Нлⷣѧ , н҃ ѧ , в̾ сꙋбо́тꙋ ве́черъ , на ма́лѣй вече́рни , бл҃гᲂслᲂви́вшꙋ і҆єре́ю , и҆ гл҃емъ , цр҃ю нбⷭ҇ныи , и҆ про́чее . =На гдⷭ҇и вᲂзва́хъ , стⷯры , на д҃ . гла́съ , а҃ . поⷣ . нбⷭ҇нымъ чино́мъ . Ны́нѣ ѡ҆бнᲂвлѧ́ютсѧ ꙗ҆зы́цы ,꙳ вели́чїѧ бж҃їѧ и҆нᲂвѣща́нными слᲂвесы̀ ,꙳ и҆ ѻ҆́гненымъ видѣ́нїемъ ,꙳ во ᲂу҆вѣ́ренїе всѣ́мъ живꙋ́щимъ на землѝ ,꙳ пᲂвѣ́дати ꙗ҆́снѡ нн҃ѣ в̾ зна́менїе ꙗ҆зы́кᲂмъ ,꙳ и҆́стиннᲂе спасе́нїе прїи́де . =двⷤа . Ю҆́же пᲂсла́ти ѡ҆бѣща́сѧ ꙳ ᲂу҆ченико́мъ свᲂи́мъ хрⷭ҇тѐ свы́ше си́лꙋ ,꙳ сверши́въ пᲂсыла́еши ст҃ы́и сво́й дх҃ъ ,꙳ пᲂказа́въ на́мъ , ꙗ҆́кѡ ты̀ є҆сѝ и҆́стина ,꙳ и҆ на тѧ̀ ᲂу҆пᲂва́ющїи бл҃же ,꙳ вᲂи́стинꙋ непᲂсрамѧ́тсѧ . Ѡ҆бѣща́нїе и҆спо́лнивъ ,꙳ свᲂегѡ̀ ᲂу҆тѣ́шителѧ ,꙳ ꙗ҆́кѡ во ѻ҆́гненыхъ ꙗ҆зы́цѣхъ пᲂсла́лъ є҆сѝ ми́рꙋ ,꙳ всѣ́хъ грѣхѝ бжⷭ҇твенымъ ѻ҆гне́мъ пᲂпали́ти ,꙳ и҆ да́ти на́мъ є҆́же к̾ немꙋ̀ ѡ҆бще́нїе чи́сто ,꙳ и҆́же вѣ́рнѡ бг҃ᲂсло́вѧщимъ є҆гѡ̀ . сла́ва , и҆ нн҃ѣ . гла́съ , з҃ . Оу҆тѣ́шителѧ и҆мꙋ́ще ко ѻ҆ц҃ꙋ хрⷭ҇та̀ бг҃а . ᲂу҆тѣ́шителю и҆но́мꙋ прише́дшꙋ на́ землю к̾ на́мъ дне́сь , дх҃ꙋ ст҃о́мꙋ вѣ́рᲂю пᲂклᲂни́мсѧ [пᲂкло́н̾] .

На стихо́внѣ , стихѣ́ры . гла́съ , в҃ . поⷣ . до́ме є҆вфра́фᲂвъ .= З=аре́ю бг҃ᲂнача́льнᲂю ,꙳ ᲂу҆́мъ прᲂсвѣти́вше ,꙳ ᲂу҆ченицы̀ твᲂѝ сло́ве .꙳ сꙋ́щественѣ ,꙳ дх҃ъ ст҃ы́и прїѧ́ша .

сти́хъ : се́рдце чи́сто сᲂзи́жди во мнѣ̀ бж҃е ,꙳ и҆ дх҃ъ пра́въ ѡ҆бнᲂвѝ во ᲂу҆тро́бѣ мо́ей . Ꙗ҆зы́цы ,꙳ ѻ҆гне́мъ свы́ше ꙳ ꙗ҆ви́шасѧ на а҆пⷭ҇лѣхъ ꙳ прᲂсвѣща́юще ,꙳ а҆ не ѡ҆палѧ́юще .

сти́хъ : не ѿве́рзи менѐ ѿ лица̀ твᲂегѡ̀ ,꙳ и҆ дх҃а твᲂегѡ̀ ст҃а́гѡ не ѿи҆мѝ ѿ менѐ . Да стра́шнᲂе чꙋ́до ,꙳ ᲂу҆жаси́тъ невѣ́рныхъ ро́дъ ,꙳ и҆нѣ́ми стра́нными ꙳ ꙗ҆зы́ки ,꙳ бжⷭ҇твенаѧ вѣща́хꙋ .

сла́ва , и҆ ны́нѣ . гла́съ , и҆ поⷣ , то́йже . Свы́ше к̾ на́мъ ,꙳ ᲂу҆тѣ́шителю прише́дъ ,꙳ ꙗ҆́кᲂже пе́рвїе ко а҆пⷭ҇лѡмъ ,꙳ ѡ҆ст҃ѝ и҆ спасѝ ,꙳ и҆́же тебѐ бг҃а прᲂпᲂвѣ́дающихъ .

та́же , нн҃ѣ ѿпꙋща́еши . трⷭ҇то́е , и҆ по ѻ҆́ч҃е на́шъ . трᲂпа́рь . гла́съ , и҃ . Блгⷭ҇ве́нъ є҆сѝ хрⷭ҇тѐ бж҃е на́шъ , и҆́же премꙋ́дры лᲂвцы̀ ꙗ҆вле́и , пᲂсла́въ и҆́мъ дх҃ъ ст҃ы́и , и҆ тѣ́ми ᲂу҆лᲂвле́и вселе́ннꙋю , чл҃кᲂлю́бче сла́ва тебѣ̀ . та́же , є҆ктенїѧ̀ ма́лаѧ .= и҆ =ѿпꙋ́стъ .

На вели́цѣй вече́рни , каѳи́сма бл҃же́нъ мꙋ́жъ всѧ̀ . вᲂскрⷭ҇но , непᲂе́мъ ничто́же . =На гдⷭ҇и вᲂзва́хъ , стⷯры , на́ і҃ . гла́съ , а҃ . Пѧтьдесѧ́тницꙋ пра́зднꙋемъ , и҆ дх҃а прише́ствїе , и҆ пред̾лᲂже́нїе ѡ҆бѣща́нїѧ , и҆ наде́жи сᲂверше́нїе , и҆ та́инство є҆ли́кѡ , ꙗ҆́кѡ вели́ко же и҆ че́стно . тѣ́мже вᲂпїе́мъ ти , сᲂдѣ́телю всѣ́хъ гдⷭ҇и сла́ва тебѣ̀ . =вⷤ . Ꙗ҆зы́ки и҆нᲂро́дными , ѡ҆бнᲂви́лъ є҆сѝ хрⷭ҇тѐ свᲂѧ̀ ᲂу҆ченикѝ . да тѣ́ми тѧ прᲂпᲂвѣ́дѧтъ сло́ва и҆ бг҃а , пᲂдаю́щагѡ дш҃а́мъ на́шимъ ве́лїю млⷭ҇ть . Всѧ̀ пᲂдае́тъ дх҃ъ ст҃ы́и , то́читъ прᲂро́чествїѧ , сщ҃е́нники сᲂверша́етъ , не кни́жники мꙋ́дрᲂсти наꙋчѝ , ры́бари бг҃ᲂсло́вцы пᲂказа̀ . ве́сь сᲂбира́етъ сᲂбо́ръ цр҃ко́вныи . є҆динᲂсꙋ́щне и҆ є҆динᲂпрⷭ҇то́льне , ѻ҆ц҃ꙋ и҆ сн҃ꙋ , ᲂу҆тѣ́шителю сла́ва тебѣ̀ . и҆́ны , стихѣ́ры . гла́съ , в҃ . Во прᲂро́цѣхъ вᲂз̾вѣсти́лъ є҆сѝ на́мъ пꙋ́ть спасе́нїѧ , и҆ во а҆пⷭ҇лѣхъ вᲂсїѧ̀ , сп҃се на́шъ бл҃гᲂда́ть дх҃а твᲂегѡ̀ . ты̀ є҆сѝ бг҃ъ пе́рвыи , ты́же и҆ по си́хъ , и҆ во́ вѣки ты̀ є҆сѝ бг҃ъ на́шъ . двⷤа . Ви́дѣхᲂмъ свѣ́тъ и҆́стинныи , и҆ прїѧ́хᲂмъ дх҃ъ нбⷭ҇ныи , ѡ҆брѣто́хᲂмъ вѣ́рꙋ и҆́стиннꙋ нераздѣ́льнꙋ , трⷪ҇цѣ пᲂклᲂнѧ́емсѧ , та́ бо на́съ спасла̀ є҆́сть . Во дво́рѣхъ твᲂи́хъ , пᲂю́ тѧ сп҃са ми́рꙋ . и҆ прекло́нь кᲂлѣ́на , пᲂклᲂнѧ́юсѧ твᲂе́й непᲂбѣди́мѣй си́лѣ [пᲂкло́н̾] . ве́черъ и҆ ᲂу҆́тро и҆ пᲂлꙋ́дне , и҆ на всѧ́ко вре́мѧ бл҃гᲂслᲂвлю́ тѧ гдⷭ҇и . Во дво́рѣхъ твᲂи́хъ гдⷭ҇и , вѣ́рнїи кᲂлѣ́на дш҃ъ и҆ тѣле́съ прекло́нше . вᲂспѣва́емъ тѧ без̾нача́льнаго ѻ҆ц҃а , и҆ сᲂбезнача́льнаго сн҃а , и҆ сᲂприснᲂсꙋ́щна прест҃а́гѡ дх҃а , прᲂсвѣща́ющаго и҆ ѡ҆сщ҃а́ющаго дш҃а на́ша . Трⷪ҇цꙋ є҆динᲂсꙋ́щнꙋю пѣснᲂсло́вимъ , ѻ҆ц҃а и҆ сн҃а , со ст҃ы́мъ дх҃ᲂмъ . сїю́ бо прᲂпᲂвѣ́даша всѝ прⷪ҇ро́цы , и҆ а҆пⷭ҇ли с̾ мч҃нки .

сла́ва , и҆ ны́нѣ . гла́съ , и҃ . Прїиди́те лю́дїе , трисᲂста́внᲂмꙋ бжⷭ҇твꙋ̀ пᲂклᲂни́мсѧ [пᲂкло́н̾] , сн҃ꙋ во ѻ҆ц҃ѣ , со ст҃ы́мъ дх҃ᲂмъ . ѻ҆ц҃ъ бо без̾лѣ́тнѡ рᲂдѝ сн҃а сᲂпрⷭ҇нᲂсꙋ́щна , и҆ сᲂпресто́льна , и҆ дх҃ъ ст҃ы́и бѣ̀ во ѻ҆ц҃ѣ , с̾ сн҃ᲂмъ прᲂславлѧ́емъ . є҆ди́на си́ла , и҆ є҆ди́но сꙋщество̀ , и҆ є҆ди́но бжⷭ҇тво̀ . є҆мꙋ́же пᲂкланѧ́ющесѧ всѝ глаго́лемъ [пᲂкло́н̾] , ст҃ы́и бж҃е , и҆́же всѧ̀ сᲂдѣва́ѧ с̾ сы́нᲂмъ , и҆ спᲂспѣше́нїемъ прест҃а́гѡ дх҃а . ст҃ы́и крѣ́пкїи , и҆́мже ѻ҆ц҃а пᲂзна́хᲂмъ , и҆ дх҃ъ ст҃ы́и прїи́де в̾ ми́ръ , ст҃ы́и без̾сме́ртне , ᲂу҆тѣ́шительныи дш҃е , и҆́же ѿ ѻ҆ц҃а и҆схᲂдѧ́и , и҆ на́ сн҃ѣ пᲂчива́ѧи . трⷪ҇це ст҃а́ѧ сла́ва тебѣ̀ .

вы́хᲂдъ : свѣ́тѣ ти́хїи . прᲂки́мен̾ , дню̀ .

ѿ чи́слъ , чте́нїе .

Речѐ гдⷭ҇ь к̾ мѡѷсе́ю , сᲂбери́ ми се́дмьдесѧтъ мꙋ́жъ , ѿ ста́рецъ і҆и҃левыхъ , и҆́хже са́мъ ты̀ вѣ́си , ꙗ҆́же сꙋ́ть ста́рцы люд̾сті́и , и҆ кни́жники и҆́хъ . и҆ приведе́ши и҆́хъ в̾ сѣ́нь свидѣ́нїѧ , и҆ ста́нꙋтъ тꙋ̀ с̾ тᲂбо́ю . и҆ сни́дꙋ и҆ глаго́лю с̾ тᲂбо́ю тꙋ̀ , и҆ ѿи҆мꙋ̀ ѿ́ дх҃а сꙋ́щагѡ в̾ тебѣ̀ , и҆ пᲂлᲂжꙋ̀ на ни́хъ , и҆ застꙋ́пѧтъ с̾ тᲂбо́ю стремле́нїе лю́демъ , и҆ нево́диши и҆́хъ ты̀ є҆ди́нъ . и҆ сᲂбра̀ мѡѷсе́й , се́дмьдесѧтъ мꙋ́жъ , ѿ ста́рецъ люде́й , и҆ пᲂста́ви и҆́хъ ѻ҆́крⷭ҇тъ сѣ́ни . и҆ сни́де гдⷭ҇ь во ѻ҆́блацѣ , и҆ гл҃а мѡѷсе́ю , и҆ взѧ́тъ ѿ́ дх҃а ст҃а́гѡ и҆́же в̾ не́мъ , и҆ вᲂзлᲂжѝ на се́дмьдесѧтъ мꙋ́жъ ста́рческихъ . и҆ ꙗ҆́кᲂже препᲂчѝ дх҃ъ на ни́хъ и҆ пррⷪ҇чествᲂваша в̾ станꙋ̀ , и҆ пᲂсе́мъ непреста́ша . и҆ ѡ҆ста́ста два̀ мꙋ́жа в̾ пᲂлцѣ̀ и҆́мѧ є҆ди́нᲂмꙋ є҆лда́дъ , и҆ и҆́мѧ втᲂро́мꙋ мᲂда́дъ , и҆ пᲂчѝ и҆ на ни́хъ дх҃ъ . и҆ сїѝ бѣ́ста ѿ напи́саныхъ и҆ непрїидо́ша в̾ сѣ́нь , и҆ прᲂро́чествᲂваша в̾ станꙋ̀ . и҆ прите́къ ю҆́нᲂша и҆ вᲂз̾вѣстѝ мѡѷсе́ю и҆ речѐ є҆мꙋ̀ гл҃ѧ , є҆лда́дъ и҆ мᲂда́дъ прᲂро́чествꙋютъ в̾ станꙋ̀ . и҆ ѿвѣща̀ и҆сꙋ́съ на́ввинъ , пред̾стᲂѧ́й мѡѷсе́ю и҆збра́нныи є҆гѡ̀ , и҆ речѐ , гдⷭ҇и мо́й мѡѷсе́е , запретѝ и҆́мъ . рече́ же є҆мꙋ̀ мѡѷсе́й , є҆да̀ зави́диши ты̀ мнѣ̀ , и҆ кто̀ да́стъ всѣ́мъ лю́демъ гдⷭ҇нимъ бы́ти прᲂро́ки , є҆гда̀ да́стъ гдⷭ҇ь дх҃ъ сво́й на ни́хъ .

ѿ прᲂро́чества і҆ѡ́илева , чте́нїе .

Та́кѡ гл҃етъ гдⷭ҇ь , ча́да сїѡ́нᲂва ра́дꙋйтесѧ , и҆ весели́тесѧ ѡ҆́ гдⷭ҇ѣ бз҃ѣ ва́шемъ , ꙗ҆́кѡ да́стъ ва́мъ бра́шна в̾ пра́вдꙋ , и҆ ѡ҆дᲂжди́тъ ва́мъ до́ждь ра́нъ и҆ по́зденъ , ꙗ҆́кᲂже и҆ пре́жде . и҆ напо́лнѧтсѧ гꙋ́мна ва́ша пшени́цы , и҆ и҆злїю́тсѧ тᲂчи́лїѧ вина̀ и҆ ма́сла , и҆ да́мъ ва́мъ вмѣ́стѡ лѣ́тъ и҆́хже пᲂѧдо́ша прꙋ́зи и҆ гꙋ́сеницы , и҆ ржа̀ и҆ хрꙋ́стᲂве , си́ла мᲂѧ̀ вели́каѧ ꙗ҆́же пᲂсла́хъ на вы̀ , и҆ снѣ́сте ꙗ҆дꙋ́ще и҆ насытите́сѧ , и҆ пᲂхва́лите и҆́мѧ гдⷭ҇а бг҃а ва́шегѡ , и҆́же сᲂтвᲂрѝ с̾ ва́ми чꙋдеса̀ , и҆ непᲂстыдѧ́тсѧ лю́дїе мᲂѝ во́ вѣки . и҆ ᲂу҆разꙋмѣ́ете ꙗ҆́кѡ пᲂсредѣ̀ і҆и҃лѧ а҆́зъ є҆́смь , и҆ а҆́зъ гдⷭ҇ь бг҃ъ ва́шъ , и҆ нѣ́сть и҆но́гѡ ра́звѣ менѐ , и҆ непᲂстыдѧ́тсѧ лю́дїе мᲂѝ во́ вѣки . и҆ бꙋ́детъ по си́хъ , и҆злїю̀ ѿ́ дх҃а мᲂегѡ̀ на всѧ́кꙋ пло́ть , и҆ прᲂрекꙋ́тъ сн҃ᲂве ва́ши и҆ дще́ри ва́ши , и҆ ста́рцы ва́ши со́нїѧ ви́дѧтъ , и҆ ю҆́нᲂши ва́ши видѣ́нїѧ ᲂу҆́зрѧтъ . и҆́бо на рабы̀ мᲂѧ̀ и҆ на рабы́ни мᲂѧ̀ , во́ дни ѻ҆́ны и҆злїю̀ ѿ́ дх҃а мᲂегѡ̀ , и҆ прᲂрекꙋ́тъ , и҆ да́мъ чꙋдеса̀ на́ нб҃си гᲂрѣ̀ , и҆ зна́менїѧ на землѝ ни́зꙋ , кро́вь и҆ ѻ҆́гнь и҆ кꙋре́нїѧ ды́ма . сл҃нце прелᲂжи́тсѧ во тмꙋ̀ , и҆ лꙋна̀ в̾ кро́вь , пре́жде прише́ствїѧ днѐ гдⷭ҇нѧ , вели́кагѡ и҆ стра́шнагѡ . и҆ бꙋ́детъ всѧ́къ и҆́же а҆́ще призᲂве́тъ и҆́мѧ гдⷭ҇не , спасе́тсѧ .

ѿ прᲂро́чества і҆єзекі́илева , чте́нїе .

Та́кѡ гл҃етъ гдⷭ҇ь , прїимꙋ̀ ва́съ ѿ ꙗ҆зы́къ , и҆ сᲂберꙋ́ вы ѿ всѣ́хъ ꙗ҆зы́къ стра́нныхъ , и҆ введꙋ̀ вы в̾ зе́млю ва́шꙋ . и҆ вᲂскрᲂплю̀ на вы̀ во́дꙋ чи́стꙋ , и҆ ѡ҆чи́ститесѧ ѿ всѣ́хъ нечисто́тъ ва́шихъ , и҆ ѿ всѣ́хъ и҆́дᲂлъ ва́шихъ , ѡ҆чи́щꙋ ва́съ . и҆ да́мъ ва́мъ срⷣце но́во , и҆ дх҃ъ но́въ да́мъ ва́мъ . и҆ ѿи҆мꙋ̀ сᲂдѣ́ѧннᲂе срⷣце ва́ше , и҆ да́мъ ва́мъ срⷣце пло́тѧно , и҆ дх҃ъ мо́й в̾ ва́съ . и҆ сᲂтвᲂрю̀ да во ѡ҆правда́нїихъ мᲂи́хъ хо́дите , и҆ сꙋдьбы̀ мᲂѧ̀ сᲂхранитѐ и҆ сᲂтвᲂритѐ , и҆ вселите́сѧ в̾ землѝ , ю҆́же да́хъ ѻ҆ц҃е́мъ ва́шимъ . и҆ бꙋ́дете ми в̾ лю́ди , и҆ а҆́зъ бꙋ́дꙋ ва́мъ въ бг҃ъ .

На литі́и , стⷯры . гла́съ , д҃ . Пресла́внаѧ дне́сь , ви́дѣша всѝ ꙗ҆зы́цы во́ градѣ дв҃дᲂвѣ , є҆гда̀ дх҃ъ сни́де ст҃ы́и во ѻ҆́гненныхъ ꙗ҆зы́цѣхъ , ꙗ҆́кᲂже лꙋка̀ бг҃ᲂгла́сныи написа̀ , рече́бо , со́бранымъ ᲂу҆ченико́мъ хрⷭ҇то́вымъ , бы́сть шꙋ́мъ . ꙗ҆́кѡ нᲂси́мꙋ дх҃ꙋ бꙋ́рнꙋ , и҆ и҆спо́лни до́мъ , и҆дѣ́же бѣ́ѧхꙋ сѣдѧ́ще . и҆ всѝ нача́ша глаго́лати стра́нными гл҃ы , стра́нными ᲂу҆че́нїи , стра́нными пᲂвелѣ́нїи ст҃ы́ѧ трⷪ҇цы . Дх҃ъ ст҃ы́и , бѣ́же ᲂу҆́бѡ прⷭ҇нѡ и҆ є҆́сть и҆ бꙋ́детъ , ни начина́емъ , нижѐ преста́ѧ , но при́снѡ со ѻ҆ц҃е́мъ и҆ съ сн҃ᲂмъ , съ чине́нъ и҆ съ числѧ́емь . живо́тъ и҆ живᲂтвᲂрѧ́и , свѣ́тъ и҆ свѣ́та пᲂда́тель . са́мъ бл҃гі́и , и҆сто́чникъ бл҃гᲂсты́ни . и҆́мже ѻ҆ц҃ъ сказа́етсѧ , и҆ сн҃ъ с̾ прᲂславлѧ́етсѧ , и҆ ѿ всѣ́хъ зна́етсѧ , є҆ди́на си́ла , и҆ є҆ди́но сᲂчета́нїе , є҆ди́но пᲂкланѧ́нїе ст҃ы́ѧ трⷪ҇цы . Дх҃ъ ст҃ы́и , свѣ́тъ и҆ живо́тъ , и҆ живы́и и҆сто́чникъ ᲂу҆́мныи . дх҃ъ премꙋ́дрᲂсти , дх҃ъ ра́зꙋма , бл҃гі́и пра́выи мы́сленыи , ѡ҆блада́ѧ и҆ ѡ҆чища́ѧ прегрѣше́нїѧ . бг҃ъ и҆ бг҃ᲂтвᲂрѧ́и , ѻ҆́гнь ѿ ѻ҆ц҃а и҆схᲂдѧ́и . гл҃ѧ дѣ́ѧ , раздѣлѧ́ѧ да́ры . и҆́мже пррⷪ҇цы всѝ , и҆ бжⷭ҇твенїи а҆пⷭ҇ли , с̾ мч҃нки вѣнча́шасѧ . стра́ннѡ слы́шанїе , стра́ннѡ видѣ́нїе . ѻ҆́гнь раздѣлѧ́ѧ в̾ пᲂда́нїи даро́въ . сла́ва , и҆ нн҃ѣ . гла́съ , и҃ . Є҆гда̀ дх҃ъ тво́й пᲂсла́лъ є҆сѝ гдⷭ҇и , сѣдѧ́щимъ а҆пⷭ҇лѡмъ , тᲂгда̀ и҆ є҆вре́йскїѧ дѣ́ти зрѧ́ще си́хъ , ᲂу҆жаса́хꙋсѧ стра́хᲂмъ , слы́шахꙋ ᲂу҆́бѡ и҆́хъ глаго́люща и҆нѣ́ми ꙗ҆зы́ки , ꙗ҆́кᲂже дх҃ъ пᲂдаѧ́ше и҆́мъ . некни́жни бо сꙋ́ще ᲂу҆мꙋдри́шасѧ , и҆ ꙗ҆зы́ки в̾ вѣ́рꙋ ᲂу҆лᲂви́вше , бжⷭ҇твеннаѧ глаго́лахꙋ . тѣ́мъ и҆ мы̀ вᲂпїе́мъ ти , и҆́же на землѝ ꙗ҆вле́исѧ , и҆ ѿ ле́сти спасы́и на́съ , гдⷭ҇и сла́ва тебѣ̀ .

На стихо́внѣ , стⷯры . гла́съ , ѕ҃ . Неразꙋмѣ́юще ꙗ҆зы́цы гдⷭ҇и прест҃а́гѡ дх҃а , во а҆пⷭ҇лы ти бы́вшїѧ си́лы , и҆змѣне́нїемъ ꙗ҆зы́къ пїѧ́ныхъ мнѧ́хꙋ . мы́ же ᲂу҆тверди́вшесѧ и҆́ми , без̾преста́ни си́це гл҃емъ , дх҃а твᲂегѡ̀ ст҃а́гѡ не ѿи҆мѝ ѿ на́съ , мо́лимтисѧ чл҃кᲂлю́бче .

сти́хъ : се́рдце чи́сто сᲂзи́жди во мнѣ̀ бж҃е ,꙳ и҆ дх҃ъ пра́въ ѡ҆бнᲂвѝ во ᲂу҆тро́бѣ мо́ей . Гдⷭ҇и прест҃а́гѡ дх҃а наше́ствїемъ , а҆пⷭ҇лы свᲂѧ̀ и҆спо́лнилъ є҆сѝ , и҆ и҆нѣ́ми ꙗ҆зы́ки гл҃ати ᲂу҆стро́ивъ . тѣ́мже и҆ пресла́внᲂе , невѣ́рнымъ ᲂу҆́бѡ пїѧ́нство мнѧ́шесѧ , вѣ́рнымъ же хᲂда́тайственѡ спасе́нїѧ . є҆го́же сїѧ́нїѧ на́съ спᲂдо́би , мо́лимтисѧ чл҃кᲂлю́бче .

сти́хъ : не ѿве́рзи менѐ ѿ лица̀ твᲂегѡ̀ ,꙳ и҆ дх҃а твᲂегѡ̀ ст҃а́гѡ не ѿи҆мѝ ѿ менѐ . Цр҃ю нбⷭ҇ныи , ᲂу҆тѣ́шителю д́ш҃е и҆́стинныи , и҆́же вездѣ̀ сы́и , и҆ всѧ̀ и҆спᲂлнѧ́ѧ , сᲂкро́вище бл҃ги́хъ и҆ жи́зни пᲂда́телю , прїидѝ и҆ всели́сѧ в̾ ны̀ , и҆ ѡ҆чи́сти ны ѿ всѧ́кїѧ скве́рны , и҆ спасѝ бл҃же дш҃а на́ша .

сла́ва , и҆ ны́нѣ . гла́съ , и҃ . Ꙗ҆зы́цы и҆нᲂгда̀ размѣси́шасѧ , де́рзᲂсти ра́ди стᲂлпᲂтвᲂре́нїѧ , ꙗ҆зы́цы же ны́нѣ ᲂу҆мꙋдри́шасѧ , сла́вы ра́ди бг҃ᲂразꙋ́мїѧ . та́мо бо ѡ҆сꙋдѝ нечести́выѧ сᲂгрѣше́нїемъ , здѣ́же прᲂсвѣти́лъ є҆́сть хрⷭ҇то́съ лᲂвцы̀ дх҃ᲂмъ . тᲂгда̀ ᲂу҆праздни́сѧ ра́зньство натᲂмле́нїе , ны́нѣ ѡ҆бнᲂвлѧ́етсѧ сᲂгла́сїе ко спасе́нїю дш҃а́мъ на́шимъ .

та́же , нн҃ѣ ѿпꙋща́еши . трⷭ҇то́е , и҆ по ѻ҆́ч҃е на́шъ . трᲂпа́рь . гла́съ , и҃ . Блгⷭ҇ве́нъ є҆сѝ хрⷭ҇тѐ бж҃е на́шъ , и҆́же премꙋ́дры лᲂвцы̀ ꙗ҆вле́и , пᲂсла́въ и҆́мъ дх҃ъ ст҃ы́и , и҆ тѣ́ми ᲂу҆лᲂвле́и вселе́ннꙋю , чл҃кᲂлю́бче сла́ва тебѣ̀ . три́жды .

Въ нлⷣю , н҃ ю , на ᲂу҆́трени . на бг҃ъ гдⷭ҇ь , трᲂпа́рь , пра́здникꙋ , три́жды .

По а҃ , стихᲂло́гїи , сѣда́ленъ . гла́съ , д҃ . Дх҃о́вныи и҆сто́чникъ прише́дъ на́ землю , во ѻ҆́гненыѧ рѣ́ки раздѣлѧ́ѧсѧ мы́сленѡ , а҆пⷭ҇лы ѡ҆рᲂша́ше прᲂсвѣща́ѧ , и҆ бы́сть и҆́мъ ѻ҆́блакъ ѡ҆рᲂша́ѧй ѻ҆́гнь , прᲂсвѣща́ѧ тѣ́хъ , и҆ ѡ҆дᲂждѧ́ѧ пла́мень , и҆́миже мы̀ прїѧ́хᲂмъ бл҃гᲂда́ть ѻ҆гне́мъ же и҆ вᲂдо́ю . свѣ́тъ прїи́де ᲂу҆тѣ́шительныи , и҆ ми́ръ прᲂсвѣтѝ . слава , и҆ ны́нѣ , то́йже .

По в҃ , стихᲂло́гїи , сѣда́ленъ . гла́съ , є҃ . Дх҃о́внаѧ бл҃гᲂда́ть прише́дши , ѿ ни́щихъ лᲂве́цъ а҆пⷭ҇лъ твᲂи́хъ , прᲂсвѣтѝ хрⷭ҇тѐ премꙋ́дрыѧ и҆ кнѧ́зи , и҆́хже ᲂу҆че́нїемъ и҆ мы̀ пѧтьдесѧ́тницы пра́здникъ свѣ́тлыи при́снѡ сᲂверша́емъ . со ѻ҆ц҃е́мъ тебѐ пᲂю́ще и҆ бжⷭ҇твенымъ дх҃ᲂмъ . сла́ва , и҆ ны́нѣ , то́йже .

По пᲂлїєлеѡ́сѣ , сѣда́ленъ . гла́съ , и҃ . Сп҃сᲂвы рачи́телїе , ра́дᲂсти и҆спо́лнишасѧ , и҆ дерзнᲂве́нїе прїѧ́ша , пре́жде бᲂѧ́щїисѧ , ꙗ҆́кѡ дх҃ъ ст҃ы́и дне́сь свы́ше сни́де на́ дᲂмъ ᲂу҆чени́къ , и҆ и҆́нъ и҆на́ѧ глаго́лаше к̾ лю́демъ . ꙗ҆зы́цы бо раз̾сѣ́ѧшасѧ ви́дими ꙗ҆́кѡ ѻ҆́гнь , и҆ си́хъ не ѡ҆палѝ , но па́че ѡ҆рᲂсѝ . сла́ва , и҆ ны́нѣ , то́йже .

степе́нна , д҃ го гла́са . а҆нтиѳо́нъ , а҃ . прᲂки́мен̾ , ѱл҃о́мъ дв҃дᲂвъ . дх҃ъ тво́й бл҃гі́и наста́витъ мѧ на́ землю пра́вꙋ . сти́хъ : гдⷭ҇и ᲂу҆слы́ши мᲂли́твꙋ мᲂю̀ , внꙋшѝ мᲂле́нїе мᲂѐ . всѧ́ко дыха́нїе . =є҆ѵⷢ҇а́лїе , ѿ =і҆ѡа́нна . заⷱ҇ , ѯ҃є . Вᲂскрⷭ҇нїе хрⷭ҇то́во , негл҃емъ . цѣлᲂва́нїе є҆ѵⷢ҇а́лїю по ѡ҆бы́чаю .

ѱало́мъ , н҃ . сла́ва . мл҃твъ ра́ди а҆пⷭ҇лъ , млⷭ҇тиве ѡ҆чи́сти мно́жество сᲂгрѣше́нїи на́шихъ .

и҆ ны́нѣ . мл҃твъ ра́ди бцⷣы , млⷭ҇тиве ѡ҆чи́сти мно́жество сᲂгрѣше́нїи на́шихъ .

Пᲂми́лꙋй мѧ бж҃е , по вели́цѣй млⷭ҇ти твᲂе́й , по мно́гимъ щедро́тамъ твᲂи́мъ , ѡ҆чи́сти без̾ зако́нїѧ мᲂѧ̀ , бж҃е сп҃се мо́й .

стихѣ́ра . гла́съ , ѕ҃ . Цр҃ю нбⷭ҇ныи , ᲂу҆тѣ́шителю д́ш҃е и҆́стинныи , и҆́же вездѣ̀ сы́и , и҆ всѧ̀ и҆спᲂлнѧ́ѧ , сᲂкро́вище бл҃ги́хъ и҆ жи́зни пᲂда́телю , прїидѝ и҆ всели́сѧ в̾ ны̀ , и҆ ѡ҆чи́сти ны ѿ всѧ́кїѧ скве́рны , и҆ спасѝ бл҃же дш҃а на́ша .

і҆єре́й , гл҃етъ : спасѝ бж҃е лю́ди . пᲂе́мъ : Гдⷭ҇и пᲂми́лꙋй , ві҃ . і҆єре́й : ми́лᲂстїю и҆ щедро́тами .

Кано́ны , пра́здникꙋ , два̀ . і҆рмᲂсы̀ , ѻ҆бᲂю̀ кано́нᲂвъ по два́жды . а҆ трᲂпарѝ , на в҃і . Пᲂслѣди́ же є҆ди́нъ ли́къ , а҃ , і҆рмо́съ . и҆ дрꙋгі́и ли́къ , дрꙋгі́и і҆рмо́съ .

Кано́нъ , твᲂре́нїе ки́ръ кᲂзмы̀ мᲂна́ха , нᲂсѧ́и краегране́сїе . пѧтьдесѧ́тницꙋ пра́зднꙋемъ . гла́съ , з҃ . пѣ́снь , а҃ . і҆рмо́съ . Въ по́нтѣ пᲂкры̀ фараѡ́на со ѻ҆рꙋ́жїемъ , сᲂкрꙋша́ѧ и҆ бра́ни мы́шцею высо́кᲂю , пᲂе́мъ є҆мꙋ̀ ꙗ҆́кѡ прᲂсла́висѧ .

запѣ́въ : Прест҃а́ѧ трⷪ҇це бж҃е на́шъ , сла́ва тебѣ̀ . Дѣ́лᲂмъ ꙗ҆́кᲂже дре́вле ᲂу҆ченико́мъ ѡ҆бѣща́лъ є҆сѝ , ᲂу҆тѣ́шителѧ дх҃а пᲂсла́лъ є҆сѝ хрⷭ҇тѐ . вᲂсїѧ́лъ є҆сѝ свѣ́тъ ми́рꙋ чл҃кᲂлю́бче . Зако́нᲂмъ дре́вле прᲂпᲂвѣ́данᲂе , и҆ прᲂро́ки , и҆спо́лнисѧ , дне́сь бо бжⷭ҇твенагѡ дх҃а , всѣ́мъ вѣ́рнымъ бл҃гᲂда́ть и҆злїѧ́сѧ .

И҆́нъ кано́нъ . твᲂре́нїе , ки́ръ і҆ѡа́нна . гла́съ , д҃ . пѣ́снь , а҃ . і҆рмо́съ . Бжⷭ҇твенымъ пᲂкрᲂве́нъ бы́въ медленнᲂѧзы́чныи мра́кᲂмъ , и҆звѣ́ствᲂва бг҃ᲂпи́санныи зако́нъ . ти́нꙋ бо ѿрѧсѐ , ѻ҆чесѐ разꙋ́мнагѡ . ви́дитъ сꙋ́щагѡ , и҆ гада́етъ дх҃ᲂмъ . ра́зꙋмъ хвалѧ̀ бжⷭ҇твенными пѣ́сньми .

запѣ́въ : Прест҃а́ѧ трⷪ҇це бж҃е на́шъ , сла́ва тебѣ̀ . Реко́ша чⷭ҇таѧ и҆ чⷭ҇тна́ѧ ᲂу҆ста̀ , разлꙋче́нїѧ ва́мъ небꙋ́детъ , ѽ дрꙋ́зи . а҆́зъ бо на ѻ҆́ч҃емъ вы́шнѣмъ прⷭ҇то́лѣ с̾ ни́мъ сѣдѧ̀ , и҆злїю̀ ѿ́ дх҃а , вᲂсїѧ́ти лю́бѧщимъ , бл҃гᲂда́ть неѡ҆скꙋ́днꙋю . Предѣ́лы преше́дъ и҆́стиннѣйшее сло́во , тихо ѡ҆бра́знѡ сᲂверша́етъ срⷣца̀ . дѣ́ло бо скᲂнча́въ , вᲂз̾веселѝ дрꙋ́ги , дыха́нїемъ бꙋ́рнымъ и҆ ѻ҆́гне ными ꙗ҆зы́ки , пᲂда́въ дх҃ъ хрⷭ҇то́съ ꙗ҆́кᲂже ѡ҆бѣща́сѧ .

пѣ́снь , г҃ . і҆рмо́съ . Свы́ше си́лᲂю ᲂу҆ченико́мъ хрⷭ҇тѐ , до́ндеже ѡ҆блече́тесѧ ре́къ , сѧ́дите во і҆єрⷭ҇ли́мѣ , а҆́зъ же ꙗ҆́кѡ себѐ , паракли́та и҆но́гѡ дх҃а мᲂегѡ̀ и҆ ѻ҆́ч҃а пᲂслю̀ , ѡ҆ не́мже ᲂу҆тверди́тесѧ . Бжⷭ҇твенагѡ дх҃а наше́дшаѧ си́ла . раздѣ́льшїи сѧ дре́вле гла́съ , ѕлѣ̀ сᲂгласи́вшихсѧ , во є҆динᲂмы́слїи бжⷭ҇тва̀ сᲂвᲂкꙋпѝ ра́зꙋмъ , наставлѧ́ющи вѣ́рныхъ къ трⷪ҇цѣ , ѡ҆ не́йже ᲂу҆тверди́хᲂмсѧ .

и҆́нъ , і҆рмо́съ . Разве́рзе ᲂу҆тро́бꙋ неча́дѧщꙋю дѣте́й , хꙋлꙋ́ же ѕлꙋ̀ прїе́млемꙋ , бл҃гᲂча́дѧщїѧ є҆ди́на мᲂли́тва прᲂро́чицы дре́вле а҆́нны , нᲂсѧ́щи дх҃ъ сᲂкрꙋше́нъ , к̾ си́льнᲂмꙋ бг҃ꙋ ра́зꙋ мᲂм̾ . Непᲂсти́жима є҆́сть бг҃ᲂнача́льнѣйшаѧ , виті́и бо пᲂказа̀ без̾кни́жныѧ ры́бари премꙋ́ дры , запреща́ющїѧ сло́вᲂмъ , и҆ ѿ глꙋбо́кїѧ но́щи и҆зима́ющїѧ лю́ди бесчи́слены сїѧ́нїемъ дх҃а . Бѧ́ше и҆схо́денъ ѿ нерᲂжде́нна свѣ́та , всеси́льныи сїѧ́ющїи свѣ́тъ , и҆́же съ сн҃ᲂмъ ѻ҆те́ческᲂю во́лею ны́нѣ ꙗ҆влѧ́ютъ , сра́сленᲂе ѡ҆заре́нїе , ѻ҆́гненыи гла́съ в̾ сїѡ́нѣ ꙗ҆зы́кѡмъ .

сѣда́ленъ . гла́съ , д҃ . Пра́здника препᲂлᲂве́нїе , и҆ кᲂне́чныи пра́здникъ пра́зднꙋемъ вѣ́рнїи свѣ́тлѡ , и҆́же є҆́сть пѧтьдесѧ́тница , ѡ҆бѣща́ нїѧ и҆спᲂлне́нїе и҆́стины . в̾ се́й ᲂу҆́бѡ ѻ҆́гнь ᲂу҆тѣ́шителевъ сни́де на́ землю , ꙗ҆́кѡ въ видѣ́нїи ꙗ҆зы́къ , и҆ ᲂу҆ченикѝ прᲂсвѣтѝ , и҆ си́хъ нбⷭ҇ныѧ таи́нники и҆̀ свидѣ́тели пᲂказа̀ . свѣ́тъ бо прїи́де ᲂу҆тѣ́шителѧ , и҆ ми́ръ прᲂсвѣтѝ . сла́ва , и҆ ны́нѣ , то́йже .

пѣ́снь , д҃ . і҆рмо́съ . Смᲂтрѧ́и прᲂро́къ , пᲂслѣ́ днѧгѡ тѝ хрⷭ҇тѐ прише́ствїѧ вᲂпїѧ́ше , твᲂю̀ ᲂу҆слы́шахъ гдⷭ҇и си́лꙋ , ꙗ҆́кѡ всѣ́хъ спастѝ бл҃ги́хъ свᲂи́хъ прише́лъ є҆сѝ . Во прᲂро́цѣхъ гл҃авыи , и҆ зако́нᲂмъ прᲂпᲂвѣ́данныи , пе́рвѣе несᲂверше́ нымъ , бг҃ъ и҆́стиныи ᲂу҆тѣ́шитель , сло́ва слꙋ жи́телемъ и҆ свидѣ́телемъ , пᲂзнава́етсѧ дне́сь . Зна́менїе бжⷭ҇тва̀ нᲂсѧ́и , а҆пⷭ҇лѡмъ ѻ҆́гненымъ дх҃ᲂмъ раз̾дѣли́сѧ , и҆ стра́нными ꙗ҆зы́ки ꙗ҆влѧ́ шесѧ , ꙗ҆́кѡ ѻ҆те́ческаѧ бжⷭ҇твенаѧ си́ла грѧды́и , прїи́де свᲂи́мъ зва́нїемъ .

и҆́нъ , і҆рмо́съ . Цр҃ь цр҃е́мъ , а҆́ки и҆ ста̀ кᲂго́же є҆ди́нъ сло́во прᲂизше́дъ , и҆з̾ ѻ҆ц҃а вино́внагѡ . равнᲂси́льнагѡ твᲂегѡ̀ дх҃а , а҆пⷭ҇лѡмъ и҆́стиннѡ вᲂз̾сїѧ̀ , ꙗ҆́кѡ бл҃гᲂда́тель пᲂю́щимъ , сла́ва держа́вѣ твᲂе́й гдⷭ҇и . Ба́ню бжⷭ҇твенꙋю па́ки бытїѧ̀ сло́ве сраствᲂре́ныи слᲂже́нᲂма є҆сте ство́ма , дᲂжде́внꙋю ми тꙋ́чꙋ , ѿ нетлѣ́нна про бᲂде́ннагѡ тѝ ребра̀ , ѽ бж҃їи сло́ве , запеча тлѣ́й теплᲂто́ю дх҃а . Прекланѧ́ютъ ᲂу҆тѣ́шите леви всѧ̀ кᲂлѣ́на , и҆ сн҃ꙋ ѻ҆́ч҃ꙋ ѻ҆ц҃ꙋ сра́сленᲂмꙋ . в̾ ли́цѣхъ бо вѣ́дꙋще тро́е , сꙋщество́ же во и́стинꙋ неприкᲂснᲂве́нно , безлѣ́тно є҆ди́но . вᲂсїѧ́ бо свѣ́тъ бл҃гᲂда́ть дх҃а . Да и҆спо́лнѧтсѧ всѝ бг҃ᲂнача́льнымъ си́мъ , є҆ли́цы слꙋжи́телїе трисїѧ́ннᲂмꙋ сꙋществꙋ̀ . па́че є҆стества́ бо сᲂверша́етъ , ꙗ҆́кѡ бл҃гᲂдѣ́ленъ . бл҃гᲂѡбразꙋ́етъ хрⷭ҇то́съ во спасе́нїе , всю̀ ꙗ҆влѧ́ѧ бл҃гᲂда́ть дх҃а .

пѣ́снь , є҃ . і҆рмо́с̾ . Стра́ха ра́ди твᲂегѡ̀ зача́тыи гдⷭ҇и во́ чревѣ прᲂро́къ , и҆ рᲂжде́нныи на землѝ дх҃ъ спасе́нїѧ , а҆пⷭ҇льскаѧ сердца̀ зи́ждетъ чи́ста , и҆ вѣ́рныхъ пра́выи ѡ҆бнᲂвлѧ́етсѧ свѣ́тъ бо и҆ ми́ръ занѐ твᲂѧ̀ пᲂвелѣ́нїѧ . Наше́дшаѧ си́ла дне́сь сїѧ̀ , дх҃ъ бл҃гі́и , дх҃ъ премꙋ́дрᲂсти бж҃їѧ , дх҃ъ ѿ ѻ҆ц҃а и҆схᲂдѧ́и и҆ сн҃ᲂмъ вѣ́рнымъ на́мъ ꙗ҆ви́сѧ пᲂдава́теленъ , в̾ ни́хже вселѧ́етсѧ є҆сте ство́мъ ст҃ы́ни , в̾ не́йже зри́тсѧ бл҃гᲂстїю .

и҆́нъ , і҆рмо́съ . И҆збавле́нїе и҆ ѡ҆чище́нїе грѣхо́въ , ѻ҆гнедꙋхнᲂве́ннꙋю прїими́те дх҃о́внꙋю ро́сꙋ , ѽ ча́да свѣтᲂѡ҆бра́знаѧ цр҃ко́внаѧ , ны́нѣ ѿ сїѡ́на бо и҆зы́де зако́нъ . ꙗ҆зы́къ свѣтᲂѡбра́знаѧ , дх҃а бл҃гᲂда́ть . Ꙗ҆́кᲂже бл҃гᲂи҆зво́ли самᲂвла́стнѡ , влⷣчнѣ и҆схо́дитъ дх҃ъ ѿ ѻ҆ц҃а , ᲂу҆мꙋдрѧ́ѧ во ꙗ҆зы́цѣхъ а҆пⷭ҇лы , печатлѣ́ѧ живᲂно́снᲂе сло́во ѿ ѻ҆ц҃а сᲂѡ҆бра́знꙋ си́лꙋ , є҆́же сп҃съ речѐ . Да и҆сцѣли́тъ ᲂу҆́бѡ смы́слы ѿ грѣхо́въ , ѡ҆ се́мъ ᲂу҆страѧ́ше а҆пⷭ҇лы бг҃ъ сло́во всенача́льныи , пречи́стъ до́мъ . в̾ не́мже є҆динᲂмо́щнагѡ и҆ сꙋ́щественнагѡ , ны́нѣ вселѧ́етъ дх҃а сїѧ́нїе .

пѣ́снь , ѕ҃ . і҆рмо́съ . Пла́вающагѡ в̾ мᲂлвѣ̀ жите́йскихъ сꙋ́етїи , и҆ с̾ кᲂрабле́мъ пᲂтᲂплѧ́ема грѣхѝ , и҆ дш҃етлѣ́ннꙋ ѕвѣ́рю примѣта́ема , ꙗ҆́кѡ і҆ѡ́на хрⷭ҇тѐ вᲂпїю́ ти , ѿ сме́ртныѧ глꙋбины̀ вᲂз̾веди́ мѧ . Ѿ ́дх҃а твᲂегѡ̀ на пло́ть всѧ́кꙋю , ꙗ҆́кᲂже ре́клъ є҆сѝ , бᲂга́тнѡ и҆злїѧ́лъ є҆сѝ , и҆ и҆спо́лнишасѧ всѧ́ческаѧ твᲂегѡ̀ ра́зꙋма гдⷭ҇и , ꙗ҆́кѡ и҆з̾ ѻ҆ц҃а сн҃ъ нетлѣ́нно рᲂди́лсѧ є҆сѝ , и҆ дх҃ъ нераздѣ́льныи и҆зы́де .

и҆́нъ , і҆рмо́съ . Ѡ҆чище́нїе на́мъ хрⷭ҇тѐ и҆ спасе́нїе , влⷣко вᲂз̾сїѧ̀ ѿ дв҃ы . да ꙗ҆́кѡ пррⷪ҇ка ѿ ѕвѣ́рѧ мᲂрска́гѡ , ѿ пе́рсей і҆ѡ́нꙋ , ѿ тлѝ и҆схи́ти , всегѡ̀ а҆да́ма всеро́дна па́дшагѡ . И҆́стиненъ на́мъ пра́выи , во ᲂу҆тро́бахъ вѣ́чнѡ прїе́млющимъ , дх҃ъ ѡ҆бнᲂвлѧ́ющїи ѿ ѻ҆ц҃а и҆схо́дныи , и҆ всесᲂвᲂкꙋпле́нъ , ти́нъ ме́рзскихъ пали́тельный скве́рнъ , ка́ла же смы́слᲂмъ чисти́тельныи вседержи́телю . Жела́тельнᲂе дᲂстᲂѧ́нїе а҆пⷭ҇лѡмъ сїѡ́нѧнᲂмъ ча́ющимъ твᲂѐ прише́ствїе рᲂжде́нне сло́ве , пᲂзна́нїемъ дх҃а ѿ ѻ҆ц҃а , рѣ́чь жесто́кꙋю , ю҆́же ꙗ҆зы́кѡмъ ᲂу҆крᲂще́нїе ско́рѡ пᲂказа́въ , ѻ҆гнедᲂхнᲂве́ннѡ ᲂу҆твержа́еши .

кᲂнда́къ . гла́с̾ , и҃ . Є҆гда̀ сше́дъ ꙗ҆зы́ки размѣсѝ , раздѣлѧ́ше племена̀ вы́шнїи . є҆гда́ же ѻ҆́гненыѧ ꙗ҆зы́ки раздаѧ̀ , в̾ сᲂвᲂкꙋпле́нїе всѧ̀ призва̀ , є҆динᲂгла́сно сла́вити всест҃ы́и дх҃ъ . и҆́кᲂсъ . Ско́ро и҆ тве́рдо да́рꙋй ᲂу҆тѣше́нїе рабо́мъ твᲂи́мъ і҆с҃е , внегда̀ ᲂу҆ныва́ти дх҃ᲂмъ на́шимъ , не ѿлꙋча́йсѧ ѿ́ дш҃ъ на́шихъ в̾ ско́рбѣхъ и҆ не ᲂу҆далѧ́йсѧ ѿ смы́слъ на́шихъ в̾ напа́стехъ , но прⷭ҇нѡ на́съ предварѝ и҆ прибли́жисѧ к̾ на́мъ . приближи́сѧ и҆́же вездѣ̀ сы́и , ꙗ҆́кᲂже и҆ а҆пⷭ҇лѡмъ твᲂи́мъ с̾ пребыва́лъ є҆сѝ всегда̀ , та́кѡ и҆ лю́бѧщимъ тебѐ , сᲂє҆динѝ себѐ ще́дре , да сᲂвᲂкꙋ́плени тебѐ пᲂе́мъ и҆ сла́вимъ всест҃а́гѡ дх҃а .

пѣ́снь , з҃ . і҆рмо́съ . И҆́же в̾ пе́щь ѻ҆́гненнꙋю вве́ржени , препᲂдо́бнїи ѻ҆́трᲂцы , и҆ ѻ҆́гнь на хла́дъ прелᲂжи́ша , вᲂспѣва́нїемъ си́це пᲂѧ́хꙋ , бл҃гᲂслᲂве́нъ є҆сѝ гдⷭ҇и бж҃е ѻ҆ц҃ъ на́шихъ . Виті́йствꙋющимъ бжⷭ҇твенаѧ вели́чїѧ а҆пⷭ҇лѡмъ , дх҃а дѣ́йствᲂмъ , непщева́шесѧ пїѧ́нство невѣ́рствꙋющимъ , и҆́миже трⷪ҇ца пᲂзнава́етсѧ , є҆ди́нъ бг҃ъ ѻ҆ц҃ъ на́шихъ . Нераздѣ́льнᲂе є҆стество̀ , правᲂсла́внѡ бг҃ᲂсло́вѧщимъ , бг҃а ѻ҆ц҃а без̾нача́льнаго , тᲂѧ́же вла́сти сло́ва , и҆ дх҃а , блгⷭ҇ве́нъ є҆сѝ зᲂвꙋ́ще , бж҃е ѻ҆ц҃ъ на́шихъ .

и҆́нъ , і҆рмо́съ . Сᲂгла́снѡ ᲂу҆страшѝ пища́льскаѧ пѣ́снь , по́чести златᲂсᲂтвᲂре́нныи без̾дꙋ́ш ныи ѻ҆́бразъ . ᲂу҆тѣ́шителева же свѣтᲂно́снаѧ бл҃гᲂда́ть , пᲂчествᲂва́ти є҆́же вᲂпи́ти , трⷪ҇це є҆ди́наѧ равнᲂси́льнаѧ , без̾нача́льнаѧ блгⷭ҇ве́на є҆сѝ . Гла́съ пррⷪ҇кᲂвѣща́тельныи неразꙋмѣ́вше , ꙗ҆́кѡ стра́нны рѣ́чи слы́шаша ѿ а҆пⷭ҇лъ , и҆ гл҃ахꙋ безꙋ́мнїи , вино́мъ сᲂтвᲂре́но пїѧ́нство . бл҃го чести́вїи же тебѣ̀ вᲂпїе́мъ бжⷭ҇твено , ѡ҆бнᲂви́ телю всѣ́хъ блгⷭ҇ве́нъ є҆сѝ . Бжⷭ҇твено ᲂу҆че́нїе про рица́ѧ вᲂз̾гремѣ̀ ви́дѧи видѣ́нїѧ бжⷭ҇твеныи і҆ѡ́иль бг҃ᲂнача́льнагѡ . и҆́мже и҆з̾лїю̀ ꙗ҆́кᲂже сло́вꙋ ре́кшꙋ ѿ́ дх҃а мᲂегѡ̀ , и҆ сᲂвᲂзᲂпїю́тъ дрꙋ́зи , є҆стество́мъ тресвѣ́тло свѣ́тлыи , бл҃го слᲂве́нъ є҆сѝ . Тро́ичнꙋю ᲂу҆́бѡ раздѣлѝ зрѧ̀ бл҃гᲂда́ть , ꙗ҆́кѡ да ꙗ҆ви́тъ трѝ сᲂста́вы пᲂчи та́ти , в̾ прᲂстᲂтѣ̀ вла́сти . но во є҆ди́нᲂмъ нн҃ѣ днѝ гдⷭ҇ьскᲂмъ , ѻ҆ц҃ъ сн҃ъ и҆ дх҃ъ блгⷭ҇ве́нъ є҆сѝ .

пѣ́снь , и҃ . і҆рмо́съ . Не ѡ҆па́льна ѻ҆гне́мъ в̾ сина́и прича́щшисѧ , кꙋпина̀ бг҃а пᲂказа̀ , медленно ѧзы́чнꙋ и҆ гꙋгни́вꙋ мѡѷсе́ѡви . дѣ́ти рве́нїемъ бж҃їимъ вмѣта́емыѧ во ѻ҆́гнь пѣвцы̀ пᲂказа̀ , всѧ̀ дѣ́ла гдⷭ҇нѧ гдⷭ҇а по́йте , и҆ превᲂзнᲂси́те є҆гѡ̀ во́ вѣки . Живᲂтво́рнꙋ свы́ше бꙋ́рнꙋ нᲂси́мꙋ , гласо́внѣ дх҃а всест҃а́гѡ дыха́нїю ры́баремъ ѻ҆́гненымъ ᲂу҆́же ви́дᲂмъ ꙗ҆зы́къ вели́чїѧ бж҃їѧ виті́йствᲂвахꙋ , вᲂпїю́ще всѧ̀ дѣ́ла гдⷭ҇нѧ гдⷭ҇а по́йте , и҆ превᲂзнᲂси́те є҆гѡ̀ во́ вѣки . Ꙗ҆́кѡ к̾ некаса́емѣй гᲂрѣ̀ прихᲂдѧ́ще , небᲂѧ́щесѧ ѻ҆гнѧ̀ страша́ща , прїиди́те и҆ ста́немъ в̾ дᲂмꙋ̀ бж҃їи , во́ градѣ жива́гѡ бг҃а , съ дх҃ᲂнасыще́нными ᲂу҆ченикѝ ны́нѣ ликꙋ́юще , всѧ̀ дѣ́ла гдⷭ҇нѧ гдⷭ҇а по́йте , и҆ превᲂзнᲂси́те є҆гѡ̀ во́ вѣки .

и҆́нъ , і҆рмо́съ . Разрѣша́етъ ᲂу҆́зы , и҆ прᲂхлаж да́етъ пла́мень , трисвѣ́тлыи бг҃ᲂнача́льствїѧ ѻ҆́бразъ . пᲂю́тъ дѣ́ти , блгⷭ҇ви́тъ же є҆ди́нагѡ сп҃са и҆ сᲂдѣ́телѧ , ꙗ҆́кѡ бл҃гᲂда́телѧ , сᲂтвᲂре́наѧ всѧ́ческаѧ тва́рь . Па́мѧть хрⷭ҇то́съ чл҃кᲂспаси́ тельныхъ слᲂве́съ , ꙗ҆́же ѿ ѻ҆ц҃а слы́шавъ а҆пⷭ҇лѡмъ речѐ , дх҃ъ ᲂу҆страѧ́етъ ꙗ҆зыкᲂѻ҆́гне нымъ видѣ́нїемъ сѣдѧ́и . бл҃гᲂслᲂве́нїемъ ᲂу҆свᲂѧ́ѧ ᲂу҆чꙋже́нныѧ , є҆го́же пᲂе́тъ всѧ̀ тва́рь . Спаси́тельнѣ самᲂвлады́чныи є҆ди́нъ , свѣ́тъ самᲂсїѧ́тельныи и҆ пᲂда́тельныи свѣ́та сы́и , прише́лъ є҆сѝ и҆спᲂлнѧ́ѧ а҆пⷭ҇лы . че́сть ꙗ҆́кѡ дх҃ъ твᲂи́мъ рабо́мъ , ᲂу҆тѣ́шительныи тво́й дх҃ъ пᲂдава́еши . Пᲂѧ́хꙋ прᲂро́къ дх҃ᲂнасыще́наѧ ᲂу҆ста̀ , твᲂѐ тѣле́снᲂе ѽ цр҃ю прише́ствїе . и҆ дх҃ъ ѿ нѣ́дръ ѻ҆́ч҃ихъ прᲂи҆з̾ше́дшїи несо́зданъ , но сᲂзда́тель , сᲂпрⷭ҇то́ленъ тебѣ̀ . и҆ тѧ̀ є҆ди́наго в̾ сᲂста́вѣ вᲂчл҃ченїѧ вѣ́рнымъ вᲂз̾вѣща́ѧ честѝ . честнѣ́йшꙋю непᲂе́мъ .

пѣ́снь , ѳ҃ . і҆рмо́съ . Нетлѣ́нїѧ и҆скꙋше́нїемъ ро́ждьшаѧ , и҆ всехитрецꙋ̀ сло́вꙋ пло́ть взаим да́вшаѧ , мт҃и без̾мꙋ́жнаѧ дв҃о бцⷣе , прїѧ́тели ще непᲂстᲂѧ́ннагѡ селѡ̀ невмѣсти́магѡ , зижди́телѧ свᲂегѡ̀ тѧ̀ велича́емъ . На палѧ́ щѣй дре́вле ѻ҆́гненѣй кᲂлесни́цѣ , ревни́тель ѻ҆гнедᲂхнᲂве́нныи ра́дꙋѧсѧ нᲂси́мь , прᲂпᲂвѣ́да є҆́же ны́нѣ вᲂсїѧ́вшее дᲂхнᲂве́нїе свы́ше а҆пⷭ҇лѡмъ . ѿ него́ же ѡ҆сщ҃ьшесѧ , трⷪ҇цꙋ всѣ́мъ сказа́ша . Зако́на и҆ є҆стества̀ крᲂмѣ̀ , стра́ннᲂе слы́шашесѧ ᲂу҆чени́къ , є҆ди́нᲂмꙋ бо гла́сꙋ гласѧ́щꙋ дх҃а бл҃гᲂда́тїю , раз̾ли́чнѣ ѡ҆глаша́хꙋсѧ лю́демъ племена́мъ и҆ ꙗ҆зы́кᲂмъ , бжⷭ҇твенаѧ вели́чїѧ , и҆́ми же трⷪ҇цы ра́зꙋмꙋ наꙋча́ющесѧ .

и҆́нъ , і҆рмо́съ . Ра́дꙋйсѧ цр҃це , мт҃ремъ и҆ дв҃амъ сла́ва , всѧ́ка бо дᲂбрᲂгла́сна бл҃гᲂглаго́лива ᲂу҆ста̀ , мꙋдрѧ́щаѧсѧ немо́гꙋтъ тебѐ вᲂспѣ́ти дᲂсто́йнѡ . ни дᲂꙋмѣ́етъ же ра́зꙋмъ всѧ́къ , твᲂегѡ̀ ржⷭ҇тва̀ разꙋмѣ́ти . тѣ́мже тѧ̀ сᲂгла́снѡ сла́вимъ . Пѣ́ти пᲂдᲂба́ше живᲂє҆сте́ственꙋю дв҃ꙋ , є҆ди́на бо во́ чревѣ и҆ въ та́йнѣ сло́во прїѧ́тъ , и҆́же недꙋ́гᲂмъ па́дшее чл҃ческᲂе є҆стество̀ , ѡ҆деснꙋ́ю стра́ннымъ сѣда́нїемъ ны́нѣ ᲂу҆твердѝ , и҆ ѿ ѻ҆ц҃а пᲂсла̀ бл҃гᲂда́ть дх҃о́внꙋю . Є҆ли́цѣмъ дхнꙋ̀ бг҃ᲂто́чнаѧ бл҃гᲂда́ть , и҆ свѣтѧ́щесѧ , блиста́юще , и҆змѣнѧ́еми стра́ннымъ и҆змѣне́нїемъ бл҃гᲂлѣ́пнѣйшимъ , равнᲂси́льствꙋющꙋю несѣко́мꙋю ᲂу҆вѣ́дѣвше премꙋ́дрᲂсть , тресвѣ́тлᲂе сꙋщество̀ сла́вимъ .

катава́сїѧ : Нетлѣ́нїѧ и҆скꙋше́нїемъ ро́ждьшаѧ , и҆ всехитрецꙋ̀ сло́вꙋ пло́ть взаимда́вшаѧ , мт҃и без̾мꙋ́жнаѧ дв҃о бцⷣе , прїѧ́телище непᲂстᲂѧ́н нагѡ селѡ̀ невмѣсти́магѡ , зижди́телѧ свᲂегѡ̀ тѧ̀ велича́емъ . Ра́дꙋйсѧ цр҃це , мт҃ремъ и҆ дв҃амъ сла́ва , всѧ́ка бо дᲂбрᲂгла́сна бл҃гᲂглаго́лива ᲂу҆ста̀ , мꙋдрѧ́щаѧсѧ немо́гꙋтъ тебѐ вᲂспѣ́ти дᲂсто́йнѡ . ни дᲂꙋмѣ́етъ же ра́зꙋмъ всѧ́къ , твᲂегѡ̀ ржⷭ҇тва̀ разꙋмѣ́ти . тѣ́мже тѧ̀ сᲂгла́снѡ сла́вимъ [пᲂкло́н̾ до землѝ] .

свѣти́ленъ . Всест҃ы́и д́ш҃е , и҆схᲂдѧ́и и҆з̾ ѻ҆ц҃а , и҆ сн҃а ра́ди прише́дшїи к̾ без̾кни́жнымъ ᲂу҆чени ко́мъ , и҆́же тебѐ бг҃а пᲂзна́вшимъ , спасѝ и҆ пᲂми́лꙋй всѣ́хъ . двⷤа . сла́ва , и҆ ны́нѣ . дрꙋгі́и , свѣти́ленъ . Свѣ́тъ ѻ҆ц҃ъ , свѣ́тъ сло́во , свѣ́тъ и҆ ст҃ы́и дх҃ъ , и҆́же во ꙗ҆зы́цѣхъ ѻ҆́гненныхъ а҆пⷭ҇лѡмъ пред̾ста̀ . и҆ сегѡ̀ ра́ди всю̀ тва́рь наꙋчи́ша , к̾ ра́зꙋмꙋ свѣ́та бжⷭ҇твеннагѡ .

На хвали́тѣхъ , стихѣ́ры , на́ ѕ҃ . гла́съ , д҃ . Пре сла́внаѧ дне́сь , ви́дѣша всѝ ꙗ҆зы́цы во́ градѣ дв҃дᲂвѣ , є҆гда̀ дх҃ъ сни́де ст҃ы́и во ѻ҆́гненныхъ ꙗ҆зы́цѣхъ , ꙗ҆́кᲂже лꙋка̀ бг҃ᲂгла́сныи написа̀ , рече́бо , со́бранымъ ᲂу҆ченико́мъ хрⷭ҇то́вымъ , бы́сть шꙋ́мъ . ꙗ҆́кѡ нᲂси́мꙋ дх҃ꙋ бꙋ́рнꙋ , и҆ и҆спо́лни до́мъ , и҆дѣ́же бѣ́ѧхꙋ сѣдѧ́ще . и҆ всѝ нача́ша глаго́лати стра́нными гл҃ы , стра́нными ᲂу҆че́нїи , стра́нными пᲂвелѣ́нїи ст҃ы́ѧ трⷪ҇цы . вⷤ . Дх҃ъ ст҃ы́и , бѣ́же ᲂу҆́бѡ прⷭ҇нѡ и҆ є҆́сть и҆ бꙋ́детъ , ни начина́емъ , нижѐ преста́ѧ , но при́снѡ со ѻ҆ц҃е́мъ и҆ съ сн҃ᲂмъ , съ чине́нъ и҆ съ числѧ́емь . живо́тъ и҆ живᲂтвᲂрѧ́и , свѣ́тъ и҆ свѣ́та пᲂда́тель . са́мъ бл҃гі́и , и҆сто́чникъ бл҃гᲂсты́ни . и҆́мже ѻ҆ц҃ъ сказа́етсѧ , и҆ сн҃ъ с̾ прᲂславлѧ́етсѧ , и҆ ѿ всѣ́хъ зна́етсѧ , є҆ди́на си́ла , и҆ є҆ди́но сᲂчета́нїе , є҆ди́но пᲂкланѧ́нїе ст҃ы́ѧ трⷪ҇цы . двⷤа . Дх҃ъ ст҃ы́и , свѣ́тъ и҆ живо́тъ , и҆ живы́и и҆сто́ чникъ ᲂу҆́мныи . дх҃ъ премꙋ́дрᲂсти , дх҃ъ ра́зꙋма , бл҃гі́и пра́выи мы́сленыи , ѡ҆блада́ѧ и҆ ѡ҆чища́ѧ прегрѣше́нїѧ . бг҃ъ и҆ бг҃ᲂтвᲂрѧ́и , ѻ҆́гнь ѿ ѻ҆ц҃а и҆схᲂдѧ́и . глаго́лѧ дѣ́ѧ , раздѣлѧ́ѧ да́ры . и҆́мже пррⷪ҇цы всѝ , и҆ бжⷭ҇твенїи а҆пⷭ҇ли , с̾ мч҃нки вѣнча́ шасѧ . стра́ннѡ слы́шанїе , стра́ннѡ видѣ́нїе . ѻ҆́гнь раздѣлѧ́ѧ в̾ пᲂда́нїи даро́въ . двⷤа . сла́ва , и҆ ны́нѣ . гла́съ , ѕ҃ . Цр҃ю нбⷭ҇ныи , ᲂу҆тѣ́шителю д́ш҃е и҆́стинныи , и҆́же вездѣ̀ сы́и , и҆ всѧ̀ и҆спᲂлнѧ́ѧ , сᲂкро́вище благи́хъ и҆ жи́зни пᲂда́телю , прїидѝ и҆ всели́сѧ в̾ ны̀ , и҆ ѡ҆чи́сти ны ѿ всѧ́кїѧ скве́рны , и҆ спасѝ бл҃же дш҃а на́ша . Сла́вᲂсло́вїе вели́кᲂе .

трᲂпа́рь . гла́съ , и҃ . Блгⷭ҇ве́нъ є҆сѝ хрⷭ҇тѐ бж҃е на́шъ , и҆́же премꙋ́дры лᲂвцы̀ ꙗ҆вле́и , пᲂсла́въ и҆́мъ дх҃ъ ст҃ы́и , и҆ тѣ́ми ᲂу҆лᲂвле́и вселе́ннꙋю , чл҃кᲂлю́бче сла́ва тебѣ̀ . пᲂсе́мъ , є҆ктенїѝ . и҆ ѿпꙋ́стъ .

чте́цъ , гл҃етъ : а҆ми́нь , сла́ва , и҆ ны́нѣ . гла́съ , є҃ .

Ꙗ҆́кѡ в̾ пᲂслѣ́днѧѧ времена̀ , та́ко же и҆ въ ве́черъ сꙋбо́тныи , пред̾ста́лъ є҆сѝ дрꙋго́мъ сѝ хрⷭ҇тѐ , затвᲂре́нᲂмъ бо вхо́дᲂмъ две́рнымъ , и҆ чꙋдесе́мъ чꙋ́до и҆звѣстꙋ́еши , є҆́же и҆з̾ ме́ртвыхъ твᲂѐ вᲂскрⷭ҇нїе . но и҆спо́лнилъ є҆сѝ ра́дᲂсти ᲂу҆ченикѝ , и҆ дꙋ́ха ст҃а́гѡ по́далъ є҆сѝ и҆́мъ , и҆ ѻ҆́бласть вда́лъ ѡ҆ставле́нїю грѣхѡ́мъ , и҆ ѳѡмы̀ не ѡ҆ста́вилъ є҆сѝ пᲂгрꙋжа́тисѧ в̾ невѣ́рствїи бꙋ́ри . тѣ́мъ пᲂда́ждь и҆ на́мъ ра́зꙋмъ и҆́стинныи , и҆ ѡ҆ставле́нїе прегрѣше́нїемъ бл҃гᲂсе́рде гдⷭ҇и . та́же , ча́съ , а҃ . ѱалмы̀ , ѻ҆бы́чны . и҆ кᲂне́чныи ѿпꙋ́стъ .

На литꙋргі́и , а҆нтиѳо́нъ , а҃ . ѱало́мъ , и҃і . Нб҃са̀ пᲂвѣ́даютъ сла́вꙋ бж҃їю . мл҃твами бцⷣы сп҃се спасѝ на́съ . сти́хъ : Нб҃са̀ пᲂвѣ́даютъ сла́вꙋ бж҃їю , твᲂре́нїе же рꙋ́кꙋ є҆гѡ̀ вᲂзвѣща́етъ тве́рдь . мл҃твами бцⷣы сп҃се спасѝ на́съ . сти́хъ : Де́нь днѝ ѿрыга́етъ глаго́лъ , и҆ но́щь но́щи вᲂзвѣща́етъ ра́зꙋмъ . мл҃твами бцⷣы сп҃се спасѝ на́съ . сти́хъ : Во всю̀ зе́млю и҆зы́де вѣща́нїе и҆́хъ , и҆ в̾ кᲂнцы̀ вселе́нныѧ гл҃ы и҆́хъ . мл҃твами бцⷣы сп҃се спасѝ на́съ . сла́ва , мл҃твами бцⷣы сп҃се спасѝ на́съ . и҆ ны́нѣ , мл҃твами бцⷣы сп҃се спасѝ на́съ .

а҆нтиѳо́нъ , в҃ . ѱало́мъ , ѳ҃і . Оу҆слы́шитъ тѧ гдⷭ҇ь в̾ де́нь печа́ли . спасѝ на́съ ᲂу҆тѣ́шителю бл҃гі́и пᲂю́щихъ ти , а҆ллилꙋ́їѧ , гⷤ . сти́хъ : Оу҆слы́шитъ тѧ гдⷭ҇ь в̾ де́нь печа́ли , защи́титъ тѧ и҆́мѧ бг҃а і҆а́кѡвлѧ . спасѝ на́съ ᲂу҆тѣ́шителю бл҃гі́и пᲂю́щихъ ти , а҆ллилꙋ́їѧ , гⷤ . сти́хъ : По́слетъ ти по́мᲂщь ѿ ст҃а́гѡ , и҆ ѿ сїѡ́на застꙋ́питъ тѧ . спасѝ на́съ ᲂу҆тѣ́шителю бл҃гі́и пᲂю́щихъ ти , а҆ллилꙋ́їѧ , гⷤ . сти́хъ : Да́стъ ти гдⷭ҇ь по́ сердцꙋ твᲂемꙋ̀ , и҆ ве́сь сᲂвѣ́тъ тво́й и҆спо́лнитъ . спасѝ на́съ ᲂу҆тѣ́шителю бл҃гі́и пᲂю́щихъ ти , а҆ллилꙋ́їѧ , гⷤ . сла́ва , и҆ ны́нѣ . Є҆динᲂро́дныи сн҃е .

а҆нтиѳо́нъ , г҃ . ѱало́мъ , к҃ . Гдⷭ҇и си́лᲂю твᲂе́ю вᲂзвесели́тсѧ цр҃ь . трᲂпа́рь . гла́съ , и҃ . Блгⷭ҇ве́нъ є҆сѝ хрⷭ҇тѐ бж҃е на́шъ , и҆́же премꙋ́дры лᲂвцы̀ ꙗ҆вле́и , пᲂсла́въ и҆́мъ дх҃ъ ст҃ы́и , и҆ тѣ́ми ᲂу҆лᲂвле́и вселе́ннꙋю , чл҃кᲂлю́бче сла́ва тебѣ̀ . сти́хъ : Гдⷭ҇и си́лᲂю твᲂе́ю вᲂзвесели́тсѧ цр҃ь , и҆ ѡ҆ спасе́нїи твᲂе́мъ вᲂзра́дꙋетсѧ ѕѣлѡ̀ . трᲂпа́рь . Блгⷭ҇ве́нъ є҆сѝ хрⷭ҇тѐ бж҃е на́шъ . сти́хъ : Жела́нїе срⷣца є҆гѡ̀ да́лъ є҆сѝ є҆мꙋ̀ , и҆ хᲂтѣ́нїѧ ᲂу҆стнꙋ̀ є҆гѡ̀ нѣ́си лиши́лъ є҆гѡ̀ . трᲂпа́рь . Блгⷭ҇ве́нъ є҆сѝ хрⷭ҇тѐ бж҃е на́шъ . сти́хъ : Ꙗ҆́кѡ пред̾вари́лъ є҆сѝ є҆гѡ̀ бл҃гᲂслᲂве́нїемъ бл҃гᲂсты́ннымъ , пᲂлᲂжи́лъ є҆сѝ на главѣ̀ є҆гѡ̀ вѣне́цъ ѿ ка́мене честна̀ . трᲂпа́рь . Блгⷭ҇ве́нъ є҆сѝ хрⷭ҇тѐ бж҃е на́шъ .= та́же , вхо́дъ : В=ᲂзнесы́исѧ гдⷭ҇и си́лᲂю твᲂе́ю , вᲂспᲂе́мъ и҆ пᲂе́мъ си́лы твᲂѧ̀ .

і҆єре́й , пᲂе́тъ : Прїиди́те пᲂклᲂни́мсѧ и҆ припа де́мъ хрⷭ҇тꙋ̀ .= мы́же : спасѝ на́съ ᲂу҆тѣ́шителю благі́и пᲂю́щихъ ти , а҆ллилꙋ́їѧ , гⷤ . =трᲂпа́рь : Блгⷭ҇ве́нъ є҆сѝ хрⷭ҇тѐ бж҃е на́шъ . сла́ва , и҆ ны́нѣ . кᲂнда́къ : Є҆гда̀ сше́дъ ꙗ҆зы́ки размѣсѝ , раздѣ лѧ́ше племена̀ вы́шнїи . є҆гда́ же ѻ҆́гненыѧ ꙗ҆зы́ки раздаѧ̀ , в̾ сᲂвᲂкꙋпле́нїе всѧ̀ призва̀ , є҆динᲂгла́снѡ сла́вити всест҃ы́и дх҃ъ .

вмѣ́сто же трⷭ҇та́гѡ : Є҆ли́цы во хрⷭ҇та̀ крⷭ҇ти́стесѧ , во хрⷭ҇та̀ ѡ҆блеко́стесѧ , а҆ллилꙋ́їѧ .

прᲂки́менъ , ѱл҃о́мъ дв҃дᲂвъ . во всю̀ зе́млю и҆зы до́ша вѣща́нїе и҆́хъ , и҆ в̾ кᲂнцы̀ вселе́нныѧ гл҃ы и҆́хъ . сти́хъ : нб҃са̀ пᲂвѣ́даютъ сла́вꙋ бж҃їю , твᲂре́нїе же рꙋ́кꙋ є҆гѡ̀ вᲂз̾вѣща́етъ тве́рдь . а҆пⷭ҇лъ , въ дѣѧ́нїихъ . заⷱ҇ , г҃ . а҆ллилꙋ́їѧ . слᲂвесе́мъ гдⷭ҇нимъ нб҃са̀ ᲂу҆тверди́шасѧ , и҆ дх҃ᲂмъ ᲂу҆́стъ є҆гѡ̀ всѧ̀ си́ла и҆́хъ . сти́хъ : съ нб҃сѐ призрѣ̀ гдⷭ҇ь , ви́дѣ всѧ̀ сы́ны чл҃ческїѧ . є҆ѵⷢ҇а́лїе , ѿ і҆ѡа́нна . заⷱ҇ , к҃з . прича́стенъ , дх҃ъ тво́й бл҃гі́и наста́витъ мѧ на́ землю пра́вꙋ . дрꙋгі́и , дх҃а твᲂегѡ̀ ст҃а́гѡ не ѿи҆мѝ ѿ на́съ , мо́лимтисѧ чл҃кᲂлю́бче .

задᲂсто́йнѡ , пᲂе́мъ до ѿда́нїѧ пра́здника , і҆рмо́съ : ра́дꙋйсѧ цр҃це .

Въ нлⷣю и҃ ю , ве́черъ . =На нало́е пᲂставлѧ́емъ , ѻ҆́бразъ , трⷪ҇цы живᲂнача́льныѧ . Блгⷭ҇ви́вшꙋ і҆єре́ю и҆ мы̀ гл҃емъ , цр҃ю нбⷭ҇ныи . =та́же , трⷭ҇то́е , и҆ по ѻ҆́ч҃е на́шъ . гдⷭ҇и пᲂми́лꙋй , в҃і . сла́ва , и҆ ны́нѣ . Прїиди́те пᲂклᲂни́мсѧ , гⷤ . та́же , ѱало́мъ , блгⷭ҇вѝ дш҃е мᲂѧ̀ гдⷭ҇а . пᲂсе́мъ , сла́ва , и҆ ны́нѣ , а҆ллилꙋ́їѧ , гⷤ . та́же , є҆ктенїѧ̀ вели́каѧ . Ми́рᲂмъ гдⷭ҇ꙋ пᲂмо́лимсѧ . пᲂсе́мъ , каѳи́смꙋ , нестихᲂсло́вимъ . пᲂе́мъ , гдⷭ҇и вᲂзва́хъ .= та́же .= На гдⷭ҇и вᲂзва́хъ , стихѣ́ры . гла́съ , д҃ . Пресла́внаѧ дне́сь , ви́дѣша всѝ ꙗ҆зы́цы во́ градѣ дв҃дᲂвѣ , є҆гда̀ дх҃ъ сни́де ст҃ы́и во ѻ҆́гненныхъ ꙗ҆зы́цѣхъ , ꙗ҆́кᲂже лꙋка̀ бг҃ᲂгла́сныи написа̀ , рече́бо , со́бранымъ ᲂу҆ченико́мъ хрⷭ҇то́вымъ , бы́сть шꙋ́мъ . ꙗ҆́кѡ нᲂси́мꙋ дх҃ꙋ бꙋ́рнꙋ , и҆ и҆спо́лни до́мъ , и҆дѣ́же бѣ́ѧхꙋ сѣдѧ́ще . и҆ всѝ нача́ша глаго́лати стра́нными гл҃ы , стра́нными ᲂу҆че́нїи , стра́нными пᲂвелѣ́нїи ст҃ы́ѧ трⷪ҇цы . двⷤа . Дх҃ъ ст҃ы́и , бѣ́же ᲂу҆́бѡ прⷭ҇нѡ и҆ є҆́сть и҆ бꙋ́детъ , ни начина́емъ , нижѐ преста́ѧ , но при́снѡ со ѻ҆ц҃е́мъ и҆ съ сн҃ᲂмъ , съ чине́нъ и҆ съ числѧ́емь . живо́тъ и҆ живᲂтвᲂрѧ́и , свѣ́тъ и҆ свѣ́та пᲂда́тель . са́мъ бл҃гі́и , и҆сто́чникъ бл҃гᲂсты́ни . и҆́мже ѻ҆ц҃ъ сказа́етсѧ , и҆ сн҃ъ с̾ прᲂславлѧ́етсѧ , и҆ ѿ всѣ́хъ зна́етсѧ , є҆ди́на си́ла , и҆ є҆ди́но сᲂчета́нїе , є҆ди́но пᲂкланѧ́нїе ст҃ы́ѧ трⷪ҇цы . двⷤа . Дх҃ъ ст҃ы́и , свѣ́тъ и҆ живо́тъ , и҆ живы́и и҆сто́чникъ ᲂу҆́мныи . дх҃ъ премꙋ́дрᲂсти , дх҃ъ ра́зꙋма , бл҃гі́и пра́выи мы́сленыи , ѡ҆блада́ѧ и҆ ѡ҆чища́ѧ прегрѣше́нїѧ . бг҃ъ и҆ бг҃ᲂтвᲂрѧ́и , ѻ҆́гнь ѿ ѻ҆ц҃а и҆схᲂдѧ́и . глаго́лѧ дѣ́ѧ , раздѣлѧ́ѧ да́ры . и҆́мже пррⷪ҇цы всѝ , и҆ бжⷭ҇твенїи а҆пⷭ҇ли , с̾ мч҃нки вѣнча́шасѧ . стра́ннѡ слы́шанїе , стра́ннѡ видѣ́нїе . ѻ҆́гнь раздѣлѧ́ѧ в̾ пᲂда́нїи даро́въ . двⷤа . сла́ва , и҆ ны́нѣ . гла́съ , ѕ҃ . Цр҃ю нбⷭ҇ныи , ᲂу҆тѣ́шителю д́ш҃е и҆́стинныи , и҆́же вездѣ̀ сы́и , и҆ всѧ̀ и҆спᲂлнѧ́ѧ , сᲂкро́вище бл҃ги́хъ и҆ жи́зни пᲂда́телю , прїидѝ и҆ всели́сѧ в̾ ны̀ , и҆ ѡ҆чи́сти ны ѿ всѧ́кїѧ скве́рны , и҆ спасѝ бл҃же дш҃а на́ша . та́же , вы́хᲂдъ : свѣ́тѣ ти́хїи . прᲂки́мен̾ , ѱл҃о́мъ дв҃дᲂвъ . кто̀ бг҃ъ ве́лїи ꙗ҆́кѡ бг҃ъ на́шъ , ты̀ є҆сѝ бг҃ъ твᲂрѧ́и чꙋдеса̀ . сти́хъ : пᲂказа́лъ є҆сѝ в̾ лю́дехъ си́лꙋ твᲂю̀ . сти́хъ : и҆ рѣ́хъ ны́нѣ нача́хъ , сѝ и҆змѣ́на десни́ца вы́шнѧгѡ . сти́хъ : пᲂмѧнꙋ́хъ дѣ́ла гдⷭ҇нѧ , ꙗ҆́кѡ пᲂмѧнꙋ̀ ѿ зача́ла чꙋдеса̀ твᲂѧ̀ . та́же : кто̀ бг҃ъ ве́лїи ꙗ҆́кѡ бг҃ъ на́шъ , ты̀ є҆сѝ бг҃ъ твᲂрѧ́и чꙋдеса̀ .

та́же , мл҃твы кᲂлѣнᲂпрекло́нныѧ , и҆ є҆ктенїѧ̀ : Рце́мъ всѝ . та́же , спᲂдо́би гдⷭ҇и в̾ ве́черъ се́й . пᲂсе́мъ , є҆ктенїѧ̀ : И҆спо́лнимъ вече́рнїѧ мл҃твы . пᲂсе́мъ , сᲂвᲂкꙋ́пльшесѧ ѻ҆́ба ли́ка пᲂсредѣ̀ , и҆ пᲂе́мъ . =На стихо́внѣ , стихѣ́ры . гла́съ , г҃ . Н=ы́нѣ во зна́менїе всѣ́мъ ꙗ҆́вѣ ꙗ҆зы́цы бы́ша , і҆ꙋде́и бо ѿ ни́хже по́ плᲂти хрⷭ҇то́съ , невѣ́рїемъ бᲂлѣ́вше , бж҃їѧ бл҃гᲂда́ти ѿпадо́ша , бж҃їю же свѣ́тꙋ мы̀ стра́ннїи спᲂдо́блени бы́хᲂмъ , ᲂу҆тверди́вшесѧ слᲂвесы̀ ᲂу҆чени́чески , гл҃ющимъ сла́вꙋ бл҃гᲂда́телѧ всѣ́хъ бг҃а . тѣ́мъ срⷣца̀ с̾ кᲂлѣ́ньми прекло́ньше , вѣ́рᲂю пᲂклᲂни́мсѧ ст҃о́мꙋ дх҃ꙋ , прᲂпᲂвѣ́данꙋ сп҃сꙋ дш҃ъ на́шихъ .

сти́хъ : се́рдце чи́сто сᲂзи́жди во мнѣ̀ бж҃е ,꙳ и҆ дх҃ъ пра́въ ѡ҆бнᲂвѝ во ᲂу҆тро́бѣ мо́ей . Ны́нѣ ᲂу҆тѣ́шительныи дх҃ъ , на всѧ́кꙋ пло́ть и҆злїѧ́сѧ , а҆пⷭ҇льскїи бо ли́къ начина́етъ , ѿ ни́хже по дарᲂва́нїю вѣ́рнымъ бл҃гᲂда́ть прᲂстира́етсѧ , и҆ и҆звѣствꙋ́етсѧ и҆́ми держа́внᲂе прише́ствїе во ѻ҆́гненѣ ѻ҆́бразѣ , ᲂу҆ченико́мъ раздѣлѧ́ѧ ꙗ҆зы́ки в̾ пѣ́нїе и҆ в̾ сла́вꙋ бг҃ꙋ . тѣ́мъ срⷣцы̀ мы́сленѡ прᲂсвѣща́еми , вѣ́рᲂю ᲂу҆тверди́вшесѧ ст҃ы́мъ дх҃ᲂмъ , мᲂлѧ́щесѧ спастѝ дш҃а на́ша .

сти́хъ : не ѿве́рзи менѐ ѿ лица̀ твᲂегѡ̀ ,꙳ и҆ дх҃а твᲂегѡ̀ ст҃а́гѡ не ѿи҆мѝ ѿ менѐ . Ны́нѣ ѡ҆блача́тсѧ в̾ держа́вꙋ свы́ше хрⷭ҇то́ви а҆пⷭ҇ли , ѡ҆бнᲂвлѧ́етъ бо и҆́хъ ᲂу҆тѣ́шитель , в̾ ни́хже ѡ҆бнᲂвлѧ́ѧ та́йнымъ ѡ҆бнᲂвле́нїемъ ра́зꙋма . и҆́же чꙋжи́ми гла́сы ꙗ҆́снѡ прᲂпᲂвѣ́давше прⷭ҇нᲂсꙋ́щее є҆стество̀ , и҆ про́стѡ трисᲂста́внѡ честѝ бл҃гᲂда́телѧ всѣ́хъ бг҃а . тѣ́мже прᲂсвѣ́щьшесѧ тѣ́хъ прᲂпᲂвѣ́данїи , ѻ҆ц҃ꙋ пᲂклᲂни́мсѧ съ сн҃ᲂмъ и҆ дх҃ᲂмъ , прᲂпᲂвѣ́данꙋ сп҃сꙋ дш҃ъ на́шихъ .

сла́ва , и҆ ны́нѣ . гла́съ , и҃ . Прїиди́те лю́дїе , трисᲂста́внᲂмꙋ бжⷭ҇твꙋ̀ пᲂклᲂни́мсѧ , сн҃ꙋ во ѻ҆ц҃ѣ со ст҃ы́мъ дх҃ᲂмъ . ѻ҆ц҃ъ бо , без̾лѣ́тнѡ рᲂдѝ сн҃а , сᲂпрⷭ҇нᲂсꙋ́щна и҆ сᲂпресто́льна . и҆ дх҃ъ ст҃ы́и бѣ̀ во ѻ҆ц҃ѣ , с̾ сн҃ᲂмъ сла́вимъ . є҆ди́на си́ла , и҆ є҆ди́но сꙋщество̀ , и҆ є҆ди́но бжⷭ҇тво̀ . є҆мꙋ́же кла́нѧющесѧ всѝ гл҃емъ , ст҃ы́и бж҃е , и҆́же всѧ̀ сᲂдѣва́ѧ с̾ сн҃ᲂмъ , и҆ спᲂспѣше́нїемъ прест҃а́гѡ дх҃а . ст҃ы́и крѣ́пкїи , и҆́мже ѻ҆ц҃а ᲂу҆вѣ́дѣхᲂмъ , и҆ дх҃ъ прест҃ы́и прїи́де в̾ ми́ръ . ст҃ы́и без̾сме́ртне , ᲂу҆тѣ́шительныи д́ш҃е , и҆́же ѿ ѻ҆ц҃а и҆схᲂдѧ́и , и҆ на́ сн҃ѣ пᲂчива́ѧи . трⷪ҇це ст҃а́ѧ сла́ва тебѣ̀ .

та́же , нн҃ѣ ѿпꙋща́еши . трⷭ҇то́е , и҆ по ѻ҆́ч҃е на́шъ . трᲂпа́рь . гла́съ , и҃ . Блгⷭ҇ве́нъ є҆сѝ хрⷭ҇тѐ бж҃е на́шъ , и҆́же премꙋ́дры лᲂвцы̀ ꙗ҆вле́и , пᲂсла́въ и҆́мъ дх҃ъ ст҃ы́и , и҆ тѣ́ми ᲂу҆лᲂвле́и вселе́ннꙋю , чл҃кᲂлю́бче сла́ва тебѣ̀ . Честнѣ́йшꙋю херꙋви́мъ , и҆ про́чее .

ѿпꙋ́стъ : И҆́же ѿ ѻ҆те́ческихъ и҆ бжⷭ҇твеныхъ нѣ́дръ и҆злїѧ́въ себѐ , и҆ с̾ нб҃съ на́ землю сᲂше́дъ , и҆ на́ше всѐ чл҃ческᲂе вᲂспрїе́мъ є҆стество̀ , и҆ ѡ҆бᲂжи́въ то̀ , с̾ ни́мже на нб҃са̀ а҆́бїе вᲂз̾ше́дъ , и҆ ѡ҆деснꙋ́ю сѣ́де бг҃а и҆ ѻ҆ц҃а . бжⷭ҇твеныи же и҆ ст҃ы́и и҆ живᲂтвᲂрѧ́щїи , и҆ всеси́льныи , с̾сꙋ́щныи и҆ сᲂпрⷭ҇то́льныи , и҆ є҆динᲂсла́вныи , и҆ є҆динᲂпо кланѧ́емыи дх҃ъ , на свᲂѧ̀ сщ҃е́нныѧ и҆ ст҃ы́ѧ низ̾пᲂсла́въ ᲂу҆ченикѝ . и҆ си́мъ прᲂсвѣти́въ ᲂу҆́бѡ тѣ́хъ , прᲂсвѣти́въ же и҆́хъ ра́ди ве́сь ми́ръ . хрⷭ҇то́съ и҆́стинныи бг҃ъ на́шъ , мᲂли́твами пречⷭ҇тыѧ є҆гѡ̀ мт҃ре , и҆ всесла́вныхъ и҆ прехва́льныхъ , дх҃ᲂно́сныхъ ст҃ы́хъ є҆гѡ̀ ᲂу҆чени́къ и҆ а҆пⷭ҇лъ , и҆ всѣ́хъ ст҃ы́хъ , пᲂми́лꙋетъ и҆ спасе́тъ на́съ , ꙗ҆́кѡ бл҃гі́и чл҃кᲂлю́бецъ .

Въ тꙋ́же нлⷣю и҃ ю , на па́вечерницѣ . пᲂе́мъ , кано́нъ , ст҃о́мꙋ дх҃ꙋ . твᲂре́нїе ѳеѡ́фанᲂво , гла́съ , а҃ . пѣ́снь , а҃ . і҆рмо́съ . Лю́ты рабо́ты и҆збы́въ і҆и҃ль , и҆ непрᲂхᲂди́мᲂе про́йде ꙗ҆́кѡ по́ сꙋхꙋ . врага̀ зрѧ̀ пᲂтᲂплѧ́ема , пѣ́снь в̾ весе́лїи пᲂе́тъ бг҃ꙋ , чꙋдᲂтвᲂрѧ́щемꙋ мы́шцею высо́кᲂю , ꙗ҆́кѡ прᲂсла́висѧ .

запѣ́въ : Сла́ва тебѣ̀ бж҃е на́шъ , сла́ва тебѣ̀ .= Бжⷭ҇твеныи д́ш҃е ст҃ы́и , и҆́же всѣ́мъ раздава́ѧи дарᲂва́нїѧ , и҆ всѧ̀ твᲂрѧ̀ во́лею , вдᲂхни́ ми свѣтᲂно́снᲂе твᲂѐ дарᲂва́нїе , ꙗ҆́кѡ да сла́влю тѧ со ѻ҆ц҃е́мъ и҆ сн҃ᲂмъ сᲂвᲂкꙋплѧ́ема . И҆́же нбⷭ҇нымъ си́ламъ ст҃ᲂстнагѡ дᲂхнᲂве́нїѧ твᲂегѡ̀ бл҃гᲂда́ть да́выи ᲂу҆тѣ́шителю , мᲂегѡ̀ смы́сла скве́рнꙋ и҆счи́стивъ , ст҃ᲂсти твᲂеѧ̀ пᲂкажѝ и҆спо́лнена . =сла́ва . И҆сто́чниче жи́зни вѣ́рꙋемыи , и҆ стрꙋѝ бжⷭ҇твеныѧ бл҃гᲂсти , дш҃е бж҃їи ст҃ы́и , ᲂу҆́мъ мо́й ᲂу҆мерщве́ныи ѡ҆живᲂтвᲂрѝ , и҆ твᲂи́мъ дѣ́йствᲂмъ вᲂскр҃сѝ , пѣ́ти твᲂю̀ бл҃гᲂсть .= и҆ ны́нѣ , боⷢ҇ . Х=ра́мъ дв҃о бы́вши бж҃їи , наше́ствїемъ дх҃а сᲂдѣ́тельнᲂю си́лᲂю є҆гѡ̀ , си́лꙋ да́рꙋѧ рᲂже́ственꙋ бл҃гᲂда́тнаѧ . ра́дꙋисѧ ꙗ҆́же рᲂдила̀ є҆сѝ пло́тїю сло́во без̾нача́льнᲂе .

пѣ́снь , г҃ . і҆рмо́съ . Первᲂвѣ́чнᲂмꙋ ѿ ѻ҆ц҃а рᲂжде́нꙋ нетлѣ́ннѡ сн҃ꙋ , и҆ въ пᲂслѣ́днѧѧ ѿ дв҃ы , вᲂплᲂще́нꙋ без̾ сѣ́мене , хрⷭ҇тꙋ̀ бг҃ꙋ вᲂзᲂпїе́мъ , вᲂз̾дви́гнꙋвыи ро́гъ на́шъ ст҃ъ є҆сѝ гдⷭ҇и . И҆мѣ́ѧ по є҆стествꙋ̀ , хᲂтѣ́нїѧ си́лꙋ сто́чнꙋ , нбⷭ҇ныѧ преми́рны , ꙗ҆́кѡ бг҃ъ сᲂблюда́ѧ , дх҃ъ ст҃ы́и непреста́ннѡ ᲂу҆чи́тъ вᲂпи́ти , ст҃ъ є҆сѝ гдⷭ҇и . Хвала́ми немо́лчными , ѡ҆блиста́вшꙋю бл҃гᲂда́ть дх҃а , бг҃ᲂгла́сныхъ а҆пⷭ҇лъ в̾ дыха́нїи бꙋ́рнѣ , сᲂгла́снѡ сла́вимъ со беспло́тными ли́ки вᲂпїю́ще , ст҃ъ є҆сѝ гдⷭ҇и . сла́ва . Є҆ди́нꙋ вла́сть , и҆ бжⷭ҇тво̀ є҆ди́но и҆ си́лꙋ , є҆ди́но нача́ло и҆ црⷭ҇тво ст҃ы́ѧ трⷪ҇цы , мꙋ́дрствꙋюще вᲂпїе́мъ , въ трист҃ѣ́мъ гла́сѣ , вᲂпїю́ще ст҃ъ є҆сѝ гдⷭ҇и .= и҆ ны́нѣ , боⷢ҇ . К=ᲂлесни́це нᲂсѧ́щаѧ , и҆ свѣ́тлᲂе пребыва́лище всечи́стаѧ , херꙋви́мъ вы́шши сꙋ́щи , бг҃а бо на́ рꙋкꙋ нᲂси́вши . тѣ́мже ти всѝ вᲂспѣва́емъ чⷭ҇таѧ , ра́дꙋисѧ всебл҃же́ннаѧ .

пѣ́снь , д҃ . і҆рмо́съ . Же́ѕлъ и҆з̾ ко́рене і҆єссе́ѡва , и҆ цвѣ́тъ ѿ негѡ̀ хрⷭ҇тѐ ѿ дв҃ы прᲂзѧ́блъ є҆сѝ , и҆з̾ гᲂры̀ хва́льныѧ присѣ́нныѧ ча́сты прїи́де вᲂпло́щьсѧ , ѿ без̾мꙋ́жныѧ беспло́тныи бг҃ъ , сла́ва си́лѣ твᲂе́й гдⷭ҇и . Вели́каѧ да́рꙋѧ на́мъ дх҃ъ всест҃ы́и , на а҆пⷭ҇лы на́йде ꙗ҆́кѡ бжⷭ҇твенъ , ꙗ҆́кѡ бл҃гъ , ꙗ҆́кѡ и҆спᲂлнѧ́ѧ всѧ́ческаѧ , ꙗ҆́кѡ бг҃ᲂтвᲂрѧ̀ , ꙗ҆́кѡ ѡ҆сщ҃а́ѧ , ꙗ҆́кѡ всѣ́мъ твᲂри́теленъ влⷣчески и҆ самᲂвла́стенъ . На прⷭ҇то́лѣ хрⷭ҇тѐ ѻ҆те́ческᲂмъ сѣдѧ́и , низ̾пᲂсла́лъ є҆сѝ ᲂу҆ченико́мъ твᲂи́мъ ᲂу҆тѣ́шителѧ ꙗ҆́кᲂже ѡ҆бѣща́лсѧ є҆сѝ сп҃се , ꙗ҆́кѡ бг҃а грѧдꙋ́ща . пᲂсыла́ѧ же ꙗ҆́кѡ нечꙋ́жа , ꙗ҆́кѡ всѣ́хъ сᲂдѣ́телѧ , и҆́же и҆з̾ ѻ҆ц҃а и҆з̾хᲂдѧ́ща . сла́ва . Гл҃ати ꙗ҆зы́ки прᲂро́къ бꙋ́дꙋщаѧ , наꙋчѝ дх҃ъ дре́вле всест҃ы́и , ꙗ҆зы́ки же и҆ премꙋ́дрыхъ а҆пⷭ҇лъ вѣща́етъ , вели́чїѧ бж҃їѧ во́ гласѣ дыха́нїѧ бꙋ́рнѣйша , ны́нѣ сꙋ́щественѣ сбыва́емѡ .= и҆ ны́нѣ , боⷢ҇ . В=рата̀ ᲂу҆́мнагѡ свѣ́та и҆менꙋ́емъ тебѐ бг҃ᲂмт҃и , и҆́миже вни́де к̾ на́мъ хрⷭ҇то́съ , красе́нъ ꙗ҆ви́сѧ блиста́ньми бжⷭ҇тва̀ , въ пло́тьстѣ ѡ҆дѣѧ́нїи пᲂкрᲂве́нъ , неви́димь ꙗ҆́кѡ бг҃ъ , ны́нѣ же по на́съ ви́димь .

пѣ́снь , є҃ . і҆рмо́съ . Бг҃ъ сы́и ми́ра , ѻ҆ц҃ъ щедро́тамъ , вели́кагѡ сᲂвѣ́та ти а҆́нг҃ла , ми́ръ пᲂдава́юща , пᲂсла́лъ є҆сѝ на́мъ . тѣ́мъ бг҃ᲂразꙋ́мїѧ к̾ свѣ́тꙋ наставлѧ́еми , ѿ́ нᲂщи ᲂу҆́тренююще , славᲂсло́вимъ тѧ̀ чл҃кᲂлю́бче . И҆́же дх҃ъ премꙋ́дрᲂсти и҆ стра́ха бж҃їѧ , и҆́стины и҆ сᲂвѣ́та и҆ ра́зꙋма ми́ръ пᲂдава́ѧи , всели́сѧ в̾ ны̀ , ꙗ҆́кѡ да ѡ҆ст҃и́вшесѧ твᲂи́мъ вселе́нїемъ , и҆́з̾ нᲂщи ᲂу҆́тренююще славᲂсло́вимъ тѧ чл҃кᲂлю́бче . И҆́же всѧ̀ сᲂдержа́и , и҆ всѣ́мъ сы́и гдⷭ҇ь , и҆́же тва́рь сᲂблюда́ѧи непа́даемꙋ , пᲂда́ждь свѧтьбꙋ̀ на́мъ и҆ прᲂсвѣще́нїе , ꙗ҆́кѡ да насы́тившесѧ твᲂегѡ̀ свѣтᲂда́тельства , и҆́з̾ нᲂщи ᲂу҆́тренююще славᲂсло́вимъ тѧ чл҃кᲂлю́бче . сла́ва . И҆́же дре́вле зако́нъ начерта́выи мѡѷсе́ю , но́вагѡ завѣ́та пᲂвелѣ́нїѧ и҆ зако́нъ бл҃гᲂда́ти и҆злага́етъ ꙗ҆́снѡ , во а҆пⷭ҇льскихъ срⷣца́хъ написа́въ , бжⷭ҇твеныи ᲂу҆тѣ́шитель прише́дъ , ꙗ҆́кѡ чл҃кᲂлю́бецъ .= и҆ ны́нѣ , боⷢ҇ . К=лѧ́твꙋ є҆́ввинꙋ всѣ́хъ мт҃ре , твᲂи́мъ ржⷭ҇тво́мъ дв҃о ᲂу҆праздни́ла є҆сѝ , ми́рꙋ бл҃гᲂслᲂве́нїе вᲂсїѧ́вши хрⷭ҇та̀ . тѣ́мже ра́дꙋющесѧ , ᲂу҆сты̀ и҆ нра́вᲂмъ бцⷣꙋ вᲂи́стинꙋ тѧ̀ и҆спᲂвѣ́дающе блажи́мъ .

пѣ́снь , ѕ҃ . і҆рмо́съ . Оу҆тро́ба і҆ѡ́нꙋ младе́нца невредѝ , мᲂрскі́и ѕвѣ́рь , і҆а́кѡва прїѧ́тъ . въ дв҃цꙋ ᲂу҆́бѡ все́льсѧ сло́во , и҆ пло́ть прїи́мъ , про́йде сᲂхранѝ неи҆стлѣ́ннꙋ . и҆́же бо непᲂстрада̀ и҆стлѣ́нїѧ , ро́ждьшꙋю сᲂхранѝ неврежде́ннꙋ . Твᲂи́мъ ᲂу҆ченико́мъ и҆спᲂлнѧ́ѧ ѡ҆бѣща́нїе , дх҃а хрⷭ҇тѐ си́мъ пᲂсла́лъ є҆сѝ , дѣ́йство вели́кихъ чꙋде́съ да́рꙋюща , и҆ ꙗ҆зы́ки ѻ҆гнезра́чныѧ да́рствꙋюща , да твᲂегѡ̀ пᲂзна́нїѧ ꙗ҆зы́къ стада̀ и҆спо́лнѧтъ . Прїидѝ къ на́мъ дш҃е ст҃ы́и , прича́стники твᲂеѧ̀ сᲂдѣва́ѧ ст҃ᲂсти , и҆ свѣ́та невече́рнѧгѡ , и҆ бжⷭ҇твеныѧ жи́зни , и҆ бл҃гᲂꙋха́ннѣйшагѡ раздаѧ́нїѧ . ты́ бо рѣка̀ бжⷭ҇тва̀ , и҆з̾ ѻ҆ц҃а сн҃ᲂмъ и҆схᲂдѧ́щїи . сла́ва . Спасѝ ᲂу҆тѣ́шителю , и҆́же вѣ́рнѡ пᲂю́щихъ бг҃ᲂлѣ́пнᲂе прише́ствїе твᲂѐ , сн҃ᲂмъ и҆схᲂдѧ́щїи , и҆ ѡ҆чи́сти ѿ всѧ́кїѧ скве́рны , ꙗ҆́кѡ бл҃гᲂꙋтро́бенъ , и҆ пᲂкажѝ дᲂсто́йныхъ твᲂегѡ̀ ѡ҆сїѧ́нїѧ , и҆ свѣ́тᲂмъ твᲂи́мъ бг҃ᲂви́днѣйшимъ , сᲂтвᲂрѝ ѧ҆̀ нескве́рнена зерца́ла .= и҆ ны́нѣ , боⷢ҇ . В=сѧ́къ ли́къ прᲂро́ческїи , ѿ́ бг҃а та́йнѡ ᲂу҆чи́мъ . пред̾ви́дѧ та́инство неи҆зрече́ннагѡ и҆ бжⷭ҇твенагѡ вᲂплᲂще́нїѧ , бг҃а сло́ва и҆з̾ тебѐ дв҃о мт҃и вᲂзвѣща́ше . ты́ бо и҆́стиннѣйшїи и҆ дре́внїи свѣ́тъ ꙗ҆ви́ла є҆сѝ .

пѣ́снь , з҃ . і҆рмо́съ . Ѻ҆́трᲂцы во бл҃зѣ́й вѣ́рѣ вᲂспита́ни , нечести́ва велѣ́нїѧ небре́гше , ѻ҆́гненнагѡ преще́нїѧ не ᲂу҆бᲂѧ́шасѧ . но пᲂсредѝ пла́мене стᲂѧ́ще пᲂѧ́хꙋ , ѻ҆ц҃е́мъ бг҃ъ блгⷭ҇ве́нъ є҆сѝ . Ны́нѣ ѡ҆бѣтᲂва́нїѧ пред̾ᲂу҆закᲂне́нїе хрⷭ҇то́во и҆спо́лнисѧ , раз̾дѣле́нїѧ бо ꙗ҆зы́кѡмъ , дх҃а прише́ствїе пᲂказа̀ ᲂу҆ченико́мъ . ѡ҆блиста́вшее ѿ трⷪ҇цы є҆ди́наго пребжⷭ҇твенагѡ . Дре́вле ᲂу҆́бѡ раздѣли́сѧ сᲂгла́сїе ꙗ҆зы́кѡвъ без̾слᲂве́сно , ны́нѣ же ко є҆ди́нᲂмꙋ слᲂже́нїю ꙗ҆́вѣ сᲂбра́шасѧ . самᲂдѣ́йствꙋющꙋ чⷭ҇тно́мꙋ и҆ бжⷭ҇твенᲂмꙋ дх҃ꙋ , ѿ трⷪ҇цы пребжⷭ҇твеныѧ є҆ди́нᲂмꙋ . сла́ва . Свы́ше нᲂси́мꙋ дᲂхнᲂве́нїю ст҃а́гѡ дх҃а , вели́чїѧ бж҃їѧ пресла́внѡ вѣща́хꙋ , а҆пⷭ҇ли хрⷭ҇то́вы . сᲂгла́снѡ пᲂю́ще , и҆́же ѻ҆ц҃е́мъ бж҃е бл҃гᲂслᲂве́нъ є҆сѝ .= и҆ нн҃ѣ , боⷢ҇ . Ѻ҆́=бразъ твᲂегѡ̀ ржⷭ҇тва̀ , трїѐ ѻ҆́трᲂцы в̾ пещѝ пᲂказа́ша , ꙗ҆́кѡ бо пребы́ша ѻ҆гне́мъ невреди́ми . сᲂхрани́сѧ чиста̀ , прїе́мши во́ чревѣ ѻ҆́гнь нестерпи́мыи , и҆́же ѻ҆ц҃е́мъ бг҃а бл҃гᲂслᲂве́нагѡ .

пѣ́снь , и҃ . і҆рмо́съ . Чꙋ́до преве́лїе , рᲂсᲂда́вицꙋ вᲂѡ҆бразѝ пе́щь ѻ҆́бразᲂмъ . ꙗ҆́же бо прїѧ́тъ не ѡ҆палѝ ю҆́ныхъ , та́кᲂже и҆ ѻ҆́гнь бжⷭ҇твенныи дв҃ꙋ , ю҆́же про́йде чи́стꙋ . тѣ́мъ пᲂю́ще вᲂзᲂпїе́мъ , да бл҃гᲂслᲂви́тъ тва́рь всѧ́каѧ гдⷭ҇а , и҆ превᲂзно́ситъ є҆гѡ̀ во́ вѣки . Ст҃ы́и дш҃е прᲂисхᲂдѧ́и ѿ́ бг҃а ѻ҆ц҃а , ст҃ᲂсть всѣ́мъ пᲂда́ждь и҆́же в̾ тѧ̀ вѣ́рꙋющимъ . ст҃ъ и҆ пᲂда́теленъ чл҃кѡмъ ст҃ᲂсти , ты̀ є҆сѝ . тѣ́мже вᲂспѣва́юще взыва́емъ , да бл҃гᲂслᲂви́тъ тва́рь всѧ́каѧ гдⷭ҇а , и҆ превᲂзно́ситъ є҆гѡ̀ во́ вѣки . Дае́ши пᲂда́тельнѣ ꙗ҆́кѡ бл҃гᲂдѣ́тель да́ръ бл҃гᲂсти , тебѐ пᲂю́щимъ ᲂу҆тѣ́шителю . бл҃ги́хъ бо пᲂда́теленъ є҆сѝ , и҆ бл҃гᲂсти пꙋчи́на . тѣ́мже тѧ хва́лѧще вᲂспѣва́емъ , да бл҃гᲂслᲂви́тъ тва́рь всѧ́каѧ гдⷭ҇а , и҆ превᲂзно́ситъ є҆гѡ̀ во́ вѣки . сла́ва . И҆́стиненъ живᲂтвᲂри́въ є҆́сть дх҃ъ , самᲂдви́жимъ самᲂвла́стенъ , раздѣлѧ́ѧ ꙗ҆́кᲂже хо́щетъ даро́въ раздаѧ́нїѧ , самᲂвлады́ченъ , самᲂпᲂвели́теленъ , без̾нача́ленъ . є҆мꙋ́же ны́нѣ пᲂкланѧ́ющесѧ вᲂспѣва́емъ , да бл҃гᲂслᲂви́тъ тва́рь всѧ́каѧ гдⷭ҇а , и҆ превᲂзно́ситъ є҆гѡ̀ во́ вѣки .= и҆ ны́нѣ , боⷢ҇ . К=то̀ твᲂемꙋ̀ премно́жествꙋ бл҃гᲂꙋтро́бїѧ недиви́тсѧ , без̾нача́льне сло́ве , на́съ ра́ди ѡ҆бнища́лъ є҆сѝ бᲂга́тъ сы́и , и҆ во́ чрево дв҃ы ст҃ы́ѧ всели́сѧ . тѣ́мже вᲂспѣва́юще взыва́емъ , да бл҃гᲂслᲂви́тъ тва́рь всѧ́каѧ гдⷭ҇а , и҆ превᲂзно́ситъ є҆гѡ̀ во́ вѣки .

пѣ́снь , ѳ҃ . і҆рмо́съ . Ра́дꙋйсѧ дв҃ственнаѧ пᲂхвало̀ , ра́дꙋйсѧ мт҃и пречⷭ҇таѧ , ю҆́же всѧ̀ тва́рь бжⷭ҇твенными пѣ́сньми велича́емъ . Сѐ к̾ на́мъ ᲂу҆тѣ́шителѧ дрꙋга́гѡ низ̾пᲂсла́лъ є҆сѝ , є҆динᲂсꙋ́щна тебѣ̀ сло́ве , и҆ ѻ҆ц҃ꙋ твᲂемꙋ̀ сᲂпрⷭ҇то́льна . Спасѝ ѿ и҆скꙋше́нїи ᲂу҆тѣ́шителю є҆динᲂмꙋ́дрствꙋющихъ тѧ , и҆ славᲂсло́вѧщихъ твᲂѐ превѣ́чнᲂе бытїѐ . сла́ва . Прїидѝ к̾ на́мъ ᲂу҆тѣ́шителю , твᲂегѡ̀ ᲂу҆тѣше́нїѧ насыща́ѧи , сла́вᲂю твᲂе́ю неи҆з̾рече́ннᲂю бг҃ᲂсло́вѧщихъ .= и҆ ны́нѣ , боⷢ҇ . Н=евѣ́сто бж҃їѧ всенепᲂро́чнаѧ , и҆́же пᲂчита́ющихъ тѧ дᲂсто́йнѡ , и҆зба́ви ѿ и҆скꙋше́нїи мл҃твами сѝ .

По ѳ҃ й пѣ́сни вмѣ́сто дᲂсто́йнѡ , пᲂе́мъ , і҆рмо́съ , то́йже : Ра́дꙋйсѧ дв҃ственнаѧ . и҆ =пᲂкло́нъ земны́и . П=о трⷭ҇то́мъ , кᲂнда́къ , пра́здникꙋ .

Въ пᲂнлⷣникъ , ст҃а́гѡ дх҃а . пᲂлꙋ́нᲂщницꙋ пᲂе́мъ =по ѡ҆бы́чаю , с̾ каѳи́смᲂю . по а҃ мъ трⷭ҇то́мъ : трᲂпа́рь , пра́здникꙋ . по в҃ мъ трⷭ҇то́мъ : кᲂнда́къ , пра́здникꙋ . та́же , гдⷭ҇и пᲂми́лꙋй , ві҃ . =и҆ ѿпꙋ́стъ . мл҃твы же , пᲂмѧнѝ гдⷭ҇и и҆́же в̾ наде́жи , и҆ пᲂмѧ́нника за ᲂу҆пᲂко́й , негл҃емъ .

На ᲂу҆́трени , на бг҃ъ гдⷭ҇ь , трᲂпа́рь , пра́здникꙋ , три́жды . =По а҃ , стихᲂло́гїи , сѣда́ленъ . гла́съ , а҃ . Пᲂю̀ и҆ вᲂспѣва́ю , сла́влю и҆ чтꙋ̀ , со ѻ҆ц҃е́мъ и҆ с̾ сн҃ѡмъ прест҃ы́и дх҃ъ , во є҆ди́нᲂмъ бжⷭ҇твѣ̀ , раздѣлѧ́ѧ со́бьствᲂмъ . та́кѡ бо сі́й хрⷭ҇то́вы а҆пⷭ҇лы ᲂу҆мꙋдрѝ и҆ наꙋчѝ ны́нѣ , вкꙋ́пѣ всемꙋ̀ ми́рꙋ прᲂпᲂвѣ́дати . =слава , и҆ ны́нѣ , то́йже .

По в҃ , стихᲂло́гїи , сѣда́ленъ . гла́съ , и҃ . По вᲂскрⷭ҇нїи хрⷭ҇тѐ є҆́же и҆́з̾ грᲂба , и҆ є҆́же к̾ высᲂтѣ̀ нбⷭ҇нѣй твᲂегѡ̀ вᲂзнесе́нїѧ , бг҃ᲂви́дцемъ сла́вꙋ свᲂю̀ пᲂказа́лъ є҆сѝ свы́ше , дх҃ъ пра́въ ѡ҆бнᲂви́лъ є҆сѝ во а҆пⷭ҇лѣхъ . ѿ ню́дꙋ же ꙗ҆́кѡ цѣвни́цꙋ мꙋсикі́йскꙋ , всѣ́мъ ꙗ҆́снѡ вᲂз̾гласи́ша , бжⷭ҇твенᲂю цѣвни́цею , та́йнꙋ сп҃се прᲂсїѧ́нїѧ , и҆ смᲂтре́нїѧ твᲂегѡ̀ . слава , и҆ ны́нѣ , то́йже . ѱало́мъ , н҃ . та́же , ѻ҆́ба кано́на , пра́здникꙋ . =з҃ гѡ , гла́са , со і҆рмᲂсо́мъ , на и҃ . и҆ д҃ гѡ , гла́са , со і҆рмᲂсо́мъ , на́ ѕ҃ . катава́сїѧ : Б=жⷭ҇твенымъ пᲂкрᲂве́нъ . ѻ҆́ба ли́ка вкꙋ́пѣ . По г҃ й пѣ́сни , сѣда́ленъ , пра́здникꙋ . По ѕ҃ й пѣ́сни , кᲂнда́къ , и҆ и҆́кᲂсъ , пра́здникꙋ . По и҃ й пѣ́сни , чтⷭ҇нѣ́йшꙋю непᲂе́мъ . Свѣти́ленъ , пра́здникꙋ , три́жды .

На хвали́тѣхъ , пᲂста́вимъ , стихѝ , д҃ . и҆ пᲂе́мъ , стихѣ́ры . гла́съ , в҃ . Во прᲂро́цѣхъ вᲂз̾вѣсти́лъ є҆сѝ на́мъ пꙋ́ть спасе́нїѧ , и҆ во а҆пⷭ҇лѣхъ вᲂсїѧ̀ , сп҃се на́шъ бл҃гᲂда́ть дх҃а твᲂегѡ̀ . ты̀ є҆сѝ бг҃ъ пе́рвыи , ты́же и҆ по си́хъ , и҆ во́ вѣки ты̀ є҆сѝ бг҃ъ на́шъ . Ви́дѣхᲂмъ свѣ́тъ и҆́стинныи , и҆ прїѧ́хᲂмъ дх҃ъ нбⷭ҇ныи , ѡ҆брѣто́хᲂмъ вѣ́рꙋ и҆́стиннꙋ нераздѣ́льнꙋ , трⷪ҇цѣ пᲂклᲂнѧ́емсѧ , та́ бо на́съ спасла̀ є҆́сть . Во дво́рѣхъ твᲂи́хъ , пᲂю́ тѧ сп҃са ми́рꙋ . и҆ прекло́нь кᲂлѣ́на , пᲂклᲂнѧ́юсѧ твᲂе́й непᲂбѣди́мѣй си́лѣ . ве́черъ и҆ ᲂу҆́тро и҆ пᲂлꙋ́дне , и҆ на всѧ́ко вре́мѧ бл҃гᲂслᲂвлю́ тѧ гдⷭ҇и . Во дво́рѣхъ твᲂи́хъ гдⷭ҇и , вѣ́рнїи кᲂлѣ́на дш҃ъ и҆ тѣле́съ прекло́ньше . вᲂспѣва́емъ тѧ без̾нача́льнагѡ ѻ҆ц҃а , и҆ сᲂбезнача́льнаго сн҃а , и҆ сᲂприснᲂсꙋ́щна прест҃а́гѡ дх҃а , прᲂсвѣща́ющагѡ и҆ ѡ҆сщ҃а́ющагѡ дш҃а на́ша .

сла́ва , и҆ ны́нѣ . гла́съ , и҃ . Ꙗ҆зы́цы и҆нᲂгда̀ размѣси́шасѧ , де́рзᲂсти ра́ди стᲂлпᲂтвᲂре́нїѧ , ꙗ҆зы́цы же ны́нѣ ᲂу҆мꙋдри́шасѧ , сла́вы ра́ди бг҃ᲂразꙋ́мїѧ . та́мᲂбо ѡ҆сꙋдѝ нечести́выѧ сᲂгрѣше́нїемъ , здѣ́же прᲂсвѣти́лъ є҆́сть хрⷭ҇то́съ лᲂвцы̀ дх҃ᲂмъ . тᲂгда̀ ᲂу҆праздни́сѧ ра́зньство натᲂмле́нїе , ны́нѣ ѡ҆бнᲂвлѧ́етсѧ сᲂгла́сїе ко спасе́нїю дш҃а́мъ на́шим̾ . Сла́вᲂсло́вїе вели́кᲂе . трᲂпа́рь . гла́съ , и҃ . Блгⷭ҇ве́нъ є҆сѝ хрⷭ҇тѐ бж҃е на́шъ , и҆́же премꙋ́дры лᲂвцы̀ ꙗ҆вле́и , пᲂсла́въ и҆́мъ дх҃ъ ст҃ы́и , и҆ тѣ́ми ᲂу҆лᲂвле́и вселе́ннꙋю , чл҃кᲂлю́бче сла́ва тебѣ̀ . пᲂсе́мъ , є҆ктенїѝ . и҆ ѿпꙋ́стъ .

На литꙋргі́и , бл҃же́нна ѿ кано́на , пра́здникꙋ , пѣ́снь , г҃ ѧ , и҆ ѕ҃ ѧ . та́же , вхо́дъ : Вᲂзнесы́исѧ гдⷭ҇и си́лᲂю твᲂе́ю , вᲂспᲂе́м̾ и҆ пᲂе́мъ си́лы твᲂѧ̀ . і҆єре́й , пᲂе́тъ : Прїиди́те пᲂклᲂни́мсѧ и҆ припа де́мъ хрⷭ҇тꙋ̀ .= мы́же : С=пасѝ на́съ ᲂу҆тѣ́шителю бл҃гі́и пᲂю́щихъ ти , а҆ллилꙋ́їѧ , гⷤ .

трᲂпа́рь : Блгⷭ҇ве́нъ є҆сѝ хрⷭ҇тѐ бж҃е на́шъ . сла́ва , и҆ ны́нѣ . кᲂнда́къ : Є҆гда̀ сше́дъ ꙗ҆зы́ки размѣсѝ .

та́же , трⷭ҇то́е .= прᲂки́мен̾ , ѱл҃о́мъ дв҃дᲂвъ . спасѝ гдⷭ҇и лю́ди свᲂѧ̀ , и҆ бл҃гᲂслᲂвѝ дᲂстᲂѧ́нїе свᲂѐ . =сти́хъ : къ тебѣ̀ гдⷭ҇и вᲂз̾зᲂвꙋ̀ , бж҃е мо́й не премᲂлчѝ ѿ менѐ . а҆пⷭ҇лъ , к̾ є҆фесе́ѡмъ . заⷱ҇ , ск҃ѳ . а҆ллилꙋ́їѧ . пᲂми́лꙋй мѧ бж҃е по вели́цѣй млⷭ҇ти твᲂе́й . сти́хъ : не ѿве́рзи менѐ ѿ лица̀ твᲂегѡ̀ , и҆ дх҃а твᲂегѡ̀ ст҃а́гѡ не ѿи҆мѝ ѿ менѐ . є҆ѵⷢ҇а́лїе , ѿ матѳе́ѧ . заⷱ҇ , ѻ҃є . прича́стенъ , дх҃ъ тво́й бл҃гі́и наста́витъ мѧ на́ землю пра́вꙋ .

Вѣ́дᲂмо же да є҆́сть , ꙗ҆́кѡ в̾ седми́цꙋ сїю̀ ст҃ы́ѧ , н҃ цы . негл҃емъ , ни междᲂча́сїе , ни кано́на бцⷣѣ на па́вечерницѣ . и҆ литі́й непᲂе́мъ за ᲂу҆пᲂко́й на се́й недѣ́ли .

Въ то́йже , пнⷣе , ве́черъ . на гдⷭ҇и вᲂзва́хъ , стихѣ́ры , пра́здникꙋ , г҃ . гла́съ , д҃ . поⷣ . ꙗ҆́кѡ до́блѧ .= Є҆=динᲂси́льна сᲂпрⷭ҇то́льна ,꙳ с̾ра́слена и҆ сᲂбезнача́льна ,꙳ ѻ҆ц҃ꙋ и҆ дх҃ꙋ ст҃о́мꙋ ,꙳ сᲂдѣ́тельна и҆ сᲂпрⷭ҇нᲂсꙋ́щна сло́ва ,꙳ ᲂу҆ченикѝ насы́щшаго ,꙳ вᲂсхва́лимъ , ᲂу҆мꙋ́дри бо во ꙗ҆зы́цѣхъ ,꙳ и҆ во гласѣ́хъ мнᲂгᲂꙗ҆зы́ческихъ ,꙳ вᲂзвѣсти́ти бж҃їѧ вели́чїѧ ,꙳ и҆ трⷪ҇цы ᲂу҆че́нїѧ . И҆́же пїѧ́нствᲂмъ ѡ҆мрача́емо неразꙋ́мїѧ ,꙳ бж҃е и҆ чл҃че ,꙳ ꙗ҆зы́кᲂвъ сᲂвᲂкꙋпле́нїе мнᲂгᲂраз сѣ́ѧннᲂе ,꙳ велегла́снѡ дх҃ᲂмъ бжⷭ҇тва̀ ᲂу҆чени́къ твᲂи́хъ ,꙳ мнᲂгᲂꙗ҆зы́чнѡ гл҃ющихъ ,꙳ нарица́хꙋ и҆́хъ пїѧ́ны ,꙳ ѿлага́ющихъ всѧ́ко пїѧ́нство .꙳ но мы́ тѧ и҆́хъ ра́ди пᲂзна́вше ,꙳ бг҃ᲂсло́вїемъ спаса́еми . И҆сто́чникъ приснᲂсꙋ́щныи ,꙳ непре ста́ннѡ текꙋ́щїи ,꙳ рѣкꙋ̀ не и҆з̾глаго́ланнꙋ бл҃гᲂсти ,꙳ во́дꙋ жи́вꙋ прⷭ҇нᲂтекꙋ́щꙋ ,꙳ с̾ра́сленѡ и҆злива́еши .꙳ тᲂгѡ̀ ᲂу҆́бѡ и҆злїѧ́нїемъ дш҃ꙋ мᲂю̀ напо́й ,꙳ и҆збавлѧ́ющи мѧ страсте́й пе́щи пла́менныѧ ,꙳ пла́мене же лю́тыхъ ѡ҆пале́нїи ,꙳ и҆ ѻ҆́гненагѡ мꙋче́нїѧ .

та́же , стихѣ́ры , в̾ минѣ́и , г҃ . сла́ва , и҆ ны́нѣ . гла́съ , а҃ . Пѧтдесѧ́тницꙋ пра́зднꙋемъ , и҆ дх҃а прише́ствїе , и҆ пред̾лᲂже́нїе ѡ҆бѣща́нїѧ , и҆ наде́жды сᲂверше́нїе , и҆ та́инство ꙗ҆́кѡ вели́ко , вели́ко же и҆ че́стно . тѣ́мже вᲂпїе́мъ ти , сᲂдѣ́телю всѣ́хъ , гдⷭ҇и сла́ва тебѣ̀ .

На стихо́внѣ , стихѣ́ры . гла́съ , в҃ . поⷣ . до́ме є҆вфра́фᲂвъ .= Д=ае́ши всѐ цр҃ю ,꙳ лю́демъ свᲂи́мъ свы́ше ,꙳ грѣхо́мъ разрѣше́нїе ,꙳ хра́мы на́съ пᲂказꙋ́ѧ ,꙳ прест҃о́мꙋ дх҃ꙋ .

сти́хъ : се́рдце чи́сто сᲂзи́жди во мнѣ̀ бж҃е ,꙳ и҆ дх҃ъ пра́въ ѡ҆бнᲂвѝ во ᲂу҆тро́бѣ мо́ей . Шꙋ́мъ с̾ нб҃сѐ ,꙳ ꙗ҆́кᲂже нᲂси́мъ ,꙳ в̾кꙋ́пѣ дх҃ᲂмъ бꙋ́рнымъ ,꙳ ꙗ҆́вѣ в̾ до́мъ ꙳ ᲂу҆чени́къ прїи́де .

сти́хъ : не ѿве́рзи менѐ ѿ лица̀ твᲂегѡ̀ ,꙳ и҆ дх҃а твᲂегѡ̀ ст҃а́гѡ не ѿи҆мѝ ѿ менѐ . Дѣ́ло ᲂу҆ченико́мъ ,꙳ ꙗ҆́кᲂже ѡ҆бѣща̀ сло́во ,꙳ пᲂсла́лъ є҆сѝ бжⷭ҇твеныи ꙳ ст҃ы́и тво́й дх҃ъ ,꙳ и҆ си́хъ прᲂсвѣти́лъ є҆сѝ .

сла́ва , и҆ ны́нѣ . гла́съ , а҃ . Всѧ̀ пᲂдае́тъ дх҃ъ ст҃ы́и то́читъ пррⷪ҇чествїѧ , сщ҃е́нники сᲂверша́ѧ , не кни́жники мꙋ́дрᲂсти наꙋча́ѧ , ры́бари бг҃ᲂсло́вцы пᲂказа̀ , ве́сь сᲂбира́ѧ сᲂбо́ръ цр҃ко́вныи . є҆динᲂсꙋ́щне и҆ є҆динᲂпрⷭ҇то́льне ѻ҆ц҃ꙋ и҆ сн҃ꙋ , ᲂу҆тѣ́шителю сла́ва тебѣ̀ .

та́же , нн҃ѣ ѿпꙋща́еши . трⷭ҇то́е , и҆ по ѻ҆́ч҃е на́шъ . трᲂпа́рь , пра́здникꙋ . є҆ктенїѧ̀ .= и҆ =ѿпꙋ́стъ .

Во вто́рникъ , н҃ ѧ , нлⷣи . на ᲂу҆́трени , на бг҃ъ гдⷭ҇ь , трᲂпа́рь , пра́здникꙋ , гⷤ . =По а҃ , стихᲂло́гїи , сѣда́ленъ . гла́съ , а҃ . Сѐ пррⷪ҇ческаѧ и҆спо́лнишасѧ прᲂрече́нїѧ , и҆́же си́хъ зарѧ́ми мглꙋ̀ пᲂкры́лъ є҆сѝ , бꙋ́дꙋщихъ сказа́нїи , ꙗ҆́кѡ бг҃ъ и҆ ᲂу҆тѣ́ шитель , ны́нѣ и҆злива́етсѧ а҆пⷭ҇лѡмъ бᲂга́тнѡ . си́хъ же ра́ди и҆ вѣ́рнѡ пᲂклᲂнѧ́ющимсѧ трⷪ҇цѣ несᲂзда́ннѣй . =сла́ва , и҆ ны́нѣ , то́йже .

По в҃ , стихᲂло́гїи , сѣда́ленъ . гла́съ , д҃ . Ꙗ҆́кᲂже ѡ҆бѣща̀ самᲂвла́стнѡ , раздѣлѧ́ѧ а҆пⷭ҇лѡмъ хрⷭ҇то́вымъ , во є҆ди́но слᲂжѝ вѣ́ры сᲂгла́сїе , не со́зданныѧ трⷪ҇цы ꙗ҆зы́ки разли́чными ꙗ҆зы́ кѡвъ разсѣ́ѧнїе . но всели́сѧ в̾ на́съ бл҃гі́и , чл҃кᲂлю́бче мо́лимъ тѧ . сла́ва , и҆ ны́нѣ , то́йже .

та́же , ѱало́мъ , н҃ . кано́нъ , пра́здникꙋ , гла́съ , з҃ . со і҆рмᲂсо́мъ на́ и҃ .= и҆ въ минѣ́и , на д҃ . а҆́щели слꙋчи́тсѧ , вели́кᲂмꙋ ст҃о́мꙋ . =пᲂе́мъ : кано́нъ , пра́здникꙋ , со і҆рмᲂсо́мъ на́ ѕ҃ . и҆ ст҃о́мꙋ , на́ ѕ҃ .= с=вѣти́ленъ , пра́здникꙋ , вⷤ .

На стихо́внѣ , стихѣ́ры . гла́съ , ѕ҃ . поⷣ . в̾ =тре́тїи де́нь . Д=х҃ъ прест҃ы́и ѡ҆бнᲂвѝ в̾ на́съ бж҃е ,꙳ є҆го́же дре́вле пᲂсла̀ ᲂу҆ченико́мъ ,꙳ ᲂу҆крѣпи́лъ є҆сѝ ще́дре ,꙳ и҆спо́лнити в̾ ми́рѣ ꙳ твᲂѧ̀ спасе́наѧ хᲂтѣ́нїѧ .

сти́хъ : се́рдце чи́сто сᲂзи́жди во мнѣ̀ бж҃е ,꙳ и҆ дх҃ъ пра́въ ѡ҆бнᲂвѝ во ᲂу҆тро́бѣ мо́ей . Дх҃ъ ст҃ы́и ,꙳ свѣ́тъ ѿ́ свѣта и҆схᲂдѧ́и ,꙳ во ѻ҆́гненыхъ ꙗ҆зы́цѣхъ прїи́де на́ землю ,꙳ пᲂпали́ти грѣхѝ вѣ́рᲂю пᲂклᲂнѧ́ющихсѧ ,꙳ трисᲂста́внᲂмꙋ бжⷭ҇твꙋ̀ .

сти́хъ : не ѿве́рзи менѐ ѿ лица̀ твᲂегѡ̀ ,꙳ и҆ дх҃а твᲂегѡ̀ ст҃а́гѡ не ѿи҆мѝ ѿ менѐ . Дх҃ъ прест҃ы́и ,꙳ вѣ́рнѡ бг҃ᲂсло́вимъ вᲂпїю́ще ,꙳ не ѿстꙋпѝ ѿ на́съ ᲂу҆тѣ́шителю бл҃гі́и ,꙳ и҆́же всѣ́мъ пᲂдаѧ́и спасе́нїе ,꙳ и҆ ѡ҆сщ҃а́ѧи вᲂспѣва́ющихъ тѧ̀ .

сла́ва , и҆ ны́нѣ . гла́съ , а҃ . Ꙗ҆зы́ки и҆нᲂро́дными , ѡ҆бнᲂви́лъ є҆сѝ хрⷭ҇тѐ свᲂѧ̀ ᲂу҆ченикѝ , да тѣ́ми тѧ прᲂпᲂвѣ́дѧтъ сло́ва и҆ бг҃а , пᲂдаю́щагѡ дш҃а́мъ на́шимъ ве́лїю млⷭ҇ть .

та́же , бл҃го є҆́сть . и҆ ча́съ , а҃ . и҆ ѿпꙋ́стъ .

На бл҃же́ннах̾ , трипѣ́снец̾ . твᲂре́нїе і҆ѡ́сифᲂво , гла́съ , в҃ . пѣ́снь , в҃ . і҆рмо́съ . бг҃ъ и҆́стиненъ .

во црⷭ҇твїи сѝ є҆гда̀ прїи́деши ,꙳ пᲂмѧнѝ на́съ гдⷭ҇и . Дш҃е пра́выи , на пꙋтѝ пра́выѧ наста́ви , и҆́же тебѐ бг҃ᲂсло́вѧщихъ .

бл҃же́ни ни́щїи дх҃ᲂмъ ,꙳ ꙗ҆́кѡ тѣ́хъ є҆́сть црⷭ҇тво нбⷭ҇нᲂе . И҆́же ѿ небе́съ прише́дыи ᲂу҆тѣ́шителю , спасѝ и҆́же тебѐ пᲂю́щихъ .

бл҃же́ни пла́чꙋщїи ,꙳ ꙗ҆́кѡ ті́и ᲂу҆тѣ́шатсѧ . Живо́тъ жизнᲂтвᲂрѧ́и . и҆ свѣ́тъ сы́и ᲂу҆тѣ́шителю , спасѝ и҆́же тебѐ пᲂю́щихъ .

бл҃же́ни кро́тцыи ,꙳ ꙗ҆́кѡ ті́и наслѣ́дѧтъ зе́млю . Бг҃ъ є҆сѝ и҆́стиненъ и҆ бл҃гᲂда́тель , ᲂу҆тѣ́шителю спасѝ , и҆́же тебѐ пᲂю́щихъ .

бл҃же́ни а҆́лчꙋщїи и҆ жа́ждꙋщїи пра́вды ,꙳ ꙗ҆́кѡ ті́и насы́тѧтсѧ . боⷢ҇ . Бг҃а и҆́стинна дв҃о мт҃и рᲂдила̀ є҆сѝ , в̾ на́ше спасе́нїе , є҆го́же мᲂлѝ ѡ҆ всѣ́хъ на́съ .

пѣ́снь , и҃ . і҆рмо́съ . въ пе́щь ѻ҆́гненнꙋю .

бл҃же́ни млⷭ҇тивїи ,꙳ ꙗ҆́кѡ ті́и пᲂми́лᲂвани бꙋ́дꙋтъ . Въ го́рницѣ со́бранᲂмъ премꙋ́дрымъ ᲂу҆ченико́мъ , ꙗ҆ви́шасѧ напра́снѡ раздѣлѧ́еми ꙗ҆зы́цы , ꙗ҆́кѡ ѻ҆́гнени , и҆ дыха́нїѧ бꙋ́рна гла́съ слы́шашесѧ , превᲂзнᲂсѧ́щимъ хрⷭ҇та̀ во́ вѣки .

бл҃же́ни чⷭ҇тїи срⷣцемъ ,꙳ ꙗ҆́кѡ ті́и бг҃а ᲂу҆́зрѧтъ . Дрꙋга́го ᲂу҆тѣ́шителѧ на́мъ , ᲂу҆тѣ́шитель хрⷭ҇то́съ бл҃гᲂда́тнѡ низ̾пᲂсла́въ дх҃а , и҆́же въ прᲂро́цѣхъ гл҃ющаго , и҆ ꙗ҆зы́ки ѻ҆́гнеными вѣща́юща , в̾ бг҃ᲂгла́сныхъ и҆ премꙋ́дрыхъ а҆пⷭ҇лѣхъ .

бл҃же́ни мирᲂтво́рцы ,꙳ ꙗ҆́кѡ ті́и сн҃ᲂве бж҃їи нарекꙋ́тсѧ . Дарᲂва́нїемъ и҆сто́чникъ , бл҃ги́хъ пᲂда́тель , прише́дъ ᲂу҆тѣ́шитель дх҃ъ , хрⷭ҇то́вымъ ᲂу҆ченико́мъ , и҆ пред̾вари́въ и҆́хъ ѡ҆бнᲂвѝ , свѣ́тъ бл҃гᲂче́стїѧ тѣ́ми ѡ҆блиста́въ .

бл҃же́ни и҆з̾гна́ни пра́вды ра́ди ,꙳ ꙗ҆́кѡ тѣ́хъ є҆́сть црⷭ҇тво нбⷭ҇нᲂе . боⷢ҇ . И҆́же в̾ нѣ́дрѣхъ ѻ҆́ч҃ихъ неразлꙋ́чнѡ в̾кꙋ́пѣ сѣдѧ́щаго , в̾ ве́щнᲂе чре́во твᲂѐ все́льшасѧ чи́стаѧ , пᲂе́мъ дв҃о бг҃ᲂневѣ́сто , и҆ превᲂзно́симъ во́ вѣки .

пѣ́снь , ѳ҃ . і҆рмо́съ . и҆́же ѿ́ бг҃а бг҃а сло́ва .

бл҃же́ни є҆стѐ є҆гда̀ пᲂно́сѧтъ ва́мъ , и҆ и҆зже нꙋ́тъ вы̀ , и҆ рекꙋ́тъ всѧ́къ ѕо́лъ гл҃ъ ,꙳ навы̀ лжꙋ́ще менѐ ра́ди . И҆́же а҆́нг҃льскїѧ ли́ки ѡ҆сщ҃а́ѧи , и҆ си́хъ чи́ны ѡ҆кᲂрмлѧ́ѧ ꙗ҆́кѡ бл҃гъ , се́й нн҃ѣ прїи́де с̾ нб҃сѐ сᲂше́дъ , бжⷭ҇твеными блиста́ньми , премꙋ́дрыѧ а҆пⷭ҇лы ᲂу҆премꙋ́дривъ , вселе́ннѣй пᲂсла̀ .

ра́дꙋйтесѧ и҆ весели́тесѧ ,꙳ ꙗ҆́кѡ мзда̀ ва́ша мно́га на́ нб҃сѣхъ . И҆́же бжⷭ҇тва̀ бᲂга́тство раздава́етъ , пребыва́ющее и҆ невзима́емо , ꙗ҆́вѣ дх҃ъ ст҃ы́и а҆пⷭ҇лѡмъ въ ꙗ҆зы́цѣхъ ѻ҆́гненыхъ , и҆ пла́мене зѣ́льнѣйшихъ , на пре́лесть си́хъ сᲂтвᲂрѝ , и҆дᲂлᲂбѣ́сїѧ ти́нꙋ пᲂпалѧ́ющихъ .

сла́ва . Дш҃е и҆́стины и҆ ра́зꙋма , д́ш҃е премꙋ́дрᲂсти и҆ крѣ́пᲂсти и҆ свѣ́та , и҆́же и҆з̾ ѻ҆ц҃а и҆схᲂдѧ́и , сн҃а же ра́ди , тва́ри бᲂга́тнѡ дае́мыи , спаса́й на́съ , и҆́же вѣ́рᲂю пᲂкланѧ́ющихсѧ держа́вѣ твᲂе́й .

и҆ ны́нѣ , боⷢ҇ . Бг҃ᲂбл҃же́ннаѧ дв҃о , ᲂу҆пᲂва́нїе мᲂѐ всѐ ᲂу҆се́рднѡ вᲂзлага́ю на тѧ̀ , спаси́ мѧ мт҃и сꙋ́щаѧ жи́зни , и҆ пи́щи вѣ́чныѧ насы́титисѧ спᲂдо́би чи́стаѧ , да вѣ́рᲂю и҆ любо́вїю в̾ пѣ́снехъ велича́ю тѧ .

Въ то́йже , вто́рникъ , ве́черъ . на гдⷭ҇и вᲂзва́хъ , стихѣ́ры , пра́здникꙋ , г҃ . гла́съ , д҃ . поⷣ . да́лъ є҆сѝ зна́менїе .= Дх҃ъ ст҃ы́и ,꙳ раздѣлѧ́ѧ дарᲂва́нїѧ ,꙳ на́ землю прїи́де ,꙳ не ꙗ҆́кᲂже пе́рвᲂю сѣ́нїю зако́на ,꙳ вᲂсїѧ́въ во прᲂро́цѣхъ ,꙳ сꙋ́щественѣ же ны́нѣ на́мъ хᲂда́тайствᲂмъ ꙳ хрⷭ҇то́вымъ дарᲂва́сѧ .꙳ срⷣца̀ ѡ҆чи́стимъ дᲂбрᲂдѣ́тельми ,꙳ и҆ прїи́мемъ прише́ствїе є҆гѡ̀ ,꙳ та́йно ѡ҆чища́еми . Дх҃а ст҃а́гѡ ,꙳ не ѿи҆мѝ ѿ на́съ чл҃кᲂлю́бче ,꙳ но да́рꙋй на́мъ бл҃гᲂда́ть ,꙳ дᲂсто́йнѡ пᲂжи́вшимъ ,꙳ дш҃е́ю и҆ срⷣцемъ ,꙳ и҆ вѣ́чнꙋющее прише́ствїе є҆гѡ̀ наслѣ́дᲂвати .꙳ и҆ хра́мы и҆ жили́ща ,꙳ ᲂу҆тѣ́шителю на́съ пᲂкажѝ ,꙳ і҆с҃е бж҃е на́шъ ,꙳ сп҃се дш҃а́мъ на́шимъ . Д=не́сь и҆злїѧ́сѧ ,꙳ прест҃а́гѡ дх҃а твᲂегѡ̀ дѣ́йство гдⷭ҇и ,꙳ на а҆пⷭ҇лы твᲂѧ̀ ,꙳ и҆ премꙋ́дры пᲂказа̀ вᲂи́стинꙋ немꙋ́дрыѧ ,꙳ и҆ вᲂспᲂмѧнꙋ̀ и҆́мъ бл҃же́ннᲂе ᲂу҆че́нїе свᲂѐ ,꙳ тѣ́мже и҆ во всѧ̀ кᲂнцы̀ ꙳ сло́во прᲂпᲂвѣ́даша ,꙳ бжⷭ҇твенагѡ вᲂплᲂще́нїѧ ,꙳ и҆ ᲂу҆жа́снагѡ твᲂегѡ̀ прише́ствїѧ .

та́же , стихѣ́ры , в̾ минѣ́и , г҃ . сла́ва , и҆ ны́нѣ . гла́съ , ѕ҃ . Неразꙋмѣ́юще ꙗ҆зы́цы гдⷭ҇и прест҃а́гѡ дх҃а , во а҆пⷭ҇лы ти бы́вшїѧ си́лы , и҆змѣне́нїемъ ꙗ҆зы́къ пїѧ́ныхъ мнѧ́хꙋ . мы́ же ᲂу҆тверди́вшесѧ и҆́ми , без̾преста́ни си́це гл҃емъ , дх҃а твᲂегѡ̀ ст҃а́гѡ не ѿи҆мѝ ѿ на́съ , мо́лимтисѧ чл҃кᲂлю́бче .

На стихо́внѣ , стихѣ́ры . гла́съ , а҃ . поⷣ . нбⷭ҇нымъ чино́мъ .= Ꙗ҆́=кѡ сра́слено , ꙗ҆́кѡ сво́йствено ,꙳ слᲂве́снымъ нб҃се́мъ ѻ҆́гнеными ꙗ҆зы́ки ,꙳ бж҃їю вᲂзвѣща́ти ꙗ҆зы́кѡмъ сла́вꙋ ,꙳ и҆́же ѻ҆гне́мъ нб҃са̀ ᲂу҆краси́вшемꙋ ,꙳ и҆ ѡ҆зари́вшемꙋ ми́ръ чꙋ́вственыи ,꙳ сн҃ᲂмъ же и҆ дх҃ᲂмъ .

сти́хъ : се́рдце чи́сто сᲂзи́жди во мнѣ̀ бж҃е ,꙳ и҆ дх҃ъ пра́въ ѡ҆бнᲂвѝ во ᲂу҆тро́бѣ мо́ей . Въ сїѡ́нѣ со́браннымъ ᲂу҆ченико́мъ хрⷭ҇то́вымъ ,꙳ ꙗ҆́кᲂже ѡ҆бѣща̀ и҆́мъ дх҃ъ ст҃ы́и ,꙳ в̾ си́хъ прише́дъ ѻ҆́гненымъ видѣ́нїемъ ,꙳ ѻ҆гнедᲂхнᲂве́нны пᲂказа̀ ,꙳ вѣща́нїи та́йными ,꙳ ᲂу҆че́нїѧ трⷪ҇ческаѧ виті́йствᲂваша .

сти́хъ : не ѿве́рзи менѐ ѿ лица̀ твᲂегѡ̀ ,꙳ и҆ дх҃а твᲂегѡ̀ ст҃а́гѡ не ѿи҆мѝ ѿ менѐ . Небᲂкᲂва́нныѧ мечѝ ,꙳ сщ҃е́нныѧ ᲂу҆ченикѝ ,꙳ сщ҃е́нныи дх҃ъ прише́дъ сᲂвершѝ ,꙳ зе́млю ѡ҆ст҃и́ти бг҃ꙋ тво рцꙋ̀ ,꙳ несщ҃е́нныѧ пᲂсѣ́кшихъ ,꙳ ꙗ҆́кѡ и҆сче́знꙋ ти ѻ҆рꙋ́жїю лꙋка́вагѡ , и҆ спастѝ дш҃а на́ша .

сла́ва , и҆ ны́нѣ . гла́съ , ѕ҃ . Гдⷭ҇и прест҃а́гѡ дх҃а наше́ствїемъ , а҆пⷭ҇лы свᲂѧ̀ и҆спо́лнилъ є҆сѝ , и҆ и҆нѣ́ми ꙗ҆зы́ки гл҃ати ᲂу҆стро́ивъ . тѣ́мже и҆ пре сла́внᲂе , невѣ́рнымъ ᲂу҆́бѡ пїѧ́нство мнѧ́шесѧ , вѣ́рнымъ же хᲂда́тайственѡ спасе́нїѧ . є҆го́же сїѧ́нїѧ на́съ спᲂдо́би , мо́лимтисѧ чл҃кᲂлю́бче .

та́же , нн҃ѣ ѿпꙋща́еши . трⷭ҇то́е , и҆ по ѻ҆́ч҃е на́шъ . трᲂпа́рь , пра́здникꙋ . є҆ктенїѧ̀ .= и҆ =ѿпꙋ́стъ .

Въ сре́дꙋ , н҃ ѧ , нлⷣи . на ᲂу҆́трени , на бг҃ъ гдⷭ҇ь , трᲂпа́рь , пра́здникꙋ , гⷤ . =По а҃ , стихᲂло́гїи , сѣда́ленъ . гла́съ , є҃ . Дх҃о́внаѧ бл҃гᲂда́ть наꙋчи́вши , ѿ ни́щихъ рыбаре́й а҆пⷭ҇лъ твᲂи́хъ , ѡ҆ст҃ѝ хрⷭ҇тѐ премꙋ́дрыѧ и҆ кнѧ́зи . и҆́хже ᲂу҆че́нїемъ и҆ мы̀ пѧтдесѧ́тницы пра́здникъ свѣ́тлыи при́снѡ сᲂверша́емъ , со ѻ҆ц҃е́мъ тебѐ пᲂю́ще , и҆ бжⷭ҇твенымъ дх҃ᲂмъ прᲂславлѧ́емъ . =сла́ва , и҆ ны́нѣ , то́йже .

По в҃ , стихᲂло́гїи , сѣда́ленъ . гла́съ , и҃ . Прест҃ы́и дх҃ъ ны́нѣ сᲂше́дъ на а҆пⷭ҇лы , видѣ́нїемъ ѻ҆гнѧ̀ , ᲂу҆дивле́нїѧ и҆спо́лни ꙗ҆зы́ческаѧ сᲂвᲂкꙋпле́нїѧ . ꙗ҆зы́ки бо ѻ҆́гнеными гл҃ющихъ чл҃кᲂлю́бче , свᲂи́мъ ко́ждо ꙗ҆зы́кѡмъ слы́шахꙋ . тѣ́мже и҆ чꙋ́до невѣ́рнымъ ꙗ҆́кѡ пїѧ́нство , вѣ́рнымъ же спасе́нїе вᲂи́стинꙋ пᲂзнава́шесѧ . сегѡ̀ ра́ди сла́вимъ держа́вꙋ твᲂю̀ хрⷭ҇тѐ бж҃е , сᲂгрѣше́нїемъ ѡ҆ставле́нїе прᲂсѧ́ще , низ̾пᲂсла́ти рабо́мъ твᲂи́мъ . сла́ва , и҆ ны́нѣ , то́йже .

та́же , ѱало́мъ , н҃ . кано́нъ , пра́здникꙋ , гла́съ , д҃ . со і҆рмᲂсо́мъ на́ и҃ .= и҆ въ минѣ́и , на д҃ . а҆́щели слꙋчи́тсѧ , вели́кᲂмꙋ ст҃о́мꙋ . =пᲂе́мъ : кано́нъ , пра́здникꙋ , со і҆рмᲂсо́мъ на́ ѕ҃ . и҆ ст҃о́мꙋ , на́ ѕ҃ .= с=вѣти́ленъ , пра́здникꙋ , вⷤ .

На стихо́внѣ , стихѣ́ры . гла́съ , в҃ . поⷣ . до́ме є҆вфра́фᲂвъ .= С=вы́ше къ на́мъ ᲂу҆тѣ́шителю прише́дъ ,꙳ ꙗ҆́кᲂже пе́рвѣе ко а҆пⷭ҇лѡмъ ,꙳ ѡ҆ст҃ѝ и҆ спасѝ ,꙳ и҆́же тебѐ бг҃а ꙳ прᲂпᲂвѣ́дающихъ .

сти́хъ : се́рдце чи́сто сᲂзи́жди во мнѣ̀ бж҃е ,꙳ и҆ дх҃ъ пра́въ ѡ҆бнᲂвѝ во ᲂу҆тро́бѣ мо́ей . Внеза́пꙋ ꙳ с̾ нб҃сѐ а҆пⷭ҇лы ꙳ дᲂхнᲂве́нїемъ ,꙳ бжⷭ҇твенагѡ ᲂу҆тѣ́шителѧ си́ла ,꙳ премꙋ́дры бг҃ᲂсло́вцы пᲂказа̀ .

сти́хъ : не ѿве́рзи менѐ ѿ лица̀ твᲂегѡ̀ ,꙳ и҆ дх҃а твᲂегѡ̀ ст҃а́гѡ не ѿи҆мѝ ѿ менѐ . Заре́ю бг҃ᲂнача́льнᲂю ,꙳ ᲂу҆́мъ прᲂсвѣти́вше ,꙳ ᲂу҆ченицы̀ твᲂѝ гдⷭ҇и ,꙳ сꙋ́щественѣ ,꙳ дх҃ъ ст҃ы́и прїѧ́ша .

сла́ва , и҆ ны́нѣ . гла́съ , ѕ҃ . Цр҃ю нбⷭ҇ныи , ᲂу҆тѣ́шителю д́ш҃е и҆́стинныи , и҆́же вездѣ̀ сы́и , и҆ всѧ̀ и҆спᲂлнѧ́ѧ , сᲂкро́вище бл҃ги́хъ и҆ жи́зни пᲂда́телю , прїидѝ и҆ всели́сѧ в̾ ны̀ , и҆ ѡ҆чи́сти ны ѿ всѧ́кїѧ скве́рны , и҆ спасѝ бл҃же дш҃а на́ша .

та́же , бл҃го є҆́сть . и҆ ча́съ , а҃ . и҆ ѿпꙋ́стъ .

На бл҃же́ннах̾ , трипѣ́снец̾ . твᲂре́нїе і҆ѡ́сифᲂво , гла́съ , г҃ . пѣ́снь , г҃ . і҆рмо́съ . ᲂу҆тверже́нїе на тѧ̀ .

во црⷭ҇твїи сѝ є҆гда̀ прїи́деши , пᲂмѧнѝ на́съ гдⷭ҇и . бл҃же́ни ни́щїи дх҃ᲂмъ ,꙳ ꙗ҆́кѡ тѣ́хъ є҆́сть црⷭ҇тво нбⷭ҇нᲂе . Оу҆тверди́выи нбⷭ҇ныѧ си́лы , пᲂказа̀ дне́сь а҆пⷭ҇лы нб҃са̀ , дх҃ъ ᲂу҆тѣ́шительныи .

бл҃же́ни пла́чꙋщїи ,꙳ ꙗ҆́кѡ ті́и ᲂу҆тѣ́шатсѧ . Є҆динᲂсꙋ́щнᲂмꙋ и҆ равнᲂси́льнᲂмꙋ дх҃ꙋ , сᲂпресто́льнꙋ же и҆ сᲂѡ҆бра́знꙋ ѻ҆ц҃ꙋ и҆ сло́вꙋ пᲂклᲂнѧ́ющесѧ , бл҃гᲂче́стнѡ велича́емъ .

бл҃же́ни кро́тцыи ,꙳ ꙗ҆́кѡ ті́и наслѣ́дѧтъ зе́млю . Нескве́рнаго чистѣ́йшаго дх҃а , ᲂу҆тѣ́шителѧ пречи́стаго бг҃ᲂсло́вимъ , владѣ́ющаго все́ю тва́рїю .

бл҃же́ни а҆́лчꙋщїи и҆ жа́ждꙋщїи пра́вды ,꙳ ꙗ҆́кѡ ті́и насы́тѧтсѧ . боⷢ҇ . Хра́мъ ст҃ъ , и҆ кᲂвче́гъ и҆ свѣ́щникъ всепречⷭ҇таѧ бы́сть , незахᲂди́мъ свѣ́тъ сꙋ́щимъ во тмѣ̀ хрⷭ҇та̀ вᲂсїѧ́вши .

пѣ́снь , и҃ . і҆рмо́съ . въ непᲂстᲂѧ́ннѣмъ ѻ҆гнѝ .

бл҃же́ни млⷭ҇тивїи ,꙳ ꙗ҆́кѡ ті́и пᲂми́лᲂвани бꙋ́дꙋтъ . Є҆ди́нꙋ в̾ трїе́хъ ли́цѣхъ , несѣко́мꙋ сꙋществꙋ̀ пᲂклᲂнѧ́емсѧ . є҆динᲂнача́лїе и҆ црⷭ҇тво , мꙋ́дрѣ пᲂю́ще , бл҃гᲂслᲂви́те всѧ̀ дѣ́ла гдⷭ҇нѧ гдⷭ҇а .

бл҃же́ни чⷭ҇тїи срⷣцемъ ,꙳ ꙗ҆́кѡ ті́и бг҃а ᲂу҆́зрѧтъ . Живᲂнача́льныи и҆ бжⷭ҇твеныи дх҃ъ , сᲂверши́теленъ же в̾ трⷪ҇цѣ пᲂзна́вше , трест҃ы́ми хвалᲂсло́веньми пресла́внѡ пᲂе́мъ , бл҃гᲂслᲂви́те всѧ̀ дѣ́ла гдⷭ҇нѧ гдⷭ҇а .

бл҃же́ни мирᲂтво́рцы ,꙳ ꙗ҆́кѡ ті́и сн҃ᲂве бж҃їи нарекꙋ́тсѧ . Дх҃ъ ᲂу҆́мныи , дх҃ъ бжⷭ҇твеныи влⷣченъ , и҆́же всебᲂга́тнѡ раздава́ѧ даро́въ дѣ́йства , и҆́же в̾ вѣ́рѣ пᲂю́щимъ , бл҃гᲂслᲂви́те всѧ̀ дѣ́ла гдⷭ҇нѧ гдⷭ҇а .

бл҃же́ни и҆з̾гна́ни пра́вды ра́ди ,꙳ ꙗ҆́кѡ тѣ́хъ є҆́сть црⷭ҇тво нбⷭ҇нᲂе . боⷢ҇ . І҆а́кѡвлю дᲂбро́тꙋ тебѐ бг҃ᲂлѣ́пнѣйшꙋю , бг҃ᲂмт҃и пречⷭ҇таѧ , кра́сныи па́че всѣ́хъ и҆збра̀ бг҃ъ сло́во , є҆го́же пᲂе́мъ , бл҃гᲂслᲂви́те всѧ̀ дѣ́ла гдⷭ҇нѧ гдⷭ҇а .

пѣ́снь , ѳ҃ . і҆рмо́съ . в̾зако́ннѣм̾ сѣннᲂписа́нїи .

бл҃же́ни є҆стѐ є҆гда̀ пᲂно́сѧтъ ва́мъ , и҆ и҆зже нꙋ́тъ вы̀ , и҆ рекꙋ́тъ всѧ́къ ѕо́лъ гл҃ъ ,꙳ навы̀ лжꙋ́ще менѐ ра́ди . Мнᲂгᲂче́стныи , и҆ бг҃ᲂдви́жи мыи дх҃ъ бг҃ᲂсло́вимъ , и҆́же дре́вле в̾ прᲂро́цѣхъ пред̾вᲂзвѣсти́выи , ны́нѣшнее прᲂсвѣще́нїе , и҆ всебᲂга́тнᲂе и҆злїѧ́нїе бл҃ги́хъ даро́въ , раздѣ лѧ́емо ᲂу҆ченико́мъ сло́ва , и҆ свидѣ́телемъ .

ра́дꙋйтесѧ и҆ весели́тесѧ ,꙳ ꙗ҆́кѡ мзда̀ ва́ша мно́га на́ нб҃сѣхъ . Бг҃ᲂнача́льнагѡ невре́днагѡ дх҃а славᲂсло́вимъ , и҆́же всѣ́мъ и҆стᲂча́ющагѡ и҆ дѣлѧ́щагѡ бжⷭ҇твеныѧ да́ры , ᲂу҆тѣ́шителѧ дрꙋга́гѡ , и҆з̾ без̾нача́льна ѻ҆ц҃а и҆схᲂдѧ́ща , и҆ сн҃ꙋ сᲂбезнача́льнᲂмꙋ с̾разꙋмѣва́ема .

сла́ва . Бл҃гᲂдѣ́тельна , и҆ бᲂга́та дх҃а хвалᲂсло́вимъ всѣ́хъ ѡ҆сщ҃а́ющагѡ , и҆ прᲂсвѣща́юща свѣ́тᲂмъ разꙋ́мнымъ , всеси́льнꙋю держа́вꙋ всепᲂсѣти́тельнꙋ , счинѧ́емꙋю ѻ҆ц҃ꙋ , и҆ сн҃ꙋ с̾прᲂславлѧ́емꙋ .

и҆ ны́нѣ , боⷢ҇ . Зако́нꙋ сѣ́нь ми́мѡ течѐ , и҆ прᲂсвѣще́нїе вᲂсїѧ̀ , є҆́же во тмѣ̀ сѣдѧ́щимъ , и҆́же и҆з̾ тебѐ дв҃о вᲂплᲂти́выисѧ , за мно́гᲂе бл҃гᲂꙋтро́бїе , и҆́же и҆з̾ без̾нача́льна ѻ҆ц҃а рᲂди́вы исѧ пре́жде вѣ́къ , ро́ждьшемꙋ є҆динᲂсꙋ́щенъ .

Въ тꙋ́же , сре́дꙋ , ве́черъ . на гдⷭ҇и вᲂзва́хъ , стихѣ́ры , пра́здникꙋ , г҃ . гла́съ , д҃ . поⷣ . и҆́же зва́нныи свы́ше .= С=ѐ дн҃ь ра́дᲂсти и҆ весе́лїѧ ,꙳ с̾вы́ше ꙗ҆ви́сѧ ,꙳ сщ҃е́ннымъ ᲂу҆ченико́мъ дх҃ъ ст҃ы́и дне́сь ,꙳ ѻ҆́гненымъ видѣ́нїемъ ѿ ѻ҆ц҃а ,꙳ и҆ всѣ́хъ прᲂсвѣтѝ ,꙳ сказа́тели ꙗ҆вѝ ры́бари мꙋдрецы̀ ,꙳ ꙗ҆́кᲂже лꙋка̀ написа̀ бг҃ᲂгла́сныи ,꙳ дх҃ᲂмъ бꙋ́рнымъ и҆спᲂлнѧ́ѧ всѧ́ческаѧ .꙳ тѣ́мже вѣ́рᲂю дивѧ́щесѧ вᲂсхвалѧ́емъ ,꙳ хрⷭ҇та̀ бг҃а на́шегѡ мно́гꙋю млⷭ҇ть ,꙳ и҆ кра́йнее сᲂше́ствїе . Пѧтьдесѧ́тницꙋ пра́зднꙋемъ ст҃ꙋ́ю ,꙳ и҆ дх҃а си́лꙋ ,꙳ и҆ и҆́стиннꙋю ра́дᲂсть ,꙳ бжⷭ҇твеныѧ наде́жды сᲂверше́нїе ,꙳ и҆ та́инства є҆́же ѿ́ вѣка ꙗ҆ви́вшагᲂсѧ на́мъ .꙳ тѣ́мже и҆ вᲂпїе́мъ ти сᲂдѣ́телю всѣ́хъ ,꙳ не ѿи҆мѝ дх҃ъ тво́й ѿ на́съ сло́ве ,꙳ но с̾ нб҃сѐ сп҃се пᲂслѝ ,꙳ мл҃твами ст҃ы́хъ ꙳ и҆ всехва́льныхъ чⷭ҇тны́хъ а҆пⷭ҇лъ твᲂи́хъ ,꙳ ми́ръ пᲂда́ждь дш҃а́мъ на́шимъ мо́лимсѧ . Нб҃са̀ ѡ҆дш҃евле́наѧ ꙳ пᲂвѣ́даютъ дне́сь сп҃сᲂва вели́чїѧ ,꙳ и҆ ве́сь ми́ръ прᲂидо́ша ,꙳ ꙗ҆́снѡ прᲂпᲂвѣ́дати ,꙳ ᲂу҆чи́телевꙋ бжⷭ҇твенꙋю си́лꙋ ,꙳ и҆ прᲂсвѣти́ша всю̀ тва́рь ᲂу҆че́ньми ,꙳ є҆́же вᲂспѣва́ти нераздѣли́мꙋю трⷪ҇цꙋ є҆ди́нꙋ ,꙳ в̾ трѝ лица̀ неслїѧ́ннꙋ .꙳ тѣ́мже вѣ́рᲂю пра́зднꙋемъ ,꙳ ст҃а́гѡ дх҃а прише́ствїе ,꙳ є҆́же с̾вы́ше ꙗ҆ви́вшеесѧ , и҆ прᲂсвѣща́ющее кᲂнцы̀ .

та́же , стихѣ́ры , в̾ минѣ́и , г҃ . сла́ва , и҆ ны́нѣ . гла́съ , з҃ . Оу҆тѣ́шителѧ и҆мꙋ́ще ко ѻ҆ц҃ꙋ хрⷭ҇та̀ бг҃а , ᲂу҆тѣ́шителю и҆но́мꙋ . прише́дшꙋ к̾ на́мъ на́ землю дне́сь дх҃ꙋ ст҃о́мꙋ , вѣ́рᲂю пᲂклᲂни́мсѧ [пᲂкло́н̾] .

На стихо́внѣ , стⷯры . гла́съ , а҃ . поⷣ . прехва́льнїи мч҃нцы .= Д=х҃ꙋ ст҃о́мꙋ ,꙳ ѿ ѻ҆ц҃а и҆схᲂдѧ́щемꙋ ,꙳ и҆ съ сн҃ᲂмъ прᲂславлѧ́емꙋ ,꙳ и҆́мже но́сѧтсѧ и҆ держа́тсѧ всѧ̀ ,꙳ ꙗ҆́же бы́ти прїе́млюща ,꙳ и҆ живꙋ́тъ и҆ пребыва́ютъ и҆ спаса́ютсѧ ,꙳ бг҃ᲂсло́вꙋемъ непᲂсти́жимыи ᲂу҆тѣ́шителю ,꙳ ми́ръ ми́рꙋ твᲂемꙋ̀ да́рꙋй .

сти́хъ : се́рдце чи́сто сᲂзи́жди во мнѣ̀ бж҃е ,꙳ и҆ дх҃ъ пра́въ ѡ҆бнᲂвѝ во ᲂу҆тро́бѣ мо́ей . Дх҃ъ ст҃ы́и ,꙳ и҆сто́чникъ всѧ́кїѧ бл҃гᲂсти ,꙳ сꙋщество́мъ прїи́де ,꙳ земны́ѧ кᲂнцы̀ нбⷭ҇нᲂю си́лᲂю ,꙳ а҆пⷭ҇лъ ра́ди и҆спо́лнити ,꙳ и҆ бжⷭ҇твенᲂю бл҃гᲂстїю .꙳ тᲂмꙋ̀ вᲂзᲂпїе́мъ ,꙳ несказа́нныи ᲂу҆тѣ́шителю ,꙳ ми́ръ ми́рꙋ твᲂемꙋ̀ да́рꙋй .

сти́хъ : не ѿве́рзи менѐ ѿ лица̀ твᲂегѡ̀ ,꙳ и҆ дх҃а твᲂегѡ̀ ст҃а́гѡ не ѿи҆мѝ ѿ менѐ . Дх҃ъ ст҃ы́и бг҃ъ ,꙳ с̾ра́сленъ и҆ сᲂпресто́ленъ ,꙳ ѻ҆ц҃ꙋ и҆ сло́вꙋ пᲂзнава́емь .꙳ свѣ́тъ пресᲂверше́нъ ѿ́ свѣта прᲂсїѧ́въ ,꙳ ѿ сᲂверше́на без̾нача́льна ѻ҆ц҃а ,꙳ и҆ сн҃ᲂмъ прихᲂдѧ̀ .꙳ свѣ́тъ прᲂсвѣща́ѧи всѧ́кᲂгѡ чл҃ка ꙳ грѧдꙋ́щагѡ в̾ ми́ръ ,꙳ си́лᲂю бжⷭ҇тва̀ .

сла́ва , и҆ нн҃ѣ . гла́съ , и҃ . Є҆гда̀ дх҃ъ тво́й пᲂсла́лъ є҆сѝ гдⷭ҇и , сѣдѧ́щимъ а҆пⷭ҇лѡмъ , тᲂгда̀ и҆ є҆вре́йскїѧ дѣ́ти зрѧ́ще си́хъ , ᲂу҆жаса́хꙋсѧ стра́хᲂмъ , слы́шахꙋ ᲂу҆́бѡ и҆́хъ глаго́люща и҆нѣ́ми ꙗ҆зы́ки , ꙗ҆́кᲂже дх҃ъ пᲂдаѧ́ше и҆́мъ . некни́жни бо сꙋ́ще ᲂу҆мꙋдри́шасѧ , и҆ ꙗ҆зы́ки в̾ вѣ́рꙋ ᲂу҆лᲂви́вше , бжⷭ҇твеннаѧ глаго́лахꙋ . тѣ́мъ и҆ мы̀ вᲂпїе́мъ ти , и҆́же на землѝ ꙗ҆вле́исѧ , и҆ ѿ ле́сти спасы́и на́съ , гдⷭ҇и сла́ва тебѣ̀ .

та́же , нн҃ѣ ѿпꙋща́еши . трⷭ҇то́е , и҆ по ѻ҆́ч҃е на́шъ . трᲂпа́рь , пра́здникꙋ . є҆ктенїѧ̀ .= и҆ =ѿпꙋ́стъ .

Въ четверто́къ , н҃ ѧ , нлⷣи . на ᲂу҆́трени , на бг҃ъ гдⷭ҇ь , трᲂпа́рь , пра́здникꙋ , гⷤ . =По а҃ , стихᲂло́гїи , сѣда́ленъ . гла́съ , а҃ . Вкꙋ́пѣ пᲂю̀ и҆ сла́влю и҆ чтꙋ́ тѧ , со ѻ҆ц҃е́мъ сн҃а и҆ прест҃а́гѡ дх҃а . хвалю̀ бжⷭ҇тво̀ , раздѣле́но со́бьствы . си́це бо та́кѡ хрⷭ҇то́вы а҆пⷭ҇лы и҆спо́лни нынѣ , и҆ во все́мъ ми́рѣ прᲂпᲂвѣ́дати ᲂу҆мꙋдрѝ . =сла́ва , и҆ ны́нѣ , то́йже .

По в҃ , стихᲂло́гїи , сѣда́ленъ . гла́съ , и҃ . Сп҃сᲂвы рачи́телїе , ра́дᲂсти и҆спо́лнишасѧ , и҆ дерзнᲂве́нїе прїѧ́ша , ни ѡ҆че́мъ же бᲂѧ́щесѧ , ꙗ҆́кѡ дх҃ъ ст҃ы́и дне́сь с̾вы́ше сни́де в̾ до́мъ , и҆дѣ́же бѧ́хꙋ ᲂу҆ченицы̀ . и҆ є҆ди́нъ дрꙋга́ѧ гл҃аше к̾ лю́демъ , ꙗ҆зы́ки бо раздѣли́шасѧ ви́димѡ ꙗ҆́кѡ ѻ҆́гнени , и҆ си́хъ не ѡ҆палѝ , но па́че ѡ҆рᲂсѝ . сла́ва , и҆ ны́нѣ , то́йже . та́же , ѱало́мъ , н҃ . кано́нъ , пра́здникꙋ , гла́съ , з҃ . со і҆рмᲂсо́мъ на́ и҃ .= и҆ въ минѣ́и , на д҃ . а҆́щели слꙋчи́тсѧ , вели́кᲂмꙋ ст҃о́мꙋ . =пᲂе́мъ : кано́нъ , пра́здникꙋ , со і҆рмᲂсо́мъ на́ ѕ҃ . и҆ ст҃о́мꙋ , на́ ѕ҃ .= с=вѣти́ленъ , пра́здникꙋ , вⷤ .

На стихо́внѣ , стихѣ́ры . гла́съ , ѕ҃ . поⷣ . в̾ =тре́тїи де́нь . Д=х҃ъ прест҃ы́и ,꙳ ѻ҆ц҃ꙋ є҆динᲂсꙋ́щенъ и҆ сло́вꙋ ,꙳ наше́дъ на ᲂу҆ченикѝ ,꙳ ѻ҆́гнены бре́нныхъ сᲂдѣ́ла ꙗ҆зы́ки ,꙳ прᲂсвѣща́ѧ бжⷭ҇твенᲂю бл҃гᲂда́тїю .

сти́хъ : се́рдце чи́сто сᲂзи́жди во мнѣ̀ бж҃е ,꙳ и҆ дх҃ъ пра́въ ѡ҆бнᲂвѝ во ᲂу҆тро́бѣ мо́ей . Дх҃ъ ст҃ы́и ѡ҆бнᲂвѝ в̾ на́съ бж҃е ,꙳ є҆го́же дре́вле ꙳ пᲂсла̀ ᲂу҆ченико́мъ свᲂи́мъ ще́дре ,꙳ и҆ ᲂу҆крѣпи́лъ є҆сѝ и҆спо́лнити въ ми́рѣ ,꙳ твᲂѧ̀ спаси́тельнаѧ хᲂтѣ́нїѧ .

сти́хъ : не ѿве́рзи менѐ ѿ лица̀ твᲂегѡ̀ ,꙳ и҆ дх҃а твᲂегѡ̀ ст҃а́гѡ не ѿи҆мѝ ѿ менѐ . Гл҃авыи во прᲂро́цѣхъ и҆нᲂгда̀ ᲂу҆тѣ́шителю ,꙳ сᲂдѣ́ла и҆ ны́нѣ нб҃са̀ ,꙳ вѣща́ющихъ сла́вꙋ бж҃їю ,꙳ бжⷭ҇твеныѧ а҆пⷭ҇лы ,꙳ и҆́миже пᲂда́ждь на́мъ ѡ҆чище́нїе и҆ ве́лїю млⷭ҇ть .

сла́ва , и҆ нн҃ѣ . гла́съ , в҃ . Во дво́рѣхъ твᲂи́хъ гдⷭ҇и вѣ́рнїи , кᲂлѣ́на дш҃ъ и҆ тѣле́съ прекло́нше , вᲂспѣва́емъ тѧ без̾нача́льна ѻ҆ц҃а , и҆ сᲂбез̾нача́льна сн҃а , и҆ сᲂпрⷭ҇нᲂсꙋ́щна всест҃а́гѡ дх҃а , прᲂсвѣща́юща и҆ ѡ҆сщ҃а́юща дш҃а на́ша .

та́же , бл҃го є҆́сть . и҆ ча́съ , а҃ . и҆ ѿпꙋ́стъ .

На бл҃же́ннах̾ , трипѣ́снец̾ . твᲂре́нїе і҆ѡ́сифᲂво , гла́съ , д҃ . пѣ́снь , д҃ . і҆рмо́съ . сѣдѧ́и во сла́вѣ .

во црⷭ҇твїи сѝ є҆гда̀ прїи́деши , пᲂмѧнѝ на́съ гдⷭ҇и . бл҃же́ни ни́щїи дх҃ᲂмъ ,꙳ ꙗ҆́кѡ тѣ́хъ є҆́сть црⷭ҇тво нбⷭ҇нᲂе . И҆́стиннагѡ ѻ҆бѣтᲂва́нїѧ , пред̾ᲂу҆зако́ ненїе и҆спо́лнисѧ , свѣтᲂно́снаѧ бл҃гᲂда́ть , пѧть десѧ́тницею прїи́де , ᲂу҆тѣ́шителева сла́ва ꙗ҆ви́сѧ зᲂвꙋ́щимъ , сла́ва хрⷭ҇тѐ си́лѣ твᲂе́й .

бл҃же́ни пла́чꙋщїи ,꙳ ꙗ҆́кѡ ті́и ᲂу҆тѣ́шатсѧ . Непᲂсти́жимъ є҆́сть дх҃ъ всест҃ы́и , прехо́дитъ всѧ́къ ᲂу҆́мъ , и҆ смы́сла ско́рᲂсть , ꙗ҆́кѡ вѣко́въ всѣ́хъ дре́внѣйшїи , ꙗ҆́кѡ ѻ҆ц҃ꙋ и҆ є҆динᲂро́днᲂмꙋ сн҃ꙋ с̾чинѧ́емь .

бл҃же́ни кро́тцыи ,꙳ ꙗ҆́кѡ ті́и наслѣ́дѧтъ зе́млю . Неначина́емъ є҆́же бы́ти , и҆ непрестава́емъ по́слѣжде , но при́снѡ сы́и , пꙋчи́на бᲂга́тства неи҆змѣ́рима , всеси́льныи дх҃ъ приснᲂсꙋ́щныи , ѻ҆ц҃ꙋ и҆ є҆динᲂро́днᲂмꙋ сн҃ꙋ с̾прᲂславлѧ́етсѧ .

бл҃же́ни а҆́лчꙋщїи и҆ жа́ждꙋщїи пра́вды ,꙳ ꙗ҆́кѡ ті́и насы́тѧтсѧ . боⷢ҇ . Ѡ҆сѣнѝ на тѧ̀ дх҃ъ всест҃ы́и , всест҃а́ѧ ѻ҆трᲂкᲂви́це , тебѐ бг҃ᲂлѣ́пнѡ пребыва́ лище , вᲂплᲂще́нїе сн҃а сᲂдѣ́лᲂваѧ краснѡ̀ , и҆ нб҃съ вы́шши .

пѣ́снь , и҃ . і҆рмо́съ . и҆зба́вителю всѣ́хъ .

бл҃же́ни млⷭ҇тивїи ,꙳ ꙗ҆́кѡ ті́и пᲂми́лᲂвани бꙋ́дꙋтъ . Печа́ли мглꙋ̀ разсы́пли пребл҃гі́и , ᲂу҆тѣ́ шительствᲂмъ твᲂи́мъ , бл҃гᲂчⷭ҇тнѡ пᲂю́щихъ тѧ и҆ вѣ́рнѡ вᲂпїю́щихъ , бл҃гᲂслᲂви́те всѧ̀ дѣ́ла гдⷭ҇нѧ гдⷭ҇а .

бл҃же́ни чⷭ҇тїи срⷣцемъ ,꙳ ꙗ҆́кѡ ті́и бг҃а ᲂу҆́зрѧтъ . И҆́же хᲂтѣ́нїемъ твᲂи́мъ дарᲂва́нїѧ раздава́ѧ , и҆́мже хо́щеши ᲂу҆тѣ́шителю , и҆́же тебѐ бг҃а зна́ющимъ , твᲂю̀ бл҃гᲂда́ть пᲂда́ждь вѣ́рᲂю вᲂпїю́щимъ , бл҃гᲂслᲂви́те всѧ̀ дѣ́ла гдⷭ҇нѧ гдⷭ҇а .

бл҃же́ни мирᲂтво́рцы ,꙳ ꙗ҆́кѡ ті́и сн҃ᲂве бж҃їи нарекꙋ́тсѧ . Ꙗ҆́кѡ бг҃ъ и҆́стиненъ ᲂу҆тѣ́шитель , пᲂклᲂнѧ́емь є҆́сть вѣ́рнѡ и҆ слꙋ́жимъ , и҆́же бл҃гᲂче́стнѡ сла́вѧщими , и҆ вᲂпїю́щими непре ста́ннѡ , бл҃гᲂслᲂви́те всѧ̀ дѣ́ла гдⷭ҇нѧ гдⷭ҇а .

бл҃же́ни и҆з̾гна́ни пра́вды ра́ди ,꙳ ꙗ҆́кѡ тѣ́хъ є҆́сть црⷭ҇тво нбⷭ҇нᲂе . боⷢ҇ . Ꙗ҆́же бг҃а вᲂплᲂще́нна рᲂди́вшаѧ , страсте́й мᲂи́хъ ᲂу҆тᲂлѝ мѧте́жь , и҆ дш҃ꙋ мᲂю̀ прᲂсвѣтѝ , спᲂдо́бивши пѣ́ти , бл҃гᲂслᲂви́те всѧ̀ дѣ́ла гдⷭ҇нѧ гдⷭ҇а .

пѣ́снь , ѳ҃ . і҆рмо́съ . є҆́вва ᲂу҆́бѡ недꙋ́гᲂмъ .

бл҃же́ни є҆стѐ є҆гда̀ пᲂно́сѧтъ ва́мъ , и҆ и҆зже нꙋ́тъ вы̀ , и҆ рекꙋ́тъ всѧ́къ ѕо́лъ гл҃ъ ,꙳ навы̀ лжꙋ́ще менѐ ра́ди . Дх҃а бжⷭ҇твеныи да́ръ и҆злїѧ́сѧ , на всѧ́кꙋ вѣ́рᲂвавшꙋю пло́ть , ꙗ҆́кᲂже дре́вле пррⷪ҇къ зри́тельнѣ ра́дꙋѧсѧ пред̾вᲂзвѣстѝ . мы́ же пред̾рече́нныхъ ны́нѣ сбытїѐ зрѧ́ще прᲂсвѣща́емсѧ .

ра́дꙋйтесѧ и҆ весели́тесѧ ,꙳ ꙗ҆́кѡ мзда̀ ва́ша мно́га на́ нб҃сѣхъ . Твᲂѧ̀ бг҃ᲂгла́сныѧ ᲂу҆ченикѝ , и҆спо́лнилъ є҆сѝ сп҃се всест҃а́гѡ дх҃а . ми́рꙋ же си́хъ ꙗ҆́кѡ лꙋчѝ , свѣ́тъ бл҃гᲂче́стїѧ ѡ҆сщ҃а́ющихъ , пᲂсла́лъ є҆сѝ ꙗ҆́кѡ влⷣка и҆ гдⷭ҇ь . тѣ́мже тѧ̀ всѝ велича́емъ .

сла́ва . Ѻ҆́гнь дх҃о́вныи ѡ҆чисти́лище , ᲂу҆ченико́въ ѡ҆рᲂсѝ срⷣца̀ . и҆ палѧ́ща рᲂса̀ с̾ нб҃сѐ , сло́ва самᲂви́децъ прᲂсвѣтѝ . ми́рꙋ бг҃ᲂразꙋ́мїе сїѧ́ющее , тро́ичнᲂе пᲂсла́вши .

и҆ ны́нѣ , боⷢ҇ . Ѿ ст҃а́гѡ дх҃а чи́стаѧ зачала̀ є҆сѝ , и҆́же без̾лѣ́тнѡ вᲂсїѧ́вшагѡ сло́ва и҆з̾ нерᲂжде́на ѻ҆ц҃а . и҆ сегѡ̀ вᲂплᲂти́вшасѧ рᲂдила̀ є҆сѝ , ра́ди кра́йнѧгѡ чл҃кᲂлю́бїѧ и҆ бл҃гᲂсти , бг҃ᲂрᲂди́тельнице мт҃и дв҃о .

Въ то́йже , четверто́къ , ве́черъ . на гдⷭ҇и вᲂзва́хъ , стихѣ́ры , пра́здникꙋ , г҃ . гла́съ , д҃ . поⷣ . да́лъ є҆сѝ зна́менїе .= Д=не́сь на́йде прест҃а́гѡ твᲂегѡ̀ дх҃а ꙳ гдⷭ҇и дѣ́йствїе на а҆пⷭ҇лы ,꙳ и҆ премꙋ́дры пᲂказа̀ ꙳ бг҃ᲂразꙋ́мїемъ ,꙳ и҆ и҆спо́лни и҆́хъ бл҃же́ннагѡ ᲂу҆че́нїѧ твᲂегѡ̀ .꙳ тѣ́мже твᲂѐ спасе́нᲂе смᲂтре́нїе сла́вимъ ,꙳ і҆с҃е всеси́льне ,꙳ сп҃се дш҃а́мъ на́шимъ . Дне́сь дх҃ъ тво́й всеси́льныи влⷣко ,꙳ ѿ ѻ҆ц҃а пᲂсыла́етсѧ ,꙳ тебѣ̀ є҆динᲂсꙋ́щныи ,꙳ во ѻ҆́гненыхъ ꙗ҆зы́цѣхъ ,꙳ пᲂда́ти же вели́чїѧ твᲂѧ̀ ,꙳ гл҃ати а҆пⷭ҇лъ твᲂи́хъ ᲂу҆стро́й .꙳ тѣ́мже спасе́нᲂе твᲂѐ смᲂтре́нїе сла́вимъ ,꙳ і҆с҃е всеси́льне ,꙳ сп҃се дш҃а́мъ на́шимъ . Дне́сь и҆злїѧ́лъ є҆сѝ ,꙳ ᲂу҆тѣ́шителѧ твᲂегѡ̀ дх҃а , ꙳ сп҃се дарᲂва́нїѧ ,꙳ пᲂда́въ чл҃ческᲂмꙋ є҆стествꙋ̀ прᲂро́ чествᲂвати ,꙳ ꙗ҆́кᲂже пре́жде ре́клъ є҆сѝ сло́ве ,꙳ и҆ трⷪ҇цѣ пᲂклᲂнѧ́тисѧ нераздѣ́льнѡ ты̀ наказа́л̾ є҆сѝ .꙳ тѣ́мже твᲂѐ спаси́тельнᲂе смᲂтре́нїе сла́ вимъ ,꙳ і҆с҃е всеси́льне ,꙳ сп҃се дш҃а́мъ на́шимъ .

та́же , стихѣ́ры , в̾ минѣ́и , г҃ . сла́ва , и҆ ны́нѣ . гла́съ , в҃ . Трⷪ҇цꙋ є҆динᲂсꙋ́щнꙋю пѣснᲂсло́вимъ , ѻ҆ц҃а и҆ сн҃а со ст҃ы́мъ дх҃ᲂмъ . сїю́ бо прᲂпᲂвѣ́даша всѝ прᲂро́цы , и҆ а҆пⷭ҇ли съ мꙋ́ченики .

На стихо́внѣ , стихѣ́ры . гла́съ , а҃ . поⷣ . нбⷭ҇нымъ чино́мъ .= М=ѡѷсе́й и҆́же на гᲂрѣ̀ ,꙳ сꙋ́щагѡ ѻ҆гне́мъ ви́дѣ ,꙳ но и҆ бг҃ᲂви́дцемъ и҆ мꙋ́дрымъ а҆пⷭ҇лѡмъ ,꙳ дх҃ъ ѻ҆гнезра́чнагѡ схо́дитъ ны́нѣ , та́кᲂже прᲂсвѣща́ѧ ,꙳ ꙗ҆́кᲂже є҆ди́нъ бг҃ъ гл҃авыи тᲂгда̀ ,꙳ и҆ ны́нѣ в̾ то́мъ же є҆стествѣ̀ .

сти́х̾ : срⷣце чи́сто сᲂзи́жди во мнѣ̀ бж҃е ,꙳ и҆ дх҃ъ пра́въ ѡ҆бнᲂвѝ во ᲂу҆тро́бѣ мо́ей . Ѻ҆́гнеными ꙗ҆зы́ки бг҃ᲂгл҃ивїи ,꙳ и҆ кр҃ще́нїем̾ бжⷭ҇твенымъ ꙳ и҆́же в̾ вᲂдѣ̀ , гл҃ющихъ ри́тᲂрѡвъ блѧ́ди без̾бо́жныхъ ,꙳ ѻ҆гне́мъ дх҃о́внымъ пᲂпали́ша .꙳ но прᲂсвѣще́нїемъ ᲂу҆тѣ́шителю и҆ на́съ прᲂсвѣтѝ ,꙳ є҆́же вѣ́рнѡ бг҃ᲂсло́вѧщихъ тѧ̀ .

сти́хъ : не ѿве́рзи менѐ ѿ лица̀ твᲂегѡ̀ ,꙳ и҆ дх҃а твᲂегѡ̀ ст҃а́гѡ не ѿи҆мѝ ѿ менѐ . И҆́же в̾ пещѝ бж҃е мо́й тебѣ̀ пᲂслꙋжи́вшихъ ,꙳ прїе́мшихъ ꙳ дᲂблество̀ ,꙳ и҆ ꙗ҆́же ве́щи не и҆зрече́ннѡ ꙗ҆́кᲂже дре́вле невеще́ственымъ ѻ҆гне́мъ ,꙳ ѡ҆бнᲂвлѧ́е ши ѡ҆пале́нїемъ дх҃а , ꙳ ꙗ҆́кѡ мно́го пѣва́емь є҆сѝ ,꙳ и҆ чꙋ́денъ в̾ дѣ́лѣхъ твᲂи́хъ сла́ва тебѣ̀ .

сла́ва , и҆ ны́нѣ . гла́съ , з҃ . Оу҆тѣ́шителѧ и҆мꙋ́ще ко ѻ҆ц҃ꙋ хрⷭ҇та̀ бг҃а , и҆ ᲂу҆тѣ́шителю и҆но́мꙋ прише́дшꙋ к̾ на́мъ на́ землю дне́сь , дх҃ꙋ ст҃о́мꙋ вѣ́рᲂю пᲂклᲂни́мсѧ [пᲂкло́н̾] .

та́же , нн҃ѣ ѿпꙋща́еши . трⷭ҇то́е , и҆ по ѻ҆́ч҃е на́шъ . трᲂпа́рь , пра́здникꙋ . є҆ктенїѧ̀ .= и҆ =ѿпꙋ́стъ .

Въ пѧто́къ , н҃ ѧ , нлⷣи . на ᲂу҆́трени , на бг҃ъ гдⷭ҇ь , трᲂпа́рь , пра́здникꙋ , гⷤ . =По а҃ , стихᲂло́гїи , сѣда́ленъ . гла́съ , а҃ . Сѐ пррⷪ҇ческаѧ и҆спо́лнишасѧ прᲂрече́нїѧ , и҆́же си́хъ зарѧ́ми мглꙋ̀ пᲂкры́лъ є҆сѝ , бꙋ́дꙋщихъ сказа́нїи , ꙗ҆́кѡ бг҃ъ и҆ ᲂу҆тѣ́ши тель , ны́нѣ и҆злива́етсѧ а҆пⷭ҇лѡмъ бᲂга́тнѡ . си́хъ же ра́ди и҆ вѣ́рнѡ пᲂклᲂнѧ́ющимсѧ трⷪ҇цѣ несᲂзда́ннѣй . =сла́ва , и҆ ны́нѣ , то́йже .

По в҃ , стихᲂло́гїи , сѣда́ленъ . гла́съ , и҃ . Прест҃ы́и дх҃ъ ны́нѣ сᲂше́дъ на а҆пⷭ҇лы , видѣ́нїемъ ѻ҆гнѧ̀ , ᲂу҆дивле́нїѧ и҆спо́лни ꙗ҆зы́ческаѧ сᲂвᲂкꙋпле́нїѧ . ꙗ҆зы́ки бо ѻ҆́гнеными гл҃ющихъ чл҃кᲂлю́бче , свᲂи́мъ ко́ждо ꙗ҆зы́кѡмъ слы́шахꙋ . тѣ́мже и҆ чꙋ́до невѣ́рнымъ ꙗ҆́кѡ пїѧ́нство , вѣ́рнымъ же спасе́нїе вᲂи́стинꙋ пᲂзнава́шесѧ . сегѡ̀ ра́ди сла́вимъ держа́вꙋ твᲂю̀ хрⷭ҇тѐ бж҃е , сᲂгрѣше́нїемъ ѡ҆ставле́нїе прᲂсѧ́ще , низ̾пᲂсла́ти рабо́мъ твᲂи́мъ . сла́ва , и҆ ны́нѣ , то́йже .

та́же , ѱало́мъ , н҃ . кано́нъ , пра́здникꙋ , гла́съ , д҃ . со і҆рмᲂсо́мъ на́ и҃ .= и҆ въ минѣ́и , на д҃ . а҆́щели слꙋчи́тсѧ , вели́кᲂмꙋ ст҃о́мꙋ . =пᲂе́мъ : кано́нъ , пра́здникꙋ , со і҆рмᲂсо́мъ на́ ѕ҃ . и҆ ст҃о́мꙋ , на́ ѕ҃ .= с=вѣти́ленъ , пра́здникꙋ .

На стихо́внѣ , стихѣ́ры . гла́съ , ѕ҃ . поⷣ . в̾ =тре́тїи де́нь . Д=х҃а всест҃а́гѡ ,꙳ и҆́же со ѻ҆ц҃е́мъ пѣва́ема гѡ ,꙳ и҆ с̾ сн҃ᲂмъ же вᲂспᲂе́мъ вѣ́рнїи ,꙳ пᲂкла нѧ́ющесѧ непреста́ннѡ ,꙳ трⷪ҇цꙋ прест҃ꙋ́ю ,꙳ бг҃а лю́дїе сла́вимъ .

сти́хъ : се́рдце чи́сто сᲂзи́жди во мнѣ̀ бж҃е ,꙳ и҆ дх҃ъ пра́въ ѡ҆бнᲂвѝ во ᲂу҆тро́бѣ мо́ей . Тебѐ дх҃а ᲂу҆тѣ́шителѧ ,꙳ вѣ́рнѡ вᲂсхвалѧ́емъ ,꙳ со сщ҃е́н ными и҆ бжⷭ҇твеными а҆пⷭ҇лы ,꙳ в̾ тре́тїи бо ча́съ ми́ръ ѡ҆бѣща́въ ,꙳ ѿ ѻ҆ц҃а свѣ́тᲂмъ ст҃ы́и .

сти́хъ : не ѿве́рзи менѐ ѿ лица̀ твᲂегѡ̀ ,꙳ и҆ дх҃а твᲂегѡ̀ ст҃а́гѡ не ѿи҆мѝ ѿ менѐ . Трⷪ҇це ст҃а́ѧ сла́ва тебѣ̀ ,꙳ в̾ пѣ́снѣхъ пᲂклᲂнѧ́юсѧ трⷪ҇чески ,꙳ ѻ҆ц҃ꙋ и҆ дх҃ꙋ пра́вᲂмꙋ с̾ сн҃ᲂмъ ,꙳ и҆ пᲂѧ̀ тебѐ трⷪ҇це бжⷭ҇твеннѡ ,꙳ дᲂстᲂдо́лжнѡ вѣ́рнѡ пᲂчита́ю .

сла́ва , и҆ нн҃ѣ . гла́съ , и҃ . Є҆гда̀ дх҃ъ тво́й пᲂсла́лъ є҆сѝ гдⷭ҇и , сѣдѧ́щимъ а҆пⷭ҇лѡмъ , тᲂгда̀ и҆ є҆вре́йскїѧ дѣ́ти зрѧ́ще си́хъ , ᲂу҆жаса́хꙋсѧ стра́хᲂмъ , слы́шахꙋ ᲂу҆́бѡ и҆́хъ глаго́люща и҆нѣ́ми ꙗ҆зы́ки , ꙗ҆́кᲂже дх҃ъ пᲂдаѧ́ше и҆́мъ . некни́жни бо сꙋ́ще ᲂу҆мꙋдри́шасѧ , и҆ ꙗ҆зы́ки в̾ вѣ́рꙋ ᲂу҆лᲂви́вше , бжⷭ҇твеннаѧ глаго́лахꙋ . тѣ́мъ и҆ мы̀ вᲂпїе́мъ ти , и҆́же на землѝ ꙗ҆вле́исѧ , и҆ ѿ ле́сти спасы́и на́съ , гдⷭ҇и сла́ва тебѣ̀ .

та́же , бл҃го є҆́сть . и҆ ча́съ , а҃ . и҆ ѿпꙋ́стъ .

На бл҃же́ннахъ , трипѣ́снецъ . гла́съ , є҃ . пѣ́снь , є҃ . і҆рмо́съ . ѡ҆дѣѧ́исѧ свѣ́тᲂмъ .

во црⷭ҇твїи сѝ є҆гда̀ прїи́деши , пᲂмѧнѝ на́съ гдⷭ҇и . бл҃же́ни ни́щїи дх҃ᲂмъ ,꙳ ꙗ҆́кѡ тѣ́хъ є҆́сть црⷭ҇тво нбⷭ҇нᲂе . И҆схᲂдѧ́щаго ѿ без̾нача́льна ѻ҆ц҃а несꙋмѣ́ннѡ , на́ сн҃ѣ же пᲂчива́ющаго прест҃а́го д́х҃а , вѣ́рнїи славᲂсло́вимъ .

бл҃же́ни пла́чꙋщїи ,꙳ ꙗ҆́кѡ ті́и ᲂу҆тѣ́шатсѧ . Ѻ҆бнᲂвлѧ́ющагѡ срⷣца̀ на́ша , и҆ назида́ющагѡ и҆ ѡ҆сщ҃а́ющагѡ , в̾ нѧ́же вселѧ́етсѧ , со а҆пⷭ҇лы свѣ́тлѡ вᲂспрїи́мемъ .

бл҃же́ни кро́тцыи ,꙳ ꙗ҆́кѡ ті́и наслѣ́дѧтъ зе́млю . Неи҆зрече́ннѡ си́льнагѡ и҆ всеси́льнагѡ , є҆́же и҆стлѣ́вшихъ ѡ҆бнᲂвлѧ́ющагѡ , и҆ прᲂсвѣща́ю щагѡ всѣ́хъ , всест҃а́гѡ дх҃а ꙗ҆́снѡ бл҃гᲂсло́вим̾ .

бл҃же́ни а҆́лчꙋщїи и҆ жа́ждꙋщїи пра́вды ,꙳ ꙗ҆́кѡ ті́и насы́тѧтсѧ . боⷢ҇ . Гᲂро̀ ꙗ҆́вьственаѧ , гᲂро̀ присѣ́ннаѧ , тꙋчна́ѧ гᲂро̀ и҆ ᲂу҆сыре́ннаѧ , ю҆́же бг҃ъ вᲂзлюбѝ , ст҃а́ѧ дв҃о спасѝ рабы̀ свᲂѧ̀ .

пѣ́снь , и҃ . і҆рмо́съ . тебѣ̀ вседѣ́телю .

бл҃же́ни млⷭ҇тивїи ,꙳ ꙗ҆́кѡ ті́и пᲂми́лᲂвани бꙋ́дꙋтъ . Пребыва́нїе бы́вшихъ всѣ́хъ , ты̀ є҆сѝ ᲂу҆тѣ́шителю и҆ сᲂблюде́нїе , спаса́й и҆́же вѣ́рᲂю тебѐ пᲂю́щихъ .

бл҃же́ни чⷭ҇тїи срⷣцемъ ,꙳ ꙗ҆́кѡ ті́и бг҃а ᲂу҆́зрѧтъ . Раздаѧ́нїе нетлѣ́нныхъ даро́въ , и҆ бл҃гᲂда́ти пꙋчи́на , и҆ бᲂга́тство неи҆з̾глаго́лемо , ты̀ є҆сѝ д́ш҃е бжⷭ҇твеныи и҆ ст҃ы́и , и҆ тѧ̀ пᲂе́мъ и҆ превᲂзно́симъ во́ вѣки .

бл҃же́ни мирᲂтво́рцы ,꙳ ꙗ҆́кѡ ті́и сн҃ᲂве бж҃їи нарекꙋ́тсѧ . Живᲂнача́льнꙋю и҆ живᲂно́снꙋю бл҃гᲂда́ть , ѡ҆бнᲂвлѧ́ющїи в̾ на́съ дᲂхнᲂве́нїемъ , дх҃ъ бжⷭ҇твеныи и҆ ст҃ы́и , пᲂе́мъ и҆ превᲂзно́симъ во́ вѣки .

бл҃же́ни и҆з̾гна́ни пра́вды ра́ди ,꙳ ꙗ҆́кѡ тѣ́хъ є҆́сть црⷭ҇тво нбⷭ҇нᲂе . боⷢ҇ . Сᲂдѣ́тель бж҃їѧ премꙋ́дрᲂсть , тѣ́ла хра́мъ и҆з̾ тебѐ дв҃о сᲂзда̀ , спаса́й и҆́же вѣ́рᲂю тебѐ всечⷭ҇таѧ чтꙋ́щихъ , и҆ превᲂзно сѧ́щихъ во всѧ̀ вѣ́ки .

пѣ́снь , ѳ҃ . і҆рмо́съ . і҆са́їе ликꙋ́й .

бл҃же́ни є҆стѐ є҆гда̀ пᲂно́сѧтъ ва́мъ , и҆ и҆зже нꙋ́тъ вы̀ , и҆ рекꙋ́тъ всѧ́къ ѕо́лъ гл҃ъ ,꙳ навы̀ лжꙋ́ще менѐ ра́ди . На́шъ нача́тᲂкъ ко ѻ҆ц҃ꙋ твᲂемꙋ̀ сп҃се прине́слъ є҆сѝ . и҆ є҆стества̀ бжⷭ҇твенагѡ бᲂга́тство во́здавъ на́мъ . пᲂсла́лъ є҆сѝ бл҃гі́и и҆ жизнᲂтвᲂри́выи дх҃ъ ст҃ы́и , и҆ сᲂбезнача́льныи тебѣ̀ влⷣко .

ра́дꙋйтесѧ и҆ весели́тесѧ ,꙳ ꙗ҆́кѡ мзда̀ ва́ша мно́га на́ нб҃сѣхъ . Нача́тᲂкъ бжⷭ҇тва̀ ны́нѣ да́рꙋетъ , є҆стествꙋ̀ пе́рстнᲂмꙋ дх҃ъ ѻ҆те́чь , и҆ є҆динᲂро́днᲂмꙋ не ѿчꙋжа́емыи . но сбыва́ѧ ꙗ҆́кѡ є҆динᲂесте́ственъ , и҆ є҆динᲂсꙋ́щенъ , и҆ є҆ди нᲂче́стенъ и҆ сᲂпрⷭ҇то́ленъ .

сла́ва . Нб҃са̀ пᲂказа́лъ є҆сѝ сп҃се , бжⷭ҇твеныѧ свᲂѧ̀ ᲂу҆ченикѝ , гл҃ющихъ ꙗ҆зы́ки ѻ҆́гнеными , твᲂѐ є҆́же к̾ на́мъ стра́шнᲂе схᲂжде́нїе . ны́нѣ на ни́хъ свѣтᲂтво́рнᲂе пᲂсыла́ѧ дѣ́йство , с̾ нб҃сѐ ᲂу҆тѣ́шителю .

и҆ ны́нѣ , боⷢ҇ . Ст҃а́гѡ дх҃а бцⷣе бы́сть черто́гъ , и҆з̾ неѧ́же сᲂдѣ́тель сло́во ѻ҆́ч҃ее про́йде ꙗ҆́кѡ чл҃къ , и҆ в̾ на́съ пᲂжи́въ , ны́нѣ ꙗ҆вѝ трⷪ҇цы пᲂзна́нїе .

Въ то́йже , пѧто́къ , ве́черъ . на вече́рни гл҃емъ , кафи́смꙋ , рѧдᲂвꙋ́ю . на гдⷭ҇и вᲂзва́хъ , стихѣ́ры , пра́здникꙋ , на́ ѕ҃ . и҆́хже пѣ́хᲂмъ на са́мыи пра́здникъ . сла́ва , и҆ ны́нѣ , пра́здникꙋ . прᲂки́менъ , дню̀ . вы́хᲂда нетвᲂри́мъ , ни паремі́й нечте́мъ . ни литі́и пᲂе́мъ . по прᲂки́мнѣ гл҃емъ , спᲂдо́би гдⷭ҇и в̾ ве́черъ . пᲂсе́мъ є҆ктенїѧ̀ : и҆спо́лнимъ вече́рнїѧ мл҃твы . та́же , стихо́вна , пра́здникꙋ . по ны́нѣ ѿпꙋща́еши , и҆ по трⷭ҇то́мъ , трᲂпа́рь , пра́здникꙋ , аⷤ . та́же , є҆ктенїѧ̀ : пᲂми́лꙋй на́съ бж҃е . и҆ ѿпꙋ́стъ . Рѧдᲂва́го же ст҃а́гѡ слꙋ́жбꙋ пᲂе́мъ на па́вечерницѣ .

на па́вечерницѣ , по дᲂсто́йнѣ , и҆ по трⷭ҇то́мъ , кᲂнда́къ , пра́здникꙋ . и҆ про́чее ѡ҆бы́чно .

на ᲂу҆́трени , на бг҃ъ гдⷭ҇ь , трᲂпа́рь , пра́здникꙋ , гⷤ .= по кафи́смахъ , сѣда́льны , пра́здникꙋ . =кано́нъ , =пра́здникꙋ , пе́рвыи со і҆рмᲂсо́мъ , на́ и҃ . і҆рмᲂсы̀ , по в҃ . а҆ дрꙋгі́и со і҆рмᲂсо́мъ , на́ ѕ҃ . =катава́сїѧ : бжⷭ҇твенымъ пᲂкрᲂве́нъ , ѻ҆́ба ли́ка в̾кꙋ́пѣ . по г҃ , пѣ́сни , сѣда́ленъ , пра́здникꙋ , вⷤ . по ѕ҃ , пѣ́сни , кᲂнда́къ , и҆ и҆́кᲂсъ , пра́здникꙋ . на ѳ҃ , пѣ́сни , чⷭ҇тнѣ́йшꙋю , непᲂе́мъ . на схо́дѣ , пᲂе́мъ , і҆рмо́съ : ра́дꙋисѧ цр҃це . и҆ пᲂкло́н̾ до землѝ .= свѣти́ленъ , пра́здникꙋ , вⷤ . на хвали́тѣх̾ , стⷯры , пра́здникꙋ , на д҃ . сла́ва , и҆ ны́нѣ , пра́здникꙋ . славᲂсло́вїе вели́кᲂе . по трⷭ҇то́мъ , трᲂпа́рь , пра́здникꙋ . =та́же , є҆ктенїѝ . и҆ ѿпꙋ́стъ . и҆ ча́съ , а҃ и . и҆ кᲂне́чныи ѿпꙋ́стъ . на ча́сѣхъ , трᲂпа́рь , и҆ кᲂнда́къ , пра́здникꙋ .

Въ сꙋбо́тꙋ , н҃ ю . на бл҃же́ннахъ , четверо пѣ́снецъ . гла́съ , ѕ҃ . пѣ́снь , ѕ҃ . і҆рмо́съ . жите́йскагѡ мо́рѧ .

во црⷭ҇твїи сѝ є҆гда̀ прїи́деши ,꙳ пᲂмѧнѝ на́съ гдⷭ҇и . Сᲂдѣ́лалъ є҆сѝ пе́рвѣе во а҆́нг҃льскихъ во́инствѣхъ сщ҃е́нїе , да́рꙋѧ и҆ прᲂсвѣща́ѧ на́съ бжⷭ҇тва̀ мо́лнїѧми дх҃а ст҃а́гѡ , и҆ сᲂблюда́ѧ в̾ жили́ще сщ҃е́нства .

бл҃же́ни ни́щїи дх҃ᲂмъ ,꙳ ꙗ҆́кѡ тѣ́хъ є҆́сть црⷭ҇тво нбⷭ҇нᲂе . Прᲂро́ки пᲂказа́лъ є҆сѝ мᲂгꙋ́щїѧ прᲂзрѣ́ти , бꙋ́дꙋщихъ пред̾вѣ́дѣнїе . въ срⷣца́хъ си́хъ ꙗ҆́кѡ бл҃гъ все́льсѧ ᲂу҆тѣ́шителю , и҆ да́льнѧѧ прᲂзира́ти ᲂу҆стро́илъ є҆сѝ .

бл҃же́ни пла́чꙋщїи ,꙳ ꙗ҆́кѡ ті́и ᲂу҆тѣ́шатсѧ . Ѿ землѝ вᲂзнᲂси́ми , бжⷭ҇твеныхъ ра́ди дᲂбрᲂдѣ́телей хрⷭ҇то́вы а҆пⷭ҇ли , съ нб҃сѐ дх҃ъ влⷣчнїи прише́дши прїѧ́ша , и҆ бжⷭ҇тва̀ заре́ю прᲂсїѧ́ша .

бл҃же́ни кро́тцыи ,꙳ ꙗ҆́кѡ ті́и наслѣ́дѧтъ зе́млю . боⷢ҇ . Дх҃ъ ст҃ы́и сᲂше́дъ на тѧ̀ чи́стыи дв҃ства хра́мъ , сᲂдѣ́ла и҆з̾дале́ча пречи́стыи до́мъ , сн҃ꙋ вы́шнѧгѡ всебл҃же́ннаѧ .

пѣ́снь , з҃ . і҆рмо́съ . хладᲂда́тельнꙋ ᲂу҆́бѡ пе́щь .

бл҃же́ни а҆́лчꙋщїи и҆ жа́ждꙋщїи пра́вды ,꙳ ꙗ҆́кѡ ті́и насы́тѧтсѧ . Всевино́внагѡ ѻ҆ц҃а и҆ рᲂди́телѧ , и҆ є҆ди́нᲂгѡ пре́жде вѣ́къ сн҃а , и҆ прᲂисхо́дна ст҃а́гѡ дх҃а , вѣ́рнїи сᲂгла́снѡ сла́вимъ прⷭ҇нѡ , бл҃гᲂслᲂве́нъ бг҃ъ ѻ҆ц҃ъ на́шихъ .

бл҃же́ни млⷭ҇тивїи ,꙳ ꙗ҆́кѡ ті́и пᲂми́лᲂвани бꙋ́дꙋтъ . Оу҆тѣ́шитель сво́йство бжⷭ҇тва̀ нᲂсѧ̀ ны́нѣ прїи́де , а҆пⷭ҇лѡмъ бо во ѻ҆́гненыхъ ꙗ҆зы́цѣхъ бесѣ́дꙋѧ , бг҃ъ пᲂказа́сѧ ꙗ҆́вѣ . бл҃гᲂслᲂве́нъ бг҃ъ ѻ҆ц҃ъ на́шихъ .

бл҃же́ни чⷭ҇тїи срⷣцемъ ,꙳ ꙗ҆́кѡ ті́и бг҃а ᲂу҆́зрѧтъ . Нб҃са̀ прⷭ҇нѡ дви́жима є҆динᲂчⷭ҇тны́мъ дх҃ᲂмъ твᲂи́мъ , ᲂу҆тверди́лъ є҆сѝ ᲂу҆ченикѝ твᲂѧ̀ , тебѐ хрⷭ҇тѐ прᲂпᲂвѣ́дати , вели́кᲂе сл҃нце на́мъ ꙗ҆́снѡ вᲂсїѧ́вшее . бл҃гᲂслᲂве́нъ бг҃ъ ѻ҆ц҃ъ на́шихъ .

бл҃же́ни мирᲂтво́рцы ,꙳ ꙗ҆́кѡ ті́и сн҃ᲂве бж҃їи нарекꙋ́тсѧ . боⷢ҇ . Вᲂплᲂще́нїемъ сло́ва бжⷭ҇твеныи сᲂсꙋ́дъ чⷭ҇таѧ , дх҃ъ ст҃ы́и ѻ҆сѣни́ тѧ , бжⷭ҇твеныи кᲂвче́гъ свѣ́телъ сᲂдѣ́ла пречⷭ҇таѧ . блгⷭ҇ве́на ꙗ҆́же бг҃а пло́тїю рᲂди́вши .

пѣ́снь , и҃ . і҆рмо́съ . и҆с̾ пла́мени ст҃ы́мъ .

бл҃же́ни и҆з̾гна́ни пра́вды ра́ди ,꙳ ꙗ҆́кѡ тѣ́хъ є҆́сть црⷭ҇тво нбⷭ҇нᲂе . И҆з̾ ѻ҆ц҃а неи҆зрече́ннѡ и҆схᲂдѧ́ща , и҆ на́ сн҃ѣ неслїѧ́ннѡ пᲂчива́юща , дх҃а чⷭ҇тна́гѡ и҆ всеси́льнагѡ тѧ̀ превᲂзно́симъ во́ вѣки .

бл҃же́ни є҆стѐ є҆гда̀ пᲂно́сѧтъ ва́мъ , и҆ и҆зже нꙋ́тъ вы̀ , и҆ рекꙋ́тъ всѧ́къ ѕо́лъ гл҃ъ ,꙳ навы̀ лжꙋ́ще менѐ ра́ди . Дш҃е́вныхъ скве́рнъ на́съ ѡ҆чи́сти , грѣхо́внагѡ ка́ла на́съ ѡ҆мы́и . да́ждь на́мъ хрⷭ҇тѐ дх҃ъ пра́въ спасе́нїѧ ѡ҆бнᲂвлѧ́ющъ во всѧ̀ вѣ́ки .

ра́дꙋйтесѧ и҆ весели́тесѧ ,꙳ ꙗ҆́кѡ мзда̀ ва́ша мно́га на́ нб҃сѣхъ . И҆́же во грᲂбѣ́хъ сꙋ́щїѧ призыва́ѧ , и҆ лицѐ всеѧ̀ землѝ ѡ҆бнᲂвлѧ́ѧ , ꙗ҆́же на землѝ ᲂу҆́ды ᲂу҆мертвѝ , и҆́же тебѣ̀ пᲂклᲂнѧ́ющимсѧ во всѧ̀ вѣ́ки .

пᲂмѧнѝ на́съ гдⷭ҇и ,꙳ є҆гда̀ прїи́деши во црⷭ҇твїи сѝ .

боⷢ҇ . Нб҃о ꙗ҆ви́сѧ чⷭ҇таѧ земно́е , нбⷭ҇нᲂе сло́во во́ чрево вмѣсти́вши , сꙋ́щимъ и҆́же на землѝ пло́тїю прибли́жившесѧ . є҆го́же превᲂзно́симъ во́ вѣки .

пѣ́снь , ѳ҃ . і҆рмо́съ . бг҃а чл҃кѡмъ неꙋдо́бь .

пᲂмѧнѝ на́съ влⷣко ,꙳ є҆гда̀ прїи́деши во црⷭ҇твїи сѝ . Ѻ҆́гнеными ꙗ҆зы́ки , ꙗ҆́снѡ вѣща́юще ᲂу҆ченицы̀ . ле́сть и҆́дᲂльскꙋю пᲂпали́ша , вѣ́рныхъ же дш҃и ѡ҆зари́ша , свѣ́тлѣйшимъ бжⷭ҇твенымъ дѣ́йствᲂмъ ᲂу҆тѣ́шителѧ , прᲂѧвле́ннѡ прїе́мше .

пᲂмѧнѝ на́съ ст҃ы́и ,꙳ є҆гда̀ прїи́деши во црⷭ҇твїи сѝ . Чтⷭ҇аѧ прїѧ́телища бжⷭ҇твеныѧ бл҃гᲂда́ти , и҆ бжⷭ҇твеныѧ зарѝ нескве́рнаѧ зерца́ла , мꙋ́дрыѧ свᲂѧ̀ ᲂу҆ченикѝ пᲂказа́лъ є҆сѝ , бг҃ᲂнача́льнымъ дх҃а сїѧ́нїемъ , си́хъ пᲂсла́лъ є҆сѝ бл҃же ꙗ҆́кѡ мнᲂгᲂми́лᲂстивъ .

сла́ва . Оу҆лꙋчи́ти бжⷭ҇твенагѡ тѝ бл҃же́нства пѣвце́мъ , твᲂи́мъ прише́ствїемъ ᲂу҆тѣ́шителю , ꙗ҆́кѡ и҆сто́чникъ бл҃ги́хъ бл҃гᲂвᲂлѝ , всеѻ҆рꙋ́жныхъ даро́въ прича́стїѧ , ꙗ҆́кѡ бл҃гᲂвᲂли́тель пᲂдаѧ̀ є҆ди́не чл҃кᲂлю́бче .

и҆ ны́нѣ , боⷢ҇ . Бг҃а чл҃кѡмъ чⷭ҇таѧ примири́ла є҆сѝ па́че є҆стества̀ , є҆го́же и҆ на́мъ и҆схᲂда́таивши . тᲂбо́ю бо пречⷭ҇таѧ сᲂвᲂкꙋпѝ во є҆ди́но , и҆́же пре́жде растᲂче́нныѧ , нбⷭ҇нагѡ бжⷭ҇твенагѡ наслѣ́дїѧ , и҆ пи́щи спᲂдо́бихᲂмсѧ .

А҆нтифо́нᲂвъ же пра́здничныхъ не гл҃емъ . По вхо́дѣ , трᲂпа́рь , пра́здникꙋ . сла́ва , и҆ ны́нѣ , кᲂнда́къ , пра́здникꙋ . прᲂки́менъ , ѱл҃о́мъ дв҃дᲂвъ . во всю̀ зе́млю и҆зыдо́ша вѣща́нїе и҆́хъ , и҆ в̾ кᲂнцы̀ вселе́нныѧ гл҃ы и҆́хъ . сти́хъ : нб҃са̀ пᲂвѣ́даютъ сла́вꙋ бж҃їю , твᲂре́нїе же рꙋ́кꙋ є҆гѡ̀ вᲂз̾вѣща́етъ тве́рдь . а҆пⷭ҇лъ , къ ри́млѧнѡмъ . зача́ло , ѻ҃ѳ . а҆ллилꙋ́їѧ . слᲂвесе́мъ гдⷭ҇нимъ нб҃са̀ ᲂу҆тверди́шасѧ , и҆ дх҃ᲂмъ ᲂу҆́стъ є҆гѡ̀ всѧ̀ си́ла и҆́хъ . сти́хъ : съ нб҃сѐ призрѣ̀ гдⷭ҇ь , ви́дѣ всѧ̀ сы́ны чл҃ческїѧ . є҆ѵⷢ҇а́лїе , ѿ матѳе́ѧ . зача́ло , є҃і . прича́стенъ , дх҃ъ тво́й бл҃гі́и наста́витъ мѧ на́ землю пра́вꙋ . дрꙋгі́и , дх҃а твᲂегѡ̀ ст҃а́гѡ не ѿи҆мѝ ѿ на́съ , мо́лимтисѧ чл҃кᲂлю́бче .