆ставле́нїе и҆ пᲂко́й . запѣ́въ : пᲂко́й гдⷭ҇и дш҃а ᲂу҆со́пшихъ ра́бъ свᲂи́хъ . Во ст҃ы́хъ селе́нїихъ , во дво́рѣхъ твᲂи́хъ хрⷭ҇тѐ , преста́вленыѧ в̾селѝ , и҆́же до́лгъ ѡ҆ ни́хъ прᲂлїѧ́выи кро́вь свᲂю̀ влⷣко пречестнѣ́йшꙋю . сла́ва . Премꙋ́дрᲂсть бж҃їѧ , и҆́же и҆звѣ́стно начерта́нїе всѐ нᲂсѧ́и рᲂди́телево , и҆́хже прїѧ́тъ ще́дре са́мъ пᲂко́й , пᲂдава́ѧ и҆́мъ прⷭ҇нᲂсꙋ́щнᲂе бл҃же́нство . и҆ нн҃ѣ . Свѣтᲂно́снаѧ сѣ́нь , златᲂви́дныи кᲂвче́же . и҆́же бжⷭ҇твенᲂе сло́во ѻ҆бдержа́щи , вᲂплᲂще́ннᲂе на́съ ра́ди , и҆ разрꙋ́шшаго сме́ртнꙋю си́лꙋ , ꙗ҆ви́ласѧ є҆сѝ всенепᲂро́чнаѧ .

пѣ́снь , г҃ . і҆рмо́съ . Кᲂле́блемᲂе срⷣце мᲂѐ гдⷭ҇и , вᲂлна́ми жите́йскими , ᲂу҆твердѝ в̾ приста́нище ти́хᲂе , наставлѧ́ѧ ꙗ҆́кѡ бг҃ъ . мⷱ҇ꙋ . Па́личїемъ бїе́мо нещадѣ́сте тѣ́ло , и҆ мечѝ сѣко́мо , ᲂу҆крѣплѧ́стесѧ наде́жею мч҃нцы вѣ́чныхъ красо́тъ . Ст҃льства ѻ҆де́жꙋ прᲂсвѣти́сте , ви́ды дᲂбрᲂдѣ́тельными , ᲂу҆па́сше хрⷭ҇то́во ста́до на па́житѣхъ живо́тныхъ . Пло́ть ᲂу҆мерщвлѧ́юще вᲂздержа́нїемъ препᲂдо́бнїи , и҆ живᲂтꙋ̀ бжⷭ҇твенᲂмꙋ причасти́шасѧ . тѣ́хъ хрⷭ҇тѐ сщ҃е́нными мл҃твами ѿ бѣ́дъ и҆зба́ви на́съ . сла́ва . Оу҆со́пшимъ та́мᲂшнїи пᲂко́й чл҃кᲂлю́бче пᲂда́ждь , ꙗ҆́же сᲂдѣ́ѧша на землѝ , до́лги ѿпꙋща́ѧ ꙗ҆́кѡ бл҃гъ . боⷢ҇ . Бл҃гᲂслᲂве́нꙋю в̾ жена́хъ тѧ ꙗ҆́кѡ ви́дѣ , сᲂсло́вїе же́нскᲂе пᲂстрада̀ , и҆ твᲂемꙋ̀ сн҃ꙋ дв҃о мт҃и приведе́сѧ .

и҆́нъ , і҆рмо́съ . Оу҆тверди́ ны бж҃е сп҃се свᲂе́ю си́лᲂю , и҆ вᲂз̾дви́гни ро́гъ свᲂеѧ̀ цр҃кве , правᲂвѣ́рно хва́лѧщимъ тѧ . ди́венъ бг҃ъ . Мꙋ́жески пᲂдви́гшесѧ страда́льцы , мꙋчи́тельскимъ стремле́нїемъ прᲂти́вꙋ ста́ша , и҆ мо́лѧтсѧ ѡ҆ ᲂу҆со́пшихъ хрⷭ҇то́ви . пᲂко́й гдⷭ҇и . Зако́ны твᲂи́ми вᲂспита́вшїѧсѧ , преста́вльшихсѧ пребл҃гі́и , въ свѣ́тлыхъ тѝ селе́нїихъ прїе́мъ пᲂко́й . сла́ва . Млⷭ҇тивыи є҆ди́не бж҃е , и҆́хже и҆збра̀ спᲂдо́би ст҃ы́хъ свѣ́тлᲂсти , презира́ѧ тѣ́хъ сᲂгрѣше́нїѧ . и҆ ны́нѣ . Пᲂе́мъ твᲂѐ ржⷭ҇тво̀ чи́стаѧ , и҆́мже пе́рваго ѡ҆сꙋже́нїѧ и҆ клѧ́твы и҆зба́вихᲂмсѧ , и҆ ѿ сме́рти свᲂбᲂди́хᲂмсѧ .

пѣ́снь , д҃ . і҆рмо́съ . Оу҆слы́шахъ гдⷭ҇и слꙋ́хъ тво́й и҆ ᲂу҆бᲂѧ́хсѧ , разꙋмѣ́хъ смᲂтре́нїе твᲂѐ , и҆ прᲂсла́вихъ тѧ чл҃кᲂлю́бче . мⷱ҇ꙋ . Си́лᲂю твᲂе́ю гдⷭ҇и , стрⷭ҇тᲂте́рпцы вра́жїю си́лꙋ пᲂпра́ша , и҆ крѣ́пᲂсть бы́ша вѣ́рнымъ , и҆ вели́кᲂе ᲂу҆тверже́нїе . Прпⷣбнїи всѝ ра́дᲂстїю , ра́дꙋютсѧ и҆ ѡ҆дѣва́ютсѧ сщ҃е́нницы бжⷭ҇твенїи в̾ пра́вдꙋ , ꙗ҆́кᲂже в̾ ри́зꙋ . Вᲂспᲂе́мъ всѝ бг҃ᲂгл҃ивыѧ бж҃їѧ пррⷪ҇ки , и҆ пᲂчте́мъ же́нъ сᲂсло́вїе , и҆́же до́брѣ тече́нїе с̾кᲂнча́вшихъ . сла́ва . Въ приста́нищи твᲂегѡ̀ црⷭ҇твїѧ влⷣко , ᲂу҆стремѝ в̾ пᲂко́й , и҆́хже преста́вилъ є҆сѝ ѿ мѧте́жа и҆ бꙋ́ри , настᲂѧ́щагѡ житїѧ̀ . боⷢ҇ . Без̾лѣ́тныи бы́сть ны́нѣ пᲂд̾ лѣ́тᲂмъ и҆з̾ тебѐ дв҃о . тᲂгѡ̀ мᲂлѝ , разрꙋши́ти всѧ̀ дш҃и мᲂе́й лѣ́тнаѧ прегрѣше́нїѧ .

и҆́нъ , і҆рмо́съ . Оу҆слы́шахъ гдⷭ҇и и҆з̾ гро́ба . ди́венъ бг҃ъ . Сᲂприснᲂсꙋ́щна тѧ̀ ѻ҆ц҃ꙋ , и҆ и҆спᲂвѣ́давше бл҃гᲂче́стно мч҃нцы хрⷭ҇тѐ , ᲂу҆бїе́ни бы́ша вᲂпїю́тъ ти , и҆зба́ви ꙗ҆́же прїѧ́тъ рабы̀ свᲂѧ̀ . пᲂко́й гдⷭ҇и . И҆́же в̾ мертвецѣ́хъ бы́выи є҆ди́нъ свᲂбо́дь мертве́цъ , и҆ мертвеце́мъ жи́знь вѣ́чнꙋю да́рꙋѧ . пᲂко́й да́ждь и҆ ны́нѣ преста́вленымъ рабо́мъ твᲂи́мъ . сла́ва . Прише́дыи за є҆́же спастѝ заблꙋ́ждьшаго хрⷭ҇тѐ , ра́йскагѡ спᲂдо́би вселе́нїѧ , ꙗ҆́же преста́вилъ є҆сѝ в̾ вѣ́рѣ , ѡ҆правда́въ бл҃гᲂда́тїю . и҆ ны́нѣ . Ѻ҆сѣни́ тѧ вы́шнѧгѡ ѻ҆трᲂкᲂви́це си́ла , в̾ тебѣ̀ ра́й сᲂдѣ́ла живо́тныи , дре́во и҆мꙋ́щи пᲂсредѣ̀ хᲂда́таѧ и҆ гдⷭ҇а .

пѣ́снь , є҃ . і҆рмо́съ . Ѡ҆каѧ́ннꙋю дш҃ꙋ мᲂю̀ , бᲂри́мꙋю тмо́ю страсте́й , пред̾вари́въ ᲂу҆ще́дри . и҆ вᲂз̾сїѧ́й мы́сленнᲂе сл҃нце , днѐ свѣтѧ́щїѧ лꙋчѝ во мнѣ̀ , да ѡ҆зари́тъ мѧ в̾ но́щи свѣ́тъ . мⷱ҇ꙋ . И҆сцѣле́нїе недꙋ́гꙋющимъ , и҆стᲂча́ютъ ко́сти мч҃нкъ , несᲂкрꙋши́вшебᲂсѧ ѕло́бᲂю , и҆ на́ша ѡ҆б̾нᲂвлѧ́ютъ сᲂкрꙋше́нїѧ . всѧ́же ко́сти ѕлᲂче́стїѧ , ꙗ҆́кѡ пра́хъ и҆стьни́ша . Зако́ны твᲂѧ̀ сᲂблюда́юще ст҃ли ᲂу҆пасо́ша лю́ди , и҆ наста́виша ще́дре къ живᲂтꙋ̀ бꙋ́дꙋщемꙋ . препᲂдо́бнїи же ᲂу҆мертви́ша страсте́й мꙋчи́тельство , сᲂверше́нымъ ᲂу҆мо́мъ . Да пᲂчтꙋ́тсѧ пррⷪ҇цы , и҆ с̾ ни́ми всѝ пра́ведницы вѣ́рᲂю . и҆ да пᲂхва́лѧтсѧ прпⷣбнѡ пᲂжи́вшїи , и҆ мꙋ́ками прᲂсвѣти́вшесѧ на землѝ , бжⷭ҇твеныѧ жены̀ ꙗ҆́кѡ рабы̀ хрⷭ҇то́вы . сла́ва . И҆́хже ѿ землѝ прїѧ́тъ , в̾ нбⷭ҇ныхъ ᲂу҆чинѝ селе́нїихъ , вѣ́рныѧ рабы̀ твᲂѧ̀ . тѣ́хъ презира́ѧ прегрѣше́нїѧ , за премно́гꙋю бл҃гᲂсть хрⷭ҇тѐ , вᲂплᲂще́исѧ на́съ ра́ди земны́хъ . боⷢ҇ . Пᲂе́мъ тѧ̀ дв҃о , є҆ѧ́же ра́ди ꙗ҆ви́сѧ бг҃ъ сꙋ́щимъ на землѝ , чл҃къ бы́въ , вᲂпїю́ще , ра́дꙋисѧ землѐ бг҃ᲂплᲂдᲂви́таѧ , ꙗ҆́же плᲂдᲂнᲂсѧ́щаѧ кла́съ та́йныи , пита́ющїи всѧ́ко дыха́нїе .

и҆́нъ , і҆рмо́съ . Оу҆́треннююще вᲂпїе́мъ . ди́венъ бг҃ъ . Мч҃нкъ прїе́мъ гдⷭ҇и мᲂле́нїѧ , дш҃а ꙗ҆́же преста́вилъ є҆сѝ , со и҆з̾бра́нными причтѝ . пᲂко́й гдⷭ҇и . Пред̾ре́клъ є҆сѝ не ᲂу҆́зритъ сме́рти вѣ́рꙋѧи в̾ тѧ̀ . тѣ́мже влⷣко ᲂу҆со́пшїѧ пᲂко́й . сла́ва . Красᲂты̀ до́ма твᲂегѡ̀ гдⷭ҇и , свᲂѧ̀ рабы̀ ᲂу҆лꙋчи́ти спᲂдо́би . и҆ твᲂегѡ̀ сла́дкагѡ прича́стїѧ . и҆ ны́нѣ . Сло́во и҆́же ѻ҆ц҃ꙋ сᲂприснᲂсꙋ́щнᲂе , ѿ дв҃ы вᲂпло́щьсѧ , и҆ ᲂу҆мертви́въ сме́ртїю сме́рть .

пѣ́снь , ѕ҃ . і҆рмо́съ . Ꙗ҆́кᲂже прⷪ҇ро́ка ѿ ѕвѣ́рѧ и҆зба́вилъ є҆сѝ гдⷭ҇и , и҆ менѐ и҆з̾ глꙋбины̀ без̾зако́нныхъ страсте́й , вᲂз̾ведѝ мᲂлю́сѧ , да прилᲂжꙋ̀ призрѣ́ти ми , к̾ цр҃кви ст҃ѣ́й твᲂе́й . мⷱ҇ꙋ . Тѣ́ло предаю́ще ра́намъ бжⷭ҇твенїи мч҃нцы , мꙋчи́телей рꙋка́ми , веселѧ́хꙋсѧ дш҃е́ю . бжⷭ҇твенᲂе бо зрѧ́хꙋ вᲂи́стинꙋ , приснᲂсꙋ́щнᲂе ра́дᲂванїе , и҆ бжⷭ҇твенаѧ вᲂз̾даѧ́нїѧ . Сла́ва премꙋ́дрымъ первᲂсщ҃е́нникѡмъ , и҆ прпⷣбнымъ твᲂи́мъ є҆сѝ хрⷭ҇тѐ , мл҃твами и҆́хъ , лю́ди свᲂѧ̀ ᲂу҆ще́дри , и҆́хже свᲂе́ю кро́вїю стѧжа̀ , ꙗ҆́кѡ чл҃кᲂлю́бецъ . Ѿ тебѐ гдⷭ҇и прᲂсвѣща́ющесѧ ᲂу҆мо́мъ пррⷪ҇цы , прᲂѧвлѧ́ютъ ꙗ҆́снѡ да́льнѧѧ ꙗ҆́кᲂже бли́зъ . жены́ же си́лᲂю твᲂе́ю , держа́вꙋ вра́жїю разрꙋши́ша , страда́нїемъ и҆ пᲂсто́мъ . сла́ва . Преста́вленыѧ ѿ на́съ вѣ́рныѧ рабы̀ твᲂѧ̀ , лико́мъ и҆з̾бра́нныхъ с̾причта́въ бл҃же , пᲂко́й гдⷭ҇и , всѧ̀ тѣ́хъ сᲂгрѣше́нїѧ , прези́раѧ за млрⷭ҇дїе . боⷢ҇ . Сᲂзда́выи в̾ нача́тцѣ є҆́ввꙋ гдⷭ҇и , дв҃ѣй въ лᲂжесна̀ в̾ше́дъ , на́ше сᲂдѣ́лᲂваѧ ѡ҆бнᲂвле́нїе в̾ ра́бїи ѻ҆́бразъ ѡ҆бо́лксѧ , и҆́же влⷣка всѧ́ческихъ .

и҆́нъ , і҆рмо́съ . Ѡ҆бы́де мѧ бе́здна . ди́венъ бг҃ъ . Во́инство мч҃нкъ твᲂи́хъ , вы́шнимъ си́ламъ пᲂдо́бѧщесѧ , хрⷭ҇тѐ мо́лѧтъ тѧ̀ , пᲂда́ждь чл҃кᲂлю́бче преста́вленымъ , є҆́же ѿ тебѐ наслажде́нїе . пᲂко́й гдⷭ҇и . Въ мѣ́стѣхъ прᲂхлажде́нїѧ , в̾ мѣ́стѣхъ ст҃ы́хъ свѣ́тлᲂсти , в̾ мѣ́стѣхъ ѡ҆слабле́нїѧ хрⷭ҇тѐ , ꙗ҆́кѡ чл҃кᲂлю́бецъ и҆́хже прїѧ́тъ , ᲂу҆чинѝ рабы̀ свᲂѧ̀ . сла́ва . Ѡ҆чи́сти рабы̀ свᲂѧ̀ , и҆ тѣ́хъ сᲂгрѣше́нїемъ прᲂще́нїе пᲂда́ждь чл҃кᲂлю́бче . и҆ жи́зни спᲂдо́би нетлѣ́ннѣй , и҆ бл҃же́ннᲂмꙋ наслѣ́дїю . и҆ ны́нѣ . Зача́тїѧ без̾сѣ́меннаго ти , кто̀ сло́вᲂмъ и҆з̾рещѝ мо́жетъ чꙋдесѐ , всенепᲂро́чнаѧ бг҃а во рᲂдила̀ є҆сѝ , за млрⷭ҇дїе к̾ на́мъ прише́дша .

кᲂнда́къ . гла́съ , и҃ . Со ст҃ы́ми пᲂко́й хрⷭ҇тѐ дш҃а ра́бъ свᲂи́хъ , и҆дѣ́же нѣ́сть бᲂлѣ́зни , ни печа́ли , ни вᲂздыха́нїѧ , но жи́знь вѣ́чнаѧ . и҆́кᲂсъ . Са́мъ є҆ди́нъ є҆сѝ без̾сме́ртенъ , сᲂтвᲂри́выи и҆ сᲂзда́выи чл҃ка . тлѣ́ннїи и҆́же ѿ землѝ со́здани бы́хᲂмъ , и҆ въ зе́млю тꙋ́же по́йдемъ , ꙗ҆́кᲂже пᲂвелѣ́лъ є҆сѝ , сᲂзда́выи мѧ и҆ ре́клъ ми , ꙗ҆́кѡ землѧ̀ є҆сѝ и҆ в̾ зе́млю па́ки по́йдеши , и҆дѣ́же всѝ земні́и ѿхо́димъ , над̾гро́бнᲂе рыда́нїе твᲂрѧ́ще , и҆ пᲂю́ще пѣ́снь а҆́нг҃льскꙋю , а҆ллилꙋ́їѧ .

пѣ́снь , з҃ . і҆рмо́съ . Ѻ҆гнѧ̀ гаше́нїе ѻ҆́трᲂкъ мл҃тва , прᲂхлажда́ющи пе́щь вѣ́стникъ чꙋдесѝ , не ѡ҆палѧ́ющи же нижгꙋ́ща , пѣснᲂсло́вѧщихъ бг҃а ѻ҆ц҃ъ на́шихъ . мⷱ҇ꙋ . Вы̀ раз̾жиза́еми лю́тыхъ мꙋче́нїи ѻ҆гне́мъ , любо́вїю теплѣ́йшею , мч҃нцы сла́внїи ꙗ҆ви́стесѧ ко́ гдⷭ҇ꙋ , прᲂхлажда́ющꙋ ва́съ по́мыслᲂмъ бл҃гᲂче́стїѧ . Премꙋ́дрᲂстїю дх҃а ᲂу҆краси́вшесѧ премꙋ́дрїи , и҆ свѣ́тлѡ пᲂжи́сте , сщ҃еннᲂдѣ́йствꙋюще бл҃гᲂда́ти є҆ѵⷢ҇а́лїе , и҆ ꙗ҆́кѡ бж҃їѧ слꙋжи́тели пᲂхвалѧ́емъ ва́съ . Вы̀ ᲂу҆мертви́вше пло́ть бᲂлѣ́зньми мно́гими , живᲂтꙋ̀ спᲂдо́бистесѧ бꙋ́дꙋщемꙋ прпⷣбнїи , мᲂлѧ́щесѧ тᲂго́ же пᲂлꙋчи́ти на́мъ , ᲂу҆мерщве́нымъ страсте́й прилᲂже́ньми . сла́ва . Бл҃же́нныи ли́къ бж҃їихъ пррⷪ҇къ , и҆ же́нъ сᲂбо́ръ , пᲂдви́гшїисѧ пᲂсто́мъ и҆ страда́нїемъ , и҆ низ̾лᲂжи́вшїи врага̀ , да пᲂхва́лѧтсѧ вѣ́рно . боⷢ҇ . И҆́же бцⷣꙋ тѧ̀ мꙋ́дрствꙋющи , ра́зꙋмᲂмъ пра́вымъ , ѻ҆гнѧ̀ вѣ́чнагѡ и҆ тмы̀ да и҆зба́вимсѧ , хᲂда́тайствᲂмъ тѝ влⷣчце , и҆ неви́димыхъ вра́гъ бᲂрю́щихъ на́съ .

и҆́нъ , і҆рмо́съ . Въ пещѝ ѻ҆́гненнѣй . ди́венъ бг҃ъ . Ны́нѣ непристꙋ́пнагѡ свѣ́та , насыти́тисѧ пᲂда́ждь сп҃се преста́вленымъ , мᲂльба́ми стрⷭ҇тᲂте́рпецъ твᲂи́хъ . пᲂко́й гдⷭ҇и . Въ цр҃кви первене́цъ хрⷭ҇тѐ , и҆́же в̾ вѣ́рѣ скᲂнча́вшихсѧ ще́дре причтѝ . сла́ва . Оу҆кра́шены ѻ҆де́жами нетлѣ́нїѧ твᲂѧ̀ рабы̀ , преста́вленыѧ к̾ тебѣ̀ сп҃се пᲂко́й . и҆ ны́нѣ . То́къ сме́ртнагѡ сꙋщества̀ ѿсѣ́кла є҆сѝ пречⷭ҇таѧ . жи́знь без̾ сѣ́мене заче́нши , всенепᲂро́чнаѧ .

пѣ́снь , и҃ . і҆рмо́съ . А҆́нг҃лъ со́нмъ и҆ чл҃ческїи сᲂбо́ръ , цр҃ѧ и҆ зижди́телѧ всѣ́мъ , сщ҃е́ннїи хвали́те , блгⷭ҇ви́те леви́ти , лю́дїе превᲂзнᲂси́те є҆гѡ̀ во́ вѣки . мⷱ҇ꙋ . Преплы́вше мꙋче́нїи пꙋчи́нꙋ , ѡ҆кᲂрмле́нїемъ сло́ва страда́льцы , крᲂве́й тече́нїемъ пᲂтᲂпи́сте всѧ̀ пᲂлкѝ льсти́вагѡ , и҆ живетѐ во́ вѣки . Премꙋ́дрїи бы́вше сщ҃еннᲂдѣ́телїе , на вᲂдѣ̀ правᲂсла́вїѧ ва́мъ в̾ вѣ́ренᲂе ста́до , сщ҃е́нно препита́сте . тѣ́мже ѿ пᲂто́къ пи́щи кра́сныѧ пита́етесѧ во́вѣки . Свѣти́ла прпⷣбнїи , вѣ́рнымъ ꙗ҆ви́стесѧ , ꙗ҆́кѡ сᲂверши́вше дѣ́ла свѣ́та , и҆ к̾ бжⷭ҇твенѣй свѣ́тлᲂсти преста́вистесѧ , тмы̀ на́съ свᲂбᲂди́ти мᲂли́тесѧ влⷣцѣ . Весели́сѧ сᲂсло́вїе же́нскᲂе , по́чести и҆спᲂлне́нїе всѧ́кихъ прїе́мше ра́нами . и҆ ли́къ ра́дꙋисѧ прᲂро́ческїи . и҆ пра́веднїи ᲂу҆гᲂди́вшїи хрⷭ҇то́ви во́ вѣки . сла́ва . Ѻ҆рꙋ́жїе ѡ҆браща́ющеесѧ ны́нѣ , да́ждь влⷣко невᲂзбра́ннѡ прᲂйтѝ преста́вленымъ , рабо́мъ твᲂи́мъ . в̾нꙋ́трь раѧ̀ тѣ́хъ вселѝ , ꙗ҆́кѡ є҆ди́нъ млⷭ҇тивъ . боⷢ҇ . Ꙗ҆́кѡ две́рь в̾вᲂдѧ́щꙋю къ бжⷭ҇твенᲂмꙋ в̾хо́дꙋ . ꙗ҆́кѡ дᲂбрᲂвᲂсхо́днꙋю лѣ́ствицꙋ бж҃їю , ꙗ҆́кѡ спаса́ющимсѧ незаблꙋ́днꙋю наста́вницꙋ , ѡ҆бра́дᲂваннꙋю вᲂспᲂе́мъ дв҃цꙋ мр҃і́ю .

и҆́нъ , і҆рмо́съ . и҆з̾ =ѻ҆ц҃а пре́жде вѣ́къ . =ди́венъ бг҃ъ . И҆́же ст҃ы́хъ мч҃нкъ по́двигъ прїе́мыи , и҆ тѣ́хъ ра́ди вѣ́рᲂю ᲂу҆со́пшихъ твᲂи́хъ пᲂко́й , тебѐ сп҃се пᲂю́щихъ , и҆ превᲂзнᲂсѧ́щихъ во́ вѣки . пᲂко́й гдⷭ҇и . Преми́рныѧ тѝ сла́вы сїѧ́нїемъ ѡ҆зарѧ́тисѧ , ꙗ҆́же ѿ на́съ преста́вленыѧ спᲂдо́би , ꙗ҆́кѡ бл҃гᲂꙋтро́бенъ , тебѐ сп҃се пᲂю́щихъ , и҆ превᲂзнᲂсѧ́щихъ во́ вѣки . блгⷭ҇ви́мъ ѻ҆ц҃а и҆ сн҃а и҆ ст҃а́гѡ дх҃а гдⷭ҇а . Съ ли́ки ст҃ы́хъ , и҆́хже преста́вилъ є҆сѝ ᲂу҆чинѝ . и҆ а҆враа́мꙋ в̾ нѣ́дрѣхъ с̾ ла́заремъ причтѝ . тебѐ сп҃се пᲂю́щихъ , и҆ превᲂзнᲂсѧ́щихъ во́ вѣки . и҆ ны́нѣ . Оу҆крашена̀ дᲂбро́тᲂю чистᲂты̀ , дв҃о мт҃и , дᲂбрᲂтво́рнагѡ бл҃гᲂлѣ́пїѧ жили́ще бы́вши . тѣ́мже тѧ̀ пᲂе́мъ , и҆ превᲂзно́симъ чи́стꙋю во́ вѣки . та́же , пѣ́снь бцⷣѣ . вели́читъ дш҃а мᲂѧ̀ гдⷭ҇а .= и҆ =пᲂкло́ны .

пѣ́снь , ѳ҃ . і҆рмо́съ . Ꙗ҆́кѡ сᲂтвᲂрѝ тебѣ̀ вели́чїе си́льныи , дв҃ꙋ ꙗ҆́вль тѧ̀ чи́стꙋ по ржⷭ҇твѣ̀ , ꙗ҆́кѡ ро́ждьшꙋю без̾ сѣ́мени свᲂегѡ̀ твᲂрца̀ , тѣ́мъ тѧ̀ бцⷣе велича́емъ . мⷱ҇ꙋ . Сщ҃еннᲂдѣ́йственїи па́стырїе , прᲂро́къ ст҃ы́хъ ли́къ . пра́ведныхъ несче́тнᲂе мно́жествѡ , мч҃нкъ сᲂбо́ръ , сщ҃е́нными пѣ́сньми да ᲂу҆бл҃жа́ютсѧ . мᲂлѧ́щесѧ спасти́сѧ дш҃а́мъ на́шимъ . Ꙗ҆́кѡ чꙋ́днѡ пᲂсти́всѧ , прпⷣбныхъ сᲂбо́ръ , честны́хъ чꙋде́съ ꙗ҆вле́ньми мно́гихъ ны́нѣ ᲂу҆диви́сѧ . тѣ́хъ мл҃твами чꙋ́дныи бж҃е , ᲂу҆дивѝ на всѣ́хъ ми́лᲂсти твᲂѧ̀ . Сщ҃еннᲂмꙋ́ченики с̾кᲂнча́вше тече́нїе до́брѣ , же́нъ без̾чи́сленᲂе мно́жество пᲂстрада́вшее , и҆ пᲂсти́вшесѧ любо́вїю да ᲂу҆бл҃жа́ютсѧ вѣ́рнѡ , со а҆́нг҃льскими ли́ки пребыва́юще . сла́ва . Ст҃ы́хъ всѣ́хъ мно́жество мо́лѧтъ тѧ̀ сло́ве , пᲂко́й мно́жество вѣ́рᲂю преста́вльшихсѧ ѿ землѝ , за мно́жество ми́лᲂсти , ꙗ҆́же сᲂдѣ́ѧннаѧ и҆́ми в̾ житїѝ , пре́зри сᲂгрѣше́нїѧ . боⷢ҇ . Оу҆мᲂвре́днѡ грѣхѝ сᲂдѣ́ѧхъ мно́ги дв҃о , мꙋче́нїѧ ѡ҆жида́ю про́чее . ѿ него́же мѧ и҆зба́ви , несꙋмнѣ́нымъ срⷣцемъ к̾ тебѣ̀ прихᲂдѧ́щаго , и҆ бжⷭ҇твеныи пᲂкро́въ тво́й призыва́юща .

и҆́нъ , і҆рмо́съ . Тѧ̀ па́че ᲂу҆ма̀ . ди́венъ бг҃ъ . Стра́сть сщ҃е́ннꙋю мч҃нцы , пᲂбѣди́тельнꙋю прїе́мше , дарᲂва́ти тебѣ̀ ны́нѣ мо́лѧтсѧ , вѣ́рᲂю преста́вленымъ сп҃се ѡ҆слабле́нїе . пᲂко́й гдⷭ҇и . Оу҆мерщве́нїе претерпѣ́лъ є҆ди́не сп҃се без̾сме́ртне , и҆́же вᲂскрⷭ҇нїе мертвеце́мъ пᲂдаѧ̀ ꙗ҆́кѡ бл҃гᲂꙋтро́бенъ , и҆ без̾сме́ртїѧ свѣ́тлᲂсть . сла́ва . И҆спра́вилъ є҆сѝ на́съ па́дшихъ в̾ сме́рть , и҆ на жи́зни вѣ́чнѣй , надѣ́ѧтисѧ наꙋчи́лъ є҆сѝ . є҆ю́же ᲂу҆лꙋчи́ти твᲂи́мъ рабо́мъ сп҃се да́рꙋй . и҆ ны́нѣ . Зако́на сѣ́ни , преидо́ша ржⷭ҇тво́мъ тѝ , и҆́стина вᲂсїѧ̀ , и҆ бл҃гᲂда́ть дарᲂва́сѧ . тѣ́мже тѧ̀ бцⷣе велича́емъ .

та́же , дᲂсто́йнѡ є҆́сть . и҆ пᲂкло́нъ до землѝ . та́же , є҆ктенїѧ̀ ма́лаѧ . и҆ свѣти́ленъ . =и҆ =ѱалмы̀ ѻ҆бы́чны .

на хвали́тѣхъ , стихѣ́ры , мч҃нчны . гла́съ , є҃ . Бл҃гᲂслᲂве́но во́инство цр҃ѧ нбⷭ҇нагѡ . а҆́ще бо и҆ земнᲂро́дни бѣ́ша страстᲂте́рпцы , но а҆́нг҃льскᲂе дᲂстᲂѧ́нїе пᲂтща́шасѧ дᲂсти́гнꙋти . ѡ҆ тѣлесѣ́хъ неради́вше , и҆ страсте́й ра́ди беспло́тныхъ спᲂдо́бишасѧ че́сти . тѣ́мже мᲂли́твами и҆́хъ гдⷭ҇и спасѝ дш҃а на́ша . Стрⷭ҇тᲂно́сцы твᲂѝ гдⷭ҇и , чино́мъ а҆́нг҃льскимъ ᲂу҆пᲂдо́бльшесѧ , ꙗ҆́кѡ беспло́тнїи , мꙋ́ки претерпѣ́ша , є҆динᲂмы́слено , ᲂу҆пᲂва́нїе и҆мꙋ́ще , ѡ҆бѣща́нныхъ бл҃гъ наслажде́нїе . мᲂли́твами и҆́хъ бж҃е пᲂми́лꙋй на́съ . Ст҃і́и мꙋ́ченицы на землѝ пᲂдви́гшесѧ , мра́зъ претерпѣ́ша , и҆ ѻ҆гню̀ преда́шасѧ , вᲂда̀ и҆́хъ прїѧ́тъ . тѣ́хъ є҆́сть гла́съ , прᲂидо́хᲂмъ сквᲂзѣ̀ ѻ҆́гнь и҆ во́дꙋ , и҆ и҆зведѐ ны в̾ пᲂко́й . тѣ́хъ мл҃твами бж҃е пᲂми́лꙋй на́съ . Въ мꙋ́кахъ сꙋ́ще ст҃і́и ра́дꙋющесѧ вᲂпїѧ́хꙋ , кꙋ́плѧ на́мъ сꙋ́ть сїѧ̀ ко влⷣцѣ . вмѣ́стѡ быва́ющихъ ра́нъ на тѣлесѣ́хъ , свѣ́тлѡ ѡ҆дѣѧ́нїе в̾ вᲂскрⷭ҇нїи прᲂцвѣте́тъ на́мъ . за без̾че́стїе , вѣнцы̀ . за ᲂу҆́зы темни́чныѧ , ра́й . и҆ за и҆́же со ѕлᲂдѣ́и ѡ҆сꙋжде́нїе , є҆́же со а҆́нг҃лы житїѐ . тѣ́мже мл҃твами и҆́хъ гдⷭ҇и спасѝ дш҃а на́ша . сла́ва , пᲂко́инъ . Ты̀ сᲂзда́выи мѧ̀ гдⷭ҇и , и҆ пᲂлᲂжѝ на мнѣ̀ рꙋ́кꙋ твᲂю̀ , и҆ запᲂвѣ́давъ и҆ речѐ , в̾ зе́млю па́ки по́йдеши , наста́ви мѧ напра́выи пꙋ́ть тво́й , прᲂща́ѧ мнѣ̀ прегрѣше́нїѧ мᲂѧ̀ , ѡ҆сла́би мѝ и҆ спаси́ мѧ мᲂлю́сѧ ꙗ҆́кѡ чл҃кᲂлю́бецъ . и҆ ны́нѣ , боⷢ҇ . Ѽле ѻ҆каѧ́ннаѧ дш҃е , кі́и ѿвѣ́тъ и҆́маши рещѝ сꙋдїѝ во ѻ҆́нъ ча́съ , є҆гда̀ престо́ли пᲂста́вѧтсѧ на сꙋдѣ̀ , и҆ сꙋдїѧ̀ прїи́детъ ѿ нб҃съ , сᲂше́дъ со тма́ми а҆́нг҃льскими ; є҆гда̀ сѧ́детъ на сꙋди́щи , прю̀ сᲂтвᲂри́ти с̾ рабы̀ непᲂтре́бными , пᲂдо́бными мнѣ̀ , что̀ ѿвѣща́ти и҆́маши ; что́же принестѝ тᲂгда̀ ; пᲂи́стинѣ ни что́же , ᲂу҆́мъ и҆ тѣ́ло ѡ҆скверни́въ сѝ . тѣ́мже припадѝ къ дв҃ѣй , и҆ зᲂвѝ непреста́ннѡ , пᲂда́ти тебѣ̀ бᲂга́тнѡ грѣхо́въ прᲂще́нїе .

на стихо́внѣ , стⷯры , пᲂко́йны . гла́съ , є҃ . поⷣ . ра́дꙋйсѧ живᲂно́сныи .= Свѣ́тᲂмъ лица̀ твᲂегѡ̀ хрⷭ҇тѐ , преста́вленыѧ ꙗ҆́кѡ ще́дръ прᲂсвѣтѝ . в̾селѝ ѧ҆̀ в̾ мѣ́сто зла́чнѡ , привᲂда́хъ твᲂегѡ̀ чи́стагѡ и҆ бжⷭ҇твена пᲂко́ѧ , въ жела́емыхъ нѣ́дрѣхъ а҆враа́ма пра́ѻ҆ц҃а . и҆дѣ́же свѣ́тъ тво́й чи́стыи сїѧ́етъ , и҆ прᲂлива́ютсѧ и҆сто́чницы бл҃гᲂсты́ни . и҆дѣ́же ликꙋ́ютъ ꙗ҆́снѡ веселѧ́щесѧ пра́ведныхъ ли́цы ѡ҆ твᲂе́й бл҃гᲂсти . с̾ни́миже ᲂу҆чинѝ рабы̀ твᲂѧ̀ , пᲂдаѧ̀ и҆́мъ ве́лїю млⷭ҇ть . =сти́хъ : бл҃же́ни ꙗ҆́же и҆збра̀ и҆ прїѧ́тъ ѧ҆̀ гдⷭ҇ь ,꙳ па́мѧть и҆́хъ ѿ́ рᲂда въ ро́дъ . Пѣ́ти всесᲂста́вными гла́сы , славᲂсло́вѧщихъ твᲂю̀ держа́вꙋ бл҃гᲂвᲂлѝ ще́дре , преста́вленымъ ѿ малᲂвре́менныхъ , к̾ тебѣ̀ влⷣцѣ всѣ́хъ и҆ бг҃ꙋ на́шемꙋ , пᲂдаѧ̀ красᲂто́ю твᲂе́ю ѡ҆свѣща́тисѧ . и҆ сла́дкагѡ и҆ кра́снагѡ прича́стїѧ твᲂегѡ̀ , вᲂспрїѧ́ти же и҆ наслажда́тисѧ чи́стѣйше . и҆дѣ́же ѻ҆́крестъ престо́ла твᲂегѡ̀ ликꙋ́ютъ а҆́нг҃ли , и҆ ст҃ы́хъ сᲂбо́ри ра́дᲂстнѡ ѡ҆б̾стᲂѧ́тъ . с̾ ни́миже твᲂи́мъ рабо́мъ пᲂко́й пᲂда́ждь , и҆ ве́лїю млⷭ҇ть . сти́хъ : дш҃а и҆́хъ ,꙳ во бл҃ги́хъ вᲂдвᲂрѧ́тсѧ . И҆дѣ́же пррⷪ҇кѡмъ ли́къ , а҆пⷭ҇лѡмъ и҆ мч҃нкѡмъ чи́нᲂве , и҆ всѝ и҆́же ѿ́ вѣка ѡ҆правди́вшїисѧ твᲂе́ю спаси́тельнᲂю стрⷭ҇тїю и҆ кро́вїю , є҆ю́же и҆скꙋпи́лъ є҆сѝ плѣне́наго чл҃ка , та́мѡ и҆́же вѣ́рᲂю ᲂу҆со́пшихъ пᲂко́й , ꙗ҆́кѡ чл҃кᲂлю́бецъ , прᲂща́ѧ сᲂгрѣше́нїѧ . є҆ди́нъ бо без̾грѣ́шенъ на землѝ по́жилъ є҆сѝ , ст҃ъ вᲂи́стинꙋ , и҆ є҆ди́нъ во ᲂу҆ме́ршихъ свᲂбо́дь . тѣ́мже твᲂи́мъ рабо́мъ пᲂко́й пᲂда́ждь , и҆ ве́лїю млⷭ҇ть . сла́ва , и҆ ны́нѣ , боⷢ҇ . Зако́нᲂмъ грѣхо́внымъ на́съ пᲂрабᲂще́ныхъ свᲂбᲂди́ла є҆сѝ влⷣчце , в̾ лᲂжесна́хъ закᲂнᲂда́вца и҆ цр҃ѧ хрⷭ҇та̀ , заче́нши є҆ди́на дв҃о мт҃и , и҆́мже ѡ҆правда́емсѧ тꙋ́не тᲂгѡ̀ бл҃гᲂда́тїю . є҆го́же ны́нѣ мᲂлѝ , дш҃а пᲂю́щихъ тѧ̀ бг҃ᲂмт҃рь , написа́ти в̾ кни́зѣ живо́тнѣй . ꙗ҆́кѡ да хᲂда́тайствᲂмъ тѝ спа́сшесѧ всенепᲂро́чнаѧ , сн҃а твᲂегѡ̀ любе́знᲂе и҆збавле́нїе пᲂлꙋчи́мъ . тᲂмꙋ̀ пᲂклᲂнѧ́ющесѧ , пᲂдаю́щемꙋ ми́рᲂви ве́лїю млⷭ҇ть .

та́же , бл҃го є҆́сть и҆спᲂвѣ́датисѧ . трⷭ҇то́е , и҆ по ѻ҆́ч҃е на́шъ . трᲂпа́рь , ст҃о́мꙋ .= сла́ва , и҆ нн҃ѣ , боⷢ҇ , вᲂскрⷭ҇нъ , настᲂѧ́щаго гла́са . є҆ктенїѧ̀ . =та́же , ча́съ , а҃ . ѱалмы̀ , ѡ҆бы́чны . и҆ про́чее , и҆ кᲂне́чныи ѿпꙋ́стъ .

Въ сꙋбо́тꙋ , бл҃же́нны . гла́съ , є҃ .

Разбо́йникъ на крⷭ҇тѣ̀ , бг҃а бы́ти вѣ́рᲂвавъ тѧ хрⷭ҇тѐ , и҆спᲂвѣ́да тѧ чи́стѡ ѿ́ срⷣца , пᲂмѧни́ мѧ гдⷭ҇и вᲂпїю́ща во црⷭ҇твїи си .

бл҃же́ни и҆згна́ни пра́вды ра́ди ,꙳ ꙗ҆́кѡ тѣ́хъ є҆́сть црⷭ҇тво нбⷭ҇нᲂе . Началᲂѕло́бнаго врага̀ , ᲂу҆мертви́вше мч҃нцы разрꙋши́сте , и҆ взыдо́сте к̾ вы́шнимъ . вѣнча́вшесѧ бжⷭ҇твеными пᲂбѣ́дами , и҆ цр҃ю всѣ́хъ пред̾ста́сте .

бл҃же́ни є҆стѐ є҆гда̀ пᲂно́сѧтъ ва́мъ , и҆ и҆зженꙋ́тъ вы̀ , и҆ рекꙋ́тъ всѧ́къ ѕо́лъ гл҃ъ ,꙳ на вы̀ лжꙋ́ще менѐ ра́ди . Сщ҃е́ннїи ст҃лїе , свѣ́тᲂмъ прᲂсвѣти́вшесѧ прᲂсла́вишасѧ , и҆ препᲂдо́бныхъ мно́жество , приснᲂсꙋ́щнагѡ пᲂлꙋчи́ша живᲂта̀ . тѣ́мже ᲂу҆блажа́еми сꙋ́ть .

ра́дꙋйтесѧ и҆ весели́тесѧ ,꙳ ꙗ҆́кѡ мзда̀ ва́ша мно́га на́ нб҃сѣхъ . Сли́ки и҆збра́нныхъ влⷣко , в̾ мѣ́стѣ ѡ҆слабле́нїѧ , и҆́хже преста́вилъ є҆сѝ в̾селѝ сло́ве . презрѣ́въ хрⷭ҇тѐ , ꙗ҆́же на землѝ тѣ́хъ сᲂгрѣше́нїѧ .

сла́ва . Ѽ трⷪ҇це честна́ѧ , первᲂсщ҃е́нники и҆ мч҃нки во́ вѣки ᲂу҆мᲂле́на бꙋ́ди . и҆ и҆́же вѣ́рᲂю ᲂу҆ме́ршихъ дш҃а́мъ спасе́нїе да́рꙋй , и҆ ве́лїю ми́лᲂсть .

и҆ ны́нѣ . И҆́же невмѣсти́маго всѣ́ми , бг҃ᲂра́дᲂваннаѧ в̾мѣсти́ла є҆сѝ , и҆ ро́ждьши па́че є҆стества̀ и҆ сло́ва . тᲂгѡ̀ ми́лᲂстива бы́ти всѣ́мъ влⷣчце ᲂу҆мᲂлѝ .

кᲂне́цъ пѧ́тᲂмꙋ гла́сꙋ .